LUKA 23
23
Yesu boso ba Pilato
(Hokea koko Mat 27, 1-2.11-14; Mal 15, 1-5; Yoa 18, 28-38)
1Bato ba ibolea basusu baema ko bakɛɛ na Yesu boso ba Pilato. 2Eho, babanga omopunda boo: «Iso lotanei moto hoo apeli aomodja bato ba booso: Abala na bu bo bataputa puti ɛ kumu Kaisala ko asakumedja boo adii Masiya, Kumu.» 3Pilato ahɔdja Yesu boo: «Wɛ, odii kumu ɔ Bayuda?» Yesu amosɔmbɛdja boo: «Edii wɛ, obali bea.» 4Pilato abala na bakumu ba banganga ba Ndjambe ko na bato bike ibadaka ena boo: «Naeniti modjɔ mobe moboani odumba moto hoo na ikambo.» 5Endolo ibo babala ohuu na ngulu boo: «Yo aomodjaka bato na bileho ba nde. Abanga ta Galilai, anɔɔ ta Yuda esusu ko, hadɛdi, adoi kokoko ha.»
Yesu boso ba Elode
6Ehole ɛoka Pilato bibaeli bia, ahɔdja boo: «Moto hoo edii yo ɔ Galilai?» 7Ɔoka yo boo Yesu adaka moto ɔ ekenge ɛ ngando ɛdaka Elode kumu, amoloma odii Elode tina ɛ boo Elode adaka ta Yelusalema ta maswi mia. 8Elode asepa oenɛ Yesu, tina ɛ boo, ehole eyai aoka gala ɛ nde ko adaka na posa ɛ osaka na nde; aisaka molema boo Yesu amoinedjae embete emɔti ɛ okamoa. 9Amohɔdja mahɔdja mike, endolo Yesu aimosɔmbɛdja noko modjɔ momɔti. 10Bakumu ba banganga ba Ndjambe ko bato ba edjebeli ɛ mibeko badaka ena ko bamopunda na kɛlɛ enɛnɛ mɛɛnɛ. 11Elode na basoda ba nde bamosɛkɛkɛ ko bamotiola. Bamolwɛdja esendja ɛ ikulaka ko bamosɔmbɛdja odii Pilato. 12Elode na Pilato baiokanaka boso; ta iswi dia, baimea na bwela bopele.
Yesu adihi etumbu ɛ ogwa
(Hokea koko Mat 27, 15-26; Mal 15, 6-15; Yoa 18, 39; 19, 16)
13Pilato aputoanedja bakumu ba banganga ba Ndjambe, bakumu ba ngando ko na bato, 14ko abala na bu boo: «Ino odoini odii mbai na moto hoo boo yo apaka bato molo mopipo. Na bea, mbai namohɔdjai ta boso ba boono ko namodihiti na modjɔ momɔti mobe ta mia misusu imi mopundi na nu. 15Elode koko amodihiti na modjɔ mobe, tina ɛ boo amosɔmbɛdjai ono odi so. Na bea, moto hoo akɔiti modjɔ mobe momɔti imoboani na nde ogwa. 16Namobomedjae pimbo, ngɔngɔ djia namokinalea.» 17Ta masaka masusu ma tɛkɛ ɛ Pasika, Pilato adaka na elomu ɛ obatingoa moto omɔti ta bɔlɔkɔ. 18Endolo ibo basusu bagama engbanga emɔti boo: «Owa moto ona! Lokinea Balaba!» 19Balaba apeamaka ta bɔlɔkɔ tina ɛ otɔmbɔ ibakɔmɔ ta ibonga ko na tina ɛ oowa moto. 20Pilato adaka na posa ɛ okina Yesu, abala koko na bu mbala ekina. 21Endolo bato bagama boo: «Mobaka ta ekulusu! Mobaka ta ekulusu!» 22Pilato asɔmbɔ koko obala na bu mbala ɛ basato boo: «Obe bokɔi yo nda? Mbai naeniti modjɔ mobe momɔti mokoki na nde ogwa. Namobomedjae oko pimbo ngɔngɔ djia namokinalea!» 23Endolo bangaledja oko ogama na ngulu boo Yesu abakame ta ekulusu. Bea migamo ma bobo malonga. 24Pilato apa enɔli boo bakokedjae modjɔ imahɔdjaka bo. 25Pilato atingoa Balaba oko moda mapalaka bo, ona oingea ta bɔlɔkɔ tina ɛ opa bato molo mopipo ko na oowa, ko abapa Yesu bɛngɛ boo bakɔe na nde moda mapalaka bo.
