Hechos 3
3
Nk'aj apóstol xkiknaj jun achi che kb'in taj
1Xo'pan jun ij jnam xib'e u Lu' rich'il u Wan chirchoch Dios echi' las tres unom hora rech uqajb'al ij;#3:1 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. Ri mnaq aj Israel costumbre chke che a las tres unom hora rech qajb'al ij ti kik'an kch'ab'al ruk' Dios. jare hora kik'an kch'ab'al nk'aj aj Israel ruk' Dios. 2O jun achi che xa kb'in taj, per su jala chik unom ti xalaxik. Runjel ij ktelex b'i chla' ruk' rchoch Dios, chla' kikyaw chuchi' uchija che un tapya rech rchoch Dios; nuchija le', «Utz Ka'yik» kikjom che ub'i'. Nachi che kb'in taj, runjel ij kuya rib' chla' rech kuta ulimosna chke mnaq che kiyok b'i chirchoch Dios. 3Echi' xuril nachi che ya mer kiyok b'i u Lu' rich'il u Wan chirchoch Dios, xuta ulimosna chke. 4Nu Lu' rich'il u Wan xa mas xikka'yej; ena xub'ij u Lu' che:
—Chujawlampe', —xche che. 5Ni nachi mas xyuka'yej, jare kub'ij re che xa o su kiksipaj che. 6Per nu Lu' xub'ij che:
—In ot nirjil rech kinya chawe, per su o wuk' jarela kinya chawe: rmal uchu'ab' Jesucristo aj Nazaret che o wuk', kimb'ij chawe che katwa'ljoq, katb'inoq, —xche che.
7Nu Lu' xuchap qaj nachi che u'ab' rech u'b'im y xuwa'lsaj; mismo chanim xu'on ko rqan rich'il uqul taq rqan. 8Xaq ub'ik xixk'in chkaj, xitk'e'ik, xumaj ub'e. Jnam xok b'i kuk' u Lu' rich'il u Wan chirchoch Dios, kb'inik, kixk'inik xok b'ik, kitjinik kukoj u'ij Dios. 9Echi' xkil kunjel mnaq che xb'in nachi y xukoj u'ij Dios, 10mas xikmiyma', xsach kk'u'x ruk' su xkilo, rmal mel puro kikch'ob' uwuch nachi che kb'in taj; kit'am che jare re kikb'e' chla' chuchi' uchija che un tapya rech rchoch Dios rech kuta ulimosna; nuchija le', Utz Ka'yik kb'ix che.
U Lu' xyuch'ab'ej mnaq chirchoch Dios
11Nachi che xiknaxik, su kyutzaqpij t chik u Lu' rich'il u Wan; xa rmal kunjel mnaq mas xikmiyma'; ena anim xipi che rilik pirqinja che rchoch Dios, che Rech u Salomón kb'ix che. 12Echi' xuril u Lu' che jala', xub'ij chke mnaq: «Ix ixachjab' qich'il qib' iwuk' ujaj Israel, ¿suche che kimiyma' sutaq kixtjin che rilik? ¿Suche che xa jare qo'j kujika'yej, pecheri xa jare qo'j xqaknaj nachi ri', pecheri xa rmal qachu'ab' qo'j che xikunik xb'inik, o pecheri xa rmal che mas kqakoj u'ij Dios? 13Jare taj; jare Qajaw che xikkoj u'ij qati' qamam u Abraham, u Isaac, u Jacob, jare Re xunmirsaj u'ij uK'jol che Jesús ub'i', jare mismo Jun che xijach ix pik'ab' atb'altzij, y echi' ti kutzaqpij u Pilato che kub'ij, ix xiwaj taj. 14Xiwaj taj che xtzaqpix b'i nachi le' che puro tyoxlaj achi, ot su kri' umak; xa jare xiwaj che xtzaqpix b'i un chik che xa kamsnel.#Lc 23:18. 15Ix xa xikamsaj Jun che kuya qak'asnmal, per jare Dios xuk'suj chikxo'l nk'aj kamnaq; qo'j xqilo che puro qtzij xk'astjik. 16Y jare Jesús xuya uchu'ab' nachi, mal mas xukub'a uk'u'x chrij. Nachi ri' jare jun che kich'ob' uwuch. Xa rmal ukojb'al che Jesús xik'choj runjel uyab'; chiwlampe iwunjel, qtzij ot chuyab'.
