Daˍyeˍlaˆ li‸ 10
10
Daˍyeˍlaˆ awˬ ha hkʼaw gʼa kʼaw‸ mawˬ ve
1(Paˇshaˇ mvuhˇmiˬ hta‸ Kuˇruˆ uˉ peunˍ chehˇ ve shehˆ hkʼaw‸ teˇ hkʼaw‸ htaˇ, Daˍyeˍlaˆ lehˬ awˬ ha hkʼaw zuh‸ maˆ teˇ maˬ hta‸ gʼa kʼaw‸ mawˬ ve yoˬ. Yawˇ gʼa mawˬ ve zuh‸ maˆ oˇ ve awˬ tehˬ awˬ na cawˇ ve htawˇ, tcuhˉ kuiˬ na gʼa tuˬ haˍ jaˇ ve yoˬ. Awˬ ha awˬ hkʼaw lo, tcuhˉ kuiˬ oˇ ve yawˇ hta‸ hpeu‸ maˍ piˇ ve yoˬ.)
2Awˬ yanˇ oˇ ve hkʼaw, ngaˬ lehˬ shehˆ shinˉ hkʼa gaˬ dawˇ haˍ jaˇ chehˇ ve yoˬ. 3Hkʼe te leh, ngaˬ lehˬ shaˍ leh awˬ kaˍ awˬ nu da‸ jaˇ ve caˇ tuˬ hta‸ maˇ caˇ. Shehˆ shinˉ peuˬ htaˇ hkʼa gaˬ, oˉ kʼoˍ ka‸ maˇ puiˍ.
4Oˇ ve teˇ hkʼaw‸ awˉ lawˉ peuˇ teˇ ha pa nyiˇ chi awˇ nyi htaˇ, ngaˬ lehˬ Tiˉgeˍriˆ iˉ kaˆ lawˬ lonˉ paˇ lo huˉ chehˇ taˍ ve yoˬ. 5Oˇ htaˇ, da‸ jaˇ ve veu‸ kʼaˇ veu‸ deh leh, shi haˍ pi caˆ tsuh‸ taˍ ve chaw teˇ gʼaˇ hta‸ gʼa mawˬ ve yoˬ. 6Yawˇ ve awˬ to lehˬ, shehnˉ shiˍ hkʼe awˬ gʼeuˆ ba chehˇ ve yoˬ. Yawˇ ve mehˆ hpfuhˇ lehˬ mvuhˇ tiˉ po-e‸ hkʼe hpeh‸ leh, yawˇ ve mehˆ shiˍ lehˬ aˬ miˍ ha hkʼe hpeh‸ ve yoˬ. Yawˇ ve la‸ sheh hkui sheh lehˬ, hkʼa deh‸ shiˆ taˍ ve kuiˇ hkʼa shuˍ awˬ gʼeuˆ ba leh, yawˇ tawˇ yaw ve awˬ hkawˇ lehˬ, chaw moˍ lonˉ kuˬ chehˇ ve awˬ hkawˇ hkʼe hpeh‸ve yoˬ.
7Ngaˬ teˇ gʼaˇ ceh tiˉ awˬ ha oˇ ve hta‸ gʼa mawˬ ve yoˬ. Ngaˬ geh chehˇ taˍ ve chaw teˇ gʼaˇ ka‸, awˬ ha oˇ ve hta‸ maˇ gʼa mawˬ. Ya‸ hkʼaˇ, yawˇ hui kawˆ jaˇ leh ca va‸ taˍ ve yoˬ. 8Oˇ kaˬ lo ngaˬ teˇ gʼaˇ tiˉ huˉ chehˇ taˍ leh, awˬ ha oˇ ve hta‸ nyi chehˇ ve yoˬ. Ngaˬ awˬ gʼaˇ nuˇ kʼai leh chaw teˇ gʼaˇ ka‸ ngaˬ hta‸ tawnˇ gʼa tuˬ maˇ heˆ. 9Yawˇ ve tawˇ hta‸ ngaˬ gʼa kaˇ ve teˇ yanˇ, ngaˬ miˬ chaˇ hkʼoˆ lo boˆ sheˬ leh, maˇ nawˇ maˇ hteh hpeh‸ kʼai ve yoˬ. 10Oˇ htaˇ, la‸ sheh teˇ paˉ ngaˬ hta‸ ca htawˇ la leh, ngaˬ hta‸ gʼawˬ tu laˇ ve yoˬ. Ngaˬ lehˬ cheˇ cheˇ veˆ veˆ hpeh‸ chehˇ ve yoˬ.
