LUKA 2
2
Mbotwa eeki Yesu
(Lenda la nde Mat 1, 18-25)
1Nko nde elaka ɛkɔ#2, 1 Elaka ɛkɔ wambɔ mbuha e mbotwa eeki Yowane Buuni., Nkumu Kaisalo Ogisito atindɛ bonkanda bo lotango itina iiki banto bankuma bakihi nde bokili booki ba Loma#2, 1 Bokili booki ba Loma elimbola bihe binkuma biyaki Kaisalo Ogisito bonkondi .. 2Lotango lɔkɔ lo ntondo ntondo, lokelamaki elaka eyalaki Kilino bɔndɛlɛ-mboka booki etuka e Siliya. 3Banto bankuma bataki yɔkɔtɔ baina, bonto la bonto nde imonga ikinde. 4Yosepu mpe alangwɛ nde imonga i Nazalɛti iyali nde etuka e Ngalilaya, atɛ nde imonga i Bɛtɛlɛmɛ ebotwa Dawidi, nde etuka e Yudeya, itina nde kiika ayalaki bonto o bokundi booki Dawidi. 5Ataki yɔkɔtɔ lina nde lotango lɔkɔ nde la Balia, ihɔkɛ ikinde iyalaki la lyemi. 6Aiko eyalaki ibɔ mpiko, elaka yobota yoyela. 7Balia abotɛ nsɔmi okinde e loondo. Abolingɛ la bitate bi bihenda, mpe abolalyɛ nde eleelo eeki nyama, itina tababata ndye yokiha nde botumba bo babutu.
Bontomwa aolelɛ bahɛndjɛli ba mpata
8Nko mpiko ɛkɔ, eyalaki la banto banɛ bahɛndjɛlɛkɛ mpata, ibɔ balekyaki botyo buuko nde bilanga yɔhɛndjɛlɛ bibwa bikibɔ. 9Bontomwa booki Nkolo abaolelɛ mpe lwɛya looki Nkolo lwɛlyɛ ndye iiko eyalaki ibɔ. Baokɛ ekola e bɔɔmɔ. 10Bontomwa booki Ndjakomba ababelɛ nde wante: «Talokake bɔɔmɔ, ngoloyelɛ nsango ɛmɔɔ e bɔlɔti, engopa banto buuke ibulwako: 11nko nde botyo bɔnɛ bo lɔlɔkɔ, anɛ nde imonga inɛ iki Dawidi, bangolobotelɛ Bobikii, nde wambɔ Kilito Nkolo. 12Ndembetelo enga lwebe ɛkɔ ɛnɛ: longotana ilɛlɛngɛ alingi la bitate bi bihenda, abeti nde eleelo e nyama.»
13Mpe nko aiko mbala ɛmɔɔ, bɛlɔngɔ be bentomwa be lobola byolinga bontomwa booki Ndjakomba ipɔmbɔ, baokumya Ndjakomba, baotepela:
14«Lokumo eka Ndjakomba nde lobola#2, 14 Lobola elakania ndye e nkɛmbɔ,
bokili boyale la hɛi itina iiki banto baalanga nde.»
Bahɛndjɛli bayoli Bɛtɛlɛmɛ
15Nko bentomwa beki Nkolo baobahenye kela baunwe nde lobola, bahɛndjɛli ba mpata baoyahangela ibɔ la ibɔ: «Lolangwa, lotuukole, totu Bɛtɛlɛmɛ, itolenda ingolekɛ mpiko, nga bomba Nkolo atwebye.» 16Bahɛndjɛli ba mpata batɛ lobango lobango; bataanɛ Balia la Yosepu, la ilɛlɛngɛ yoyume yobotwa alali nde eleelo e nyama. 17Anɛ ɛnɛki bahɛndjɛli bona, baebyɛ inkuma ibahangelaki bontomwa booki Nkolo itina iiki ilɛlɛngɛ iiko. 18Banto bankuma baokaki nsango eeki bahɛndjɛli ba mpata baitɛ nko byoli la inɛ ibahangelaki ibɔ. 19Nga la Balia, abombɛ ikɔ inkuma nde botema bokinde mpe aikanenake. 20Bahɛndjɛli ba mpata baunwɛ eka ibɔ. Bakumyɛ bɔnɛnɛ booki Ndjakomba itina iiki mbo inkuma yokaki ibɔ la yɛnɛki ibɔ, inkuma ilɛkɛ nko ndenge ɛnɛ ebahangelaki bontomwa booki Nkolo.
