YOANE 20
20
Bopusoa bo Yesu
(Endja pongono ta Mat 28, 1-8; Mlk 16, 1-8; Luk 24, 1-12)
1Ta ehuma e busa bo eyenga, na mohindihindi, Malia e Magadala akɛkɛ ta ikila. Aenɛkɛ ibanga idongaka ta monɔkɔ mo ikila. 2Na bea apotaka tine bokatɔndea Simo Piɛlɛ ko na motingami okina, yona opalaka Yesu. Abalaka na bu: «Badongedji Kumu ta ikila ko lotadjebaka polo emoisibo.» 3Piɛlɛ na motingami okina bakɛkɛ ko baimeaka ta ikila. 4Bapotaka bo basusu babae; endolo yona okina motingami apotaka bonɔ Piɛlɛ ko aimeaka boso ta ikila. 5Asunamaka tine boendja ko aenɛkɛ bipasa bi bisendja bipu bisambi ena, endolo aikweaka. 6Simo Piɛlɛ, yona omokimanaka, aimeaka ko akweaka ta tei e ikila. Aenɛkɛ bipasa bi bisendja bipu bisambi ena 7na pongono esendja epu ehuwakabo molo mo Yesu. Esendja emina eidaka polo emɔti na bipasa bia, endolo edingamaka pamba ekina. 8Na bea motingami yona okina, yona oimeaka boso ta ikila, akweaka pongono. Aenɛkɛ ko adimaka. 9Tengasa batingami baipaka sipoa ikomi ibalaka boo Yesu apusuake ta ndanda e bago#20, 9 Endja pongono ta Ndj 16, 10.. 10Ngɔngɔ batingami babae basɔmbɔkɔ adi bo.
Yesu asenɛmedji na Malia e Magadala
(Endja pongono ta Mat 28, 9-10; Mlk 16, 9-11)
11Malia aemaka mbuti na ikila, sokolu ko adaka boyea. Ehole eeyaka yo, asumanaka tine boindja ta tei e ikila; 12aenɛkɛ babwɛndji babae balwali bisendja bipu badaka ta polo esambeakabo mokuku mo Yesu, omɔti ta molo, okina ta mako. 13Babwɛndji bahɔdjɔkɔ Malia: «Tina aeyaka wɛ nda?» Abasɔmbedjaka: «Badongedji Kumu o mbi ko natadjebaka polo emosambei bo.» 14Ngɔngɔ i bobala na bu, ahombanaka ko aenɛkɛ Yesu aemi ena, enakobea aidjebaka boo edaka Yesu. 15Yesu amohɔdjɔkɔ: «Aeyaka wɛ nde, wahombaka nda?» Alɛdjekɛ boo edaka mobanei o gbie, na tina emina abalaka: «Tata, ekada wɛ moto omodongedji, tɔndeani polo emosambei wɛ ko nakɛke amotomba.» 16Yesu abalaka na nde: «Malia!» Ahombanaka ko abalaka na nde na monɔkɔ mo baebele: «Labuni!» Etingodji «Molehi». 17Yesu abalaka na nde: «Pɛ bopeani, tengasa naiweakini adi Sesa. Endolo kɛɛ atɔndea bange i mbi boo mbi nakɛi adi Sesa yona odi pongono Sange e bino, adi Ndjakomba o mbi odi pongono Ndjakomba o bino.» 18Na bea, Malia e Magadala akɛkɛ adi batingami ko abatɔndeaka: «Naeni Kumu!» Ko abatɔndeaka misusu imibalaka yo na nde.
Yesu asinedji na batingami ba nde
(Endja pongono ta Mat 28, 16-20; Mlk 16, 14-18; Luk 24, 36-49)
19Oko ta mɔmɔkɔ momina mo busa bo eyenga, batingami baputoanaka ta ndako. Badipaka bikukɛ na pongola, tengasa badaka na bɔɔ bo bakondji ba Bayuda. Yesu aduaka ko aemaka ta ndanda e bobo. Abalaka na bu: «Bogo bodae na nu!» 20Ehole ebalaka yo na bu bea, abainedjaka mɔmɔ ma nde ko na mopandje mo nde. Batingami balumaka na mongandi aboenɛ Kumu. 21Yesu abalaka na bu naikina: «Bogo bodae na nu! Elenge Sesa alomani yo, mbi pongono nolomakani.» 22Ngɔngɔ ibobala bea, abahuweya mohuli ko abalaka na bu: «Asɔni Mwembo Mosɛnɔke! 23Adi bia bayɛkɛbi no mabe ma bobo, bayɛmɛbi; adi bia balonabi no boyɛ mabe ma bobo, mayɛmetebi#20, 23 Endja pongono ta Mta 16, 19..»
