Sáŋa 16
16
1«Ngúnuɔ́yɔɔn manda amaány ká nudɛbiá gɛdɔmbɔ agá nŋádáb yanɔ. 2Báganúkɔ́ŋa agá bians bá mbíbígol. Gigúl gasiám ɛgɛ́ bɔ́gɔnúnuɔ́nɔ́, bábɛ́dágá ká bágualaan Gɔdányá buol. 3Bagala nɔ́ góbusió ká bádɛgɔ́lɛnsaan ta Babá, ta yaŋuá. 4Ngúnuɔ́yɔɔn gɔg anaány ká, gɛsɛgɛl igiány gaal gímésiege, núbɛ́dágɛd manda ɔmɔ́ imɔ́ɔnuɔ́yɔɔ́n. Ndimakɛn gunuɔ́yɛdɛn gágual ká imabá imaány nanɔ.»
Buol bá Ɛsámb yá Mefúny
5«Nɛ́nuán, gám gɔb egue agá mɔnd umáandɔ́m, ta omoom agán gá ɔlɔŋ udigúŋófoon ká: “Áb nány e?” 6Nunyɛ gɔsɔ́g gɔsɔ́ga gágual ká imɔ́nuɔ́yɛ́dɛ́n bú. 7Nánié búnyɛ́ meliŋítas: Búnyɛ́ bese gán góbusió ká ndɔ́mb; gágual ká ímaál ndidɔ́mb, odúgúny digoól aganuá; ímádɔ́mb gɔg, nganúdɔ́mɛ́n wɔ́. 8Ugaal úmóol, ugedíye band bá gus ká bányɛ agá gɛnana gigúl bɔ́yɔnɔ́ ká: Dɛgɔ́lɛnsaan buanda bábɛ́laná ká bɔbɛ, dɛlɛnsaan ubúnyá osi, diond dɛlɛnsaan nanyá Gɔdányá genúgélenyi; 9bányɛ agá gɛnana gá giáy gɛ́lɛ́ŋaná bɔbɛ gágual ká béguénen guondonyi ɛdɛm sɔ́b agamia; 10gá giáy gɛ́lɛ́ŋaná busi, búgúbidámbɔna nɛnama enie ká, ngúbaan agá Babá, nudɛgand guŋán; 11agá giáy gɛ́lɛ́ŋaná nɛgál ná Gɔdányá, bégúbínéŋe gágual ká usaman gufudi ofuŋ wá gus egue. 12Imányɛ na manda giod mɔ́gúnuɔ́yɔɔn, ndigúnuɔ́yɔɔn mɔ́ nɛ́nuán gágual ká mányɛ́ gɔnɔ́ gán. 13Gigúl Mefúny má meliŋítas genuúl, mégenuéndenyi agá meliŋítas gidigid. Mɔ́digɔyɔ manda móloninó agág gá mbɛ́dágɛ́dɛ́n, mɔ́gɔnuɔ́yɔɔn buanda gidigid mɔ́mɔ́ɔb, na buanda gidigid búganúbiál. 14Mégenúdíye nugúm nám, gágual ká buanda gidigid mɔ́gɔnúnuɔ́yɔɔn goólonin agamia. 15Buanda bá Babá gidigid nyɛ bám; buád buanda inyá guɔyɛd ká buanda ugɔnúnuɔ́yɛdɛn, búgúlenin agamia.»
