MALAKO 5
5
Yesu abikyɛ bonto ɔmɔɔ oyalaki la belimo be bobe
(Lenda la nde Mat 8, 28-34; Luk 8, 26-39)
1Bakitɛ looko lɔnɛ lɔmɔɔ lo ndjale nde bokili booki ba Ngelaza. 2Nko Yesu aohulwe nde waato, bonto ɔmɔɔ oyalaki la bolimo bo bobe oumaki nde ngelo ayɛ yoponana la nde. 3Bonto uuko ambookihake nko nde ngelo, mpe la bonto ɔmɔɔ taɔhɔ yuunwa lenkina yobotungya mpanga. 4Mbala buuke imba babotungyakɛ mpanga la mpeko, ambootamolakɛ mpanga mpe amboopupolakɛ mpeko. Nko bonto oyalaki la nguya yobobuta. 5Ambooyalakɛ bilaka binkuma la waane la botio nko nde ngelo la ngomba, yoboba mpe yoyaotalya la babɔkɔ. 6Anɛ e ɛnɛki nde Yesu botale, apuhuwɛ yɔkɔ bakulubɔngɔ ntondo eeki nde, 7mpe abobɛ la nguya: «Yesu Bona ooki Ndjakomba ɛnɛ e lobola, lookiɛ la emi nɔ? Nkɔbɔndɛlɛ nde lina iki Ndjakomba, tontungyake!» 8– Atepelaki ngauko itina Yesu abobelaki: «Bolimo bo bobe, ola eka bonto ɔnɛ!» – 9Yesu abuubolɛ: «Lina ikiɛ nɔ?» Aunoyɛ: «Lina ikimi “Botonga”, itina toyali buuke.» 10Bolimo bo bobe bɔbɔndɛlɛ Yesu la weembeli mbɔ tabatindake looko lonkina.
11Mpeni looko lo ngomba, eyalaki la botonga bo bɔnɛnɛ bo ngulu bayaki yɔlɛkɛ. 12Belimo be bobe bɛbɔndɛlɛ Yesu mbɔ: «Ototinde nde ngulu, tɔɔtwe nde ikɔ!» 13Yesu abapɛ ndjela mpe belimo be bobe beolɛ, byɔtwɛ nde ngulu, mpe botonga boyabilingolɛ nde nkitibɔngɔ, boyaunɛ mpe bowɛ nde ndjale. Ngulu iyalaki ntute la nkoto ipe. 14Baahɛndjɛlɛki ngulu balotɛ, mpe batɛ itopa nsango nde imonga mpe nde bahala. Banto bayɛ yolenda iilekaki. 15Bayɛ ntute la Yesu, mpe baɛnɛ bonto o belimo be bobe akihi, angɔlɔtɛ bɔlɔti, mpe angohilamɛ nkya boyalaki nde la belimo be bobe buuke. Banto bankuma baokɛ bɔɔmɔ. 16Banɛ baɛnɛki ndenge inkuma, babangɛ yobahangela ilekaki itina iiki bonto o belimo be bobe la ngulu. 17Babɔndɛlɛ Yesu aume nde ehe ekibɔ. 18Anɛ ekondelɛ Yesu nde waato, bonto ooyalaki la belimo be bobe abɔndɛlɛ Yesu abɔkɔhe bakɛnde. 19Yesu talanga, yaa abobelɛ: «Unwa eka wɛ, mpe nde bokundi bookiɛ, lɔndɔyɔ ibɔ inkuma inga Nkolo akokelelɛ la ihɛi inga nde akookelɛ.» 20Bonto uuko atɛ mpe alɔndɔlɛ nde lobandja lo bamonga lyomu bakambo bankuma babokelelaki Yesu, mpe ibɔ bankuma bautɛ byɔli.
