1 Makabi 5
5
(2 Makabi 10:14-33; 12:10-45)
1Taem olketa pipol hu i stap long narafala ples raonem Jiudia herem dat olketa Jiu i bildimbaek moa disfala olta, an mekem gudbaek moa Tambuhaos ya an hemi luk gud moa olsem bifoa, olketa barava kros nogud moa. 2Olketa tingting strong moa fo kilim dae evri Jiu wea olketa stap wetem olketa. So olketa stat fo kilim dae olketa Jiu.
3Olketa long Idumia klosim rod fo olketa Israel, so Jiudas hemi go fo faetem olketa long Akrabatin, an hemi winim olketa, an tekem evrisamting blong olketa. 4An hemi go moa fo faetem olketa long Baean. Olketa ya nao i save kosim trabol fo olketa Israel olowe, bikos olketa save staphaed long saet rod fo holem olketa pipol long Israel, taem olketa wakabaot falom disfala rod ya. 5Jiudas hemi satem olketa insaet long strong haos blong ami, an hemi suea dat bae hemi spoelem olketa nogud. Den hemi putum faea long strong haos blong olketa, an evri pipol hu i stap insaet olketa bone wetem.
6Bihaen, hemi go fo faetem olketa long Amon, an long dea hemi go faetem moa wanfala strong grup blong soldia, wea Timoti nao hemi lidim olketa. 7Jiudas hemi winim plande faet wea hemi faet wetem Timoti, an bihaen hemi winim olketa. 8An hemi go holem tu Jasea an olketa evri smol ples wea olketa stap raonem, an bihaen hemi gobaek moa long Jiudia.
9Nao olketa hu i no Jiu long evriwea long Gilead olketa kam tugeta fo go faetem an kilim evri Jiu wea olketa stap insaet long lan blong olketa. Evri Jiu wea olketa stap long dea olketa ranawe go long strong haos blong ami wea olketa bildim long Datema, 10-11an olketa raetem leta go long Jiudas an olketa brata blong hem an tok olsem:
Olketa pipol hu i no Jiu wea olketa stap raonem mifala olketa go joen wetem Timoti nao. Mifala ranawe kam long strong haos blong ami fo mifala haed long hem. Distaem olketa redi nao fo kam long hia an tekem disfala strong haos an kilim mifala. 12Olketa kilim finis nao plande long mifala. !Yufala kam kuiktaem mekem yufala sevem mifala! 13Insaet long provins long Tob, olketa kilim dae evri man blong Jiu, an tekem waef an pikinini blong olketa olsem slev, an olketa karim go evrisamting blong olketa. Long dea kolsap kasem 1,000 long olketa man nao i dae finis.
14Taem olketa no ridim finis yet disfala leta ya, samfala man long Galili olketa tekem kam nius. Olketa brekem kaleko blong olketa long sore, 15an tok olsem, “Evri soldia long Tolemais, Taea, Saedon, an long hol Galili, olketa kam tugeta nao fo spoelem mifala nogud.”
16Taem Jiudas an evri pipol olketa herem evrisamting ya, olketa mekem wanfala bikfala miting fo olketa tok abaotem wanem nao olketa save duim fo helpem olketa wantok blong olketa, hu i safa tumas long han blong enemi blong olketa. 17So Jiudas hemi tok olsem long Saemon brata blong hem, “Yu siusim samfala man, an yufala go an sevem olketa pipol blong yumi long Galili. Mitufala Jonatan brata blong yumi, bae mitufala go long Gilead.” 18Jiudas hemi livim baek samfala ami fo lukaftarem Jiudia, an hemi odarem Asaraea an Josef, san blong Sekaraea, fo lukaftarem evri pipol. 19An hemi tok olsem long tufala, “Mi putum yutufala fo yutufala lida long hia. Yutufala mas no go an faetem olketa pipol hu i no Jiu, go kasem taem mifala kambaek.” 20So 3,000 soldia olketa go wetem Saemon long Galili, an 8,000 soldia olketa stapbaek wetem Jiudas redi fo go long Gilead.
