Luka 18
18
Ma marərək a talaŋ wala məce abə hedi mə mbəzl ma
1Yesu a zlapaŋta abə ma marərək wa, amba ley gizeŋta, sey i ɗal mbuh a waŋ ta a waŋ ta, i mba i təɓəl səku səlak. 2A zlapaŋta, a zla: «Hedi mə mbəzl ma əŋ berne məzəwindi aka, a kələndəŋ abə Bizlaf səku, ŋgem ŋga abə kwa viyey halla. 3Əŋ berne ta bahayim wala məce aka, a kəndaha a waŋ ta a waŋ ta əŋ kelek ŋga, a kəzlapaŋgu, a zla: “Mbəzlaka ma abə məsəgər na wa.” 4Ha nja mbeh səku, hedi mə mbəzl ma ta, a kuw ley mbəzlaŋta ma ta səku. Ama abə dawaŋ ta, a wulək əŋ nəf ŋga, a zla: “Kwa sa kələndəŋ abə Bizlaf səku, kwa ŋgem na abə kwa viyey halla, 5ama məŋgəvday wala məce wa, a kəwuzlaɗaka talaŋ, sa nda i mbəzlaŋ ma, məŋgəvday a mba i ndaha ley ŋgakaka talaŋ a pis ta a pis ta səku ba.”»
6Bay Bayta a zlap baha, a zla: «Hi zlim lawlaw ma tə hedi mə mbəzl ma madawar wa mə zlap. 7Əŋgah mənaŋ wa seh, Bizlaf a mbəzlaŋta ma viyu əŋ hedi ŋga mamay iyi i mə ɗalaŋ mbuh njaɗu abə pis seh halla vaw? A njaha za mbeh səku ley tərta vaw? 8Sa kəzlapaheni: a mbəzlaŋta ma za viyu. Ama əŋ Mbu tə Hedi mə nda i ziŋgehe seh, a lim hedi makuw ma iyi za əŋ məŋhayak vaw?»
Ma marərək a talaŋ hedi Farisa liŋ hedi mə cakal budu
9Yesu a giz ma marərək məzəwindi baha, məŋgəvday hedi məzəwindi iyi i kəgər talaŋ tata seh, hedi sə delele iyi a ma tə Bizlaf, i kəgeŋgir hedi məzəwindi iyi: 10«Hedi iyi bək aka, i nda i ɗalaha mbuh əŋ biŋ tə Bizlaf, hedi ntaɗ lə Farisa, hedi məzəwindi hedi mə cakal budu. 11Lə Farisa deŋ, a gar, a ɗal mbuh əŋ nəf ŋga mənaŋ wa, a zla: “Waa Bizlaf na, sa kəɗalah sʉse məŋgəvday sa hedi mənaŋ hedi məzəwindi iyi wa səku, tata məhil iyi, tata hedi mə ɗal məsəkəŋ madawar iyi, tata hedi mə ɓət wucum sifteleh a palah iyi, baha, sa mənaŋ hedi mə cakal budu wa səku. 12Sa kəɗal dalyam ŋgas bək əŋ waŋ dʉsəlʉɗ, sa kəvəl məsəkəŋ ntaɗ əŋ wam əŋ məsəkəŋ na sa mə lim iyi fuk.” 13Hedi mə cakal budu a gar abə guduk ta, a kəmba kwa i kaf nje əŋ wuzlaf səku. Ama a taw nəf#18:13 Taw nəf seh, ar zəm marava, mənaŋ ley ɗiy ndəra a talaŋ əŋ kukus takwa mə zlap. ŋga, a zla: “Waa Bizlaf na, səŋgaka nje həhər, sa seh, sa hedi mə ɗal hem.”» 14Yesu a zlapaŋta baha, a zla: «Sa kəzlapaheni, hedi mə cakal budu wa, a nda əŋ wuta seh, Bizlaf kəɗiyu za əŋ hedi sə delele a ma ŋga. Ama lə Farisa wa seh, halla. Məŋgəvday hedi mə kaf talaŋ ŋga əŋ səndawl seh, Bizlaf a ziŋgehew za əŋ mekedek, ama hedi mə ziŋ talaŋ ŋga əŋ mekedek seh, Bizlaf a nda i gəlu əŋ səndawl.»