Batikɛ Yesu lina
21Nde bɔkɔlɔ bo mwambi mbuha e mbotwa, buuna bo yopupola bona mpulu bokitɛ; batikɛ bona lina Yesu, nko ndenge etepelaki bontomwa booki Nkolo ntondo eeki nyango apɔhwe lyemi.
Baɛniɛ Yesu nde Tɛmpɛlo
22La lombuha luuko, anɛ ekitaki elaka e mpɛtwa ndenge etinda bobeko booki Mose#2, 22 Lenda nde Lewitiki 12, 2-4., ihe la nyango ibɔ banɛ bayobotombaka nde Tɛmpɛlo e Yelusalɛmɛ kela babolakye eka Nkolo. 23Lolenge lokomi nde buku e bobeko booki Nkolo: «Nsɔmi enkuma e loondo engobotwe, bangoobokapela Nkolo.» 24Bapaake mpe mbeka ɛnɛ e ibola bobeko booki Nkolo, «bimpompo bipe laa mpe bimbenga bipe.»
25Nko nde elaka iiko, eyalaki la bonto ɔmɔɔ nde Yelusalɛmɛ, lina ikinde Simeyo. Ayalaki bonto ɔmɔɔ o semba mpe oyali la imɛmɔ eka Nkolo, aolile la botema bɔmɔɔ bonto ɔnɛ ongobikye Isalaɛlɛ. Bolimo bo Bɔyɛngwa mpe boyalaki la nde. 26Bolimo bo Bɔyɛngwa bɔwɛniaki tangowa nkwɛnɛ Masiya, bontomwa booki Nkolo. 27Nko aiko, Bolimo bobotindɛ atu nde Tɛmpɛlo. Elaka eyaki mboti iiki Yesu yokela mbo itinda bobeko itina ikinde, 28Simeyo akɔhɛ bona nde bɛbɔ bekinde, apɛɛ Nkolo bokako mpe ahangɛ ngɔnɛ:
29«Nkolo, aiko eha wɛ okokya elaka ekiɛ;
henyaka bosali bokiɛ akɛnde la hɛi.
30Itina ngwɛnɛ emi kiika la baiho lobiko lokiɛ,
31lɔnɛ lɔbɔngyɛ wɛ ntondo eeki bekili benkuma:
32lwɛya lɔnɛ lɔngɔkwɛnia eka bikolo binkuma nde bolongo,
lokumo loki Isalaɛlɛ, botonga bokiɛ.»
Simeyo aebyɛ inɛ yoye
33Ihe la nyango eeki bona bayuula nkimo anɛ yokaki ibɔ itepela Simeyo itina iiki bona. 34Nko aiko, Simeyo aobatɔmɛya bokako mpe aohangela Balia, nyango eeki bona: «Lenda, bona ɔnɛ angooyala itina i ɛkwa la itina i elonga eeki banto buuke nde Isalaɛlɛ, angooyala itina i lɔmpɛnyɛ eka banto buuke; 35ngauko bikanelo binɛ bihamaki nde betema beki banto buuke bingoyola nde bongala. Nga la wɛ, nyango, ongoyoka lyale nga wɛnɛ wɛ bangokobokɛ ikula nde botema.»
Ana, engambi e bainto ntepeli
36Nko nde elaka iiko, ntepeli ɛmɔɔ e buunto ayɛ la nde nko aiko, lina ikinde Ana, bona ooki Panwɛlɛ, nde bokundi booki Asɛlɛ. Akitɛ nte engambi e bainto. Abalaki nde boboha, mpe baokihi nde la boome nko mbula nsambo, 37boome abowɛ mpe akityɛ mbula ntuku mwambi la inɛi. Ambooyalake nde Tɛmpɛlo, la waane la botyo aosalele nko Ndjakomba, bohala nko yoyakilya byomba la yɔbɔndɛlɛ. 38Akitɛ nko nde elaka iiko mpe abangɛ yokumya Ndjakomba. Ahangelɛ nsango eeki bona uuko eka banto bankuma balilaki lobiko loki Yelusalɛmɛ.
Inwelo Nazalɛti
39Anɛ eheyaki mboti iiki Yesu mbo inkuma iibola bobeko booki Nkolo, bayaunoyɛ ibɔ la nde Ngalilaya nde imonga ikibɔ i Nazalɛti. 40Bona aolwɛ mpe abatɛ nguya. Wanya bopendɛ mpe lɔbɔ loki Ndjakomba lowapemɛ.
