Daˍyeˍlaˆ li‸ 12
12
Awˬ leh meuˇ ve awˬ yanˇ
1Da‸ jaˇ ve veu‸ kʼaˇ veu‸ deh taˍ ve mvuhˇ naw ma tcuh yaˇ oˇ ve ngaˬ hta‸ chi hkʼe kʼoˆ laˇ ve yoˬ. Awˬ yanˇ oˇ ve gaˬ la htaˇ, nawˬ ve chaw teˇ hpaˍ hta‸ ha‸ shaˉ chehˇ ve tcuh yaˇ uiˍ Miˆhkeˍlaˆ tawˆ la tuˬ yoˬ. Oˇ htaˇ, miˬguiˬ hkʼoˆ lo teˇ pawˆ ka‸ maˇ hpeh‸ la jaw ve kawˆ tuˬ dawˇ haˍ tuˬ awˬ ceuˬ gaˬ la tuˬ yoˬ. Awˬ yanˇ oˇ ve gaˬ la htaˇ, Gʼuiˬsha ve li‸ daw hkʼaw hkʼa bvuh‸ taˍ ve nawˬ ve chaw teˇ hpaˍ gʼa ponˬ tuˬ yoˬ. 2Suh taˍ peuˬ ve chaw laiˉ gʼaˇ kʼaw‸ te‸ tu la tuˬ yoˬ. Teˇ hpaˍ hpaˍ co co taiˍ taiˍ te‸ ve a sha‸ hta‸ gʼa leh, teˇ hpaˍ hpaˍ co co taiˍ taiˍ awˬ me‸ awˬ hponˇ luˬ kʼai tuˬ yoˬ. 3Cuˇ yiˍ cawˬ ve awˬ hoˉ awˬ naˬ teˇ hpaˍ lehˬ, mvuhˇ naw ma hkʼe awˬ gʼeuˆ ba da‸ jaˇ tuˬ yoˬ. Hteˇ ve cawˇ ve kanˉ hta‸ te tuˬ shu hta‸ maˍ piˇ ve chaw hui lehˬ, meu‸ keu shiˍ hkʼa shuˍ co co taiˍ taiˍ awˬ geuˆ ba chehˇ tuˬ yoˬ.
4Chi hta‸ pa taw Daˍyeˍlaˆ-oˬ, miˬguiˬ awˬ yanˇ leh htaˇ hkʼa gaˬ, nawˬ ve li‸ daw hta‸ hoˆ taˍ leh yinˉ hkʼa deh‸ tcuhˉ taˍ-o‸. Awˬ yanˇ oˇ ve maˇ gaˬ sheˍ ve ceh ceh, chaw yaˇ teˇ hpaˍ lehˬ hpeh‸ la chehˇ ve awˬ ceuˬ chi teˇ hpaˍ hta‸ na gʼa tuˬ gʼaˇ hte‸ coˇ caˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
5Oˇ ve hkʼaw‸ nawˉ, iˉ kaˆ lawˬ choˬ paˉ oˇ paˉ huˉ chehˇ ve chaw nyiˇ gʼaˇ hta‸ ngaˬ gʼa mawˬ ve yoˬ. 6Anˇ law‸ law‸ ve awˬ ceuˬ chi teˇ hpaˍ hkʼaˬ htaˆ peuˬ kʼai tuˬ le, teh‸ iˉ kaˆ lawˬ awˬ na hpawˇ lo huˉ chehˇ ve mvuhˇ naw ma tcuh yaˇ hta‸ yawˇ huiˉ maˬ na nyi ve yoˬ.
7Mvuhˇ naw ma tcuh yaˇ oˇ ve lehˬ, yawˇ ve la‸ sheh nyiˇ paˉ paˉ mvuhˇ naw ma lo che peu leh, co co taiˍ taiˍ te‸ chehˇ ve Gʼuiˬsha ve awˬ meh hkʼaw ka ti‸ chi hkʼe te chehˇ ve awˬ hkawˇ hta‸ ngaˬ gʼa kaˇ ve yoˬ. Shehˆ hkʼaw‸ leh ha pa hkaw‸ maˬ hkʼa gaˬ yoˬ. Gʼuiˬsha ve chaw teˇ hpaˍ hta‸ fawˉ mehˍ chehˇ ve awˬ yanˇ peuˬ kʼai ve teˇ yanˇ, awˬ ceuˬ chi hkʼa peu-eˬ hpeh‸ la tuˬ yoˬ, teh‸ kʼoˆ ve yoˬ.
8Yawˇ kʼoˆ ve tawˇ hta‸ ngaˬ gʼa kaˇ ve yoˬ. Ya‸ hkʼaˇ ngaˬ na maˇ gʼa. Hkʼe te leh, Jawˇmawˇ-oˬ, oˇ ve teˇ hpaˍ hkʼaˬ hkʼe te peuˬ kʼai tuˬ le, teh‸ ngaˬ yawˇ hta‸ kʼaw‸ na nyi piˇ ve yoˬ.
