San Lucas 12
12
Ri Jesús xub'ij chke nk'aj mnaq che xa mik'ano peche kik'an nk'aj fariseo che xa keb' kiplaj
(Mr 8:14-15)
1Echi' jala kiyitjin che u'anik, ik'i mnaq kirqom kib' ruk' Jesús, k'i mil o chke. Puk su xaq kikkeqlach kib', rmal mas latz'. Ri Jesús nab'e xumaj ub'ixik chke udiscípulo, xub'ij chke: «China kwent iwib' chikuch nk'aj fariseo, mal ke xa keb' kiplaj, jala kmow peche nk'aj ch'am kjom ruk' k'ej rech kaxlenwa che xa kispojik. 2Runjel sutaq chla'al ch'uqtal uwi', k'aljan na chsaq. Runjel sutaq chla'al wam, runjel kit'amax na. 3Kelik che runjel sutaq ib'im ix pqu'm, runjel ktataj na, k'aljan na chsaq. Sutaq ib'im pja echi' itz'apim ichi' tik'ri kixjasjat che ub'ixik, runjel ktataj na kmal ik'i mnaq, peche we o jun ko kusik'b'aj rib' che ub'ixik puwi taq ja». Jala xub'ij Jesús.
Ri Jesús xub'ij che utz kux'ej rib' jun chjuch Dios
(Mt 10:28-31)
4«Ix ixwich'il, kimb'ij chiwe che xa mix'ej iwib' chikuch mnaq che xaw kikkamsaj icuerpo. Xaq xawi kiyikun che u'anik, kiyikun taj kik'an k'ax che iwanma'. 5Kimb'ij k'ut chiwe chin chjuch nmister kix'ej iwib'. Jare chix'ej iwib' chjuch Qajaw Dios, che echi' ixukamsam chik, soq o uchu'ab' rech kixuk'eq chpam jun pixb'alb'a a' che ot uk'isik. Jarela nmister kix'ej iwib' chjuch Re.
6»Iwit'am che o taq tz'kin che ot mas keqlem, xa keb' taq pwaq rjil j'ob' (5). Per Dios kyuchjij taq tz'kini', ot jun ksach che. 7Soq jala ku'on chiwe ix, kixuchjij. Ast rejlam chik runjel iwi' o che ijlom. Xa mix'ej iwib', mal mas nim iweqlem ix chjuch keqlem k'ilaj taq tz'kin. Ot su kiriqo che rit'am taj Qajaw». Jala xub'ij Jesús chke.
Nmister kqab'ij chikuch mnaq we qo'j ujrech Jesucristo
(Mt 10:32-33; 12:32; 10:19-20)
8Xub'ij chik chke: «Kimb'ij k'ut chiwe che iy'o nk'aj mnaq kkix'ej t kib' che ub'ixik che iwech in, mal kikjom ntzij. Chin jun che jawa kub'ij chikuch nk'aj chik mnaq, soq jala chik kin'an in, nAchi nuK'jol Dios. Kimb'ij chik chikuch taq ángel rech Dios, che wech in un mnaqi'. 9Per chin jun kub'ij chke mnaq che rit'am ti nwuch in, soq jala chik kin'an in, kimb'ij chikuch taq ángel rech Dios che wit'am t uwuch re.
10»Chin jun kub'ij k'axlaj taq tzij chwij in, nAchi nuK'jol Dios, kkuytaj umak rmal Dios, per chin jun kub'ij k'axlaj taq tzij chrij Tyoxlaj Uxlab'xel, jare re kkuytaj t umak.
11»Echi' kixk'am b'i ix chpam nk'aj rchoch Dios, rich'il chikuch nk'aj nmaq keqle'n, soq rich'il chikuch nk'aj atb'altzij, xa mixok il chikuch, xa mib'soj su ki'ano y su kib'ij ti kito' iwib', 12mal, echi' kuriq hora che kixch'aw kuk', jare Tyoxlaj Uxlab'xel kixuto'o, jare Re kub'ij chiwe chinchke tzij nmister kib'ij chke». Jala xub'ij Jesús chke udiscípulo.
Ri Jesús xub'ij jun k'amb'al n'oj chrij jun achi che mas kurij uwuch ub'oymal
13O jun achi chikxo'l mnaq xub'ij che Jesús:
—Ajtojnel, b'ij la che un watz che kuya we ub'itaqre qaqaw che xuya kanoq rech nración, —xche che.