Yesu abakami ta ekulusu
(Hokea koko Mat 27, 32-44; Mal 15, 21-32; Yoa 19, 17-27)
26Ena ɔdaka bo bakɛɛ na Yesu, basaka na Simo, moto ɔ Kulene, ona ɔhulaka ta gue. Basoda bamopea ko bamotombedja ekulusu ɛ Yesu boo adale na yu ayelwali ngɔngɔ dja nde. 27Bato bike ba ngando badaka bakimane Yesu, na bali bike ibayeaka ko ibabakeaka mabɔ ta melo ta tina ɛ nde. 28Yesu ahombana odi bali bia ko abala boo: «Bali ba Yelusalema, pɛpɛ oyeani ta diko la mbai! Endolo yeani tina ɛ boono na tina ɛ bana ba boono! 29Tina ɛ boo maswi maduake imabalabi bo boo: “Sepi odii bali batete, ibadii oko pɛpɛ obota ko ibadii oko pɛpɛ onungea!” 30Bea bato babalabi na ngomba boo: “Kwani diko la booso!” ko na makoli boo: “Lobombani!” 31Tina ɛ boo bakakɔɔ na mole mobesu bea, ekɔmɔlea moda ndani na mole mokakanu?»
32Bakɛɛ koko na bato babae, bato ba mikɔ mibe, tina ɛ obaowa engbanga emɔti na Yesu. 33Ehole ɛimea bo ta esika ɛbeaka bo «Engbongolo ɛ molo», basoda babaka Yesu ta ekulusu ko na bato babae ba mikɔ mibe, omɔti ta ebɔ ɛ nde ɛ baami, okina ta ebɔ ɛ nde ɛ bali. 34Bea Yesu abala boo: «Tata, bayɛɛ tina ɛ boo batadjebaka modjɔ makɔkɔ bo.» Basoda baboma djonga tina ɛ okaana bisendja ba nde. 35Bato badaka baemi ena ko bahokeaka. Bakumu ba bayuda bamosɛkɛkɛ ena babala boo: «Aheledja bato bakina; amekesaheledja yo mɛnɛ, ekada boo adii Masiya, ona ɔhɔmɔ na Ndjambe!» 36Basoda koko bamosɛkɛ; basabatea mbuti na nde, bamopa mana ma ngai 37ko babala na nde boo: «Okadaa kumu ɔ Bayuda, saheledja wɛ mɛɛnɛ!» 38Diko la molo ma nde, bakoma boo: «Moto hoo adii kumu ɔ Bayuda.»
39Omɔti ɔ bato ba mikɔ mibe ona ɔbakama na Yesu ta ekulusu amosingaka ena abala boo: «Oditi Masiya? Saheledja wɛ mɛɛnɛ, ko loheledja koko iso!» 40Endolo okina amopɛlɛ ko abala na nde boo: «Wɛ tobange Ndjambe, wɛ ona odihi etumbu moda momɔti na nde? 41Tina ɛ booso etumbu eboani, loputami oboana na mikɔ ma booso; endolo yo aikɔ noko modjɔ mobe momɔti!» 42Bea abala na Yesu boo: «Yesu, tolɛdjani ta ehole eduabi wɛ ta okumu ba wɛ.» 43Yesu amosɔmbɛdja boo: «Nabalaka na wɛ sooti: busabu odalea na mbai ta paladiso.»
Ogwa ba Yesu
(Hokea koko Mat 27, 45-56; Mal 15, 33-41; Yoa 19, 28-30)
44Edaka mbuti na ndanda ɛ busa; diso la busa lakina opa ohuu. Modidi madipa ngondo esusu mbunoko ngonga ɛ basato ngɔngɔ dja ndanda ɛ busa. 45Esendja enɛnɛ ɛdaka esɛpi ta ndanda ɛ tepelo eolea biale bibae.#23, 45 Lido ena ɛdaka si ɛ esika esɛnokɛ na esika enoi na osɛnɔ. Ndjambe ayeola tina ɛ oenedja bo hadedi moto na moto aboani osabatea na nde, etada koko mandi ma nganga o monɛnɛ. 46Yesu agama na ngulu boo: «Tata, nasɔmbɛdjai molimo ma mbai ta mabɔ ma wɛ!» Ɔsidja yo obala bibaeli bia, agwi. 47Ehole ɛɛnɛ kumu ɔ basoda modjɔ mua; akumedja Ndjambe ko abala boo: «Sooti mɛɛnɛ, moto hoo adakiti na ibunga!» 48Bato bike ibadaka ena, baenɛ midjɔ mia misusu imanɔkɔ. Bea basɔmbɔ ta madie ma bobo mabo mabaki ta bupa na ndjokwa. 49Bato basusu ibamodjebaka, na bali bia ibamokimanaka donga Galilai, baema ohali bɛngɛ bahokee mia imanɔkɔ.
Bapusei Yesu ta ikila
(Hokea koko Mat 27, 57-61; Mal 15, 42-47; Yoa 19, 38-42)
50Edaka na moto omɔti ena kombe ɛ nde Yosepu, ɔ ibonga la yuda la Alimate. Moto ona adaka mopele ko na odjoo, 51alɛndɛkɛ odua ba Okumu ba Ndjambe. Adaka omɔti ɔ Ikita ilinɛnɛ, endolo aidhima mia imasukedja bo ko imakɔɔ bia bakina. 52Akɛɛ odii Pilato ko amosɛngɛ ndjemba ɛ Yesu. 53Ngɔngɔ atitedja ndjemba ɛ Yesu ta ekulusu, ayedinga na molekani ko ayesambea ta ikila ilalongama ta mondeke, iladaa bo pɛpɛ opusea moto omɔti ena. 54Ɛdaka iswi la batano, iladaka mbuti na ibange la sabata ɛ bobo. 55Bali ibadaka na Yesu engbanga donga Galilai, bakɛɛ na Yosepu, ko bahokea ikila ko baenɛ moda masambeabo ndjemba ɛ Yesu. 56Ngɔngɔ djia basɔmbɔ ta ibonga ko babɔngɛdja minɛ ma so epele na malasi. Bahema busa ba sabata, okimana na mobeko.
လက္ရွိေရြးခ်ယ္ထားမွု
LUKA 23: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)
LUKA 23
23
Yesu boso ba Pilato
(Hokea koko Mat 27, 1-2.11-14; Mal 15, 1-5; Yoa 18, 28-38)
1Bato ba ibolea basusu baema ko bakɛɛ na Yesu boso ba Pilato. 2Eho, babanga omopunda boo: «Iso lotanei moto hoo apeli aomodja bato ba booso: Abala na bu bo bataputa puti ɛ kumu Kaisala ko asakumedja boo adii Masiya, Kumu.» 3Pilato ahɔdja Yesu boo: «Wɛ, odii kumu ɔ Bayuda?» Yesu amosɔmbɛdja boo: «Edii wɛ, obali bea.» 4Pilato abala na bakumu ba banganga ba Ndjambe ko na bato bike ibadaka ena boo: «Naeniti modjɔ mobe moboani odumba moto hoo na ikambo.» 5Endolo ibo babala ohuu na ngulu boo: «Yo aomodjaka bato na bileho ba nde. Abanga ta Galilai, anɔɔ ta Yuda esusu ko, hadɛdi, adoi kokoko ha.»
Yesu boso ba Elode
6Ehole ɛoka Pilato bibaeli bia, ahɔdja boo: «Moto hoo edii yo ɔ Galilai?» 7Ɔoka yo boo Yesu adaka moto ɔ ekenge ɛ ngando ɛdaka Elode kumu, amoloma odii Elode tina ɛ boo Elode adaka ta Yelusalema ta maswi mia. 8Elode asepa oenɛ Yesu, tina ɛ boo, ehole eyai aoka gala ɛ nde ko adaka na posa ɛ osaka na nde; aisaka molema boo Yesu amoinedjae embete emɔti ɛ okamoa. 9Amohɔdja mahɔdja mike, endolo Yesu aimosɔmbɛdja noko modjɔ momɔti. 10Bakumu ba banganga ba Ndjambe ko bato ba edjebeli ɛ mibeko badaka ena ko bamopunda na kɛlɛ enɛnɛ mɛɛnɛ. 11Elode na basoda ba nde bamosɛkɛkɛ ko bamotiola. Bamolwɛdja esendja ɛ ikulaka ko bamosɔmbɛdja odii Pilato. 12Elode na Pilato baiokanaka boso; ta iswi dia, baimea na bwela bopele.