Meyú gebínúgún mónd bɛdɔdɛn
16«Mɔɔn wá gɛsɛgɛl ndɛgand gubá nanɔ, ndɛgɔlɔbɛn gɔg gianta gá gɛsɛgɛl kand gubá ká imósiónd.» 17Bafɔ́nɔfɔ́n bág bómodió ébédúm gubiófoon ká: «Giág wambaná gudiɔ́yɛdɛn gɛsɛgɛl wɔyɔnɔ́ ká: “Mɔɔn wá gɛsɛgɛl, ndɛgand gubá nanɔ, ndɛgɔlɔbɛn gɔg gianta gá gɛsɛgɛl kand gubá ká imósiónd” Ta ká: “Gágual ká ngúbaan agá Babá e?” 18Giág muát “mɔɔn wá gɛsɛgɛl” ámbaná guɔyɛd e? Dɛdɛgɔ́sɔ́ŋɔ́na buand wambaná guɔyɛd!» 19Yésu mɔbiɔ́b ká bámambá guófún wɔ́ gɛdam gá manda gímodió gá gugál gág uguány. Uganyɛ gɔ́b ká: «Nsaal gán ká: “Ndɛgand gubá nanɔ gá mɔɔn wá gɛsɛgɛl, ndɛgɔlɔbɛn gɔg gianta gá gɛsɛgɛl kand gubá ká imósiónd.” Buád buanda nubiófonó iŋófuny banuá na banuá e? 20Gá meliŋítas ngúnuɔ́yɔɔn ká nugabaŋa nuónd núbíségí, gɛsɛgɛl igiány band bá gus gabá agá bɛdɔdɛn, nugabá agá múyú. Ta anaány, meyú mán amaány gebínúgún mónd bɛ́dɔdɛn. 21Gɛsɛgɛl agánd ámbana gubién, unyɛ agá meyú gágual ká gɛsɛgɛl gág gá guɔ́bɛ́gɔɔn saman gusiám; mɔɔn máman gubíbién gɔg, ubiélidi guɔ́bɛ́g uguány, bɛdɔdɛn bág gúdúmbaan anaány gágual ká usebién. 22Anaány nunyá agá meyú nɛ́nuán; anyɛ́ nganuánd gunuán, ɛdɛm sán gabá agá fueee, mɔnd wɔguɔg bɛdɔdɛn bán, dɛ́bá. 23Nudɛgand guŋófún buanda anyɛ́ buɔ́s ubuány ganúsiám. Agá meliŋítas, ngúnuɔ́yɔɔn ká, númófún Babá buanda agá ɔfɛ́n wám, uganúfá bɔ́. 24Gusiám nɛ́nuán, numaányɛ nudiófún buanda agá ɔfɛ́n wám. Ónuófún, nugadáŋáb, ká bɛdɔdɛn bán bá gianta.
Yésu mayág band bá gus
25«Nsɔnuɔ́yɔɔn manda amaány gidigid nsab nsaba, gɛsɛgɛl gúleen, ndɛgand gunúgálaan anaány, ngɔnuɔ́yɔɔn pás pás manda mábɛ́lɛ́ŋaná Babá. 26Budúg ubuány, nugobísógólonyi Babá agá ɔfɛ́n wám; budigófoón ká mbísógolonyi wɔ́ gán góbusió, 27gágual ká Babá muát gúnúbíléne, ugúnúbíléné gágual ká nugúmbíléné nuond nuádábaan ká imóolín agagá. 28Imóolín agagá gá gúsiám egegus. Ngélíkí egegus gá guond aga Babá.» 29Bafɔ́nɔfɔ́n bág ganyɛ gɔg gág ká: «Ɛ́ɛŋ, aganyá gúgálagal pás pás nɛ́nuán nsab dɛgábá andɔ. 30Dɛgɔ́lɛnsaan nɛ́nuán ká agúlɛnsaan buanda gidigid, budɛguánd guófoón ká díguófoon iŋófuny. Buanda buád diádábaná ká egúulenin agá Gɔdányá.» 31Yésu guondinyi bɔ́ ká: «Nuguádábaan nɛ́nuán e? 32Ngúnuɔ́yɔɔn ká gɛsɛgɛl gúleén, gígányɛ muát kɔ́, banuá gidigid nugɔmbínɔɔn, namɔɔ́ná ugoónd agagá, nugaŋnɛɛn yaŋuá eŋényé. Ndɛbá yaŋuá eŋényé, Babá nyɛ́ nám. 33Nsɔnuɔ́yɔɔn manda amaány gidigid ká núbia bumbén nám. Nugɔ́bɛ́gɔɔ́n egegus. Ta anaány, nubiág bugaga, gágual ká imayág bɔ́!»
