YOANE 12
12
Malia asuwoi Yesu mosoloa mo so elitindi ta mako
(Endja pongono ta Mat 26, 6-13; Mlk 14, 3-9)
1Masu masamano boso bo tɛkɛ e Pasika, Yesu akɛkɛ ta ngando e Betania#12, 1 Endja pongono ta Mal 11, 1., ta polo edaka Ladjalo, moto opusoa yo ta tei e bago. 2Oho, ayaka mia ma mokɔmedjaka na Malata. Ladjalo adaka omɔti odaka ena ta mesa eyaka Yesu. 3Na bea Malia atombaka molangi i modaka na ekenge e mosoloa moso e itindi, molumake na motuya monɛnɛ imokɔmɔkɔ na mole mokabebo nale. Amosuwoaka mosoloa momina ta mako, ngɔngɔ ahakoaka mako ma Yesu na swɛ i nde. Ndako esusu elumaka na so eitindi e mosoloa momina. 4Omɔti o batingami ba Yesu, Yudasi Isikaliota, yona wamokabake, abalaka: 5«Tina ndani otɛkitini mosoloa momina na mikama misato mi palanga#12, 5 Motuya mo mosoloa momina mobwani na iputi i basali mikama misato., tine bopa na batakeli?» 6Aibalaka bea te tine aokeaka batakeli pɛhɛ, endolo tine adaka moubi. Elenge adaka yo mobanei o tɔmbi e iputo, adaka aiba palanga. 7Endolo Yesu abalaka: «Mokinani bogo! Akɔi bea tine busa bopuseabinibo. 8Odabini seko na batakeli, endolo otadabini na mbi seko.»
Inginda tina e Ladjalo
9Emumu e bayuda baokaka gala boo Yesu adaka ta Betania. Baikɛkɛ oto ta tine Yesu, endolo pongono tina e boendja Ladjalo yona osisodjaka Yesu ta ndanda e bago. 10Bakumu ba banganga ba Ndjakomba badimanaka pongono bowa Ladjalo, 11tine bayuda banɛnɛ babatiaka ta tina e nde ko badimeaka Yesu.
Yesu akwei ta Yelusalɛmɛ
(Endja pongono ta Mat 21, 1-11; Mlk 11, 1-11; Luk 19, 28-40)
12Ngɔngɔ i isu imɔti, emumu e bato ekɛkɛ ta tɛkɛ e Pasika, baokaka boo Yesu adaka bokɛ ta Yelusalɛmɛ. 13Na bea bato ibadaka boso bo yesu batombaka maango ma mabiya ko baimaka ta ngando enɛnɛ bɛngi bakasakana na nde. Badaka bogama: «Ekumu adi Ndjakomba! Kina boo Ndjakomba adjongoe yona aduake na kombe e Mokondji! Kina boo Ndjakomba andjongoe Kumu o Isalɛlɛ#12, 13 Bokakanedja ta Ndj 118, 25-26. Ekumu Makomi mayou Odjana Endja pongono ta Mat 21, 9.!» 14Yesu atombaka mwana o ane ko abakamaka diko i yu, elenge abalaka ikomi:
15«Pɛ bobanga, ngando enɛnɛ e Siona!
Endja, Mokondji o wɛ adoi,
Adi ta diko i mwana o ane#12, 15 Dja 9, 9..»
16Boso mɛnɛ, batingami ba nde baisipoaka meako mimina; endolo ehole angɔndjɔmɔkɔ Yesu ta ekumu, balɛdjɛkɛ ikomi ibalamaka ta tina e nde ko meako mibalaka yo. 17Bato basusu badaka engbanga na Yesu ta ehole ebeaka yo na Ladjalo ta ikila ko amosisodjaka ta tei e bago, badaka botɔndɔ gala e meako mienɛkɛbo. 18Na tina emina emumu e bato baduaka bosakana na nde tine baokaka gala e bimbete bi ngindola bikɔkɔ yo. 19Bapalusai basabaleanaka: «Wɛnɛkɛni, otakɔni naikina eka, tengasa bato basusu bamokimanaka!»
