MALAKO 1
1
Eleho e Yoane Mobatisi
(Endja pongono ta Mat 3, 1-12; Luk 3, 1-18; Yoa 1, 19-28)
1Mbangi e Bwɛndi Bopele bo Yesu Kilito, Mwana o Ndjakomba#1, 1 Makomi makina maditi na kombe Mwana o Ndjakomba., 2elenge ekomama ta buku e mbaeli o Ndjakomba Isaya:
«Nalomake moto o mbi o elomu boso bo wɛ,
tine bobɔngedja ndjea.
3Edi yona adumbeaka ta etengelenge:
Bɔngedjani ndjea e Kumu,
ninodjani ndjea e nde bodjo.#1, 3 Isa 40, 3»
4Na bea, Yoane adaka ta etengelenge; ko adaka adumbea. Hombedjani milema mi bino, inamani, bɛngi Ndjakomba aoyɛni mabe ma bino!#1, 4 Yoane Mobatisi... Makomi makina mabalaka boo Yoane adaka ta etengelenge; abatisaka ko alehaka. Hombedjani milema Ta makomi makina Hombedjani mida Kaoko Kinani mabe. 5Bato basusu ba mokpɔtɔ mo Yudea ko ba Yelusalɛmɛ bakɛkɛ adi yo; badimaka bohu mabe ma bobo ko Yoane abainaka ta duwa e Yolodane. 6Yoane alwaka esendja etonga bo na ngungi i tito o kamela ko na mosenge mopipo ta bongo bo nde#1, 6 Endja pongono ta Bak o babae 1, 8.; adaka boyaka ndoko ko na pɔki i esika. 7Adaka botɔndea bato: «Yona aduake ngɔngɔ i mbi anɔini na sueya; naboaniti bosunama tine bolodja ngɔli i sapato i nde. 8Mbi, noinakani na madiba, endolo yo, aonabini na Mwembo Mosɛnɔke.»
Inelo ko bomekama bo Yesu
(Endja pongono ta Mat 3, 13; 4, 11; Luk 3, 21-22; 4, 1-13)
9Na bea, Yesu ahulaka ta Nasaleta, ibonga i Galilea ko ainamaka na Yoane ta duwa e Yolodane. 10Ta boduboa bo nde ta madiba, aenɛ busa bodipoama ko Mwembo Mosɛnɔke atita adi yo elenge embenga. 11Ko kɔpi eokamaka donga ta busa: «Odi mwana o mbi oepaeli; nasepi na wɛ mɛnɛ#1, 11 Bokokanedja na Ndj 2, 7; Isa 42, 1..»
12Na mbala emɔti, Mwembo amolomaka ta etengelenge. 13Yesu adikamaka oho masu tuku inɛi ko amekamaka na satana. Adaka na tito ba esika ko babwɛndji bamokɔmedjaka.
Yesu abei baowoi ba swi banɛi
(Endja pongono ta Mat 4, 12-22; Luk 4, 14-15; 5, 1-11)
14Ngɔngɔ i boisa Yoane ta bɔlɔkɔ#1, 14 Yoa aisami ta bɔlɔkɔ Edaka Yoane Mobatisi. Endja 6, 17., Yesu akɛkɛ ta Galilea; alehaka Bwɛndi Bopele bo Ndjakomba. 15Ko adaka abala: «Ehole eboani, ko bokumu bo Ndjakomba bobatami! Sɔmbɔtɔnɔni milema#1, 15 Sɔmbɔtɔnɔni milema Ta makomi makina Sɔmbɔtɔnɔni mida Kaoko Kinani mabe. ko dimani Bwɛndi Bopele!» 16Busa bomɔti, Yesu anɔkɔ ta mokula mo ibeke ibonga i Galilea. Ena aenɛkɛ baowoi babae ba swi, Simo na Andele, ibadaka badumba midjanga mi bobo ta ibeke. 17Yesu abalaka na bu: «Kimanini ko noimedjakeni bahombi ba bato.» 18Na mbala emɔti, bakinaka midjanga mi bobo ko bamokimanaka. 19Yesu asadaledjaka moohali ko aenɛkɛ Djake na mwange e nde Yoane, bana ba Djebede, ibadaka pongono ta bwato, babɔngedja midjanga mi bobo. 20Na mbala emɔti Yesu ababeaka; bakinaka sange e bobo Djebede ta bwato na basali; ko bakɛkɛ na Yesu.