Yesu a pireŋta ma əŋ wuziyi
(Matta 19:13-15; Markus 10:13-16)
15Hedi iyi i dahaŋ wuziyi mekedek iyi əŋ Yesu amba a ɗiyaŋta ndəra a talaŋ, a pireŋta ma. Ama əŋ gula ŋga iyi i mə gər hedi iyi i kədaha wuziyi ta seh, i gwazlakta. 16Ama Yesu a zlapaŋta ley kərəɗaha wuziyi mekedek iyi ta əŋ kelek ŋga, ɓa, a zlapaŋta əŋ gula ŋga iyi, a zla: «Hi yakaha wuziyi mekedek iyi i mə ndaha əŋ kelek na. Hi mba i takta səku məŋgəvday Bay tə Bizlaf seh, mbə əŋ hedi mənaŋ tata iyi. 17Sa kəzlapaheni məndiwiŋ, hedi kəkuw Bay tə Bizlaf mənaŋ mbu mekedek halla seh, a kənda i təɗ əŋ ɗəməŋ halla səlak.»
Hedi tə abə məsəkəŋ a ɗəp Yesu ley təɗ əŋ Bay tə Bizlaf
(Matta 19:16-30; Markus 10:17-31)
18Hedi ntaɗ tə əŋ faŋw tə talaŋ habay tə Yahuda iyi, a ɗəp Yesu, a zla: «Metir na səntaŋ, sa nda i ɗal amba ley lim mədəŋcur mə cukwaɗ səku seh, mey?» 19Yesu a ziŋgeŋ zlap, a zla: «Hwa ɗafaka ma hedi səntaŋ seh, məŋgəvday a mey? Hedi səntaŋ seh halla, sey Bizlaf taataɗ ŋga. 20Hwa kəsəŋ ma matak iyi: “Hwa mba i ɓət wucum sifteleh a palah səku, hwa mba i ja hedi səku, hwa mba i hil səku, hwa mba i bərəsl ma a talaŋ hedi səku, waŋgaŋta talaŋ əŋ baba təkwa abə mama təkwa.”» 21Hedi ta a ziŋgeŋ zlap, a zla: «Sa kəkuw ma matak iyi ta wa fuk za, mar sa mbə əŋ zaray na.» 22Əŋ Yesu kəzlim ma ŋga ta kwata seh, a zlapaŋgu, a zla: «Mayakah məsəkəŋ ntaɗ baha: Ber məsəkəŋ təkwa iyi fuk, vəlaŋta dala ta əŋ hedi məstakwaŋ iyi. Əŋgah hwa kəɗal za mənaŋ mba seh, hwa lim məsəkəŋ za a wuzlaf. Abə dawaŋ ta, ndaha, ziberekʉ.» 23Ama əŋ hedi ta mə zlim ma ta wa seh, kəməcaŋ wucum za, məŋgəvday mbiŋ abə məsəkəŋ mbeh səku. 24Əŋ Yesu mə gər hedi ta wucum ŋga kəməc za seh, ɓa, a zlap, a zla: «Tuwah mbeh səku əŋ hedi tə abə məsəkəŋ iyi ley təɗ əŋ Bay tə Bizlaf. 25Məndiwiŋ, gelɓe əŋ ŋgelebe ley təɗ kəɗi jiɓ tə batal a talaŋ hedi tə abə məsəkəŋ ley təɗ əŋ Bay tə Bizlaf.» 26Hedi iyi i mə zlim ma iyi ta, i zla: «Ama əŋgah mənaŋ wa seh, mə gula i reh seh, viyey?» 27Yesu a ziŋgeŋta zlap, a zla: «Məsəkəŋ hedi iyi i mə gula i ɗalu səku, Bizlaf a gula i ɗalu.» 28Piyer a zlapaŋgu izey, a zla: «Ehe, nini kəyakaha məsəkəŋ tini iyi fuk za ley zibereh.» 