Matʉyo 11
11
1Ŋkhoʼyɛ́ Yěsô kɛ mě fɛ́ne pɛ ntʉ́ʉ́ pɔŋ pwó ntsɔ̌b ŋgíŋgye pé pépáá nɛ́, a ŋǎ yóʼó ŋgú fɛ́ ntʉ́ʉ́ mbó ncʉ́rɛ ntsó Mboʼmve ndzó mbɛ́lʉ́ŋ pɔ́b.
No yɛ́ Zhâŋ kɛ psírí ŋkyé Yěsô nɛ́
(Lúk 7:18-35)
2A kɛ ghɛmbɛ Zhâŋ ŋgaŋfɛ́ kpênse pɛ́ ndátsáŋ, ndzóʼ meno pɛ Kristo kɛ zhyɛ́ nɛ́, ntwɔ́ ŋgíŋgye pé pfúŋɔ́ ye ne mvírine wé ŋgâ: 3«Á wo mbé ŋɔŋ wɛ́ a tsé ŋkʉ́yó nɛ́? Kii psi kɛ nzwə́ʼɛ́.» 4Yěsô pɔrɔ́ ne pɔ́b ŋgâ: «Puŋ ghú ntebé ŋkɔŋɔ meno pɛ́ puŋ zóʼ mbó njʉ́ náá nɛ́ pwó Zhâŋ. 5Pɛ ffǒme pó njʉ́ ywoʼ, pɛ ntʉʼekpee pó nyi sʉ́ʼʉ, ghaŋákəkóó pé sǒme, pɛ ffɔ̌təŋé pó ndzóʼó no, pɔŋ pó njʉyɛ́ ne vó, Ŋkəŋ Sʉ́ʼʉ pó mbé ncʉríme pwó mbɔ́ŋmbɔŋ. 6Mbéne sʉ́ʼʉ pwó ŋɔŋ wɛ́ psyɛ́ndzɔʼ yé ŋkʉ́yó mbɔ́d ŋkyé ya nɛ́ pó!»
7Njʉ́ pɔŋ pɛ́ Zhâŋ kɛ twɔ́ nɛ́ kɛ tsé ŋgú nɛ́, Yěsô zyé ntsóne pɛ meno ŋkyé Zhâŋ pwó pɔŋ, ŋgâ: «Puŋ kɛ ghú ghúŋkwéʼé pé tíŋɛ kɔ́? Tsǐsəsɔŋ yɛ́ fəfod nyʉ́ nɛ́? 8Tɛ puŋ kɛ ghú tíŋɛ kɔ́ nɛ́? Ŋɔŋ wɛ́ a gbéé ndzwé ndɔp nɛ́ kii! Ŋgâ pɔŋ pɛ́ pɔ́b gbéé ndzwé ndɔp nɛ́ ntsǒ ndzó pɛ ntɔʼ! 9Tɛ puŋ kɛ ghú zhʉ́ kɔ́ nɛ́? Taʼ ghaŋátsɔ́kpaŋató Mboʼmvé? Ɔ́ŋɔ́! Mə səŋɛ wúŋ nɛ́, a ntsɛ́ɛ́ mbɛ́ taʼ ŋgaŋatsɔ́kpaŋató Mboʼmve! 10A ŋɔŋ wɛ́ a ŋweʼéme ŋkyé wé nɛ́ ŋgâ: “Zhʉ́! Mə ntwɔ́ ŋgaŋáncʉri ya síŋ wo, a ntsúŋɔ mɛndɔ́b wo síŋ wo.” 11Kpaʼ sísíŋ mə sə́ŋɛ́ wúŋ, cyó Mɔ́ŋ kɛ twɔ́ pfɔ̂ Məŋgʉ́yé ntsɛ́ʼɛ́ ghebe njʉ́ Zhâŋ ŋgaŋafɛ́ kpênse nɛ́ pó. Ntsʉʼŋgɛ mbɛ mɔ́ŋtii ŋɔŋ wɛ́ a ndzó Nofɔŋ Mboʼmve pépéé nɛ́, tsɛ́ɛ́ wé. 12Ndzyěne ndzó mbwó Zhâŋ ŋgaŋafɛ́ kpênse kaʼatɛ mbáŋ ŋkhoʼyɔŋ, Nofɔŋ Mboʼmvé pɛ́ɛ́ no sáʼá tʉ̌ŋ. A pɔŋ pɛ́ pɔ́b sáʼá tʉ̌ŋ nɛ́ ŋkuŋɔ́ ndzó. 13Ŋgɛmbɛ kɛ́ʼɛ́, ŋkɔŋɔ pɛ ghaŋátsɔ́kpaŋató Mboʼmvé náá, pwɛ kaŋ Mǔsê tsɛ́bɛ mbəb Zhâŋ. 14A pɛ́ɛ́ yɛ́ puŋ zɔŋɔ ncʉyɛ́ ndzóʼó nɛ́, mbǒ a ye mbé ŋgaŋatsɔ́kpaŋató Mboʼmvé Elya wɛ́, a kɛ ghɛ̌ ŋkʉ́yó nɛ́. 15Ŋɔŋ wɛ́ a tséʼé təŋé zóʼo no nɛ́, a zóʼ. 16Tɛɛmbɛ mə ndɔ́ɔ́ kɛ́rɛ́ mvé yɔŋ máʼ fuʼno nuŋ pe ndúŋú kɔ́? Pɔ́b fwɛ́ɛ́ pɔ́ŋpeŋgyé pɛ́ pɔ́b ghɔ́rɔ́ záŋ, ntsɔ́ pwó pecyó nɛ́ ŋgâ:
17“Psi tú ndɔŋ ne puŋ,
Puŋ pé ŋwí pó, psi máʼ nse vó, puŋ pé kpéé pó!”
18Ɔ́ŋɔ́! Zhâŋ kɛ kʉ́yó mbé zɔ̂ yɔ́b pó, mbé nɔ́ yoʼ pó, puŋ fú wé ne mbɛ́ɛ́! 19Mɔ́ŋ ŋɔŋ ŋkiʼi ŋkʉ́yó yé, ndzɔ̂ mbó nɔ́! Pé gháá: “Puŋ tíŋí njʉ́! Wé ké nɛ́ ŋɔŋ mɛ́ɛ́me, mbó mbé mbɛ́ɛ́yoʼ! A sɔ́ŋ ghaŋákpêsebe pwɛ ghaŋázhyɛ́meno kəpɔŋ!” Ntsʉʼmbé, Mboʼmvé Fɔŋ zé. Ŋkɔŋɔ pɔ́ŋ pé náá kɛ zhʉ́ pwófaʼ ye, ndzé ŋgâ a néré sísíŋ.»
Yěsô khó ŋkyé pɛ mbɛ́lʉ́ŋ ndzó pɛ́rɛ́ ŋgɔŋ Galílya
(Mat 10:15; Lúk 10:12-15)
20Yěsô kɛ fɛ́ pɛ ntsó pʉ̌ŋgye ŋkyé pɛ mbɛ́lʉ́ŋ pɛ́ a kɛ zhyɛ́ záá shʉrɛ́meno ndzóó, ntsʉʼmbé pɔ́b pe séd ndzɔʼ yɔ́b nɛ́ pó. 21Néré, a ntsó ŋgâ: «Ndɔŋ tó wo kɛ mbɛ́lʉ́ŋ Koraziŋ! Ndɔŋ tó wo kɛ mbɛ́lʉ́ŋ Betsayida! Mboʼmvé kɛ zhyɛ́ meno shʉyédme pé yóʼó puŋ. A kɛ ghɛ́ mbɛ a zhyɛ́ péré meno pé ndzó mbɛ́lʉ́ŋ Tii pú mbɛ́lʉ́ŋ Sidɔŋ, mbǒ pɔ́b kɛ séd mbziʼe yɔ́b féré zhyémve, sɛ̌ pɛ pab gbéé, ŋgɔ́rɔ́ ndzɔ́ʼɔ́ pfó. 22Ɔ́ŋɔ́, mə ntsɔ́ ne puŋ sísíŋ ŋgâ, ŋkhoʼyɛ́ Mboʼmvé ŋkʉ́yó sabafiʼ mvémvé nɛ́, a náʼá féé wúŋ kaʼatɛ ntsɛ́ɛ́ mbɛ́lʉ́ŋ Tii ne ye Sidɔŋ.