Momi odaka na mwembo mobe
(Endja pongono ta Luk 4, 31-37)
21Yesu na batingami ba nde bakɛkɛ ta ibonga i Kapalanauma. Ta busa bo sabata, Yesu akweaka ta sinagoga ko abangaka boleha. 22Bato i bamohokamedjaka bakamoaka na mondumba mo boleha bo nde; tengasa alehaka elenge moto odi na kpatsi endolo te elenge balehi ba mobeko. 23Na bea, ta sinagoga, momi omɔti atungeamaka na mwembo mobe. Alɛbɛkɛ: 24«Yesu o Nasaleta, tina ndani okwɛi ta midjɔ mi biso? Odoi tine bolowa? Nodjebaka bopele mɛnɛ: Mosɛnɔke olomama na Ndjakomba!» 25Yesu amogameaka ko abalaka: «Pɔpɔnɔ ko ima adi momi yo!» 26Mwembo mobe mopukusaka momi omina na ngulu mɛnɛ ko moimaka na bolɛbɛ. 27Bato basusu bakamoaka ko basahɔdjɔkɔ: «Iye nde! Eleho eyanie alehamaka na kpatsi! Agameaka miembo mibe ko mimosumaka!» 28Ko na mbala emɔti gala e Yesu enanganaka ta mabonga masusu ma Galilea.
Yesu aheledji bato ba bipeko
(Endja pongono ta Mat 8, 14-17; Luk 4, 38-41)
29Ta boima bo nde ta sinagoga, Yesu akɛkɛ na Djake engbanga na Yoane ta ndako e Simo ko Andele. 30Bokiyo bo Simo adaka asambi ta bokaki, tengasa apekaka na pɛpɛlɛ; mbala emɔti bapaka Yesu gala tine e nde. 31Yesu abatamaka mbuti na nde, amopeaka ta ebɔ ko amangɔdjɔkɔ; pɛpɛlɛ esiaka na nde na bea asapaka tine bobakɔmedja.
32Yana aimeaka mɔmɔkɔ, ngɔngɔ ibosama bo modakabusa, balwɛkɛ Yesu bato ba bipeko ko na bia ibadaka na miembo mibe. 33Bato basusu ba ibonga badaka baboli ta boso bo ekukɛ e ndako. 34Yesu aheledjaka bato banɛnɛ ba bipeko, ibadaka na biego tungu na tungu. Abenganaka miembo mibe minɛnɛ, aipaka miembo mibe ndjea e bobala, tengasa amidjebaka.
Yesu akɛi ta Galilea
(Endja pongono ta Luk 4, 42-44)
35Ehuma na hindihindi, angɔkɔ ko aimaka akɛkɛ ta etengelenge oho tine bongɔnɔ. 36Simo engbanga na binande bamohombaka. 37Ehole emoenɛbo, babalaka na nde: «Bato basusu bohombaka.» 38Endolo Yesu abasɔmbedjaka: «Lokɛni ta pamba ekina, ta mabonga ma mbuti mbuti. Na bea natungi nalehe Bwɛndi Bopele pongono oho, tengasa edi tina edua mbi.» 39Ko na bea, akɛkɛ ta ibonga i Galilea isusu; alehaka Bwɛndi Bopele ta sinagoga i bobo ko abenganaka miembo mibe.
Yesu aheledji moto o mabha
(Endja pongono ta Mat 8, 1-4; Luk 5, 12-16)
40Moto omɔti o mabha aduaka adi Yesu, akwaka magbundɔ ko amongɔnɔkɔ: «Okapala, oboani bosɛnodjani!» 41Yesu amokeaka ndjokwa#1, 41 Amokeya ndjokwa Ta makomi makina Aluma na kɛlɛ na nde.; aninodjaka ebɔ, amobɛndjɛkɛ ko abalaka: «Napali, sɛnoa!» 42Na mbala emɔti, mabha masiaka na momi omina ko asɛnoaka. 43Na mbala emɔti, Yesu amoyanedjaka, amosiaka; 44Ko abalaka na nde: «Pɛ botɔndea moto, endolo kɛ asinedje adi nganga o Ndjakomba ko pa ikabo tine bosɛnoa bo wɛ elenge ekoma Mose, adake tati ta tina e bobo#1, 44 Endja pongono ta Lew 14, 2-32..» 45Endolo yo, ta iyane i nde abalaka gala emina ta bisika bisusu, midjɔ mi moimeaka. Na tina emina, Yesu aibɔngɔkɔ bosinedja ta mabonga manɛnɛ; adikamaka sokolu ta etengelenge ko na bea bato baduaka adi yo.
