Mateyu 21
21
Gyisɛse ɛvo Gyɛlusalɛm
1Mɔɔ Gyisɛse nee ye ɛdoavolɛma ne mɔ bikyele Gyɛlusalɛm, na bɛdwule Bɛtefagye sua ne mɔɔ wɔ Boka Ɔlivi ne azo la, ɔzoanle ye ɛdoavolɛma ne mɔ anu nwiɔ wɔ namule ne mɔɔ wɔ bɛ nyunlu nehane la azo.
2Ɔzele bɛ kɛ “Mɔɔ ɔka ekyii na bɛadwu sua ne azo la, bɛbanwu afunlumu mɔɔ bɛhenda ye la kɛ ɔ nee ɔ ra bɛgyi ɛkɛ ne. Bɛzanyi bɛ na bɛva bɛ bɛrɛle me. 3Na saa awie biala biza bɛ nwolɛ edwɛkɛ a, bɛze kɛ, ‘Awulae hyia bɛ nwo,’ na edwɛkɛ biala noko ɛnrɛzi wɔ nwolɛ.”
4Bɛyɛle ɛhye amaa mɔɔ ngapezoma ne mɔ hanle dole ɛkɛ dɛbadɛba la ali munli kɛ, 5“Bɛha bɛhile Zayɔn amra. Bɛnlea, bɛ belemgbunli ne ɛlɛba bɛ nwo ɛkɛ, ɔle mɛlɛbɛnwoazenli, na ɔde afunlumu, nee afunlumu mɔɔ soa debie la ralɛ anwo zo!”
6Ɛdoavolɛma nwiɔ ne yɛle mɔɔ Gyisɛse hanle la, 7na bɛvale nane ne mɔ bɛrɛlɛle ye, na bɛvale bɛ adɛladeɛ ne mɔ bɛguale afunlumu ralɛ ne azo kɛ ɔdɛnla zo ɔha. 8Na bie mɔ noko mɔɔ wɔ menli dɔɔnwo ne anu la vale bɛ adɛladeɛ ne mɔ sesɛle adenle ne anu lumuale ɔ nyunlu, na bie mɔ noko bubule mrɛlakɛ nwɔhanle bɛ lumuale ɔ nyunlu.
9Akee menli dɔɔnwo ne bie mɔ lile ɔ nzi, yɛɛ bie mɔ noko lile ɔ nyunlu, na bɛdeɛdeanle nu bɛzele kɛ, “Nana Nyamenle ɛyila Belemgbunli Devidi Ara ne!” “Bɛye ye ayɛlɛ!” “Nyamenle Sonla ɛra ɛke!” “Nyilalɛ ɛha Awulae!” “Nyilalɛ ɛha Nyamenle wɔ anwuma!”
10Na mɔɔ ɔvole Gyɛlusalɛm la sua ne azo amuala yɛle begyebegye zɛhae. Na bɛbizale kɛ, “Nwane a le ɛhye?”
11Na menli dɔɔnwo ne buale kɛ, “Kapezonli Gyisɛse, mɔɔ vi Nazalɛte mɔɔ wɔ Galeli la ɔ.”
12Gyisɛse hɔle Asɔne Sua Kpole ne anu, na ɔdule guadivoma ne mɔ, na ɔbubule ezukoa senzavolɛma ne mɔ ɛkponle ne mɔ na ɔdudule menli mɔɔ tɔne aabule la kpɔda ne mɔ.
13Akee ɔzele bɛ kɛ, “Nyamedwɛkɛ ne kile kɛ me Asɔne Sua Kpole ne le nzɛlɛlɛ ɛleka, noko akee bɛmɛ bɛhakyi ye bɛyɛ ye nwulema sua.”
14Na anyezinliravolɛma nee abuburavolɛma rale ɔ nwo ɛkɛ ne wɔ Asɔne Sua Kpole ne anu na ɔyɛle bɛ ayile. 15Na mɔɔ azɛlɛvolɛ mgbanyima ne mɔ nee Dwuuma mgbanyima ne mɔ nwunle nwanwanendeɛ ne mɔ, na bɛdele kɛ ngakula ngyikyi ngyikyi ne bɔbɔ ɛlɛteɛdea nu aze kɛ, “Nyilalɛ ɛha Devidi Ara ne” la, bɛ adwenle yɛle bɛ sesakaa zɛhae, na bɛnyianle ɛya na bɛbizale ye kɛ, “Asoo ɛnde mɔɔ ngakula ɛhye mɔ ɛlɛka la ɔ?”
16Gyisɛse buale bɛ kɛ, “Ɛhɛe!” Na ɔbizale bɛ kɛ, “Bɛtɛkengale Nyamedwɛkɛ ne ɛlɛ ɔ? Ɔluakɛ, bɛse ‘Ngakula bɔbɔ bayeyɛ ye!’”
17Akee ɔziale ɔhɔle Bɛtani, na ɛkɛ ne yɛɛ ɔlale a.
18Nwonlomɔ ne mɔɔ ɔsia yeahɔ Gyɛlusalɛm la, ɛhɔne hunle ye, 19na ɔnwunle dɔma baka bie kɛ ɔgyi adenle ne foa ko. Ɔhɔle nwolɛ kɛ ɔkanlea kɛ saa ɔkɛnyia ma ne bie ɔkɛli a, na nya ngome a ɔnwunle ye a. Akee ɔzele baka ne kɛ, “Mmaso ma bieko!” Na yeangyɛ biala dɔma baka ne nwosonle.
20Ɔyɛle ɛdoavolɛma ne mɔ azibɛnwo totohyia kpalɛ na bɛbizale kɛ, “Kɛ ɔyɛle mɔɔ dɔma baka ne nwosonle ɛkɛ ne ala ɛ?”
21Gyisɛse akee zele bɛ kɛ “Nɔhalɛ, saa bɛlɛ diedi mɔɔ le kpundii kpalɛ, na bɛnzu kpolera a, anrɛɛ bɛbahola bɛayɛ ninyɛne mɔɔ le kɛ ɛhye nee mɔɔ tɛla ye la bɔbɔ. Anrɛɛ bɛbahola bɛaze Boka Ɔlivi ne kɛ, ‘Tudu kɔgua Nyevile nu,’ na ɔbayɛ zɔ noko. 22Na debie biala mɔɔ bɛkɛlua diedi zo bɛkɛbiza wɔ asɔneyɛlɛ nu la, bɛ sa baha ye.”
Dwuuma mgbanyima ɛzɔ Gyisɛse ɛnlea
23Mɔɔ ɔziale ɔhɔle Asɔne Sua Kpole ne anu na ɔlɛkilehile debie la, azɛlɛvolɛ mgbanyima ne mɔ nee Dwuuma mgbanyima ne mɔ bie rale ɔ nwo ɛkɛ ne na bɛbizale ye kɛ, “Nwane tumi nu yɛɛ ɛlua ɛlɛdi zɛhae gyima ne a? Na nwane bɔbɔ yɛɛ maanle wɔ tumi ne a?”
24Gyisɛse buale bɛ kɛ, “Saa bɛdumua bɛye kpuyia ko mɔɔ mebabiza bɛ la anloa a, medame noko mebaye bɛ deɛ ne anloa meamaa bɛ.” 25Gyisɛse akee bizale bɛ kɛ, “Nienwu yɛɛ Dwɔn Sɔnevolɛ ne vi a? Nyamenle yɛɛ zoanle ye, anzɛɛ tɛ Ye ɔ?” Bɛzule bɛ nwo kpolera dedee na bɛzele kɛ, “Saa yɛka kɛ ‘Nana Nyamenle yɛɛ zoanle ye a’ akee ɔbabiza kɛ, ɛnee duzu ati a akee yɛanlie Dwɔn yɛanli a? 26Na saa yɛanga kɛ Nana Nyamenle yɛɛ zoanle ye a, menli ne kɛdu kɛfonyia yɛ nwo zo, ɔluakɛ, bɛ kosooti bɛdwenle kɛ ɔle kapezonli.” Ɛhye ati akee bɛbuale ye bɛzele kɛ “Yɛnze!”
27Na Gyisɛse noko zele bɛ kɛ, “Ɛnee medame noko menrɛye bɛ kpuyia deɛ ne anloa.
28“Na kɛ bɛ adwenle se bɛ wɔ ɛhye anwo ɛ? Nrenyia bie mɔɔ lɛ mralɛ mrenyia nwiɔ la zele nuhua koatee ne kɛ, ‘Me ra, kɔ na kɔyɛ gyima wɔ ɛya nu lɔ ɛnɛ.’ 29Ɔbuale ye kɛ, ‘Menrɛhɔ,’ na nzinlii akee ɔhakyile ye adwenle na ɔhɔle. 30Akee selɛ ne zele ɔ ra ekyi ne kɛ, ‘Ɛdawɔ noko kɔ!’ na ɔdaye noko ɔzele ɔ ze kɛ, ‘Egya, mede, mebahɔ!’ Noko akee yeangɔ.
31“Mediema nwiɔ ɛhye mɔ anu boni a lile ɔ ze edwɛkɛ zo a?” Bɛbuale ye kɛ, “Koatee ne ɔ.” Akee Gyisɛse hilele ye adawu ne abo hilele bɛ: “Nɔhalɛ, ɛtanevolɛma nee mraalɛ mɔɔ bɔ huhunli ɛbɛla la balumua adwu Anwuma belemgbunli maanle ne anu kolaa na bɛmɛ bɛadwu. 32Ɔluakɛ, Dwɔn Sɔnevolɛ ne zele bɛ kɛ bɛnlu bɛ nwo na bɛkpo Nana Nyamenle abo zo, noko akee bɛanyɛ wɔ melɛ mɔɔ ɛtanevolɛma nee mraalɛ mɔɔ bɔ huhunli ɛbɛla la yɛle la. Na mɔɔ bɛnwunle ɛhye mɔ bɔbɔ kɛ ɔlɛsisi la, bɛmɛ bɛkpole kɛ bɛkɛnlu bɛ nwo, na ɛhye noko ati bɛanlie bɛanli.
33“Akee bɛdie adawu ɛhye ɛ: Azɛlɛmenle bie yɛle ye nwanye tola na ɔhyele nwolɛ ɛhane, na ɔzile kpɔda ɔmaanle sinzavolɛ ne mɔɔ banlea zo la, na akee ɔvale ɔmaanle ɛkpavoma mɔɔ bayɛ na ɔ nee bɛ ahyɛ la, na akee ɔdule ɔhɔdɛnlanle maanle gyɛne nu.
34“Na mekɛ mɔɔ bɛfa bɛte ma dwule la, ɔzoanle ye menli mɔɔ gyi ɔ gyakɛ anu la wɔ ɛkpavoma ne anwo lɔ kɛ bɛhɔlie ye afoa nu deɛ bɛrɛlɛ ye. 35Na ɛkpavoma ne mɔ tetale ye menli ne mɔ ɛkɛ ne, bɛbole ko, na bɛhunle ko, na bɛzile ko noko awolɛ.
36“Akee ɔzoanle ye menli ne ekpunli kpole kpalɛ ko kɛ bɛhɔlie ye afoa nu deɛ bɛrɛlɛ ye, noko akee ɔla dɛba ne ɛdeɛ ne anwo. 37Amozi ye, azɛlɛmenle ne zoanle ɔdaye mumua ne ɔ kunlu ralɛ nrenyia, na ɔdwenlenle kɛ amgba bɛkɛbu ye bie.
38“Na mɔɔ ɛkpavoma ɛhye mɔ nwunle nrenyia ne ara ne kɛ ɔlɛba la, bɛzele bɛ nwo kɛ, ‘Se koliagya ne a ɛlɛba la; bɛrɛla, bɛmaa yɛhu ye na yɛ sa aha ye agyapadeɛ ne!’ 39Ɔti bɛhwilele ye aze bɛvile nwanye tola ne anu na bɛhunle ye.
40“Akee saa azɛlɛmenle ne ba a duzu debie a bɛdwenle kɛ ɔbava yeayɛ ɛkpavoma ɛhye mɔ a?” 41Dwuuma mgbanyima ne mɔ buale kɛ, “Ɔbamaa zɛhae menli amumuyɛvoma ɛhye mɔ awu ayɛkayɛkadeɛ ewule, na yeava nwanye tola ne yeamaa menli mɔɔ kɛva ye afoa nu deɛ kɛmaa ye ndɛndɛ la.”
42Akee Gyisɛse bizale bɛ kɛ, “Bɛtɛkengale ye wɔ Nyamedwɛkɛ ne anu ɛlɛ kɛ, ‘Bolɛ ne mɔɔ suasivoma ne kpole ye la, yemɔ yɛɛ akee rayɛle ayia zo bolɛ mɔɔ akee hyia tɛla awolɛ ne mɔ amuala la ɔ?’ Ɛhye le Awulae nyɛleɛ; na ɔyɛ nwanwane wɔ yɛ nye zo!
43“Mɔɔ meka meahile bɛ la a le kɛ, bɛbalie Anwuma belemgbunli maanle ne bɛavi bɛ ɛkɛ ne, na bɛava bɛamaa maanle mɔɔ kɛva Nana Nyamenle ye ɛya ne anu ninyɛne ne afoa nu ɛdeɛ kɛmaa ye la. 44Awie biala mɔɔ kɛfofo zɛhae nɔhalɛ bolɛ ye azo la ɔbabubu, na bɛdabɛ noko mɔɔ ɔkɛbubu ɔkɛgua bɛ nwo zo la bɛbazande kɛ munlutu la.”
45Mɔɔ azɛlɛvolɛ mgbanyima ne mɔ nee Dwuuma mgbanyima ne mɔ nwunle kɛ bɛ nwo edwɛkɛ a Gyisɛse ɛlɛka kɛ bɛmɛ a bɛle ɛkpavoma ne mɔ mɔɔ bɛwɔ ye adawu ne anu la, 46bɛnyianle adwenle kɛ bɛkye ye, noko akee bɛzulole kɛ bɛkɛhye ye ɔlua menli dɔɔnwo ekpunli ekpunli ne ati, ɔluakɛ, bɛliele Gyisɛse bɛdole nu kɛ ɔle kapezonli.
လက္ရွိေရြးခ်ယ္ထားမွု
Mateyu 21: ONEN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mateyu 21
21
Gyisɛse ɛvo Gyɛlusalɛm
1Mɔɔ Gyisɛse nee ye ɛdoavolɛma ne mɔ bikyele Gyɛlusalɛm, na bɛdwule Bɛtefagye sua ne mɔɔ wɔ Boka Ɔlivi ne azo la, ɔzoanle ye ɛdoavolɛma ne mɔ anu nwiɔ wɔ namule ne mɔɔ wɔ bɛ nyunlu nehane la azo.
2Ɔzele bɛ kɛ “Mɔɔ ɔka ekyii na bɛadwu sua ne azo la, bɛbanwu afunlumu mɔɔ bɛhenda ye la kɛ ɔ nee ɔ ra bɛgyi ɛkɛ ne. Bɛzanyi bɛ na bɛva bɛ bɛrɛle me. 3Na saa awie biala biza bɛ nwolɛ edwɛkɛ a, bɛze kɛ, ‘Awulae hyia bɛ nwo,’ na edwɛkɛ biala noko ɛnrɛzi wɔ nwolɛ.”
4Bɛyɛle ɛhye amaa mɔɔ ngapezoma ne mɔ hanle dole ɛkɛ dɛbadɛba la ali munli kɛ, 5“Bɛha bɛhile Zayɔn amra. Bɛnlea, bɛ belemgbunli ne ɛlɛba bɛ nwo ɛkɛ, ɔle mɛlɛbɛnwoazenli, na ɔde afunlumu, nee afunlumu mɔɔ soa debie la ralɛ anwo zo!”
6Ɛdoavolɛma nwiɔ ne yɛle mɔɔ Gyisɛse hanle la, 7na bɛvale nane ne mɔ bɛrɛlɛle ye, na bɛvale bɛ adɛladeɛ ne mɔ bɛguale afunlumu ralɛ ne azo kɛ ɔdɛnla zo ɔha. 8Na bie mɔ noko mɔɔ wɔ menli dɔɔnwo ne anu la vale bɛ adɛladeɛ ne mɔ sesɛle adenle ne anu lumuale ɔ nyunlu, na bie mɔ noko bubule mrɛlakɛ nwɔhanle bɛ lumuale ɔ nyunlu.
9Akee menli dɔɔnwo ne bie mɔ lile ɔ nzi, yɛɛ bie mɔ noko lile ɔ nyunlu, na bɛdeɛdeanle nu bɛzele kɛ, “Nana Nyamenle ɛyila Belemgbunli Devidi Ara ne!” “Bɛye ye ayɛlɛ!” “Nyamenle Sonla ɛra ɛke!” “Nyilalɛ ɛha Awulae!” “Nyilalɛ ɛha Nyamenle wɔ anwuma!”
10Na mɔɔ ɔvole Gyɛlusalɛm la sua ne azo amuala yɛle begyebegye zɛhae. Na bɛbizale kɛ, “Nwane a le ɛhye?”
11Na menli dɔɔnwo ne buale kɛ, “Kapezonli Gyisɛse, mɔɔ vi Nazalɛte mɔɔ wɔ Galeli la ɔ.”
12Gyisɛse hɔle Asɔne Sua Kpole ne anu, na ɔdule guadivoma ne mɔ, na ɔbubule ezukoa senzavolɛma ne mɔ ɛkponle ne mɔ na ɔdudule menli mɔɔ tɔne aabule la kpɔda ne mɔ.
13Akee ɔzele bɛ kɛ, “Nyamedwɛkɛ ne kile kɛ me Asɔne Sua Kpole ne le nzɛlɛlɛ ɛleka, noko akee bɛmɛ bɛhakyi ye bɛyɛ ye nwulema sua.”
14Na anyezinliravolɛma nee abuburavolɛma rale ɔ nwo ɛkɛ ne wɔ Asɔne Sua Kpole ne anu na ɔyɛle bɛ ayile. 15Na mɔɔ azɛlɛvolɛ mgbanyima ne mɔ nee Dwuuma mgbanyima ne mɔ nwunle nwanwanendeɛ ne mɔ, na bɛdele kɛ ngakula ngyikyi ngyikyi ne bɔbɔ ɛlɛteɛdea nu aze kɛ, “Nyilalɛ ɛha Devidi Ara ne” la, bɛ adwenle yɛle bɛ sesakaa zɛhae, na bɛnyianle ɛya na bɛbizale ye kɛ, “Asoo ɛnde mɔɔ ngakula ɛhye mɔ ɛlɛka la ɔ?”
16Gyisɛse buale bɛ kɛ, “Ɛhɛe!” Na ɔbizale bɛ kɛ, “Bɛtɛkengale Nyamedwɛkɛ ne ɛlɛ ɔ? Ɔluakɛ, bɛse ‘Ngakula bɔbɔ bayeyɛ ye!’”
17Akee ɔziale ɔhɔle Bɛtani, na ɛkɛ ne yɛɛ ɔlale a.
18Nwonlomɔ ne mɔɔ ɔsia yeahɔ Gyɛlusalɛm la, ɛhɔne hunle ye, 19na ɔnwunle dɔma baka bie kɛ ɔgyi adenle ne foa ko. Ɔhɔle nwolɛ kɛ ɔkanlea kɛ saa ɔkɛnyia ma ne bie ɔkɛli a, na nya ngome a ɔnwunle ye a. Akee ɔzele baka ne kɛ, “Mmaso ma bieko!” Na yeangyɛ biala dɔma baka ne nwosonle.
20Ɔyɛle ɛdoavolɛma ne mɔ azibɛnwo totohyia kpalɛ na bɛbizale kɛ, “Kɛ ɔyɛle mɔɔ dɔma baka ne nwosonle ɛkɛ ne ala ɛ?”
21Gyisɛse akee zele bɛ kɛ “Nɔhalɛ, saa bɛlɛ diedi mɔɔ le kpundii kpalɛ, na bɛnzu kpolera a, anrɛɛ bɛbahola bɛayɛ ninyɛne mɔɔ le kɛ ɛhye nee mɔɔ tɛla ye la bɔbɔ. Anrɛɛ bɛbahola bɛaze Boka Ɔlivi ne kɛ, ‘Tudu kɔgua Nyevile nu,’ na ɔbayɛ zɔ noko. 22Na debie biala mɔɔ bɛkɛlua diedi zo bɛkɛbiza wɔ asɔneyɛlɛ nu la, bɛ sa baha ye.”
Dwuuma mgbanyima ɛzɔ Gyisɛse ɛnlea
23Mɔɔ ɔziale ɔhɔle Asɔne Sua Kpole ne anu na ɔlɛkilehile debie la, azɛlɛvolɛ mgbanyima ne mɔ nee Dwuuma mgbanyima ne mɔ bie rale ɔ nwo ɛkɛ ne na bɛbizale ye kɛ, “Nwane tumi nu yɛɛ ɛlua ɛlɛdi zɛhae gyima ne a? Na nwane bɔbɔ yɛɛ maanle wɔ tumi ne a?”
24Gyisɛse buale bɛ kɛ, “Saa bɛdumua bɛye kpuyia ko mɔɔ mebabiza bɛ la anloa a, medame noko mebaye bɛ deɛ ne anloa meamaa bɛ.” 25Gyisɛse akee bizale bɛ kɛ, “Nienwu yɛɛ Dwɔn Sɔnevolɛ ne vi a? Nyamenle yɛɛ zoanle ye, anzɛɛ tɛ Ye ɔ?” Bɛzule bɛ nwo kpolera dedee na bɛzele kɛ, “Saa yɛka kɛ ‘Nana Nyamenle yɛɛ zoanle ye a’ akee ɔbabiza kɛ, ɛnee duzu ati a akee yɛanlie Dwɔn yɛanli a? 26Na saa yɛanga kɛ Nana Nyamenle yɛɛ zoanle ye a, menli ne kɛdu kɛfonyia yɛ nwo zo, ɔluakɛ, bɛ kosooti bɛdwenle kɛ ɔle kapezonli.” Ɛhye ati akee bɛbuale ye bɛzele kɛ “Yɛnze!”
27Na Gyisɛse noko zele bɛ kɛ, “Ɛnee medame noko menrɛye bɛ kpuyia deɛ ne anloa.
28“Na kɛ bɛ adwenle se bɛ wɔ ɛhye anwo ɛ? Nrenyia bie mɔɔ lɛ mralɛ mrenyia nwiɔ la zele nuhua koatee ne kɛ, ‘Me ra, kɔ na kɔyɛ gyima wɔ ɛya nu lɔ ɛnɛ.’ 29Ɔbuale ye kɛ, ‘Menrɛhɔ,’ na nzinlii akee ɔhakyile ye adwenle na ɔhɔle. 30Akee selɛ ne zele ɔ ra ekyi ne kɛ, ‘Ɛdawɔ noko kɔ!’ na ɔdaye noko ɔzele ɔ ze kɛ, ‘Egya, mede, mebahɔ!’ Noko akee yeangɔ.
31“Mediema nwiɔ ɛhye mɔ anu boni a lile ɔ ze edwɛkɛ zo a?” Bɛbuale ye kɛ, “Koatee ne ɔ.” Akee Gyisɛse hilele ye adawu ne abo hilele bɛ: “Nɔhalɛ, ɛtanevolɛma nee mraalɛ mɔɔ bɔ huhunli ɛbɛla la balumua adwu Anwuma belemgbunli maanle ne anu kolaa na bɛmɛ bɛadwu. 32Ɔluakɛ, Dwɔn Sɔnevolɛ ne zele bɛ kɛ bɛnlu bɛ nwo na bɛkpo Nana Nyamenle abo zo, noko akee bɛanyɛ wɔ melɛ mɔɔ ɛtanevolɛma nee mraalɛ mɔɔ bɔ huhunli ɛbɛla la yɛle la. Na mɔɔ bɛnwunle ɛhye mɔ bɔbɔ kɛ ɔlɛsisi la, bɛmɛ bɛkpole kɛ bɛkɛnlu bɛ nwo, na ɛhye noko ati bɛanlie bɛanli.
