LUKA 20
20
Bokondji bo Yesu bodonga adi nda??
(Endja pongono ta Mat 21, 23-27; Mlk 11, 27-33)
1Busa bomɔti, Yesu adaka aleha bato ta bopango bo tepelo, ko atɔndɔkɔ Bwɛndi Bopele; bakondji ba banganga ba Ndjakomba ko na balehi ba mobeko na bakumu ba ibonga, baduaka. 2Bamohɔdjɔkɔ: «Lotɔndea ta kombe e nda? Akɔkɔ na wɛ meako mi? Opa kpatsi emina nda?» 3Yesu abasɔmbedjaka: «Mbi pongono, napalaka nohɔdjeni. Tɔndeanini: 4Olomaka Yoane bobatisa bato nda? Edi Ndjakomba kaoko bato?» 5Balɛdjɛkɛ ibo na ibo: «Lokasɔmbedja: “Edi Ndjakomba omoloma abatise”, alohɔdjɔke: “Eda na nu pɛ bodimea Yoane nde?” 6Endolo lokabala: “Edi bato bamolomaka”, bato basusu balolake mabanga tine bolowa, tengasa bato banɛnɛ bapangoamaka boo Yoane adi mbaeli o Ndjakomba.» 7Na bea basɔmbedjaka: «Iso lotadjebaka yona omoloma tine bobatisa.» 8«Na bea, Yesu asɔmbedjaka, mbi pongono nitadjeba, nototɔndeakeni ndani opini kpatsi ebokɔ meako imi.»
Isɛ i baoneli ba bobila
(Endja pongono ta Mat 21, 33-46; Mlk 12, 1-12)
9Ngɔngimina, Yesu abalaka na bato isɛ di: «Moto omɔti aonaka gbie e vino, aekinaka ta mɔmɔ ma basali ko akɛkɛ mɔndɔ tine masu manɛnɛ. 10Ehole e bobuka mbuma eimeaka, alomaka mosali omɔti adi basali ba gbie e vino tine bamolome i nde ibondo. Endolo basali ba gbie babomaka mosali omina ko bamoyanedjaka mɔmɔ ngasa. 11Moswa gbie alomaka mosali okina, endolo basali ba gbie bamobomaka pongono, bamosingaka ko bamoyanedjaka mɔmɔ ngasa. 12Alomaka mosali o basato pongono; basali ba gbie yena bamobenedjaka ko bamodumbaka sokolu. 13Moswa gbie asabaleaka: “Nakɔe edɛdi boo? Nalomake mwana o mbi oepaeli; ehole ekina yo bamosumake!” 14Endolo ehole emoenɛkɛ basali ba gbie, basabaleanaka: “Endjani mosangoli, lomowoe gbie edike e biso.” 15Na bea bamodumbaka sokolu e gbie ko bamowaka.
16Ahulaka yo mɛnɛ, aowedjake basali bamina ko apake gbie e nde adi basali bakina.» Ehole eokaka bato kɔpi imina, babalaka: «Ngasa midjɔ tungu ye mitakɔmɔ!» 17Endolo Yesu abaendjaka ko abalaka: «Mobalo mu mo makomi matingodjaka ye:
“Ibanga idumbaka batongi
imei ibanga i tina?#20, 17 Ndj 118, 22.”
18Moto mosusu okwabi ta diko i ibanga imina ibukeanabi; ko ibanga ikakwa ta diko i moto, imominakakabi.»
Puti e mokondji
(Endja pongono ta Mat 22, 15-22; Mlk 12, 13-17)
19Balehi ba mobeko ko na bakondji ba banganga ba Ndjakomba bohombaka enɔi e bopea Yesu ta ehole emina, tengasa badjebaka boo abalaka isɛ dia tina e bobo; endolo babangaka bato. 20Baimeaka bolɔndɔ Yesu mɛnɛ. Na tina emina, bamolomeaka bato ibamolɔndɔkɔ elenge bato bapele. Bato bamina baboanaka bopikea Yesu elambo na mibalo mi nde, bɛngi badie enɔli e bomokaba ta kpatsi ko adi gupɛnɛlɛ. 21Bamohɔdjɔkɔ: «Molehi, lokadjebe okabale, okalehe bopele, toendjake bobe bomoto, endolo okalake mobalo mo Ndjakomba na soti. 22Na bea lotɔndea, mobeko mo biso malolomaka kaoko ngasa, boputa puti e kumu o ba Loma?» 23Endolo elenge Yesu adjebaka yo elambo e bobo abasɔmbedjaka: 24«Inedjanini ebende e pata. Epweya ko na kombe ekoma bo ta ebende emina, bo nda?» «Bo kumu Sedjale», 25Na bea Yesu abalaka na bu: «Pani adi Sedjale lo Sedjale, pani adi Ndjakomba lo Ndjakomba.» 26Baimodiaka na mobunga na mibalo mi nde ta miso ma bato. Mosɔmbedja mo nde mobakamodjaka ko batakaka eka e bobala.
