Hawˇseˍ li‸ 8
8
Iˉsaˍreˍlaˆ chaw hui shaˉ ho‸ hta‸ oˉ kʼoˍ pui ve
1Gʼuiˬsha kʼoˆ ve, Behˬheh ma meuˆ loˬ. Awˬ lawn kʼo, canˇ paˍ teˇ hpaˍ aˉ ceˬ hkʼa shuˍ ya‸ la chehˇ ve yoˬ. Ngaˬ ve chaw teˇ hpaˍ lehˬ, ngaˬ yawˇ hui hta‸ te piˇ taˍ ve ka ti‸ tawˇ hkawˇ teˇ hpaˍ hta‸ te luˬleh, ngaˬ maˍ piˇ ve tawˇ teˇ hpaˍ hta‸ baˬ taˉ peuˬ. 2Yawˇ hui ngaˬ hta‸ yawˇ hui ve Gʼuiˬsha teh‸ kʼoˆ leh, ngaˬ hui lehˬ yawˇ hta‸ shiˍ ve chaw teˇ hpaˍ hpeh‸ ve yoˬ teh‸ kʼoˆ ve htawˇ, 3yawˇ hui lehˬ da‸ ve awˬ ceuˬ hta‸ baˬ taˉ peuˬ. Yawˇ hui chi hkʼe te ve pa taw, canˇ paˍ teˇ hpaˍ yawˇ hui hkʼaˇ suh gʼa‸ yuˬ tuˬ yoˬ.
4Ngaˬve chaw teˇ hpaˍ lehˬ, yawˇ hui hkʼaˇ yawˇ hui jawˇmawˇ hta‸ leuˆ yuˬ taˍ ve yoˬ. Chi hkʼe te ve lehˬ, yawˇ hui luˬ kʼai sheˆ kʼai tuˬ te chehˇ ve yoˬ. 5Saˍmaˍriˆ chaw hui shi nuˇ shaˉ ho‸ te leh oˉ kʼoˍ pui chehˇ ve hta‸ ngaˬ canˇ leh, yawˇ hui hta‸ nyi ma zuhˆ jaˇ ve yoˬ. Yawˇ hui hkʼaˬ maw maw shaˉ ho‸ hta‸ oˉ kʼoˍ pui chehˇ tuˬ sheˍ ve le. 6Iˉsaˍreˍlaˆ chaw la‸shaˉmaˉ teˇ gʼaˇ lehˬ, shaˉ ho‸ hta‸ te taˍ ve yoˬ. Ya‸ hkʼaˇ, shaˉ ho‸ oˇ ve lehˬ Gʼuiˬsha hpeh‸ve maˇ heˆ. Saˍmaˍriˆ chaw hui oˉ kʼoˍ pui chehˇ ve shi nuˇ shaˉ ho‸ oˇ ve lehˬ, dawˆ meu-e ve hta‸ gʼa hkanˍ tuˬyoˬ. 7Yawˇ hui lehˬ mvuhˇ haw hta‸ ti ve kʼo, mvuhˇ haw mvuhˇ yeˬ lonˉ hta‸ gʼa gʼeu‸ tuˬ yoˬ. Maˇ meh la puiˉ ve caˬ lehˬ, awˍ hpeh‸ la gʼa tuˬ ve maˇ heˆ. Yawˇ meh la ve htawˇ, awˬ nu ve mvuhˇmiˬ yaˇ teˇ hpaˍ, caˬ shiˍ oˇ ve hta‸ caˇ peuˬ tuˬ yoˬ. 8Iˉsaˍreˍlaˆ chaw lehˬ, awˬ nu ve chaw ceuˬ teˇ hpaˍ hkʼa shuˍ hpeh‸ la peuˬ leh, hkoˇ kʼai peuˬ ve mu‸ hkʼu hkʼa shuˍ, te‸ chiˉ awˬ bon maˇ cawˬ ve chaw hpeh‸ ve yoˬ. 9Yawˇ hui lehˬ, kʼaˍ jaˇ ve piˉ laˬ awˬ hteunˍ hkʼe hpeh‸ leh, yawˇ hui kʼai gaˇ kuiˬ lo kʼai toˇ chehˇ ve yoˬ. Yawˇ hui hta‸ ga laˇ tuˬ Aˍsuˇriˆ chaw hui hta‸ gʼaˇ ca va chehˇ ve yoˬ. Iˉsaˍ reˍlaˆ chaw hui lehˬ, awˬ nu ve chaw ceuˬ teˇ hpaˍ hta‸ awˬ hpfuhˇ piˇ leh yawˇ hui hta‸ ha‸ shaˉ tcuh taˍ ve yoˬ. 10Ya‸ hkʼaˇ, chi beu‸ ngaˬ yawˇ hui hta‸ shaw hpoˆ leh ciˍ yanˍ piˇ tuˬ yoˬ. Maˇ maw maw Aˍsuˇriˆ jawˇmawˇ yawˇ hui hta‸ fawˉ mehˍ piˇ leh, yawˇ hui gʼa tu‸ gʼa hkanˍ jaˇ tuˬ yoˬ.
11Iˉsaˍreˍlaˆ chaw hui lehˬ venˇbaˆ gʼa ponˬ tuˬ, tuˉ tanˇ kuiˬ leuˉ leh kʼaw‸ te ve kʼo, yawˇ hui venˇbaˆ te kuiˬ leuˉ leh kʼaw‸ maˇ la ve yoˬ. 12Ngaˬ lehˬ yawˇ hui awˬ pon gʼaw maˇ peuˬ htaˇ hkʼa gaˬ maˇ jaˇ ve awˬliˇtawˇhkawˇ bvuh‸ piˇ taˍ ve htawˇ, yawˇ hui lehˬ awˬ ceuˬ oˇ ve teˇ hpaˍ hta‸ maˇ shawˍ maˇ caˆ te leh chiˇ baˬ ve yoˬ. 13Yawˇ hui lehˬ tuˉ tanˇ tuˬ ve awˬ ceuˬ hta‸ ha‸ leh, shaˍ caˇ gaˇ jaˇ ve yoˬ. Ya‸ hkʼaˇ, ngaˬ Gʼuiˬsha lehˬ yawˇ hui hta‸ nyi hkʼaˇ suh ve maˇ heˆ. Chi beu‸ ngaˬ yawˇ hui ve venˇbaˆ hta‸ dawˇ nawˇ leh, yawˇ hui hta‸ ciˍ yanˍ piˇ tuˬ yoˬ. Ngaˬ yawˇ hui hta‸ Eˇjiˇtu‸ mvuhˇmiˬ lo kʼaw‸ kʼo‸-e tcuh tuˬ yoˬ.
14Iˉsaˍreˍlaˆ chaw hui lehˬ hawˉ yehˬ teˇ hpaˍ hta‸ te chehˇ taˍ ve yoˬ. Ya‸ hkʼaˇ, yawˇ hui lehˬ yawˇ hui hta‸ te hpanˍ shehˍ hpaˇ hta‸ leunˇ kʼai ve yoˬ. Yuˇda‸ chaw hui lehˬ yeˬ jaˇ ve venˇ teˇ hpaˍ hta‸ te chehˇ taˍ ve yoˬ. Ya‸ hkʼaˇ, ngaˬ lehˬ aˬ miˍ ce la piˇ leh yawˇ hui ve hawˉ yehˬ teˇ hpaˍ leh, yawˇ hui ve venˇ teˇ hpaˍ hta‸ to‸ baˬ piˇ lawˬ tuˬ yoˬ, teh‸ Gʼuiˬsha kʼoˆ ve yoˬ.