33“Akee bɛdie adawu ɛhye ɛ: Azɛlɛmenle bie yɛle ye nwanye tola na ɔhyele nwolɛ ɛhane, na ɔzile kpɔda ɔmaanle sinzavolɛ ne mɔɔ banlea zo la, na akee ɔvale ɔmaanle ɛkpavoma mɔɔ bayɛ na ɔ nee bɛ ahyɛ la, na akee ɔdule ɔhɔdɛnlanle maanle gyɛne nu.
34“Na mekɛ mɔɔ bɛfa bɛte ma dwule la, ɔzoanle ye menli mɔɔ gyi ɔ gyakɛ anu la wɔ ɛkpavoma ne anwo lɔ kɛ bɛhɔlie ye afoa nu deɛ bɛrɛlɛ ye. 35Na ɛkpavoma ne mɔ tetale ye menli ne mɔ ɛkɛ ne, bɛbole ko, na bɛhunle ko, na bɛzile ko noko awolɛ.
36“Akee ɔzoanle ye menli ne ekpunli kpole kpalɛ ko kɛ bɛhɔlie ye afoa nu deɛ bɛrɛlɛ ye, noko akee ɔla dɛba ne ɛdeɛ ne anwo. 37Amozi ye, azɛlɛmenle ne zoanle ɔdaye mumua ne ɔ kunlu ralɛ nrenyia, na ɔdwenlenle kɛ amgba bɛkɛbu ye bie.
38“Na mɔɔ ɛkpavoma ɛhye mɔ nwunle nrenyia ne ara ne kɛ ɔlɛba la, bɛzele bɛ nwo kɛ, ‘Se koliagya ne a ɛlɛba la; bɛrɛla, bɛmaa yɛhu ye na yɛ sa aha ye agyapadeɛ ne!’ 39Ɔti bɛhwilele ye aze bɛvile nwanye tola ne anu na bɛhunle ye.
40“Akee saa azɛlɛmenle ne ba a duzu debie a bɛdwenle kɛ ɔbava yeayɛ ɛkpavoma ɛhye mɔ a?” 41Dwuuma mgbanyima ne mɔ buale kɛ, “Ɔbamaa zɛhae menli amumuyɛvoma ɛhye mɔ awu ayɛkayɛkadeɛ ewule, na yeava nwanye tola ne yeamaa menli mɔɔ kɛva ye afoa nu deɛ kɛmaa ye ndɛndɛ la.”
42Akee Gyisɛse bizale bɛ kɛ, “Bɛtɛkengale ye wɔ Nyamedwɛkɛ ne anu ɛlɛ kɛ, ‘Bolɛ ne mɔɔ suasivoma ne kpole ye la, yemɔ yɛɛ akee rayɛle ayia zo bolɛ mɔɔ akee hyia tɛla awolɛ ne mɔ amuala la ɔ?’ Ɛhye le Awulae nyɛleɛ; na ɔyɛ nwanwane wɔ yɛ nye zo!
43“Mɔɔ meka meahile bɛ la a le kɛ, bɛbalie Anwuma belemgbunli maanle ne bɛavi bɛ ɛkɛ ne, na bɛava bɛamaa maanle mɔɔ kɛva Nana Nyamenle ye ɛya ne anu ninyɛne ne afoa nu ɛdeɛ kɛmaa ye la. 44Awie biala mɔɔ kɛfofo zɛhae nɔhalɛ bolɛ ye azo la ɔbabubu, na bɛdabɛ noko mɔɔ ɔkɛbubu ɔkɛgua bɛ nwo zo la bɛbazande kɛ munlutu la.”
45Mɔɔ azɛlɛvolɛ mgbanyima ne mɔ nee Dwuuma mgbanyima ne mɔ nwunle kɛ bɛ nwo edwɛkɛ a Gyisɛse ɛlɛka kɛ bɛmɛ a bɛle ɛkpavoma ne mɔ mɔɔ bɛwɔ ye adawu ne anu la, 46bɛnyianle adwenle kɛ bɛkye ye, noko akee bɛzulole kɛ bɛkɛhye ye ɔlua menli dɔɔnwo ekpunli ekpunli ne ati, ɔluakɛ, bɛliele Gyisɛse bɛdole nu kɛ ɔle kapezonli.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.