21Saemon hemi go long Galili, an hemi duim plande faet wetem olketa hu i no Jiu. An hemi winim olketa, 22an ronem olketa go kasem long Tolemais, an kilim kolsap kasem 3,000 long olketa enemi, an tekem evrisamting blong olketa. 23Bihaen, hemi tekem evri Jiu hu i stap long Galili an Abata wetem waef an pikinini blong olketa an evrisamting wea olketa garem, an hemi lidim olketa gobaek long Jiudia. An olketa evriwan hapi tumas.
24Long disfala taem tu, tufala Jiudas Makabi an Jonatan brata blong hem, tufala go akros long Riva Jodan, an tufala go olowe long drae graon fo trifala de. 25An tufala go mitim samfala pipol long Nabataea wea olketa welkamem tufala, an olketa storim evrisamting wea hemi hapen long olketa Jiu long Gilead. 26Olketa tok olsem, “Olketa enemi putum plande long olketa Jiu long prisin insaet long olketa biktaon blong olketa wea olketa bildim wolston raonem, olsem long Bosra, Bosoa, Alema, Kasfo, Maked an Kanaim, 27an samfala moa olketa prisin insaet long olketa smolfala taon long Gilead. Tumoro bae olketa enemi kam tugeta fo go faetem olketa Jiu wea i stap insaet long olketa taon wetem wolston raonem, an olketa tingim fo kilim olketa evriwan insaet long wanfala de nomoa.”
28Nao distaem, Jiudas an ami blong hem olketa tane go kuiktaem long rod wea hemi go long disfala drae lan ya, an olketa go fo faetem olketa long Bosra, an olketa kilim evriwan hu i stap long dea. Olketa tekem evrisamting blong olketa an bonem evri haos insaet long taon ya. 29Taem olketa lusim Bosra, olketa go stret long disfala strong haos blong ami long Datema. Olketa wakabaot hol naet fo go kasem long dea. 30Taem hemi kolsap delaet, Jiudas an olketa soldia blong hem lukim wanfala bik grup blong ami olketa go fo disfala long strong haos ya. Olketa karim lada an stik fo klaeap long wol, an bikfala log fo brekemdaon wolston ya. 31Taem Jiudas herem bikfala noes an singaot blong faet, an krae blong konsel long ples ya, hemi save dat faet hemi stat nao. 32Den hemi tok olsem long olketa soldia blong hem, “!Yumi mas faet tude fo sevem olketa wantok blong yumi!”
33So olketa soldia blong hem wakabaot long trifala laen, an olketa go long bihaen fo faetem enemi blong olketa. Olketa bloum konsel an singaot long prea, taem olketa gogo fo faet. 34Taem ami blong Timoti luksave dat Jiudas Makabi hemi kam, olketa evriwan tanebaek an ranawe. Long datfala de ya, Jiudas hemi stepdaonem olketa enemi nogud an hemi kilim kolsap kasem 8,000 man.
35Bihaen, Jiudas hemi go fo faet moa long taon Alema an hemi holem. Hemi kilim evri man wea olketa stap long disfala taon ya, an tekem evrisamting blong olketa an hemi bonem taon ya. 36Hemi lusim Alema an hemi go long olketa taon long Kasfo, Maked, an Bosoa, an evri smol taon long Gilead.
37Afta disfala faet ya, Timoti hemi kolem tugeta moa plande soldia, an olketa go putumap haostent blong olketa wea hemi fes go long Rafon narasaet long riva. 38Jiudas hemi sendem go samfala man blong hem fo go lukim wea nao Timoti an grup blong hem olketa stap. Taem olketa kambaek, olketa tok olsem long hem, “Olketa evri pipol hu i no Jiu wea i stap long evri lan raonem yumi, olketa kam tugeta long ples wea Timoti hemi stap. !Olketa mekem wanfala bik grup blong ami!” 39Timoti hemi baem tu plande soldia long Arab fo kam helpem hem long faetem Jiudas, an olketa kam stap tu long narasaet long riva. So Jiudas hemi go fo mitim olketa long faet.
