Ruka 19
19
Yesu wakumanana na Sakayo
1Yesu wakianga wakime murubungu rwa ku Yeriko, weta munkati na ro. 2Kai murubungu ndo nti muri mwea uma mbu nge Sakayo. Sakayo ngo wabesenga kapita k'ebakongori b'ehoro, na nti mutumba. 3Wabesenga uhunange isunga Yesu, ina bushwa mbu wabesenga mwihi, ntíwakochanga imusunga bushwa n'ebwingi bw'ebea. 4Bushwa nancho, watibita tete kubusondori n'ebea n'itaya mu muti kongo wasunga Yesu, bushwa mbu himpo nge hakomenwanga ho ieta Yesu. 5Yesu wakianga weya mpo, wararame ekwio n'iire Sakayo mbu: «Sakayo, hita tete, bushwa mbu runotu nakomenwa isame mu mwabe.» 6Sakayo wahita tete n'ienda kakoke Yesu mu mwae na ngoa.
7Ebea bati bakianga basunga mbo, babucha imutera mbu: «Rero-rero, Yesu wenda kasame mu numba ya mwea wa nsambi!» 8Ina Sakayo wasimana, were Yesu mbu: «eNyere Kuritu, nasebanyie ebasene muhango w'ebehe byani, na kuba nashumanga kikai cha mwea mwimuhusa, nasemukuruchie cho meta anye.» 9Yesu weba mbu: «Runotu, Ongo wamashukaya enumba ino bushwa mbu emwea uno hotu mwana wa mu ruanda rwa Iburahimu, 10bushwa mbu ani eMwana w'eMwea nareya kasonda ebariminanga n'ishukaya bo.»
Mushinga w'ebakori bashatu
(Mat 25.14-30)
11Yesu wakera tu emushinga uno kuri mbi babesenga bamurukirengi. Nambu ebwakianga ngie ubungurengi ku Yerusaremu, ebea baanikira mbu eBwami bwa Ongo ngie burikeya hiha-hiha. 12Nampo ke Yesu wakere tu bo umpe mushinga mbu: «Kwarikanga wabume uma nti murusi. Emurusi ngo wenda mu chuo cha kore kongo bamusimika ko buri mwami. Kuruma n'erisimikwa, wakuruke tu kasimanire echuo chae. 13Wakianga wasonda ienda, wabikira bea ikumi mu bakori bae. Wabanyie bo kira mwea kichere kima cha noro,#19.13 Kikoroto kima chabesenga kikorerwanga mibisi iyana. n'iere bo mbu: ‹Mwendi kanonka n'ebehe mbyo ieya nambu busekurukayo ani.›
14«Ina ebea b'echuo chae babesenga bamuyongwa. Bushwa nancho, batuma bea kuruma nae kongo bamwire mbu ntíbashima mbu wabesi mwami wabo. 15Ina emwea ngo wasimikwa ho buri mwami, n'ikuruka tu ku kwabo. Warekia wamakuruka, weba mbu bamubikiri ebea ikumi mbi ebabanyienga we ebehe mwisiba kuba kira mwea wakukimisha singa. 16Emukori waroso weya, weba mbu: ‹Enyere kuritu, ekichere chambesenga ǒngo chamabuta bimpe ikumi.› 17Emwami wamusako mbu: ‹Ushamucha, ǒngo mukori wakonda. Imbu bwamabesa ǒngo mwea w'inyihirwa mu bikai bikeke, nasekuninka isimanire mbungu ikumi.› 18Emukori w'emeta abi nae weya, weba mbu: ‹Enyere kuritu, ekichere kima chambesenga ǒngo chamabuta bimpe bisanu.› 19Emwami nae wamwire mbu: ‹Na ǒngo hotu, ukusimanire mbungu isanu.› 20Kuruma nampo, umpe mukori nae weya n'ieba mbu: ‹Enyere kuritu, ekichere chambesenga ǒngo nge kino. Naranganga cho mu muri w'eribike mo behe. 21Nakukusubahanga bushwa mbu ǒngo mwea wasuma. Ǒngo ukutonga entibyakubikanga ǒngo n'ikao entibyakuhinganga ǒngo.›
