Hechos 12
12
Xkamsax u Santiago y xoksax u Lu' pkarsa
1Chpam un tiempo le', o un rey Herodes che atb'altzij chla' Judea. Re xuchap keb' uxib' chke nk'aj qachlal, kraj ku'on k'ax chke. 2Ena xutaq ukamsxik u Santiago ruk' mchit. U Santiago iyachlal ruk' u Wan. 3Echi' xuril u Herodes che utz xkil nk'aj aj Israel che jala xu'ono, soq xutaq uchapik u Lu'. Echi' x'antaj wari', jare chi' xuriq nim'ij rech b'noj kaxlenwa che ot ch'am kjom ruk'. 4Echi' xchaptaj loq u Lu', u Herodes xukoj pkarsa. Xujach kan pik'ab' kjeb' (4) grupo soldado rech kkichjij. Nk'aj soldado xikjach kwuch kib', kajkaj (4) xik'ano xkuk'aj kib' rech kikk'ak'lej u Lu'. U Herodes kitjinik kuchomaj kuresaj loq u Lu' rech kuya chikuch mnaq echi' axnaq chik nim'ij Pascua; jare kraj re wet kik'an atb'altzij pujlom. 5Xa jala' xkichjij u Lu' nk'aj soldado pkarsa rech kanmaj tu b'ik. Per ni nk'aj ajkojnel, xa xikkoj kchu'ab' che u'anik kch'ab'al ruk' Dios pujlom u Lu'.
Ri Qajaw Dios xutaq resxik u Lu' pkarsa
6Echi' xa chkab' ij kuriq ij che uchomam u Herodes kuresaj loq u Lu' chikuch mnaq, mismo cha'ab' warnaq u Lu' chikxo'l keb' soldado. Xmil u Lu' ruk' keb' ktena che soq yqul chke keb' soldado. Iy'o nk'aj chik soldado itk'al chuchi' uchija rech kk'ak'lem u Lu' rech kanmaj tu b'ik. 7Tik'ri xaq t'et o jun ángel tqom loq rmal Qajaw Dios xitk'e' putlok' u Lu', ena xu'on saq upam runjel un karsa. Un ángel xuchap koq u Lu' puk'elk'a'x, xuk'suj, y xub'ij che: «¡Katwa'laj chanim!» xche che. Ena mismo chanim, xk'oqtaj nk'aj ktena che u'ab' u Lu'. 8Tik'ri xub'ij chik un ángel che: «Chixma apam ruk' aximb'al y chikjo axjab'», xche che. Ena xu'on u Lu' su xub'ij un ángel che. Tik'ri xub'ij chik un ángel che: «Chikjo nawitz'yaq che nim rqan y katitrij chwij», xche che.
9Ena xel b'i u Lu' pkarsa, xitrij b'i chrij un ángel, jnam xib'ek. Per nu Lu' rit'am taj we qtzij che jala k'an che rmal un ángel; kuchomaj re che peche mow xa kitjinik kurichk'aj. 10Per kimjom kb'e ib'enaq, xik'axij kan jun nab'e ajchijnel, tik'ri xik'axij chkan jun ukab' ajchijnel, ast retal xiyo'pan chuchi' nuchija ch'ich' che o chuchi' b'e. Echi' k'ut xiyo'pan chla', xaq ub'ik xtortaj nuchija utkel chikuch. Ena xiyel b'i xo'l b'e rech tinmit. Echi' xik'axij kan jun uxo'l b'e, xaq ub'ik x'e un ángel, xuya kan u Lu' utkel. 11Tik'ri k'ut qatz xk'un saq che u Lu' ena xub'ij puk'u'x: «Le' xinwit'amaj che ri Qajaw Dios puro qtzij utqom loq u'ángel rech knuto' pu'ab' u Herodes, y soq rech knuto' pik'ab' nk'aj aj Israel che kchomam kik'an k'ax chwe», xcha'.