9Yawˇ kʼaw‸ yaw hkʼaw‸ leh kʼoˆ ve, Daˍyeˍlaˆ-oˬ, nawˬ chi beu‸ tawˆ kʼai loˬ. Awˬ leh meuˇ ve awˬ yanˇ gaˬ la htaˇ hkʼa gaˬ, tawˇ chi teˇ hpaˍ hta‸ nawˬ gʼa faˉ taˍ ve yoˬ. 10Chaw laiˉ gʼaˇ kʼaw‸ da‸ kehˬ la tuˬ yoˬ. Haiˬ ve chaw teˇ hpaˍ lehˬ, awˬ lawn chi teˇ hpaˍ hta‸ shiˍ tuˬ ve maˇ heˆ. Yawˇ hui lehˬ, haiˬ ve kanˉ hta‸ tiˉ te chehˇ tuˬ yoˬ. Cuˇ yiˍ cawˬ ve chaw teˇ hpaˍ ceh tiˉ awˬ lawn chi teˇ hpaˍ hta‸ na gʼa tuˬ yoˬ.
11Tuˉ tanˇ tuˬ teˇ hpaˍ hta‸ tawˍ taˍ ve awˬ yanˇ hta‸ te leh, cha‸ chiˆ ve awˬ ceuˬ hta‸ oˉ kʼoˍ pui ve awˬ yanˇ hkʼa gaˬ, 1,290 nyi maw tuˬ yoˬ. 121,335 nyi peuˬ kʼai htaˇ hkʼa gaˬ, ka ti‸ yeˬ chehˇ ve chaw teˇ hpaˍ gʼa ha lehˬ tuˬ yoˬ.
13Daˍyeˍlaˆ-oˬ, nawˬ ka‸ awˬ leh hkʼa gaˬ ka ti‸ yeˬ chehˇ-oˆ. Oˇ ve hkʼaw‸ nawˉ, nawˬ htawˇ gʼa suh-e tuˬ yoˬ. Ya‸ hkʼaˇ, awˬ leh meuˇ teˇ nyi gaˬ kʼo, la‸ shawnˍ yuˬ tuˬ nawˬ teˇ pawˆ kʼaw‸ te‸ tu la tuˬ yoˬ, teh‸ ngaˬ hta‸ kʼoˆ laˇ ve yoˬ.
လက္ရွိေရြးခ်ယ္ထားမွု
Daˍyeˍlaˆ li‸ 12: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Daˍyeˍlaˆ li‸ 12
12
Awˬ leh meuˇ ve awˬ yanˇ
1Da‸ jaˇ ve veu‸ kʼaˇ veu‸ deh taˍ ve mvuhˇ naw ma tcuh yaˇ oˇ ve ngaˬ hta‸ chi hkʼe kʼoˆ laˇ ve yoˬ. Awˬ yanˇ oˇ ve gaˬ la htaˇ, nawˬ ve chaw teˇ hpaˍ hta‸ ha‸ shaˉ chehˇ ve tcuh yaˇ uiˍ Miˆhkeˍlaˆ tawˆ la tuˬ yoˬ. Oˇ htaˇ, miˬguiˬ hkʼoˆ lo teˇ pawˆ ka‸ maˇ hpeh‸ la jaw ve kawˆ tuˬ dawˇ haˍ tuˬ awˬ ceuˬ gaˬ la tuˬ yoˬ. Awˬ yanˇ oˇ ve gaˬ la htaˇ, Gʼuiˬsha ve li‸ daw hkʼaw hkʼa bvuh‸ taˍ ve nawˬ ve chaw teˇ hpaˍ gʼa ponˬ tuˬ yoˬ. 2Suh taˍ peuˬ ve chaw laiˉ gʼaˇ kʼaw‸ te‸ tu la tuˬ yoˬ. Teˇ hpaˍ hpaˍ co co taiˍ taiˍ te‸ ve a sha‸ hta‸ gʼa leh, teˇ hpaˍ hpaˍ co co taiˍ taiˍ awˬ me‸ awˬ hponˇ luˬ kʼai tuˬ yoˬ. 3Cuˇ yiˍ cawˬ ve awˬ hoˉ awˬ naˬ teˇ hpaˍ lehˬ, mvuhˇ naw ma hkʼe awˬ gʼeuˆ ba da‸ jaˇ tuˬ yoˬ. Hteˇ ve cawˇ ve kanˉ hta‸ te tuˬ shu hta‸ maˍ piˇ ve chaw hui lehˬ, meu‸ keu shiˍ hkʼa shuˍ co co taiˍ taiˍ awˬ geuˆ ba chehˇ tuˬ yoˬ.