Yesu na Toma
24Enakobea, omɔti o batingami domi na babae, Toma obeakabo ipasa, aidaka engbanga na bu, ehole esenɛmedjaka Yesu na bu. 25Batingami bakina bamotɔndeaka: «Iso loeni Kumu!» Endolo Toma abasɔmbedjaka: «Namiti enɛ embete esɛtɛ ta mɔmɔ ma nde na miso ko namiti isa mosapi mo mbi ta polo esɛtɛ ko ebɔ e mbi ta mopandje mo nde, natadimake#20, 25 Endja pongono ta 20, 20.!»
26Ngɔngɔ i pɔsɛ emɔti, batingami ba Yesu badaka naikina ta ndako, ko Toma adaka engbanga yena na bu. Enakobea bikukɛ bikangamaka na pongola, Yesu akweaka ko aemaka ta ndanda e bobo. Abalaka: «Bogo bodae na nu!» 27Ngɔngɔ abalaka na Toma: «Isa mosapi mo wɛ iya, endja mɔmɔ ma mbi; lindedja ebɔ ko isa mosapi ta mopandje mo mbi. Kina bokakoana endolo dima. Kina kitɛ!» 28Toma amosɔmbedjaka: «Kumu o mbi ko Ndjakomba o mbi!» 29Yesu amosɔmbedjaka: «Odimi tine oenini? Sepi adi bia badimake napɛ boenɛni!»
Tina e buku ye
30Yesu akɔkɔ naikina ta boso bo batingami ba nde bimbete binɛnɛ bi ngindola, ibidama pɛ bokomama ta buku iye. 31Endolo imi mikomami, mikomama bɛngi odimeni boo Yesu adi Kilito, Mwana o Ndjakomba. Ko okamodimeani, odiabini bomɔ na kombe e nde.
လက္ရွိေရြးခ်ယ္ထားမွု
YOANE 20: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANE 20
20
Bopusoa bo Yesu
(Endja pongono ta Mat 28, 1-8; Mlk 16, 1-8; Luk 24, 1-12)
1Ta ehuma e busa bo eyenga, na mohindihindi, Malia e Magadala akɛkɛ ta ikila. Aenɛkɛ ibanga idongaka ta monɔkɔ mo ikila. 2Na bea apotaka tine bokatɔndea Simo Piɛlɛ ko na motingami okina, yona opalaka Yesu. Abalaka na bu: «Badongedji Kumu ta ikila ko lotadjebaka polo emoisibo.» 3Piɛlɛ na motingami okina bakɛkɛ ko baimeaka ta ikila. 4Bapotaka bo basusu babae; endolo yona okina motingami apotaka bonɔ Piɛlɛ ko aimeaka boso ta ikila. 5Asunamaka tine boendja ko aenɛkɛ bipasa bi bisendja bipu bisambi ena, endolo aikweaka. 6Simo Piɛlɛ, yona omokimanaka, aimeaka ko akweaka ta tei e ikila. Aenɛkɛ bipasa bi bisendja bipu bisambi ena 7na pongono esendja epu ehuwakabo molo mo Yesu. Esendja emina eidaka polo emɔti na bipasa bia, endolo edingamaka pamba ekina. 8Na bea motingami yona okina, yona oimeaka boso ta ikila, akweaka pongono. Aenɛkɛ ko adimaka. 9Tengasa batingami baipaka sipoa ikomi ibalaka boo Yesu apusuake ta ndanda e bago#20, 9 Endja pongono ta Ndj 16, 10.. 10Ngɔngɔ batingami babae basɔmbɔkɔ adi bo.
