San Lucas 2
2
Ri Jesús xalaxik
(Mt 1:18-25)
1Echi' mja kalax Jesús, o jun achi César Augusto ub'i', nim atb'altzij o pu'ab'. Ena xutaq utz'ib'xik kb'i' kunjel jumpa mnaq kiriqtaj chpam nk'aj tinmit iy'o pu'ab' re, rech kurit'amaj su mow ku'on che resxik alkawal chke. 2Jare u Cirenio tk'al pujlom nk'aj tinmit iy'o pukwent un nim tinmit Siria, ti x'an un nab'e tz'ib'niki', che xub'ij u César. 3Kunjel mnaq xib'e che utz'ib'xik kb'i' ptaq jun tinmit jachi ipitnaq loq kri'jal.
4Xa rmal, xel b'i u Jse chpam un tinmit Nazaret ukwent Galilea. X'e chpam jun chik tinmit Belén ub'i' ukwent Judea. Chla' x'e wi rmal mel re jare ri'y umam un rey David. Chla' Belén alaxnaq wu David ujer. 5U Jse x'e chla' Belén che utz'ib'xik ub'i'. Jnam xib'e ruk' i Mri'y, che uk'mom u'ab' k'ulnem ruk', per ni Mri'y yab' chik ruk' ak'al. 6Echi' iy'o chla' Belén, xuriq ij che, che kuril uwuch ral i Mri'y. 7Ena xuril uwuch un nab'e ral, jun ral ala. Xupis chpam ch'qap k'ul rech u'u' ak'al, tik'ri xukotz'b'a chpam jun kunwa rech tijb'al kecha' tiko'n. Xa chla' xukotz'b'a wi, rmal mel otchich lyar chpam un posada.
Un ángel xyuch'ab'ej nk'aj ajy'ul chij
8Chpam jun a'ab'i', chunqaj un tinmit Belén, iy'o nk'aj ajy'ul chij chjuch jun jyub'. Ntero na'ab' kik'an chla' chjuch un jyub', xa jare nk'aj kchij kkichjij. 9Xaq t'et, x'aljan jun ángel rech Qajaw Dios chikuch, xtaq loq rmal Qajaw Dios. Ni uchu'ab' Dios xu'ono che xitluw jun nimlaj saq, xustuj rib' chkij. Ena mas xkix'ej kib' che. 10Per nun ángel xub'ij chke: «Xa mix'ej iwib', mal o jun utzlaj rson kimb'ij chiwe che kuya nimlaj ki'ktem chke kunjel jumpa mnaq. 11Jare kimb'ij chiwe che myer xalax jun ajTo'liwe chla' Belén jachi alaxnaq wi un rey David ujer. Re, Cristo#2:11 Cristo kel kub'ij jun chaytajnaq rmal Dios. Un tzij Mesías xaq jnam kilwi. kb'ix na che, jare Re Qajaw xchay rmal Dios. 12Jare k'utb'alre chiwuchi': kiriq na jun noch' ktz'ol chpam jun kunwa rech tijb'al kecha' tiko'n, psil chpam ch'qap k'ul rech u'u' ak'al. Jare Re», xche chke.
13Xaq t'et iy'och k'ilaj taq ángel ruk' un kich'il ángel, jala chkaj ipitnaq wi. Ena xkib'xaj ub'i' Dios, xikb'ij:
14«¡Choksax u'ij Dios o chla' chkaj!
¡Chikje b'a nimlaj utzil chikxo'l mnaq chintaq utz kyuril Dios che iy'o chuchlew!» xicha'.
15Echi' xiyitzlij b'i nk'aj ángel chkaj, xikmaj ub'ixik nk'aj ajy'ul chij chikuch: «Jo k'ut chpam un tinmit Belén rech kqala' su x'antjik che xub'ij Dios chqe», xicha'.
16Ena alnaq xib'ek. Echi' xiyo'pnik, xikriq i Mri'y rich'il u Jse, soq rich'il un laj noch' ktz'ol chpam jun kunwa rech tijb'al kecha' tiko'n. 17Echi' xkilo, xkesaj rson, xikb'ij chke mnaq su xub'ij un ángel chke chrij un laj ak'ali'. 18Kunjel jumpa mnaq che xikta', mas xikmiyma' su xb'ix chke kmal nk'aj ajy'ul chij. 19Per ni Mri'y, xaq xukol puk'u'x runjel jumpa rson xuta'. Tik'ri, xok che umiymaxik puk'u'x. 20Ni nk'aj ajy'ul chij xiyitzlij b'i chla' jachi k'wi nk'aj chij. Kiyitjin che ukojik u'ij Dios, soq xkib'xaj ub'i' rmal runjel su klom rich'il su ktom, mal jala x'antjik peche ub'im kan un ángel chke.
