Sáŋa 12
12
1Ká pásaka gabá ínen medug mátíndád, Yésu gɔb Betaní kɔɔ́m Lasála máabá. Lasála waád Yésu méenyí aga ebeguén. 2Yésu máal unyɛ kɔ́, abánámbaan wɔ́ manyaán. Mata umáafɛ́naán wɔ́ manyaán amaány. Lasála mabá agá ɔlɔŋ wá band bámáabá agá tébéle na Yésu. 3Maliá uwɔgɔ́l giéns gá lɛ́ta wa mbanda alabɛ́nda wá nál wɔ́ŋunɔnɔ́ muonyi giod. Uwodinoon wɔ́ agá bɛgɔnd bá Yésu, uwond uwofuóno bɛgɔnd ibiány na iŋíde ság. Ɔlɔ́f wá alabɛ́nda uwaány uwófuóg gians tás. 4Ɔfɔ́nɔfɔɔ́n wá Yésu ondodi ofɛ́n ká Yúdasa Ísikalióto umáabá ká ugandɛn wɔ́ ɛdɔg ganyɛ ká: 5«Góbusió bágiág alabɛ́nda ewe ménuene údíbídú gá bɛnama bá mɔnd bá buol bá buanda anyɛ iyól siát béŋin muonyi umuány gá basɔ́gasɔga e?» 6Saá gágual ká uguákɛ́naan na basɔ́gasɔga umáagálá anaány. Umagálá anaány góbúsió ká umabá eŋéb, ɔwɔ́ umáabá ubɛ́dɛ́gaan muonyi mɔ́b, umabá ugɔ́lɔn muonyi bámáabá bágaan. 7Yésu ganyɛ gɔg ká: «Ediésésényí wɔ́! Umákɛ́n gual nɔ́ góbusió bá buɔ́s bám bómúnyoon. 8Basɔ́gasɔga gabá nanɔ bɛsɛgɛl gidigid, yaŋuá gɔg ndɛgabá nanɔ bigúl bim.»
Ɛdɔg bámágálɛ́dɛ́n Yésu
9Gianta gá giŋi gá Beyúdɛn mɔ́ɔb ká Yésu mabá Betaní. Gɔb gɔ́b Betani dɛmabá kɔɔ́kɔ́ góbusió bá Yésu, bámáab sɔ́n ká baán Lasála Yésu méenyí aga ebeguén. 10Ádiány, bɔgɔ́gɔ abásɔ́mb ká bɔɔ́n sɔ́n Lasála, 11gágual ká Beyúdɛn giod madɔ́mb, abádáb Yésu agá gélem gá gieŋugie gá Lasála.
Guám gá Yésu Yelósalɛm
12Mémbelibéli, gianta gá giŋi gá band gímáab gá budɔ́mb mɔ́ɔb ká Yésu mabaán Yelúsalɛm. 13Beme wɔbɔ ɔbɔ́gɔ́l maáŋ má embíl gá guogólí wɔ́; bámánsá bɔ́yɔ: «Nugúm bá na Gɔdányá! Gɛfɔn bá na ewe wuúlené agá ɔfɛ́n wá Ɔgúnɔ́! Nsɛ́ Ɔgúnɔ́ fɔ́n ofuŋ wá Ísalayɛ́l.» 14Yésu uwabɔ́lɛ́g agá mɔɔn wá gɛkabɛlɛ umɔɔ́fuɔ́gɛ́n ány, kɔɔ́kɔ anyɛ́ búnyá buɔ́ŋɔ́n agá mbɔbɔnɔ ká: 15Nudɛbiá buwa band bá Yelúsalɛm#12.15 Bómodió gúbɛ́laan Yelósalɛm ká Siyɔ́ŋ.! Ánulɛ́ŋɛ́d, ofuŋ wán gúleen, únyɛ́ ilukié agá mɔɔn wa gɛkabɛlɛ. 16Kɔ́ na kɔ́ ány bafɔ́nɔfɔ́n bág dɛmasɔ́ŋɔ́n bielínyélínyé ibiány; ta anaány, Gɔdányá máal úméebúlígí Yésu agá nugúm nág, abábɛ́dágɛd ká manda amaány mabá mɔ́ɔŋɔ́n agá mbɔbɔnɔ gág góbúsió, omónd amábɛ́dɔ́mb nɔ́. 17Anyɛ́ Yésu ményúgí Lasála agá ebeguén uwondo uwuémi wɔ́ agá gɛbɛl; giŋi gá band mabá kɔ́, bɔ́bɔ́ bɔ́mɔ́ɔyɔ́ buanda gidigid búmábɛ́dɔ́mbaán. 18Giŋi gá band igiány mabánɛ́n Yésu gágual ká band mabá bámámaná guɔ́b gisey umáal. 19Bafalisiɛ́ŋ gubɛ́gálɛ́d bágányɛ ká: «Nuguánan ká dɛdɛbá báguámɛ́nɛn: band giod gúládaan wɔ́!»
