Ruka 7
7
Yesu waramya mukori wa mukwakare w'ebasura
(Mat 8.5-13)
1Yesu wakianga wameba ebinwa biti mbyo kuri ebea mbi babesenga bamurukirange, wenda murubungu rwa ku Kaperenaumu. 2Nanko kwabesenga mukwakare uma wa basura wa Baroma. Emukwakare ngo wabesenga na mukori wae uma washima we nguru. Emukori ngo wabesenga usambange nti uri mu nsanga nareke. 3Entambi yakianga emukwakare o warukira emwasi wa Yesu, watuma kuri we bakungu bima ba Bayuta imuhema weye karamya emukori wae. 4Ebakungu mbo barekia basaa hari Yesu, bamuhema nguru mbu: «Emwea uno wakomenwa umukori ebikuhemange we, 5bushwa mbu iwe utushimanga bate eBayuta, nae ngwakutwimbenga n'esinangoki yitu.»
6Naha Yesu wenda hima nabo. Warekia weya kwihi n'enumba y'emukwakare ngo, watuma bira bae bamweberi kuri Yesu mbu: «eNyere Kuritu, kiro winubya, bushwa mbu ani ntínakomenwa ikukoke mu mwani. 7Ngyasingwa nasunga nti tínakomenwa ieya harikire ǒngo. Ina, ǒngo eba kinwa kima ho, n'emukori wani waserama. 8Niri n'ebanisimanirenga mu murimo witu, ina nani niri nambi basimanirenga ani. Namere uma mbu: ‹Enda!› Nae ntwenda na! Namere umpe mbu: ‹Iya!› Naha nti weya! Namere ntumwa yani mbu: ‹Kora buno!› Nae nti wakora na bumbo!»
9Yesu warekia warukira ebinwa mbyo, washishara bushwa n'emukwakare ngo. Wakae kuri ekikembe ch'ebamumisange, n'ieba mbu: «Nibwirengi, ntangasunganga mu chuo kiti cha ku Isiraeri mwea uri n'isimira nguru buri uno!»
10Ebea mbi batumwanga barekia bakuruka ekunumba, bakumana emukori ngo ntwamarama.
Yesu wafura musike w'emushumbakari
11Kuruma n'ebinwa mbyo, Yesu wenda tu murubungu ruma nge Naina. Ebanafunsi bae hima na kikembe kikiri cha bea bamumisa. 12Wakianga wasond'ieya mu rubi rw'erukito rw'erubungu ndo, kwasaa bea baria kinda cha ngomo ya musike. Na nina w'emusike ngo nti mushumbakari. Bea bingi b'erubungu ndo babesenga nti batindikiange nyamukwirirwa. 13Nyere Kuritu warekia wasunga nyamukwirirwa, wamukwire bonso n'imwire mbu: «Ang'ire.» 14Yesu washere kwihi n'itinge mu sanduku, n'ebea mbi babesenga baria esanduku basimana. Weba mbu: «Nikwirengi ǒngo musike, sumuka!» 15Himpo, wasumuka, warika n'ibucha ieba. Yesu wámukurucha kuri nina. 16Ebea bati batingirwa na boba, batata Ongo nti bebange mbu: «Emutahwa mukiri wasaire tu ku kwitu! Ongo wameya kashukaya ebea bae.» 17Emwasi ngo wansansabana ku Yundea ekuti na mu byuo biti bya mwendende.
Yohana watuma banafunsi bae babi kuri Yesu
(Mat 11.2-19)
18 Ebanafunsi ba Yohana bamuture emwasi w'ebiti mbi byetayo. Nampo Yohana wabikira babi mu bo. 19Watuma bo kwa Nyere Kuritu kamushisha mbu: «Mbeni ǒngo nge Masia ingu wakomenwanga ieya, abe turindire umpe?» 20Ebanafunsi mbo barekia beya kuri Yesu, bamwire mbu: «Yohana Murubiki wamatutuma kuri ǒngo tukushishe kuba ǒngo nge Masia ingu weyange, abe turindire umpe.» 21Mu ntambi iya-iya, Yesu waramya bea bingi imbi babesenga banubange na makoni mingi, n'eburema hima nambi batigirwa n'ebifwasi. Waninka hotu bihumi-humi bingi enchumo y'erikae. 22Nampo, Yesu wasako ebanafunsi ba Yohana mbu: «Mwendi kature Yohana ebiti mbi byamasunga banu n'irukira banu: ebihumihumi ngie bikaengi, n'ebirema ngie byendange, n'ebabembi ngie baramange,#7.22 Hano, erirama r'emubembi nge rishukara. n'ebatwitwi ngie barukirange, n'ebakwire ngie bafukange, n'eMwasi Wakonda ngie uturwange kuri ebasene. 23Wamakasanirwa kinsi mwea ngu watariminyiyo erisimira rae kuri ani.»