Yesu asenɛmedji na Malia e Magadala
(Endja pongono ta Mat 28, 9-10; Mlk 16, 9-11)
11Malia aemaka mbuti na ikila, sokolu ko adaka boyea. Ehole eeyaka yo, asumanaka tine boindja ta tei e ikila; 12aenɛkɛ babwɛndji babae balwali bisendja bipu badaka ta polo esambeakabo mokuku mo Yesu, omɔti ta molo, okina ta mako. 13Babwɛndji bahɔdjɔkɔ Malia: «Tina aeyaka wɛ nda?» Abasɔmbedjaka: «Badongedji Kumu o mbi ko natadjebaka polo emosambei bo.» 14Ngɔngɔ i bobala na bu, ahombanaka ko aenɛkɛ Yesu aemi ena, enakobea aidjebaka boo edaka Yesu. 15Yesu amohɔdjɔkɔ: «Aeyaka wɛ nde, wahombaka nda?» Alɛdjekɛ boo edaka mobanei o gbie, na tina emina abalaka: «Tata, ekada wɛ moto omodongedji, tɔndeani polo emosambei wɛ ko nakɛke amotomba.» 16Yesu abalaka na nde: «Malia!» Ahombanaka ko abalaka na nde na monɔkɔ mo baebele: «Labuni!» Etingodji «Molehi». 17Yesu abalaka na nde: «Pɛ bopeani, tengasa naiweakini adi Sesa. Endolo kɛɛ atɔndea bange i mbi boo mbi nakɛi adi Sesa yona odi pongono Sange e bino, adi Ndjakomba o mbi odi pongono Ndjakomba o bino.» 18Na bea, Malia e Magadala akɛkɛ adi batingami ko abatɔndeaka: «Naeni Kumu!» Ko abatɔndeaka misusu imibalaka yo na nde.
Yesu asinedji na batingami ba nde
(Endja pongono ta Mat 28, 16-20; Mlk 16, 14-18; Luk 24, 36-49)
19Oko ta mɔmɔkɔ momina mo busa bo eyenga, batingami baputoanaka ta ndako. Badipaka bikukɛ na pongola, tengasa badaka na bɔɔ bo bakondji ba Bayuda. Yesu aduaka ko aemaka ta ndanda e bobo. Abalaka na bu: «Bogo bodae na nu!» 20Ehole ebalaka yo na bu bea, abainedjaka mɔmɔ ma nde ko na mopandje mo nde. Batingami balumaka na mongandi aboenɛ Kumu. 21Yesu abalaka na bu naikina: «Bogo bodae na nu! Elenge Sesa alomani yo, mbi pongono nolomakani.» 22Ngɔngɔ ibobala bea, abahuweya mohuli ko abalaka na bu: «Asɔni Mwembo Mosɛnɔke! 23Adi bia bayɛkɛbi no mabe ma bobo, bayɛmɛbi; adi bia balonabi no boyɛ mabe ma bobo, mayɛmetebi#20, 23 Endja pongono ta Mta 16, 19..»
Yesu na Toma
24Enakobea, omɔti o batingami domi na babae, Toma obeakabo ipasa, aidaka engbanga na bu, ehole esenɛmedjaka Yesu na bu. 25Batingami bakina bamotɔndeaka: «Iso loeni Kumu!» Endolo Toma abasɔmbedjaka: «Namiti enɛ embete esɛtɛ ta mɔmɔ ma nde na miso ko namiti isa mosapi mo mbi ta polo esɛtɛ ko ebɔ e mbi ta mopandje mo nde, natadimake#20, 25 Endja pongono ta 20, 20.!»
26Ngɔngɔ i pɔsɛ emɔti, batingami ba Yesu badaka naikina ta ndako, ko Toma adaka engbanga yena na bu. Enakobea bikukɛ bikangamaka na pongola, Yesu akweaka ko aemaka ta ndanda e bobo. Abalaka: «Bogo bodae na nu!» 27Ngɔngɔ abalaka na Toma: «Isa mosapi mo wɛ iya, endja mɔmɔ ma mbi; lindedja ebɔ ko isa mosapi ta mopandje mo mbi. Kina bokakoana endolo dima. Kina kitɛ!» 28Toma amosɔmbedjaka: «Kumu o mbi ko Ndjakomba o mbi!» 29Yesu amosɔmbedjaka: «Odimi tine oenini? Sepi adi bia badimake napɛ boenɛni!»
Tina e buku ye
30Yesu akɔkɔ naikina ta boso bo batingami ba nde bimbete binɛnɛ bi ngindola, ibidama pɛ bokomama ta buku iye. 31Endolo imi mikomami, mikomama bɛngi odimeni boo Yesu adi Kilito, Mwana o Ndjakomba. Ko okamodimeani, odiabini bomɔ na kombe e nde.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)