23Ŋgɛ ŋkhú ne puŋ, pumésɔŋ Kapɛɛnawum,
puŋ kpaŋa ŋgâ Mboʼmvé ŋkʉ́yó ŋkuʼɔ wúŋ kaʼatɛ puŋ páŋa pépéé?
Ŋgáŋ! Puŋ ŋkʉ́yó shʉ́yí shʉ́yí kaʼatɛ mbáŋá ndzó ŋgɔŋ pfɔ̂pɔŋ.
Ŋkyé ŋgâ pɛ shʉrɛ́meno pɛ́ a kɛ záʼá ywoʼ puŋ nɛ́, kɛ záʼá ndzó mbɛ́lʉ́ŋ Sodɔmə kɛ́ʼɛ́, mbǒ mbé mbɛ́lʉ́ŋ yéré kɛ́ tsô mvé mbáŋa ndzebé. 24A zhyɛ́ yéré, mə sə́ŋɛ́ wúŋ ŋgâ, zhyémve yɛ́ Mboʼmvé ŋkʉ́yó sabafiʼ mvémvé nɛ́, a náʼá féé wuŋ kaʼatɛ ntsɛ́ɛ́ ŋgɔŋ Sodɔmə.»
Yěsô fɛ́ ŋgúʼune pwó Tɛd yé
(Lúk 10:21-22)
25A kɛ pé ŋkhoʼyéré, Yěsô ntsó ŋgâ: «Tɛd ya, wo wɛ́ wo Ntsɛɛpɔŋ pépéé pú tsetsáʼ nɛ́, mə fɛ́ ŋgúʼune pwó wo, ŋkyé ŋgâ meno pɛ wo ywʉ́ pwó ghaŋákʉyé kpaŋató pwɛ ghaŋázɛ́no nɛ́, wo nyóʼó pwó pɔŋ pɛ́ pɔ́b pɛ́ɛ́ njʉ́ pɛ Mɔ́ŋ nɛ́. 26Ɔ́ŋɔ́, kɛ Tɛd, a njʉ́ wo kɛ tíí ne nkʉyěne mó nɛ́. 27Tɛd ya fɛ́ ŋkɔŋɔ yɔ́b náá ne mo. Ŋɔŋ yóʼó ndzɛ́ Mɔ́ŋ fáá Tɛd pó. Ŋɔŋ pó mbé zɛ́ Tɛ́d fáá Mɔ́ŋ, kii ŋgâ ŋɔŋ wɛ́ Mɔ́ŋ kʉyě ŋgâ a nyóʼó Tɛd pwó yé nɛ́ pó.»
Kéʼé Yěsô zyaŋa ne ŋkyɛ́ne
28Yěsô pó ntsó ŋgâ: «Puŋ kʉ́yó pfúŋɔ́ mo, ŋkɔŋɔ wúŋ wɛ́, puŋ tsé njʉ́ ŋgəʼo ŋkyé peʼ yɛ́ a tsé ntɛ́rɛ wúŋ nɛ́. Mo, mə fɛ́ fúrune ne puŋ. 29Puŋ máʼá khə́ʼé ya myi puŋ, piŋi nyí. Puŋ kʉ́yó mə mbé Kéʼeyáŋ wuŋ, ŋkyé ŋgâ mə mbúrú, mbó fɛ́ ndzɔʼ ya syé. Néré kɛ́ʼɛ́, mbǒ puŋ ŋkʉ́yó ntsɛ́ʼɛ́ fúrune. 30Ɔ́ŋɔ́! Khə́ʼé ya zyaŋá ne ŋkyɛ̂ne. Mbɛ peʼ ya pó ndzyáŋá.»