40Taem Jiudas an ami blong hem kam kolsap long riva, Timoti hemi tok olsem long olketa advaesa blong hem, “Sapos Jiudas hemi kam an krosim riva ya, bae hemi had tumas fo yumi fo stopem hem, tru tumas bae hemi winim yumi. 41Bat sapos hemi fraet an hemi kam stanap long narasaet long riva, yumi bae go krosim riva ya an yumi bae faet wetem an winim hem.”
42Taem Jiudas an olketa soldia blong hem olketa go kasem saet long riva ya, Jiudas hemi tok olsem long olketa advaesa blong hem, “Yufala no letem eniwan fo hemi stap long saet long riva, yufala mas pusum evriwan fo go akros an olketa mas go fo faet.” 43Taem Jiudas hemi finis fo toktok, hem nao hemi go fas fo krosim riva ya, an evri soldia blong hem olketa falom hemi go. Distaem olketa pipol hu i no Jiu olketa barava fraet nogud, an olketa torowe olketa samting fo faet an olketa ranawe go long holi haos blong laea god long Kanaim. 44Jiudas an olketa soldia blong hem olketa holem disfala biktaon ya, an olketa bonem holi haos ya wetem olketa hu i stap insaet. Afta olketa Jiu holem finis disfala biktaon long Kanaim, olketa pipol hu i no Jiu olketa no save faetem Jiudas moa.
45Bihaen, Jiudas hemi kolem evri Jiu wea olketa stap long Gilead fo kam tugeta, fo olketa gobaek wetem hem long Jiudia. Hemi wanfala bikfala grup blong pipol wea olketa go wetem hem, wetem waef an pikinini blong olketa an evrisamting blong olketa. 46Olketa wakabaot long rod go kasem Efron, hemi wanfala taon wea olketa mekem wolston raonem. An disfala rod ya hemi go stret long midol long taon ya, an hemi had fo olketa fo falom narafala rod moa. 47Olketa pipol long dea no letem olketa fo go insaet long taon ya, an olketa hipimap ston long bikfala doa blong taon ya. 48So Jiudas hemi sendem go toktok blong piis an hemi tok olsem, “Yufala mas letem mifala fo go insaet long taon blong yufala fo mifala go long ples blong mifala. Mifala bae no duim enisamting nogud long yufala. Mifala laekem nomoa fo falom rod fo go long ples blong mifala.” Bat olketa pipol long taon ya, olketa barava les fo openem doa fo olketa.
49Den Jiudas hemi odarem olketa pipol wea olketa kam wetem hem fo putumap haostent blong olketa long ples wea olketa stap. 50So olketa soldia blong hem olketa tekemap ples blong olketa fo faet an olketa go fo faetem disfala taon ya. An olketa faet strong long hol naet an hol de go kasem taem olketa holem taon ya. 51Den Jiudas hemi kilim evri man long Efron, an hemi tekem evrisamting long dea, an barava spoelem nogud taon ya. Bihaen, hem an olketa pipol wetem hem olketa wakabaot insaet long taon ya antap long bodi blong olketa pipol hu i dae. 52An olketa krosim Riva Jodan an olketa wakabaot go long levol graon fesim go long Bet San. 53Taem olketa go-go long rod, Jiudas hemi gohed fo strongim olketa hu i wakabaot slou, an hemi givim gud toktok long olketa, fo strongim olketa fo go kasem long Jiudia. 54Olketa barava hapi tumas an olketa preisim God taem olketa wakabaot goap long maonten Saeon, an olketa mekem bone ofaring bikos olketa kam kasem gud long ples blong olketa, an no eniwan long olketa hemi dae.