22«Emwami wamusako mbu: ‹Ǒngo mukori wema! Nasekukere erubansa itukana n'ebwameba ǒngo. Usibanga mbu ani nirikanga mwea wasuma, na nibakanga entibyakubikanga ani, na nikaonga entibyakuhinganga ani, 23mbeni ke bushwa nki ufundwanga iria ebehe byani ekubanki? Mu rikuruka rani, namakumanange ebehe byani nti byamabuta!› 24Ngerikia were ebea babesenga mpo mbu: ‹Emukori ngu, mumunyake ekichere kima ch'enoro ncho tete, na muninke cho ingu uri n'ebichere ikumi.› 25Nabo bamwire mbu: ‹Enyere kuritu, ingu ngie uri na bichere ikumi!› 26Wasako bo mbu: ‹Nibwirengi mbu kinsi mwea ngu uri na kikai ng'waseninkwayo kimpe, ina eusira kikai wasenyakwa tu n'ekakeke kari rero nae. 27Weba tu mbu: ebarenda bani mbi ebatinanga mbu ntabesi mwami wabo, murishe bo hano na mushure bo mu meso ani.›»
Yesu wakime ku Yerusaremu
(Mat 21.1-11; Mar 11.1-11; Yoh 12.12-19)
28Yesu wakianga wameba ebinwa mbyo, wasondore ekikembe ch'ebea mu rienda ku Yerusaremu. 29Wakianga wasonda ieya kwihi n'erubungu rwa ku Betefake na ku Betania kumushi n'erou rw'eMiseituni, watuma banafunsi bae babi, were bo mbu: 30«Mwendi murubungu eruri kubusondori ninu. Mukia mumeya kuro, mukusunga chana cha mbunda chaminwa kitangaria nensi umpe mwea, muboronga cho na murishe cho hano. 31Kuba mwea wabushisha mbu bushwa nki mwobora cho, mumusakonga mbu: ‹Nyere Kuritu warae mu cho.›»
32Ebanafunsi mbo benda. Bakumana ebikai biti imbu bwakukianga Yesu were bo. 33Barekia boborange echana ch'embunda cha, bisa cho bashisha bo mbu: «Mbeni banu mwoborange echana ch'embunda bushwa nki?» 34Basako bo mbu: «Nyere Kuritu warae mu cho.»
35Ebanafunsi barishie Yesu echana ch'embunda cha. Batereka enchangi sabo hiyo n'emongo w'embunda, ituka mpo batarisha Yesu hiyo nayo. 36Yesu wakianga ukiri muruendo, ebea nabo nti bansansange esanchangi sabo mu munse.#19.36 eBayuta bakianga bakokengi emukwakare, bansansangǎ esanchangi sabo mu munse mwimunika itunda. 37Wakianga ubungurengi murubungu rwa ku Yerusaremu, ihita n'erou rw'eMiseituni, ebanafunsi babesenga bamoa nguru na nti batatange Ongo mu murenge mukiri bushwa n'ebishisharo biti byasunganga bo. 38Babesenga bebange mbu:
«Wákasanirwe eMwami ngu weyange mu rina ra Nyere Kuritu!
Mu mbingu kubesi buhoro,
Na Ongo watatwe!»#19.38 Soma Sab 118.26.
39Bushwa nambo, Bafarisayo bima munkati n'ekikembe ch'ebea, bere Yesu mbu: «eMuhani, fine ebanafunsi babe mbu bakobe!» 40Yesu wasako bo mbu: «Nibwirengi banu: kuba ebea bano bamubibira, emakoi asekua.»