လက္ရွိေရြးခ်ယ္ထားမွု
Matʉyo 11: XMG
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Matʉyo 11
11
1Ŋkhoʼyɛ́ Yěsô kɛ mě fɛ́ne pɛ ntʉ́ʉ́ pɔŋ pwó ntsɔ̌b ŋgíŋgye pé pépáá nɛ́, a ŋǎ yóʼó ŋgú fɛ́ ntʉ́ʉ́ mbó ncʉ́rɛ ntsó Mboʼmve ndzó mbɛ́lʉ́ŋ pɔ́b.
No yɛ́ Zhâŋ kɛ psírí ŋkyé Yěsô nɛ́
(Lúk 7:18-35)
2A kɛ ghɛmbɛ Zhâŋ ŋgaŋfɛ́ kpênse pɛ́ ndátsáŋ, ndzóʼ meno pɛ Kristo kɛ zhyɛ́ nɛ́, ntwɔ́ ŋgíŋgye pé pfúŋɔ́ ye ne mvírine wé ŋgâ: 3«Á wo mbé ŋɔŋ wɛ́ a tsé ŋkʉ́yó nɛ́? Kii psi kɛ nzwə́ʼɛ́.» 4Yěsô pɔrɔ́ ne pɔ́b ŋgâ: «Puŋ ghú ntebé ŋkɔŋɔ meno pɛ́ puŋ zóʼ mbó njʉ́ náá nɛ́ pwó Zhâŋ. 5Pɛ ffǒme pó njʉ́ ywoʼ, pɛ ntʉʼekpee pó nyi sʉ́ʼʉ, ghaŋákəkóó pé sǒme, pɛ ffɔ̌təŋé pó ndzóʼó no, pɔŋ pó njʉyɛ́ ne vó, Ŋkəŋ Sʉ́ʼʉ pó mbé ncʉríme pwó mbɔ́ŋmbɔŋ. 6Mbéne sʉ́ʼʉ pwó ŋɔŋ wɛ́ psyɛ́ndzɔʼ yé ŋkʉ́yó mbɔ́d ŋkyé ya nɛ́ pó!»
7Njʉ́ pɔŋ pɛ́ Zhâŋ kɛ twɔ́ nɛ́ kɛ tsé ŋgú nɛ́, Yěsô zyé ntsóne pɛ meno ŋkyé Zhâŋ pwó pɔŋ, ŋgâ: «Puŋ kɛ ghú ghúŋkwéʼé pé tíŋɛ kɔ́? Tsǐsəsɔŋ yɛ́ fəfod nyʉ́ nɛ́? 8Tɛ puŋ kɛ ghú tíŋɛ kɔ́ nɛ́? Ŋɔŋ wɛ́ a gbéé ndzwé ndɔp nɛ́ kii! Ŋgâ pɔŋ pɛ́ pɔ́b gbéé ndzwé ndɔp nɛ́ ntsǒ ndzó pɛ ntɔʼ! 9Tɛ puŋ kɛ ghú zhʉ́ kɔ́ nɛ́? Taʼ ghaŋátsɔ́kpaŋató Mboʼmvé? Ɔ́ŋɔ́! Mə səŋɛ wúŋ nɛ́, a ntsɛ́ɛ́ mbɛ́ taʼ ŋgaŋatsɔ́kpaŋató Mboʼmve! 10A ŋɔŋ wɛ́ a ŋweʼéme ŋkyé wé nɛ́ ŋgâ: “Zhʉ́! Mə ntwɔ́ ŋgaŋáncʉri ya síŋ wo, a ntsúŋɔ mɛndɔ́b wo síŋ wo.” 11Kpaʼ sísíŋ mə sə́ŋɛ́ wúŋ, cyó Mɔ́ŋ kɛ twɔ́ pfɔ̂ Məŋgʉ́yé ntsɛ́ʼɛ́ ghebe njʉ́ Zhâŋ ŋgaŋafɛ́ kpênse nɛ́ pó. Ntsʉʼŋgɛ mbɛ mɔ́ŋtii ŋɔŋ wɛ́ a ndzó Nofɔŋ Mboʼmve pépéé nɛ́, tsɛ́ɛ́ wé. 12Ndzyěne ndzó