4Chi hta‸ pa taw Daˍyeˍlaˆ-oˬ, miˬguiˬ awˬ yanˇ leh htaˇ hkʼa gaˬ, nawˬ ve li‸ daw hta‸ hoˆ taˍ leh yinˉ hkʼa deh‸ tcuhˉ taˍ-o‸. Awˬ yanˇ oˇ ve maˇ gaˬ sheˍ ve ceh ceh, chaw yaˇ teˇ hpaˍ lehˬ hpeh‸ la chehˇ ve awˬ ceuˬ chi teˇ hpaˍ hta‸ na gʼa tuˬ gʼaˇ hte‸ coˇ caˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
5Oˇ ve hkʼaw‸ nawˉ, iˉ kaˆ lawˬ choˬ paˉ oˇ paˉ huˉ chehˇ ve chaw nyiˇ gʼaˇ hta‸ ngaˬ gʼa mawˬ ve yoˬ. 6Anˇ law‸ law‸ ve awˬ ceuˬ chi teˇ hpaˍ hkʼaˬ htaˆ peuˬ kʼai tuˬ le, teh‸ iˉ kaˆ lawˬ awˬ na hpawˇ lo huˉ chehˇ ve mvuhˇ naw ma tcuh yaˇ hta‸ yawˇ huiˉ maˬ na nyi ve yoˬ.
7Mvuhˇ naw ma tcuh yaˇ oˇ ve lehˬ, yawˇ ve la‸ sheh nyiˇ paˉ paˉ mvuhˇ naw ma lo che peu leh, co co taiˍ taiˍ te‸ chehˇ ve Gʼuiˬsha ve awˬ meh hkʼaw ka ti‸ chi hkʼe te chehˇ ve awˬ hkawˇ hta‸ ngaˬ gʼa kaˇ ve yoˬ. Shehˆ hkʼaw‸ leh ha pa hkaw‸ maˬ hkʼa gaˬ yoˬ. Gʼuiˬsha ve chaw teˇ hpaˍ hta‸ fawˉ mehˍ chehˇ ve awˬ yanˇ peuˬ kʼai ve teˇ yanˇ, awˬ ceuˬ chi hkʼa peu-eˬ hpeh‸ la tuˬ yoˬ, teh‸ kʼoˆ ve yoˬ.
8Yawˇ kʼoˆ ve tawˇ hta‸ ngaˬ gʼa kaˇ ve yoˬ. Ya‸ hkʼaˇ ngaˬ na maˇ gʼa. Hkʼe te leh, Jawˇmawˇ-oˬ, oˇ ve teˇ hpaˍ hkʼaˬ hkʼe te peuˬ kʼai tuˬ le, teh‸ ngaˬ yawˇ hta‸ kʼaw‸ na nyi piˇ ve yoˬ.
9Yawˇ kʼaw‸ yaw hkʼaw‸ leh kʼoˆ ve, Daˍyeˍlaˆ-oˬ, nawˬ chi beu‸ tawˆ kʼai loˬ. Awˬ leh meuˇ ve awˬ yanˇ gaˬ la htaˇ hkʼa gaˬ, tawˇ chi teˇ hpaˍ hta‸ nawˬ gʼa faˉ taˍ ve yoˬ. 10Chaw laiˉ gʼaˇ kʼaw‸ da‸ kehˬ la tuˬ yoˬ. Haiˬ ve chaw teˇ hpaˍ lehˬ, awˬ lawn chi teˇ hpaˍ hta‸ shiˍ tuˬ ve maˇ heˆ. Yawˇ hui lehˬ, haiˬ ve kanˉ hta‸ tiˉ te chehˇ tuˬ yoˬ. Cuˇ yiˍ cawˬ ve chaw teˇ hpaˍ ceh tiˉ awˬ lawn chi teˇ hpaˍ hta‸ na gʼa tuˬ yoˬ.
11Tuˉ tanˇ tuˬ teˇ hpaˍ hta‸ tawˍ taˍ ve awˬ yanˇ hta‸ te leh, cha‸ chiˆ ve awˬ ceuˬ hta‸ oˉ kʼoˍ pui ve awˬ yanˇ hkʼa gaˬ, 1,290 nyi maw tuˬ yoˬ. 121,335 nyi peuˬ kʼai htaˇ hkʼa gaˬ, ka ti‸ yeˬ chehˇ ve chaw teˇ hpaˍ gʼa ha lehˬ tuˬ yoˬ.
13Daˍyeˍlaˆ-oˬ, nawˬ ka‸ awˬ leh hkʼa gaˬ ka ti‸ yeˬ chehˇ-oˆ. Oˇ ve hkʼaw‸ nawˉ, nawˬ htawˇ gʼa suh-e tuˬ yoˬ. Ya‸ hkʼaˇ, awˬ leh meuˇ teˇ nyi gaˬ kʼo, la‸ shawnˍ yuˬ tuˬ nawˬ teˇ pawˆ kʼaw‸ te‸ tu la tuˬ yoˬ, teh‸ ngaˬ hta‸ kʼoˆ laˇ ve yoˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.