Mattuw 18
18
Ánɔ̄ Bā hwɛ̀ kā Yiifu Chɔ̀ Wàyii Dɔ Lá Ní?
1Yiifu nyunuli áwátu be dò Yesu ma mbyē'ushé la,<<Ánɔ̄ yi pà wàshuwɔ̀ kā yiifu chɔ̀ wàyii dɔ lá ní?>> 2U bá ngotifyi wàtitinti ndɛ̀ be sā yiyɔ́'wa ma zɛ̀ la, 3<<Ḿ zɛ̀ yí'ni zyíbyɛ̀, ni ma lò vekà sáyìna zyetifyi wàtiti hwoila yɔ̀, ni hwoi kà fu chɔ̀ wàyii dɔ lá yɔ̀ . 4Nyemgba, sásá pà wàma lò hwɛ̀'a kwá kàsɛ sáyìna angolá ní, ahu gbaa yi pà wàshuwɔ̀ kā yii fu chɔ̀ wàyii dɔ lá ní.
5<<Sásá panku wàma pà ngotifyi wàtitinti mamá kyù yiishina zyì'm ní, ami waa u pà'm kyù ní. 6Dedee sásá pà wà ma yí zyetifyi wàtiti hwoila wàzɛ̀ndɛ̀ wa'm lá sá wú wàbɛbɛ, áwú wàyi vyā wa pàli lá wa lò kuna wàshuwɔ̀ dɛ̀ pá'u huna mazyi wa lò'u hwa be wàzufu yii núkù. 7Shàmákɛ̀ló, yí denmyɛ yiishina wú wàyí panku hwoi sá wúwàbɛbɛ lá! Áwúli hwoi be, dedee shàmákɛ̀ló kà yiishina panku waa wúwàbɛbɛ yi zu bé'a lá. 8Nyunuwaa vo'o kwɛɛ bá'o ma yí'o yi sá wú wàbɛbɛ ní, lò'u kè tatambyɛ́. U sàsà mazyi o kà màndō wàbā nwú wàgbógbó gbògbò lá wa vo zukponu, wa bá zukponu kā waa wa lò'o yi lò wa vo ipyɛ̀, ábá ipyɛ̀ yi tá hwa fundō pyù lá ní. 9Nyunu waa zú'u ma yí'o yi sá wú wàbɛbɛ ní, lò'u shā tatambyɛ́. U sàsà mazyi o kà bé nwú wàgbógbó gbògbò wa zú zukponu kā waa wa lò'u yi lò tá hwa fundō pyù wa zú ipyɛ̀ lá ní.
Atɛ́káàká yiishina dɛ̀ wà lò mìzyɛ̀
10Ni lò nwú sáni mazyi ni káwa zō zyetifyi zukponu wàtiti hwoila hwɛ̀ yɔ̀. Dizyi m ngyi zɛ̀ yí'ni la, ázyēchɔ̀'wa hwoi dɔ hwoi wya zú Ada'm wàyii dɔ. 11Dizyi Ango Panku be mazyi u tɛ áwándó wàhwo mìzyɛ̀ lá. 12Ni hwoi gàzyíhwɛ̀ mamáni ní? Nyunu waa panku ma bā dɛ̀ idipaichɔ, zukpo yiifu'a ma lò mìzyɛ̀, u yi me áwándowànti idipainizede wa isungyɔ̀ lá ní yiishina gā ma ya yi hwāzú wàngyā ma lò mìzyɛ̀ lá yɔ̀? 13Nyunuwaa u ma lò'u fyò, ḿ zɛ̀ yí'ni zyíbyɛ̀, u yi mbonwú yiishina dɛ̀ zukponu lá kā dɛ̀ idipainizede wa sungyɔ̀ wàlò mìzyɛ̀ lá ní. 14Kà yi zukponu mamá waa Ada'ni wàyii dɔ lá yi fú ngo zukponu yii fu zyetifyi wàtiti hwoila ká lò mìzyɛ̀ yɔ̀ ní.
Angoyī'o ma sá'o wúwàbɛbɛ.