လက္ရွိေရြးခ်ယ္ထားမွု
Sáŋa 16: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sáŋa 16
16
1«Ngúnuɔ́yɔɔn manda amaány ká nudɛbiá gɛdɔmbɔ agá nŋádáb yanɔ. 2Báganúkɔ́ŋa agá bians bá mbíbígol. Gigúl gasiám ɛgɛ́ bɔ́gɔnúnuɔ́nɔ́, bábɛ́dágá ká bágualaan Gɔdányá buol. 3Bagala nɔ́ góbusió ká bádɛgɔ́lɛnsaan ta Babá, ta yaŋuá. 4Ngúnuɔ́yɔɔn gɔg anaány ká, gɛsɛgɛl igiány gaal gímésiege, núbɛ́dágɛd manda ɔmɔ́ imɔ́ɔnuɔ́yɔɔ́n. Ndimakɛn gunuɔ́yɛdɛn gágual ká imabá imaány nanɔ.»
Buol bá Ɛsámb yá Mefúny
5«Nɛ́nuán, gám gɔb egue agá mɔnd umáandɔ́m, ta omoom agán gá ɔlɔŋ udigúŋófoon ká: “Áb nány e?” 6Nunyɛ gɔsɔ́g gɔsɔ́ga gágual ká imɔ́nuɔ́yɛ́dɛ́n bú. 7Nánié búnyɛ́ meliŋítas: Búnyɛ́ bese gán góbusió ká ndɔ́mb; gágual ká ímaál ndidɔ́mb, odúgúny digoól aganuá; ímádɔ́mb gɔg, nganúdɔ́mɛ́n wɔ́. 8Ugaal úmóol, ugedíye band bá gus ká bányɛ agá gɛnana gigúl bɔ́yɔnɔ́ ká: Dɛgɔ́lɛnsaan buanda bábɛ́laná ká bɔbɛ, dɛlɛnsaan ubúnyá osi, diond dɛlɛnsaan nanyá Gɔdányá genúgélenyi; 9bányɛ agá gɛnana gá giáy gɛ́lɛ́ŋaná bɔbɛ gágual ká béguénen guondonyi ɛdɛm sɔ́b agamia; 10gá giáy gɛ́lɛ́ŋaná busi, búgúbidámbɔna nɛnama enie ká, ngúbaan agá Babá, nudɛgand guŋán; 11agá giáy gɛ́lɛ́ŋaná nɛgál ná Gɔdányá, bégúbínéŋe gágual ká usaman gufudi ofuŋ wá gus egue. 12Imányɛ na manda giod mɔ́gúnuɔ́yɔɔn, ndigúnuɔ́yɔɔn mɔ́ nɛ́nuán gágual ká mányɛ́ gɔnɔ́ gán. 13Gigúl Mefúny má meliŋítas genuúl, mégenuéndenyi agá meliŋítas gidigid. Mɔ́digɔyɔ manda móloninó agág gá mbɛ́dágɛ́dɛ́n, mɔ́gɔnuɔ́yɔɔn buanda gidigid mɔ́mɔ́ɔb, na buanda gidigid búganúbiál. 14Mégenúdíye nugúm nám, gágual ká buanda gidigid mɔ́gɔnúnuɔ́yɔɔn goólonin agamia. 15Buanda bá Babá gidigid nyɛ bám; buád buanda inyá guɔyɛd ká buanda ugɔnúnuɔ́yɛdɛn, búgúlenin agamia.»