Yesu nde Tɛmpɛlo la mbula liomu la ipe
41Wengi mbula, mboti iiki Yesu bambootakɛ Yelusalɛmɛ nde ntɛkɔ e Pasika. 42Anɛ ekityaki Yesu mbula lyomu la ipe, bobotombɛ la nde, nga wekehelɛ ibɔ yokela. 43Nko ntɛkɔ yohile, bayaunoyɛ eka ibɔ, yaa nko bona o eboha Yesu atikalɛ Yelusalɛmɛ, ihe la nyango nkweba. 44Bakambaki nko Yesu aoye nde la baninga mpe bakɛndɛ buuna lonkundu. Babotobotile eka bahi botonga la baninga baakiibɔ, 45tawɛnɛ. Ekɔiko inwaki ibɔ Yelusalɛmɛ nko yotobotilaka. 46Buuna bo behato, babotanɛ nde Tɛmpɛlo, akihi nde la belaki be bobeko, abaoka mpe abaibola mbo. 47Banto bankuma bailɛ nkimo la lyanya ikinde mpe la mbuto yapa nde. 48Anɛ ɛwɛnɛki mboti, bakulɛ bakoto mpe nyango abuubolɛ: «Bona okimi, itina inga wɛ otokelɛ ngɔnɛ nnɔ? Emi la ihe ekiɛ tomboyale la lɔkɛi baa aiko ekotila nso.» 49Ababelɛ: «Itina intila nyo nnɔ? Lopwebe mbɔ bɔlɔti ndandele mbo iiki Ihe ekimi?» 50Lendaka ibɔ, tababuteya itina i lobo lɔnɛ lobabelaki nde.
51Lombuha luuko, Yesu aunwɛ Nazalɛti nde la ibɔ. Ambookelakɛ mbo inkuma imbobobelakɛ ibɔ. Mpe Nyango ekinde abombɛ mbo iiko inkuma ilekaki nde botema bokinde. 52Yesu aolwɛ la wanya, nde byonge, mpe la Ndjakomba la banto bayalaki la ibulwako itina ikinde.
လက္ရွိေရြးခ်ယ္ထားမွု
LUKA 2: lol
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 2
2
Mbotwa eeki Yesu
(Lenda la nde Mat 1, 18-25)
1Nko nde elaka ɛkɔ#2, 1 Elaka ɛkɔ wambɔ mbuha e mbotwa eeki Yowane Buuni., Nkumu Kaisalo Ogisito atindɛ bonkanda bo lotango itina iiki banto bankuma bakihi nde bokili booki ba Loma#2, 1 Bokili booki ba Loma elimbola bihe binkuma biyaki Kaisalo Ogisito bonkondi .. 2Lotango lɔkɔ lo ntondo ntondo, lokelamaki elaka eyalaki Kilino bɔndɛlɛ-mboka booki etuka e Siliya. 3Banto bankuma bataki yɔkɔtɔ baina, bonto la bonto nde imonga ikinde. 4Yosepu mpe alangwɛ nde imonga i Nazalɛti iyali nde etuka e Ngalilaya, atɛ nde imonga i Bɛtɛlɛmɛ ebotwa Dawidi, nde etuka e Yudeya, itina nde kiika ayalaki bonto o bokundi booki Dawidi. 5Ataki yɔkɔtɔ lina nde lotango lɔkɔ nde la Balia, ihɔkɛ ikinde iyalaki la lyemi. 6Aiko eyalaki ibɔ mpiko, elaka yobota yoyela. 7Balia abotɛ nsɔmi okinde e loondo. Abolingɛ la bitate bi bihenda, mpe abolalyɛ nde eleelo eeki nyama, itina tababata ndye yokiha nde botumba bo babutu.
Bontomwa aolelɛ bahɛndjɛli ba mpata
8Nko mpiko ɛkɔ, eyalaki la banto banɛ bahɛndjɛlɛkɛ mpata, ibɔ balekyaki botyo buuko nde bilanga yɔhɛndjɛlɛ bibwa bikibɔ. 9Bontomwa booki Nkolo abaolelɛ mpe lwɛya looki Nkolo lwɛlyɛ ndye iiko eyalaki ibɔ. Baokɛ ekola e bɔɔmɔ. 10Bontomwa booki Ndjakomba ababelɛ nde wante: «Talokake bɔɔmɔ, ngoloyelɛ nsango ɛmɔɔ e bɔlɔti, engopa banto buuke ibulwako: 11nko nde botyo bɔnɛ bo lɔlɔkɔ, anɛ nde imonga inɛ iki Dawidi, bangolobotelɛ Bobikii, nde wambɔ Kilito Nkolo. 12Ndembetelo enga lwebe ɛkɔ ɛnɛ: longotana ilɛlɛngɛ alingi la bitate bi bihenda, abeti nde eleelo e nyama.»
