LUKA 1
1
Tina e buku e Luka
1Mokumi Teopile,
Bato banɛnɛ bamekabi bokoma midjɔ#1, 1 Iye epalaka bobala midjɔ mi bomɔ, bogwa ko na bosisoa bo Yesu. imimi mikokedjamabi ta ndanda e biso. 2Bakomaka midjɔ imimi mibatɔndeaka bato baɛnɛkɛ na miso, ta mbangi ko baimeaka basali ba botɔndɔ mobalo mo Ndjakomba. 3Ta tina emina, ta pamba e mbi, ngɔngɔ dji bohomba sooti mɛnɛ midjɔ misusu minɔɔkɔ ta mbangi ko eɛnɛmɛkɛ bopele ta pamba e mbi bokoma ta tina e wɛ, mokumi Teopile, 4na mikɔi ta tina ebo obwane bodjeba midjɔ imimi midiaka wɛ midii sooti.
Andjelu omɔti adjebedji bobotama bo Yoani Mobatisi
5Ta ehole edaaka Elode mokondji o Yudhea#1, 5 Yudha: Luka ainedjakadea iputo di mokili mo Bayudha., nganga o Ndjakomba omɔti kombe e nde Djakalia, ta iputo di banganga ba Ndjakomba iputo di Abiya. Mwali o nde, adaaka pape e Alona, kombe e nde Isɛbɛti. 6Ibo basusu babae badaaka na bodju ta boso bo Ndjakomba, ko badaaka badhimea na bosusu mibeko mi Kumu ko na bilomu bisusu bi nde. 7Endelo baidaka na mwana modjɔ mo Isɛbɛti adaaka motete ko ibo basusu babae baimeaka babange.
8Busa bomɔti, Djakalia adaaka akɔɔ midjɔ mi bonganga ta boso bo Ndjakomba, edaaka ehole e mosala e iputo di bobo. 9Bobwaana na momɛsɛno mo bonganga bo Ndjakomba, ahɔɔmɔkɔ ta ngɔngɔ dji boboma djonga ta tina e botumba mbeka e paka e malasi ta tei esika ekatumbe bo mbeka #1, 9 Boindja a Boi 30.7-8. e Kumu. 10Emumu e bato badaaka sokolu tina e boangɔnɔ ta ehole e botumbaka mbeka e paka e malasi.
11Iboa obwɛndi o Kumu asainedja na Djakalia, asaemedjaka ta dɔɔngɔ di ebɔ e baami ta esika etumbelo e mbeka e paka e malasi#1, 11 Boindja a Boi 30.1-6; 1 Bak 7.48.. 12Ehole emoɛnɛ Djakalia, adjakima ko alumaka na bɔɔ. 13Endelo obwɛndi abala na nde ibo: «Djakalia pɛpɛ bobanga, modjɔ mo Ndjakomba aoka miɔngɔnɔ mi wɛ, mwali o wɛ Isɛbɛti aoboteadea mwana moomi omɔti ko omobakeadea kombe e Yoane. 14Okadea mongandi monɛnɛ ko bato banɛnɛ basepabi na bobotama bo nde. 15Modjɔ mo adaabi monɛnɛ ta boso bo Kumu, atamwakabi vino ko na mana mapipo#1, 15 Kuanedja a Mits 6.3 ko alumabi na Mwembo Mosɛnɔke donga ta sɔpɔ dji nango. 16Asɔmbedjabi bato banɛnɛ ba Isalɛlɛ ta dɔɔngɔ di Kumu Ndjakomba#1, 16 Kuanedja a Mal 2.6 o bobo. 17Adalabi boso bo Ndjakomba na mwembo ko na ngulu edaaka na Eliya, ta tina e bosɔmbedja bwela bo basangi bato ta dii baana ba bobo, ko adaledjabi bato bataka e isuma ta bosooti#1, 17 Mal 3.23-24; abɔngedjabi bato ibibi babwani na Kumu.»
18Endelo Djakalia abala na obwɛndi bo: «Nadjebadea modjɔ momina modii sooti ndenge nda? Modjɔ mo mbi naimei mobange, ko mwali o mbi aimei pongono mobange.» 19Obwɛndi amosɔmbedja bo: «Mbi, nadii Gabiyɛlɛ#1, 19 Boindja a Dan 8.16; 9.21; Luk 1.26. nakaemae ta boso bo Ndjakomba; alomini bɛngi naotɔndee ko naolwɛe Bwɛndi ibubu Bopele. 20Endelo odimiti mibalo mi mbi imimi mikokedjamabi bokina busa, oimedea emimi ko otadiadea enɔli e bobala mbunoko busa bokokedjamabi midjɔ mimina.»
21Ta ehole emina, bato badaaka baamba Djakalia ko bakamoaka mondumba moyeyoa iyo ta esika ekatumbe bo mbeka. 22Ndelo eimana iyo, aibɔngɔkɔ bobala na bu, ko bato badjebaka bo aɛni ndjɛnɛ ta esika ekatumbe bo mbeka, abatɔndeaka na bimbete adikama emimi.