Meyú gebínúgún mónd bɛdɔdɛn
16«Mɔɔn wá gɛsɛgɛl ndɛgand gubá nanɔ, ndɛgɔlɔbɛn gɔg gianta gá gɛsɛgɛl kand gubá ká imósiónd.» 17Bafɔ́nɔfɔ́n bág bómodió ébédúm gubiófoon ká: «Giág wambaná gudiɔ́yɛdɛn gɛsɛgɛl wɔyɔnɔ́ ká: “Mɔɔn wá gɛsɛgɛl, ndɛgand gubá nanɔ, ndɛgɔlɔbɛn gɔg gianta gá gɛsɛgɛl kand gubá ká imósiónd” Ta ká: “Gágual ká ngúbaan agá Babá e?” 18Giág muát “mɔɔn wá gɛsɛgɛl” ámbaná guɔyɛd e? Dɛdɛgɔ́sɔ́ŋɔ́na buand wambaná guɔyɛd!» 19Yésu mɔbiɔ́b ká bámambá guófún wɔ́ gɛdam gá manda gímodió gá gugál gág uguány. Uganyɛ gɔ́b ká: «Nsaal gán ká: “Ndɛgand gubá nanɔ gá mɔɔn wá gɛsɛgɛl, ndɛgɔlɔbɛn gɔg gianta gá gɛsɛgɛl kand gubá ká imósiónd.” Buád buanda nubiófonó iŋófuny banuá na banuá e? 20Gá meliŋítas ngúnuɔ́yɔɔn ká nugabaŋa nuónd núbíségí, gɛsɛgɛl igiány band bá gus gabá agá bɛdɔdɛn, nugabá agá múyú. Ta anaány, meyú mán amaány gebínúgún mónd bɛ́dɔdɛn. 21Gɛsɛgɛl agánd ámbana gubién, unyɛ agá meyú gágual ká gɛsɛgɛl gág gá guɔ́bɛ́gɔɔn saman gusiám; mɔɔn máman gubíbién gɔg, ubiélidi guɔ́bɛ́g uguány, bɛdɔdɛn bág gúdúmbaan anaány gágual ká usebién. 22Anaány nunyá agá meyú nɛ́nuán; anyɛ́ nganuánd gunuán, ɛdɛm sán gabá agá fueee, mɔnd wɔguɔg bɛdɔdɛn bán, dɛ́bá. 23Nudɛgand guŋófún buanda anyɛ́ buɔ́s ubuány ganúsiám. Agá meliŋítas, ngúnuɔ́yɔɔn ká, númófún Babá buanda agá ɔfɛ́n wám, uganúfá bɔ́. 24Gusiám nɛ́nuán, numaányɛ nudiófún buanda agá ɔfɛ́n wám. Ónuófún, nugadáŋáb, ká bɛdɔdɛn bán bá gianta.
Yésu mayág band bá gus
25«Nsɔnuɔ́yɔɔn manda amaány gidigid nsab nsaba, gɛsɛgɛl gúleen, ndɛgand gunúgálaan anaány, ngɔnuɔ́yɔɔn pás pás manda mábɛ́lɛ́ŋaná Babá. 26Budúg ubuány, nugobísógólonyi Babá agá ɔfɛ́n wám; budigófoón ká mbísógolonyi wɔ́ gán góbusió, 27gágual ká Babá muát gúnúbíléne, ugúnúbíléné gágual ká nugúmbíléné nuond nuádábaan ká imóolín agagá. 28Imóolín agagá gá gúsiám egegus. Ngélíkí egegus gá guond aga Babá.» 29Bafɔ́nɔfɔ́n bág ganyɛ gɔg gág ká: «Ɛ́ɛŋ, aganyá gúgálagal pás pás nɛ́nuán nsab dɛgábá andɔ. 30Dɛgɔ́lɛnsaan nɛ́nuán ká agúlɛnsaan buanda gidigid, budɛguánd guófoón ká díguófoon iŋófuny. Buanda buád diádábaná ká egúulenin agá Gɔdányá.» 31Yésu guondinyi bɔ́ ká: «Nuguádábaan nɛ́nuán e? 32Ngúnuɔ́yɔɔn ká gɛsɛgɛl gúleén, gígányɛ muát kɔ́, banuá gidigid nugɔmbínɔɔn, namɔɔ́ná ugoónd agagá, nugaŋnɛɛn yaŋuá eŋényé. Ndɛbá yaŋuá eŋényé, Babá nyɛ́ nám. 33Nsɔnuɔ́yɔɔn manda amaány gidigid ká núbia bumbén nám. Nugɔ́bɛ́gɔɔ́n egegus. Ta anaány, nubiág bugaga, gágual ká imayág bɔ́!»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