14Ri Jesús xub'ij che:
—Achi, ¿le xa o jun xnukoj in che atb'altzij pijlom rech kin'an jachnik chiwuch? —xche che.
15Tik'ri xub'ij chke mnaq kunjel:
—China kwent iwib', xa mirij uwuch jumpa sutaq'ik kiriqtaj chi' chuchlew, mal jare taj ub'itaqre jun mnaq kuya uk'asnmal che qa utz, mowni jare ub'oymal, —xche chke.
16Tik'ri xub'ij jun k'amb'al n'oj chke mnaq, xub'ij: «O jun achi b'yom. Jwert kiwchin nk'aj utiko'n chjuch un rlew. 17Ena xumaj uch'ob'ik puk'u'x, kub'ij: “¿Su kin'ano? Ot jachi kinkol uwuch ntiko'n chi'”, kcha puk'u'x. 18Tik'ri xuchomaj chik puk'u'x, xub'ij: “Ya wit'am chik su kin'ano. Jare kinwlujsaj nk'aj uk'olb'al uwuch ntiko'n, rech kin'an nk'aj chik che mas nma'q chjuch nk'aj kinwlujsaj. Chla' kinkol wi runjel jumpa uwuch ntiko'n, rich'il jumpa ub'itaqwe. 19Tik'ri kimb'ij pink'u'x: Utz we in, mal nim ub'itaqwe niklom. Ku'on rech k'ilaj jnab' chwe. Kmik otchich chak kin'ano, xaq tob' kinu'xan chik. Xaq xaw kintij chik su kwaj kintijo, xaq jare chik kin'ano su kwaj kin'ano che kinriq ki'ktem rmal, kincha'”. Jala xub'ij nachi puk'u'x. 20Ni Dios xub'ij che: “Achi, mas ko katch'ab'xik, xa jare b'enaq ak'u'x ruk' ab'oymal, y xa cha'ab' kmik kesax awanma', katkamik. ¿Chin k'ut kurechb'ej kanoq runjel jumpa ub'itaqawe aklom?” xche che.
21»Jala kuriq jun mnaq che xa kumol mas ub'oymal, xa utkel kutak'b'a rib' pujlom. Ni re, chjuch Dios, mas pobre». Jarela jun k'amb'al n'oj xub'ij Jesús chke mnaq.
Ri Jesús xub'ij che Dios kyuchjij ralk'al
(Mt 6:25-34)
22Tik'ri xub'ij chke udiscípulo: «Xa rmal, kimb'ij chiwe che xaq m'e ik'u'x ruk' ik'asnmal, xaq mixb'son ruk' sutaq kitijo rech kitzuq iwib'. Xaq mixb'son ruk' iwitz'yaq kikojo. 23Ri ik'asnmal, mas nim reqlem chjuch su kitijo rech kitzuq iwib' ruk', soq jala icuerpo, mas nim reqlem chjuch iwitz'yaq. 24Chiwlampe nk'aj joj. Ke, ot tiko'n kiktiko, mowni o su kikmolo rech kiktijo, mowni o uk'olb'al kcosecha. Per Dios kyutzuqu. ¿Le xa nim t k'ut kixuril Dios chikuch nk'aj tz'kin? ¡Nim na kixurilo! Kuya chiwe runjel jumpa nmister o chiwe. 25We o jun chiwi'x che mas kub'soj uk'asnmal mal jare kraj re kik'se' na ch'in chik, kikun taj. 26We kixkun taj che jala ki'an ruk' ch'in, che xa ch'in, ¿suche che mas kib'soj nk'aj chik sutaq'ik rech kikojo kixk'se'ik?
27»Chikjo retal su kik'an taq kotz'i'j ti kik'iyik. Kiyichkun taj, mowni kik'an kitz'yaq. O jun achi ujer mas nim reqle'n, jare re rey Salomón. Re xukoj utzlaj taq atz'yaq che mas utz ka'yik. Per kimb'ij chiwe che miskini' jala xu'ono, mas utz na ka'y taq kotz'i'j chjuch ritz'yaq re xukojo. 28Dios, peche mow kukoj utzlaj taq kitz'yaq chkij taq kotz'i'j kiriqtaj ptaq 'yes, che xaw pwa'ij iy'o chutaq jyub', ni chwe'q xa kti' p'a'. We jala ku'on chke taq kotz'i'j, xa pyor b'ari ku'on chiwe ix iximnaq. Kuya k'ut chiwe su nmister chiwe, mal mas kixuchjij ix chikuch taq kotz'i'j. ¡Per ix ot mas ikojb'al ruk' Dios! 29Xa rmal, xa mixb'son che utzukxik su kitijo rech kitzuq iwib' ruk', rich'il su kitij che imi'na'. 30Ni nk'aj chik mnaq iy'o chi' chuchlew che kiyikjon taj chjuch Dios, xa jare o chrij kk'u'x jumpa sutaq ile'. Xani mib'soj ix, mal rit'am chik iQaw chla' chkaj su nmister chiwe. 31Per xani nmister che kiya iwib' che utzlaj atb'altzij rech Dios. We kiya iwib' pu'ab' Re, tik'ri kuya na chiwe runjel jumpa nmister chiwe». Jala xub'ij Jesús.