Bagɛlɛ́k guamba gugálɛ́d na Yésu
20Gɛdam gá Bagɛlɛ́k#12.20 Búdɛ́bá bebíeny bá Bagɛlɛ́k, gɔg band bémébiéŋin gá giádábɛ́n gímodio. mabá gadágadá wa band bámáab gá guegúményi Gɔdányá gɛsɛgɛl gá budɔ́mb. 21Abáb agá Fílibe umáabá mɔɔn wá tísɔn wá Betesayída, gus gá Galilé. Bágányɛ gág ká: «Sígɔl ɔgúnɔ́gɔn dɛguámba guán Yésu.» 22Uwɔb, uwɔnɔyɛ́dɛ́n Andelé buanda gidigid, beme wɔbɔ abáb ɔbɔ́nɔyɛ́dɛ́n Yésu. 23Uwondinyi bɔ́ ká: «Gɛsɛgɛl gágual ká Gɔdányá díye nugúm nám yaŋuá Mɔɔn wá mɔnd máman gúsiám. 24Gá meliŋítas ngúnuɔ́yɔɔn ká: Niíny ná mbasa mɔnd saágɔgɔ́n maál nídígú, nígúlɔbɔɔn nɛ́nɛ́ eŋényé. Nímégú gɔg, níguómó eŋíny giod. 25Mɔnd ubílénené guala buanda ɔdɛm wág ɔ́yɔnɔ́, gaám ɛmbɔ́g gɔdɔ, ewe gɔg udiábiádɛ́ganɛná manda má gus eme gabaan nobusió na gubɛ́dɛ́gaan gusɔ́d gág guám, agá gúsɔ́d gá kand nɛmanɛ́ná. 26Mɔnd mámba ká wúŋalaan buol, ugúbianan ká wúŋlád; anaány gɔg ká, eŋél buol wám gabá kɔɔ́m inyá. Mɔnd wuŋalanɛná buol, Babá gúgɔ́lɔɔn gɛsɛgɛl naga.
