San Juan 13
13
Ri Jesús xuch'aj kqan nk'aj udiscípulo
1Xa jun ij chik kraj che ko'pan nim'ij Pascua. Rit'am chik Jesús che xo'pan ij che, rech kuya kan ri uwuchlew, kitzlij ruk' uQaw. Ri Jesús xyul'oj nk'aj mnaq che rech Re, echi' xikje kuk' chi' chuchlew, ni le' xo'pan jun ij che, rech kuk'ut chikuch che ot uk'isik lo'b'al uk'u'x chke rmal k'ax che kutij na kmal.
2Echi' kiyitjin che utijwik kwa rech qaj'ij, nitzel uy'om chik chpam ranma' u Judas Iscariote, uk'jol u Simón, che jare re kujach na ri Jesús pik'ab' nk'aj rajch'oj. 3Ri Jesús rit'am che runjel jumpa chu'ab' uy'om uQaw pu'ab'. Rit'am che ruk' Dios pitnaq wi, soq ruk' Dios kitzlij chwi. 4Ena xwa'laj Jesús chu mixa, tik'ri xuresaj nu'u' che ukjom, xuk'am pnoq jun twaya, xixim pximb'al upam. 5Tik'ri xuya jron chpam jun k'olb'al, xumaj uch'ajik kqan nk'aj udiscípulo, xusu' ruk' un twaya che uxmom pximb'al upam.
6Echi' xo'pan ruk' u Simón Lu', rech kuch'aj rqan, u Lu' xub'ij che:
—Wjaw, ¿le jare kch'aj la wqan? —xche che.
7Ri Jesús xub'ij che:
—Chanim kach'ob' taj sutaq kintjin che u'anik, per kurqa na jun ij tik'ri kach'ob'o, —xche che.
8Nu Simón Lu' xub'ij che:
—In ot jmul kinya wib' che xa jare la kch'aj la wqan, —xche che Jesús.
Ni Jesús xub'ij chik che:
—We kinch'aj t awqan, ot awe wuk', —xche che.
9U Simón Lu' xub'ij chik che Jesús:
—Wjaw, we jala', xaw t wqan kch'aj la, soq ch'ja la n'ab' rich'il nijlom, —xche che Jesús.
10Ri Jesús xub'ij che:
—Chin jun che tela ktitaj itnem rmal, xaq xaw chik rqan nmister kuch'ajo, mal otchich tz'il chrij. Ix runjel ib'qil ch'ajtajnaq chik, miskini' iwunjel taj, —xche Jesús chke.
11Ri Jesús rit'am chik chin kijchawre, jare rmal che xub'ij chke:
—Iwunjel taj ix ch'ajtajnaq, —xcha'.
12Echi' xch'ajtaj kqan nk'aj discípulo rmal Jesús, xukoj jmul chik nu'u' chrij, tik'ri xikb'e' jmul chik chu mixa, xub'ij chke:
—¿Le kich'ob'o su kilwi che xinch'aj iwqan? 13Ix kib'ij Ajtojnel rich'il Qajaw chwe. Utz che jala kib'ij chwe, mal in qatz qtzij njare' su kib'ij chwe. 14We jare in nAjtojnel, soq jare in nIwjaw, xinch'aj iwqan, soq nmister che ix kich'aj iwqan chiwuch. 15In xinya kan jun k'utb'al chiwuch, rech jala chik ki'an ix, peche xin'an in chiwe. 16Qatz qtzij, qatz qtzij, kimb'ij chiwe che jun mnaq o pmokik, nim taj chjuch nupatrón. Soq jala najb'nal taqkil, nim taj chjuch jun che xitqaw b'i re. 17Le', che iwit'am chik, utz iwe we ki'ano.
18»Sutaq kimb'ij chanim, kimb'ij taj chiwij iwunjel. In wit'am chintaq ichaytajnaq chik wmal, per nmister che k'antaj na sutaq tz'ib'tal chpam Tyox Wuj che kub'ij: “Ri jun che jnam kujwa' ruk', xa xwa'laj chwij”.#Sal 41:9. 19Xa kinab'saj ub'ixik chiwe, rech echi' k'antjik, kikojo che qatz qtzij in ri'. 20Qatz qtzij, qatz qtzij kimb'ij chiwe, che chin jun kuk'am jun ntaqo'n, jare in knuk'amo. Chin jun knuk'am in, jare kilik che kuk'am qaQaw Dios che xnutaq loq, —xche Jesús chke.
