Matʉyo 3
3
Zhâŋ, Ngaŋafɛ́ kpênse
(Máá 1:2-6; Lúk 3:1-6; Zhâ 1:19-23)
1A kɛ pé ne zhyémve péré, Zhâŋ ŋgaŋafɛ́ kpênse fɛ́ɛ́ twɔ́ ghúŋkwéʼé, ndzó pɛrɛ́ ŋgɔŋ Zhʉdé, cʉ́rɛ ŋgâ: 2«Puŋ séd mbziʼe yuŋ yé kəpɔŋ! ŋkyé ŋgâ, Nofɔŋ Mboʼmvé kɛ páŋ!» 3Ŋgaŋatsɔ́kpaŋató Mboʼmvé Ezaya kɛ ntsó no ŋkyé taʼ ŋɔŋ, no yéré kɛ pɛ́ɛ́ ŋgâ: «Taʼ Ŋɔŋ ghéʼe nɛ́ ghúŋkwéʼé: “Puŋ tsúŋú mɛndɔ́b Ntsɛɛpɔŋ, sí pɔ́ŋ mɛndɔ́b pé, a nsé ŋgerɛ́ŋged.” Yɔ̌ŋ ŋɔŋ wéré nɛ́.» 4Zhâŋ kɛ gbéé ndzwé yɛ́ pé kɛ ntəŋɛ ne nwɔ̂ taʼ mbziʼe naapeʼe yɛ́ pe fú ne kamɛl nɛ́. Ŋkandáá ndúŋú kukúŋ ye kɛ pɛ́ɛ́ ne ŋgɔb. Mwɔ̌zó pé pɛ́ɛ́ pɛ mbzyɛ́ŋkí pwɛ nə́b ndzɔ́ʼɔ́kaʼ. 5Néré, mbé mbɛ́lʉ́ŋ Yerʉ́salɛm, pwɛ ŋkɔŋɔ mbé ŋgɔŋ Zhʉdé náá, pwɛ ŋkɔŋɔ pɔŋ ndzó pɛ́rɛ́ ŋgɔŋ ne gháá nse Zhuudɛŋ náá, kʉ́yó mbɛ́rɛ́ Zhâŋ, 6sí kəpɔŋ pɔ́b, ŋkúŋɔ nse Zhuudɛŋ, kpênse pwó ye.
Zhâŋ tsɔ́ pwó pɔŋ ŋgâ pɔ́b séd mbziʼe yɔ́b
(Lúk 3:7-9)
7Njʉ́ Zhâŋ kɛ zhʉ́ pɛ Farízya pwɛ pɛ Sadúkayə kʉ́yó zááme ne kpěne nse pwó yé nɛ́, a tsɔ́ ne pɔ́b ŋgâ: «Ndǎ ŋkɔ́b! A ntsó wɔ̌ ŋgâ puŋ kí pʉ̌ŋgye Mboʼmvé yɛ́ puŋ taʼ, a tsé ŋkʉ́yó nɛ́? 8Puŋ zhyɛ́ nɛ́ pe zhʉ́ sísíŋ ŋgâ puŋ séd ndzɔʼ yuŋ. 9Puŋ ndɛ ntsé ŋkɔbɔ́ ndzɔʼ yuŋ ŋgâ: “Ábraham tɛd ywí”. Ɔ́ŋɔ́! mo, mə sə́ŋɛ́ wuŋ ŋgâ, tɛɛmbɛ Mboʼmvé séd pɛ ŋgɔʼ pɔŋ, pɔ́b tsʉʼ pɔ́ŋ Ábraham. 10Nsó yɛ́ a tsé mbé zwɔ́ ntáá sʉ́ʼʉ nɛ́ pó, pé ntséé wé máʼá mɔ́ɔ́. Ndzǎb kɛ pé nɛ́ pe tsí yé, ne ntsêne nyǐme.»
Yěsô fɛ́ kpênse pé ne Zhʉye Yáŋme ne mɔ́ɔ́
(Máá 1:7-8; Lúk 3:15-18; Zhâ 1:24-28)
11Zhâŋ ké mbó ntsó ŋgâ: «Ŋgɛmbɛ ne mo, mə fɛ́ɛ́ ndaʼ kpênse ne puŋ, kɛ́ʼɛ́ ne no sɛrɛ́ ndzɔʼ yuŋ. Ntsʉʼmbé ŋɔŋ tsé ŋkʉ́yó nɛ́, tséʼé tʉ̌ŋ ntsɛ́ɛ́ ya. Mə ŋkuʼɔ ne sɔ̌dne tɔ́kpee mé pó. Wéré ŋɔŋ ŋkʉ́yó fɛ́ kpênse ne puŋ pé ne Zhʉye Yáŋme ne mɔ́ɔ́. 12Á tséʼé sakere pwó yé, ntsɛ́rɛ mɔ́b núŋ. Ŋgɛ náʼá ndɔ́ɔ́ pé sʉ́ʼʉ fɛ́ nsó yé, ntɔŋɔ ghób pé ndzɔ́ʼɔ́ mɔ́ɔ́ wɛ́ a náʼá mbwó nɛ́ pó!»