12Jala kitjin u Lu' che uchomxik ti x'e chirchoch i Mri'y uchuch u Wan che soq kb'ix Marcos che. Ik'i qachlal ajkojnel kirqom kib' chla', kiyitjinik kik'an kch'ab'al ruk' Dios. 13Echi' xo'pan u Lu' chla', xuk'osk'a koq nuchija che o chuchi' b'e. O jun ali ajik'il, Rode ub'i', xel loq rech kurla' chinoq o chuchi' uchija. 14Per echi' xuta' che jare uch'ab'al u Lu' xch'awik, xsach un'oj rmal uki'ktem. Xutor taj nuchija chjuch, xa anim x'e che ub'ixik chke jumpa iy'o pja, che o u Lu' chuchi' uchija.
15Ena xikb'ij nk'aj rich'il che:
—Xa xatujal mox, —xiche che.
Per ni re, su saqlaj tzij olik che puro qtzij jare u Lu'. Ni ke xikb'ij chik che:
—Jare taj, xa jarela usantil, —xiche che.
16Nu Lu' kitjin na kuk'osk'a nuchija. Echi' k'ut xiktor nuchija, xkilo che jare re, ena jwert poqlaj xkilo, xiyok il che. 17Per ni re, xa xuk'ut u'ab' chikuch rech k'utb'alre chke che xa mich'aw chik. Tik'ri k'ut xumaj ub'ixik chke su mow xu'on Dios che, ti xuresaj loq pkarsa. Soq xub'ij chke:
—Chiy'a un rsoni' che u Santiago soq chke jumpa nk'aj chik qachlal, —xche chke.
Tik'ri k'ut qatz xel b'ik, x'e chpam jun chik tinmit.
18Echi' xisqarik, kunjel nk'aj soldado xiyimxorik; jwert xsach kin'oj, mal kit'am taj su xuriq u Lu' che ot chik kuk'. 19U Herodes xutaq utzukxik u Lu', per xikriq taj. Ena jare xuresaj riwal chkij nk'aj soldado. Xuk'ot kchi', tik'ri xutaq kkamsxik.
U Herodes xkamik
Tik'ri xel b'i u Herodes pukwent Judea, xqaj b'i chpam un tinmit Cesarea, chla' xkanaj kan wi. 20Uykom loq riwal u Herodes chkij mnaq che iy'o chpam tinmit Tiro rich'il tinmit Sidón. Ena, xa rmal che nk'aj mnaq chpam keb' tinmite', jnam xikchomaj chikuch che utz we kib'e ruk' u Herodes, rech kich'aw ruk'. O jun chik achi, Blasto ub'i', nim reqle'n chqul u Herodes. Jare re xikb'och'ij mnaq rech ku'axij ktzij chjuch un rey Herodes. Xa jala', xiyikunik xich'aw ruk' u Herodes, rech kikya kib' chpam jun utzil; kkaj taj kik'an ch'oj, mal kit'am che chpam rlew u Herodes kpi wi runjel jumpa kiktijo.
21U Herodes xutzkuj jun ij che xyusk'ij ruk' kunjel jumpa mnaqi', rech kik'an kchomnik chikuch. Echi' xuriq ij che kik'an kchomnik, u Herodes xukoj nk'aj utzlaj taq atz'yaq, k'utb'alre che nim reqle'n. Tik'ri xikb'e' chpam nutem jachi kikb'e' wi echi' ku'on atb'altzij, y xuya ub'ixik jun utzij chke mnaq. 22Echi' xikta mnaq sutaq xub'ij, ena xiksik'b'aj kib', xikb'ij: «¡Jun che kitjinik kch'awik, mnaq taj, xa jare jun dyosil che nim u'ij!» xicha'. 23Ena mismo chanim, o jun ángel rech Qajaw Dios xpi ruk' u Herodes y xukoj jun nimlaj yab'il che, mal xa xuya t u'ij Qajaw Dios. Xa rmal, xu'on che che xitjiw kmal amlo, y xkam rmal.
24Per ni lo'laj utzij Dios xa mas xutix rib' rson, xa jala' xb'ix utzij Dios chpam runjel jumpa tinmit.
25Echi' xk'is kchak u Bernabé rich'il u Saulo chla' Jerusalén, xiyitzlij chpam tinmit Antioquía, xikk'am b'i u Wan kuk' che soq kb'ix Marcos che.
