Ruka 15
15
Emushinga w'emburi nji yariminanga
(Mat 18.12-14)
1Otu ruma, ebakongori b'ehoro na bampe bea ba nsambi batumananga kumushi na Yesu kongo bamwerikire. 2eBafarisayo n'ebahani b'eMyomba barekia basunga mbo, babucha imutera mbu: «Bushwa nki ke emwea uno ukokengi ebea b'ebibi n'irisa hima nabo!» 3Nampo ke Yesu wákere bo emushinga uno mbu: 4«Kuba mwea uma mu banu uri na mburi sae iyana, na nima mu to yamarimina, buni bwamuronja we? Ngebumbo wahwa isia emakumi mwenda n'emwenda mu muchacha n'ienda kasonda eyakurimina mupaka washei yo! 5Wasekia wamashee yo, wasekuruka na ngoa ntwaria yo mu bituri byae! 6Na wasekia wameya mu mwae, wasebikira bira bae n'ebanunsane n'iere bo mbu: ‹Mweye mumoe hima nani, bushwa mbu emburi yani nji yariminanga namashee yo!› 7Nibwirengi mbu, mu mbingu murikanga ngoa ningi kuba mwea uma ho wansambi wamabunduka n'ireke esansambi sae, irenga bea makumi mwenda na mwenda baombokara imbi ntíbarae tu mwireke esansambi sabo.»
Emushinga w'ekichere nchi chariminanga
8Yesu weba tu mbu: «Kuba mumina uma uri na bichere ikumi bya noro, na wamariminya kima mu mwae, ngebumbo wahwa isacha eritara n'ihae enumba mwisondekanya mupaka washei cho! 9Wasekia wamashee cho, wasebikira barakasi bae n'ebanunsane n'iere bo mbu: ‹Mweye tumoe mongo, bushwa mbu ekichere chani nchi chariminanga, namashee cho!› 10Nibwirengi mbu bumbo nge bukianga ebamaraika ba Ongo bamoa entambi mwea uma wa nsambi wamabunduka n'ireke esansambi sae.»
Mushinga w'emwana ngu wariminanga
11Yesu wakere bo umpe mushinga mbu: «Kwarikanga mwea uma nt'uri na basike bae babi. 12Emwansare were ishe mbu: ‹Etita, nikuhemange umbesi emuhango w'emwandu wani mu butumba bwabe.› Nampo ishe wabanyie bo ebutumba bwae.
13«Kuruma na matu makeke, emwansare wachuya emwandu wae na kwiire mu kimpe chuo cha kore. Nanko washata n'ebehe byae mu bikai bya busa-busa. 14Warekia wamakinda ebehe byae biti, mu chuo ncho mwakime rwaka rwasuma, wabucha irukwa na bio byeririsa. 15Nampo, wenda kakore mwea uma w'echuo ncho. Emwea ngo wamutuma mu mashwa ae karanga esampunu#15.15 Mu kutime k'eBayuta, empunu nsirwa bushwa mbu itariwanga n'itatingirwanga mo. Binwa bya nkene n'uneno nguru kuri eMuyuta. sae. 16Wabesenga uhunange mbu wamurisange mu bio ebirisange mo esampunu, ina watashei mwea werimuninka mu byo.
17«Nampo ke, emushukira ngo wabucha kwiebesha mbu: ‹Ebakori ba tita bashatange n'ebio, ina ani nge nikwange n'erwaka kuno! 18Nasesimana n'ienda kuri tita, n'imwire mbu: "Etita, namakora nsambi kuri Ongo na kuri ǒngo hotu. 19Ntínakomenwa tu ibikirwa mbu ani musikyabe, ina unitingenga buri uma mu bakori babe."›
20«Nampo, emushukira wasimana n'ienda kuri ishe. Na warekia ukiri kore n'enumba, ishe wamusunga, wamukwire bonso nguru. Wamukanyahe, wamukoke n'imurimba.
21«Musike we wamwire mbu: ‹Etita, namakora nsambi kuri Ongo na kuri ǒngo hotu. Ntínakomenwa tu ibikirwa mbu ani musikyabe.› 22Ina ishe were ebakori bae mbu: ‹Mwendi tete karisha nchangi yakoma na mumwambiche yo. Mumwambiche n'upete na birato.#15.22 Mu kutime k'eBayuta, ebyakɨa ishe w'emusike wamuninka byashea mbu wamamurisia buri mwana, ina ntí buri kahungu abe mukori. Enchangi njo yabesenga ropo imbarwanga mu otu rukiri, ina ntí ya murimo. Erupete rwashea mbu emusike waninkwa tu murimo w'erisimanire ebikai biti bya mumwabo. N'ebirato byashea mbu iwe ngie uri huru, bushwa mbu etuhungu twabesenga tutambaranga birato. 23Na murishe chana cha nkambu echanone, mubae cho kongo twaronja bio bya kibimbi, 24bushwa mbu musikyani uno wabesenga wamakwa ina wamafuka, wabesenga wamarimina ina wamashekana.› Nampo babucha irisa bio by'ekibimbi.
25«Mu kashangi nko, entangi yae yabesenga iri ekwishwa. Murikuruka rae, warekia uri kwihi n'enumba yabo, warukira engoma n'ebea basimbange n'imina. 26Wabikira uma mu bakori n'imushisha kuba kinki nge chasaa nko. 27Emukori ngo wamusako mbu: ‹Moto wabe ngwamarembera, na iso wamamukere nkambu, bushwa mbu emwana e wameya na nti munkangwe.› 28Mukuwae wasubuka nguru n'itina ikime mu numba. Nampo ishe wasaa n'imuhema mbu wakimi. 29Ina emusike wasako ishe mbu: ‹Namakukore myaka mingi, na nironjanga ebiti byinirenga ǒngo. Ina utunganininkanga n'echana ch'empene mbu nani nirise bio bya kibimbi hima na bira bani. 30Ina musikyabe uno ewakukindanyanga ebehe byabe biti mwisingirana n'ebihanga, entambi yameya we, umamukere nkambu nji yanone!›
31«Ishe wamwire mbu: ‹Emwana'ni, turikanga hima nabe kirotu, n'ebiti mbi birikanga nani byabe. 32Kai rakomenwa irisa bio by'ekibimbi n'imoa, bushwa mbu moto wabe uno wabesenga wamakwa ina wamafuka. Wabesenga wamarimina ina wamashekana.›»
လက္ရွိေရြးခ်ယ္ထားမွု
Ruka 15: nyj
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development
Ruka 15
15
Emushinga w'emburi nji yariminanga
(Mat 18.12-14)
1Otu ruma, ebakongori b'ehoro na bampe bea ba nsambi batumananga kumushi na Yesu kongo bamwerikire. 2eBafarisayo n'ebahani b'eMyomba barekia basunga mbo, babucha imutera mbu: «Bushwa nki ke emwea uno ukokengi ebea b'ebibi n'irisa hima nabo!» 3Nampo ke Yesu wákere bo emushinga uno mbu: 4«Kuba mwea uma mu banu uri na mburi sae iyana, na nima mu to yamarimina, buni bwamuronja we? Ngebumbo wahwa isia emakumi mwenda n'emwenda mu muchacha n'ienda kasonda eyakurimina mupaka washei yo! 5Wasekia wamashee yo, wasekuruka na ngoa ntwaria yo mu bituri byae! 6Na wasekia wameya mu mwae, wasebikira bira bae n'ebanunsane n'iere bo mbu: ‹Mweye mumoe hima nani, bushwa mbu emburi yani nji yariminanga namashee yo!› 7Nibwirengi mbu, mu mbingu murikanga ngoa ningi kuba mwea uma ho wansambi wamabunduka n'ireke esansambi sae, irenga bea makumi mwenda na mwenda baombokara imbi ntíbarae tu mwireke esansambi sabo.»
Emushinga w'ekichere nchi chariminanga
8Yesu weba tu mbu: «Kuba mumina uma uri na bichere ikumi bya noro, na wamariminya kima mu mwae, ngebumbo wahwa isacha eritara n'ihae enumba mwisondekanya mupaka washei cho! 9Wasekia wamashee cho, wasebikira barakasi bae n'ebanunsane n'iere bo mbu: ‹Mweye tumoe mongo, bushwa mbu ekichere chani nchi chariminanga, namashee cho!› 10Nibwirengi mbu bumbo nge bukianga ebamaraika ba Ongo bamoa entambi mwea uma wa nsambi wamabunduka n'ireke esansambi sae.»