15<<Nyunuwaa ngoyī'o ma sá'o wú wàbɛbɛ, ya mazyi o tà'u dà'a, ni sá'u wa dini kyó ma. Nyunuwaa u ma fá zyí'u ni, ázyíli lò nwázu manì. 16Dedee u ma fá zyí'u yɔ̀ ní, ya lò pàzu kwɛɛ apà ipyɛ̀ bà wa'o, dizyi nyunu wàákyɛ̀ wa fá zyíli gyegye yii nū pà ipyɛ̀ kwɛɛ apanku isa hwoila. 17Nyunuwaa u ma nghà wà fá zyí'wa ní, ni ya zɛ̀'u yii tá wàwá Shidɔ; nyunuwaa u ma kà nghà wà fá tá wàwá Shidɔ ní, wya'u sáyìna áwándó wá wúhwɔ̀, kwɛɛ áwándó pà gbā. 18<<Yimamala m ngyi zɛ̀ yí'ni sásá la, áwúli ma yi yɛ̄ waa ni ma lò dɛ̀ yii bēèmyɛ̄, u dɛ̀dɛ̀ yii dɔ, wa wúli ma yi yɛ̄ waa ni ma lò fɛ̀ yii bēèmyɛ̄ ní, u fɛ̀fɛ̀ yii dɔ. 19<<Ḿ kà zɛ̀ yí'ni yibyɛ̀ buu la, nyunuwaa ápà ipyɛ̀ yii bēèmyɛ̄ ma zɛ̀ndɛ̀ wa wúli ma yi yɛ̄ ma jāndɛ̀, Ada'm wàyii dɔ lá lò wúli yi sá yí'ni. 20Ābē waa ápà ipyɛ̀ kwɛɛ ápà isa ma bē kwazɔ ishina zyì'm ní, m ngyi beli wa'wa.
Nwunya wàyi wyashishi yɔ̀
21<<Yiibeli Bitrus be dò Yesu ma mbyeshé la, <<Adandō, bá yi puna waa m ngyi me dà ngoyī'm ní yi yí'u ní, nyunu waa u ma sá'm wú wàbɛbɛ, bá isumpyɛ̀?>> 22Yesu zɛ̀ la, <<Ḿ zɛ̀ yí'o, bá isumpyɛ̀ kɛ̀ ló yɔ̀, bá idipaisazede ndō isumpyɛ̀. 23<<Yimamala, àchɔ̀ wàyii dɔ lá yi sáyìna aku wàyi fú ú hwɛ̀ wúchɔ́ wàyii vo nwunya'a lá. 24Dédēwaa wa hwoi hwɛ̀ lá, wa lò pàzu wàzyī'u tɔ̄ shɔ́wàmòmbò idipaichɔndoide kwazɔ̄ ide be dò'u. 25U yi hwātɔ̄li kà yɔ̀ lá, aku yínū mazyi wa lò'u kpátí wa wà'a, wa zyē'a wa sásá wú waa u ba lá mazyi wa lò tɔ̄li hwa. 26<<Ànyà lá káli yii pyɛ̀'a ma vá'u la,<Pà nwú wa'm, m lò tɔ̄'o yi hwa'o sásá.> 27Aku wya shishi'a ma me tɔ̄li ní yí'o, u ya'a. 28<<Dédēwaa nyà lá támyɛ lá, u wya bugɛ'a wàzyī'u tɔ̄ wu shɔ́wàmòmbò tima lá lò wúkɛ̀ kwá dó'u huna ma yi zɛ̀ la, <Hwatɔ wú waa o pà yii bé'm lá!>
29Abugɛ nwunya lá kàli ma vá'u la, <Pà nwú wa'm, m ngyi hwa'utɔ̄.> 30<<Dedee ànyàli nghà'a. ma lò bugɛ pà hwā tá gbógbó bà nyunu waa bugɛ lò tɔ̄li yi hwā lá. 31Dédēwaa áwányà wànati fá wú wàkwò lá, anwú'wa bɛbɛ wa ya ma lò wú sásá zɛ̀ yí wasendo'wa.
32<<Yiibeli àwasendo bá ànyà ndɛ̀ ma zɛ̀ la,< O yi nyà wàbɛbɛ, m lò tɔ̄'m wàyii ishina'o lá bwā sásá dizyi waa o vá'm lá. 33O yi wya shishi bugɛ sáyìna yiiyi waa m wya shishi'u lá yɔ̀? 34Áwúli lò be wasendo'a nwú buu lá, u yí'wa lò'u pà hwa tá mazyi wá tà'u fyì gbógbó u lò tɔ̄li hwā. 35<< Mamá waa Ada'm wàyii dɔ kà yi sá wa nɔ́nɔ̄ wà ma nghà wa me dà ngoyī'a ní yí'u wa nwú'a sásá ní.
