San Marcos 8
8
Ri Jesús xuya kwa kjeb' mil (4,000) mnaq
(Mt 15:32-39)
1Chpam un tiempo le', jwert mnaq kirqom chkib' ruk' Jesús che utayik su kub'ij, per xk'is kwa rech kiktijo. Ni Jesús xyusk'ij nk'aj udiscípulo, xub'ij chke:
2—In kel nk'u'x chke nk'aj mnaqi', mal och uxib' ij che, che iy'o chi' wuk' y otchich su kiktijo. 3We kyintaq b'i chikchoch y ot kwa kiktij b'ik, otchich kchu'ab' kib'inik; kikch'ij taj kiyo'pnik, mal o nk'aj che naj kipi wi, —xche chke.
4Ni nk'aj udiscípulo xikb'ij che:
—¿Jachi kriqtaj wa chi' rech kitzuq nk'aj mnaqe'? Kriqtaj taj, mal ot mnaq o kchoch chpam un lyari', —xiche che.
5Ni Jesús xuta chke:
—Jumpa kaxlenwa o iwuk' ix? —xche chke.
Ni ke xikb'ij:
—Xa jqub' (7) olik, —xiche che.
6Tik'ri xub'ij chke mnaq che kiyikb'e' chuchlew; xuchap qaj jqub' (7) kaxlenwa, xutyoxij che Dios. Tik'ri xupiro, xuya chke nk'aj udiscípulo rech kikjach chikuch mnaq; ke, jala xik'an che. 7Soq o keb' uxib' taq kar kuk'; xa rmal, xutyoxij Jesús che Dios, tik'ri xutaq ujachik uwuch chikuch mnaq. 8Kunjel mnaq xiwa'ik, xinojik. Echi' xtitaj kwa, xyak kqax che xikk'is taj. Xnoj jqub' (7) nmaq chkach che kqax che xso'wrnik. 9Y ni mnaq che xiktij kwa, puk o uwi' che kjeb' mil (4,000). Tik'ri xyutaq b'i Jesús chikchoch. 10Tik'ri xok chpam un barco rich'il nk'aj udiscípulo, xib'e chpam jun lyar Dalmanuta ub'i'.
Nk'aj fariseo xikta jun nimlaj k'utb'al che Jesús
(Mt 16:1-4; Lc 11:16,29)
11Ena xiyo'pan nk'aj fariseo ruk' Jesús; xiyok che uk'otik uchi'. Ena xikta che, che ku'on jun nimlaj k'utb'al chikuch, k'utb'alre we chla' chkaj ruk' Dios pitnaq wi; xa jare kkaj ke kikqasaj chpam umak. 12Per ni Jesús, mas xi'xow ranma' rmal b'is; ena xub'ij:
—¿Surche che kikta jun milagro nk'aj mnaq iy'o chu'ij saq? Ruk' saqlaj tzij kimb'ij chiwe, che ot su kri' jun k'utb'al kya'taj chke, —xche chke.
13Tik'ri xel b'i Re chikxo'l y xok jun b'welt chik chpam un barco. Xikmaj kb'e rech kib'e ch'qap che nu'ab' mar.
Jala kmow nk'aj fariseo peche nk'aj ch'am rech kaxlenwa
(Mt 16:5-12)
14Ni nk'aj discípulo xna'taj taj chke xikk'am b'i kwa; xaq xaw jun kaxlenwa kuk'am b'i chpam un barco. 15Y ni Jesús xub'ij chke:
—¡Chitampe'! China kwent iwib' chikuch nk'aj fariseo, soq chjuch u Herodes, rmal mel xa jala kmow peche nk'aj ch'am kjom ruk' kaxlenwa, —xche chke.