11Mvuhˇ naw tcuh yaˇ oˇ ve ngaˬ hta‸ chi hkʼe kʼoˆ laˇ ve yoˬ. Daˍyeˍlaˆ-oˬ, Gʼuiˬsha nawˬ hta‸ ha‸ jaˇ ve yoˬ. Tu huˉ leh ngaˬ kʼoˆ laˇ chehˇ ve tawˇ hta‸ hkʼa deh‸ na taˍ-o‸. Gʼuiˬsha ngaˬ hta‸ nawˬ geh peu laˇ taˍ ve yoˬ, teh‸ kʼoˆ laˇ ve yoˬ. Hkʼe te leh, ngaˬ tu la ve yoˬ. Ya‸ hkʼaˇ, ngaˬ lehˬ cheˇ cheˇ veˆ veˆ hpeh‸ chehˇ sheˍ ve yoˬ.
12Oˇ htaˇ yawˇ kʼoˆ ve, Daˍyeˍlaˆ-oˬ, taˇ kawˆ. Shiˍ puiˉ ve cuˇ yiˍ hta‸ gʼa tuˬ, nawˬ nyi ma nuˇ nuˇ nehˬ nehˬ te leh Gʼuiˬsha geh bon lawˬ ve teˇ nyi hta‸ te leh, Gʼuiˬsha lehˬ nawˬ ve bon lawˬ hkawˇ hta‸ gʼa kaˇ taˍ peuˬ. Nawˬ ve bon lawˬ hkawˇ hta‸ kʼaw‸ yaw hkʼaw‸ laˇ tuˬ, ngaˬ choˬ ka‸ lo gaˬ la taˍ ve yoˬ. 13Paˇshaˇ mvuhˇmiˬ hta‸ ha‸ shaˉ chehˇ ve mvuhˇ naw tcuh yaˇ ngaˬ hta‸ tawˍ taˍ ve nyiˇ chi teˇ nyi gaˬ peuˬ. Oˇ htaˇ, tcuh yaˇ uiˍ Miˆhkeˍlaˆ ngaˬ hta‸ ca ga la ve yoˬ. Awˬ lawn kʼo, Paˇshaˇ mvuhˇmiˬ hkʼaw ngaˬ teˇ gʼaˇ tiˉ chehˉ taˉ ve pa taw yoˬ. 14Laˬ tuˬ ve awˬ yanˇ hkʼaw, nawˬ ve chaw teˇ hpaˍ hkʼaˬ hkʼe hpeh‸ la tuˬ ve awˬ lawn, ngaˬ nawˬ hta‸ ca kʼoˆ maˍ la ve yoˬ. Nawˬ zuh‸ maˆ ve hkʼaw gʼa mawˬ ve awˬ ha chi lehˬ, laˬtuˬ ve aw yanˇ hkʼaw hkʼaˬ hkʼe hpeh‸ la tuˬ hpeu‸ maˍ laˇ chehˇ ve awˬ ha yoˬ, teh‸ ngaˬ hta‸ kʼoˆ laˇ ve yoˬ.