55Taem Jiudas an Jonatan tufala stap yet long Gilead, an Saemon brata blong tufala hemi go fo faetem Tolemais long Galili, 56tufala Josef an Asaraea, tufala lida blong ami long Jiudia, tufala herem strong blong trifala brata ya, an trifala winim plande faet. 57So tufala tok olsem, “Yumitufala tu go an faetem olketa pipol hu i no Jiu wea olketa stap raonem yumi, mekem nem blong yumitufala hemi bikfala tu.” 58Den, tufala wetem olketa soldia blong tufala go fo faet long Jamnia. 59So Gogias an olketa soldia blong hem olketa kamaot long taon ya, fo olketa go faetem olketa. 60An Gogias hemi ronem tufala go kasem long baondri blong Jiudia, an kolsap kasem 2,000 soldia long Israel nao olketa dae long datfala de ya. 61Olketa long Israel no winim disfala faet ya, bikos tufala lida blong olketa ya tufala laekem garem bikfala nem nomoa, an tufala les fo lisin long Jiudas an olketa brata blong hem. 62An wanfala samting moa, tufala ya tufala no long traeb blong Makabi. Disfala traeb ya nao God hemi siusim fo sevem olketa pipol long Israel.
63Distaem evri pipol long Israel wetem olketa hu i no Jiu tinghae tumas long Jiudas Makabi an olketa brata blong hem, bikos olketa herem bikfala win wea olketa duim long faet. 64So evri pipol kam tugeta an preisim olketa.
65Bihaen, Jiudas an olketa brata blong hem olketa go faetem olketa long Idom long saot. Olketa go tu long bikfala taon long Hebron an olketa smol taon wea i stap raonem, an olketa brekemdaon olketa wolston, an bonem olketa taoa wea olketa stap raonem. 66Bihaen olketa go moa long lan blong olketa long Filistia an olketa wakabaot go insaet long taon long Marisa. 67Long datfala taem, samfala prist tu olketa tingim fo mekem nem blong olketa fo bikfala, olketa go wetem Jiudas long faet an olketa dae. 68Den Jiudas hemi tane go long Asdod long Filistia. An hemi spoelem olketa olta an bonem olketa kaving god an tekem evrisamting long taon blong olketa. Den hemi gobaek moa long Jiudia.
လက္ရွိေရြးခ်ယ္ထားမွု
1 Makabi 5: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.
1 Makabi 5
5
(2 Makabi 10:14-33; 12:10-45)
1Taem olketa pipol hu i stap long narafala ples raonem Jiudia herem dat olketa Jiu i bildimbaek moa disfala olta, an mekem gudbaek moa Tambuhaos ya an hemi luk gud moa olsem bifoa, olketa barava kros nogud moa. 2Olketa tingting strong moa fo kilim dae evri Jiu wea olketa stap wetem olketa. So olketa stat fo kilim dae olketa Jiu.
3Olketa long Idumia klosim rod fo olketa Israel, so Jiudas hemi go fo faetem olketa long Akrabatin, an hemi winim olketa, an tekem evrisamting blong olketa. 4An hemi go moa fo faetem olketa long Baean. Olketa ya nao i save kosim trabol fo olketa Israel olowe, bikos olketa save staphaed long saet rod fo holem olketa pipol long Israel, taem olketa wakabaot falom disfala rod ya. 5Jiudas hemi satem olketa insaet long strong haos blong ami, an hemi suea dat bae hemi spoelem olketa nogud. Den hemi putum faea long strong haos blong olketa, an evri pipol hu i stap insaet olketa bone wetem.
6Bihaen, hemi go fo faetem olketa long Amon, an long dea hemi go faetem moa wanfala strong grup blong soldia, wea Timoti nao hemi lidim olketa. 7Jiudas hemi winim plande faet wea hemi faet wetem Timoti, an bihaen hemi winim olketa. 8An hemi go holem tu Jasea an olketa evri smol ples wea olketa stap raonem, an bihaen hemi gobaek moa long Jiudia.