Ri Jesús xub'ij che chla' chkaj kqariq qab'oymal
32«Ix ixjala peche taq nchij, ixk'i taj. Per xa mix'ej iwib', mal utz kuril iQaw kuya chiwe kixkje ruk' chpam utzlaj u'atb'altzij. 33Chik'ij k'ut ub'itaqiwe, chijcha uwuch pwaq chikuch mnaq che o nmister chke. We jala ki'ano, kilik che peche mow kikol irjil chpam nk'aj kuxtar che ku'on t e'l, rmal mel chla' chkaj kiya wi ib'oymal jachi kk'is taj. Soq ot jun el'om kikunik kok chla' rech kurel'aj, mowni kikun jun wi't che kutij atz'yaq kok chla' rech kutijo. 34Chna'taj chiwe che chla' jachi k'wi ib'oymal, soq chla' b'enaq wi ik'u'x». Jala xub'ij Jesús chke.
Nmister che qayijb'am qib' echi' kpi Qajaw
(Mt 24:42-44)
35«Chiyijb'a iwib', rech list inom ti kpi Iwjaw. Soq chitzja ichaj rech tzjilik ti kpitik. 36Jala ki'ano peche kik'an nk'aj ajchak kki'ej kpatrón che kitzlij loq chpam jun k'ulnem, rech echi' kk'unik y kuk'osk'a nuchija, ke chanim kiktor chjuch. 37Utz ke nk'aj ajchak che kik'ask'at che rib'xik un kpatrón, ik'aslik ti ko'pan kuk'. Ruk' saqlaj tzij kimb'ij chiwe che un patrón kuyijb'a rib', tik'ri kyutaq nk'aj umoso rech kiyikb'e' chu mixa rech jare re kuya kwa. 38Utz ke nk'aj ajchake', we kiriqtaj rmal un kpatrón che kik'ask'atik, miskini' ptaq nk'aj a'ab' ko'pnik, soq we ko'pan b'ajchi', echi' mja kisqarik. 39Per chiwit'amaj wari', wet o jun rjaw ja rit'am chinchke hora ko'pan jun el'om chirchoch, kk'ask'at na che uchijxik rchoch rech kuya t che un el'om kok pja kurel'aj ub'itaqre. 40Soq jala ix, nmister che kixk'ask'at ix rech iyijb'am iwib' echi' kintzlij chnuloq, in nAchi nuK'jol Dios, mal kimpi chik chpam un hora echi' kiwi'ej taj». Jala xub'ij Jesús chke.
Ri Jesús xub'ij jun k'amb'al n'oj chkij keb' ajchak
(Mt 24:45-51)
41U Lu' xuta che Jesús, xub'ij:
—Qajaw, ¿le xaw chqo'j xb'ij la un k'amb'al n'oje', o xb'ij la chke kunjel jumpa mnaq? —xche che.
42Ri Jesús xub'ij che:
—Jare kimb'ij chke kunjel jumpa mnaq che xaq ijnam ruk' peche un ajchak che puro sk'umlaj ajchak y mas un'oj. Jare re xya reqle'n rmal nupatrón, rech kitk'e' pkijlom nk'aj rach ajchak y kuya kwa runjel ij. Tik'ri, k'e un patrón che jun ub'yaje chnaj. 43Utz re un ajchake', we kitjin che uchak ti kitzlij loq nupatrón chuja y kurilo che utz kitjin che u'anik. 44Ruk' saqlaj tzij kimb'ij chiwe, che un patrón kuya reqle'n rech kitk'e' pujlom runjel jumpa ub'itaqre. 45Per rechtla we najchak kuchomaj puk'u'x, kub'ij: “Ma'tan kpi npatrón”, kcha'. Tik'ri kumaj kch'ayik nk'aj rach ajchak rich'il nk'aj rajik'il nupatrón. Soq kumaj utijwik mas uwa rich'il su kraj kutij pujlom uwa, tik'ri ki'b'arik. 46Tik'ri xaq t'et kitzlij loq un patrón. Nun rajchak ri'em taj chinchke ij, mowni rit'am chinchke hora kpitik. Ena nupatrón kuya jun nimlaj k'ejsb'al wuch che. Jala k'ejsb'al wuch kya che peche kya chke nk'aj che kikkoj t utzij Qajaw Dios.