21Echi' xuk'is waxqib' (8) ij un laj noch', xikkoj retal che ucuerpo, circuncisión kb'ix che, k'utb'alre che rech Dios un laj noch'.#2:21 Un retal un laj noch' xikkojo jare xkesaj ch'inlaj utz'umal tza'm ucuerpo rech amb'al uchul, jare costumbre chke mnaq aj Israel, jala peche xub'ij Qajaw Dios che u Abraham chpam Génesis 17:9-14. Jesús xikkoj che ub'i', mal jare ub'i' xub'ij un ángel che i Mri'y ti mja kyab'an ruk' ak'al.
Ri Jesús xjach pu'ab' Dios chpam nimlaj rchoch Re
22Xitz'qat ij che, che kuk'u' rib' i Mri'y ruk' uyab'. U Jse rich'il i Mri'y xik'ano peche tz'ib'tal chpam upxab' u Moisés. Ena xikk'am b'i un laj noch' chpam un tinmit Jerusalén rech kikjach chjuch Qajaw Dios chpam nimlaj rchoch Dios. 23Jala xik'ano, mal tz'ib'tal chpam utzij upxab' Dios, kub'ij: «Echi' kalax un nab'e ak'al, we ala, nmister kjach pu'ab' Qajaw Dios», kcha'. 24Soq o su xiksipaj chjuch Dios chla' Jerusalén, mal tz'ib'tal chpam upxab' Dios, jawa kub'iji': «Jare juk'laj tz'kin, paloma kb'ix chke, kkitzjuj chjuch Dios. Ni we otaj, jare keb' tukmux kikya'o», kcha'.#Lv 12:8. Jala tz'ib'tal kan chpam utzij upxab' Dios.
25O jun achi Simeón ub'i', xikje chla' Jerusalén. Utzlaj achi re, soq sk'um uk'asnmal chjuch Dios. Jare utaqem u'anik su kraj Dios, soq ri'em jun ajTo'lke che kikkub'saj kk'u'x mnaq chrij, che iy'o chpam un tinmit Israel. Ri Tyoxlaj Uxlab'xel o ruk'. 26K'tum chik chjuch u Simeón rmal Tyoxlaj Uxlab'xel che kkam taj we mja kuril uwuch ri Cristo, xchay rmal Dios, che tqom loq rmal Qajaw Dios. 27Chpam un iji', u Simeón x'e ruk' nimlaj rchoch Dios, mal ri Tyoxlaj Uxlab'xel xuk'am ub'e chjuch. Soq mismo jare ij che u Jse rich'il i Mri'y xikk'am loq un laj ak'al Jesús chpam nimlaj rchoch Dios, rech k'an che su tz'ib'tal chpam upxab' Dios. 28Ena, u Simeón xu'aluj un laj ak'al, xub'xaj ub'i' Qajaw Dios, xu'on uch'ab'al ruk', xub'ij:
29«Wjaw, le' o mow kya la chwe kinkamik, in najchak uk' la.
Nkub'am nk'u'x chij la, mal x'antaj chwe peche b'im la chwe,
30niwlom chik najTo'lqe.
31Jare Re tqom loq la chikuch mnaq chpam runjel jumpa tinmit.
32Re, xaq jnam ruk' peche jun chaj kitluwik kuya saq, kuk'ut na ri b'e la chikuch nk'aj mnaq che iyaj Israel taj.
Xa rmal Re, koksax na k'ij mnaq la, che jare qo'j ujaj Israel».
Jala xub'ij u Simeón.
33Nu Jse rich'il i Mri'y xikmiyma' su xb'ix chrij laj ak'al Jesús. 34U Simeón xuya u'ab' pkijlom, tik'ri xub'ij che i Mri'y, uchuch Jesús:
—Chiwlampe', nak'ali' ya'tal che, che kyu'on chke mnaq iyaj Israel, che ik'i kikya kan Dios, ksach na kwuch. Ik'i nk'aj chik jare kyuto'o, peche kyuwa'lsaj, rech kikriq nimlaj utzil. Re, jare jun k'utb'alre ukjom Dios chikuch mnaq, rech kik'an kwent kib'. Miskini' jala', ik'i mnaq xa kkixtuj na. 35Xa jala' kit'amax na sutaq kikch'ob' mnaq pikk'u'x chikjunjnal. Per ni at, kok na jun nimlaj b'is pak'u'x, rmal k'ax kuriq na nawal kmal mnaq. Un b'ise', jala peche jun kchilo kok ruk' awanma'. —Jala xub'ij u Simeón che i Mri'y.