လက္ရွိေရြးခ်ယ္ထားမွု
MALAKO 1: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
MALAKO 1
1
Eleho e Yoane Mobatisi
(Endja pongono ta Mat 3, 1-12; Luk 3, 1-18; Yoa 1, 19-28)
1Mbangi e Bwɛndi Bopele bo Yesu Kilito, Mwana o Ndjakomba#1, 1 Makomi makina maditi na kombe Mwana o Ndjakomba., 2elenge ekomama ta buku e mbaeli o Ndjakomba Isaya:
«Nalomake moto o mbi o elomu boso bo wɛ,
tine bobɔngedja ndjea.
3Edi yona adumbeaka ta etengelenge:
Bɔngedjani ndjea e Kumu,
ninodjani ndjea e nde bodjo.#1, 3 Isa 40, 3»
4Na bea, Yoane adaka ta etengelenge; ko adaka adumbea. Hombedjani milema mi bino, inamani, bɛngi Ndjakomba aoyɛni mabe ma bino!#1, 4 Yoane Mobatisi... Makomi makina mabalaka boo Yoane adaka ta etengelenge; abatisaka ko alehaka. Hombedjani milema Ta makomi makina Hombedjani mida Kaoko Kinani mabe. 5Bato basusu ba mokpɔtɔ mo Yudea ko ba Yelusalɛmɛ bakɛkɛ adi yo; badimaka bohu mabe ma bobo ko Yoane abainaka ta duwa e Yolodane. 6Yoane alwaka esendja etonga bo na ngungi i tito o kamela ko na mosenge mopipo ta bongo bo nde#1, 6 Endja pongono ta Bak o babae 1, 8.; adaka boyaka ndoko ko na pɔki i esika. 7Adaka botɔndea bato: «Yona aduake ngɔngɔ i mbi anɔini na sueya; naboaniti bosunama tine bolodja ngɔli i sapato i nde. 8Mbi, noinakani na madiba, endolo yo, aonabini na Mwembo Mosɛnɔke.»
Inelo ko bomekama bo Yesu
(Endja pongono ta Mat 3, 13; 4, 11; Luk 3, 21-22; 4, 1-13)
9Na bea, Yesu ahulaka ta Nasaleta, ibonga i Galilea ko ainamaka na Yoane ta duwa e Yolodane. 10Ta boduboa bo nde ta madiba, aenɛ busa bodipoama ko Mwembo Mosɛnɔke atita adi yo elenge embenga. 11Ko kɔpi eokamaka donga ta busa: «Odi mwana o mbi oepaeli; nasepi na wɛ mɛnɛ#1, 11 Bokokanedja na Ndj 2, 7; Isa 42, 1..»
12Na mbala emɔti, Mwembo amolomaka ta etengelenge. 13Yesu adikamaka oho masu tuku inɛi ko amekamaka na satana. Adaka na tito ba esika ko babwɛndji bamokɔmedjaka.
Yesu abei baowoi ba swi banɛi
(Endja pongono ta Mat 4, 12-22; Luk 4, 14-15; 5, 1-11)
14Ngɔngɔ i boisa Yoane ta bɔlɔkɔ#1, 14 Yoa aisami ta bɔlɔkɔ Edaka Yoane Mobatisi. Endja 6, 17., Yesu akɛkɛ ta Galilea; alehaka Bwɛndi Bopele bo Ndjakomba. 15Ko adaka abala: «Ehole eboani, ko bokumu bo Ndjakomba bobatami! Sɔmbɔtɔnɔni milema#1, 15 Sɔmbɔtɔnɔni milema Ta makomi makina Sɔmbɔtɔnɔni mida Kaoko Kinani mabe. ko dimani Bwɛndi Bopele!» 16Busa bomɔti, Yesu anɔkɔ ta mokula mo ibeke ibonga i Galilea. Ena aenɛkɛ baowoi babae ba swi, Simo na Andele, ibadaka badumba midjanga mi bobo ta ibeke. 17Yesu abalaka na bu: «Kimanini ko noimedjakeni bahombi ba bato.» 18Na mbala emɔti, bakinaka midjanga mi bobo ko bamokimanaka. 19Yesu asadaledjaka moohali ko aenɛkɛ Djake na mwange e nde Yoane, bana ba Djebede, ibadaka pongono ta bwato, babɔngedja midjanga mi bobo. 20Na mbala emɔti Yesu ababeaka; bakinaka sange e bobo Djebede ta bwato na basali; ko bakɛkɛ na Yesu.