47»Jun ajchak che rit'am chinchke chak kraj upatrón, tik'ri kuyijb'a t rib' che u'anik y ku'on taj, mas kch'ayik rech kk'ejsax uwuch. 48Per we o jun ajchak che rit'am taj su chak kraj upatrón y ku'on chak che jare taj peche kraj re, un patrón xa ch'in kuch'ayo rech kuk'ejsaj uwuch. Chin jun mnaq koksax che reqle'n, we nim jchom pu'ab', nim na kuta chik nupatrón che. Soq we o jun ajchak che mas kukub'a uk'u'x nupatrón chrij, nim na kuta chik che. —Jala xub'ij Jesús.
Ri Jesús xub'ij che xa rmal Re kikjach na kwuch kib' mnaq
(Mt 10:34-36)
49«In ximpi chi' chuchlew, rech peche a' kintzij chikxo'l mnaq, y jare kwaj in wet chanim kitjin chik kk'atik. 50In o jun tijb'al k'ax kinriq na che peche qasna' k'an chwe. Mas kintij k'ax rmal, y jare kwaj in wet kin'ax chpam chanim rech kinto'tjik. 51¿Le kib'ij ix che in npitnaq che uya'ik jun utzil chikxo'l mnaq chi' chuchlew? In kimb'ij chiwe che jare taj, xa jare npitnaq che ujachik kwuch. 52Nk'aj mnaq kikmaj u'anik ch'oj chikuch. Chpam jun ja, iy'o nk'aj che kikkoj ntzij, soq rich'il nk'aj chik che kiyikjon taj. Ena kikjach kwuch kib' j'ob' (5) mnaq chikuch. Uxib' kikk'eq kib' chkij keb' chik, ni keb' kikk'eq kib' chkij uxib' chik.
53Jun achi kuk'eq rib' chrij jun uk'jol,
jun ala kuk'eq rib' chrij uqaw.
Jun ixoq kuk'eq rib' chrij jun ral,
nun ali kuk'eq rib' chrij uchuch.
Jun ri'j ixoq kuk'eq rib' chrij jun rlib' ali,
nun ali kuk'eq rib' chrij jun rlib' ixoq».
Jala xub'ij Qajaw Jesús chke.
Ri Jesús xub'ij chke mnaq su kilwi sutaq k'antaj chi' chuchlew
(Mt 16:2-3)
54Xub'ij chik Jesús chke ik'i mnaq:
—Echi' kiwilo che kuwok rib' sutz' ikim, chanim kib'ij che kpi jab', y jala k'antjik. 55Soq echi' kiwilo kpi tew putlok' jachi kel loq ij, kib'ij ix che ku'on a', y qtzij ku'ono. 56¡Ix xa keb' iplaj! Iwit'am su kilwi jumpa retal k'aljan chkaj rich'il jumpa retal k'aljan chuchlew. ¿Suche k'ut che kich'ob' taj su kilwi su kixtjin che rilik chu'ij saq?
We o jun mnaq che ixajch'oj ruk', jare mas utz che kichomaj iwib' putzil
(Mt 5:25-26)
57»¿Suche kich'ob' taj ix mismo chinchke utz rech jare ki'an ile'? 58We ki'an taj utz chjuch Dios, jare kuk'ejsaj iwuch. Jala kiriqo peche we o jun mnaq ixajch'oj ruk' y kix'e p'atb'altzij. Jare utz we kata kuyb'al amak che, rech kichomaj iwib' ruk' ptaq b'e echi' mja kixo'pan ruk' un juez. Mal, we jala taj ka'ano, re katujach pu'ab' un juez. Nun juez katujach na pu'ab' un policía, nun policía katukoj na pkarsa. 59Kimb'ij chawe, we kat'e pkarsa, katel taj chla', ast retal katoj runjel jumpa rjil amulta. —Jala xub'ij Jesús.