13Mpe nko aiko mbala ɛmɔɔ, bɛlɔngɔ be bentomwa be lobola byolinga bontomwa booki Ndjakomba ipɔmbɔ, baokumya Ndjakomba, baotepela:
14«Lokumo eka Ndjakomba nde lobola#2, 14 Lobola elakania ndye e nkɛmbɔ,
bokili boyale la hɛi itina iiki banto baalanga nde.»
Bahɛndjɛli bayoli Bɛtɛlɛmɛ
15Nko bentomwa beki Nkolo baobahenye kela baunwe nde lobola, bahɛndjɛli ba mpata baoyahangela ibɔ la ibɔ: «Lolangwa, lotuukole, totu Bɛtɛlɛmɛ, itolenda ingolekɛ mpiko, nga bomba Nkolo atwebye.» 16Bahɛndjɛli ba mpata batɛ lobango lobango; bataanɛ Balia la Yosepu, la ilɛlɛngɛ yoyume yobotwa alali nde eleelo e nyama. 17Anɛ ɛnɛki bahɛndjɛli bona, baebyɛ inkuma ibahangelaki bontomwa booki Nkolo itina iiki ilɛlɛngɛ iiko. 18Banto bankuma baokaki nsango eeki bahɛndjɛli ba mpata baitɛ nko byoli la inɛ ibahangelaki ibɔ. 19Nga la Balia, abombɛ ikɔ inkuma nde botema bokinde mpe aikanenake. 20Bahɛndjɛli ba mpata baunwɛ eka ibɔ. Bakumyɛ bɔnɛnɛ booki Ndjakomba itina iiki mbo inkuma yokaki ibɔ la yɛnɛki ibɔ, inkuma ilɛkɛ nko ndenge ɛnɛ ebahangelaki bontomwa booki Nkolo.
Batikɛ Yesu lina
21Nde bɔkɔlɔ bo mwambi mbuha e mbotwa, buuna bo yopupola bona mpulu bokitɛ; batikɛ bona lina Yesu, nko ndenge etepelaki bontomwa booki Nkolo ntondo eeki nyango apɔhwe lyemi.
Baɛniɛ Yesu nde Tɛmpɛlo
22La lombuha luuko, anɛ ekitaki elaka e mpɛtwa ndenge etinda bobeko booki Mose#2, 22 Lenda nde Lewitiki 12, 2-4., ihe la nyango ibɔ banɛ bayobotombaka nde Tɛmpɛlo e Yelusalɛmɛ kela babolakye eka Nkolo. 23Lolenge lokomi nde buku e bobeko booki Nkolo: «Nsɔmi enkuma e loondo engobotwe, bangoobokapela Nkolo.» 24Bapaake mpe mbeka ɛnɛ e ibola bobeko booki Nkolo, «bimpompo bipe laa mpe bimbenga bipe.»
25Nko nde elaka iiko, eyalaki la bonto ɔmɔɔ nde Yelusalɛmɛ, lina ikinde Simeyo. Ayalaki bonto ɔmɔɔ o semba mpe oyali la imɛmɔ eka Nkolo, aolile la botema bɔmɔɔ bonto ɔnɛ ongobikye Isalaɛlɛ. Bolimo bo Bɔyɛngwa mpe boyalaki la nde. 26Bolimo bo Bɔyɛngwa bɔwɛniaki tangowa nkwɛnɛ Masiya, bontomwa booki Nkolo. 27Nko aiko, Bolimo bobotindɛ atu nde Tɛmpɛlo. Elaka eyaki mboti iiki Yesu yokela mbo itinda bobeko itina ikinde, 28Simeyo akɔhɛ bona nde bɛbɔ bekinde, apɛɛ Nkolo bokako mpe ahangɛ ngɔnɛ:
29«Nkolo, aiko eha wɛ okokya elaka ekiɛ;
henyaka bosali bokiɛ akɛnde la hɛi.