လက္ရွိေရြးခ်ယ္ထားမွု
Mattuw 18: WBTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria
Mattuw 18
18
Ánɔ̄ Bā hwɛ̀ kā Yiifu Chɔ̀ Wàyii Dɔ Lá Ní?
1Yiifu nyunuli áwátu be dò Yesu ma mbyē'ushé la,<<Ánɔ̄ yi pà wàshuwɔ̀ kā yiifu chɔ̀ wàyii dɔ lá ní?>> 2U bá ngotifyi wàtitinti ndɛ̀ be sā yiyɔ́'wa ma zɛ̀ la, 3<<Ḿ zɛ̀ yí'ni zyíbyɛ̀, ni ma lò vekà sáyìna zyetifyi wàtiti hwoila yɔ̀, ni hwoi kà fu chɔ̀ wàyii dɔ lá yɔ̀ . 4Nyemgba, sásá pà wàma lò hwɛ̀'a kwá kàsɛ sáyìna angolá ní, ahu gbaa yi pà wàshuwɔ̀ kā yii fu chɔ̀ wàyii dɔ lá ní.
5<<Sásá panku wàma pà ngotifyi wàtitinti mamá kyù yiishina zyì'm ní, ami waa u pà'm kyù ní. 6Dedee sásá pà wà ma yí zyetifyi wàtiti hwoila wàzɛ̀ndɛ̀ wa'm lá sá wú wàbɛbɛ, áwú wàyi vyā wa pàli lá wa lò kuna wàshuwɔ̀ dɛ̀ pá'u huna mazyi wa lò'u hwa be wàzufu yii núkù. 7Shàmákɛ̀ló, yí denmyɛ yiishina wú wàyí panku hwoi sá wúwàbɛbɛ lá! Áwúli hwoi be, dedee shàmákɛ̀ló kà yiishina panku waa wúwàbɛbɛ yi zu bé'a lá. 8Nyunuwaa vo'o kwɛɛ bá'o ma yí'o yi sá wú wàbɛbɛ ní, lò'u kè tatambyɛ́. U sàsà mazyi o kà màndō wàbā nwú wàgbógbó gbògbò lá wa vo zukponu, wa bá zukponu kā waa wa lò'o yi lò wa vo ipyɛ̀, ábá ipyɛ̀ yi tá hwa fundō pyù lá ní. 9Nyunu waa zú'u ma yí'o yi sá wú wàbɛbɛ ní, lò'u shā tatambyɛ́. U sàsà mazyi o kà bé nwú wàgbógbó gbògbò wa zú zukponu kā waa wa lò'u yi lò tá hwa fundō pyù wa zú ipyɛ̀ lá ní.
Atɛ́káàká yiishina dɛ̀ wà lò mìzyɛ̀
10Ni lò nwú sáni mazyi ni káwa zō zyetifyi zukponu wàtiti hwoila hwɛ̀ yɔ̀. Dizyi m ngyi zɛ̀ yí'ni la, ázyēchɔ̀'wa hwoi dɔ hwoi wya zú Ada'm wàyii dɔ. 11Dizyi Ango Panku be mazyi u tɛ áwándó wàhwo mìzyɛ̀ lá. 12Ni hwoi gàzyíhwɛ̀ mamáni ní? Nyunu waa panku ma bā dɛ̀ idipaichɔ, zukpo yiifu'a ma lò mìzyɛ̀, u yi me áwándowànti idipainizede wa isungyɔ̀ lá ní yiishina gā ma ya yi hwāzú wàngyā ma lò mìzyɛ̀ lá yɔ̀? 13Nyunuwaa u ma lò'u fyò, ḿ zɛ̀ yí'ni zyíbyɛ̀, u yi mbonwú yiishina dɛ̀ zukponu lá kā dɛ̀ idipainizede wa sungyɔ̀ wàlò mìzyɛ̀ lá ní. 14Kà yi zukponu mamá waa Ada'ni wàyii dɔ lá yi fú ngo zukponu yii fu zyetifyi wàtiti hwoila ká lò mìzyɛ̀ yɔ̀ ní.
Angoyī'o ma sá'o wúwàbɛbɛ.