Yesu adihi etumbu ɛ ogwa
(Hokea koko Mat 27, 15-26; Mal 15, 6-15; Yoa 18, 39; 19, 16)
13Pilato aputoanedja bakumu ba banganga ba Ndjambe, bakumu ba ngando ko na bato, 14ko abala na bu boo: «Ino odoini odii mbai na moto hoo boo yo apaka bato molo mopipo. Na bea, mbai namohɔdjai ta boso ba boono ko namodihiti na modjɔ momɔti mobe ta mia misusu imi mopundi na nu. 15Elode koko amodihiti na modjɔ mobe, tina ɛ boo amosɔmbɛdjai ono odi so. Na bea, moto hoo akɔiti modjɔ mobe momɔti imoboani na nde ogwa. 16Namobomedjae pimbo, ngɔngɔ djia namokinalea.» 17Ta masaka masusu ma tɛkɛ ɛ Pasika, Pilato adaka na elomu ɛ obatingoa moto omɔti ta bɔlɔkɔ. 18Endolo ibo basusu bagama engbanga emɔti boo: «Owa moto ona! Lokinea Balaba!» 19Balaba apeamaka ta bɔlɔkɔ tina ɛ otɔmbɔ ibakɔmɔ ta ibonga ko na tina ɛ oowa moto. 20Pilato adaka na posa ɛ okina Yesu, abala koko na bu mbala ekina. 21Endolo bato bagama boo: «Mobaka ta ekulusu! Mobaka ta ekulusu!» 22Pilato asɔmbɔ koko obala na bu mbala ɛ basato boo: «Obe bokɔi yo nda? Mbai naeniti modjɔ mobe momɔti mokoki na nde ogwa. Namobomedjae oko pimbo ngɔngɔ djia namokinalea!» 23Endolo bangaledja oko ogama na ngulu boo Yesu abakame ta ekulusu. Bea migamo ma bobo malonga. 24Pilato apa enɔli boo bakokedjae modjɔ imahɔdjaka bo. 25Pilato atingoa Balaba oko moda mapalaka bo, ona oingea ta bɔlɔkɔ tina ɛ opa bato molo mopipo ko na oowa, ko abapa Yesu bɛngɛ boo bakɔe na nde moda mapalaka bo.
Yesu abakami ta ekulusu
(Hokea koko Mat 27, 32-44; Mal 15, 21-32; Yoa 19, 17-27)
26Ena ɔdaka bo bakɛɛ na Yesu, basaka na Simo, moto ɔ Kulene, ona ɔhulaka ta gue. Basoda bamopea ko bamotombedja ekulusu ɛ Yesu boo adale na yu ayelwali ngɔngɔ dja nde. 27Bato bike ba ngando badaka bakimane Yesu, na bali bike ibayeaka ko ibabakeaka mabɔ ta melo ta tina ɛ nde. 28Yesu ahombana odi bali bia ko abala boo: «Bali ba Yelusalema, pɛpɛ oyeani ta diko la mbai! Endolo yeani tina ɛ boono na tina ɛ bana ba boono! 29Tina ɛ boo maswi maduake imabalabi bo boo: “Sepi odii bali batete, ibadii oko pɛpɛ obota ko ibadii oko pɛpɛ onungea!” 30Bea bato babalabi na ngomba boo: “Kwani diko la booso!” ko na makoli boo: “Lobombani!” 31Tina ɛ boo bakakɔɔ na mole mobesu bea, ekɔmɔlea moda ndani na mole mokakanu?»