Yesu warire erubungu rwa ku Yerusaremu
41Yesu wakianga urikasaa ku Yerusaremu, warekia wasunga kuro, wabucha ire. 42Weba mbu: «Kuba na ǒngo umusibange ebyamukurishiengi ebuhoro runotu! Ina ubiswa bo, utukoche isunga bo enompena! 43Kuseyayo matu ngi asekiayo ebarenda babe basekutimbayo kongo bakukwanisha. N'entambi basekia bamumba erukito rw'erikwiranga kwihi ninu, nampo ke basekuekenyayo mu sankaro siti. 44Basekushiriayo shu-shu, ǒngo n'ebana binu. Batakusieriyo kiro n'ikoi hambasiro na rimpe, bushwa mbu Ongo wameya kakushukaya, ina nt'ukumuteerera!»
Yesu wahensa ebachurusi mu Numba ya Ongo
(Mat 21.12-17; Mar 11.15-19; Yoh 2.13-22)
45Yesu wakianga wamakime habutara bw'eNumba ya Ongo, wabucha ihensa ebachurusi mpo, 46were bo mbu: «Mu Mitiro Yashurukara, Ongo weba mbu: ‹Enumba yani isebeseyo numba ya mahemo.› Ina mumabundura yo ibese numba inji ibisamengi mo ebǐbi!»#19.46 Yesu washemba ebachurusi mbu ibo bǐbi bushwa mbu babesenga bahunanga mbu ebea bachure ebikai byabo kongo basibura byo kuri Ongo mu Numba ya Ongo. Babesenga bachuyanga ebikai mbyo busi bwasuma nguru kuri ebea. Soma Isa 56.7
47Kirotu, Yesu wabesenga uhananga ebea kumunda n'eNumba ya Ongo. Ebakwakare b'ebakuhani, ebahani b'eMyomba hima n'ebampe bakwakare babesenga basondanga buni bwamumuya bo. 48Ina batashei mbu bwamuronjǎ bo, bushwa mbu ebea bati babesenga bamurukirirenga nguru.
လက္ရွိေရြးခ်ယ္ထားမွု
Ruka 19: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 19
19
Yesu wakumanana na Sakayo
1Yesu wakianga wakime murubungu rwa ku Yeriko, weta munkati na ro. 2Kai murubungu ndo nti muri mwea uma mbu nge Sakayo. Sakayo ngo wabesenga kapita k'ebakongori b'ehoro, na nti mutumba. 3Wabesenga uhunange isunga Yesu, ina bushwa mbu wabesenga mwihi, ntíwakochanga imusunga bushwa n'ebwingi bw'ebea. 4Bushwa nancho, watibita tete kubusondori n'ebea n'itaya mu muti kongo wasunga Yesu, bushwa mbu himpo nge hakomenwanga ho ieta Yesu. 5Yesu wakianga weya mpo, wararame ekwio n'iire Sakayo mbu: «Sakayo, hita tete, bushwa mbu runotu nakomenwa isame mu mwabe.» 6Sakayo wahita tete n'ienda kakoke Yesu mu mwae na ngoa.
7Ebea bati bakianga basunga mbo, babucha imutera mbu: «Rero-rero, Yesu wenda kasame mu numba ya mwea wa nsambi!» 8Ina Sakayo wasimana, were Yesu mbu: «eNyere Kuritu, nasebanyie ebasene muhango w'ebehe byani, na kuba nashumanga kikai cha mwea mwimuhusa, nasemukuruchie cho meta anye.» 9Yesu weba mbu: «Runotu, Ongo wamashukaya enumba ino bushwa mbu emwea uno hotu mwana wa mu ruanda rwa Iburahimu, 10bushwa mbu ani eMwana w'eMwea nareya kasonda ebariminanga n'ishukaya bo.»