24Ebanafunsi ba Yohana barekia bamakuruka kuri we, Yesu wabucha iture ebikembe by'ebea emyasi yeba kuri Yohana mbu: «Mbeni mwendanga mu bweru kasunga ko nki? Mbeni eriseke indi rabesenga rirubyiwange n'eriuhu? Anga! 25Mwendanga kasunga ko inki ke? Mbeni mwea ingu wambara nchangi yahunda? Anga! Ebambarangǎ nchangi sa busi bwasuma na bari mu muanoano, barikanga mu manumba ebwami. 26Mbeni mwendanga kasunga nki ke? Mutahwa? Ae, nibwirengi banu mbu iwe wabesenga nti mukwakare irenga emutahwa. 27Yohana ngo nge washembwa mu Mitiro Yashurukara mbu:
‹Rukira! Natuma entumwa yani ikusondori,
kongo yatunganya ense yasetere mo ǒngo!›»#7.27 Soma Mara 3.1.
28Nibwirengi mbu: «Mu bea mbi barikire mu chuo, kusira mukwakare warenga Yohana. Ina kinsi ingu mwanunke mu Bwami bwa Ongo, iwe nge mukwakare imurenga.» 29Ebea bati mbi barukiranga Yohana, n'ebakongori b'ehoro hotu basimira mbu Ongo nge waombokara, na Yohana warubika bo. 30Ina eBafarisayo n'ebahani b'eMyomba ibo bitinire ebisondange Ongo kuri bo. Bushwa nancho, batina mbu batarubikwi na Yohana. 31Yesu weba tu mbu: «Nisusanye ebea ba runotu na banye? Ibo bea bari buni? 32Barengekane na bana mbi barika kwansi mu butara nti babikirange babine mbu:
‹Twakubwombere ngoma ina ntímukumina!
Twakubusimbenga rumbo rwa kiro ina ntímukure!›
33«Ngebuno hotu bweyanga Yohana Murubiki, iwe nti witinishanga irisa bio n'iomo ndifai. Banu nti mwebanga mbu uri na bifwasi. 34Ani Mwana w'eMwea nameya nirisange n'iomo, banu mwebange tu mbu: ‹Mukai! Uno murohoroho tuna mutamiri, mwira w'ebakongori b'ehoro na bisa esansambi.› 35Ina ebati mbi basimira Ongo, basibirira mbu ebutesa bwae bwaombokara.»
Yesu mu numba ya Simoni Mufarisayo
36 Mufarisayo uma wabikira Yesu mbu weye karisa bio mu mwae. Yesu wenda mu numba y'eMufarisayo ngo, warika n'irisa bio. 37Na murubungu ndo mwarikanga mumina uma nti uri na nkuru yema. Emumina ngo warekia warukira emwasi mbu Yesu urisange bio mw'eMufarisayo, weya mo na nti wahata murangi uma urisere marashi a busi bwasuma. 38Weya n'isimana kuruma na Yesu, kwihi n'ebisando byae n'urengi. Ebiririo byae byabucha irare mu bisando bya Yesu, wakono byo n'ebuteo bwae. Warimba ebisando#7.38 EkuBayuta, kuba emwea uhunange ishea umpe eshima mu rimukoke, wabesenga urimbanga ebisando byae. bya Yesu n'isingo byo marashi. 39eMufarisayo ngu wabikiranga Yesu mu mwae warekia wasunga bumbo, w'iebesha mu mutima mbu: «Emwea uno wamubesengi mutahwa, wamusibange mbu emumina uno umutigengi mo wasusa buni. Wamuteererange rero mbu iwe uri na nkuru yema.»