36Soq o jun ri'j ixoq chla', Ana ub'i', che jare ajb'il utzij Dios. Re, umb'al jun achi, Fanuel ub'i', che jare jun chke nk'aj ri'y umam u Aser. Il Ana k'ali na ti xik'le'ik, per xa jqub' (7) jnab' xkuk'aj kib' ruk' richjil, tik'ri xkam nachi. 37Ni le' xa b'yu't ixoq chik, och jmuch' kjeb' (84) jnab' che. Re, kel taj chpam nimlaj rchoch Dios. Xa chip'ij cha'ab' ku'on uchak che u'anik ch'ab'al ruk' Dios, soq kuch'ij numik rmal, ayuno kb'ix che. 38Chpam un hora le', xuya rib' il Ana chikuch u Jse rich'il i Mri'y. Xutyoxij che Dios ri uk'asnmal laj ak'al Jesús. Tik'ri xumaj utzojxik Jesús chke kunjel jumpa nk'aj mnaq che ki'em un ajTo'lke che kyuto' mnaq pik'ab' kajch'oj chla' Jerusalén rich'il pukwent Israel.
Xiyitzlij b'i chpam un tinmit Nazaret
39I Mri'y rich'il u Jse, echi' x'antaj kmal runjel jumpa kub'ij chpam upxab' Qajaw chrij nab'e ral, xiyitzlij b'i chpam ktinmit Nazaret ukwent Galilea. 40Ri Jesús kitjin uk'iyik, xikje uchu'ab'. Kitjinik kpi mas un'oj. Soq xuriq ut'ob' Dios.
Ri laj ala Jesús xkanaj kan keb' uxib' ij chpam nimlaj rchoch Dios
41Ri uri'jal Jesús, runjel jnab' kib'e chpam un tinmit Jerusalén rech kikla nim'ij rech Pascua. 42Echi' xitz'qat kab'aljuj (12) jnab' che Jesús, xib'e Jerusalén, mal k'manaq chke kikla nim'ij jala'. 43Echi' xk'is nim'ij, xikmaj kb'e rech kiyitzlij loq. Ni laj ala Jesús xkanaj kan Jerusalén. Per xiknab'ej taj uri'jal ti xuresaj kan rib'. 44Jare kikb'ij ke che pitnaq Jesús chikxo'l ke jumpa kwuch ipitnaq. Jun ij kb'e kinom ti xikmaj utzukxik chikxo'l nk'aj kachlal soq chikxo'l nk'aj chik kich'il, 45per xikriq taj. Echi' xkilo che otaj, xiyitzlij chik chpam un tinmit Jerusalén che utzukxik.
46Churox ij, tik'ri xkirqa loq chpam nimlaj rchoch Dios. Chla' ku'l wi chikxo'l nk'aj ajtojnel rech upxab' Dios. Kitjin che utatb'xik sutaq kikb'ij, soq kitjinik kuk'ot kchi'. 47Kunjel jumpa nk'aj mnaq che xikta' sutaq kub'ij Jesús, mas xikmiyma', rmal mel xkilo che mas o rit'am y soq kikunik kuk'ul uwuch ktzij nk'aj ajtojnel. 48Echi' xkil uwuch uqaw uchuch, mas xikmiyma'. Ena xub'ij uchuch che:
—Wal, ¿suche che jala xa'an chqe? Naqaw rich'il in mas ujelnaq ch'u'j che atzukxik, —xche che.
49Ena xub'ij Jesús chke:
—¿Suche che knitzkuj? ¿Le xa iwit'am taj che nmister che jare kin'an nchak che u'anik sutaq kraj nQaw chi' chpam rchoch Re? —xche chke.
50Per ni ke xikch'ob' taj su kilwi sutaq xub'ij chke. 51Ri Jesús xqaj loq kuk' chpam un tinmit Nazaret, kitjinik kukoj ktzij. Per nuchuch xaq o puk'u'x runjel sutaq xu'ono. 52Ri Jesús kitjin uk'iyik, soq kitjin uk'iyik un'oj. Runjel sutaq ku'ono, utz kuril Dios. Soq utz kikkil kunjel mnaq.