Ekenge e Bagɛlɛki bahombi baenɛ Yesu
20Enakobea, edaka pongono na ekenge e Bagɛlɛki ibakɛkɛ ta Yelusalɛmɛ tine bokumedja Ndjakomba ta ehole e tɛkɛ. 21Babatamaka na Pilipo, yona odaka moto o ngando e Betesaida ta Galilea, ko bamohɔdjɔkɔ: «Tata, lapalaka loenɛ Yesu.» 22Na bea Pilipo akɛkɛ atɔndea Andele, ibea bo babae bakɛkɛ bobala na Yesu meako mimina. 23Yesu abasɔmbedjaka: «Ehole ebwani boo Mwana o moto akumedjame. 24Okobea, nabali na nu, edi soti: mbuma e bule ekadike oko mbuma emɔti emiti pɔɔ ta kpɔtɔ, etagwa. Endolo ekakwa ta kpɔtɔ, ebotake mbuma inɛnɛ. 25Iyona apalaka mohelo mo nde, amobungedjake; endolo yona alonaka bosapa ta ngondo ye, amobaneake tine bomɔ bo seko. 26Moto akapala bosaleani, akimaneni; na bea mosali o mbi adake pongono ta dɔngɔ idabi mbi ko Sange e mbi akakumedje yona okasaleni.»
Yesu abali tina e bogwa bo nde
27«Edɛdi mwembo mo mbi molengesani. Ebwani mbi bobala nde? Nabale: Sesa, heledjani ta ehole ye e saya? Enakobea edi mɛnɛ tine ehole ye enɔngi naimei ta ehole ye. 28Sesa, pa ekumu ta kombe e wɛ!» Na bea kɔpi eokamaka donga ta busa: «Naekumedja ehele ko naekumedjakabi.» 29Emumu e bato edaka ena ko baokaka kɔpi, babalaka: «Edi mogamo mo bɛi!» Bakina babalaka: «Obwɛndji abali na nde!» 30Endolo Yesu abasɔmbedjaka: «Editi tina e mbi kɔpi emina eokame, endolo edi ta tina e bino. 31Edɛdi edi ehole ebwani na ngondo bosambedjama; na bea mokondji o ngondo ye adoi adumbama sokolu. 32Ko, ehole angɔdjɔmɔbi mbi ta ngondo, natubabi bato basusu adi mbi.» 33Na ndjea e mibalo mimina, Yesu ainedjaka modumba mo yogo agwake yo. 34Emumu e bato bamosɔmbedjaka: «Iso lokaka ta buku i mibeko mi biso boo Kilito adakabi na bomɔ tina e seko. Moda ndani obwani bobala boo mwana o moto adi boangɔdjɔmɔ? Mwana omina o moto nda?» 35Yesu abalaka na bu naikina: «Bohu bodi oko ta tei e bino, endolo moo ehole mokɛkɛ. Dalani ehole edi no na bohu, bɛngi boo modidi mosaka ogbundumoani, tengasa yona adalaka ta modidi ta djebe polo akɛkɛ yo. 36Dimeani bohu ehole edi no na bohu, bɛngi oimeni bato ba bohu.»
Bayuda baloni bodimea Yesu
Ngɔngɔ i bobala bea, Yesu akɛkɛ ko abolamaka bohali na bu.
37Nongo akɔkɔ yo bimbete bi ngindola binɛnɛ ta miso ma bobo, baimodimeaka. 38Na bea ekokedjamaka elenge ebalaka mbaeli o Ndjakomba Isaya:
«Kumu, odimi bwɛndji bu nda?
Kumu aenɛmedji suwea e nde adi nda?»
39Isaya abalaka pongono tina ndani bato bia baimodimeaka:
40«Ndjakomba adipa miso ma bobo,
Adipa bowɛi bo bobo bɛngi miso ma bobo masakaenɛ,
Bowɛi bo bobo bodae pɛ bosipoama.