40Yesu were eMufarisayo ngo mbu: «Simoni, niri na chikushisha.» Simoni wasako mbu: «eMuhani, eba.» 41Yesu weba mbu: «Kwabesenga bea babi bisombya behe kwa mwea uma. Uma wabesenga na mwinda wa tinari#7.41 Tinari yabesenga behe. N'etinari nima nge yabesenga ikorerwanga mu mubisi w'otu ruma. mia isanu, n'eumpe makumi asanu. 42Shemine ebehe mu risunga mbu barukwa maa erikurucha ebehe byae, wasasira bo. Niri ke, mu bano babi, inye ngwaseshima emwea o nguru?» 43Simoni wasako mbu: «Nasunga nti ungu wasasirwanga emwinda mukiri.» Yesu wamwire mbu: «Umasako shu.»
44Nampo, Yesu wakae kuri emumina ngo n'iere Simoni mbu: «Usunga emumina uno? Nakukime muno mu mwabe nt'ukumbese mecha ishua ebisando, ina emumina uno, iwe wamashuwa ebisando byani n'ebiririo byae n'ikono byo n'ebuteo bwae. 45Ǒngo umanikoke na nt'ukunirimba ebisando, ina emumina uno ntíwakureke irimba ebisando byani itukire nakime muno. 46Ǒngo nt'ukusingo mafuta mu muntwe wani, ina iwe wamasingo ebisando byani marashi. 47Bushwa nancho, nikwirengi mbu nakiro esansambi s'emumina uno singi nguru, ina esiti samasasirwa. Kino nge chashea mbu emumina uno washima nguru. Ina ngu wasasirwa mu bikeke watakoche ishea nchime ningi.»
48Nampo ke, Yesu were emumina ngo mbu: «Esansambi sabe samasasirwa.»
49Imbi babesenga barisange hima na Yesu, babucha kwiebesha mbu: «Uno nae inye usasirange esansambi?» 50Ina Yesu were tu emumina ngo mbu: «Enda rabe na buhoro, erisimira rabe ramakushukaya.»
လက္ရွိေရြးခ်ယ္ထားမွု
Ruka 7: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 7
7
Yesu waramya mukori wa mukwakare w'ebasura
(Mat 8.5-13)
1Yesu wakianga wameba ebinwa biti mbyo kuri ebea mbi babesenga bamurukirange, wenda murubungu rwa ku Kaperenaumu. 2Nanko kwabesenga mukwakare uma wa basura wa Baroma. Emukwakare ngo wabesenga na mukori wae uma washima we nguru. Emukori ngo wabesenga usambange nti uri mu nsanga nareke. 3Entambi yakianga emukwakare o warukira emwasi wa Yesu, watuma kuri we bakungu bima ba Bayuta imuhema weye karamya emukori wae. 4Ebakungu mbo barekia basaa hari Yesu, bamuhema nguru mbu: «Emwea uno wakomenwa umukori ebikuhemange we, 5bushwa mbu iwe utushimanga bate eBayuta, nae ngwakutwimbenga n'esinangoki yitu.»
6Naha Yesu wenda hima nabo. Warekia weya kwihi n'enumba y'emukwakare ngo, watuma bira bae bamweberi kuri Yesu mbu: «eNyere Kuritu, kiro winubya, bushwa mbu ani ntínakomenwa ikukoke mu mwani. 7Ngyasingwa nasunga nti tínakomenwa ieya harikire ǒngo. Ina, ǒngo eba kinwa kima ho, n'emukori wani waserama. 8Niri n'ebanisimanirenga mu murimo witu, ina nani niri nambi basimanirenga ani. Namere uma mbu: ‹Enda!› Nae ntwenda na! Namere umpe mbu: ‹Iya!› Naha nti weya! Namere ntumwa yani mbu: ‹Kora buno!› Nae nti wakora na bumbo!»
9Yesu warekia warukira ebinwa mbyo, washishara bushwa n'emukwakare ngo. Wakae kuri ekikembe ch'ebamumisange, n'ieba mbu: «Nibwirengi, ntangasunganga mu chuo kiti cha ku Isiraeri mwea uri n'isimira nguru buri uno!»