Ri Jesús xub'ij che kjach na rmal u Judas
(Mt 26:20-25; Mr 14:17-21; Lc 22:21-23)
21Xaw xb'itaj nk'aj tziji' rmal Jesús, xi'xow ranma'.
Ena ruk' saqlaj tzij xch'awik, xub'ij:
—Qatz qtzij, qatz qtzij kimb'ij chiwe, che o jun chiwe knujach na pik'ab' nk'aj wajch'oj, —xche chke.
22Ni nk'aj udiscípulo Jesús, xikka'yej kib' chikuch, xikch'ob' taj chin che lo xub'ij wi. 23O jun chke nk'aj udiscípulo Jesús, jare jun che mas kil'ox rmal Jesús, ku'l koq putlok' Jesús che utijwik wa. 24U Simón Lu' xuk'ut loq u'ab' chjuch rech kuta che Jesús chin che lo xub'ij wi. 25Xa jala', xqib' koq ch'in chik ruk' Jesús, nojim xuta koq che:
—Qajaw, ¿chin lo lal kujacho? —xche che.
26Ri Jesús xub'ij:
—Kinmu' jqux kaxlenwa ri'. Chin che kinya wi, jare re knujacho, —xche che.
Ena xumu' jqux kaxlenwa, xuya che u Judas Iscariote uk'jol u Simón. 27Xaw xk'amtaj jqux kaxlenwa rmal u Judas, chanim xok nitzel chpam ranma'. Tik'ri xub'ij Jesús che:
—Su achomam ka'ano, chi'na chanim, —xche che.
28Ot chin jun chke nk'aj discípulo che kiwa' chu mixa, xuch'ob'o, su kilwi che jala xub'ij Jesús che. 29Ke kit'am che jare u Judas uklom pwaq che umlom rib', xa rmal xikchomaj che ri Jesús kitjinik kub'ij che, che kulo'o jumpa sutaq'ik nmister rech nim'ij. Soq xikchomaj che ri Jesús xub'ij che, che kusipaj b'i' pwaq chke mnaq che xa ipobre. 30Xaw xk'amtaj ch'qap kaxlenwa rmal u Judas, chanim xel b'ik. Cha'ab' chiri'.
Jun k'ak' pxab' xuya ri Jesús
31Echi' xel b'i u Judas, ri Jesús xub'ij:
—Xo'pan ij che kinmirsax u'ij nAchi nuK'jol Dios, rech kinmir u'ij Dios rmal. 32We kinmirsax u'ij Dios rmal uK'jol, ri Dios kunmirsaj u'ij uK'jol. Kub'oy t u'anik ri Dios.
33»Ni ix, che peche mow taq ix walk'al, xa laj ch'in chik n'o chixo'l. Knitzkuj na, per jala peche ximb'ij chke nk'aj aj Israel, soq jala kimb'ij ile' chiwi'x: “Jachi kimb'e in, kixkun taj ix kix'ek”.
34»O jun k'ak' pxab' kinya chiwe: chil'oj iwib' chiwuch. Jala peche xin'an in chiwe che xixinl'oj, soq jala china ix, chil'oj iwib' chiwuch. 35We kil'oj iwib' chiwuch, xaq ruk' wa' kkit'amaj kunjel jumpa mnaq che ixwech in, —xche Jesús chke.
Ri Jesús xub'ij che ri Lu' kub'ij na che rit'am t uwuch Jesús
(Mt 26:31-35; Mr 14:27-31; Lc 22:31-34)
36U Simón Lu' xub'ij che Jesús:
—Wjaw, ¿jachi k'e la chi'? —xche che.
Ri Jesús xub'ij che:
—At katikun taj kat'e wuk' jachi kimb'e in le'. Jun chik ij na, tik'ri knatrimb'ej b'ik, —xche che.
37U Lu' xub'ij chik che Jesús:
—Wjaw, ¿suche che kinkun taj kintrij b'i ile' chij la? In kinch'a' taj miskini' kinya wib' kinkamsax wmal la, —xche che.
38Ri Jesús xub'ij che:
—¿Le qtzij lo che kaya ak'asnmal wmal in? Qatz qtzij, qatz qtzij kimb'ij chawe che echi' mja ko' un k'jo'l, uxib' b'welt ab'im chik che kach'ob' t nwuch. —Jala xub'ij Jesús che u Lu'.