လက္ရွိေရြးခ်ယ္ထားမွု
Hechos 12: qucSAS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
Hechos 12
12
Xkamsax u Santiago y xoksax u Lu' pkarsa
1Chpam un tiempo le', o un rey Herodes che atb'altzij chla' Judea. Re xuchap keb' uxib' chke nk'aj qachlal, kraj ku'on k'ax chke. 2Ena xutaq ukamsxik u Santiago ruk' mchit. U Santiago iyachlal ruk' u Wan. 3Echi' xuril u Herodes che utz xkil nk'aj aj Israel che jala xu'ono, soq xutaq uchapik u Lu'. Echi' x'antaj wari', jare chi' xuriq nim'ij rech b'noj kaxlenwa che ot ch'am kjom ruk'. 4Echi' xchaptaj loq u Lu', u Herodes xukoj pkarsa. Xujach kan pik'ab' kjeb' (4) grupo soldado rech kkichjij. Nk'aj soldado xikjach kwuch kib', kajkaj (4) xik'ano xkuk'aj kib' rech kikk'ak'lej u Lu'. U Herodes kitjinik kuchomaj kuresaj loq u Lu' rech kuya chikuch mnaq echi' axnaq chik nim'ij Pascua; jare kraj re wet kik'an atb'altzij pujlom. 5Xa jala' xkichjij u Lu' nk'aj soldado pkarsa rech kanmaj tu b'ik. Per ni nk'aj ajkojnel, xa xikkoj kchu'ab' che u'anik kch'ab'al ruk' Dios pujlom u Lu'.
Ri Qajaw Dios xutaq resxik u Lu' pkarsa
6Echi' xa chkab' ij kuriq ij che uchomam u Herodes kuresaj loq u Lu' chikuch mnaq, mismo cha'ab' warnaq u Lu' chikxo'l keb' soldado. Xmil u Lu' ruk' keb' ktena che soq yqul chke keb' soldado. Iy'o nk'aj chik soldado itk'al chuchi' uchija rech kk'ak'lem u Lu' rech kanmaj tu b'ik. 7Tik'ri xaq t'et o jun ángel tqom loq rmal Qajaw Dios xitk'e' putlok' u Lu', ena xu'on saq upam runjel un karsa. Un ángel xuchap koq u Lu' puk'elk'a'x, xuk'suj, y xub'ij che: «¡Katwa'laj chanim!» xche che. Ena mismo chanim, xk'oqtaj nk'aj ktena che u'ab' u Lu'. 8Tik'ri xub'ij chik un ángel che: «Chixma apam ruk' aximb'al y chikjo axjab'», xche che. Ena xu'on u Lu' su xub'ij un ángel che. Tik'ri xub'ij chik un ángel che: «Chikjo nawitz'yaq che nim rqan y katitrij chwij», xche che.
9Ena xel b'i u Lu' pkarsa, xitrij b'i chrij un ángel, jnam xib'ek. Per nu Lu' rit'am taj we qtzij che jala k'an che rmal un ángel; kuchomaj re che peche mow xa kitjinik kurichk'aj. 10Per kimjom kb'e ib'enaq, xik'axij kan jun nab'e ajchijnel, tik'ri xik'axij chkan jun ukab' ajchijnel, ast retal xiyo'pan chuchi' nuchija ch'ich' che o chuchi' b'e. Echi' k'ut xiyo'pan chla', xaq ub'ik xtortaj nuchija utkel chikuch. Ena xiyel b'i xo'l b'e rech tinmit. Echi' xik'axij kan jun uxo'l b'e, xaq ub'ik x'e un ángel, xuya kan u Lu' utkel. 11Tik'ri k'ut qatz xk'un saq che u Lu' ena xub'ij puk'u'x: «Le' xinwit'amaj che ri Qajaw Dios puro qtzij utqom loq u'ángel rech knuto' pu'ab' u Herodes, y soq rech knuto' pik'ab' nk'aj aj Israel che kchomam kik'an k'ax chwe», xcha'.