9Nao olketa hu i no Jiu long evriwea long Gilead olketa kam tugeta fo go faetem an kilim evri Jiu wea olketa stap insaet long lan blong olketa. Evri Jiu wea olketa stap long dea olketa ranawe go long strong haos blong ami wea olketa bildim long Datema, 10-11an olketa raetem leta go long Jiudas an olketa brata blong hem an tok olsem:
Olketa pipol hu i no Jiu wea olketa stap raonem mifala olketa go joen wetem Timoti nao. Mifala ranawe kam long strong haos blong ami fo mifala haed long hem. Distaem olketa redi nao fo kam long hia an tekem disfala strong haos an kilim mifala. 12Olketa kilim finis nao plande long mifala. !Yufala kam kuiktaem mekem yufala sevem mifala! 13Insaet long provins long Tob, olketa kilim dae evri man blong Jiu, an tekem waef an pikinini blong olketa olsem slev, an olketa karim go evrisamting blong olketa. Long dea kolsap kasem 1,000 long olketa man nao i dae finis.
14Taem olketa no ridim finis yet disfala leta ya, samfala man long Galili olketa tekem kam nius. Olketa brekem kaleko blong olketa long sore, 15an tok olsem, “Evri soldia long Tolemais, Taea, Saedon, an long hol Galili, olketa kam tugeta nao fo spoelem mifala nogud.”
16Taem Jiudas an evri pipol olketa herem evrisamting ya, olketa mekem wanfala bikfala miting fo olketa tok abaotem wanem nao olketa save duim fo helpem olketa wantok blong olketa, hu i safa tumas long han blong enemi blong olketa. 17So Jiudas hemi tok olsem long Saemon brata blong hem, “Yu siusim samfala man, an yufala go an sevem olketa pipol blong yumi long Galili. Mitufala Jonatan brata blong yumi, bae mitufala go long Gilead.” 18Jiudas hemi livim baek samfala ami fo lukaftarem Jiudia, an hemi odarem Asaraea an Josef, san blong Sekaraea, fo lukaftarem evri pipol. 19An hemi tok olsem long tufala, “Mi putum yutufala fo yutufala lida long hia. Yutufala mas no go an faetem olketa pipol hu i no Jiu, go kasem taem mifala kambaek.” 20So 3,000 soldia olketa go wetem Saemon long Galili, an 8,000 soldia olketa stapbaek wetem Jiudas redi fo go long Gilead.
21Saemon hemi go long Galili, an hemi duim plande faet wetem olketa hu i no Jiu. An hemi winim olketa, 22an ronem olketa go kasem long Tolemais, an kilim kolsap kasem 3,000 long olketa enemi, an tekem evrisamting blong olketa. 23Bihaen, hemi tekem evri Jiu hu i stap long Galili an Abata wetem waef an pikinini blong olketa an evrisamting wea olketa garem, an hemi lidim olketa gobaek long Jiudia. An olketa evriwan hapi tumas.
24Long disfala taem tu, tufala Jiudas Makabi an Jonatan brata blong hem, tufala go akros long Riva Jodan, an tufala go olowe long drae graon fo trifala de. 25An tufala go mitim samfala pipol long Nabataea wea olketa welkamem tufala, an olketa storim evrisamting wea hemi hapen long olketa Jiu long Gilead. 26Olketa tok olsem, “Olketa enemi putum plande long olketa Jiu long prisin insaet long olketa biktaon blong olketa wea olketa bildim wolston raonem, olsem long Bosra, Bosoa, Alema, Kasfo, Maked an Kanaim, 27an samfala moa olketa prisin insaet long olketa smolfala taon long Gilead. Tumoro bae olketa enemi kam tugeta fo go faetem olketa Jiu wea i stap insaet long olketa taon wetem wolston raonem, an olketa tingim fo kilim olketa evriwan insaet long wanfala de nomoa.”