29Yesu a ziŋgeŋta zlap, a zla: «Sa kəzlapaheni məndiwiŋ, əŋgah hedi a yak ge ŋga, wala ŋga, zliŋgeŋ iyi, baba ŋga iyi, aka səku wuziyi ŋga iyi məŋgəvday Bay tə Bizlaf seh, 30hedi ta a lim məsəkəŋ iyi za mbeh səku əŋ məŋhayak mənjawa, baha, əŋ cukwaɗ tə məŋhayak seh, a lim mədəŋcur mə cukwaɗ səku za.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Matta 20:17-19; Markus 10:32-34)
31Yesu a ɗafaŋta ma əŋ gula ŋga iyi wam a meɗek bək əŋ kelek ŋga, a zlapaŋta, a zla: «Ehe, nakwa iyi kənda i tap əŋ Urusalima, məsəkəŋ iyi mbeh səku mənaŋ hedi mə giz ma abə miya tə Bizlaf iyi zlezle, i mə wuzlelʉ fuk a talaŋ Mbu tə Hedi a ɗal za. 32Məŋgəvday a ɗek, i vəlza za əŋ ndəra hedi mə səŋ Bizlaf iyi səku#18:32 Hedi mə səŋ Bizlaf iyi səku, aka səku, Yahuda iyi səku, aka səku, hedi mə da kuli iyi., i ɓasaŋ za a talaŋ, i raza za, i pireŋ mesleɓ za a mbiŋ, 33i kəlapza za abə laway. Abə dawaŋ ta, i jaza za, ama əŋ waŋ maakaɗ ta, a garaha ŋga za əŋ faŋw tə hedi maməc iyi.» 34Ama i kəzlim kwa mey seh halla. Məŋgəvday ma ta mə ɓehi, i kəsəŋ Yesu a mba i zlap seh, viŋgey səku.
Yesu a rəzaŋ nje tə hedi wuluf əŋ Yerikwa
(Matta 20:29-34; Markus 10:46-52)
35Əŋ Yesu a kəkərəɗaha əŋ Yerikwa seh, hedi wuluf aka, mə nji a meɗek kataf, a kərək. 36A zlim hedi makwas iyi i kətaŋ, ɓa, a ɗəpta, a zla: «Mə ɗal seh mey?» 37I gizeŋgʉ, i zla: «Ar Yesu, lə Nasaratu a kətaŋgaha kəɗi wa.» 38Ɓa, a ja varay, a zla: «Yesu, Mbu tə Dawuda, səŋgaka nje həhər!» 39Hedi mə nda tə a ma iyi, i gwazlaku amba mə bes. Ama a ja varay abə fagay, a zla: «Mbu tə Dawuda, səŋgaka nje həhər!» 40Yesu a gar, ɓa, a zlapaŋta əŋ hedi iyi amba i mə dahaŋ hedi wuluf ta. Əŋ hedi wuluf ta mə kərəɗaha mbehmbeh abə mbiŋ seh, Yesu a ɗəpu, a zla: 41«Hwa mba sa ɗalah seh mey?» A ziŋgeŋ zlap, a zla: «Bay Bayta, ɗal amba sa gər nje baha.» 42Yesu a zlapaŋgu, a zla: «Nje təkwa mə rəz. Kuw ma təkwa kəreheh za.» 43Mbehmbeh mba, nje ŋga a rəz, a gər nje, ɓa, a ziber Yesu, a kəhəmən Bizlaf. Hedi makwas iyi i mə lim məsəkəŋ mə taŋ iyi ta wa fuk seh, ɓa, i mar ley həmən Bizlaf bahayim.
