Mateyu 8
8
Gyisɛse ɛyɛ ewule ngakyile ayile
1Menli ekpunli ekpunli dɔɔnwo bie lile Gyisɛse anzi wɔ melɛ mɔɔ ɔvi boka ne azo foa ko ɔdwu aze la.
2Na nea! Kokobɛvolɛ bie yiale ye na ɔhotole ɔ nyunlu ɛkɛ, na ɔzonlenle ye. Kokobɛvolɛ ne bodole ye na ɔzele kɛ, “Awulae, saa ɛkulo a, ɛbahola wɔamaa me nwo aza.”
3Gyisɛse dendenle ɔ sa zɔle nrenyia ne na ɔzele ye kɛ, “Mekulo, te kpɔkɛ.” Na ɛkɛ ne ala, ye kokobɛ ne minlinle minlimenla bɔkɔɔ.
4Na Gyisɛse zele ye kɛ, “Mmagyinla adenle nu ɛtendɛ ɛkile awie biala; kɔ ndɛndɛ ne ala kɔnwu sɛlɛvolɛ maa ɔnlea wɔ; na fa azubɔdeɛ ne mɔɔ Mosisi mɛla ne ka mɔɔ fale kokobɛvolɛma mɔɔ kɛde kpɔkɛ la anwo la, ɔluakɛ ɛhye yɛɛ le bagua nu daselɛlilɛ mɔɔ wɔ kpɔkɛdelɛ ne anwo a.”
5-6Mekɛ mɔɔ Gyisɛse dwule Kapɛnayɛm la, sogya kpanyinli bie rale na ɔrazɛlɛle ye kɛ ɔ nee ye ɛhɔ ye sua nu na ɔhɔyɛ ye sonvolɛ nrenyia ne mɔɔ ɛbubu ɛgua ɛkpa zo na anwofofolɛ ɛbɔ ye kpɔkɛ twe la ayile.
7Gyisɛse kponlenle zo na ɔzele kɛ, “Wioo, mebara mearayɛ ye ayile.”
8-9Na sogya kpanyinli ne zele kɛ “Yɛmenle, menfɛta kɛ ɛkɛra me sua nu; yɛɛ ɔngyia kɛ ɛkɛra bɔbɔ. Saa ɛbagyinla ɛke bɔbɔ ala na wɔaha kɛ, ‘Te kpɔkɛ’ a, anrɛɛ me sonvolɛ ne anwo baza! Meze, ɔboalekɛ mele sonla mɔɔ melɛ tumi na mesie menli a, na saa mese ko kɛ, ‘Kɔ’ a, ɛnee yehɔ; yɛɛ mese bieko noko kɛ ‘Bɛla’ a ɛnee yera; na saa mese me akɛlɛ noko kɛ ‘Yɛ ɛhye anzɛɛ ɛyeka’ a, ɔyɛ. Ɔti meze kɛ ɛlɛ tumi mɔɔ ɛkola ɛka ɛkile ye anwodolɛ ne kɛ ɔhɔ a, ɔkɛhɔ a!” 10Gyisɛse dele ɛhye la ɔyɛle ye azibɛnwo! Ɔhakyile ɔ nye wɔ menli ekpunli dɔɔnwo ne anwo na ɔzele bɛ kɛ, “Nɔhalɛ, metɛnwunle diedi mɔɔ le zɛhae la bie ɛlɛ wɔ Yizilayɛ maanle ye anu!
11“Na mese bɛ kɛ, menli mɔɔ ɛmboka Dwuuma ekpunli ne anwo la dɔɔnwo mɔɔ le kɛ sogya kpanyinli ɛhye la vi ewiade anu ɛleka biala bara na bɛ nee Ebileham, Ayezeke nee Gyekɔbo adɛnla aze wɔ Anwuma belemgbunli maanle ne anu. 12Na Yizilayɛma dɔɔnwo ne ala bɔbɔ mɔɔ bɛzieziele belemgbunli maanle ne bɛmaanle bɛ la, bɛbavuandi bɛ bɛagua alie nwo awozinli kpole ne anu wɔ ɛleka ne mɔɔ ɛzunlɛ nee awolɛyelɛ nee nyanelilɛ wɔ la.”
13Akee Gyisɛse zele sogya kpanyinli ne kɛ, “Kɔ. Wɔ diedi ne mɔɔ ɛnyianle ye la ɛyɛ zɔ!” Na kakula nrenyia ne anwo zale wɔ dɔnehwele ko ne ala anu.
14Na mɔɔ Gyisɛse dwule Pita sua nu la, ɛnee ɛyɛlɛyɛlɛ ɛhye Pita azebɛla na ɔla ɛkpa zo. 15Na mɔɔ Gyisɛse zɔle ɔ sa la, ɛyɛlɛyɛlɛ ne vile ɔ nwo; na akee ɔdwazole foa ɔdonle aleɛ ɔmaanle bɛ.
16Nɔsolɛ ko ne ala bɛvale menli dɔɔnwo mɔɔ awozonle ɛva bɛ la bɛrɛlɛle Gyisɛse; na mɔɔ ɔbukele ɔ nloa ɔhanle edwɛkɛ kpɔkɛ ko ala la, awozonle ne mɔ amuala minlinle; na wuliravolɛma ne mɔ amuala anwo zale. 17Ɛhye maanle Ayezaya kapezonli ne edwɛkɛ ne mɔɔ ɔhanle la yɛle zɔ, kɛ “Yemɔ a ɔvale yɛ anwodolɛ anwodolɛ ne mɔ na ɔzoale yɛ ewule ewule ne mɔ a.”
Azule tandane ne foa ko nee ye foa ko
18Mɔɔ Gyisɛse nwunle kɛsi mɔɔ menli ne ɛlɛsi azo dɔɔnwo la, ɔzele ye ɛdoavolɛma ne mɔ kɛ bɛboɔboa bɛ nwo bɛmaa bɛpɛ tandane ne bɛhɔ ɔ nzi nehane.
19Na ɛkɛ ne ala, Dwuuma Nyamedwɛkɛ kilehilevolɛma ne mɔ ko zele ye kɛ, “Kilehilevolɛ, mebadoa wɔ me nee wɔ ahɔ ɛleka biala mɔɔ ɛbahɔ la!”
20Na Gyisɛse zele ye kɛ, “Nane ɛzonlɛ lɛ ye tunli, yɛɛ nloma noko lɛ bɛ sane, na mame Sonla Ra ne ɛdeɛ, menlɛ me ti anwo aako biala, menlɛ ɛleka mɔɔ meto me ti a.”
21Ye ɛdoavolɛma ne mɔ anu ko noko hanle kɛ, “Awulae, maa menumua mengɔnzie me ze kolaa na mearadoa wɔ.”
22Na Gyisɛse buale ye kɛ, “Toa me kɛkala! Maa sunsum nu mɔwuamra ɛzie bɛdabɛ bɛ avunli.”
23Na ɔvole ɛlɛne nu na ɔ nee ye ɛdoavolɛma ne mɔ bɔle ɔ bo kɛ bɛpɛ tandane ne. 24Na arɛlevilɛ nu ala, ahumu ɛzulolɛ bie dule wɔ melɛ mɔɔ ɛnee Gyisɛse ɛla la; na tandane ne bule azɛlɛkye mgbole bie mɔɔ hedale ɛlɛne ne anwo zo a.
25Na ɛdoavolɛma ne mɔ hɔle ɔ nwo ɛkɛ ne na bɛdunwuele ye; bɛdeanle nu bɛzele ye kɛ, “Awulae, die yɛ! Yɛlɛnoma!”
26Na Gyisɛse buale bɛ zele kɛ, “O bɛmɛ mɔɔ bɛ diedi le ekyi a! Duzu ati a ɛzulolɛ ɛha bɛ zɛhae a?” Na ɔdwazole na ɔdeanle anwoma ne nee azɛlɛkye ne mɔ, na ahumu ne gyakyile ɛdulɛ na akee bɛ muala bɛyɛle dii. 27Azibɛnwo kpole hanle ɛdoavolɛma ne mɔ, na bɛbizale bɛ nwo kɛ, “Nwane a le ɛhye, mɔɔ anwoma bɔbɔ nee nyevile tie ye a?”
28Mɔɔ bɛdwule tandane ne anzi nehane, wɔ Gadala maanle nu la, mrenyia nwiɔ bie mɔɔ sunsum evinli wɔ bɛ nu la yiale ye. Mrenyia nwiɔ ɛhye mɔ de azie zo na ɔlua bɛ nwo ɛzulolɛ mɔɔ ɔyɛ la ati awie biala ɛngola bɛ nwo ɛkɛ ne ɛleka ne kɔ.
29Bɛbɔle ɔ bo kɛ bɛteɛdea nu bɛagua Gyisɛse anwo zo. Bɛbizale ye kɛ, “Duzu debie a ɛkpondɛ wɔavi yɛ ɛkɛ a, O Nyamenle Ra? Wɔra kɛ ɛbagyegye yɛ ɔ? Ɛnlɛ tumi biala kɛ ɛkɛgyegye yɛ kɛkala.”
30Agbolike kpolane bie noko ɛnee wɔ adidi wɔ foa ko nehane, 31ɛhye ati sunsum evinli ne mɔ kpale Gyisɛse kyɛlɛ kɛ, “Saa ɛtu yɛ a, fa yɛ kɔ agbolike kpolane ne anu.”
32Gyisɛse kponlenle zolɛ na ɔzele bɛ kɛ, “Wioo! Bɛhɔ!” Na bɛvile mrenyia nwiɔ ne mɔ nu na bɛrawolole agbolike ne mɔ anu, na agbolike kpolane ne mɔ dule twi bɛwulule pemgbɛne ne na bɛguale nyevile ne anu bɛwule. 33Agbolike neazovolɛma ne mɔ dule hɔle suakpole ne mɔɔ zua bɛ la azo na bɛvale edwɛkɛ mɔɔ zile la bɛbɔle bɛ amaneɛ, 34na ezuavolɛ ne kosooti nriandinle ranleanle Gyisɛse, na bɛkpale ye kyɛlɛ kɛ ɔhɔ ye ɛleka bie na ɔgyakyi bɛ koonwu.
လက္ရွိေရြးခ်ယ္ထားမွု
Mateyu 8: ONEN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mateyu 8
8
Gyisɛse ɛyɛ ewule ngakyile ayile
1Menli ekpunli ekpunli dɔɔnwo bie lile Gyisɛse anzi wɔ melɛ mɔɔ ɔvi boka ne azo foa ko ɔdwu aze la.
2Na nea! Kokobɛvolɛ bie yiale ye na ɔhotole ɔ nyunlu ɛkɛ, na ɔzonlenle ye. Kokobɛvolɛ ne bodole ye na ɔzele kɛ, “Awulae, saa ɛkulo a, ɛbahola wɔamaa me nwo aza.”
3Gyisɛse dendenle ɔ sa zɔle nrenyia ne na ɔzele ye kɛ, “Mekulo, te kpɔkɛ.” Na ɛkɛ ne ala, ye kokobɛ ne minlinle minlimenla bɔkɔɔ.
4Na Gyisɛse zele ye kɛ, “Mmagyinla adenle nu ɛtendɛ ɛkile awie biala; kɔ ndɛndɛ ne ala kɔnwu sɛlɛvolɛ maa ɔnlea wɔ; na fa azubɔdeɛ ne mɔɔ Mosisi mɛla ne ka mɔɔ fale kokobɛvolɛma mɔɔ kɛde kpɔkɛ la anwo la, ɔluakɛ ɛhye yɛɛ le bagua nu daselɛlilɛ mɔɔ wɔ kpɔkɛdelɛ ne anwo a.”
5-6Mekɛ mɔɔ Gyisɛse dwule Kapɛnayɛm la, sogya kpanyinli bie rale na ɔrazɛlɛle ye kɛ ɔ nee ye ɛhɔ ye sua nu na ɔhɔyɛ ye sonvolɛ nrenyia ne mɔɔ ɛbubu ɛgua ɛkpa zo na anwofofolɛ ɛbɔ ye kpɔkɛ twe la ayile.
7Gyisɛse kponlenle zo na ɔzele kɛ, “Wioo, mebara mearayɛ ye ayile.”
8-9Na sogya kpanyinli ne zele kɛ “Yɛmenle, menfɛta kɛ ɛkɛra me sua nu; yɛɛ ɔngyia kɛ ɛkɛra bɔbɔ. Saa ɛbagyinla ɛke bɔbɔ ala na wɔaha kɛ, ‘Te kpɔkɛ’ a, anrɛɛ me sonvolɛ ne anwo baza! Meze, ɔboalekɛ mele sonla mɔɔ melɛ tumi na mesie menli a, na saa mese ko kɛ, ‘Kɔ’ a, ɛnee yehɔ; yɛɛ mese bieko noko kɛ ‘Bɛla’ a ɛnee yera; na saa mese me akɛlɛ noko kɛ ‘Yɛ ɛhye anzɛɛ ɛyeka’ a, ɔyɛ. Ɔti meze kɛ ɛlɛ tumi mɔɔ ɛkola ɛka ɛkile ye anwodolɛ ne kɛ ɔhɔ a, ɔkɛhɔ a!” 10Gyisɛse dele ɛhye la ɔyɛle ye azibɛnwo! Ɔhakyile ɔ nye wɔ menli ekpunli dɔɔnwo ne anwo na ɔzele bɛ kɛ, “Nɔhalɛ, metɛnwunle diedi mɔɔ le zɛhae la bie ɛlɛ wɔ Yizilayɛ maanle ye anu!
11“Na mese bɛ kɛ, menli mɔɔ ɛmboka Dwuuma ekpunli ne anwo la dɔɔnwo mɔɔ le kɛ sogya kpanyinli ɛhye la vi ewiade anu ɛleka biala bara na bɛ nee Ebileham, Ayezeke nee Gyekɔbo adɛnla aze wɔ Anwuma belemgbunli maanle ne anu. 12Na Yizilayɛma dɔɔnwo ne ala bɔbɔ mɔɔ bɛzieziele belemgbunli maanle ne bɛmaanle bɛ la, bɛbavuandi bɛ bɛagua alie nwo awozinli kpole ne anu wɔ ɛleka ne mɔɔ ɛzunlɛ nee awolɛyelɛ nee nyanelilɛ wɔ la.”
13Akee Gyisɛse zele sogya kpanyinli ne kɛ, “Kɔ. Wɔ diedi ne mɔɔ ɛnyianle ye la ɛyɛ zɔ!” Na kakula nrenyia ne anwo zale wɔ dɔnehwele ko ne ala anu.
14Na mɔɔ Gyisɛse dwule Pita sua nu la, ɛnee ɛyɛlɛyɛlɛ ɛhye Pita azebɛla na ɔla ɛkpa zo. 15Na mɔɔ Gyisɛse zɔle ɔ sa la, ɛyɛlɛyɛlɛ ne vile ɔ nwo; na akee ɔdwazole foa ɔdonle aleɛ ɔmaanle bɛ.
16Nɔsolɛ ko ne ala bɛvale menli dɔɔnwo mɔɔ awozonle ɛva bɛ la bɛrɛlɛle Gyisɛse; na mɔɔ ɔbukele ɔ nloa ɔhanle edwɛkɛ kpɔkɛ ko ala la, awozonle ne mɔ amuala minlinle; na wuliravolɛma ne mɔ amuala anwo zale. 17Ɛhye maanle Ayezaya kapezonli ne edwɛkɛ ne mɔɔ ɔhanle la yɛle zɔ, kɛ “Yemɔ a ɔvale yɛ anwodolɛ anwodolɛ ne mɔ na ɔzoale yɛ ewule ewule ne mɔ a.”
Azule tandane ne foa ko nee ye foa ko
18Mɔɔ Gyisɛse nwunle kɛsi mɔɔ menli ne ɛlɛsi azo dɔɔnwo la, ɔzele ye ɛdoavolɛma ne mɔ kɛ bɛboɔboa bɛ nwo bɛmaa bɛpɛ tandane ne bɛhɔ ɔ nzi nehane.
19Na ɛkɛ ne ala, Dwuuma Nyamedwɛkɛ kilehilevolɛma ne mɔ ko zele ye kɛ, “Kilehilevolɛ, mebadoa wɔ me nee wɔ ahɔ ɛleka biala mɔɔ ɛbahɔ la!”
20Na Gyisɛse zele ye kɛ, “Nane ɛzonlɛ lɛ ye tunli, yɛɛ nloma noko lɛ bɛ sane, na mame Sonla Ra ne ɛdeɛ, menlɛ me ti anwo aako biala, menlɛ ɛleka mɔɔ meto me ti a.”
21Ye ɛdoavolɛma ne mɔ anu ko noko hanle kɛ, “Awulae, maa menumua mengɔnzie me ze kolaa na mearadoa wɔ.”
22Na Gyisɛse buale ye kɛ, “Toa me kɛkala! Maa sunsum nu mɔwuamra ɛzie bɛdabɛ bɛ avunli.”
23Na ɔvole ɛlɛne nu na ɔ nee ye ɛdoavolɛma ne mɔ bɔle ɔ bo kɛ bɛpɛ tandane ne. 24Na arɛlevilɛ nu ala, ahumu ɛzulolɛ bie dule wɔ melɛ mɔɔ ɛnee Gyisɛse ɛla la; na tandane ne bule azɛlɛkye mgbole bie mɔɔ hedale ɛlɛne ne anwo zo a.
25Na ɛdoavolɛma ne mɔ hɔle ɔ nwo ɛkɛ ne na bɛdunwuele ye; bɛdeanle nu bɛzele ye kɛ, “Awulae, die yɛ! Yɛlɛnoma!”
26Na Gyisɛse buale bɛ zele kɛ, “O bɛmɛ mɔɔ bɛ diedi le ekyi a! Duzu ati a ɛzulolɛ ɛha bɛ zɛhae a?” Na ɔdwazole na ɔdeanle anwoma ne nee azɛlɛkye ne mɔ, na ahumu ne gyakyile ɛdulɛ na akee bɛ muala bɛyɛle dii. 27Azibɛnwo kpole hanle ɛdoavolɛma ne mɔ, na bɛbizale bɛ nwo kɛ, “Nwane a le ɛhye, mɔɔ anwoma bɔbɔ nee nyevile tie ye a?”
28Mɔɔ bɛdwule tandane ne anzi nehane, wɔ Gadala maanle nu la, mrenyia nwiɔ bie mɔɔ sunsum evinli wɔ bɛ nu la yiale ye. Mrenyia nwiɔ ɛhye mɔ de azie zo na ɔlua bɛ nwo ɛzulolɛ mɔɔ ɔyɛ la ati awie biala ɛngola bɛ nwo ɛkɛ ne ɛleka ne kɔ.
29Bɛbɔle ɔ bo kɛ bɛteɛdea nu bɛagua Gyisɛse anwo zo. Bɛbizale ye kɛ, “Duzu debie a ɛkpondɛ wɔavi yɛ ɛkɛ a, O Nyamenle Ra? Wɔra kɛ ɛbagyegye yɛ ɔ? Ɛnlɛ tumi biala kɛ ɛkɛgyegye yɛ kɛkala.”
30Agbolike kpolane bie noko ɛnee wɔ adidi wɔ foa ko nehane, 31ɛhye ati sunsum evinli ne mɔ kpale Gyisɛse kyɛlɛ kɛ, “Saa ɛtu yɛ a, fa yɛ kɔ agbolike kpolane ne anu.”
32Gyisɛse kponlenle zolɛ na ɔzele bɛ kɛ, “Wioo! Bɛhɔ!” Na bɛvile mrenyia nwiɔ ne mɔ nu na bɛrawolole agbolike ne mɔ anu, na agbolike kpolane ne mɔ dule twi bɛwulule pemgbɛne ne na bɛguale nyevile ne anu bɛwule. 33Agbolike neazovolɛma ne mɔ dule hɔle suakpole ne mɔɔ zua bɛ la azo na bɛvale edwɛkɛ mɔɔ zile la bɛbɔle bɛ amaneɛ, 34na ezuavolɛ ne kosooti nriandinle ranleanle Gyisɛse, na bɛkpale ye kyɛlɛ kɛ ɔhɔ ye ɛleka bie na ɔgyakyi bɛ koonwu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.