28Nao distaem, Jiudas an ami blong hem olketa tane go kuiktaem long rod wea hemi go long disfala drae lan ya, an olketa go fo faetem olketa long Bosra, an olketa kilim evriwan hu i stap long dea. Olketa tekem evrisamting blong olketa an bonem evri haos insaet long taon ya. 29Taem olketa lusim Bosra, olketa go stret long disfala strong haos blong ami long Datema. Olketa wakabaot hol naet fo go kasem long dea. 30Taem hemi kolsap delaet, Jiudas an olketa soldia blong hem lukim wanfala bik grup blong ami olketa go fo disfala long strong haos ya. Olketa karim lada an stik fo klaeap long wol, an bikfala log fo brekemdaon wolston ya. 31Taem Jiudas herem bikfala noes an singaot blong faet, an krae blong konsel long ples ya, hemi save dat faet hemi stat nao. 32Den hemi tok olsem long olketa soldia blong hem, “!Yumi mas faet tude fo sevem olketa wantok blong yumi!”
33So olketa soldia blong hem wakabaot long trifala laen, an olketa go long bihaen fo faetem enemi blong olketa. Olketa bloum konsel an singaot long prea, taem olketa gogo fo faet. 34Taem ami blong Timoti luksave dat Jiudas Makabi hemi kam, olketa evriwan tanebaek an ranawe. Long datfala de ya, Jiudas hemi stepdaonem olketa enemi nogud an hemi kilim kolsap kasem 8,000 man.
35Bihaen, Jiudas hemi go fo faet moa long taon Alema an hemi holem. Hemi kilim evri man wea olketa stap long disfala taon ya, an tekem evrisamting blong olketa an hemi bonem taon ya. 36Hemi lusim Alema an hemi go long olketa taon long Kasfo, Maked, an Bosoa, an evri smol taon long Gilead.
37Afta disfala faet ya, Timoti hemi kolem tugeta moa plande soldia, an olketa go putumap haostent blong olketa wea hemi fes go long Rafon narasaet long riva. 38Jiudas hemi sendem go samfala man blong hem fo go lukim wea nao Timoti an grup blong hem olketa stap. Taem olketa kambaek, olketa tok olsem long hem, “Olketa evri pipol hu i no Jiu wea i stap long evri lan raonem yumi, olketa kam tugeta long ples wea Timoti hemi stap. !Olketa mekem wanfala bik grup blong ami!” 39Timoti hemi baem tu plande soldia long Arab fo kam helpem hem long faetem Jiudas, an olketa kam stap tu long narasaet long riva. So Jiudas hemi go fo mitim olketa long faet.
40Taem Jiudas an ami blong hem kam kolsap long riva, Timoti hemi tok olsem long olketa advaesa blong hem, “Sapos Jiudas hemi kam an krosim riva ya, bae hemi had tumas fo yumi fo stopem hem, tru tumas bae hemi winim yumi. 41Bat sapos hemi fraet an hemi kam stanap long narasaet long riva, yumi bae go krosim riva ya an yumi bae faet wetem an winim hem.”
42Taem Jiudas an olketa soldia blong hem olketa go kasem saet long riva ya, Jiudas hemi tok olsem long olketa advaesa blong hem, “Yufala no letem eniwan fo hemi stap long saet long riva, yufala mas pusum evriwan fo go akros an olketa mas go fo faet.” 43Taem Jiudas hemi finis fo toktok, hem nao hemi go fas fo krosim riva ya, an evri soldia blong hem olketa falom hemi go. Distaem olketa pipol hu i no Jiu olketa barava fraet nogud, an olketa torowe olketa samting fo faet an olketa ranawe go long holi haos blong laea god long Kanaim. 44Jiudas an olketa soldia blong hem olketa holem disfala biktaon ya, an olketa bonem holi haos ya wetem olketa hu i stap insaet. Afta olketa Jiu holem finis disfala biktaon long Kanaim, olketa pipol hu i no Jiu olketa no save faetem Jiudas moa.