10Ebea mbi batumwanga barekia bakuruka ekunumba, bakumana emukori ngo ntwamarama.
Yesu wafura musike w'emushumbakari
11Kuruma n'ebinwa mbyo, Yesu wenda tu murubungu ruma nge Naina. Ebanafunsi bae hima na kikembe kikiri cha bea bamumisa. 12Wakianga wasond'ieya mu rubi rw'erukito rw'erubungu ndo, kwasaa bea baria kinda cha ngomo ya musike. Na nina w'emusike ngo nti mushumbakari. Bea bingi b'erubungu ndo babesenga nti batindikiange nyamukwirirwa. 13Nyere Kuritu warekia wasunga nyamukwirirwa, wamukwire bonso n'imwire mbu: «Ang'ire.» 14Yesu washere kwihi n'itinge mu sanduku, n'ebea mbi babesenga baria esanduku basimana. Weba mbu: «Nikwirengi ǒngo musike, sumuka!» 15Himpo, wasumuka, warika n'ibucha ieba. Yesu wámukurucha kuri nina. 16Ebea bati batingirwa na boba, batata Ongo nti bebange mbu: «Emutahwa mukiri wasaire tu ku kwitu! Ongo wameya kashukaya ebea bae.» 17Emwasi ngo wansansabana ku Yundea ekuti na mu byuo biti bya mwendende.
Yohana watuma banafunsi bae babi kuri Yesu
(Mat 11.2-19)
18 Ebanafunsi ba Yohana bamuture emwasi w'ebiti mbi byetayo. Nampo Yohana wabikira babi mu bo. 19Watuma bo kwa Nyere Kuritu kamushisha mbu: «Mbeni ǒngo nge Masia ingu wakomenwanga ieya, abe turindire umpe?» 20Ebanafunsi mbo barekia beya kuri Yesu, bamwire mbu: «Yohana Murubiki wamatutuma kuri ǒngo tukushishe kuba ǒngo nge Masia ingu weyange, abe turindire umpe.» 21Mu ntambi iya-iya, Yesu waramya bea bingi imbi babesenga banubange na makoni mingi, n'eburema hima nambi batigirwa n'ebifwasi. Waninka hotu bihumi-humi bingi enchumo y'erikae. 22Nampo, Yesu wasako ebanafunsi ba Yohana mbu: «Mwendi kature Yohana ebiti mbi byamasunga banu n'irukira banu: ebihumihumi ngie bikaengi, n'ebirema ngie byendange, n'ebabembi ngie baramange,#7.22 Hano, erirama r'emubembi nge rishukara. n'ebatwitwi ngie barukirange, n'ebakwire ngie bafukange, n'eMwasi Wakonda ngie uturwange kuri ebasene. 23Wamakasanirwa kinsi mwea ngu watariminyiyo erisimira rae kuri ani.»
24Ebanafunsi ba Yohana barekia bamakuruka kuri we, Yesu wabucha iture ebikembe by'ebea emyasi yeba kuri Yohana mbu: «Mbeni mwendanga mu bweru kasunga ko nki? Mbeni eriseke indi rabesenga rirubyiwange n'eriuhu? Anga! 25Mwendanga kasunga ko inki ke? Mbeni mwea ingu wambara nchangi yahunda? Anga! Ebambarangǎ nchangi sa busi bwasuma na bari mu muanoano, barikanga mu manumba ebwami. 26Mbeni mwendanga kasunga nki ke? Mutahwa? Ae, nibwirengi banu mbu iwe wabesenga nti mukwakare irenga emutahwa. 27Yohana ngo nge washembwa mu Mitiro Yashurukara mbu:
‹Rukira! Natuma entumwa yani ikusondori,
kongo yatunganya ense yasetere mo ǒngo!›»#7.27 Soma Mara 3.1.
28Nibwirengi mbu: «Mu bea mbi barikire mu chuo, kusira mukwakare warenga Yohana. Ina kinsi ingu mwanunke mu Bwami bwa Ongo, iwe nge mukwakare imurenga.» 29Ebea bati mbi barukiranga Yohana, n'ebakongori b'ehoro hotu basimira mbu Ongo nge waombokara, na Yohana warubika bo. 30Ina eBafarisayo n'ebahani b'eMyomba ibo bitinire ebisondange Ongo kuri bo. Bushwa nancho, batina mbu batarubikwi na Yohana. 31Yesu weba tu mbu: «Nisusanye ebea ba runotu na banye? Ibo bea bari buni? 32Barengekane na bana mbi barika kwansi mu butara nti babikirange babine mbu:
‹Twakubwombere ngoma ina ntímukumina!