17»In wit'am, qachlal, che echi' jnam xikamsaj Jesús kuk' mnaq che itk'al pijlom, xa xich'ob' taj su xi'ano. 18Per ni le' runjel x'antaj chiquch rmal Dios, jala peche ub'im kan ujer. Jare nk'aj ajb'il utzij Re xikb'ij che kuriqn k'ax Cristo, che chaytajnaq rmal Dios. 19Pures nmister kqak'ex qamow, jare kqajach qib' pu'ab' Dios, rech kkuytaj qamak, 20y soq rech kukub'saj qak'u'x Qajaw Dios, soq rech kutaq loq Qajaw Jesús quk' che jare Re Cristo,#3:20 Cristo kel kub'ij jun chaytajnaq rmal Dios. Un tzij Mesías xaq jnam kilwi. mal ujer chik uchomam che kuya chqe. 21Chewa chanim jare nmister che kkanaj kan Jesús chla' chkaj, ast retal echi' ku'onch utz Dios che runjel jumpa sutaq'ik o chi' chuchlew rich'il jumpa sutaq'ik o chkaj. Jala ub'im Dios chke utzlaj taq ajb'il utzij Re, xa rmal jala chik xikb'ij chkan ke ujer. 22U Moisés soq xub'ij chkan re chke qati' qamam ujer: “Ri Qajaw Dios kuya na jun ajb'il utzij chixo'l, per chi' chpam itinmit kuresaj wi, tik'ri kuya chiwe, jala peche xu'on chwi'n. Chikjo utzij runjel jumpa kub'ij chiwe. 23Mal kunjel jumpa mnaq che kikkoj t utzij Re, kiyesax b'i chiqxo'l qo'j ujaj Israel, tik'ri ksach kwuch kunjel”.#Dt 18:15,19. Jala xub'ij u Moisés. 24Kunjel jumpa ajb'il utzij Dios i'axnaq ujer, xaw xmajtaj loq ruk' u Samuel, jala kinom pitnaq. Kunjel ke xikb'ij runjel sutaq kitjin u'anik chiqxo'l chanim. 25Runjel jumpa utzlaj utzil kuya Dios, che xikb'ij nk'aj ajb'il utzij Re, soq runjel jumpa utzlaj utzil kuya Dios che xub'ij chke qati' qamam, jarela puro qech qo'j, utz kqariq na rmal. Mal Dios xch'aw ruk' qamam Abraham ujer, xub'ij: “Xa kmal nk'aj ri'y amam, kinya na utzlaj utzil pkijlom kunjel jumpa mnaq iy'o chuchlew”.#Gn 22:18; 26:4. Jala xub'ij Dios. 26Xa rmal, echi' xuchay Dios uK'jol Jesús, nab'e xutaq loq quk', rech kuya utzlaj utzil pqajlom, rech xa jala' chiqjunjnal kqaya kan u'anik qamak». Jala xub'ij u Lu' chke mnaq.
လက္ရွိေရြးခ်ယ္ထားမွု
Hechos 3: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 3
3
Nk'aj apóstol xkiknaj jun achi che kb'in taj
1Xo'pan jun ij jnam xib'e u Lu' rich'il u Wan chirchoch Dios echi' las tres unom hora rech uqajb'al ij;#3:1 Tyox Wuj kch'aw chrij ub'elej (9) hora. Ub'elej hora kel kub'ij las 3:00 unom hora rech uqajb'al ij. Ri mnaq aj Israel costumbre chke che a las tres unom hora rech qajb'al ij ti kik'an kch'ab'al ruk' Dios. jare hora kik'an kch'ab'al nk'aj aj Israel ruk' Dios. 2O jun achi che xa kb'in taj, per su jala chik unom ti xalaxik. Runjel ij ktelex b'i chla' ruk' rchoch Dios, chla' kikyaw chuchi' uchija che un tapya rech rchoch Dios; nuchija le', «Utz Ka'yik» kikjom che ub'i'. Nachi che kb'in taj, runjel ij kuya rib' chla' rech kuta ulimosna chke mnaq che kiyok b'i chirchoch Dios. 3Echi' xuril nachi che ya mer kiyok b'i u Lu' rich'il u Wan chirchoch Dios, xuta ulimosna chke. 4Nu Lu' rich'il u Wan xa mas xikka'yej; ena xub'ij u Lu' che:
—Chujawlampe', —xche che. 5Ni nachi mas xyuka'yej, jare kub'ij re che xa o su kiksipaj che. 6Per nu Lu' xub'ij che:
—In ot nirjil rech kinya chawe, per su o wuk' jarela kinya chawe: rmal uchu'ab' Jesucristo aj Nazaret che o wuk', kimb'ij chawe che katwa'ljoq, katb'inoq, —xche che.
7Nu Lu' xuchap qaj nachi che u'ab' rech u'b'im y xuwa'lsaj; mismo chanim xu'on ko rqan rich'il uqul taq rqan. 8Xaq ub'ik xixk'in chkaj, xitk'e'ik, xumaj ub'e. Jnam xok b'i kuk' u Lu' rich'il u Wan chirchoch Dios, kb'inik, kixk'inik xok b'ik, kitjinik kukoj u'ij Dios. 9Echi' xkil kunjel mnaq che xb'in nachi y xukoj u'ij Dios, 10mas xikmiyma', xsach kk'u'x ruk' su xkilo, rmal mel puro kikch'ob' uwuch nachi che kb'in taj; kit'am che jare re kikb'e' chla' chuchi' uchija che un tapya rech rchoch Dios rech kuta ulimosna; nuchija le', Utz Ka'yik kb'ix che.