လက္ရွိေရြးခ်ယ္ထားမွု
San Lucas 12: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Lucas 12
12
Ri Jesús xub'ij chke nk'aj mnaq che xa mik'ano peche kik'an nk'aj fariseo che xa keb' kiplaj
(Mr 8:14-15)
1Echi' jala kiyitjin che u'anik, ik'i mnaq kirqom kib' ruk' Jesús, k'i mil o chke. Puk su xaq kikkeqlach kib', rmal mas latz'. Ri Jesús nab'e xumaj ub'ixik chke udiscípulo, xub'ij chke: «China kwent iwib' chikuch nk'aj fariseo, mal ke xa keb' kiplaj, jala kmow peche nk'aj ch'am kjom ruk' k'ej rech kaxlenwa che xa kispojik. 2Runjel sutaq chla'al ch'uqtal uwi', k'aljan na chsaq. Runjel sutaq chla'al wam, runjel kit'amax na. 3Kelik che runjel sutaq ib'im ix pqu'm, runjel ktataj na, k'aljan na chsaq. Sutaq ib'im pja echi' itz'apim ichi' tik'ri kixjasjat che ub'ixik, runjel ktataj na kmal ik'i mnaq, peche we o jun ko kusik'b'aj rib' che ub'ixik puwi taq ja». Jala xub'ij Jesús.
Ri Jesús xub'ij che utz kux'ej rib' jun chjuch Dios
(Mt 10:28-31)
4«Ix ixwich'il, kimb'ij chiwe che xa mix'ej iwib' chikuch mnaq che xaw kikkamsaj icuerpo. Xaq xawi kiyikun che u'anik, kiyikun taj kik'an k'ax che iwanma'. 5Kimb'ij k'ut chiwe chin chjuch nmister kix'ej iwib'. Jare chix'ej iwib' chjuch Qajaw Dios, che echi' ixukamsam chik, soq o uchu'ab' rech kixuk'eq chpam jun pixb'alb'a a' che ot uk'isik. Jarela nmister kix'ej iwib' chjuch Re.
6»Iwit'am che o taq tz'kin che ot mas keqlem, xa keb' taq pwaq rjil j'ob' (5). Per Dios kyuchjij taq tz'kini', ot jun ksach che. 7Soq jala ku'on chiwe ix, kixuchjij. Ast rejlam chik runjel iwi' o che ijlom. Xa mix'ej iwib', mal mas nim iweqlem ix chjuch keqlem k'ilaj taq tz'kin. Ot su kiriqo che rit'am taj Qajaw». Jala xub'ij Jesús chke.
Nmister kqab'ij chikuch mnaq we qo'j ujrech Jesucristo
(Mt 10:32-33; 12:32; 10:19-20)
8Xub'ij chik chke: «Kimb'ij k'ut chiwe che iy'o nk'aj mnaq kkix'ej t kib' che ub'ixik che iwech in, mal kikjom ntzij. Chin jun che jawa kub'ij chikuch nk'aj chik mnaq, soq jala chik kin'an in, nAchi nuK'jol Dios. Kimb'ij chik chikuch taq ángel rech Dios, che wech in un mnaqi'. 9Per chin jun kub'ij chke mnaq che rit'am ti nwuch in, soq jala chik kin'an in, kimb'ij chikuch taq ángel rech Dios che wit'am t uwuch re.
10»Chin jun kub'ij k'axlaj taq tzij chwij in, nAchi nuK'jol Dios, kkuytaj umak rmal Dios, per chin jun kub'ij k'axlaj taq tzij chrij Tyoxlaj Uxlab'xel, jare re kkuytaj t umak.
11»Echi' kixk'am b'i ix chpam nk'aj rchoch Dios, rich'il chikuch nk'aj nmaq keqle'n, soq rich'il chikuch nk'aj atb'altzij, xa mixok il chikuch, xa mib'soj su ki'ano y su kib'ij ti kito' iwib', 12mal, echi' kuriq hora che kixch'aw kuk', jare Tyoxlaj Uxlab'xel kixuto'o, jare Re kub'ij chiwe chinchke tzij nmister kib'ij chke». Jala xub'ij Jesús chke udiscípulo.
Ri Jesús xub'ij jun k'amb'al n'oj chrij jun achi che mas kurij uwuch ub'oymal
13O jun achi chikxo'l mnaq xub'ij che Jesús:
—Ajtojnel, b'ij la che un watz che kuya we ub'itaqre qaqaw che xuya kanoq rech nración, —xche che.