mbwó Zhâŋ ŋgaŋafɛ́ kpênse kaʼatɛ mbáŋ ŋkhoʼyɔŋ, Nofɔŋ Mboʼmvé pɛ́ɛ́ no sáʼá tʉ̌ŋ. A pɔŋ pɛ́ pɔ́b sáʼá tʉ̌ŋ nɛ́ ŋkuŋɔ́ ndzó. 13Ŋgɛmbɛ kɛ́ʼɛ́, ŋkɔŋɔ pɛ ghaŋátsɔ́kpaŋató Mboʼmvé náá, pwɛ kaŋ Mǔsê tsɛ́bɛ mbəb Zhâŋ. 14A pɛ́ɛ́ yɛ́ puŋ zɔŋɔ ncʉyɛ́ ndzóʼó nɛ́, mbǒ a ye mbé ŋgaŋatsɔ́kpaŋató Mboʼmvé Elya wɛ́, a kɛ ghɛ̌ ŋkʉ́yó nɛ́. 15Ŋɔŋ wɛ́ a tséʼé təŋé zóʼo no nɛ́, a zóʼ. 16Tɛɛmbɛ mə ndɔ́ɔ́ kɛ́rɛ́ mvé yɔŋ máʼ fuʼno nuŋ pe ndúŋú kɔ́? Pɔ́b fwɛ́ɛ́ pɔ́ŋpeŋgyé pɛ́ pɔ́b ghɔ́rɔ́ záŋ, ntsɔ́ pwó pecyó nɛ́ ŋgâ:
17“Psi tú ndɔŋ ne puŋ,
Puŋ pé ŋwí pó, psi máʼ nse vó, puŋ pé kpéé pó!”
18Ɔ́ŋɔ́! Zhâŋ kɛ kʉ́yó mbé zɔ̂ yɔ́b pó, mbé nɔ́ yoʼ pó, puŋ fú wé ne mbɛ́ɛ́! 19Mɔ́ŋ ŋɔŋ ŋkiʼi ŋkʉ́yó yé, ndzɔ̂ mbó nɔ́! Pé gháá: “Puŋ tíŋí njʉ́! Wé ké nɛ́ ŋɔŋ mɛ́ɛ́me, mbó mbé mbɛ́ɛ́yoʼ! A sɔ́ŋ ghaŋákpêsebe pwɛ ghaŋázhyɛ́meno kəpɔŋ!” Ntsʉʼmbé, Mboʼmvé Fɔŋ zé. Ŋkɔŋɔ pɔ́ŋ pé náá kɛ zhʉ́ pwófaʼ ye, ndzé ŋgâ a néré sísíŋ.»
Yěsô khó ŋkyé pɛ mbɛ́lʉ́ŋ ndzó pɛ́rɛ́ ŋgɔŋ Galílya
(Mat 10:15; Lúk 10:12-15)
20Yěsô kɛ fɛ́ pɛ ntsó pʉ̌ŋgye ŋkyé pɛ mbɛ́lʉ́ŋ pɛ́ a kɛ zhyɛ́ záá shʉrɛ́meno ndzóó, ntsʉʼmbé pɔ́b pe séd ndzɔʼ yɔ́b nɛ́ pó. 21Néré, a ntsó ŋgâ: «Ndɔŋ tó wo kɛ mbɛ́lʉ́ŋ Koraziŋ! Ndɔŋ tó wo kɛ mbɛ́lʉ́ŋ Betsayida! Mboʼmvé kɛ zhyɛ́ meno shʉyédme pé yóʼó puŋ. A kɛ ghɛ́ mbɛ a zhyɛ́ péré meno pé ndzó mbɛ́lʉ́ŋ Tii pú mbɛ́lʉ́ŋ Sidɔŋ, mbǒ pɔ́b kɛ séd mbziʼe yɔ́b féré zhyémve, sɛ̌ pɛ pab gbéé, ŋgɔ́rɔ́ ndzɔ́ʼɔ́ pfó. 22Ɔ́ŋɔ́, mə ntsɔ́ ne puŋ sísíŋ ŋgâ, ŋkhoʼyɛ́ Mboʼmvé ŋkʉ́yó sabafiʼ mvémvé nɛ́, a náʼá féé wúŋ kaʼatɛ ntsɛ́ɛ́ mbɛ́lʉ́ŋ Tii ne ye Sidɔŋ.