U Lu' xyuch'ab'ej mnaq chirchoch Dios
11Nachi che xiknaxik, su kyutzaqpij t chik u Lu' rich'il u Wan; xa rmal kunjel mnaq mas xikmiyma'; ena anim xipi che rilik pirqinja che rchoch Dios, che Rech u Salomón kb'ix che. 12Echi' xuril u Lu' che jala', xub'ij chke mnaq: «Ix ixachjab' qich'il qib' iwuk' ujaj Israel, ¿suche che kimiyma' sutaq kixtjin che rilik? ¿Suche che xa jare qo'j kujika'yej, pecheri xa jare qo'j xqaknaj nachi ri', pecheri xa rmal qachu'ab' qo'j che xikunik xb'inik, o pecheri xa rmal che mas kqakoj u'ij Dios? 13Jare taj; jare Qajaw che xikkoj u'ij qati' qamam u Abraham, u Isaac, u Jacob, jare Re xunmirsaj u'ij uK'jol che Jesús ub'i', jare mismo Jun che xijach ix pik'ab' atb'altzij, y echi' ti kutzaqpij u Pilato che kub'ij, ix xiwaj taj. 14Xiwaj taj che xtzaqpix b'i nachi le' che puro tyoxlaj achi, ot su kri' umak; xa jare xiwaj che xtzaqpix b'i un chik che xa kamsnel.#Lc 23:18. 15Ix xa xikamsaj Jun che kuya qak'asnmal, per jare Dios xuk'suj chikxo'l nk'aj kamnaq; qo'j xqilo che puro qtzij xk'astjik. 16Y jare Jesús xuya uchu'ab' nachi, mal mas xukub'a uk'u'x chrij. Nachi ri' jare jun che kich'ob' uwuch. Xa rmal ukojb'al che Jesús xik'choj runjel uyab'; chiwlampe iwunjel, qtzij ot chuyab'.
17»In wit'am, qachlal, che echi' jnam xikamsaj Jesús kuk' mnaq che itk'al pijlom, xa xich'ob' taj su xi'ano. 18Per ni le' runjel x'antaj chiquch rmal Dios, jala peche ub'im kan ujer. Jare nk'aj ajb'il utzij Re xikb'ij che kuriqn k'ax Cristo, che chaytajnaq rmal Dios. 19Pures nmister kqak'ex qamow, jare kqajach qib' pu'ab' Dios, rech kkuytaj qamak, 20y soq rech kukub'saj qak'u'x Qajaw Dios, soq rech kutaq loq Qajaw Jesús quk' che jare Re Cristo,#3:20 Cristo kel kub'ij jun chaytajnaq rmal Dios. Un tzij Mesías xaq jnam kilwi. mal ujer chik uchomam che kuya chqe. 21Chewa chanim jare nmister che kkanaj kan Jesús chla' chkaj, ast retal echi' ku'onch utz Dios che runjel jumpa sutaq'ik o chi' chuchlew rich'il jumpa sutaq'ik o chkaj. Jala ub'im Dios chke utzlaj taq ajb'il utzij Re, xa rmal jala chik xikb'ij chkan ke ujer. 22U Moisés soq xub'ij chkan re chke qati' qamam ujer: “Ri Qajaw Dios kuya na jun ajb'il utzij chixo'l, per chi' chpam itinmit kuresaj wi, tik'ri kuya chiwe, jala peche xu'on chwi'n. Chikjo utzij runjel jumpa kub'ij chiwe. 23Mal kunjel jumpa mnaq che kikkoj t utzij Re, kiyesax b'i chiqxo'l qo'j ujaj Israel, tik'ri ksach kwuch kunjel”.#Dt 18:15,19. Jala xub'ij u Moisés. 24Kunjel jumpa ajb'il utzij Dios i'axnaq ujer, xaw xmajtaj loq ruk' u Samuel, jala kinom pitnaq. Kunjel ke xikb'ij runjel sutaq kitjin u'anik chiqxo'l chanim. 25Runjel jumpa utzlaj utzil kuya Dios, che xikb'ij nk'aj ajb'il utzij Re, soq runjel jumpa utzlaj utzil kuya Dios che xub'ij chke qati' qamam, jarela puro qech qo'j, utz kqariq na rmal. Mal Dios xch'aw ruk' qamam Abraham ujer, xub'ij: “Xa kmal nk'aj ri'y amam, kinya na utzlaj utzil pkijlom kunjel jumpa mnaq iy'o chuchlew”.#Gn 22:18; 26:4. Jala xub'ij Dios. 26Xa rmal, echi' xuchay Dios uK'jol Jesús, nab'e xutaq loq quk', rech kuya utzlaj utzil pqajlom, rech xa jala' chiqjunjnal kqaya kan u'anik qamak». Jala xub'ij u Lu' chke mnaq.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global