Mushinga w'ebakori bashatu
(Mat 25.14-30)
11Yesu wakera tu emushinga uno kuri mbi babesenga bamurukirengi. Nambu ebwakianga ngie ubungurengi ku Yerusaremu, ebea baanikira mbu eBwami bwa Ongo ngie burikeya hiha-hiha. 12Nampo ke Yesu wakere tu bo umpe mushinga mbu: «Kwarikanga wabume uma nti murusi. Emurusi ngo wenda mu chuo cha kore kongo bamusimika ko buri mwami. Kuruma n'erisimikwa, wakuruke tu kasimanire echuo chae. 13Wakianga wasonda ienda, wabikira bea ikumi mu bakori bae. Wabanyie bo kira mwea kichere kima cha noro,#19.13 Kikoroto kima chabesenga kikorerwanga mibisi iyana. n'iere bo mbu: ‹Mwendi kanonka n'ebehe mbyo ieya nambu busekurukayo ani.›
14«Ina ebea b'echuo chae babesenga bamuyongwa. Bushwa nancho, batuma bea kuruma nae kongo bamwire mbu ntíbashima mbu wabesi mwami wabo. 15Ina emwea ngo wasimikwa ho buri mwami, n'ikuruka tu ku kwabo. Warekia wamakuruka, weba mbu bamubikiri ebea ikumi mbi ebabanyienga we ebehe mwisiba kuba kira mwea wakukimisha singa. 16Emukori waroso weya, weba mbu: ‹Enyere kuritu, ekichere chambesenga ǒngo chamabuta bimpe ikumi.› 17Emwami wamusako mbu: ‹Ushamucha, ǒngo mukori wakonda. Imbu bwamabesa ǒngo mwea w'inyihirwa mu bikai bikeke, nasekuninka isimanire mbungu ikumi.› 18Emukori w'emeta abi nae weya, weba mbu: ‹Enyere kuritu, ekichere kima chambesenga ǒngo chamabuta bimpe bisanu.› 19Emwami nae wamwire mbu: ‹Na ǒngo hotu, ukusimanire mbungu isanu.› 20Kuruma nampo, umpe mukori nae weya n'ieba mbu: ‹Enyere kuritu, ekichere chambesenga ǒngo nge kino. Naranganga cho mu muri w'eribike mo behe. 21Nakukusubahanga bushwa mbu ǒngo mwea wasuma. Ǒngo ukutonga entibyakubikanga ǒngo n'ikao entibyakuhinganga ǒngo.›
22«Emwami wamusako mbu: ‹Ǒngo mukori wema! Nasekukere erubansa itukana n'ebwameba ǒngo. Usibanga mbu ani nirikanga mwea wasuma, na nibakanga entibyakubikanga ani, na nikaonga entibyakuhinganga ani, 23mbeni ke bushwa nki ufundwanga iria ebehe byani ekubanki? Mu rikuruka rani, namakumanange ebehe byani nti byamabuta!› 24Ngerikia were ebea babesenga mpo mbu: ‹Emukori ngu, mumunyake ekichere kima ch'enoro ncho tete, na muninke cho ingu uri n'ebichere ikumi.› 25Nabo bamwire mbu: ‹Enyere kuritu, ingu ngie uri na bichere ikumi!› 26Wasako bo mbu: ‹Nibwirengi mbu kinsi mwea ngu uri na kikai ng'waseninkwayo kimpe, ina eusira kikai wasenyakwa tu n'ekakeke kari rero nae. 27Weba tu mbu: ebarenda bani mbi ebatinanga mbu ntabesi mwami wabo, murishe bo hano na mushure bo mu meso ani.›»
Yesu wakime ku Yerusaremu
(Mat 21.1-11; Mar 11.1-11; Yoh 12.12-19)
28Yesu wakianga wameba ebinwa mbyo, wasondore ekikembe ch'ebea mu rienda ku Yerusaremu. 29Wakianga wasonda ieya kwihi n'erubungu rwa ku Betefake na ku Betania kumushi n'erou rw'eMiseituni, watuma banafunsi bae babi, were bo mbu: 30«Mwendi murubungu eruri kubusondori ninu. Mukia mumeya kuro, mukusunga chana cha mbunda chaminwa kitangaria nensi umpe mwea, muboronga cho na murishe cho hano. 31Kuba mwea wabushisha mbu bushwa nki mwobora cho, mumusakonga mbu: ‹Nyere Kuritu warae mu cho.›»
32Ebanafunsi mbo benda. Bakumana ebikai biti imbu bwakukianga Yesu were bo. 33Barekia boborange echana ch'embunda cha, bisa cho bashisha bo mbu: «Mbeni banu mwoborange echana ch'embunda bushwa nki?» 34Basako bo mbu: «Nyere Kuritu warae mu cho.»