Yěsô kpéé nse
(Máá 1:9-11; Lúk 3:21-22; Zhâ 1:29-34)
13Néré, Yěsô ŋǎ Galílya ŋgú nse Zhuudɛŋ, pfúŋɔ́ Zhâŋ ne mkpêne nse pwó yé. 14Zhâŋ zɔŋɔ ŋkirɛ́, ntsɔ́ ŋgâ: «A mo mbé ŋɔŋ wɛ́ tɛɛmbɛ wo fɛ́ kpênse pwó ye nɛ́. Á pó ŋkʉ́yó wo pfúŋɔ́ mo pé níŋ?» 15Ntsʉʼmbé Yěsô pɔrɔ́ pwó ye ŋgâ: «Ntě a pé néré ŋkhoʼyɔŋ kɛ́ʼɛ́! Yekénɛ́ pe nɛ́ njʉ́ a zɔŋɔ ŋgâ piŋi zhyɛ́ ŋkɔŋɔ meno pɛ́ a ŋgerɛ́ŋged siŋi Mboʼmvé náá nɛ́, yúŋú.» Néré, Zhâŋ psyɛ́. 16Ŋkhoʼyɛ́ Yěsô kɛ kpênse nɛ́, a twɔ́ nse. Fǐme nɛ́, Pépéé ŋáʼ, a zhʉ́ njʉ́ Zhʉye Mboʼmvé shʉyí njʉ́ fɔŋzɔ́tsaʼ nɛ́ mbəb yé. 17Taʼ ndzəb tsɔ́ pépéé ŋgâ: «Yɔ̌ŋ Mɔ́ŋ ya wɛ́ mə kʉ́yé kaʼatɛ nɛ́, mə ntsɔʼɔ wé pe ne ndebéne.»
လက္ရွိေရြးခ်ယ္ထားမွု
Matʉyo 3: XMG
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Matʉyo 3
3
Zhâŋ, Ngaŋafɛ́ kpênse
(Máá 1:2-6; Lúk 3:1-6; Zhâ 1:19-23)
1A kɛ pé ne zhyémve péré, Zhâŋ ŋgaŋafɛ́ kpênse fɛ́ɛ́ twɔ́ ghúŋkwéʼé, ndzó pɛrɛ́ ŋgɔŋ Zhʉdé, cʉ́rɛ ŋgâ: 2«Puŋ séd mbziʼe yuŋ yé kəpɔŋ! ŋkyé ŋgâ, Nofɔŋ Mboʼmvé kɛ páŋ!» 3Ŋgaŋatsɔ́kpaŋató Mboʼmvé Ezaya kɛ ntsó no ŋkyé taʼ ŋɔŋ, no yéré kɛ pɛ́ɛ́ ŋgâ: «Taʼ Ŋɔŋ ghéʼe nɛ́ ghúŋkwéʼé: “Puŋ tsúŋú mɛndɔ́b Ntsɛɛpɔŋ, sí pɔ́ŋ mɛndɔ́b pé, a nsé ŋgerɛ́ŋged.” Yɔ̌ŋ ŋɔŋ wéré nɛ́.» 4Zhâŋ kɛ gbéé ndzwé yɛ́ pé kɛ ntəŋɛ ne nwɔ̂ taʼ mbziʼe naapeʼe yɛ́ pe fú ne kamɛl nɛ́. Ŋkandáá ndúŋú kukúŋ ye kɛ pɛ́ɛ́ ne ŋgɔb. Mwɔ̌zó pé pɛ́ɛ́ pɛ mbzyɛ́ŋkí pwɛ nə́b ndzɔ́ʼɔ́kaʼ. 5Néré, mbé mbɛ́lʉ́ŋ Yerʉ́salɛm, pwɛ ŋkɔŋɔ mbé ŋgɔŋ Zhʉdé náá, pwɛ ŋkɔŋɔ pɔŋ ndzó pɛ́rɛ́ ŋgɔŋ ne gháá nse Zhuudɛŋ náá, kʉ́yó mbɛ́rɛ́ Zhâŋ, 6sí kəpɔŋ pɔ́b, ŋkúŋɔ nse Zhuudɛŋ, kpênse pwó ye.