45Bihaen, Jiudas hemi kolem evri Jiu wea olketa stap long Gilead fo kam tugeta, fo olketa gobaek wetem hem long Jiudia. Hemi wanfala bikfala grup blong pipol wea olketa go wetem hem, wetem waef an pikinini blong olketa an evrisamting blong olketa. 46Olketa wakabaot long rod go kasem Efron, hemi wanfala taon wea olketa mekem wolston raonem. An disfala rod ya hemi go stret long midol long taon ya, an hemi had fo olketa fo falom narafala rod moa. 47Olketa pipol long dea no letem olketa fo go insaet long taon ya, an olketa hipimap ston long bikfala doa blong taon ya. 48So Jiudas hemi sendem go toktok blong piis an hemi tok olsem, “Yufala mas letem mifala fo go insaet long taon blong yufala fo mifala go long ples blong mifala. Mifala bae no duim enisamting nogud long yufala. Mifala laekem nomoa fo falom rod fo go long ples blong mifala.” Bat olketa pipol long taon ya, olketa barava les fo openem doa fo olketa.
49Den Jiudas hemi odarem olketa pipol wea olketa kam wetem hem fo putumap haostent blong olketa long ples wea olketa stap. 50So olketa soldia blong hem olketa tekemap ples blong olketa fo faet an olketa go fo faetem disfala taon ya. An olketa faet strong long hol naet an hol de go kasem taem olketa holem taon ya. 51Den Jiudas hemi kilim evri man long Efron, an hemi tekem evrisamting long dea, an barava spoelem nogud taon ya. Bihaen, hem an olketa pipol wetem hem olketa wakabaot insaet long taon ya antap long bodi blong olketa pipol hu i dae. 52An olketa krosim Riva Jodan an olketa wakabaot go long levol graon fesim go long Bet San. 53Taem olketa go-go long rod, Jiudas hemi gohed fo strongim olketa hu i wakabaot slou, an hemi givim gud toktok long olketa, fo strongim olketa fo go kasem long Jiudia. 54Olketa barava hapi tumas an olketa preisim God taem olketa wakabaot goap long maonten Saeon, an olketa mekem bone ofaring bikos olketa kam kasem gud long ples blong olketa, an no eniwan long olketa hemi dae.
55Taem Jiudas an Jonatan tufala stap yet long Gilead, an Saemon brata blong tufala hemi go fo faetem Tolemais long Galili, 56tufala Josef an Asaraea, tufala lida blong ami long Jiudia, tufala herem strong blong trifala brata ya, an trifala winim plande faet. 57So tufala tok olsem, “Yumitufala tu go an faetem olketa pipol hu i no Jiu wea olketa stap raonem yumi, mekem nem blong yumitufala hemi bikfala tu.” 58Den, tufala wetem olketa soldia blong tufala go fo faet long Jamnia. 59So Gogias an olketa soldia blong hem olketa kamaot long taon ya, fo olketa go faetem olketa. 60An Gogias hemi ronem tufala go kasem long baondri blong Jiudia, an kolsap kasem 2,000 soldia long Israel nao olketa dae long datfala de ya. 61Olketa long Israel no winim disfala faet ya, bikos tufala lida blong olketa ya tufala laekem garem bikfala nem nomoa, an tufala les fo lisin long Jiudas an olketa brata blong hem. 62An wanfala samting moa, tufala ya tufala no long traeb blong Makabi. Disfala traeb ya nao God hemi siusim fo sevem olketa pipol long Israel.
63Distaem evri pipol long Israel wetem olketa hu i no Jiu tinghae tumas long Jiudas Makabi an olketa brata blong hem, bikos olketa herem bikfala win wea olketa duim long faet. 64So evri pipol kam tugeta an preisim olketa.
65Bihaen, Jiudas an olketa brata blong hem olketa go faetem olketa long Idom long saot. Olketa go tu long bikfala taon long Hebron an olketa smol taon wea i stap raonem, an olketa brekemdaon olketa wolston, an bonem olketa taoa wea olketa stap raonem. 66Bihaen olketa go moa long lan blong olketa long Filistia an olketa wakabaot go insaet long taon long Marisa. 67Long datfala taem, samfala prist tu olketa tingim fo mekem nem blong olketa fo bikfala, olketa go wetem Jiudas long faet an olketa dae. 68Den Jiudas hemi tane go long Asdod long Filistia. An hemi spoelem olketa olta an bonem olketa kaving god an tekem evrisamting long taon blong olketa. Den hemi gobaek moa long Jiudia.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.