Ihɔdjɔ tine bopusoa bo bago
(Endja pongono ta Mat 22, 23-33; Mlk 12, 18-27)
27Ekenge e Basadokai baduaka adi Yesu. Ibo te badimake boo bopusoa ta tei e bago bodi. 28Bamohɔdjɔkɔ: «Molehi, Mose alokomeaka mobeko mu: “Ekada moto adi na mwange nde, moto omina asɔi mwali ko agwi pɛ bokina bana; mwange nde asɔke mwali yona okina mwanango ko abotake na nde bana bɛngi asɔmbedji denga i mwange nde yona ogwa.” 29Enakobea edaka ta ibota imɔti i bana bami sambo. Oboso asɔkɔ mwali ko agwaka pɛ bobota. 30O babae, asɔkɔ mwali o mwanga nde ogwa, 31ngɔngɔ ekɔmɔkɔ pongono na o basato. Enakobea ekɔmɔ pongono na bu basusu sambo, bagwaka pɛ bobota. 32Suka suka mwali omina agwaka pongono. 33Ta isu i bopusoa i bago, mwali omina adabi o nda? Tengasa bo basusu sambo bamoasɔkɔ!» 34Yesu abasɔmbedjaka: «Bamina bali ba ngondo ye bakasɔne; 35endolo bamina bali bia babɔngedjama ta bopusoa bodi ta ngondo yena aduake, bato ba mina basɔnetebi. 36Batagwabi naikina, badabi elenge babwɛndji. Badi bana ba Ndjakomba, tengasa Ndjakomba abasisodja ta tei e bago. 37Mose abalaka bohu boo bago basɔmbɔbi ta mohelo. Ta ikomi labalaka tine e ipumba ibwanaka bisanga, abeaka, Kumu “Ndjakomba o Abalayama, Ndjakomba o Isaka ko Ndjakomba o Djakobo.”#20, 37 Endja Mba 3, 2,6. 38Ndjakomba, aditi o bato bago, endolo adi Ndjakomba o bato badi na bomɔ; tengasa bo basusu badi na mohelo tine nde.» 39Ekenge e balehi ba mobeko babalaka: «Obali bopele, Molehi.» 40Baimohɔdjɔkɔ naikina.
Masiya na Dapiti
(Endja pongono ta Mat 22, 41-46; Mlk 12, 35-37)
41Yesu abalaka na bu: «Baboani bobala Kilito adi mwana o Dapiti boo? 42Tengasa Dapiti yo mɛnɛ abalaka, ta buku e ndjembo:
“Kumu Ndjakomba abalaka na Kumu o mbi:
Dua adae ta ebɔ e mbi e bami,
43mbunoko aimedje baloni ba wɛ edaeli e wɛ e mako#20, 43 Endja pongono ta Ndj 110, 1..”
44Dapiti, amobeaka “Kumu”: Ndenge nda Masiya aboani adae pongono mwana o Dapiti?»
Yesu akebedji balehi ba mobeko
(Endja pongono ta Mat 23, 1-36; Mlk 12, 38-40)
45Enakobea bato basusu badaka bamohokamedja, Yesu abalaka na batingami ba nde: 46«Dani na edinga na balehi ba mobeko ibakasasepedje bodala na mikoto miyai ko bakapale bodimaka ndese i ekumu ta polo i bhuda, bohɔɔkɔ bidie bi boso ta ba sinagoga ko bidie bi ekumu ta tɛkɛ. 47Bakongɔne miongɔnɔ miyai tine bokosea bali ibagwa na bami tine bobakatoa leka lo bobo. Basambedjamabi na bopipo mɛnɛ.»