16Ni nk'aj udiscípulo xikmaj ub'ixik chikuch: «Jala kub'ij chqe, xa rmal mel ot qakaxlenwa xqak'am loq», xicha'. 17Ni Jesús rit'am chik su kikb'ij chikuch. Ena, xub'ij chke:
—¿Suche che kixch'aw chiwuch chrij kaxlenwa che iwuk'am taj? ¿Le mja kich'ob'o su xin'ano? ¿Le mja kqaj ntzij pijlom? ¿Le xa kiwaj taj ki'ano su kraj Dios? 18Miskini' o iwuch rech kixka'yik, kixka'y taj; miskini' o ixkin rech kita', kita taj. ¿Le xa kna'taj t chiwe su xin'ano? 19Echi' xinjach uwuch j'ob' (5) kaxlenwa chikuch j'ob' mil (5,000) mnaq, ¿jumpa chkach uqax xisik'o che xikk'is taj? —xche chke.
Ni ke xikb'ij:
—Kab'aljuj (12) chkach, —xiche che.
20Ri Jesús xub'ij chik chke:
—Ni ti xinjach uwuch jqub' (7) kaxlenwa chikuch kjeb' mil (4,000) mnaq, ¿jumpa chkach uqax xisik'o che xikk'is taj? —xche chke.
Ni ke xikb'ij:
—Jqub' (7) chkach, —xiche che.
21Ri Jesús xuta chik chke, xub'ij:
—¿Le mja kich'ob'o? —xche chke.
Ri Jesús xuknaj jun achi chpam un tinmit Betsaida che xa potz'
22Echi' xiyo'pan chpam un tinmit Betsaida, o jun achi xikk'am loq mnaq chjuch Jesús che xa potz'; ena xikb'och'ij ujlom Jesús, rech kuchapo, kuknaj. 23Ni Jesús xuch'elej nachi che u'ab' che xa kka'y taj, xuresaj b'i ptinmit. Tik'ri xukoj uchub' ptaq uwuch y xuya u'ab' pujlom. Tik'ri xuta che we o su kurilo.
24Nun potz' xka'yik, xub'ij:
—Kyinwil nk'aj mnaq peche che' kyinwilo, per kib'inik, —xche che.
25Tik'ri xuya jun b'welt chik u'ab' Jesús chrij uwuch, tik'ri qa xka'y un potz', runjel uwuch xtortjik; utz chik kka'yik, ot chuyab'. 26Tik'ri k'ut, ri Jesús xutaq b'i nachi chirchoch, per xub'ij b'i che:
—Xa matok ptinmit, y xa mab'ij che jun chik mnaq chla' su xin'an chawe, —xche che.
U Lu' xub'ij che ri Jesús, jare Re Cristo
(Mt 16:13-20; Lc 9:18-21)
27Ri Jesús rich'il nk'aj udiscípulo xib'e ptaq kanton rech un tinmit che Cesarea Filipo ub'i'. Echi' iy'o ptaq b'e, xuta chke nk'aj udiscípulo:
—¿Nchin in che kikb'ij mnaq? —xche chke.
28Ni ke xikb'ij che:
—O nk'aj kikb'ij che lal jare u Wan ajb'nal qasna'; o nk'aj chik kikb'ij che lal jare qari'jal Elías; y ast o nk'aj chik kikb'ij che lal jare jun chke nk'aj ajb'il utzij Dios ujer, —xiche che.
29Tik'ri xuta chik chke ke, xub'ij:
—Ni ix, ¿nchin in che kib'ij ix? —xche chke.
Nu Lu' xub'ij:
—Lal jare la ri Cristo,#8:29 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios, —xche che.
30Per ni Jesús xyupixb'ej, xub'ij chke che xa mikb'ij che jun chik mnaq chin Re.
Ri Jesús xub'ij che kkamsax na
(Mt 16:21-28; Lc 9:22-27)
31Ri Jesús xumaj ub'ixik chke nk'aj udiscípulo, xub'ij: «In nAchi nuK'jol Dios, nmister kinriq na nimlaj k'ax, y kinxtux na kmal mnaq o keqle'n, kmal nk'aj ajk'mal b'e chke nk'aj rajchak Dios, y kmal nk'aj ajtojnel rech upxab' Dios. Y kinkamsax na, per churox ij kk'astaj nwuch chikxo'l nk'aj kamnaq». Jala xub'ij Jesús chke. 32Runjel su xub'ij, utz ub'ixik xu'on che, rech kikch'ob'o. Per nu Lu' xuresaj b'i Jesús chikxo'l; echi' xaq kitkel iy'olik, xumaj uyajik rmal su kitjin che ub'ixik. 33Per ni Jesús xutza'mej uwuch chrij y xyuka'yej loq nk'aj udiscípulo; ena xuyaj u Lu', xub'ij che:
—¡Katel chinwuch, itzel Satanás! At, Lu', jare taj kach'ob'o su kraj Dios, xa jare kach'ob'o su kkaj mnaq, —xche che.