လက္ရွိေရြးခ်ယ္ထားမွု
San Juan 13: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 13
13
Ri Jesús xuch'aj kqan nk'aj udiscípulo
1Xa jun ij chik kraj che ko'pan nim'ij Pascua. Rit'am chik Jesús che xo'pan ij che, rech kuya kan ri uwuchlew, kitzlij ruk' uQaw. Ri Jesús xyul'oj nk'aj mnaq che rech Re, echi' xikje kuk' chi' chuchlew, ni le' xo'pan jun ij che, rech kuk'ut chikuch che ot uk'isik lo'b'al uk'u'x chke rmal k'ax che kutij na kmal.
2Echi' kiyitjin che utijwik kwa rech qaj'ij, nitzel uy'om chik chpam ranma' u Judas Iscariote, uk'jol u Simón, che jare re kujach na ri Jesús pik'ab' nk'aj rajch'oj. 3Ri Jesús rit'am che runjel jumpa chu'ab' uy'om uQaw pu'ab'. Rit'am che ruk' Dios pitnaq wi, soq ruk' Dios kitzlij chwi. 4Ena xwa'laj Jesús chu mixa, tik'ri xuresaj nu'u' che ukjom, xuk'am pnoq jun twaya, xixim pximb'al upam. 5Tik'ri xuya jron chpam jun k'olb'al, xumaj uch'ajik kqan nk'aj udiscípulo, xusu' ruk' un twaya che uxmom pximb'al upam.
6Echi' xo'pan ruk' u Simón Lu', rech kuch'aj rqan, u Lu' xub'ij che:
—Wjaw, ¿le jare kch'aj la wqan? —xche che.
7Ri Jesús xub'ij che:
—Chanim kach'ob' taj sutaq kintjin che u'anik, per kurqa na jun ij tik'ri kach'ob'o, —xche che.
8Nu Simón Lu' xub'ij che:
—In ot jmul kinya wib' che xa jare la kch'aj la wqan, —xche che Jesús.
Ni Jesús xub'ij chik che:
—We kinch'aj t awqan, ot awe wuk', —xche che.
9U Simón Lu' xub'ij chik che Jesús:
—Wjaw, we jala', xaw t wqan kch'aj la, soq ch'ja la n'ab' rich'il nijlom, —xche che Jesús.
10Ri Jesús xub'ij che:
—Chin jun che tela ktitaj itnem rmal, xaq xaw chik rqan nmister kuch'ajo, mal otchich tz'il chrij. Ix runjel ib'qil ch'ajtajnaq chik, miskini' iwunjel taj, —xche Jesús chke.
11Ri Jesús rit'am chik chin kijchawre, jare rmal che xub'ij chke:
—Iwunjel taj ix ch'ajtajnaq, —xcha'.
12Echi' xch'ajtaj kqan nk'aj discípulo rmal Jesús, xukoj jmul chik nu'u' chrij, tik'ri xikb'e' jmul chik chu mixa, xub'ij chke:
—¿Le kich'ob'o su kilwi che xinch'aj iwqan? 13Ix kib'ij Ajtojnel rich'il Qajaw chwe. Utz che jala kib'ij chwe, mal in qatz qtzij njare' su kib'ij chwe. 14We jare in nAjtojnel, soq jare in nIwjaw, xinch'aj iwqan, soq nmister che ix kich'aj iwqan chiwuch. 15In xinya kan jun k'utb'al chiwuch, rech jala chik ki'an ix, peche xin'an in chiwe. 16Qatz qtzij, qatz qtzij, kimb'ij chiwe che jun mnaq o pmokik, nim taj chjuch nupatrón. Soq jala najb'nal taqkil, nim taj chjuch jun che xitqaw b'i re. 17Le', che iwit'am chik, utz iwe we ki'ano.
18»Sutaq kimb'ij chanim, kimb'ij taj chiwij iwunjel. In wit'am chintaq ichaytajnaq chik wmal, per nmister che k'antaj na sutaq tz'ib'tal chpam Tyox Wuj che kub'ij: “Ri jun che jnam kujwa' ruk', xa xwa'laj chwij”.#Sal 41:9. 19Xa kinab'saj ub'ixik chiwe, rech echi' k'antjik, kikojo che qatz qtzij in ri'. 20Qatz qtzij, qatz qtzij kimb'ij chiwe, che chin jun kuk'am jun ntaqo'n, jare in knuk'amo. Chin jun knuk'am in, jare kilik che kuk'am qaQaw Dios che xnutaq loq, —xche Jesús chke.