23Ehole esia masu ma Djakalia ma mosala, aso ayana ta ndako e nde. 24Ngɔngɔ dji mo ehole mokɛkɛ, mwali o nde Isɛbɛti, alwaa deemi, ko abolamaka ta ndako songe batano itombo, ko asabaleaka bo: 25«Indja eka ekɔi Kumu tina e mbi ta ehole iyeye, iyo aokeini ndjokwa ko adongedjini sɔni ta boso bo bato.»
Obwɛndi omɔti adjebedji bobotama bo Yesu
26Ngɔngɔ dji songe basamano, obwɛndi Gabiyɛlɛ#1, 26 Binda 1.19 ko nase. alomama na Ndjakomba ta ngando emɔti e Galileya kombe eyu Nadjalɛtɛ, 27ta dii mwana mwali omɔti o pɛpɛ bodjebana na moomi bamopandedjaka na moto omɔti kombe e nde Yosepu, ta ibota di mokondji Dhapiti; mwana mwali omina bamobeaka Malia. 28Andjelu akwea ta dii iyo ko abala na nde bo: «Daa na mongandi! Wɛ obolodji ngɔlu enɛnɛ ta boso bo Ndjakomba, Kumu adii na wɛ.»
29Aoka iyo mɛko mimina, asatungea ta molema ko asawadjaka tina e ndese emina. 30Iboa obwɛndi abala na nde: «Pɛpɛ bobanga, Malia, tina, Ndjakomba ainedji ngɔlu e nde ta dii wɛ. 31Ko indja edɛdiyeye mɛnɛ olwadea deemi ko obotadea mwana moomi ko omobakeadea kombe e Yesu. 32Adaabi moto monɛnɛ ko bamobeabi Mwana Onɔi Diko disusu, ko Kumu Ndjakomba amopabi kiti e bokumu bo Dhapiti, kɔkɔ o nde. 33Adaabi Mokondji ta ibota di Yakobo kɔbili, ko bokondji bo nde bodaetebi na suka#1, 33 Kuanedja a 2 Sam 7.12,13,16; Isa 9.6; Dan 7.14..»
34Malia abala na obwɛndi bo: «Ekɔmɔdea mondumba nda modjɔ mo napakina djebana na moomi?» 35Obwɛndi amosɔmbedja bo: «Mwembo Mosɛnɔke mootiteadea ko ngulu e Iyona Onɔi Diko disusu eodipadea na esii e nde. Ta tina emina, mwana obotamadea adabi mosɛnɔke, ko abeamadea Mwana o Ndjakomba, obotamadea. 36Bwela bo wɛ Isɛbɛti, iyo pongono adii na deemi ko abotadea mwana moomi, nongo asa imea yo mobange; Babalaka na nde bo adii motete ko edɛdiyeye adii na deemi dikɔi songe basamano! 37Tina ebo pɛpɛ nongo modjɔ mo mɔti monɔi Ndjakomba#1, 37 Kuanedja a Mba 18.14. na bopipo.» 38Iboa Malia asɔmbedji bo: «Mbi nadii mosali mwali o Kumu; kina bo misusu mikɔɔme na mbi oko mondumba mosatɔndeini wɛ.» Mbunoko obwɛndi aso amokina.
Malia akɛi aindja Isɛbɛti
39Ngɔngɔ dji masu, Malia akɛɛ, pɛpɛlɛ ta ngomba, ta ngando emɔti e Yudhea. 40Akwea ta ndako e Djakalia ko aso aisea Isɛbɛti ndese. 41Ndelo eoka Isɛbɛti ndese e Malia mwana aso akumana ta sɔpɔ dji nde. Isɛbɛti aluma na Mwembo Mosɛnɔke. 42Ko aso agama na ngulu bo: «Ndjakomba aodjongoi bonɔ bali basusu, mwana obotadea wɛ adjongoami na Ndjakomba! 43Mbi nadii ndani bɛngi nange e Kumu o mbi adoe ta dii mbi? 44Modjɔ mo ndelo eoki mbi ndese e wɛ mwana akumani na mongandi ta sɔpɔ 45Odii na mongandi: Modjɔ mo odhimabi bo Kumu akokedjadea midjɔ miotɔndea yo.»
Yeembo e Malia
46Iboa#1, 46 Kuanedja mil. 46-55 ko 1Sam 2.1-10. Malia abala bo:
«Na bomɔ bo mbi itombo napali boinedja bonɛnɛ bo Kumu.
47Molema mo mbi molumi na mongandi ta tina e Ndjakomba Moheledji o mbi;
48modjɔ mo aindjabi miso ma nde ta dii mbi mosali#1, 48 Kuanedja a 1Sam 1.11. mwali o nde o pɛpɛ gala. Edɛdiyeye ko bihole bisusu, bato basusu babeabini mwali o mongandi.
49Modjɔ mo Ndjakomba Onɔi na Bopilo akɔmeini midjɔ mipele.Kombe ende edii esɛnɔke.
50Aluma na bopele ta bihole na bihole ta dii ibia bakamosume.