34Tik'ri xyusk'ij nk'aj udiscípulo rich'il jumpa mnaq iy'o chla' y xub'ij chke:
—We o jun kraj kok wuk', ot mow che xaw ku'ono su kraj re ku'ono; jare nmister che peche kutelej b'i ucruz, kitrij chwij, ku'ono su kwaj in, miskini' kkam rmal. 35Mal chin jun che xa jare kub'soj uk'asnmal chi' chuchlew, echi' ksachtaj uwuch, ot su kuri'ej chik; per chin jun ksachtaj uwuch wmal in, soq rmal utzlaj utzij Dios, jare re kuriq na jun uk'asnmal chla' chkaj che ot uk'isik. 36¿Sut uptan che jun achi, we kuch'ak runjel jumpa kriqtaj chi' chuchlew, we xa kusach uk'asnmal ruk' Dios? 37¿Su kuya na jun mnaq rech kuk'ex uwuch ruk' junalik uk'asnmal? Otaj. 38Chin jun mnaq kk'ix wmal in y kk'ix rmal ntzij chikuch nk'aj itzel taq ajmak iy'o chu'ij saq, soq kink'ix na in rmal re echi' kintzlij chuloq chi' chuchlew. In nAchi nuK'jol Dios, kimpi na ruk' uchu'ab' nQaw chla' chkaj rich'il reqle'n Re; jnam kujpi kuk' lo'laj taq ángel. —Jala xub'ij Jesús chke nk'aj discípulo.
လက္ရွိေရြးခ်ယ္ထားမွု
San Marcos 8: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Marcos 8
8
Ri Jesús xuya kwa kjeb' mil (4,000) mnaq
(Mt 15:32-39)
1Chpam un tiempo le', jwert mnaq kirqom chkib' ruk' Jesús che utayik su kub'ij, per xk'is kwa rech kiktijo. Ni Jesús xyusk'ij nk'aj udiscípulo, xub'ij chke:
2—In kel nk'u'x chke nk'aj mnaqi', mal och uxib' ij che, che iy'o chi' wuk' y otchich su kiktijo. 3We kyintaq b'i chikchoch y ot kwa kiktij b'ik, otchich kchu'ab' kib'inik; kikch'ij taj kiyo'pnik, mal o nk'aj che naj kipi wi, —xche chke.
4Ni nk'aj udiscípulo xikb'ij che:
—¿Jachi kriqtaj wa chi' rech kitzuq nk'aj mnaqe'? Kriqtaj taj, mal ot mnaq o kchoch chpam un lyari', —xiche che.
5Ni Jesús xuta chke:
—Jumpa kaxlenwa o iwuk' ix? —xche chke.
Ni ke xikb'ij:
—Xa jqub' (7) olik, —xiche che.
6Tik'ri xub'ij chke mnaq che kiyikb'e' chuchlew; xuchap qaj jqub' (7) kaxlenwa, xutyoxij che Dios. Tik'ri xupiro, xuya chke nk'aj udiscípulo rech kikjach chikuch mnaq; ke, jala xik'an che. 7Soq o keb' uxib' taq kar kuk'; xa rmal, xutyoxij Jesús che Dios, tik'ri xutaq ujachik uwuch chikuch mnaq. 8Kunjel mnaq xiwa'ik, xinojik. Echi' xtitaj kwa, xyak kqax che xikk'is taj. Xnoj jqub' (7) nmaq chkach che kqax che xso'wrnik. 9Y ni mnaq che xiktij kwa, puk o uwi' che kjeb' mil (4,000). Tik'ri xyutaq b'i Jesús chikchoch. 10Tik'ri xok chpam un barco rich'il nk'aj udiscípulo, xib'e chpam jun lyar Dalmanuta ub'i'.