14Ri Jesús xub'ij che:
—Achi, ¿le xa o jun xnukoj in che atb'altzij pijlom rech kin'an jachnik chiwuch? —xche che.
15Tik'ri xub'ij chke mnaq kunjel:
—China kwent iwib', xa mirij uwuch jumpa sutaq'ik kiriqtaj chi' chuchlew, mal jare taj ub'itaqre jun mnaq kuya uk'asnmal che qa utz, mowni jare ub'oymal, —xche chke.
16Tik'ri xub'ij jun k'amb'al n'oj chke mnaq, xub'ij: «O jun achi b'yom. Jwert kiwchin nk'aj utiko'n chjuch un rlew. 17Ena xumaj uch'ob'ik puk'u'x, kub'ij: “¿Su kin'ano? Ot jachi kinkol uwuch ntiko'n chi'”, kcha puk'u'x. 18Tik'ri xuchomaj chik puk'u'x, xub'ij: “Ya wit'am chik su kin'ano. Jare kinwlujsaj nk'aj uk'olb'al uwuch ntiko'n, rech kin'an nk'aj chik che mas nma'q chjuch nk'aj kinwlujsaj. Chla' kinkol wi runjel jumpa uwuch ntiko'n, rich'il jumpa ub'itaqwe. 19Tik'ri kimb'ij pink'u'x: Utz we in, mal nim ub'itaqwe niklom. Ku'on rech k'ilaj jnab' chwe. Kmik otchich chak kin'ano, xaq tob' kinu'xan chik. Xaq xaw kintij chik su kwaj kintijo, xaq jare chik kin'ano su kwaj kin'ano che kinriq ki'ktem rmal, kincha'”. Jala xub'ij nachi puk'u'x. 20Ni Dios xub'ij che: “Achi, mas ko katch'ab'xik, xa jare b'enaq ak'u'x ruk' ab'oymal, y xa cha'ab' kmik kesax awanma', katkamik. ¿Chin k'ut kurechb'ej kanoq runjel jumpa ub'itaqawe aklom?” xche che.
21»Jala kuriq jun mnaq che xa kumol mas ub'oymal, xa utkel kutak'b'a rib' pujlom. Ni re, chjuch Dios, mas pobre». Jarela jun k'amb'al n'oj xub'ij Jesús chke mnaq.
Ri Jesús xub'ij che Dios kyuchjij ralk'al
(Mt 6:25-34)
22Tik'ri xub'ij chke udiscípulo: «Xa rmal, kimb'ij chiwe che xaq m'e ik'u'x ruk' ik'asnmal, xaq mixb'son ruk' sutaq kitijo rech kitzuq iwib'. Xaq mixb'son ruk' iwitz'yaq kikojo. 23Ri ik'asnmal, mas nim reqlem chjuch su kitijo rech kitzuq iwib' ruk', soq jala icuerpo, mas nim reqlem chjuch iwitz'yaq. 24Chiwlampe nk'aj joj. Ke, ot tiko'n kiktiko, mowni o su kikmolo rech kiktijo, mowni o uk'olb'al kcosecha. Per Dios kyutzuqu. ¿Le xa nim t k'ut kixuril Dios chikuch nk'aj tz'kin? ¡Nim na kixurilo! Kuya chiwe runjel jumpa nmister o chiwe. 25We o jun chiwi'x che mas kub'soj uk'asnmal mal jare kraj re kik'se' na ch'in chik, kikun taj. 26We kixkun taj che jala ki'an ruk' ch'in, che xa ch'in, ¿suche che mas kib'soj nk'aj chik sutaq'ik rech kikojo kixk'se'ik?
27»Chikjo retal su kik'an taq kotz'i'j ti kik'iyik. Kiyichkun taj, mowni kik'an kitz'yaq. O jun achi ujer mas nim reqle'n, jare re rey Salomón. Re xukoj utzlaj taq atz'yaq che mas utz ka'yik. Per kimb'ij chiwe che miskini' jala xu'ono, mas utz na ka'y taq kotz'i'j chjuch ritz'yaq re xukojo. 28Dios, peche mow kukoj utzlaj taq kitz'yaq chkij taq kotz'i'j kiriqtaj ptaq 'yes, che xaw pwa'ij iy'o chutaq jyub', ni chwe'q xa kti' p'a'. We jala ku'on chke taq kotz'i'j, xa pyor b'ari ku'on chiwe ix iximnaq. Kuya k'ut chiwe su nmister chiwe, mal mas kixuchjij ix chikuch taq kotz'i'j. ¡Per ix ot mas ikojb'al ruk' Dios! 29Xa rmal, xa mixb'son che utzukxik su kitijo rech kitzuq iwib' ruk', rich'il su kitij che imi'na'. 30Ni nk'aj chik mnaq iy'o chi' chuchlew che kiyikjon taj chjuch Dios, xa jare o chrij kk'u'x jumpa sutaq ile'. Xani mib'soj ix, mal rit'am chik iQaw chla' chkaj su nmister chiwe. 31Per xani nmister che kiya iwib' che utzlaj atb'altzij rech Dios. We kiya iwib' pu'ab' Re, tik'ri kuya na chiwe runjel jumpa nmister chiwe». Jala xub'ij Jesús.