15Yawˇ oˇ hkʼe kʼoˆ chehˇ ve teˇ yanˇ, ngaˬ lehˬ miˬ chaˇ hkʼoˆ lo nyi tcuhˉ taˍ leh, tawˇ teˇ peu-eˬ ka‸ kʼaw‸ yaw maˇ gʼa ve yoˬ. 16Oˇ htaˇ, chaw yaˇ hta‸ shuˍ ve mvuhˇ naw tcuh yaˇ oˇ ve la‸ sheh che leh, ngaˬ ve meuˇ guiˬ hta‸ htawˇ ve yoˬ. Hkʼe te leh, ngaˬ yawˇ hta‸ chi hkʼe kʼoˆ piˇ ve yoˬ. Jawˇmawˇ-oˬ, ngaˬ gʼa mawˬ ve aw ha oˇ ve ngaˬ hta‸ gʼaˇ nuˇ kʼai tuˬ te laˇ ve pa taw, ngaˬ cheˇ cheˇ veˆ veˆ hpeh‸ chehˇ ve yoˬ. 17Ngaˬ lehˬ awˬ shehˍ hpaˇ gʼuˇ suhˍ lo tu huˉ chehˇ ve awˬ ceˬ paˍ teˇ gʼaˇ hkʼe hpeh‸ ve yoˬ. Ngaˬ nawˬ hta‸ hkʼaˬ hkʼe te tawˇ yaw da‸ hpeh‸ tuˬ le. Ngaˬ awˬ gʼaˇ awˬ shaˉ nuˇ jaˇ peuˬ, teh‸ yawˇ hta‸ kʼoˆ piˇ ve yoˬ.
18Oˇhtaˇ, yawˇ ngaˬ hta‸ yuˬ tiˍ taˍ laˇ ve yoˬ. Hkʼe te leh, ngaˬ awˬ gʼaˇ kʼaw‸ cawˬ la ve yoˬ. 19Gʼuiˬsha nawˬ hta‸ ha‸ jaˇ ve yoˬ. Chi hta‸ pa taw, nawˬ taˇ kawˆ, taˇ dawˇ haˍ, teh‸ ngaˬ hta‸ kʼoˆ laˇ ve yoˬ.
Yawˇ oˇ hkʼe kʼoˆ peuˬ ve teˇ yanˇ, ngaˬ awˬ gʼaˇ kʼaw‸ cawˬ la leh, Jawˇmawˇ-oˬ, nawˬ ngaˬ hta‸ kʼoˆ laˇ gaˇ ve hkʼe kʼoˆ laˇ-oˆ. Nawˬ ngaˬ hta‸ awˬ gʼaˇ kʼaw‸ cawˬ la piˇ peuˬ, teh‸ yawˇ hta‸ kʼoˆ piˇ ve yoˬ.
20Oˇ htaˇ, yawˇ ngaˬ hta‸ chi hkʼe kʼoˆ laˇ ve yoˬ. Aˬ hto‸ ma pa taw ngaˬ nawˬ geh laˬ ve hta‸ nawˬ shiˍ-aˬ laˇ. Hteˇ ve cawˇ ve li‸ daw hkʼaw bvuh‸ taˍ ve awˬ lawn teˇ hpaˍ nawˬ hta‸ hpeu‸ maˍ laˇ tuˬ nga gaˬ la taˍ ve yoˬ. 21Chi beu‸ ngaˬ kʼaw‸ kʼo‸-e leh Paˇshaˇ mvuhˇmiˬ hta‸ ha‸ shaˉ chehˇ ve mvuhˇ naw tcuh yaˇ oˇ ve hta‸ gʼa ca kʼaw‸ bawˆ da‸ tuˬ yoˬ. Oˇ ve hkʼaw‸ nawˉ, Heˍ laˍ saˆ mvuhˇmiˬ hta‸ ha‸ shaˉ chehˇ ve mvuhˇ naw ma tcuh yaˇ kʼaw‸ tawˆ la tuˬ yoˬ. Iˉsaˍreˍlaˆ chaw hta‸ ha‸ shaˉ piˇ chehˇ ve Miˆhkeˍlaˆ maˇ heˆ kʼo, ngaˬ hta‸ ga laˇ paˍ teˇ gʼaˇ ka‸ maˇ cawˬ.