Momi odaka na mwembo mobe
(Endja pongono ta Luk 4, 31-37)
21Yesu na batingami ba nde bakɛkɛ ta ibonga i Kapalanauma. Ta busa bo sabata, Yesu akweaka ta sinagoga ko abangaka boleha. 22Bato i bamohokamedjaka bakamoaka na mondumba mo boleha bo nde; tengasa alehaka elenge moto odi na kpatsi endolo te elenge balehi ba mobeko. 23Na bea, ta sinagoga, momi omɔti atungeamaka na mwembo mobe. Alɛbɛkɛ: 24«Yesu o Nasaleta, tina ndani okwɛi ta midjɔ mi biso? Odoi tine bolowa? Nodjebaka bopele mɛnɛ: Mosɛnɔke olomama na Ndjakomba!» 25Yesu amogameaka ko abalaka: «Pɔpɔnɔ ko ima adi momi yo!» 26Mwembo mobe mopukusaka momi omina na ngulu mɛnɛ ko moimaka na bolɛbɛ. 27Bato basusu bakamoaka ko basahɔdjɔkɔ: «Iye nde! Eleho eyanie alehamaka na kpatsi! Agameaka miembo mibe ko mimosumaka!» 28Ko na mbala emɔti gala e Yesu enanganaka ta mabonga masusu ma Galilea.
Yesu aheledji bato ba bipeko
(Endja pongono ta Mat 8, 14-17; Luk 4, 38-41)
29Ta boima bo nde ta sinagoga, Yesu akɛkɛ na Djake engbanga na Yoane ta ndako e Simo ko Andele. 30Bokiyo bo Simo adaka asambi ta bokaki, tengasa apekaka na pɛpɛlɛ; mbala emɔti bapaka Yesu gala tine e nde. 31Yesu abatamaka mbuti na nde, amopeaka ta ebɔ ko amangɔdjɔkɔ; pɛpɛlɛ esiaka na nde na bea asapaka tine bobakɔmedja.
32Yana aimeaka mɔmɔkɔ, ngɔngɔ ibosama bo modakabusa, balwɛkɛ Yesu bato ba bipeko ko na bia ibadaka na miembo mibe. 33Bato basusu ba ibonga badaka baboli ta boso bo ekukɛ e ndako. 34Yesu aheledjaka bato banɛnɛ ba bipeko, ibadaka na biego tungu na tungu. Abenganaka miembo mibe minɛnɛ, aipaka miembo mibe ndjea e bobala, tengasa amidjebaka.
Yesu akɛi ta Galilea
(Endja pongono ta Luk 4, 42-44)
35Ehuma na hindihindi, angɔkɔ ko aimaka akɛkɛ ta etengelenge oho tine bongɔnɔ. 36Simo engbanga na binande bamohombaka. 37Ehole emoenɛbo, babalaka na nde: «Bato basusu bohombaka.» 38Endolo Yesu abasɔmbedjaka: «Lokɛni ta pamba ekina, ta mabonga ma mbuti mbuti. Na bea natungi nalehe Bwɛndi Bopele pongono oho, tengasa edi tina edua mbi.» 39Ko na bea, akɛkɛ ta ibonga i Galilea isusu; alehaka Bwɛndi Bopele ta sinagoga i bobo ko abenganaka miembo mibe.
Yesu aheledji moto o mabha
(Endja pongono ta Mat 8, 1-4; Luk 5, 12-16)
40Moto omɔti o mabha aduaka adi Yesu, akwaka magbundɔ ko amongɔnɔkɔ: «Okapala, oboani bosɛnodjani!» 41Yesu amokeaka ndjokwa#1, 41 Amokeya ndjokwa Ta makomi makina Aluma na kɛlɛ na nde.; aninodjaka ebɔ, amobɛndjɛkɛ ko abalaka: «Napali, sɛnoa!» 42Na mbala emɔti, mabha masiaka na momi omina ko asɛnoaka. 43Na mbala emɔti, Yesu amoyanedjaka, amosiaka; 44Ko abalaka na nde: «Pɛ botɔndea moto, endolo kɛ asinedje adi nganga o Ndjakomba ko pa ikabo tine bosɛnoa bo wɛ elenge ekoma Mose, adake tati ta tina e bobo#1, 44 Endja pongono ta Lew 14, 2-32..» 45Endolo yo, ta iyane i nde abalaka gala emina ta bisika bisusu, midjɔ mi moimeaka. Na tina emina, Yesu aibɔngɔkɔ bosinedja ta mabonga manɛnɛ; adikamaka sokolu ta etengelenge ko na bea bato baduaka adi yo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)