Ri Jesús xub'ij che kjach na rmal u Judas
(Mt 26:20-25; Mr 14:17-21; Lc 22:21-23)
21Xaw xb'itaj nk'aj tziji' rmal Jesús, xi'xow ranma'.
Ena ruk' saqlaj tzij xch'awik, xub'ij:
—Qatz qtzij, qatz qtzij kimb'ij chiwe, che o jun chiwe knujach na pik'ab' nk'aj wajch'oj, —xche chke.
22Ni nk'aj udiscípulo Jesús, xikka'yej kib' chikuch, xikch'ob' taj chin che lo xub'ij wi. 23O jun chke nk'aj udiscípulo Jesús, jare jun che mas kil'ox rmal Jesús, ku'l koq putlok' Jesús che utijwik wa. 24U Simón Lu' xuk'ut loq u'ab' chjuch rech kuta che Jesús chin che lo xub'ij wi. 25Xa jala', xqib' koq ch'in chik ruk' Jesús, nojim xuta koq che:
—Qajaw, ¿chin lo lal kujacho? —xche che.
26Ri Jesús xub'ij:
—Kinmu' jqux kaxlenwa ri'. Chin che kinya wi, jare re knujacho, —xche che.
Ena xumu' jqux kaxlenwa, xuya che u Judas Iscariote uk'jol u Simón. 27Xaw xk'amtaj jqux kaxlenwa rmal u Judas, chanim xok nitzel chpam ranma'. Tik'ri xub'ij Jesús che:
—Su achomam ka'ano, chi'na chanim, —xche che.
28Ot chin jun chke nk'aj discípulo che kiwa' chu mixa, xuch'ob'o, su kilwi che jala xub'ij Jesús che. 29Ke kit'am che jare u Judas uklom pwaq che umlom rib', xa rmal xikchomaj che ri Jesús kitjinik kub'ij che, che kulo'o jumpa sutaq'ik nmister rech nim'ij. Soq xikchomaj che ri Jesús xub'ij che, che kusipaj b'i' pwaq chke mnaq che xa ipobre. 30Xaw xk'amtaj ch'qap kaxlenwa rmal u Judas, chanim xel b'ik. Cha'ab' chiri'.
Jun k'ak' pxab' xuya ri Jesús
31Echi' xel b'i u Judas, ri Jesús xub'ij:
—Xo'pan ij che kinmirsax u'ij nAchi nuK'jol Dios, rech kinmir u'ij Dios rmal. 32We kinmirsax u'ij Dios rmal uK'jol, ri Dios kunmirsaj u'ij uK'jol. Kub'oy t u'anik ri Dios.
33»Ni ix, che peche mow taq ix walk'al, xa laj ch'in chik n'o chixo'l. Knitzkuj na, per jala peche ximb'ij chke nk'aj aj Israel, soq jala kimb'ij ile' chiwi'x: “Jachi kimb'e in, kixkun taj ix kix'ek”.
34»O jun k'ak' pxab' kinya chiwe: chil'oj iwib' chiwuch. Jala peche xin'an in chiwe che xixinl'oj, soq jala china ix, chil'oj iwib' chiwuch. 35We kil'oj iwib' chiwuch, xaq ruk' wa' kkit'amaj kunjel jumpa mnaq che ixwech in, —xche Jesús chke.
Ri Jesús xub'ij che ri Lu' kub'ij na che rit'am t uwuch Jesús
(Mt 26:31-35; Mr 14:27-31; Lc 22:31-34)
36U Simón Lu' xub'ij che Jesús:
—Wjaw, ¿jachi k'e la chi'? —xche che.
Ri Jesús xub'ij che:
—At katikun taj kat'e wuk' jachi kimb'e in le'. Jun chik ij na, tik'ri knatrimb'ej b'ik, —xche che.
37U Lu' xub'ij chik che Jesús:
—Wjaw, ¿suche che kinkun taj kintrij b'i ile' chij la? In kinch'a' taj miskini' kinya wib' kinkamsax wmal la, —xche che.
38Ri Jesús xub'ij che:
—¿Le qtzij lo che kaya ak'asnmal wmal in? Qatz qtzij, qatz qtzij kimb'ij chawe che echi' mja ko' un k'jo'l, uxib' b'welt ab'im chik che kach'ob' t nwuch. —Jala xub'ij Jesús che u Lu'.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global