15<<Nyunuwaa ngoyī'o ma sá'o wú wàbɛbɛ, ya mazyi o tà'u dà'a, ni sá'u wa dini kyó ma. Nyunuwaa u ma fá zyí'u ni, ázyíli lò nwázu manì. 16Dedee u ma fá zyí'u yɔ̀ ní, ya lò pàzu kwɛɛ apà ipyɛ̀ bà wa'o, dizyi nyunu wàákyɛ̀ wa fá zyíli gyegye yii nū pà ipyɛ̀ kwɛɛ apanku isa hwoila. 17Nyunuwaa u ma nghà wà fá zyí'wa ní, ni ya zɛ̀'u yii tá wàwá Shidɔ; nyunuwaa u ma kà nghà wà fá tá wàwá Shidɔ ní, wya'u sáyìna áwándó wá wúhwɔ̀, kwɛɛ áwándó pà gbā. 18<<Yimamala m ngyi zɛ̀ yí'ni sásá la, áwúli ma yi yɛ̄ waa ni ma lò dɛ̀ yii bēèmyɛ̄, u dɛ̀dɛ̀ yii dɔ, wa wúli ma yi yɛ̄ waa ni ma lò fɛ̀ yii bēèmyɛ̄ ní, u fɛ̀fɛ̀ yii dɔ. 19<<Ḿ kà zɛ̀ yí'ni yibyɛ̀ buu la, nyunuwaa ápà ipyɛ̀ yii bēèmyɛ̄ ma zɛ̀ndɛ̀ wa wúli ma yi yɛ̄ ma jāndɛ̀, Ada'm wàyii dɔ lá lò wúli yi sá yí'ni. 20Ābē waa ápà ipyɛ̀ kwɛɛ ápà isa ma bē kwazɔ ishina zyì'm ní, m ngyi beli wa'wa.
Nwunya wàyi wyashishi yɔ̀
21<<Yiibeli Bitrus be dò Yesu ma mbyeshé la, <<Adandō, bá yi puna waa m ngyi me dà ngoyī'm ní yi yí'u ní, nyunu waa u ma sá'm wú wàbɛbɛ, bá isumpyɛ̀?>> 22Yesu zɛ̀ la, <<Ḿ zɛ̀ yí'o, bá isumpyɛ̀ kɛ̀ ló yɔ̀, bá idipaisazede ndō isumpyɛ̀. 23<<Yimamala, àchɔ̀ wàyii dɔ lá yi sáyìna aku wàyi fú ú hwɛ̀ wúchɔ́ wàyii vo nwunya'a lá. 24Dédēwaa wa hwoi hwɛ̀ lá, wa lò pàzu wàzyī'u tɔ̄ shɔ́wàmòmbò idipaichɔndoide kwazɔ̄ ide be dò'u. 25U yi hwātɔ̄li kà yɔ̀ lá, aku yínū mazyi wa lò'u kpátí wa wà'a, wa zyē'a wa sásá wú waa u ba lá mazyi wa lò tɔ̄li hwa. 26<<Ànyà lá káli yii pyɛ̀'a ma vá'u la,<Pà nwú wa'm, m lò tɔ̄'o yi hwa'o sásá.> 27Aku wya shishi'a ma me tɔ̄li ní yí'o, u ya'a. 28<<Dédēwaa nyà lá támyɛ lá, u wya bugɛ'a wàzyī'u tɔ̄ wu shɔ́wàmòmbò tima lá lò wúkɛ̀ kwá dó'u huna ma yi zɛ̀ la, <Hwatɔ wú waa o pà yii bé'm lá!>
29Abugɛ nwunya lá kàli ma vá'u la, <Pà nwú wa'm, m ngyi hwa'utɔ̄.> 30<<Dedee ànyàli nghà'a. ma lò bugɛ pà hwā tá gbógbó bà nyunu waa bugɛ lò tɔ̄li yi hwā lá. 31Dédēwaa áwányà wànati fá wú wàkwò lá, anwú'wa bɛbɛ wa ya ma lò wú sásá zɛ̀ yí wasendo'wa.
32<<Yiibeli àwasendo bá ànyà ndɛ̀ ma zɛ̀ la,< O yi nyà wàbɛbɛ, m lò tɔ̄'m wàyii ishina'o lá bwā sásá dizyi waa o vá'm lá. 33O yi wya shishi bugɛ sáyìna yiiyi waa m wya shishi'u lá yɔ̀? 34Áwúli lò be wasendo'a nwú buu lá, u yí'wa lò'u pà hwa tá mazyi wá tà'u fyì gbógbó u lò tɔ̄li hwā. 35<< Mamá waa Ada'm wàyii dɔ kà yi sá wa nɔ́nɔ̄ wà ma nghà wa me dà ngoyī'a ní yí'u wa nwú'a sásá ní.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria