Mateyu 5
5
Boka ne azo Nyamedwɛkɛhanlɛ ne
1-2Kenle ko bie mɔɔ ɛnee menli dɔɔnwo ɛlɛyɛ ayia la, ɔ nee ye ɛdoavolɛma ne mɔ hɔdɛnlanle aze wɔ boka ne azo na ɔhilehilele bɛ debie wɔ ɛkɛ.
3Na ɔzele bɛ kɛ, Menli mɔɔ bɛlɛ bɛ nwo aze la anwo ɛyɛ moavolɛ kpole, ɔluakɛ bɛva Anwuma belemgbunli maanle ne bɛhyɛ bɛ. 4Menli mɔɔ di nyane la anwo ɛyɛ moavolɛ kpole! Ɔluakɛ bɛbakyekye bɛ rɛle. 5Bɛlɛvoma anwo ɛyɛ moavolɛ! Ɔluakɛ ewiade azɛlɛ tɛtɛtɛlɛlɛ ne le bɛ deɛ.
6Nyilalɛ ɛha bɛdabɛ mɔɔ bɛ nwo dedɔ pɛpɛlilɛ nee kpalɛyɛlɛ la, ɔluakɛ bɛmɛ a bɛbamaa bɛ ko ayi a. 7Nyilalɛ ɛha atiakunlukpalɛyɛvoma nee anwunvɔnesevoma, ɔluakɛ bɛmɛ a bɛbaze bɛ anwunvɔne a. 8Nyilalɛ ɛha bɛdabɛ mɔɔ bɛ ahonle ne mɔ anu te la, ɔluakɛ bɛbanwu Nana Nyamenle. 9Nyilalɛ ɛha bɛdabɛ mɔɔ bɛpele anzondwolɛ nwo la, bɛmɛ a bɛbavɛlɛ bɛ Nana Nyamenle amra a. 10Nyilalɛ ɛha bɛdabɛ mɔɔ ɔlua bɛ kpalɛyɛlɛ ti bɛyɛ bɛ ayɛkayɛkadeɛ la, ɔluakɛ Anwuma belemgbunli maanle ne le bɛ deɛ.
11-12Saa ɔlua me ɛdoalɛ ti, bɛbɔ bɛ aholoba, bɛyɛ bɛ ayɛkayɛkadeɛ, na bɛfa edwɛkɛ ɛtane muala bɛto bɛ nwo zo adalɛ nu a bɛli fɛlɛko maa ɔyɛ nwanwane. Bɛnyia ahomeka! Bɛli fɛlɛko wɔ nwolɛ! Ɔluakɛ ahatualɛ kpole kpalɛ bie ɛlɛkendɛ bɛ wɔ Anwuma belemgbunli maanle nu lɔ. Na bɛhakye kɛ, zɔhane ala a bɛyɛle ngapezoma ne mɔ mɔɔ lumuale la a.
13“Bɛmɛ a bɛle ewiade anzɛɛ azɛlɛ ye azo ngyenle a; na saa bɛ ngyenle ne minli ye fɛlɛko ne a, duzu a bazi ewiade a? Nvasoɛ biala ɛnrɛra zo bieko, na emomu, bɛbavuandi bɛagua ye lɔ, na menli atietia bɛ nwo zo kɛ ewula la. 14Bɛmɛ a bɛle ewiade kɛnlaneɛ ne a, Sua mɔɔ gyi boka zo la ɛngola ɛnvea, na nɔɔzo bɔbɔ awie biala nwu ye. 15-16Bɛmmafea bɛ kɛnlaneɛ ne! Bɛmaa ɔda ɔmaa awie biala; bɛmaa menli ɛnwu bɛ ɛbɛla kpalɛ ne mɔɔ bɛbɔ la, amaa bɛaye bɛ Ze ne mɔɔ wɔ anwuma la ayɛlɛ.
17“Bɛnyia me maleɛ ne anwo ndelebɛbo; Bɛmmadwenle kɛ membale kɛ mebazɛkye Mosisi mɛla ne nee ngapezoma ne mɔ ngakyelɛ kɔkɔ ne mɔɔ bɛbɔle la. Kyɛkyɛ, membale kɛ mebazɔ zolɛ, na meamaa ye kosooti ali munli. 18Nɔhalɛ nu mese bɛ kɛ, Mɛla biala mɔɔ wɔ Buluku Nwuanzanwuanza ne anu la bahɔ zolɛ too kɔkpula mekɛ mɔɔ mɛla ne bodane mɔɔ ɔgyi zolɛ la kɛyɛ ɛkɛ la. 19Ɛhye ati awie biala mɔɔ kɛbulu mɛla ne ekyi ne bɔbɔ azo, na ɔkɛhilehile awie mɔ gyɛne noko zɔhane la, ɔbayɛ kakula wɔ Anwuma belemgbunli maanle ne anu. Na bɛdabɛ mɔɔ bɛkilehile Nana Nyamenle mɛla ne na bɛdi zolɛ la a bayɛ mgbole wɔ Anwuma belemgbunli maanle ne anu a.
20“Na mese bɛ kɛ, kyesɛ bɛ tenleneyɛlɛ ne di munli kpole kpalɛ tɛla Falasiima ne mɔ nee Dwuuma mgbanyima ne mɔ, anrɛɛ yemɔ bɛnrɛhola Anwuma belemgbunli maanle ne anu dwu fee zɛ!
21“Wɔ Mosisi mɛla ne anu ɔwɔ nu kɛ, ‘Saa ɛku sonla a, ɔwɔ kɛ ɛwu.’ 22Na mesi zo bieko kɛ saa ɛfa ɛya mgbane bɔbɔ, bɔbɔ wɔ wɔ sua nu a bɛbabua wɔ ndɛne! Saa ɛfɛlɛ ɛ gɔnwo kɛ ɔle koasea a, bɛ nee wɔ kɛhɔ ndɛnebualɛ ɛleka bɛkɛhɔbua wɔ ndɛne. Yɛɛ saa ɛwa ye amonle noko a ɛbahɔ abɔnsam senle ne anu.
23“Ɛhye ati saa ɛgyi azukponle ne anyunlu wɔ Asɔne Sua Kpole ne anu, na ɛlɛfa azubɔdeɛ biala wɔamaa Nyamenle, na arɛlevilɛ nu ala ɛkakye kɛ agɔnwolɛ bie lɛ edwɛkɛ bie tia wɔ a, 24gyakyi wɔ azubɔdeɛ ne wɔ azukponle ne azo, na kɔ kɔkpɔda ye na ɛ nee ye ɛbɔ nu, na akee sia babɔ wɔ azu ne maa Nana Nyamenle. 25Ɛ nee wɔ kpɔvolɛ ne ɛbɔ nu ndɛndɛ ne ala na mekɛ ne amkpa nwo, ammaa kenle bie wɔ kpɔvolɛ ne anye wɔ anwula ndɛnebuavolɛ ne asa, na ndɛnebuavolɛ ne noko anva wɔ anwula kakɛdavolɛ asa anu maa yeando wɔ efiade, 26ɔluakɛ ɛbala efiade ne kɔkpula kɛ ɛkɛdua kapɛle ko biala mɔɔ ɛtua ye la.
27“Mosisi mɛla ne se, ‘Mmasɛkye agyalɛ.’ 28Na mame mese: Awie biala mɔɔ kɛnlea sonla raalɛ huhunli nu la ɛnee ɔ nee ye ɛyɛ zɛhae ɛtane ne wɔ ye ahonle nu ɛwie. 29Ɔti saa ɛ nye fema ne bɔbɔ maa ɛbɔ zɛhae huhunli ɛbɛla ne a tu ye na to ye lɔ. Ɔle kpalɛ kɛ wɔ ebule kɛzɛkye ɔkɛdɛla kɛ wɔ sonla baka mumua ne kɛhɔ abɔnsam senle nu la. 30Na saa ɛ sa fema ne bɔbɔ maa ɛyɛ ɛtane a, pɛ ye ko! na fuandi to ye lɔ. Ɔle kpalɛ zɔhane ɔtɛla kɛ ɛkɛva wɔ sonla baka mumua ne ɛkɛhɔ abɔnsam senle nu la.
31“Mosisi mɛla ne se, ‘Saa awie biala kpondɛ kɛ ɔbɔ ɔ ye ewuole a, ɔkola ɔkɛlɛ aliyelɛ kɛlata ɔmaa ye.’ 32Na mese bɛ kɛ, awie biala mɔɔ ɔkɛbɔ ɔ ye ewuole wɔ melɛ mɔɔ ɔtɛbɔle adwɔmane ɛbɛla biala la maa ɔto agyalɛ ɛzɛkyelɛ mɛla. Yɛɛ awie biala mɔɔ kɛgya ye la ɔdaye ɔto zɛhae agyalɛ ɛzɛkyelɛ mɛla ne.
33“Bieko, Mosisi mɛla ne se, ‘Ɔnle kɛ ɛbu ɛ nye ɛgua wɔ ɛwɔkɛ biala mɔɔ ɛkɛbɔ Nana Nyamenle la azo, na emomu, ɔwɔ kɛ ɛdi bɛ muala azo.’ 34Na Mame mese: ‘Mmaka ndane biala! Anzɛɛ bɔbɔ kɛ ɛkɛha kɛ Meka Anwuma!’ ɔle Nana Nyamenle ndane kpole, ɔluakɛ Anwuma maanle ne le Nana Nyamenle Ye Belemgbunli Ebia. 35Na saa ɛka kɛ ‘Meka azɛlɛ ye!’ a, ɔle ndane kpole, ɔluakɛ azɛlɛ ye le Nana Nyamenle ɔ gyakɛ abo Ebia. Na mmaka ndane kɛ, ‘Meka Gyɛlusalɛm!’ ɔluakɛ Gyɛlusalɛm a le Belemgbunli kpole ne Ye suakpole a.
36“Mmaka ndane bɔbɔ ɛka kɛ, ‘Meka me ti!’ Ɔluakɛ ɛnrɛhola ɛnrɛhakyi enrinli ko bɔbɔ fufule anzɛɛ bile. 37Ka ye sikalɛ kɛ, ‘Ɛhɛe, mebayɛ’ anzɛɛ ‘Kyɛkyɛ, menrɛyɛ.’ Wɔ edwɛkɛ kpɔkɛ ko ne ala le kpalɛ. Saa ɛfa ndane ɛsua wɔ ɛwɔkɛ nzi a ɛnee ɔkile kɛ debie bie tɔ sinli.
38“Mosisi mɛla ne se, ‘Saa awie tu ɔ gɔnwo anye a, ɔwɔ kɛ bɛtu ye deɛ ne noko bɛsie ɔ bo zo. Saa awie tu ɛ nye a tu ahenle noko ɔdaye ye deɛ ne.’ 39Na akee mese bɛ kɛ: Bɛ nee amumuyɛvoma mmadwudwu! 40Saa awie nee wɔ kɔ edwɛkɛlilɛ ɛleka ne, na bɛdie wɔ anwuma tɛladeɛ ne a kpolo wɔ kootu ne noko boka nwo. 41Saa sogyama se kɛ ɛzoa bɛ mbulalɛndeɛ ne mɔ ɛ nee bɛ ɛhɔ mayɛlɛ ko bɔbɔ a, soa ɛ nee bɛ ɛhɔ mayɛlɛ nwiɔ. 42Mɔɔ sɛlɛ wɔ debie la fa maa ye, na mmakakyi ɛ nzi ɛsi bɛdabɛ mɔɔ bɛkpondɛ bosea bɛavi wɔ lɔ la.
43“Mɛla bie wɔ ɛkɛ mɔɔ se, ‘Kulo ɛ gɔnwo mɔ na kyi wɔ kpɔvolɛma.’ 44Na mame mese: Kulo wɔ kpɔvolɛma! Sɛlɛ maa bɛdabɛ mɔɔ bɛyɛ wɔ ayɛkayɛkadeɛ la. 45Na saa bɛyɛ ɛhye mɔ a yɛɛ ɛnee ɔkile kɛ amgba bɛle bɛ Ze ne mɔɔ wɔ Anwuma la amra a. Ɔluakɛ ɔfi ewia ɔmaa ɛtaneyɛvoma nee anwodelɛma amuala, na ɔtɔ ezule ɔmaa pɛpɛdivoma nee amumuyɛvoma noko. 46Saa ɛkulo bɛdabɛ mɔɔ bɛkulo wɔ la angomekye ala a, duzu nvasoɛ a wɔ zo a? Adwuledievolɛma ne mɔ bɔbɔ a yɛ ɛhye kpalɛ a. 47Na saa ɛkulo ɛ gɔnwo mɔ angomekye ala a, duzu ngakyile a wɔ wɔ nee bɛdabɛ mɔɔ ɛha la avinli a? Menli mɔɔ ɛnzonle Nana Nyamenle la bɔbɔ yɛ zɔ. 48Na bɛmɛ mɔ ɔwɔ kɛ bɛdi munli, kɛmɔ bɛ Ze ne mɔɔ wɔ anwuma la di munli la.
လက္ရွိေရြးခ်ယ္ထားမွု
Mateyu 5: ONEN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mateyu 5
5
Boka ne azo Nyamedwɛkɛhanlɛ ne
1-2Kenle ko bie mɔɔ ɛnee menli dɔɔnwo ɛlɛyɛ ayia la, ɔ nee ye ɛdoavolɛma ne mɔ hɔdɛnlanle aze wɔ boka ne azo na ɔhilehilele bɛ debie wɔ ɛkɛ.
3Na ɔzele bɛ kɛ, Menli mɔɔ bɛlɛ bɛ nwo aze la anwo ɛyɛ moavolɛ kpole, ɔluakɛ bɛva Anwuma belemgbunli maanle ne bɛhyɛ bɛ. 4Menli mɔɔ di nyane la anwo ɛyɛ moavolɛ kpole! Ɔluakɛ bɛbakyekye bɛ rɛle. 5Bɛlɛvoma anwo ɛyɛ moavolɛ! Ɔluakɛ ewiade azɛlɛ tɛtɛtɛlɛlɛ ne le bɛ deɛ.
6Nyilalɛ ɛha bɛdabɛ mɔɔ bɛ nwo dedɔ pɛpɛlilɛ nee kpalɛyɛlɛ la, ɔluakɛ bɛmɛ a bɛbamaa bɛ ko ayi a. 7Nyilalɛ ɛha atiakunlukpalɛyɛvoma nee anwunvɔnesevoma, ɔluakɛ bɛmɛ a bɛbaze bɛ anwunvɔne a. 8Nyilalɛ ɛha bɛdabɛ mɔɔ bɛ ahonle ne mɔ anu te la, ɔluakɛ bɛbanwu Nana Nyamenle. 9Nyilalɛ ɛha bɛdabɛ mɔɔ bɛpele anzondwolɛ nwo la, bɛmɛ a bɛbavɛlɛ bɛ Nana Nyamenle amra a. 10Nyilalɛ ɛha bɛdabɛ mɔɔ ɔlua bɛ kpalɛyɛlɛ ti bɛyɛ bɛ ayɛkayɛkadeɛ la, ɔluakɛ Anwuma belemgbunli maanle ne le bɛ deɛ.
11-12Saa ɔlua me ɛdoalɛ ti, bɛbɔ bɛ aholoba, bɛyɛ bɛ ayɛkayɛkadeɛ, na bɛfa edwɛkɛ ɛtane muala bɛto bɛ nwo zo adalɛ nu a bɛli fɛlɛko maa ɔyɛ nwanwane. Bɛnyia ahomeka! Bɛli fɛlɛko wɔ nwolɛ! Ɔluakɛ ahatualɛ kpole kpalɛ bie ɛlɛkendɛ bɛ wɔ Anwuma belemgbunli maanle nu lɔ. Na bɛhakye kɛ, zɔhane ala a bɛyɛle ngapezoma ne mɔ mɔɔ lumuale la a.
13“Bɛmɛ a bɛle ewiade anzɛɛ azɛlɛ ye azo ngyenle a; na saa bɛ ngyenle ne minli ye fɛlɛko ne a, duzu a bazi ewiade a? Nvasoɛ biala ɛnrɛra zo bieko, na emomu, bɛbavuandi bɛagua ye lɔ, na menli atietia bɛ nwo zo kɛ ewula la. 14Bɛmɛ a bɛle ewiade kɛnlaneɛ ne a, Sua mɔɔ gyi boka zo la ɛngola ɛnvea, na nɔɔzo bɔbɔ awie biala nwu ye. 15-16Bɛmmafea bɛ kɛnlaneɛ ne! Bɛmaa ɔda ɔmaa awie biala; bɛmaa menli ɛnwu bɛ ɛbɛla kpalɛ ne mɔɔ bɛbɔ la, amaa bɛaye bɛ Ze ne mɔɔ wɔ anwuma la ayɛlɛ.
17“Bɛnyia me maleɛ ne anwo ndelebɛbo; Bɛmmadwenle kɛ membale kɛ mebazɛkye Mosisi mɛla ne nee ngapezoma ne mɔ ngakyelɛ kɔkɔ ne mɔɔ bɛbɔle la. Kyɛkyɛ, membale kɛ mebazɔ zolɛ, na meamaa ye kosooti ali munli. 18Nɔhalɛ nu mese bɛ kɛ, Mɛla biala mɔɔ wɔ Buluku Nwuanzanwuanza ne anu la bahɔ zolɛ too kɔkpula mekɛ mɔɔ mɛla ne bodane mɔɔ ɔgyi zolɛ la kɛyɛ ɛkɛ la. 19Ɛhye ati awie biala mɔɔ kɛbulu mɛla ne ekyi ne bɔbɔ azo, na ɔkɛhilehile awie mɔ gyɛne noko zɔhane la, ɔbayɛ kakula wɔ Anwuma belemgbunli maanle ne anu. Na bɛdabɛ mɔɔ bɛkilehile Nana Nyamenle mɛla ne na bɛdi zolɛ la a bayɛ mgbole wɔ Anwuma belemgbunli maanle ne anu a.
20“Na mese bɛ kɛ, kyesɛ bɛ tenleneyɛlɛ ne di munli kpole kpalɛ tɛla Falasiima ne mɔ nee Dwuuma mgbanyima ne mɔ, anrɛɛ yemɔ bɛnrɛhola Anwuma belemgbunli maanle ne anu dwu fee zɛ!
21“Wɔ Mosisi mɛla ne anu ɔwɔ nu kɛ, ‘Saa ɛku sonla a, ɔwɔ kɛ ɛwu.’ 22Na mesi zo bieko kɛ saa ɛfa ɛya mgbane bɔbɔ, bɔbɔ wɔ wɔ sua nu a bɛbabua wɔ ndɛne! Saa ɛfɛlɛ ɛ gɔnwo kɛ ɔle koasea a, bɛ nee wɔ kɛhɔ ndɛnebualɛ ɛleka bɛkɛhɔbua wɔ ndɛne. Yɛɛ saa ɛwa ye amonle noko a ɛbahɔ abɔnsam senle ne anu.
23“Ɛhye ati saa ɛgyi azukponle ne anyunlu wɔ Asɔne Sua Kpole ne anu, na ɛlɛfa azubɔdeɛ biala wɔamaa Nyamenle, na arɛlevilɛ nu ala ɛkakye kɛ agɔnwolɛ bie lɛ edwɛkɛ bie tia wɔ a, 24gyakyi wɔ azubɔdeɛ ne wɔ azukponle ne azo, na kɔ kɔkpɔda ye na ɛ nee ye ɛbɔ nu, na akee sia babɔ wɔ azu ne maa Nana Nyamenle. 25Ɛ nee wɔ kpɔvolɛ ne ɛbɔ nu ndɛndɛ ne ala na mekɛ ne amkpa nwo, ammaa kenle bie wɔ kpɔvolɛ ne anye wɔ anwula ndɛnebuavolɛ ne asa, na ndɛnebuavolɛ ne noko anva wɔ anwula kakɛdavolɛ asa anu maa yeando wɔ efiade, 26ɔluakɛ ɛbala efiade ne kɔkpula kɛ ɛkɛdua kapɛle ko biala mɔɔ ɛtua ye la.
27“Mosisi mɛla ne se, ‘Mmasɛkye agyalɛ.’ 28Na mame mese: Awie biala mɔɔ kɛnlea sonla raalɛ huhunli nu la ɛnee ɔ nee ye ɛyɛ zɛhae ɛtane ne wɔ ye ahonle nu ɛwie. 29Ɔti saa ɛ nye fema ne bɔbɔ maa ɛbɔ zɛhae huhunli ɛbɛla ne a tu ye na to ye lɔ. Ɔle kpalɛ kɛ wɔ ebule kɛzɛkye ɔkɛdɛla kɛ wɔ sonla baka mumua ne kɛhɔ abɔnsam senle nu la. 30Na saa ɛ sa fema ne bɔbɔ maa ɛyɛ ɛtane a, pɛ ye ko! na fuandi to ye lɔ. Ɔle kpalɛ zɔhane ɔtɛla kɛ ɛkɛva wɔ sonla baka mumua ne ɛkɛhɔ abɔnsam senle nu la.
31“Mosisi mɛla ne se, ‘Saa awie biala kpondɛ kɛ ɔbɔ ɔ ye ewuole a, ɔkola ɔkɛlɛ aliyelɛ kɛlata ɔmaa ye.’ 32Na mese bɛ kɛ, awie biala mɔɔ ɔkɛbɔ ɔ ye ewuole wɔ melɛ mɔɔ ɔtɛbɔle adwɔmane ɛbɛla biala la maa ɔto agyalɛ ɛzɛkyelɛ mɛla. Yɛɛ awie biala mɔɔ kɛgya ye la ɔdaye ɔto zɛhae agyalɛ ɛzɛkyelɛ mɛla ne.
33“Bieko, Mosisi mɛla ne se, ‘Ɔnle kɛ ɛbu ɛ nye ɛgua wɔ ɛwɔkɛ biala mɔɔ ɛkɛbɔ Nana Nyamenle la azo, na emomu, ɔwɔ kɛ ɛdi bɛ muala azo.’ 34Na Mame mese: ‘Mmaka ndane biala! Anzɛɛ bɔbɔ kɛ ɛkɛha kɛ Meka Anwuma!’ ɔle Nana Nyamenle ndane kpole, ɔluakɛ Anwuma maanle ne le Nana Nyamenle Ye Belemgbunli Ebia. 35Na saa ɛka kɛ ‘Meka azɛlɛ ye!’ a, ɔle ndane kpole, ɔluakɛ azɛlɛ ye le Nana Nyamenle ɔ gyakɛ abo Ebia. Na mmaka ndane kɛ, ‘Meka Gyɛlusalɛm!’ ɔluakɛ Gyɛlusalɛm a le Belemgbunli kpole ne Ye suakpole a.
36“Mmaka ndane bɔbɔ ɛka kɛ, ‘Meka me ti!’ Ɔluakɛ ɛnrɛhola ɛnrɛhakyi enrinli ko bɔbɔ fufule anzɛɛ bile. 37Ka ye sikalɛ kɛ, ‘Ɛhɛe, mebayɛ’ anzɛɛ ‘Kyɛkyɛ, menrɛyɛ.’ Wɔ edwɛkɛ kpɔkɛ ko ne ala le kpalɛ. Saa ɛfa ndane ɛsua wɔ ɛwɔkɛ nzi a ɛnee ɔkile kɛ debie bie tɔ sinli.
38“Mosisi mɛla ne se, ‘Saa awie tu ɔ gɔnwo anye a, ɔwɔ kɛ bɛtu ye deɛ ne noko bɛsie ɔ bo zo. Saa awie tu ɛ nye a tu ahenle noko ɔdaye ye deɛ ne.’ 39Na akee mese bɛ kɛ: Bɛ nee amumuyɛvoma mmadwudwu! 40Saa awie nee wɔ kɔ edwɛkɛlilɛ ɛleka ne, na bɛdie wɔ anwuma tɛladeɛ ne a kpolo wɔ kootu ne noko boka nwo. 41Saa sogyama se kɛ ɛzoa bɛ mbulalɛndeɛ ne mɔ ɛ nee bɛ ɛhɔ mayɛlɛ ko bɔbɔ a, soa ɛ nee bɛ ɛhɔ mayɛlɛ nwiɔ. 42Mɔɔ sɛlɛ wɔ debie la fa maa ye, na mmakakyi ɛ nzi ɛsi bɛdabɛ mɔɔ bɛkpondɛ bosea bɛavi wɔ lɔ la.
43“Mɛla bie wɔ ɛkɛ mɔɔ se, ‘Kulo ɛ gɔnwo mɔ na kyi wɔ kpɔvolɛma.’ 44Na mame mese: Kulo wɔ kpɔvolɛma! Sɛlɛ maa bɛdabɛ mɔɔ bɛyɛ wɔ ayɛkayɛkadeɛ la. 45Na saa bɛyɛ ɛhye mɔ a yɛɛ ɛnee ɔkile kɛ amgba bɛle bɛ Ze ne mɔɔ wɔ Anwuma la amra a. Ɔluakɛ ɔfi ewia ɔmaa ɛtaneyɛvoma nee anwodelɛma amuala, na ɔtɔ ezule ɔmaa pɛpɛdivoma nee amumuyɛvoma noko. 46Saa ɛkulo bɛdabɛ mɔɔ bɛkulo wɔ la angomekye ala a, duzu nvasoɛ a wɔ zo a? Adwuledievolɛma ne mɔ bɔbɔ a yɛ ɛhye kpalɛ a. 47Na saa ɛkulo ɛ gɔnwo mɔ angomekye ala a, duzu ngakyile a wɔ wɔ nee bɛdabɛ mɔɔ ɛha la avinli a? Menli mɔɔ ɛnzonle Nana Nyamenle la bɔbɔ yɛ zɔ. 48Na bɛmɛ mɔ ɔwɔ kɛ bɛdi munli, kɛmɔ bɛ Ze ne mɔɔ wɔ anwuma la di munli la.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.