လက္ရွိေရြးခ်ယ္ထားမွု
LUKA 20: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 20
20
Bokondji bo Yesu bodonga adi nda??
(Endja pongono ta Mat 21, 23-27; Mlk 11, 27-33)
1Busa bomɔti, Yesu adaka aleha bato ta bopango bo tepelo, ko atɔndɔkɔ Bwɛndi Bopele; bakondji ba banganga ba Ndjakomba ko na balehi ba mobeko na bakumu ba ibonga, baduaka. 2Bamohɔdjɔkɔ: «Lotɔndea ta kombe e nda? Akɔkɔ na wɛ meako mi? Opa kpatsi emina nda?» 3Yesu abasɔmbedjaka: «Mbi pongono, napalaka nohɔdjeni. Tɔndeanini: 4Olomaka Yoane bobatisa bato nda? Edi Ndjakomba kaoko bato?» 5Balɛdjɛkɛ ibo na ibo: «Lokasɔmbedja: “Edi Ndjakomba omoloma abatise”, alohɔdjɔke: “Eda na nu pɛ bodimea Yoane nde?” 6Endolo lokabala: “Edi bato bamolomaka”, bato basusu balolake mabanga tine bolowa, tengasa bato banɛnɛ bapangoamaka boo Yoane adi mbaeli o Ndjakomba.» 7Na bea basɔmbedjaka: «Iso lotadjebaka yona omoloma tine bobatisa.» 8«Na bea, Yesu asɔmbedjaka, mbi pongono nitadjeba, nototɔndeakeni ndani opini kpatsi ebokɔ meako imi.»
Isɛ i baoneli ba bobila
(Endja pongono ta Mat 21, 33-46; Mlk 12, 1-12)
9Ngɔngimina, Yesu abalaka na bato isɛ di: «Moto omɔti aonaka gbie e vino, aekinaka ta mɔmɔ ma basali ko akɛkɛ mɔndɔ tine masu manɛnɛ. 10Ehole e bobuka mbuma eimeaka, alomaka mosali omɔti adi basali ba gbie e vino tine bamolome i nde ibondo. Endolo basali ba gbie babomaka mosali omina ko bamoyanedjaka mɔmɔ ngasa. 11Moswa gbie alomaka mosali okina, endolo basali ba gbie bamobomaka pongono, bamosingaka ko bamoyanedjaka mɔmɔ ngasa. 12Alomaka mosali o basato pongono; basali ba gbie yena bamobenedjaka ko bamodumbaka sokolu. 13Moswa gbie asabaleaka: “Nakɔe edɛdi boo? Nalomake mwana o mbi oepaeli; ehole ekina yo bamosumake!” 14Endolo ehole emoenɛkɛ basali ba gbie, basabaleanaka: “Endjani mosangoli, lomowoe gbie edike e biso.” 15Na bea bamodumbaka sokolu e gbie ko bamowaka.
16Ahulaka yo mɛnɛ, aowedjake basali bamina ko apake gbie e nde adi basali bakina.» Ehole eokaka bato kɔpi imina, babalaka: «Ngasa midjɔ tungu ye mitakɔmɔ!» 17Endolo Yesu abaendjaka ko abalaka: «Mobalo mu mo makomi matingodjaka ye:
“Ibanga idumbaka batongi
imei ibanga i tina?#20, 17 Ndj 118, 22.”
18Moto mosusu okwabi ta diko i ibanga imina ibukeanabi; ko ibanga ikakwa ta diko i moto, imominakakabi.»
Puti e mokondji
(Endja pongono ta Mat 22, 15-22; Mlk 12, 13-17)
19Balehi ba mobeko ko na bakondji ba banganga ba Ndjakomba bohombaka enɔi e bopea Yesu ta ehole emina, tengasa badjebaka boo abalaka isɛ dia tina e bobo; endolo babangaka bato. 20Baimeaka bolɔndɔ Yesu mɛnɛ. Na tina emina, bamolomeaka bato ibamolɔndɔkɔ elenge bato bapele. Bato bamina baboanaka bopikea Yesu elambo na mibalo mi nde, bɛngi badie enɔli e bomokaba ta kpatsi ko adi gupɛnɛlɛ. 21Bamohɔdjɔkɔ: «Molehi, lokadjebe okabale, okalehe bopele, toendjake bobe bomoto, endolo okalake mobalo mo Ndjakomba na soti. 22Na bea lotɔndea, mobeko mo biso malolomaka kaoko ngasa, boputa puti e kumu o ba Loma?» 23Endolo elenge Yesu adjebaka yo elambo e bobo abasɔmbedjaka: 24«Inedjanini ebende e pata. Epweya ko na kombe ekoma bo ta ebende emina, bo nda?» «Bo kumu Sedjale», 25Na bea Yesu abalaka na bu: «Pani adi Sedjale lo Sedjale, pani adi Ndjakomba lo Ndjakomba.» 26Baimodiaka na mobunga na mibalo mi nde ta miso ma bato. Mosɔmbedja mo nde mobakamodjaka ko batakaka eka e bobala.