Endja pongono ta tina ebala Ndjakomba,
Milema mi bobo mitasɔmbɔ adi mbi
Tine boo nasabaheledja#12, 40 Isa 6, 9-10, elangama ta makoma mayou ma gɛlɛki..»
41Isaya abalaka bea tine anɛkɛ ekumu e Yesu ko abalaka ta tina e nde. 42Na bea, ta tei e bakondji ba bayuda, banɛnɛ ba bobo badimeaka Yesu. Endolo ta bɔɔ bo bapalusai, baimodimeaka ta bohu, basakababudjea ta Sinagoga.#12, 42 Endja 9, 22. 43Tengasa bapalaka ekumu e bato bonɔ e ekumu Ndjakomba.
Sambi ta tina e mobalo mo Yesu
44Yesu agamaka: «Soti, moto odimeini, adimeiti mbi, endolo adimei yona olomani. 45Moto yona oenini, aeni yona olomani. 46Mbi, naduaka boda bo bohu bo ngondo, na bea yona odimeini, abwaniti adae ta modidi. 47Moto yona okaka mibalo mi mbi ko atamisaka ta mosala, editi mbi moto waesambedjake; tengasa mbi naduaka tine boheledja bato ba ngondo endolo te bobasambedja. 48Moto adaka pɛ bodimeani ko atadimaka mibalo mi mbi, ataneake mosambedji o nde: edi mibalo mi balaka mbi mimosambedjabi ta isu i suka. 49Na tina emina, mbi naibalaka na mbi mɛnɛ, endolo Sesa olomani apani yo mɛnɛ mibeko miboanaka na mbi bobala ko boleha. 50Ko nadjebaka: mibeko mikapɛ yo boo lokɔe mikapɛ bomɔ bo seko. Na bea, mibalo mabalaka mbi, namibalaka oko elenge ebala Sesa na mbi.»
လက္ရွိေရြးခ်ယ္ထားမွု
YOANE 12: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
YOANE 12
12
Malia asuwoi Yesu mosoloa mo so elitindi ta mako
(Endja pongono ta Mat 26, 6-13; Mlk 14, 3-9)
1Masu masamano boso bo tɛkɛ e Pasika, Yesu akɛkɛ ta ngando e Betania#12, 1 Endja pongono ta Mal 11, 1., ta polo edaka Ladjalo, moto opusoa yo ta tei e bago. 2Oho, ayaka mia ma mokɔmedjaka na Malata. Ladjalo adaka omɔti odaka ena ta mesa eyaka Yesu. 3Na bea Malia atombaka molangi i modaka na ekenge e mosoloa moso e itindi, molumake na motuya monɛnɛ imokɔmɔkɔ na mole mokabebo nale. Amosuwoaka mosoloa momina ta mako, ngɔngɔ ahakoaka mako ma Yesu na swɛ i nde. Ndako esusu elumaka na so eitindi e mosoloa momina. 4Omɔti o batingami ba Yesu, Yudasi Isikaliota, yona wamokabake, abalaka: 5«Tina ndani otɛkitini mosoloa momina na mikama misato mi palanga#12, 5 Motuya mo mosoloa momina mobwani na iputi i basali mikama misato., tine bopa na batakeli?» 6Aibalaka bea te tine aokeaka batakeli pɛhɛ, endolo tine adaka moubi. Elenge adaka yo mobanei o tɔmbi e iputo, adaka aiba palanga. 7Endolo Yesu abalaka: «Mokinani bogo! Akɔi bea tine busa bopuseabinibo. 8Odabini seko na batakeli, endolo otadabini na mbi seko.»
Inginda tina e Ladjalo
9Emumu e bayuda baokaka gala boo Yesu adaka ta Betania. Baikɛkɛ oto ta tine Yesu, endolo pongono tina e boendja Ladjalo yona osisodjaka Yesu ta ndanda e bago. 10Bakumu ba banganga ba Ndjakomba badimanaka pongono bowa Ladjalo, 11tine bayuda banɛnɛ babatiaka ta tina e nde ko badimeaka Yesu.