လက္ရွိေရြးခ်ယ္ထားမွု
Luka 18: xmd
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Luka 18
18
Ma marərək a talaŋ wala məce abə hedi mə mbəzl ma
1Yesu a zlapaŋta abə ma marərək wa, amba ley gizeŋta, sey i ɗal mbuh a waŋ ta a waŋ ta, i mba i təɓəl səku səlak. 2A zlapaŋta, a zla: «Hedi mə mbəzl ma əŋ berne məzəwindi aka, a kələndəŋ abə Bizlaf səku, ŋgem ŋga abə kwa viyey halla. 3Əŋ berne ta bahayim wala məce aka, a kəndaha a waŋ ta a waŋ ta əŋ kelek ŋga, a kəzlapaŋgu, a zla: “Mbəzlaka ma abə məsəgər na wa.” 4Ha nja mbeh səku, hedi mə mbəzl ma ta, a kuw ley mbəzlaŋta ma ta səku. Ama abə dawaŋ ta, a wulək əŋ nəf ŋga, a zla: “Kwa sa kələndəŋ abə Bizlaf səku, kwa ŋgem na abə kwa viyey halla, 5ama məŋgəvday wala məce wa, a kəwuzlaɗaka talaŋ, sa nda i mbəzlaŋ ma, məŋgəvday a mba i ndaha ley ŋgakaka talaŋ a pis ta a pis ta səku ba.”»
6Bay Bayta a zlap baha, a zla: «Hi zlim lawlaw ma tə hedi mə mbəzl ma madawar wa mə zlap. 7Əŋgah mənaŋ wa seh, Bizlaf a mbəzlaŋta ma viyu əŋ hedi ŋga mamay iyi i mə ɗalaŋ mbuh njaɗu abə pis seh halla vaw? A njaha za mbeh səku ley tərta vaw? 8Sa kəzlapaheni: a mbəzlaŋta ma za viyu. Ama əŋ Mbu tə Hedi mə nda i ziŋgehe seh, a lim hedi makuw ma iyi za əŋ məŋhayak vaw?»
Ma marərək a talaŋ hedi Farisa liŋ hedi mə cakal budu
9Yesu a giz ma marərək məzəwindi baha, məŋgəvday hedi məzəwindi iyi i kəgər talaŋ tata seh, hedi sə delele iyi a ma tə Bizlaf, i kəgeŋgir hedi məzəwindi iyi: 10«Hedi iyi bək aka, i nda i ɗalaha mbuh əŋ biŋ tə Bizlaf, hedi ntaɗ lə Farisa, hedi məzəwindi hedi mə cakal budu. 11Lə Farisa deŋ, a gar, a ɗal mbuh əŋ nəf ŋga mənaŋ wa, a zla: “Waa Bizlaf na, sa kəɗalah sʉse məŋgəvday sa hedi mənaŋ hedi məzəwindi iyi wa səku, tata məhil iyi, tata hedi mə ɗal məsəkəŋ madawar iyi, tata hedi mə ɓət wucum sifteleh a palah iyi, baha, sa mənaŋ hedi mə cakal budu wa səku. 12Sa kəɗal dalyam ŋgas bək əŋ waŋ dʉsəlʉɗ, sa kəvəl məsəkəŋ ntaɗ əŋ wam əŋ məsəkəŋ na sa mə lim iyi fuk.” 13Hedi mə cakal budu a gar abə guduk ta, a kəmba kwa i kaf nje əŋ wuzlaf səku. Ama a taw nəf#18:13 Taw nəf seh, ar zəm marava, mənaŋ ley ɗiy ndəra a talaŋ əŋ kukus takwa mə zlap. ŋga, a zla: “Waa Bizlaf na, səŋgaka nje həhər, sa seh, sa hedi mə ɗal hem.”» 14Yesu a zlapaŋta baha, a zla: «Sa kəzlapaheni, hedi mə cakal budu wa, a nda əŋ wuta seh, Bizlaf kəɗiyu za əŋ hedi sə delele a ma ŋga. Ama lə Farisa wa seh, halla. Məŋgəvday hedi mə kaf talaŋ ŋga əŋ səndawl seh, Bizlaf a ziŋgehew za əŋ mekedek, ama hedi mə ziŋ talaŋ ŋga əŋ mekedek seh, Bizlaf a nda i gəlu əŋ səndawl.»