Bona o buunto ooki Yailo la buunto oobutaki ehenda eeki Yesu
(Lenda la nde Mat 9, 18-26; Luk 8, 40-56)
21Yesu aunwɛ yopendya lenkina nse e mboka e ndjale nde waato, mpe banto buuke bayaki yoyahokia ntute la nde, ayalaki nde ibongo. 22Bonkondi bɔmɔɔ boki botumba bo lɔbɔndɔ bo lina Yailo ayɛ. Anɛ e ɛnɛ nde Yesu, ayalikɛ nde bekolo bekinde 23mpe abɔbɔndɛlɛ la weembeli nde ante: «Bona okimi o buunto o eboha awa la nkandi, yaka mpe oboapye bɛbɔ kela abate lobiko mpe nkandi ehile!» 24Batɛ nde la Yesu ndjela ɛmɔɔ. Banto buuke batɛ itoboyelaka mpe itoboukaka mpika la lombuha.
25Nde banto baiko, eyalaki la buunto ɔmɔɔ ɔkɔnɛ nkandi yotanga bakila, akelɛ la ɛkɔ mbula lyomu la ipe. 26Anyɔkwɛ eka benganga buuke, aheyɛ lokutu lokinde lonkuma mpe tabika; yaa nkandi engalaki nko ngaangala. 27Anɛ eokɛ nde nsango eeki Yesu, ayɛ la lombuha lo banto, mpe abutɛ ehenda eeki Yesu. 28Itina ayahangelaki: «Kaki ngɔbɛngɛ nkya bihenda biikinde, nkoobika.» 29La mbala ɛmɔɔ, bakila baatangaki batenɛ, mpe aokɛ nde byonge biikinde angobikɛ la nkandi eyalaki laa nde. 30Nko aiko, Yesu aokaki nguya ɛmɔɔ engoboolɛ nde byonge, akalimwɛ mpe alendɛ boloy, ahangɛ: «Omboombute nde bihenda nɔ?» 31Bakɛndi la nde babobelɛ: «Wɛnɛ banto buuke baokuke mpika ndjoko inkuma mpe oyuubola lenkina: “Ombombute nɔ?”» 32Yaa Yesu alendɛ ntute la nde kela aɛnɛ ɔnɛ omboobobute. 33Buunto ɔkɔ atutumaki la bɔɔmɔ itina aebaki inɛ ingobolekelɛ; ayɛ yɔkɔ bakulubɔngɔ nde bekolo beeki Yesu mpe abohangelɛ nhɔhɔlɔ enkuma . 34Yesu nde ɔnɛ obobelɛ: «Bona okimi o buunto, waambi bookiɛ bongokobikyɛ, kɛndɛ bɔlɔti mpe bika la nkandi ekiɛ.»
35Nko aiko etepela Yesu, banto bankina baumɛ nde botumba booki bonkondi bo botumba bo lɔbɔndɔ, bayɛ yobobela: «Bona okiɛ o buunto angowɛ. Itina iitungya wɛ lenkina bolaki nɔ?» 36Ankya bookaki Yesu ngauko, abelaki Yailo: «Tookake bɔɔmɔ, yala nko la waambi.» 37Yesu taunwa yolanga bonto aboyele, akɔhɛ nko Petelo, Yakɛ la Yowane bohibotonga oki Yakɛ. 38Bakitɛ nde botumba booki bonkondi bo botumba bo lɔbɔndɔ, Yesu aɛnɛ banto bata baunwa, balela mpe bayahaba la yoboba la nguya. 39Aɔtwɛ mpe ababelɛ:«Lolyaleka mpe lolela ngauko itina nɔ? bona tawei, alali.» 40Mpe banto babɔɔlɛ. Aolyɛ banto bankuma, akɔhɛ nko ihe la nyango eki bona la banɛ bayaki la nde, baɔtwɛ mpiko eyalaki bona. 41Yesu abutɛ bona nde lɔbɔ mpe abobelɛ: «Talita kumi» – Elimbola wambɔ: «Eboha e buunto, nkobela, emala!».
42Nko aiko, bona eboha e buunto aemalɛ mpe abangɛ yɔkɛndɛ – ayalaki la mbula lyomu la ipe. Mbala ɛmɔɔ, banto bankuma bautɛ byɔli. 43Yesu abakokomyɛ tabahangelake la bonto ɔmɔɔ, nkamba aobabela: «Lobopa yomba ale.»
လက္ရွိေရြးခ်ယ္ထားမွု
MALAKO 5: lol
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
MALAKO 5
5
Yesu abikyɛ bonto ɔmɔɔ oyalaki la belimo be bobe
(Lenda la nde Mat 8, 28-34; Luk 8, 26-39)
1Bakitɛ looko lɔnɛ lɔmɔɔ lo ndjale nde bokili booki ba Ngelaza. 2Nko Yesu aohulwe nde waato, bonto ɔmɔɔ oyalaki la bolimo bo bobe oumaki nde ngelo ayɛ yoponana la nde. 3Bonto uuko ambookihake nko nde ngelo, mpe la bonto ɔmɔɔ taɔhɔ yuunwa lenkina yobotungya mpanga. 4Mbala buuke imba babotungyakɛ mpanga la mpeko, ambootamolakɛ mpanga mpe amboopupolakɛ mpeko. Nko bonto oyalaki la nguya yobobuta. 5Ambooyalakɛ bilaka binkuma la waane la botio nko nde ngelo la ngomba, yoboba mpe yoyaotalya la babɔkɔ. 6Anɛ e ɛnɛki nde Yesu botale, apuhuwɛ yɔkɔ bakulubɔngɔ ntondo eeki nde, 7mpe abobɛ la nguya: «Yesu Bona ooki Ndjakomba ɛnɛ e lobola, lookiɛ la emi nɔ? Nkɔbɔndɛlɛ nde lina iki Ndjakomba, tontungyake!» 8– Atepelaki ngauko itina Yesu abobelaki: «Bolimo bo bobe, ola eka bonto ɔnɛ!» – 9Yesu abuubolɛ: «Lina ikiɛ nɔ?» Aunoyɛ: «Lina ikimi “Botonga”, itina toyali buuke.» 10Bolimo bo bobe bɔbɔndɛlɛ Yesu la weembeli mbɔ tabatindake looko lonkina.
11Mpeni looko lo ngomba, eyalaki la botonga bo bɔnɛnɛ bo ngulu bayaki yɔlɛkɛ. 12Belimo be bobe bɛbɔndɛlɛ Yesu mbɔ: «Ototinde nde ngulu, tɔɔtwe nde ikɔ!» 13Yesu abapɛ ndjela mpe belimo be bobe beolɛ, byɔtwɛ nde ngulu, mpe botonga boyabilingolɛ nde nkitibɔngɔ, boyaunɛ mpe bowɛ nde ndjale. Ngulu iyalaki ntute la nkoto ipe. 14Baahɛndjɛlɛki ngulu balotɛ, mpe batɛ itopa nsango nde imonga mpe nde bahala. Banto bayɛ yolenda iilekaki. 15Bayɛ ntute la Yesu, mpe baɛnɛ bonto o belimo be bobe akihi, angɔlɔtɛ bɔlɔti, mpe angohilamɛ nkya boyalaki nde la belimo be bobe buuke. Banto bankuma baokɛ bɔɔmɔ. 16Banɛ baɛnɛki ndenge inkuma, babangɛ yobahangela ilekaki itina iiki bonto o belimo be bobe la ngulu. 17Babɔndɛlɛ Yesu aume nde ehe ekibɔ. 18Anɛ ekondelɛ Yesu nde waato, bonto ooyalaki la belimo be bobe abɔndɛlɛ Yesu abɔkɔhe bakɛnde. 19Yesu talanga, yaa abobelɛ: «Unwa eka wɛ, mpe nde bokundi bookiɛ, lɔndɔyɔ ibɔ inkuma inga Nkolo akokelelɛ la ihɛi inga nde akookelɛ.» 20Bonto uuko atɛ mpe alɔndɔlɛ nde lobandja lo bamonga lyomu bakambo bankuma babokelelaki Yesu, mpe ibɔ bankuma bautɛ byɔli.