လက္ရွိေရြးခ်ယ္ထားမွု
San Lucas 2: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 2
2
Ri Jesús xalaxik
(Mt 1:18-25)
1Echi' mja kalax Jesús, o jun achi César Augusto ub'i', nim atb'altzij o pu'ab'. Ena xutaq utz'ib'xik kb'i' kunjel jumpa mnaq kiriqtaj chpam nk'aj tinmit iy'o pu'ab' re, rech kurit'amaj su mow ku'on che resxik alkawal chke. 2Jare u Cirenio tk'al pujlom nk'aj tinmit iy'o pukwent un nim tinmit Siria, ti x'an un nab'e tz'ib'niki', che xub'ij u César. 3Kunjel mnaq xib'e che utz'ib'xik kb'i' ptaq jun tinmit jachi ipitnaq loq kri'jal.
4Xa rmal, xel b'i u Jse chpam un tinmit Nazaret ukwent Galilea. X'e chpam jun chik tinmit Belén ub'i' ukwent Judea. Chla' x'e wi rmal mel re jare ri'y umam un rey David. Chla' Belén alaxnaq wu David ujer. 5U Jse x'e chla' Belén che utz'ib'xik ub'i'. Jnam xib'e ruk' i Mri'y, che uk'mom u'ab' k'ulnem ruk', per ni Mri'y yab' chik ruk' ak'al. 6Echi' iy'o chla' Belén, xuriq ij che, che kuril uwuch ral i Mri'y. 7Ena xuril uwuch un nab'e ral, jun ral ala. Xupis chpam ch'qap k'ul rech u'u' ak'al, tik'ri xukotz'b'a chpam jun kunwa rech tijb'al kecha' tiko'n. Xa chla' xukotz'b'a wi, rmal mel otchich lyar chpam un posada.
Un ángel xyuch'ab'ej nk'aj ajy'ul chij
8Chpam jun a'ab'i', chunqaj un tinmit Belén, iy'o nk'aj ajy'ul chij chjuch jun jyub'. Ntero na'ab' kik'an chla' chjuch un jyub', xa jare nk'aj kchij kkichjij. 9Xaq t'et, x'aljan jun ángel rech Qajaw Dios chikuch, xtaq loq rmal Qajaw Dios. Ni uchu'ab' Dios xu'ono che xitluw jun nimlaj saq, xustuj rib' chkij. Ena mas xkix'ej kib' che. 10Per nun ángel xub'ij chke: «Xa mix'ej iwib', mal o jun utzlaj rson kimb'ij chiwe che kuya nimlaj ki'ktem chke kunjel jumpa mnaq. 11Jare kimb'ij chiwe che myer xalax jun ajTo'liwe chla' Belén jachi alaxnaq wi un rey David ujer. Re, Cristo#2:11 Cristo kel kub'ij jun chaytajnaq rmal Dios. Un tzij Mesías xaq jnam kilwi. kb'ix na che, jare Re Qajaw xchay rmal Dios. 12Jare k'utb'alre chiwuchi': kiriq na jun noch' ktz'ol chpam jun kunwa rech tijb'al kecha' tiko'n, psil chpam ch'qap k'ul rech u'u' ak'al. Jare Re», xche chke.
13Xaq t'et iy'och k'ilaj taq ángel ruk' un kich'il ángel, jala chkaj ipitnaq wi. Ena xkib'xaj ub'i' Dios, xikb'ij:
14«¡Choksax u'ij Dios o chla' chkaj!
¡Chikje b'a nimlaj utzil chikxo'l mnaq chintaq utz kyuril Dios che iy'o chuchlew!» xicha'.
15Echi' xiyitzlij b'i nk'aj ángel chkaj, xikmaj ub'ixik nk'aj ajy'ul chij chikuch: «Jo k'ut chpam un tinmit Belén rech kqala' su x'antjik che xub'ij Dios chqe», xicha'.
16Ena alnaq xib'ek. Echi' xiyo'pnik, xikriq i Mri'y rich'il u Jse, soq rich'il un laj noch' ktz'ol chpam jun kunwa rech tijb'al kecha' tiko'n. 17Echi' xkilo, xkesaj rson, xikb'ij chke mnaq su xub'ij un ángel chke chrij un laj ak'ali'. 18Kunjel jumpa mnaq che xikta', mas xikmiyma' su xb'ix chke kmal nk'aj ajy'ul chij. 19Per ni Mri'y, xaq xukol puk'u'x runjel jumpa rson xuta'. Tik'ri, xok che umiymaxik puk'u'x. 20Ni nk'aj ajy'ul chij xiyitzlij b'i chla' jachi k'wi nk'aj chij. Kiyitjin che ukojik u'ij Dios, soq xkib'xaj ub'i' rmal runjel su klom rich'il su ktom, mal jala x'antjik peche ub'im kan un ángel chke.