Nk'aj fariseo xikta jun nimlaj k'utb'al che Jesús
(Mt 16:1-4; Lc 11:16,29)
11Ena xiyo'pan nk'aj fariseo ruk' Jesús; xiyok che uk'otik uchi'. Ena xikta che, che ku'on jun nimlaj k'utb'al chikuch, k'utb'alre we chla' chkaj ruk' Dios pitnaq wi; xa jare kkaj ke kikqasaj chpam umak. 12Per ni Jesús, mas xi'xow ranma' rmal b'is; ena xub'ij:
—¿Surche che kikta jun milagro nk'aj mnaq iy'o chu'ij saq? Ruk' saqlaj tzij kimb'ij chiwe, che ot su kri' jun k'utb'al kya'taj chke, —xche chke.
13Tik'ri xel b'i Re chikxo'l y xok jun b'welt chik chpam un barco. Xikmaj kb'e rech kib'e ch'qap che nu'ab' mar.
Jala kmow nk'aj fariseo peche nk'aj ch'am rech kaxlenwa
(Mt 16:5-12)
14Ni nk'aj discípulo xna'taj taj chke xikk'am b'i kwa; xaq xaw jun kaxlenwa kuk'am b'i chpam un barco. 15Y ni Jesús xub'ij chke:
—¡Chitampe'! China kwent iwib' chikuch nk'aj fariseo, soq chjuch u Herodes, rmal mel xa jala kmow peche nk'aj ch'am kjom ruk' kaxlenwa, —xche chke.
16Ni nk'aj udiscípulo xikmaj ub'ixik chikuch: «Jala kub'ij chqe, xa rmal mel ot qakaxlenwa xqak'am loq», xicha'. 17Ni Jesús rit'am chik su kikb'ij chikuch. Ena, xub'ij chke:
—¿Suche che kixch'aw chiwuch chrij kaxlenwa che iwuk'am taj? ¿Le mja kich'ob'o su xin'ano? ¿Le mja kqaj ntzij pijlom? ¿Le xa kiwaj taj ki'ano su kraj Dios? 18Miskini' o iwuch rech kixka'yik, kixka'y taj; miskini' o ixkin rech kita', kita taj. ¿Le xa kna'taj t chiwe su xin'ano? 19Echi' xinjach uwuch j'ob' (5) kaxlenwa chikuch j'ob' mil (5,000) mnaq, ¿jumpa chkach uqax xisik'o che xikk'is taj? —xche chke.
Ni ke xikb'ij:
—Kab'aljuj (12) chkach, —xiche che.
20Ri Jesús xub'ij chik chke:
—Ni ti xinjach uwuch jqub' (7) kaxlenwa chikuch kjeb' mil (4,000) mnaq, ¿jumpa chkach uqax xisik'o che xikk'is taj? —xche chke.
Ni ke xikb'ij:
—Jqub' (7) chkach, —xiche che.
21Ri Jesús xuta chik chke, xub'ij:
—¿Le mja kich'ob'o? —xche chke.
Ri Jesús xuknaj jun achi chpam un tinmit Betsaida che xa potz'
22Echi' xiyo'pan chpam un tinmit Betsaida, o jun achi xikk'am loq mnaq chjuch Jesús che xa potz'; ena xikb'och'ij ujlom Jesús, rech kuchapo, kuknaj. 23Ni Jesús xuch'elej nachi che u'ab' che xa kka'y taj, xuresaj b'i ptinmit. Tik'ri xukoj uchub' ptaq uwuch y xuya u'ab' pujlom. Tik'ri xuta che we o su kurilo.
24Nun potz' xka'yik, xub'ij:
—Kyinwil nk'aj mnaq peche che' kyinwilo, per kib'inik, —xche che.