Yesu a pireŋta ma əŋ wuziyi
(Matta 19:13-15; Markus 10:13-16)
15Hedi iyi i dahaŋ wuziyi mekedek iyi əŋ Yesu amba a ɗiyaŋta ndəra a talaŋ, a pireŋta ma. Ama əŋ gula ŋga iyi i mə gər hedi iyi i kədaha wuziyi ta seh, i gwazlakta. 16Ama Yesu a zlapaŋta ley kərəɗaha wuziyi mekedek iyi ta əŋ kelek ŋga, ɓa, a zlapaŋta əŋ gula ŋga iyi, a zla: «Hi yakaha wuziyi mekedek iyi i mə ndaha əŋ kelek na. Hi mba i takta səku məŋgəvday Bay tə Bizlaf seh, mbə əŋ hedi mənaŋ tata iyi. 17Sa kəzlapaheni məndiwiŋ, hedi kəkuw Bay tə Bizlaf mənaŋ mbu mekedek halla seh, a kənda i təɗ əŋ ɗəməŋ halla səlak.»
Hedi tə abə məsəkəŋ a ɗəp Yesu ley təɗ əŋ Bay tə Bizlaf
(Matta 19:16-30; Markus 10:17-31)
18Hedi ntaɗ tə əŋ faŋw tə talaŋ habay tə Yahuda iyi, a ɗəp Yesu, a zla: «Metir na səntaŋ, sa nda i ɗal amba ley lim mədəŋcur mə cukwaɗ səku seh, mey?» 19Yesu a ziŋgeŋ zlap, a zla: «Hwa ɗafaka ma hedi səntaŋ seh, məŋgəvday a mey? Hedi səntaŋ seh halla, sey Bizlaf taataɗ ŋga. 20Hwa kəsəŋ ma matak iyi: “Hwa mba i ɓət wucum sifteleh a palah səku, hwa mba i ja hedi səku, hwa mba i hil səku, hwa mba i bərəsl ma a talaŋ hedi səku, waŋgaŋta talaŋ əŋ baba təkwa abə mama təkwa.”» 21Hedi ta a ziŋgeŋ zlap, a zla: «Sa kəkuw ma matak iyi ta wa fuk za, mar sa mbə əŋ zaray na.» 22Əŋ Yesu kəzlim ma ŋga ta kwata seh, a zlapaŋgu, a zla: «Mayakah məsəkəŋ ntaɗ baha: Ber məsəkəŋ təkwa iyi fuk, vəlaŋta dala ta əŋ hedi məstakwaŋ iyi. Əŋgah hwa kəɗal za mənaŋ mba seh, hwa lim məsəkəŋ za a wuzlaf. Abə dawaŋ ta, ndaha, ziberekʉ.» 23Ama əŋ hedi ta mə zlim ma ta wa seh, kəməcaŋ wucum za, məŋgəvday mbiŋ abə məsəkəŋ mbeh səku. 24Əŋ Yesu mə gər hedi ta wucum ŋga kəməc za seh, ɓa, a zlap, a zla: «Tuwah mbeh səku əŋ hedi tə abə məsəkəŋ iyi ley təɗ əŋ Bay tə Bizlaf. 25Məndiwiŋ, gelɓe əŋ ŋgelebe ley təɗ kəɗi jiɓ tə batal a talaŋ hedi tə abə məsəkəŋ ley təɗ əŋ Bay tə Bizlaf.» 26Hedi iyi i mə zlim ma iyi ta, i zla: «Ama əŋgah mənaŋ wa seh, mə gula i reh seh, viyey?» 27Yesu a ziŋgeŋta zlap, a zla: «Məsəkəŋ hedi iyi i mə gula i ɗalu səku, Bizlaf a gula i ɗalu.» 28Piyer a zlapaŋgu izey, a zla: «Ehe, nini kəyakaha məsəkəŋ tini iyi fuk za ley zibereh.» 