32Bakɛɛ koko na bato babae, bato ba mikɔ mibe, tina ɛ obaowa engbanga emɔti na Yesu. 33Ehole ɛimea bo ta esika ɛbeaka bo «Engbongolo ɛ molo», basoda babaka Yesu ta ekulusu ko na bato babae ba mikɔ mibe, omɔti ta ebɔ ɛ nde ɛ baami, okina ta ebɔ ɛ nde ɛ bali. 34Bea Yesu abala boo: «Tata, bayɛɛ tina ɛ boo batadjebaka modjɔ makɔkɔ bo.» Basoda baboma djonga tina ɛ okaana bisendja ba nde. 35Bato badaka baemi ena ko bahokeaka. Bakumu ba bayuda bamosɛkɛkɛ ena babala boo: «Aheledja bato bakina; amekesaheledja yo mɛnɛ, ekada boo adii Masiya, ona ɔhɔmɔ na Ndjambe!» 36Basoda koko bamosɛkɛ; basabatea mbuti na nde, bamopa mana ma ngai 37ko babala na nde boo: «Okadaa kumu ɔ Bayuda, saheledja wɛ mɛɛnɛ!» 38Diko la molo ma nde, bakoma boo: «Moto hoo adii kumu ɔ Bayuda.»
39Omɔti ɔ bato ba mikɔ mibe ona ɔbakama na Yesu ta ekulusu amosingaka ena abala boo: «Oditi Masiya? Saheledja wɛ mɛɛnɛ, ko loheledja koko iso!» 40Endolo okina amopɛlɛ ko abala na nde boo: «Wɛ tobange Ndjambe, wɛ ona odihi etumbu moda momɔti na nde? 41Tina ɛ booso etumbu eboani, loputami oboana na mikɔ ma booso; endolo yo aikɔ noko modjɔ mobe momɔti!» 42Bea abala na Yesu boo: «Yesu, tolɛdjani ta ehole eduabi wɛ ta okumu ba wɛ.» 43Yesu amosɔmbɛdja boo: «Nabalaka na wɛ sooti: busabu odalea na mbai ta paladiso.»
Ogwa ba Yesu
(Hokea koko Mat 27, 45-56; Mal 15, 33-41; Yoa 19, 28-30)
44Edaka mbuti na ndanda ɛ busa; diso la busa lakina opa ohuu. Modidi madipa ngondo esusu mbunoko ngonga ɛ basato ngɔngɔ dja ndanda ɛ busa. 45Esendja enɛnɛ ɛdaka esɛpi ta ndanda ɛ tepelo eolea biale bibae.#23, 45 Lido ena ɛdaka si ɛ esika esɛnokɛ na esika enoi na osɛnɔ. Ndjambe ayeola tina ɛ oenedja bo hadedi moto na moto aboani osabatea na nde, etada koko mandi ma nganga o monɛnɛ. 46Yesu agama na ngulu boo: «Tata, nasɔmbɛdjai molimo ma mbai ta mabɔ ma wɛ!» Ɔsidja yo obala bibaeli bia, agwi. 47Ehole ɛɛnɛ kumu ɔ basoda modjɔ mua; akumedja Ndjambe ko abala boo: «Sooti mɛɛnɛ, moto hoo adakiti na ibunga!» 48Bato bike ibadaka ena, baenɛ midjɔ mia misusu imanɔkɔ. Bea basɔmbɔ ta madie ma bobo mabo mabaki ta bupa na ndjokwa. 49Bato basusu ibamodjebaka, na bali bia ibamokimanaka donga Galilai, baema ohali bɛngɛ bahokee mia imanɔkɔ.
Bapusei Yesu ta ikila
(Hokea koko Mat 27, 57-61; Mal 15, 42-47; Yoa 19, 38-42)
50Edaka na moto omɔti ena kombe ɛ nde Yosepu, ɔ ibonga la yuda la Alimate. Moto ona adaka mopele ko na odjoo, 51alɛndɛkɛ odua ba Okumu ba Ndjambe. Adaka omɔti ɔ Ikita ilinɛnɛ, endolo aidhima mia imasukedja bo ko imakɔɔ bia bakina. 52Akɛɛ odii Pilato ko amosɛngɛ ndjemba ɛ Yesu. 53Ngɔngɔ atitedja ndjemba ɛ Yesu ta ekulusu, ayedinga na molekani ko ayesambea ta ikila ilalongama ta mondeke, iladaa bo pɛpɛ opusea moto omɔti ena. 54Ɛdaka iswi la batano, iladaka mbuti na ibange la sabata ɛ bobo. 55Bali ibadaka na Yesu engbanga donga Galilai, bakɛɛ na Yosepu, ko bahokea ikila ko baenɛ moda masambeabo ndjemba ɛ Yesu. 56Ngɔngɔ djia basɔmbɔ ta ibonga ko babɔngɛdja minɛ ma so epele na malasi. Bahema busa ba sabata, okimana na mobeko.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)