လက္ရွိေရြးခ်ယ္ထားမွု
Daˍyeˍlaˆ li‸ 10: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Daˍyeˍlaˆ li‸ 10
10
Daˍyeˍlaˆ awˬ ha hkʼaw gʼa kʼaw‸ mawˬ ve
1(Paˇshaˇ mvuhˇmiˬ hta‸ Kuˇruˆ uˉ peunˍ chehˇ ve shehˆ hkʼaw‸ teˇ hkʼaw‸ htaˇ, Daˍyeˍlaˆ lehˬ awˬ ha hkʼaw zuh‸ maˆ teˇ maˬ hta‸ gʼa kʼaw‸ mawˬ ve yoˬ. Yawˇ gʼa mawˬ ve zuh‸ maˆ oˇ ve awˬ tehˬ awˬ na cawˇ ve htawˇ, tcuhˉ kuiˬ na gʼa tuˬ haˍ jaˇ ve yoˬ. Awˬ ha awˬ hkʼaw lo, tcuhˉ kuiˬ oˇ ve yawˇ hta‸ hpeu‸ maˍ piˇ ve yoˬ.)
2Awˬ yanˇ oˇ ve hkʼaw, ngaˬ lehˬ shehˆ shinˉ hkʼa gaˬ dawˇ haˍ jaˇ chehˇ ve yoˬ. 3Hkʼe te leh, ngaˬ lehˬ shaˍ leh awˬ kaˍ awˬ nu da‸ jaˇ ve caˇ tuˬ hta‸ maˇ caˇ. Shehˆ shinˉ peuˬ htaˇ hkʼa gaˬ, oˉ kʼoˍ ka‸ maˇ puiˍ.
4Oˇ ve teˇ hkʼaw‸ awˉ lawˉ peuˇ teˇ ha pa nyiˇ chi awˇ nyi htaˇ, ngaˬ lehˬ Tiˉgeˍriˆ iˉ kaˆ lawˬ lonˉ paˇ lo huˉ chehˇ taˍ ve yoˬ. 5Oˇ htaˇ, da‸ jaˇ ve veu‸ kʼaˇ veu‸ deh leh, shi haˍ pi caˆ tsuh‸ taˍ ve chaw teˇ gʼaˇ hta‸ gʼa mawˬ ve yoˬ. 6Yawˇ ve awˬ to lehˬ, shehnˉ shiˍ hkʼe awˬ gʼeuˆ ba chehˇ ve yoˬ. Yawˇ ve mehˆ hpfuhˇ lehˬ mvuhˇ tiˉ po-e‸ hkʼe hpeh‸ leh, yawˇ ve mehˆ shiˍ lehˬ aˬ miˍ ha hkʼe hpeh‸ ve yoˬ. Yawˇ ve la‸ sheh hkui sheh lehˬ, hkʼa deh‸ shiˆ taˍ ve kuiˇ hkʼa shuˍ awˬ gʼeuˆ ba leh, yawˇ tawˇ yaw ve awˬ hkawˇ lehˬ, chaw moˍ lonˉ kuˬ chehˇ ve awˬ hkawˇ hkʼe hpeh‸ve yoˬ.
7Ngaˬ teˇ gʼaˇ ceh tiˉ awˬ ha oˇ ve hta‸ gʼa mawˬ ve yoˬ. Ngaˬ geh chehˇ taˍ ve chaw teˇ gʼaˇ ka‸, awˬ ha oˇ ve hta‸ maˇ gʼa mawˬ. Ya‸ hkʼaˇ, yawˇ hui kawˆ jaˇ leh ca va‸ taˍ ve yoˬ. 8Oˇ kaˬ lo ngaˬ teˇ gʼaˇ tiˉ huˉ chehˇ taˍ leh, awˬ ha oˇ ve hta‸ nyi chehˇ ve yoˬ. Ngaˬ awˬ gʼaˇ nuˇ kʼai leh chaw teˇ gʼaˇ ka‸ ngaˬ hta‸ tawnˇ gʼa tuˬ maˇ heˆ. 9Yawˇ ve tawˇ hta‸ ngaˬ gʼa kaˇ ve teˇ yanˇ, ngaˬ miˬ chaˇ hkʼoˆ lo boˆ sheˬ leh, maˇ nawˇ maˇ hteh hpeh‸ kʼai ve yoˬ. 10Oˇ htaˇ, la‸ sheh teˇ paˉ ngaˬ hta‸ ca htawˇ la leh, ngaˬ hta‸ gʼawˬ tu laˇ ve yoˬ. Ngaˬ lehˬ cheˇ cheˇ veˆ veˆ hpeh‸ chehˇ ve yoˬ.