21Echi' xuk'is waxqib' (8) ij un laj noch', xikkoj retal che ucuerpo, circuncisión kb'ix che, k'utb'alre che rech Dios un laj noch'.#2:21 Un retal un laj noch' xikkojo jare xkesaj ch'inlaj utz'umal tza'm ucuerpo rech amb'al uchul, jare costumbre chke mnaq aj Israel, jala peche xub'ij Qajaw Dios che u Abraham chpam Génesis 17:9-14. Jesús xikkoj che ub'i', mal jare ub'i' xub'ij un ángel che i Mri'y ti mja kyab'an ruk' ak'al.
Ri Jesús xjach pu'ab' Dios chpam nimlaj rchoch Re
22Xitz'qat ij che, che kuk'u' rib' i Mri'y ruk' uyab'. U Jse rich'il i Mri'y xik'ano peche tz'ib'tal chpam upxab' u Moisés. Ena xikk'am b'i un laj noch' chpam un tinmit Jerusalén rech kikjach chjuch Qajaw Dios chpam nimlaj rchoch Dios. 23Jala xik'ano, mal tz'ib'tal chpam utzij upxab' Dios, kub'ij: «Echi' kalax un nab'e ak'al, we ala, nmister kjach pu'ab' Qajaw Dios», kcha'. 24Soq o su xiksipaj chjuch Dios chla' Jerusalén, mal tz'ib'tal chpam upxab' Dios, jawa kub'iji': «Jare juk'laj tz'kin, paloma kb'ix chke, kkitzjuj chjuch Dios. Ni we otaj, jare keb' tukmux kikya'o», kcha'.#Lv 12:8. Jala tz'ib'tal kan chpam utzij upxab' Dios.
25O jun achi Simeón ub'i', xikje chla' Jerusalén. Utzlaj achi re, soq sk'um uk'asnmal chjuch Dios. Jare utaqem u'anik su kraj Dios, soq ri'em jun ajTo'lke che kikkub'saj kk'u'x mnaq chrij, che iy'o chpam un tinmit Israel. Ri Tyoxlaj Uxlab'xel o ruk'. 26K'tum chik chjuch u Simeón rmal Tyoxlaj Uxlab'xel che kkam taj we mja kuril uwuch ri Cristo, xchay rmal Dios, che tqom loq rmal Qajaw Dios. 27Chpam un iji', u Simeón x'e ruk' nimlaj rchoch Dios, mal ri Tyoxlaj Uxlab'xel xuk'am ub'e chjuch. Soq mismo jare ij che u Jse rich'il i Mri'y xikk'am loq un laj ak'al Jesús chpam nimlaj rchoch Dios, rech k'an che su tz'ib'tal chpam upxab' Dios. 28Ena, u Simeón xu'aluj un laj ak'al, xub'xaj ub'i' Qajaw Dios, xu'on uch'ab'al ruk', xub'ij:
29«Wjaw, le' o mow kya la chwe kinkamik, in najchak uk' la.
Nkub'am nk'u'x chij la, mal x'antaj chwe peche b'im la chwe,
30niwlom chik najTo'lqe.
31Jare Re tqom loq la chikuch mnaq chpam runjel jumpa tinmit.
32Re, xaq jnam ruk' peche jun chaj kitluwik kuya saq, kuk'ut na ri b'e la chikuch nk'aj mnaq che iyaj Israel taj.
Xa rmal Re, koksax na k'ij mnaq la, che jare qo'j ujaj Israel».
Jala xub'ij u Simeón.
33Nu Jse rich'il i Mri'y xikmiyma' su xb'ix chrij laj ak'al Jesús. 34U Simeón xuya u'ab' pkijlom, tik'ri xub'ij che i Mri'y, uchuch Jesús:
—Chiwlampe', nak'ali' ya'tal che, che kyu'on chke mnaq iyaj Israel, che ik'i kikya kan Dios, ksach na kwuch. Ik'i nk'aj chik jare kyuto'o, peche kyuwa'lsaj, rech kikriq nimlaj utzil. Re, jare jun k'utb'alre ukjom Dios chikuch mnaq, rech kik'an kwent kib'. Miskini' jala', ik'i mnaq xa kkixtuj na. 35Xa jala' kit'amax na sutaq kikch'ob' mnaq pikk'u'x chikjunjnal. Per ni at, kok na jun nimlaj b'is pak'u'x, rmal k'ax kuriq na nawal kmal mnaq. Un b'ise', jala peche jun kchilo kok ruk' awanma'. —Jala xub'ij u Simeón che i Mri'y.
