YOANE 3
3
Isolo i Yesu na Nikodɛmɛ
1Edaka na momi omɔti kombe e nde Nikodɛmɛ. Yo adaka omɔti o basuku ba bayuda ta ikita i bapalusai. 2Aduaka na bulu adi Yesu ko abalaka na nde: «Labi, lodjebi bo odi molehi yona odonga adi Ndjakomba. Tengasa pɛ moto obwani bokɔ bimbete bi ngindola elenge akɔkɔ wɛ, emiti da bo Ndjakomba adae engbanga na nde.» 3Yesu amosɔmbedjaka: «Okobea, nabali na wɛ, edi soti: moto abwaniti bodjeba meako mi Bokumu bo Ndjakomba amiti botama mbala e babae#3, 3 Mbala e babae Ebaeli e gɛlɛki etingodjaka pongono Odiko. Kombe ye edi na tingo ibae. Yoane asakamoaka na tingo imina isusu ibae..» 4Nikodɛmɛ amohɔdjɔkɔ: «Moda ndani moto mosuku abwani bobotama mbala e babae? Asɔmbe naikina ta sɔpɔ i nango bɛngi abotame mbala e babae?» 5Yesu amosɔmbedjaka: «Okobea, nabali na wɛ, edi soti: moto abwaniti bokwea ta Bokumu bo Ndjakomba amiti botama na madiba ko na Mwembo. 6Yona obotami na moto adi moto; ko yona obotami na Mwembo adi mwembo. 7Pɛ bokamoa tine bo naotɔndei: “Etungi na wɛ bobotama mbala e babae#3, 7 Mbala e babae Kaoko Ta o diko Endja pongono ta molɔngɔ mo 3..” 8Epoyipoyi#3, 8 Ta gɛlɛki, edi oko ebaeli einedjaka bo Lungu Ko Mwembo. Edi bea pongono makou mobalo ta ebaeli e molɔngɔ momina. bonɔkɔ polo epalaka mo; okaka kilingo ekɔkɔ mo, endolo otadjebaka polo edongaka mo kaoko enɔkɔ mo. Endja eka enɔmɔke tine yona abotamake na Mwembo mo Ndjakomba.» 9Na bea Nikodɛmɛ amosɔmbedjaka: «Modjɔ momina modi bokɔmɔ moda nda?» 10Yesu amosɔmbedjaka: «Wɛ moto odi molehi odjebami ta Isalɛlɛ, otadjebaka midjɔ imi? 11Okobea, nabalaka na wɛ, edi soti: iso labalaka meako madjebaka so ko lapaka tati e meako imenɛkɛ so, endolo otapalakani bodima tati e biso. 12Ehole eobaleakani mbi midjɔ mi ngondo otadimeakanini; moda ndani wadimeakenini ehole eobaleakeni mbi midjɔ mi busa? 13Pɛ moto okɛ ta busa, dongedja oko Mwana o Moto yona otita ta busa#3, 13 Makoma makina maa Yona otitaka ta busa, Mwana o Moto yona odi ta busa. Endja pongono ta Mas 30, 4; Bal 10, 6.. 14Oko moda momina mongɔdjɔkɔ Mose ndjɔ ta etengelenge, oko moda momina Mwana o Moto atungi angɔdjɔme, 15tine bo yona amodimeake adihe mohelo mo seko. 16Tengasa Ndjakomba apalaka bonɔ mɛnɛ bato ba ngondo, apaka Mwana o nde omɔti o ikinda, tine bomoto na moto yona amodimeake, adae pɛ bobunga endolo adihe mohelo mo seko. 17Ndjakomba ailomaka Mwana o nde ta ngondo tine bosambedja bato; endolo tine boheledja bato ba ngondo na ndjea e nde. 18Yona adimeake Mwana, atasambedjamake; endolo yona odɛi pɛ bomodimea, asambedjamabi; tine bo aidimea kombe e Mwana o ikinda o Ndjakomba. 19Endjani moda moenɛmɛke esambi: bohu aduaka ta ngondo, endolo bato ba ngondo bapalaka modidi bonɔ bohu, tine misala mi bobo midaka mibe. 20Yona akɔkɔ bobe, alonaka bohu ko akasasue na bohu; tengasa abangaka misala mi nde mibe misakenɛmɛ ta bohu. 21Endolo yona adalaka ta soti, akadue ta bohu, bɛngi misala mikasaleyo engbanga na Ndjakomba mienɛme bohu.»
Yoane Mobatisi api tati tina e Yesu
22Ngɔngɔ imina, Yesu na batingami ba nde bakɛkɛ ta mokpɔtɔ mo Yudea. Ayeyoaka mo ehole na bu, ko ainaka#3, 22 Endja pongono ta 4, 1-2.. 23Yoane pongono ainaka ta moongando e Enɔi, mbuti na Salimi#3, 23 Enɔni Ko Salimo Ngando djibae dji polo epɛ bodjebana, ta idinda di Yolodani., tine oho madiba madaka manɛnɛ. Bato bakɛkɛ adi yo ko ababatisaka. 24Tengasa Yoane aipakakwea ta bɔlɔkɔ#3, 24 Endja pongono ta Mat 14, 3; Mal 6, 17; Luk 3.19-20.. 25Na bea busa bomɔti, kitɛ edaka ta tei e batingami ba Yoane na moyuda omɔti ta tina e mabɔngedji ma bosasɛnodja. 26Bakɛkɛ botanea Yoane ko babalaka na nde: «Labi, wadjebaka naikina moto yona odaka na wɛ ta dɔngɔ i Yolodane, yona opaka wɛ tati? Endja ainaka edɛdi ko bato basusu bakɛkɛ adi yo!» 27Yoane abasɔmbedjaka: «Moto abwaniti adie ikabo ta busa, emiti da bo Ndjakomba amopɛ. 28Inobɛnɛ odini batemo ba meako imabalaka mbi: “Naditi Kilito, endolo nalomamaka boso bo nde#3, 28 Endja pongono ta 1, 20. Endja pongono ta Mal 3, 1..” 29Mwali o moki adi tine momi omoasɔi. Endolo modjebani o momi adake mbuti na nde bomoka, adake na mongandi tine boka moholi mo yona oasɔi. Mongandi momina modi mo mbi, modi edɛdi mokokake. 30Etungi ekumu e nde e we ko e mbi etite.»
Yona odonga ta busa
31«Yona odonga ta busa adi diko i losusu; yona odonga ta kpɔtɔ adi kpɔtɔ ko abalaka meako mi kpɔtɔ. Iyona odonga ta busa [adi diko i losusu]#3, 31 Ta makomi makina ekenge ye enɛmi elenge imia midi ngɔngɔ molɔngɔ mo 27-30 kaoko botingodja bo mokomi.. 32Apaka tati e meako imenɛ yo ko imokaka yo, endolo pɛ moto odimaka tati e nde. 33Yona odimaka tati bimbete bi nde, adimedjaka mɛnɛ bo Ndjakomba adi soti. 34Tengasa yona olomaka Ndjakomba, bobalaka mibalo mi Ndjakomba; Ndjakomba amolumedja na Mwembo mo nde napɛ mwɛngi. 35Sange moto akapale Mwana ko amopa losusu ta mɔmɔ ma nde. 36Yona aisaka edimeli e nde adi Mwana adi na mohelo mo seko; yona alonaka bodimea Mwana adihetebi mohelo momina, endolo kɛlɛ e Ndjakomba adake adi yo.»
လက္ရွိေရြးခ်ယ္ထားမွု
YOANE 3: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)