လက္ရွိေရြးခ်ယ္ထားမွု
Hawˇseˍ li‸ 8: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Hawˇseˍ li‸ 8
8
Iˉsaˍreˍlaˆ chaw hui shaˉ ho‸ hta‸ oˉ kʼoˍ pui ve
1Gʼuiˬsha kʼoˆ ve, Behˬheh ma meuˆ loˬ. Awˬ lawn kʼo, canˇ paˍ teˇ hpaˍ aˉ ceˬ hkʼa shuˍ ya‸ la chehˇ ve yoˬ. Ngaˬ ve chaw teˇ hpaˍ lehˬ, ngaˬ yawˇ hui hta‸ te piˇ taˍ ve ka ti‸ tawˇ hkawˇ teˇ hpaˍ hta‸ te luˬleh, ngaˬ maˍ piˇ ve tawˇ teˇ hpaˍ hta‸ baˬ taˉ peuˬ. 2Yawˇ hui ngaˬ hta‸ yawˇ hui ve Gʼuiˬsha teh‸ kʼoˆ leh, ngaˬ hui lehˬ yawˇ hta‸ shiˍ ve chaw teˇ hpaˍ hpeh‸ ve yoˬ teh‸ kʼoˆ ve htawˇ, 3yawˇ hui lehˬ da‸ ve awˬ ceuˬ hta‸ baˬ taˉ peuˬ. Yawˇ hui chi hkʼe te ve pa taw, canˇ paˍ teˇ hpaˍ yawˇ hui hkʼaˇ suh gʼa‸ yuˬ tuˬ yoˬ.
4Ngaˬve chaw teˇ hpaˍ lehˬ, yawˇ hui hkʼaˇ yawˇ hui jawˇmawˇ hta‸ leuˆ yuˬ taˍ ve yoˬ. Chi hkʼe te ve lehˬ, yawˇ hui luˬ kʼai sheˆ kʼai tuˬ te chehˇ ve yoˬ. 5Saˍmaˍriˆ chaw hui shi nuˇ shaˉ ho‸ te leh oˉ kʼoˍ pui chehˇ ve hta‸ ngaˬ canˇ leh, yawˇ hui hta‸ nyi ma zuhˆ jaˇ ve yoˬ. Yawˇ hui hkʼaˬ maw maw shaˉ ho‸ hta‸ oˉ kʼoˍ pui chehˇ tuˬ sheˍ ve le. 6Iˉsaˍreˍlaˆ chaw la‸shaˉmaˉ teˇ gʼaˇ lehˬ, shaˉ ho‸ hta‸ te taˍ ve yoˬ. Ya‸ hkʼaˇ, shaˉ ho‸ oˇ ve lehˬ Gʼuiˬsha hpeh‸ve maˇ heˆ. Saˍmaˍriˆ chaw hui oˉ kʼoˍ pui chehˇ ve shi nuˇ shaˉ ho‸ oˇ ve lehˬ, dawˆ meu-e ve hta‸ gʼa hkanˍ tuˬyoˬ. 7Yawˇ hui lehˬ mvuhˇ haw hta‸ ti ve kʼo, mvuhˇ haw mvuhˇ yeˬ lonˉ hta‸ gʼa gʼeu‸ tuˬ yoˬ. Maˇ meh la puiˉ ve caˬ lehˬ, awˍ hpeh‸ la gʼa tuˬ ve maˇ heˆ. Yawˇ meh la ve htawˇ, awˬ nu ve mvuhˇmiˬ yaˇ teˇ hpaˍ, caˬ shiˍ oˇ ve hta‸ caˇ peuˬ tuˬ yoˬ. 8Iˉsaˍreˍlaˆ chaw lehˬ, awˬ nu ve chaw ceuˬ teˇ hpaˍ hkʼa shuˍ hpeh‸ la peuˬ leh, hkoˇ kʼai peuˬ ve mu‸ hkʼu