Ihɔdjɔ tine bopusoa bo bago
(Endja pongono ta Mat 22, 23-33; Mlk 12, 18-27)
27Ekenge e Basadokai baduaka adi Yesu. Ibo te badimake boo bopusoa ta tei e bago bodi. 28Bamohɔdjɔkɔ: «Molehi, Mose alokomeaka mobeko mu: “Ekada moto adi na mwange nde, moto omina asɔi mwali ko agwi pɛ bokina bana; mwange nde asɔke mwali yona okina mwanango ko abotake na nde bana bɛngi asɔmbedji denga i mwange nde yona ogwa.” 29Enakobea edaka ta ibota imɔti i bana bami sambo. Oboso asɔkɔ mwali ko agwaka pɛ bobota. 30O babae, asɔkɔ mwali o mwanga nde ogwa, 31ngɔngɔ ekɔmɔkɔ pongono na o basato. Enakobea ekɔmɔ pongono na bu basusu sambo, bagwaka pɛ bobota. 32Suka suka mwali omina agwaka pongono. 33Ta isu i bopusoa i bago, mwali omina adabi o nda? Tengasa bo basusu sambo bamoasɔkɔ!» 34Yesu abasɔmbedjaka: «Bamina bali ba ngondo ye bakasɔne; 35endolo bamina bali bia babɔngedjama ta bopusoa bodi ta ngondo yena aduake, bato ba mina basɔnetebi. 36Batagwabi naikina, badabi elenge babwɛndji. Badi bana ba Ndjakomba, tengasa Ndjakomba abasisodja ta tei e bago. 37Mose abalaka bohu boo bago basɔmbɔbi ta mohelo. Ta ikomi labalaka tine e ipumba ibwanaka bisanga, abeaka, Kumu “Ndjakomba o Abalayama, Ndjakomba o Isaka ko Ndjakomba o Djakobo.”#20, 37 Endja Mba 3, 2,6. 38Ndjakomba, aditi o bato bago, endolo adi Ndjakomba o bato badi na bomɔ; tengasa bo basusu badi na mohelo tine nde.» 39Ekenge e balehi ba mobeko babalaka: «Obali bopele, Molehi.» 40Baimohɔdjɔkɔ naikina.
Masiya na Dapiti
(Endja pongono ta Mat 22, 41-46; Mlk 12, 35-37)
41Yesu abalaka na bu: «Baboani bobala Kilito adi mwana o Dapiti boo? 42Tengasa Dapiti yo mɛnɛ abalaka, ta buku e ndjembo:
“Kumu Ndjakomba abalaka na Kumu o mbi:
Dua adae ta ebɔ e mbi e bami,
43mbunoko aimedje baloni ba wɛ edaeli e wɛ e mako#20, 43 Endja pongono ta Ndj 110, 1..”
44Dapiti, amobeaka “Kumu”: Ndenge nda Masiya aboani adae pongono mwana o Dapiti?»
Yesu akebedji balehi ba mobeko
(Endja pongono ta Mat 23, 1-36; Mlk 12, 38-40)
45Enakobea bato basusu badaka bamohokamedja, Yesu abalaka na batingami ba nde: 46«Dani na edinga na balehi ba mobeko ibakasasepedje bodala na mikoto miyai ko bakapale bodimaka ndese i ekumu ta polo i bhuda, bohɔɔkɔ bidie bi boso ta ba sinagoga ko bidie bi ekumu ta tɛkɛ. 47Bakongɔne miongɔnɔ miyai tine bokosea bali ibagwa na bami tine bobakatoa leka lo bobo. Basambedjamabi na bopipo mɛnɛ.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)