12Jala kitjin u Lu' che uchomxik ti x'e chirchoch i Mri'y uchuch u Wan che soq kb'ix Marcos che. Ik'i qachlal ajkojnel kirqom kib' chla', kiyitjinik kik'an kch'ab'al ruk' Dios. 13Echi' xo'pan u Lu' chla', xuk'osk'a koq nuchija che o chuchi' b'e. O jun ali ajik'il, Rode ub'i', xel loq rech kurla' chinoq o chuchi' uchija. 14Per echi' xuta' che jare uch'ab'al u Lu' xch'awik, xsach un'oj rmal uki'ktem. Xutor taj nuchija chjuch, xa anim x'e che ub'ixik chke jumpa iy'o pja, che o u Lu' chuchi' uchija.
15Ena xikb'ij nk'aj rich'il che:
—Xa xatujal mox, —xiche che.
Per ni re, su saqlaj tzij olik che puro qtzij jare u Lu'. Ni ke xikb'ij chik che:
—Jare taj, xa jarela usantil, —xiche che.
16Nu Lu' kitjin na kuk'osk'a nuchija. Echi' k'ut xiktor nuchija, xkilo che jare re, ena jwert poqlaj xkilo, xiyok il che. 17Per ni re, xa xuk'ut u'ab' chikuch rech k'utb'alre chke che xa mich'aw chik. Tik'ri k'ut xumaj ub'ixik chke su mow xu'on Dios che, ti xuresaj loq pkarsa. Soq xub'ij chke:
—Chiy'a un rsoni' che u Santiago soq chke jumpa nk'aj chik qachlal, —xche chke.
Tik'ri k'ut qatz xel b'ik, x'e chpam jun chik tinmit.
18Echi' xisqarik, kunjel nk'aj soldado xiyimxorik; jwert xsach kin'oj, mal kit'am taj su xuriq u Lu' che ot chik kuk'. 19U Herodes xutaq utzukxik u Lu', per xikriq taj. Ena jare xuresaj riwal chkij nk'aj soldado. Xuk'ot kchi', tik'ri xutaq kkamsxik.
U Herodes xkamik
Tik'ri xel b'i u Herodes pukwent Judea, xqaj b'i chpam un tinmit Cesarea, chla' xkanaj kan wi. 20Uykom loq riwal u Herodes chkij mnaq che iy'o chpam tinmit Tiro rich'il tinmit Sidón. Ena, xa rmal che nk'aj mnaq chpam keb' tinmite', jnam xikchomaj chikuch che utz we kib'e ruk' u Herodes, rech kich'aw ruk'. O jun chik achi, Blasto ub'i', nim reqle'n chqul u Herodes. Jare re xikb'och'ij mnaq rech ku'axij ktzij chjuch un rey Herodes. Xa jala', xiyikunik xich'aw ruk' u Herodes, rech kikya kib' chpam jun utzil; kkaj taj kik'an ch'oj, mal kit'am che chpam rlew u Herodes kpi wi runjel jumpa kiktijo.
21U Herodes xutzkuj jun ij che xyusk'ij ruk' kunjel jumpa mnaqi', rech kik'an kchomnik chikuch. Echi' xuriq ij che kik'an kchomnik, u Herodes xukoj nk'aj utzlaj taq atz'yaq, k'utb'alre che nim reqle'n. Tik'ri xikb'e' chpam nutem jachi kikb'e' wi echi' ku'on atb'altzij, y xuya ub'ixik jun utzij chke mnaq. 22Echi' xikta mnaq sutaq xub'ij, ena xiksik'b'aj kib', xikb'ij: «¡Jun che kitjinik kch'awik, mnaq taj, xa jare jun dyosil che nim u'ij!» xicha'. 23Ena mismo chanim, o jun ángel rech Qajaw Dios xpi ruk' u Herodes y xukoj jun nimlaj yab'il che, mal xa xuya t u'ij Qajaw Dios. Xa rmal, xu'on che che xitjiw kmal amlo, y xkam rmal.
24Per ni lo'laj utzij Dios xa mas xutix rib' rson, xa jala' xb'ix utzij Dios chpam runjel jumpa tinmit.
25Echi' xk'is kchak u Bernabé rich'il u Saulo chla' Jerusalén, xiyitzlij chpam tinmit Antioquía, xikk'am b'i u Wan kuk' che soq kb'ix Marcos che.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global