Yesu akwei ta Yelusalɛmɛ
(Endja pongono ta Mat 21, 1-11; Mlk 11, 1-11; Luk 19, 28-40)
12Ngɔngɔ i isu imɔti, emumu e bato ekɛkɛ ta tɛkɛ e Pasika, baokaka boo Yesu adaka bokɛ ta Yelusalɛmɛ. 13Na bea bato ibadaka boso bo yesu batombaka maango ma mabiya ko baimaka ta ngando enɛnɛ bɛngi bakasakana na nde. Badaka bogama: «Ekumu adi Ndjakomba! Kina boo Ndjakomba adjongoe yona aduake na kombe e Mokondji! Kina boo Ndjakomba andjongoe Kumu o Isalɛlɛ#12, 13 Bokakanedja ta Ndj 118, 25-26. Ekumu Makomi mayou Odjana Endja pongono ta Mat 21, 9.!» 14Yesu atombaka mwana o ane ko abakamaka diko i yu, elenge abalaka ikomi:
15«Pɛ bobanga, ngando enɛnɛ e Siona!
Endja, Mokondji o wɛ adoi,
Adi ta diko i mwana o ane#12, 15 Dja 9, 9..»
16Boso mɛnɛ, batingami ba nde baisipoaka meako mimina; endolo ehole angɔndjɔmɔkɔ Yesu ta ekumu, balɛdjɛkɛ ikomi ibalamaka ta tina e nde ko meako mibalaka yo. 17Bato basusu badaka engbanga na Yesu ta ehole ebeaka yo na Ladjalo ta ikila ko amosisodjaka ta tei e bago, badaka botɔndɔ gala e meako mienɛkɛbo. 18Na tina emina emumu e bato baduaka bosakana na nde tine baokaka gala e bimbete bi ngindola bikɔkɔ yo. 19Bapalusai basabaleanaka: «Wɛnɛkɛni, otakɔni naikina eka, tengasa bato basusu bamokimanaka!»
Ekenge e Bagɛlɛki bahombi baenɛ Yesu
20Enakobea, edaka pongono na ekenge e Bagɛlɛki ibakɛkɛ ta Yelusalɛmɛ tine bokumedja Ndjakomba ta ehole e tɛkɛ. 21Babatamaka na Pilipo, yona odaka moto o ngando e Betesaida ta Galilea, ko bamohɔdjɔkɔ: «Tata, lapalaka loenɛ Yesu.» 22Na bea Pilipo akɛkɛ atɔndea Andele, ibea bo babae bakɛkɛ bobala na Yesu meako mimina. 23Yesu abasɔmbedjaka: «Ehole ebwani boo Mwana o moto akumedjame. 24Okobea, nabali na nu, edi soti: mbuma e bule ekadike oko mbuma emɔti emiti pɔɔ ta kpɔtɔ, etagwa. Endolo ekakwa ta kpɔtɔ, ebotake mbuma inɛnɛ. 25Iyona apalaka mohelo mo nde, amobungedjake; endolo yona alonaka bosapa ta ngondo ye, amobaneake tine bomɔ bo seko. 26Moto akapala bosaleani, akimaneni; na bea mosali o mbi adake pongono ta dɔngɔ idabi mbi ko Sange e mbi akakumedje yona okasaleni.»