36Soq o jun ri'j ixoq chla', Ana ub'i', che jare ajb'il utzij Dios. Re, umb'al jun achi, Fanuel ub'i', che jare jun chke nk'aj ri'y umam u Aser. Il Ana k'ali na ti xik'le'ik, per xa jqub' (7) jnab' xkuk'aj kib' ruk' richjil, tik'ri xkam nachi. 37Ni le' xa b'yu't ixoq chik, och jmuch' kjeb' (84) jnab' che. Re, kel taj chpam nimlaj rchoch Dios. Xa chip'ij cha'ab' ku'on uchak che u'anik ch'ab'al ruk' Dios, soq kuch'ij numik rmal, ayuno kb'ix che. 38Chpam un hora le', xuya rib' il Ana chikuch u Jse rich'il i Mri'y. Xutyoxij che Dios ri uk'asnmal laj ak'al Jesús. Tik'ri xumaj utzojxik Jesús chke kunjel jumpa nk'aj mnaq che ki'em un ajTo'lke che kyuto' mnaq pik'ab' kajch'oj chla' Jerusalén rich'il pukwent Israel.
Xiyitzlij b'i chpam un tinmit Nazaret
39I Mri'y rich'il u Jse, echi' x'antaj kmal runjel jumpa kub'ij chpam upxab' Qajaw chrij nab'e ral, xiyitzlij b'i chpam ktinmit Nazaret ukwent Galilea. 40Ri Jesús kitjin uk'iyik, xikje uchu'ab'. Kitjinik kpi mas un'oj. Soq xuriq ut'ob' Dios.
Ri laj ala Jesús xkanaj kan keb' uxib' ij chpam nimlaj rchoch Dios
41Ri uri'jal Jesús, runjel jnab' kib'e chpam un tinmit Jerusalén rech kikla nim'ij rech Pascua. 42Echi' xitz'qat kab'aljuj (12) jnab' che Jesús, xib'e Jerusalén, mal k'manaq chke kikla nim'ij jala'. 43Echi' xk'is nim'ij, xikmaj kb'e rech kiyitzlij loq. Ni laj ala Jesús xkanaj kan Jerusalén. Per xiknab'ej taj uri'jal ti xuresaj kan rib'. 44Jare kikb'ij ke che pitnaq Jesús chikxo'l ke jumpa kwuch ipitnaq. Jun ij kb'e kinom ti xikmaj utzukxik chikxo'l nk'aj kachlal soq chikxo'l nk'aj chik kich'il, 45per xikriq taj. Echi' xkilo che otaj, xiyitzlij chik chpam un tinmit Jerusalén che utzukxik.
46Churox ij, tik'ri xkirqa loq chpam nimlaj rchoch Dios. Chla' ku'l wi chikxo'l nk'aj ajtojnel rech upxab' Dios. Kitjin che utatb'xik sutaq kikb'ij, soq kitjinik kuk'ot kchi'. 47Kunjel jumpa nk'aj mnaq che xikta' sutaq kub'ij Jesús, mas xikmiyma', rmal mel xkilo che mas o rit'am y soq kikunik kuk'ul uwuch ktzij nk'aj ajtojnel. 48Echi' xkil uwuch uqaw uchuch, mas xikmiyma'. Ena xub'ij uchuch che:
—Wal, ¿suche che jala xa'an chqe? Naqaw rich'il in mas ujelnaq ch'u'j che atzukxik, —xche che.
49Ena xub'ij Jesús chke:
—¿Suche che knitzkuj? ¿Le xa iwit'am taj che nmister che jare kin'an nchak che u'anik sutaq kraj nQaw chi' chpam rchoch Re? —xche chke.
50Per ni ke xikch'ob' taj su kilwi sutaq xub'ij chke. 51Ri Jesús xqaj loq kuk' chpam un tinmit Nazaret, kitjinik kukoj ktzij. Per nuchuch xaq o puk'u'x runjel sutaq xu'ono. 52Ri Jesús kitjin uk'iyik, soq kitjin uk'iyik un'oj. Runjel sutaq ku'ono, utz kuril Dios. Soq utz kikkil kunjel mnaq.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global