11Mvuhˇ naw tcuh yaˇ oˇ ve ngaˬ hta‸ chi hkʼe kʼoˆ laˇ ve yoˬ. Daˍyeˍlaˆ-oˬ, Gʼuiˬsha nawˬ hta‸ ha‸ jaˇ ve yoˬ. Tu huˉ leh ngaˬ kʼoˆ laˇ chehˇ ve tawˇ hta‸ hkʼa deh‸ na taˍ-o‸. Gʼuiˬsha ngaˬ hta‸ nawˬ geh peu laˇ taˍ ve yoˬ, teh‸ kʼoˆ laˇ ve yoˬ. Hkʼe te leh, ngaˬ tu la ve yoˬ. Ya‸ hkʼaˇ, ngaˬ lehˬ cheˇ cheˇ veˆ veˆ hpeh‸ chehˇ sheˍ ve yoˬ.
12Oˇ htaˇ yawˇ kʼoˆ ve, Daˍyeˍlaˆ-oˬ, taˇ kawˆ. Shiˍ puiˉ ve cuˇ yiˍ hta‸ gʼa tuˬ, nawˬ nyi ma nuˇ nuˇ nehˬ nehˬ te leh Gʼuiˬsha geh bon lawˬ ve teˇ nyi hta‸ te leh, Gʼuiˬsha lehˬ nawˬ ve bon lawˬ hkawˇ hta‸ gʼa kaˇ taˍ peuˬ. Nawˬ ve bon lawˬ hkawˇ hta‸ kʼaw‸ yaw hkʼaw‸ laˇ tuˬ, ngaˬ choˬ ka‸ lo gaˬ la taˍ ve yoˬ. 13Paˇshaˇ mvuhˇmiˬ hta‸ ha‸ shaˉ chehˇ ve mvuhˇ naw tcuh yaˇ ngaˬ hta‸ tawˍ taˍ ve nyiˇ chi teˇ nyi gaˬ peuˬ. Oˇ htaˇ, tcuh yaˇ uiˍ Miˆhkeˍlaˆ ngaˬ hta‸ ca ga la ve yoˬ. Awˬ lawn kʼo, Paˇshaˇ mvuhˇmiˬ hkʼaw ngaˬ teˇ gʼaˇ tiˉ chehˉ taˉ ve pa taw yoˬ. 14Laˬ tuˬ ve awˬ yanˇ hkʼaw, nawˬ ve chaw teˇ hpaˍ hkʼaˬ hkʼe hpeh‸ la tuˬ ve awˬ lawn, ngaˬ nawˬ hta‸ ca kʼoˆ maˍ la ve yoˬ. Nawˬ zuh‸ maˆ ve hkʼaw gʼa mawˬ ve awˬ ha chi lehˬ, laˬtuˬ ve aw yanˇ hkʼaw hkʼaˬ hkʼe hpeh‸ la tuˬ hpeu‸ maˍ laˇ chehˇ ve awˬ ha yoˬ, teh‸ ngaˬ hta‸ kʼoˆ laˇ ve yoˬ.