Zhâŋ tsɔ́ pwó pɔŋ ŋgâ pɔ́b séd mbziʼe yɔ́b
(Lúk 3:7-9)
7Njʉ́ Zhâŋ kɛ zhʉ́ pɛ Farízya pwɛ pɛ Sadúkayə kʉ́yó zááme ne kpěne nse pwó yé nɛ́, a tsɔ́ ne pɔ́b ŋgâ: «Ndǎ ŋkɔ́b! A ntsó wɔ̌ ŋgâ puŋ kí pʉ̌ŋgye Mboʼmvé yɛ́ puŋ taʼ, a tsé ŋkʉ́yó nɛ́? 8Puŋ zhyɛ́ nɛ́ pe zhʉ́ sísíŋ ŋgâ puŋ séd ndzɔʼ yuŋ. 9Puŋ ndɛ ntsé ŋkɔbɔ́ ndzɔʼ yuŋ ŋgâ: “Ábraham tɛd ywí”. Ɔ́ŋɔ́! mo, mə sə́ŋɛ́ wuŋ ŋgâ, tɛɛmbɛ Mboʼmvé séd pɛ ŋgɔʼ pɔŋ, pɔ́b tsʉʼ pɔ́ŋ Ábraham. 10Nsó yɛ́ a tsé mbé zwɔ́ ntáá sʉ́ʼʉ nɛ́ pó, pé ntséé wé máʼá mɔ́ɔ́. Ndzǎb kɛ pé nɛ́ pe tsí yé, ne ntsêne nyǐme.»
Yěsô fɛ́ kpênse pé ne Zhʉye Yáŋme ne mɔ́ɔ́
(Máá 1:7-8; Lúk 3:15-18; Zhâ 1:24-28)
11Zhâŋ ké mbó ntsó ŋgâ: «Ŋgɛmbɛ ne mo, mə fɛ́ɛ́ ndaʼ kpênse ne puŋ, kɛ́ʼɛ́ ne no sɛrɛ́ ndzɔʼ yuŋ. Ntsʉʼmbé ŋɔŋ tsé ŋkʉ́yó nɛ́, tséʼé tʉ̌ŋ ntsɛ́ɛ́ ya. Mə ŋkuʼɔ ne sɔ̌dne tɔ́kpee mé pó. Wéré ŋɔŋ ŋkʉ́yó fɛ́ kpênse ne puŋ pé ne Zhʉye Yáŋme ne mɔ́ɔ́. 12Á tséʼé sakere pwó yé, ntsɛ́rɛ mɔ́b núŋ. Ŋgɛ náʼá ndɔ́ɔ́ pé sʉ́ʼʉ fɛ́ nsó yé, ntɔŋɔ ghób pé ndzɔ́ʼɔ́ mɔ́ɔ́ wɛ́ a náʼá mbwó nɛ́ pó!»
Yěsô kpéé nse
(Máá 1:9-11; Lúk 3:21-22; Zhâ 1:29-34)
13Néré, Yěsô ŋǎ Galílya ŋgú nse Zhuudɛŋ, pfúŋɔ́ Zhâŋ ne mkpêne nse pwó yé. 14Zhâŋ zɔŋɔ ŋkirɛ́, ntsɔ́ ŋgâ: «A mo mbé ŋɔŋ wɛ́ tɛɛmbɛ wo fɛ́ kpênse pwó ye nɛ́. Á pó ŋkʉ́yó wo pfúŋɔ́ mo pé níŋ?» 15Ntsʉʼmbé Yěsô pɔrɔ́ pwó ye ŋgâ: «Ntě a pé néré ŋkhoʼyɔŋ kɛ́ʼɛ́! Yekénɛ́ pe nɛ́ njʉ́ a zɔŋɔ ŋgâ piŋi zhyɛ́ ŋkɔŋɔ meno pɛ́ a ŋgerɛ́ŋged siŋi Mboʼmvé náá nɛ́, yúŋú.» Néré, Zhâŋ psyɛ́. 16Ŋkhoʼyɛ́ Yěsô kɛ kpênse nɛ́, a twɔ́ nse. Fǐme nɛ́, Pépéé ŋáʼ, a zhʉ́ njʉ́ Zhʉye Mboʼmvé shʉyí njʉ́ fɔŋzɔ́tsaʼ nɛ́ mbəb yé. 17Taʼ ndzəb tsɔ́ pépéé ŋgâ: «Yɔ̌ŋ Mɔ́ŋ ya wɛ́ mə kʉ́yé kaʼatɛ nɛ́, mə ntsɔʼɔ wé pe ne ndebéne.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