30Itina ngwɛnɛ emi kiika la baiho lobiko lokiɛ,
31lɔnɛ lɔbɔngyɛ wɛ ntondo eeki bekili benkuma:
32lwɛya lɔnɛ lɔngɔkwɛnia eka bikolo binkuma nde bolongo,
lokumo loki Isalaɛlɛ, botonga bokiɛ.»
Simeyo aebyɛ inɛ yoye
33Ihe la nyango eeki bona bayuula nkimo anɛ yokaki ibɔ itepela Simeyo itina iiki bona. 34Nko aiko, Simeyo aobatɔmɛya bokako mpe aohangela Balia, nyango eeki bona: «Lenda, bona ɔnɛ angooyala itina i ɛkwa la itina i elonga eeki banto buuke nde Isalaɛlɛ, angooyala itina i lɔmpɛnyɛ eka banto buuke; 35ngauko bikanelo binɛ bihamaki nde betema beki banto buuke bingoyola nde bongala. Nga la wɛ, nyango, ongoyoka lyale nga wɛnɛ wɛ bangokobokɛ ikula nde botema.»
Ana, engambi e bainto ntepeli
36Nko nde elaka iiko, ntepeli ɛmɔɔ e buunto ayɛ la nde nko aiko, lina ikinde Ana, bona ooki Panwɛlɛ, nde bokundi booki Asɛlɛ. Akitɛ nte engambi e bainto. Abalaki nde boboha, mpe baokihi nde la boome nko mbula nsambo, 37boome abowɛ mpe akityɛ mbula ntuku mwambi la inɛi. Ambooyalake nde Tɛmpɛlo, la waane la botyo aosalele nko Ndjakomba, bohala nko yoyakilya byomba la yɔbɔndɛlɛ. 38Akitɛ nko nde elaka iiko mpe abangɛ yokumya Ndjakomba. Ahangelɛ nsango eeki bona uuko eka banto bankuma balilaki lobiko loki Yelusalɛmɛ.
Inwelo Nazalɛti
39Anɛ eheyaki mboti iiki Yesu mbo inkuma iibola bobeko booki Nkolo, bayaunoyɛ ibɔ la nde Ngalilaya nde imonga ikibɔ i Nazalɛti. 40Bona aolwɛ mpe abatɛ nguya. Wanya bopendɛ mpe lɔbɔ loki Ndjakomba lowapemɛ.
Yesu nde Tɛmpɛlo la mbula liomu la ipe
41Wengi mbula, mboti iiki Yesu bambootakɛ Yelusalɛmɛ nde ntɛkɔ e Pasika. 42Anɛ ekityaki Yesu mbula lyomu la ipe, bobotombɛ la nde, nga wekehelɛ ibɔ yokela. 43Nko ntɛkɔ yohile, bayaunoyɛ eka ibɔ, yaa nko bona o eboha Yesu atikalɛ Yelusalɛmɛ, ihe la nyango nkweba. 44Bakambaki nko Yesu aoye nde la baninga mpe bakɛndɛ buuna lonkundu. Babotobotile eka bahi botonga la baninga baakiibɔ, 45tawɛnɛ. Ekɔiko inwaki ibɔ Yelusalɛmɛ nko yotobotilaka. 46Buuna bo behato, babotanɛ nde Tɛmpɛlo, akihi nde la belaki be bobeko, abaoka mpe abaibola mbo. 47Banto bankuma bailɛ nkimo la lyanya ikinde mpe la mbuto yapa nde. 48Anɛ ɛwɛnɛki mboti, bakulɛ bakoto mpe nyango abuubolɛ: «Bona okimi, itina inga wɛ otokelɛ ngɔnɛ nnɔ? Emi la ihe ekiɛ tomboyale la lɔkɛi baa aiko ekotila nso.» 49Ababelɛ: «Itina intila nyo nnɔ? Lopwebe mbɔ bɔlɔti ndandele mbo iiki Ihe ekimi?» 50Lendaka ibɔ, tababuteya itina i lobo lɔnɛ lobabelaki nde.
51Lombuha luuko, Yesu aunwɛ Nazalɛti nde la ibɔ. Ambookelakɛ mbo inkuma imbobobelakɛ ibɔ. Mpe Nyango ekinde abombɛ mbo iiko inkuma ilekaki nde botema bokinde. 52Yesu aolwɛ la wanya, nde byonge, mpe la Ndjakomba la banto bayalaki la ibulwako itina ikinde.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)