Bona o buunto ooki Yailo la buunto oobutaki ehenda eeki Yesu
(Lenda la nde Mat 9, 18-26; Luk 8, 40-56)
21Yesu aunwɛ yopendya lenkina nse e mboka e ndjale nde waato, mpe banto buuke bayaki yoyahokia ntute la nde, ayalaki nde ibongo. 22Bonkondi bɔmɔɔ boki botumba bo lɔbɔndɔ bo lina Yailo ayɛ. Anɛ e ɛnɛ nde Yesu, ayalikɛ nde bekolo bekinde 23mpe abɔbɔndɛlɛ la weembeli nde ante: «Bona okimi o buunto o eboha awa la nkandi, yaka mpe oboapye bɛbɔ kela abate lobiko mpe nkandi ehile!» 24Batɛ nde la Yesu ndjela ɛmɔɔ. Banto buuke batɛ itoboyelaka mpe itoboukaka mpika la lombuha.
25Nde banto baiko, eyalaki la buunto ɔmɔɔ ɔkɔnɛ nkandi yotanga bakila, akelɛ la ɛkɔ mbula lyomu la ipe. 26Anyɔkwɛ eka benganga buuke, aheyɛ lokutu lokinde lonkuma mpe tabika; yaa nkandi engalaki nko ngaangala. 27Anɛ eokɛ nde nsango eeki Yesu, ayɛ la lombuha lo banto, mpe abutɛ ehenda eeki Yesu. 28Itina ayahangelaki: «Kaki ngɔbɛngɛ nkya bihenda biikinde, nkoobika.» 29La mbala ɛmɔɔ, bakila baatangaki batenɛ, mpe aokɛ nde byonge biikinde angobikɛ la nkandi eyalaki laa nde. 30Nko aiko, Yesu aokaki nguya ɛmɔɔ engoboolɛ nde byonge, akalimwɛ mpe alendɛ boloy, ahangɛ: «Omboombute nde bihenda nɔ?» 31Bakɛndi la nde babobelɛ: «Wɛnɛ banto buuke baokuke mpika ndjoko inkuma mpe oyuubola lenkina: “Ombombute nɔ?”» 32Yaa Yesu alendɛ ntute la nde kela aɛnɛ ɔnɛ omboobobute. 33Buunto ɔkɔ atutumaki la bɔɔmɔ itina aebaki inɛ ingobolekelɛ; ayɛ yɔkɔ bakulubɔngɔ nde bekolo beeki Yesu mpe abohangelɛ nhɔhɔlɔ enkuma . 34Yesu nde ɔnɛ obobelɛ: «Bona okimi o buunto, waambi bookiɛ bongokobikyɛ, kɛndɛ bɔlɔti mpe bika la nkandi ekiɛ.»
35Nko aiko etepela Yesu, banto bankina baumɛ nde botumba booki bonkondi bo botumba bo lɔbɔndɔ, bayɛ yobobela: «Bona okiɛ o buunto angowɛ. Itina iitungya wɛ lenkina bolaki nɔ?» 36Ankya bookaki Yesu ngauko, abelaki Yailo: «Tookake bɔɔmɔ, yala nko la waambi.» 37Yesu taunwa yolanga bonto aboyele, akɔhɛ nko Petelo, Yakɛ la Yowane bohibotonga oki Yakɛ. 38Bakitɛ nde botumba booki bonkondi bo botumba bo lɔbɔndɔ, Yesu aɛnɛ banto bata baunwa, balela mpe bayahaba la yoboba la nguya. 39Aɔtwɛ mpe ababelɛ:«Lolyaleka mpe lolela ngauko itina nɔ? bona tawei, alali.» 40Mpe banto babɔɔlɛ. Aolyɛ banto bankuma, akɔhɛ nko ihe la nyango eki bona la banɛ bayaki la nde, baɔtwɛ mpiko eyalaki bona. 41Yesu abutɛ bona nde lɔbɔ mpe abobelɛ: «Talita kumi» – Elimbola wambɔ: «Eboha e buunto, nkobela, emala!».
42Nko aiko, bona eboha e buunto aemalɛ mpe abangɛ yɔkɛndɛ – ayalaki la mbula lyomu la ipe. Mbala ɛmɔɔ, banto bankuma bautɛ byɔli. 43Yesu abakokomyɛ tabahangelake la bonto ɔmɔɔ, nkamba aobabela: «Lobopa yomba ale.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)