Ri Jesús xub'ij che chla' chkaj kqariq qab'oymal
32«Ix ixjala peche taq nchij, ixk'i taj. Per xa mix'ej iwib', mal utz kuril iQaw kuya chiwe kixkje ruk' chpam utzlaj u'atb'altzij. 33Chik'ij k'ut ub'itaqiwe, chijcha uwuch pwaq chikuch mnaq che o nmister chke. We jala ki'ano, kilik che peche mow kikol irjil chpam nk'aj kuxtar che ku'on t e'l, rmal mel chla' chkaj kiya wi ib'oymal jachi kk'is taj. Soq ot jun el'om kikunik kok chla' rech kurel'aj, mowni kikun jun wi't che kutij atz'yaq kok chla' rech kutijo. 34Chna'taj chiwe che chla' jachi k'wi ib'oymal, soq chla' b'enaq wi ik'u'x». Jala xub'ij Jesús chke.
Nmister che qayijb'am qib' echi' kpi Qajaw
(Mt 24:42-44)
35«Chiyijb'a iwib', rech list inom ti kpi Iwjaw. Soq chitzja ichaj rech tzjilik ti kpitik. 36Jala ki'ano peche kik'an nk'aj ajchak kki'ej kpatrón che kitzlij loq chpam jun k'ulnem, rech echi' kk'unik y kuk'osk'a nuchija, ke chanim kiktor chjuch. 37Utz ke nk'aj ajchak che kik'ask'at che rib'xik un kpatrón, ik'aslik ti ko'pan kuk'. Ruk' saqlaj tzij kimb'ij chiwe che un patrón kuyijb'a rib', tik'ri kyutaq nk'aj umoso rech kiyikb'e' chu mixa rech jare re kuya kwa. 38Utz ke nk'aj ajchake', we kiriqtaj rmal un kpatrón che kik'ask'atik, miskini' ptaq nk'aj a'ab' ko'pnik, soq we ko'pan b'ajchi', echi' mja kisqarik. 39Per chiwit'amaj wari', wet o jun rjaw ja rit'am chinchke hora ko'pan jun el'om chirchoch, kk'ask'at na che uchijxik rchoch rech kuya t che un el'om kok pja kurel'aj ub'itaqre. 40Soq jala ix, nmister che kixk'ask'at ix rech iyijb'am iwib' echi' kintzlij chnuloq, in nAchi nuK'jol Dios, mal kimpi chik chpam un hora echi' kiwi'ej taj». Jala xub'ij Jesús chke.
Ri Jesús xub'ij jun k'amb'al n'oj chkij keb' ajchak
(Mt 24:45-51)
41U Lu' xuta che Jesús, xub'ij:
—Qajaw, ¿le xaw chqo'j xb'ij la un k'amb'al n'oje', o xb'ij la chke kunjel jumpa mnaq? —xche che.
42Ri Jesús xub'ij che:
—Jare kimb'ij chke kunjel jumpa mnaq che xaq ijnam ruk' peche un ajchak che puro sk'umlaj ajchak y mas un'oj. Jare re xya reqle'n rmal nupatrón, rech kitk'e' pkijlom nk'aj rach ajchak y kuya kwa runjel ij. Tik'ri, k'e un patrón che jun ub'yaje chnaj. 43Utz re un ajchake', we kitjin che uchak ti kitzlij loq nupatrón chuja y kurilo che utz kitjin che u'anik. 44Ruk' saqlaj tzij kimb'ij chiwe, che un patrón kuya reqle'n rech kitk'e' pujlom runjel jumpa ub'itaqre. 45Per rechtla we najchak kuchomaj puk'u'x, kub'ij: “Ma'tan kpi npatrón”, kcha'. Tik'ri kumaj kch'ayik nk'aj rach ajchak rich'il nk'aj rajik'il nupatrón. Soq kumaj utijwik mas uwa rich'il su kraj kutij pujlom uwa, tik'ri ki'b'arik. 46Tik'ri xaq t'et kitzlij loq un patrón. Nun rajchak ri'em taj chinchke ij, mowni rit'am chinchke hora kpitik. Ena nupatrón kuya jun nimlaj k'ejsb'al wuch che. Jala k'ejsb'al wuch kya che peche kya chke nk'aj che kikkoj t utzij Qajaw Dios.