hkʼa shuˍ, te‸ chiˉ awˬ bon maˇ cawˬ ve chaw hpeh‸ ve yoˬ. 9Yawˇ hui lehˬ, kʼaˍ jaˇ ve piˉ laˬ awˬ hteunˍ hkʼe hpeh‸ leh, yawˇ hui kʼai gaˇ kuiˬ lo kʼai toˇ chehˇ ve yoˬ. Yawˇ hui hta‸ ga laˇ tuˬ Aˍsuˇriˆ chaw hui hta‸ gʼaˇ ca va chehˇ ve yoˬ. Iˉsaˍ reˍlaˆ chaw hui lehˬ, awˬ nu ve chaw ceuˬ teˇ hpaˍ hta‸ awˬ hpfuhˇ piˇ leh yawˇ hui hta‸ ha‸ shaˉ tcuh taˍ ve yoˬ. 10Ya‸ hkʼaˇ, chi beu‸ ngaˬ yawˇ hui hta‸ shaw hpoˆ leh ciˍ yanˍ piˇ tuˬ yoˬ. Maˇ maw maw Aˍsuˇriˆ jawˇmawˇ yawˇ hui hta‸ fawˉ mehˍ piˇ leh, yawˇ hui gʼa tu‸ gʼa hkanˍ jaˇ tuˬ yoˬ.
11Iˉsaˍreˍlaˆ chaw hui lehˬ venˇbaˆ gʼa ponˬ tuˬ, tuˉ tanˇ kuiˬ leuˉ leh kʼaw‸ te ve kʼo, yawˇ hui venˇbaˆ te kuiˬ leuˉ leh kʼaw‸ maˇ la ve yoˬ. 12Ngaˬ lehˬ yawˇ hui awˬ pon gʼaw maˇ peuˬ htaˇ hkʼa gaˬ maˇ jaˇ ve awˬliˇtawˇhkawˇ bvuh‸ piˇ taˍ ve htawˇ, yawˇ hui lehˬ awˬ ceuˬ oˇ ve teˇ hpaˍ hta‸ maˇ shawˍ maˇ caˆ te leh chiˇ baˬ ve yoˬ. 13Yawˇ hui lehˬ tuˉ tanˇ tuˬ ve awˬ ceuˬ hta‸ ha‸ leh, shaˍ caˇ gaˇ jaˇ ve yoˬ. Ya‸ hkʼaˇ, ngaˬ Gʼuiˬsha lehˬ yawˇ hui hta‸ nyi hkʼaˇ suh ve maˇ heˆ. Chi beu‸ ngaˬ yawˇ hui ve venˇbaˆ hta‸ dawˇ nawˇ leh, yawˇ hui hta‸ ciˍ yanˍ piˇ tuˬ yoˬ. Ngaˬ yawˇ hui hta‸ Eˇjiˇtu‸ mvuhˇmiˬ lo kʼaw‸ kʼo‸-e tcuh tuˬ yoˬ.
14Iˉsaˍreˍlaˆ chaw hui lehˬ hawˉ yehˬ teˇ hpaˍ hta‸ te chehˇ taˍ ve yoˬ. Ya‸ hkʼaˇ, yawˇ hui lehˬ yawˇ hui hta‸ te hpanˍ shehˍ hpaˇ hta‸ leunˇ kʼai ve yoˬ. Yuˇda‸ chaw hui lehˬ yeˬ jaˇ ve venˇ teˇ hpaˍ hta‸ te chehˇ taˍ ve yoˬ. Ya‸ hkʼaˇ, ngaˬ lehˬ aˬ miˍ ce la piˇ leh yawˇ hui ve hawˉ yehˬ teˇ hpaˍ leh, yawˇ hui ve venˇ teˇ hpaˍ hta‸ to‸ baˬ piˇ lawˬ tuˬ yoˬ, teh‸ Gʼuiˬsha kʼoˆ ve yoˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.