Twakubusimbenga rumbo rwa kiro ina ntímukure!›
33«Ngebuno hotu bweyanga Yohana Murubiki, iwe nti witinishanga irisa bio n'iomo ndifai. Banu nti mwebanga mbu uri na bifwasi. 34Ani Mwana w'eMwea nameya nirisange n'iomo, banu mwebange tu mbu: ‹Mukai! Uno murohoroho tuna mutamiri, mwira w'ebakongori b'ehoro na bisa esansambi.› 35Ina ebati mbi basimira Ongo, basibirira mbu ebutesa bwae bwaombokara.»
Yesu mu numba ya Simoni Mufarisayo
36 Mufarisayo uma wabikira Yesu mbu weye karisa bio mu mwae. Yesu wenda mu numba y'eMufarisayo ngo, warika n'irisa bio. 37Na murubungu ndo mwarikanga mumina uma nti uri na nkuru yema. Emumina ngo warekia warukira emwasi mbu Yesu urisange bio mw'eMufarisayo, weya mo na nti wahata murangi uma urisere marashi a busi bwasuma. 38Weya n'isimana kuruma na Yesu, kwihi n'ebisando byae n'urengi. Ebiririo byae byabucha irare mu bisando bya Yesu, wakono byo n'ebuteo bwae. Warimba ebisando#7.38 EkuBayuta, kuba emwea uhunange ishea umpe eshima mu rimukoke, wabesenga urimbanga ebisando byae. bya Yesu n'isingo byo marashi. 39eMufarisayo ngu wabikiranga Yesu mu mwae warekia wasunga bumbo, w'iebesha mu mutima mbu: «Emwea uno wamubesengi mutahwa, wamusibange mbu emumina uno umutigengi mo wasusa buni. Wamuteererange rero mbu iwe uri na nkuru yema.»
40Yesu were eMufarisayo ngo mbu: «Simoni, niri na chikushisha.» Simoni wasako mbu: «eMuhani, eba.» 41Yesu weba mbu: «Kwabesenga bea babi bisombya behe kwa mwea uma. Uma wabesenga na mwinda wa tinari#7.41 Tinari yabesenga behe. N'etinari nima nge yabesenga ikorerwanga mu mubisi w'otu ruma. mia isanu, n'eumpe makumi asanu. 42Shemine ebehe mu risunga mbu barukwa maa erikurucha ebehe byae, wasasira bo. Niri ke, mu bano babi, inye ngwaseshima emwea o nguru?» 43Simoni wasako mbu: «Nasunga nti ungu wasasirwanga emwinda mukiri.» Yesu wamwire mbu: «Umasako shu.»
44Nampo, Yesu wakae kuri emumina ngo n'iere Simoni mbu: «Usunga emumina uno? Nakukime muno mu mwabe nt'ukumbese mecha ishua ebisando, ina emumina uno, iwe wamashuwa ebisando byani n'ebiririo byae n'ikono byo n'ebuteo bwae. 45Ǒngo umanikoke na nt'ukunirimba ebisando, ina emumina uno ntíwakureke irimba ebisando byani itukire nakime muno. 46Ǒngo nt'ukusingo mafuta mu muntwe wani, ina iwe wamasingo ebisando byani marashi. 47Bushwa nancho, nikwirengi mbu nakiro esansambi s'emumina uno singi nguru, ina esiti samasasirwa. Kino nge chashea mbu emumina uno washima nguru. Ina ngu wasasirwa mu bikeke watakoche ishea nchime ningi.»
48Nampo ke, Yesu were emumina ngo mbu: «Esansambi sabe samasasirwa.»
49Imbi babesenga barisange hima na Yesu, babucha kwiebesha mbu: «Uno nae inye usasirange esansambi?» 50Ina Yesu were tu emumina ngo mbu: «Enda rabe na buhoro, erisimira rabe ramakushukaya.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development