Yesu abali tina e bogwa bo nde
27«Edɛdi mwembo mo mbi molengesani. Ebwani mbi bobala nde? Nabale: Sesa, heledjani ta ehole ye e saya? Enakobea edi mɛnɛ tine ehole ye enɔngi naimei ta ehole ye. 28Sesa, pa ekumu ta kombe e wɛ!» Na bea kɔpi eokamaka donga ta busa: «Naekumedja ehele ko naekumedjakabi.» 29Emumu e bato edaka ena ko baokaka kɔpi, babalaka: «Edi mogamo mo bɛi!» Bakina babalaka: «Obwɛndji abali na nde!» 30Endolo Yesu abasɔmbedjaka: «Editi tina e mbi kɔpi emina eokame, endolo edi ta tina e bino. 31Edɛdi edi ehole ebwani na ngondo bosambedjama; na bea mokondji o ngondo ye adoi adumbama sokolu. 32Ko, ehole angɔdjɔmɔbi mbi ta ngondo, natubabi bato basusu adi mbi.» 33Na ndjea e mibalo mimina, Yesu ainedjaka modumba mo yogo agwake yo. 34Emumu e bato bamosɔmbedjaka: «Iso lokaka ta buku i mibeko mi biso boo Kilito adakabi na bomɔ tina e seko. Moda ndani obwani bobala boo mwana o moto adi boangɔdjɔmɔ? Mwana omina o moto nda?» 35Yesu abalaka na bu naikina: «Bohu bodi oko ta tei e bino, endolo moo ehole mokɛkɛ. Dalani ehole edi no na bohu, bɛngi boo modidi mosaka ogbundumoani, tengasa yona adalaka ta modidi ta djebe polo akɛkɛ yo. 36Dimeani bohu ehole edi no na bohu, bɛngi oimeni bato ba bohu.»
Bayuda baloni bodimea Yesu
Ngɔngɔ i bobala bea, Yesu akɛkɛ ko abolamaka bohali na bu.
37Nongo akɔkɔ yo bimbete bi ngindola binɛnɛ ta miso ma bobo, baimodimeaka. 38Na bea ekokedjamaka elenge ebalaka mbaeli o Ndjakomba Isaya:
«Kumu, odimi bwɛndji bu nda?
Kumu aenɛmedji suwea e nde adi nda?»
39Isaya abalaka pongono tina ndani bato bia baimodimeaka:
40«Ndjakomba adipa miso ma bobo,
Adipa bowɛi bo bobo bɛngi miso ma bobo masakaenɛ,
Bowɛi bo bobo bodae pɛ bosipoama.
Endja pongono ta tina ebala Ndjakomba,
Milema mi bobo mitasɔmbɔ adi mbi
Tine boo nasabaheledja#12, 40 Isa 6, 9-10, elangama ta makoma mayou ma gɛlɛki..»
41Isaya abalaka bea tine anɛkɛ ekumu e Yesu ko abalaka ta tina e nde. 42Na bea, ta tei e bakondji ba bayuda, banɛnɛ ba bobo badimeaka Yesu. Endolo ta bɔɔ bo bapalusai, baimodimeaka ta bohu, basakababudjea ta Sinagoga.#12, 42 Endja 9, 22. 43Tengasa bapalaka ekumu e bato bonɔ e ekumu Ndjakomba.
Sambi ta tina e mobalo mo Yesu
44Yesu agamaka: «Soti, moto odimeini, adimeiti mbi, endolo adimei yona olomani. 45Moto yona oenini, aeni yona olomani. 46Mbi, naduaka boda bo bohu bo ngondo, na bea yona odimeini, abwaniti adae ta modidi. 47Moto yona okaka mibalo mi mbi ko atamisaka ta mosala, editi mbi moto waesambedjake; tengasa mbi naduaka tine boheledja bato ba ngondo endolo te bobasambedja. 48Moto adaka pɛ bodimeani ko atadimaka mibalo mi mbi, ataneake mosambedji o nde: edi mibalo mi balaka mbi mimosambedjabi ta isu i suka. 49Na tina emina, mbi naibalaka na mbi mɛnɛ, endolo Sesa olomani apani yo mɛnɛ mibeko miboanaka na mbi bobala ko boleha. 50Ko nadjebaka: mibeko mikapɛ yo boo lokɔe mikapɛ bomɔ bo seko. Na bea, mibalo mabalaka mbi, namibalaka oko elenge ebala Sesa na mbi.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)