Mushinga w'emwana ngu wariminanga
11Yesu wakere bo umpe mushinga mbu: «Kwarikanga mwea uma nt'uri na basike bae babi. 12Emwansare were ishe mbu: ‹Etita, nikuhemange umbesi emuhango w'emwandu wani mu butumba bwabe.› Nampo ishe wabanyie bo ebutumba bwae.
13«Kuruma na matu makeke, emwansare wachuya emwandu wae na kwiire mu kimpe chuo cha kore. Nanko washata n'ebehe byae mu bikai bya busa-busa. 14Warekia wamakinda ebehe byae biti, mu chuo ncho mwakime rwaka rwasuma, wabucha irukwa na bio byeririsa. 15Nampo, wenda kakore mwea uma w'echuo ncho. Emwea ngo wamutuma mu mashwa ae karanga esampunu#15.15 Mu kutime k'eBayuta, empunu nsirwa bushwa mbu itariwanga n'itatingirwanga mo. Binwa bya nkene n'uneno nguru kuri eMuyuta. sae. 16Wabesenga uhunange mbu wamurisange mu bio ebirisange mo esampunu, ina watashei mwea werimuninka mu byo.
17«Nampo ke, emushukira ngo wabucha kwiebesha mbu: ‹Ebakori ba tita bashatange n'ebio, ina ani nge nikwange n'erwaka kuno! 18Nasesimana n'ienda kuri tita, n'imwire mbu: "Etita, namakora nsambi kuri Ongo na kuri ǒngo hotu. 19Ntínakomenwa tu ibikirwa mbu ani musikyabe, ina unitingenga buri uma mu bakori babe."›
20«Nampo, emushukira wasimana n'ienda kuri ishe. Na warekia ukiri kore n'enumba, ishe wamusunga, wamukwire bonso nguru. Wamukanyahe, wamukoke n'imurimba.
21«Musike we wamwire mbu: ‹Etita, namakora nsambi kuri Ongo na kuri ǒngo hotu. Ntínakomenwa tu ibikirwa mbu ani musikyabe.› 22Ina ishe were ebakori bae mbu: ‹Mwendi tete karisha nchangi yakoma na mumwambiche yo. Mumwambiche n'upete na birato.#15.22 Mu kutime k'eBayuta, ebyakɨa ishe w'emusike wamuninka byashea mbu wamamurisia buri mwana, ina ntí buri kahungu abe mukori. Enchangi njo yabesenga ropo imbarwanga mu otu rukiri, ina ntí ya murimo. Erupete rwashea mbu emusike waninkwa tu murimo w'erisimanire ebikai biti bya mumwabo. N'ebirato byashea mbu iwe ngie uri huru, bushwa mbu etuhungu twabesenga tutambaranga birato. 23Na murishe chana cha nkambu echanone, mubae cho kongo twaronja bio bya kibimbi, 24bushwa mbu musikyani uno wabesenga wamakwa ina wamafuka, wabesenga wamarimina ina wamashekana.› Nampo babucha irisa bio by'ekibimbi.
25«Mu kashangi nko, entangi yae yabesenga iri ekwishwa. Murikuruka rae, warekia uri kwihi n'enumba yabo, warukira engoma n'ebea basimbange n'imina. 26Wabikira uma mu bakori n'imushisha kuba kinki nge chasaa nko. 27Emukori ngo wamusako mbu: ‹Moto wabe ngwamarembera, na iso wamamukere nkambu, bushwa mbu emwana e wameya na nti munkangwe.› 28Mukuwae wasubuka nguru n'itina ikime mu numba. Nampo ishe wasaa n'imuhema mbu wakimi. 29Ina emusike wasako ishe mbu: ‹Namakukore myaka mingi, na nironjanga ebiti byinirenga ǒngo. Ina utunganininkanga n'echana ch'empene mbu nani nirise bio bya kibimbi hima na bira bani. 30Ina musikyabe uno ewakukindanyanga ebehe byabe biti mwisingirana n'ebihanga, entambi yameya we, umamukere nkambu nji yanone!›
31«Ishe wamwire mbu: ‹Emwana'ni, turikanga hima nabe kirotu, n'ebiti mbi birikanga nani byabe. 32Kai rakomenwa irisa bio by'ekibimbi n'imoa, bushwa mbu moto wabe uno wabesenga wamakwa ina wamafuka. Wabesenga wamarimina ina wamashekana.›»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 GAPLCDI, Group of Associations for the Promotion of Languages, Cultures for Integral Development