51Ainedja bokondji bo nde na boinedja ngulu e nde: Abungedja bato ba milema mi malɛno ma molumba ndjea,
52adongedja bakondji ta kiti dji bobo dji bokumu ko adedja bato babosatitedja ta polo e boso#1, 52 Kuanedja Yob 5.11; 12.19..
53Agoledja bato ba ndja, ko ayanedja badieli mɔmɔ ngasa.
54Adoa na bokomedja ta Isalɛlɛ mosali o nde, modjɔ mo aibosa boinedja bopele bo nde
55na ndjea e Abalayama ko na batitani ba nde tina e seko mondumba mobala iyo na bakɔkɔ ba biso.»
56Malia adikamaka na Isɛbɛti bokimana songe basato, ngɔngɔ djimina asɔmbɔ ta dii iyo mɛnɛ.
Isɛbɛti aboti Yoane
57Aimea busa bo Isɛbɛti bo bobota aso abota mwana moomi. 58Bato badaaka mbuti na nde ko na denga di nde baoka bo Kumu amokɔi mongandi monɛnɛ ko basepaka na nde engbanga emɔti.
59Ta ehole ekokedja mwana masu bomwambe, bakɛɛkɛ na nde tina bomolena#1, 59 Boindja a Lew 12.3. epole. Bapalaka bomobakea kombe e sango, Djakalia. 60Endelo nango alonaka ko atɔndɔkɔ bo: «Pɛpɛ, abeamadea Yoane.» 61Bamotɔndea bo: «Moto omɔti o ibota di wɛ adiiti na kombe emina!» 62Ko bawadja sange e mwana na bimbete, kombe ndani epali wɛ obakee mwana. 63Djakalia abea moo ibaya mokɛkɛ ko akoma bo: «Kombe e nde edii Yoane.» Ko bato basusu baso bakamoa. 64Mbala emɔti Djakalia asɔmbɔ bobala naikina abanga bokumedja Ndjakomba na kɔpi e diko. 65Iboa, bato basusu badaaka ta ngando dji mbuti ko na dji ngomba djisusu dji Yudhea baluma na bɔɔ ko basatɔndeanaka mɛko mi mina. 66Ibibi baokaka mɛko mimina bamibaneaka ta milema ko basatɔndeanaka bo: «Iboa mwana omina adaabi mondumba nda?» modjɔ mo edii sooti bo ebɔ e Kumu edaaka na nde.
Yeembo e Djakalia
67Djakalia, sange mwana, alumaka na Mwembo Mosɛnɔke ko atɛlɛkɛ#1, 67 Epalaka pongono bobala bo bosakola. bo:
68«Adjongoame Kumu, Ndjakomba o Isalɛlɛ,
modjɔ mo adoi ainedja bato ba nde bopele ko abaimedji basɔmi,
69alopi Moheledji mopipo
ta ibota di Dhapiti, mosali o nde.
70Oko mondumba momaka iyo tɔndɔ na ndjea e batɛli ba nde basɛnɔke bayou.
71Aadikana bo, aloheledjabi ta mabɔ ma baloni ba biso
ko adii bato basusu ibibi bakalolone.
72Ainedjaka bopele bo nde ta dii bakɔkɔ ba biso,
ko aibosa mokongo#1, 72 Boindja ta Mat 26.28 ko na nase. Mosɛnɔke mo nde.
73Tengasa Ndjakomba akata seleka na kɔkɔ#1, 73 Boindja a Mba 22.16-17 o biso Abalayama bo,#1, 73 Boindja Mba 22.16-17.
74alodongedjabi ta mabɔ ma baloni,
ko bɛngi lomokɔmee na pɛpɛ bobanga,
75bɛngi lodae bato basɛnɔke ko bato ba bodju ta boso bo nde
masu masusu ma bomɔ bo biso.
76Ko wɛ, mwana o mbi, odaadea motɛli Onɔi Diko,
modjɔ mo odaladea ta boso bo Kumu ta tina ebobɔngedja ndjea#1, 76 Kuanedja a Mlki 3.1. e nde,#1, 76 Boɛngɛ Mlki 3.1.
77ko otɔndeabi bato ba nde bo adoabi abaheledja
na bokutubanedja pekato dji bobo.
78Ndjakomba o biso aluma na ndjokwa ko na bopele:
aloimanedjeabi moi imumu modonga o diko ko bokuana na modaakabusa ndelo ekaimane imo,
79modoa ta tina e boinedja bato badaaka ta tei e bulu ta modidi mo yogo,
ko ta tina e bolodaledja mɔndɔ ta ndjea e bogo#1, 79 Boɛngɛ Esd 9.1..»
80Mwana akandoaka ko alumaka na ngulu e Mwembo, adikamaka ta bisika bi bitengelenge mbunoko ta busa bosainedja iyo ta miso ma bana ba Isalɛlɛ.
လက္ရွိေရြးခ်ယ္ထားမွု
LUKA 1: ngc
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©2025 Communauté des Eglises Travaillistes (CET)