47»Jun ajchak che rit'am chinchke chak kraj upatrón, tik'ri kuyijb'a t rib' che u'anik y ku'on taj, mas kch'ayik rech kk'ejsax uwuch. 48Per we o jun ajchak che rit'am taj su chak kraj upatrón y ku'on chak che jare taj peche kraj re, un patrón xa ch'in kuch'ayo rech kuk'ejsaj uwuch. Chin jun mnaq koksax che reqle'n, we nim jchom pu'ab', nim na kuta chik nupatrón che. Soq we o jun ajchak che mas kukub'a uk'u'x nupatrón chrij, nim na kuta chik che. —Jala xub'ij Jesús.
Ri Jesús xub'ij che xa rmal Re kikjach na kwuch kib' mnaq
(Mt 10:34-36)
49«In ximpi chi' chuchlew, rech peche a' kintzij chikxo'l mnaq, y jare kwaj in wet chanim kitjin chik kk'atik. 50In o jun tijb'al k'ax kinriq na che peche qasna' k'an chwe. Mas kintij k'ax rmal, y jare kwaj in wet kin'ax chpam chanim rech kinto'tjik. 51¿Le kib'ij ix che in npitnaq che uya'ik jun utzil chikxo'l mnaq chi' chuchlew? In kimb'ij chiwe che jare taj, xa jare npitnaq che ujachik kwuch. 52Nk'aj mnaq kikmaj u'anik ch'oj chikuch. Chpam jun ja, iy'o nk'aj che kikkoj ntzij, soq rich'il nk'aj chik che kiyikjon taj. Ena kikjach kwuch kib' j'ob' (5) mnaq chikuch. Uxib' kikk'eq kib' chkij keb' chik, ni keb' kikk'eq kib' chkij uxib' chik.
53Jun achi kuk'eq rib' chrij jun uk'jol,
jun ala kuk'eq rib' chrij uqaw.
Jun ixoq kuk'eq rib' chrij jun ral,
nun ali kuk'eq rib' chrij uchuch.
Jun ri'j ixoq kuk'eq rib' chrij jun rlib' ali,
nun ali kuk'eq rib' chrij jun rlib' ixoq».
Jala xub'ij Qajaw Jesús chke.
Ri Jesús xub'ij chke mnaq su kilwi sutaq k'antaj chi' chuchlew
(Mt 16:2-3)
54Xub'ij chik Jesús chke ik'i mnaq:
—Echi' kiwilo che kuwok rib' sutz' ikim, chanim kib'ij che kpi jab', y jala k'antjik. 55Soq echi' kiwilo kpi tew putlok' jachi kel loq ij, kib'ij ix che ku'on a', y qtzij ku'ono. 56¡Ix xa keb' iplaj! Iwit'am su kilwi jumpa retal k'aljan chkaj rich'il jumpa retal k'aljan chuchlew. ¿Suche k'ut che kich'ob' taj su kilwi su kixtjin che rilik chu'ij saq?
We o jun mnaq che ixajch'oj ruk', jare mas utz che kichomaj iwib' putzil
(Mt 5:25-26)
57»¿Suche kich'ob' taj ix mismo chinchke utz rech jare ki'an ile'? 58We ki'an taj utz chjuch Dios, jare kuk'ejsaj iwuch. Jala kiriqo peche we o jun mnaq ixajch'oj ruk' y kix'e p'atb'altzij. Jare utz we kata kuyb'al amak che, rech kichomaj iwib' ruk' ptaq b'e echi' mja kixo'pan ruk' un juez. Mal, we jala taj ka'ano, re katujach pu'ab' un juez. Nun juez katujach na pu'ab' un policía, nun policía katukoj na pkarsa. 59Kimb'ij chawe, we kat'e pkarsa, katel taj chla', ast retal katoj runjel jumpa rjil amulta. —Jala xub'ij Jesús.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global