23Ŋgɛ ŋkhú ne puŋ, pumésɔŋ Kapɛɛnawum,
puŋ kpaŋa ŋgâ Mboʼmvé ŋkʉ́yó ŋkuʼɔ wúŋ kaʼatɛ puŋ páŋa pépéé?
Ŋgáŋ! Puŋ ŋkʉ́yó shʉ́yí shʉ́yí kaʼatɛ mbáŋá ndzó ŋgɔŋ pfɔ̂pɔŋ.
Ŋkyé ŋgâ pɛ shʉrɛ́meno pɛ́ a kɛ záʼá ywoʼ puŋ nɛ́, kɛ záʼá ndzó mbɛ́lʉ́ŋ Sodɔmə kɛ́ʼɛ́, mbǒ mbé mbɛ́lʉ́ŋ yéré kɛ́ tsô mvé mbáŋa ndzebé. 24A zhyɛ́ yéré, mə sə́ŋɛ́ wúŋ ŋgâ, zhyémve yɛ́ Mboʼmvé ŋkʉ́yó sabafiʼ mvémvé nɛ́, a náʼá féé wuŋ kaʼatɛ ntsɛ́ɛ́ ŋgɔŋ Sodɔmə.»
Yěsô fɛ́ ŋgúʼune pwó Tɛd yé
(Lúk 10:21-22)
25A kɛ pé ŋkhoʼyéré, Yěsô ntsó ŋgâ: «Tɛd ya, wo wɛ́ wo Ntsɛɛpɔŋ pépéé pú tsetsáʼ nɛ́, mə fɛ́ ŋgúʼune pwó wo, ŋkyé ŋgâ meno pɛ wo ywʉ́ pwó ghaŋákʉyé kpaŋató pwɛ ghaŋázɛ́no nɛ́, wo nyóʼó pwó pɔŋ pɛ́ pɔ́b pɛ́ɛ́ njʉ́ pɛ Mɔ́ŋ nɛ́. 26Ɔ́ŋɔ́, kɛ Tɛd, a njʉ́ wo kɛ tíí ne nkʉyěne mó nɛ́. 27Tɛd ya fɛ́ ŋkɔŋɔ yɔ́b náá ne mo. Ŋɔŋ yóʼó ndzɛ́ Mɔ́ŋ fáá Tɛd pó. Ŋɔŋ pó mbé zɛ́ Tɛ́d fáá Mɔ́ŋ, kii ŋgâ ŋɔŋ wɛ́ Mɔ́ŋ kʉyě ŋgâ a nyóʼó Tɛd pwó yé nɛ́ pó.»
Kéʼé Yěsô zyaŋa ne ŋkyɛ́ne
28Yěsô pó ntsó ŋgâ: «Puŋ kʉ́yó pfúŋɔ́ mo, ŋkɔŋɔ wúŋ wɛ́, puŋ tsé njʉ́ ŋgəʼo ŋkyé peʼ yɛ́ a tsé ntɛ́rɛ wúŋ nɛ́. Mo, mə fɛ́ fúrune ne puŋ. 29Puŋ máʼá khə́ʼé ya myi puŋ, piŋi nyí. Puŋ kʉ́yó mə mbé Kéʼeyáŋ wuŋ, ŋkyé ŋgâ mə mbúrú, mbó fɛ́ ndzɔʼ ya syé. Néré kɛ́ʼɛ́, mbǒ puŋ ŋkʉ́yó ntsɛ́ʼɛ́ fúrune. 30Ɔ́ŋɔ́! Khə́ʼé ya zyaŋá ne ŋkyɛ̂ne. Mbɛ peʼ ya pó ndzyáŋá.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