35Ebanafunsi barishie Yesu echana ch'embunda cha. Batereka enchangi sabo hiyo n'emongo w'embunda, ituka mpo batarisha Yesu hiyo nayo. 36Yesu wakianga ukiri muruendo, ebea nabo nti bansansange esanchangi sabo mu munse.#19.36 eBayuta bakianga bakokengi emukwakare, bansansangǎ esanchangi sabo mu munse mwimunika itunda. 37Wakianga ubungurengi murubungu rwa ku Yerusaremu, ihita n'erou rw'eMiseituni, ebanafunsi babesenga bamoa nguru na nti batatange Ongo mu murenge mukiri bushwa n'ebishisharo biti byasunganga bo. 38Babesenga bebange mbu:
«Wákasanirwe eMwami ngu weyange mu rina ra Nyere Kuritu!
Mu mbingu kubesi buhoro,
Na Ongo watatwe!»#19.38 Soma Sab 118.26.
39Bushwa nambo, Bafarisayo bima munkati n'ekikembe ch'ebea, bere Yesu mbu: «eMuhani, fine ebanafunsi babe mbu bakobe!» 40Yesu wasako bo mbu: «Nibwirengi banu: kuba ebea bano bamubibira, emakoi asekua.»
Yesu warire erubungu rwa ku Yerusaremu
41Yesu wakianga urikasaa ku Yerusaremu, warekia wasunga kuro, wabucha ire. 42Weba mbu: «Kuba na ǒngo umusibange ebyamukurishiengi ebuhoro runotu! Ina ubiswa bo, utukoche isunga bo enompena! 43Kuseyayo matu ngi asekiayo ebarenda babe basekutimbayo kongo bakukwanisha. N'entambi basekia bamumba erukito rw'erikwiranga kwihi ninu, nampo ke basekuekenyayo mu sankaro siti. 44Basekushiriayo shu-shu, ǒngo n'ebana binu. Batakusieriyo kiro n'ikoi hambasiro na rimpe, bushwa mbu Ongo wameya kakushukaya, ina nt'ukumuteerera!»
Yesu wahensa ebachurusi mu Numba ya Ongo
(Mat 21.12-17; Mar 11.15-19; Yoh 2.13-22)
45Yesu wakianga wamakime habutara bw'eNumba ya Ongo, wabucha ihensa ebachurusi mpo, 46were bo mbu: «Mu Mitiro Yashurukara, Ongo weba mbu: ‹Enumba yani isebeseyo numba ya mahemo.› Ina mumabundura yo ibese numba inji ibisamengi mo ebǐbi!»#19.46 Yesu washemba ebachurusi mbu ibo bǐbi bushwa mbu babesenga bahunanga mbu ebea bachure ebikai byabo kongo basibura byo kuri Ongo mu Numba ya Ongo. Babesenga bachuyanga ebikai mbyo busi bwasuma nguru kuri ebea. Soma Isa 56.7
47Kirotu, Yesu wabesenga uhananga ebea kumunda n'eNumba ya Ongo. Ebakwakare b'ebakuhani, ebahani b'eMyomba hima n'ebampe bakwakare babesenga basondanga buni bwamumuya bo. 48Ina batashei mbu bwamuronjǎ bo, bushwa mbu ebea bati babesenga bamurukirirenga nguru.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development