29Yesu a ziŋgeŋta zlap, a zla: «Sa kəzlapaheni məndiwiŋ, əŋgah hedi a yak ge ŋga, wala ŋga, zliŋgeŋ iyi, baba ŋga iyi, aka səku wuziyi ŋga iyi məŋgəvday Bay tə Bizlaf seh, 30hedi ta a lim məsəkəŋ iyi za mbeh səku əŋ məŋhayak mənjawa, baha, əŋ cukwaɗ tə məŋhayak seh, a lim mədəŋcur mə cukwaɗ səku za.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Matta 20:17-19; Markus 10:32-34)
31Yesu a ɗafaŋta ma əŋ gula ŋga iyi wam a meɗek bək əŋ kelek ŋga, a zlapaŋta, a zla: «Ehe, nakwa iyi kənda i tap əŋ Urusalima, məsəkəŋ iyi mbeh səku mənaŋ hedi mə giz ma abə miya tə Bizlaf iyi zlezle, i mə wuzlelʉ fuk a talaŋ Mbu tə Hedi a ɗal za. 32Məŋgəvday a ɗek, i vəlza za əŋ ndəra hedi mə səŋ Bizlaf iyi səku#18:32 Hedi mə səŋ Bizlaf iyi səku, aka səku, Yahuda iyi səku, aka səku, hedi mə da kuli iyi., i ɓasaŋ za a talaŋ, i raza za, i pireŋ mesleɓ za a mbiŋ, 33i kəlapza za abə laway. Abə dawaŋ ta, i jaza za, ama əŋ waŋ maakaɗ ta, a garaha ŋga za əŋ faŋw tə hedi maməc iyi.» 34Ama i kəzlim kwa mey seh halla. Məŋgəvday ma ta mə ɓehi, i kəsəŋ Yesu a mba i zlap seh, viŋgey səku.
Yesu a rəzaŋ nje tə hedi wuluf əŋ Yerikwa
(Matta 20:29-34; Markus 10:46-52)
35Əŋ Yesu a kəkərəɗaha əŋ Yerikwa seh, hedi wuluf aka, mə nji a meɗek kataf, a kərək. 36A zlim hedi makwas iyi i kətaŋ, ɓa, a ɗəpta, a zla: «Mə ɗal seh mey?» 37I gizeŋgʉ, i zla: «Ar Yesu, lə Nasaratu a kətaŋgaha kəɗi wa.» 38Ɓa, a ja varay, a zla: «Yesu, Mbu tə Dawuda, səŋgaka nje həhər!» 39Hedi mə nda tə a ma iyi, i gwazlaku amba mə bes. Ama a ja varay abə fagay, a zla: «Mbu tə Dawuda, səŋgaka nje həhər!» 40Yesu a gar, ɓa, a zlapaŋta əŋ hedi iyi amba i mə dahaŋ hedi wuluf ta. Əŋ hedi wuluf ta mə kərəɗaha mbehmbeh abə mbiŋ seh, Yesu a ɗəpu, a zla: 41«Hwa mba sa ɗalah seh mey?» A ziŋgeŋ zlap, a zla: «Bay Bayta, ɗal amba sa gər nje baha.» 42Yesu a zlapaŋgu, a zla: «Nje təkwa mə rəz. Kuw ma təkwa kəreheh za.» 43Mbehmbeh mba, nje ŋga a rəz, a gər nje, ɓa, a ziber Yesu, a kəhəmən Bizlaf. Hedi makwas iyi i mə lim məsəkəŋ mə taŋ iyi ta wa fuk seh, ɓa, i mar ley həmən Bizlaf bahayim.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