15Yawˇ oˇ hkʼe kʼoˆ chehˇ ve teˇ yanˇ, ngaˬ lehˬ miˬ chaˇ hkʼoˆ lo nyi tcuhˉ taˍ leh, tawˇ teˇ peu-eˬ ka‸ kʼaw‸ yaw maˇ gʼa ve yoˬ. 16Oˇ htaˇ, chaw yaˇ hta‸ shuˍ ve mvuhˇ naw tcuh yaˇ oˇ ve la‸ sheh che leh, ngaˬ ve meuˇ guiˬ hta‸ htawˇ ve yoˬ. Hkʼe te leh, ngaˬ yawˇ hta‸ chi hkʼe kʼoˆ piˇ ve yoˬ. Jawˇmawˇ-oˬ, ngaˬ gʼa mawˬ ve aw ha oˇ ve ngaˬ hta‸ gʼaˇ nuˇ kʼai tuˬ te laˇ ve pa taw, ngaˬ cheˇ cheˇ veˆ veˆ hpeh‸ chehˇ ve yoˬ. 17Ngaˬ lehˬ awˬ shehˍ hpaˇ gʼuˇ suhˍ lo tu huˉ chehˇ ve awˬ ceˬ paˍ teˇ gʼaˇ hkʼe hpeh‸ ve yoˬ. Ngaˬ nawˬ hta‸ hkʼaˬ hkʼe te tawˇ yaw da‸ hpeh‸ tuˬ le. Ngaˬ awˬ gʼaˇ awˬ shaˉ nuˇ jaˇ peuˬ, teh‸ yawˇ hta‸ kʼoˆ piˇ ve yoˬ.
18Oˇhtaˇ, yawˇ ngaˬ hta‸ yuˬ tiˍ taˍ laˇ ve yoˬ. Hkʼe te leh, ngaˬ awˬ gʼaˇ kʼaw‸ cawˬ la ve yoˬ. 19Gʼuiˬsha nawˬ hta‸ ha‸ jaˇ ve yoˬ. Chi hta‸ pa taw, nawˬ taˇ kawˆ, taˇ dawˇ haˍ, teh‸ ngaˬ hta‸ kʼoˆ laˇ ve yoˬ.
Yawˇ oˇ hkʼe kʼoˆ peuˬ ve teˇ yanˇ, ngaˬ awˬ gʼaˇ kʼaw‸ cawˬ la leh, Jawˇmawˇ-oˬ, nawˬ ngaˬ hta‸ kʼoˆ laˇ gaˇ ve hkʼe kʼoˆ laˇ-oˆ. Nawˬ ngaˬ hta‸ awˬ gʼaˇ kʼaw‸ cawˬ la piˇ peuˬ, teh‸ yawˇ hta‸ kʼoˆ piˇ ve yoˬ.
20Oˇ htaˇ, yawˇ ngaˬ hta‸ chi hkʼe kʼoˆ laˇ ve yoˬ. Aˬ hto‸ ma pa taw ngaˬ nawˬ geh laˬ ve hta‸ nawˬ shiˍ-aˬ laˇ. Hteˇ ve cawˇ ve li‸ daw hkʼaw bvuh‸ taˍ ve awˬ lawn teˇ hpaˍ nawˬ hta‸ hpeu‸ maˍ laˇ tuˬ nga gaˬ la taˍ ve yoˬ. 21Chi beu‸ ngaˬ kʼaw‸ kʼo‸-e leh Paˇshaˇ mvuhˇmiˬ hta‸ ha‸ shaˉ chehˇ ve mvuhˇ naw tcuh yaˇ oˇ ve hta‸ gʼa ca kʼaw‸ bawˆ da‸ tuˬ yoˬ. Oˇ ve hkʼaw‸ nawˉ, Heˍ laˍ saˆ mvuhˇmiˬ hta‸ ha‸ shaˉ chehˇ ve mvuhˇ naw ma tcuh yaˇ kʼaw‸ tawˆ la tuˬ yoˬ. Iˉsaˍreˍlaˆ chaw hta‸ ha‸ shaˉ piˇ chehˇ ve Miˆhkeˍlaˆ maˇ heˆ kʼo, ngaˬ hta‸ ga laˇ paˍ teˇ gʼaˇ ka‸ maˇ cawˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.