25Tik'ri xuya jun b'welt chik u'ab' Jesús chrij uwuch, tik'ri qa xka'y un potz', runjel uwuch xtortjik; utz chik kka'yik, ot chuyab'. 26Tik'ri k'ut, ri Jesús xutaq b'i nachi chirchoch, per xub'ij b'i che:
—Xa matok ptinmit, y xa mab'ij che jun chik mnaq chla' su xin'an chawe, —xche che.
U Lu' xub'ij che ri Jesús, jare Re Cristo
(Mt 16:13-20; Lc 9:18-21)
27Ri Jesús rich'il nk'aj udiscípulo xib'e ptaq kanton rech un tinmit che Cesarea Filipo ub'i'. Echi' iy'o ptaq b'e, xuta chke nk'aj udiscípulo:
—¿Nchin in che kikb'ij mnaq? —xche chke.
28Ni ke xikb'ij che:
—O nk'aj kikb'ij che lal jare u Wan ajb'nal qasna'; o nk'aj chik kikb'ij che lal jare qari'jal Elías; y ast o nk'aj chik kikb'ij che lal jare jun chke nk'aj ajb'il utzij Dios ujer, —xiche che.
29Tik'ri xuta chik chke ke, xub'ij:
—Ni ix, ¿nchin in che kib'ij ix? —xche chke.
Nu Lu' xub'ij:
—Lal jare la ri Cristo,#8:29 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios, —xche che.
30Per ni Jesús xyupixb'ej, xub'ij chke che xa mikb'ij che jun chik mnaq chin Re.
Ri Jesús xub'ij che kkamsax na
(Mt 16:21-28; Lc 9:22-27)
31Ri Jesús xumaj ub'ixik chke nk'aj udiscípulo, xub'ij: «In nAchi nuK'jol Dios, nmister kinriq na nimlaj k'ax, y kinxtux na kmal mnaq o keqle'n, kmal nk'aj ajk'mal b'e chke nk'aj rajchak Dios, y kmal nk'aj ajtojnel rech upxab' Dios. Y kinkamsax na, per churox ij kk'astaj nwuch chikxo'l nk'aj kamnaq». Jala xub'ij Jesús chke. 32Runjel su xub'ij, utz ub'ixik xu'on che, rech kikch'ob'o. Per nu Lu' xuresaj b'i Jesús chikxo'l; echi' xaq kitkel iy'olik, xumaj uyajik rmal su kitjin che ub'ixik. 33Per ni Jesús xutza'mej uwuch chrij y xyuka'yej loq nk'aj udiscípulo; ena xuyaj u Lu', xub'ij che:
—¡Katel chinwuch, itzel Satanás! At, Lu', jare taj kach'ob'o su kraj Dios, xa jare kach'ob'o su kkaj mnaq, —xche che.
34Tik'ri xyusk'ij nk'aj udiscípulo rich'il jumpa mnaq iy'o chla' y xub'ij chke:
—We o jun kraj kok wuk', ot mow che xaw ku'ono su kraj re ku'ono; jare nmister che peche kutelej b'i ucruz, kitrij chwij, ku'ono su kwaj in, miskini' kkam rmal. 35Mal chin jun che xa jare kub'soj uk'asnmal chi' chuchlew, echi' ksachtaj uwuch, ot su kuri'ej chik; per chin jun ksachtaj uwuch wmal in, soq rmal utzlaj utzij Dios, jare re kuriq na jun uk'asnmal chla' chkaj che ot uk'isik. 36¿Sut uptan che jun achi, we kuch'ak runjel jumpa kriqtaj chi' chuchlew, we xa kusach uk'asnmal ruk' Dios? 37¿Su kuya na jun mnaq rech kuk'ex uwuch ruk' junalik uk'asnmal? Otaj. 38Chin jun mnaq kk'ix wmal in y kk'ix rmal ntzij chikuch nk'aj itzel taq ajmak iy'o chu'ij saq, soq kink'ix na in rmal re echi' kintzlij chuloq chi' chuchlew. In nAchi nuK'jol Dios, kimpi na ruk' uchu'ab' nQaw chla' chkaj rich'il reqle'n Re; jnam kujpi kuk' lo'laj taq ángel. —Jala xub'ij Jesús chke nk'aj discípulo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global