27«Nɛ́nuán ɔdɛm wám dɛbá bese. Ndɛgɔ́lɛnsaan giág inyɛ ká yɔ́yɛd. Yɔ́yɛd ká Babá adɛnɛɛ́n ká nɛnama ná yɔɔ́bɛ́dɛn enie nílené áŋámɛ́n e? Imóol egegus ká yɔ́bɛ́gɔɔn anyɛ́ ngɔgúnuɔ́bɛ́g. 28Babá, díyé band nugúm nɔ́w.» Ekelu uwólín ugumuana wɔ́yɔ ká: «Nsaman gudíye nanyá ngúmené, ngand gual anaány.» 29Giŋi gá band gímáabá ány mɔ́ɔb bioŋúl bá ekelu, gɛdám mɔyɔ́ ká: Búnyɛ́ imalamanda! Gímodió ɔ́yɔ ká: Ɛngɛlɛs mágálɛ́d gág! 30Yésu ganyɛ gɔ́b gɔg ká: «Bioŋúl nusɔ́guɔ́b dɛmábá gám góbusió, bɛsabá gán gá busio. 31Gɛsɛgɛl gágual ká Gɔdányá gélenyi band bá gus mámán gúsiám; ugakɔ́ŋɛd amandigana wa gus egue. 32Anyɛ́ begenúmbúlígi egegus, ngaal ká mɔnd gidigid oól agamia.» 33Agá gugál uguány, Yésu mabá udíyenyi nanyá bɔ́gɔnuɔ́n wɔ́. 34Giŋi guondinyi wɔ́ ká: «Bisele gúdiɔ́yɔɔn ká Kilíse gɔsɔ́dɔɔn na bánamana. Nanyá ányá wɔguɔyɛd ká búguófoon ká bébúlígi Mɔɔn wá mɔnd e? Ányá unyá Mɔɔn wá mɔnd e?» 35Uganyɛ gɔ́b ká: «Gise mányɛ agá gadágadá wanɔ gá mɔɔn wá gɛsɛgɛl. Ánuandá gɛsɛgɛl numányaná gubianan gɛ́, anaány ká mbíne dinúbélédényi, gágual ká ewe wandaná agá mbíne dɛgɔ́lɛnsaan kɔɔ́m wɔbáná. 36Ímábá nuguámba gubá baan bá gise, énubíeŋin gá gɛ́ gɛsɛgɛl gímányaná nanɔ.» Umáal úmágálagal gɔ́b anaány, uwɔbígɔ́gɛ́d uwɔbiɔ́sɛgɛnɛn bɔ́.
Beyúdɛn dɛguádábaan Yésu
37Beyúdɛn dɛmádábaan Yésu ta anyɛ́ umáalá bisey giod, 38búmabiála kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya ibús Isayí ká: Ɔgúnɔ́, ta mɔnd udɛmáadáb ubú dimáabá diɔyɔ, ta mɔnd udimáan nanyá ányá na bugaga. 39Isayí mɔyɛ́d sɔ́n ká gá giág béméen guádáb: 40Gɔdányá miíyí bɔ́ bebúdebude ká bádiánaán, uwond uwaal ká bábá bieg, bádɛ́sɔ́ŋɔ́n anyɛ́ guófonó, buád buanda wɔyɔnɔ́ ká: Bédigúbígebélenyi buáy bám ká yéŋúgi bɔ́! 41Isayí mɔ́yɛ́d anaány gágual ká umáan nugúm ná Yésu, uwond uwɔyɔ manda mábɛ́lɛ́ŋaná Yésu. 42Gá guán, giod agá ɔlɔŋ wá bagɔn bá Beyúdɛn máadáb Yésu; gágual ká bámabiánán buwa ká Bafalisiɛ́ŋ geémi bɔ́ agá gians gá mbísógól, buád buanda béméen gúdendidi guɔyɔɔn bɔsɔ́gɔ́ bómodió ká báguádábaan Yésu: 43Bunyɛ ká bámáadáb nugúm núleniné agá band gɔdɔ́mb núleniné agá Gɔdányá. 44Yésu guɔyɛd ekelu magɔ́gɔ́n ká: «Mɔnd wuŋádábaná, saá yaŋuá wádábaná gusúg, uguádábaan gɔg ewe umáandɔ́m. 45Mɔnd wuŋánaná, uguánaan sɔ́n ewe umáandɔ́m. 46Yaŋuá imóol egegus anyɛ gise, anaány ká mɔnd wuŋádábaná dɛlɔbɛ́n agá mbíne. 47Mɔnd mɔ́bɔɔn gugál gám, udialá anyɛ́ guɔ́yɔnɔ́, saá yaŋuá mfudenyé wɔ́, gágual ká imóol ká nsódonyi band, saá ká mfúdenyi bɔ́. 48Mɔnd udiɔ́gɔ́lɔ́nɔ́ gɛsɛgɛl nám, ta na gugál gám gúdáŋába gifudie: gufúnyifunyi iméeŋeén wɔ́ gúgenúfúdi wɔ́ buɔ́s bégúsúgúdenyi. 49Buanda dɛbá kɔ́ inyá gusáláŋ ká yɔ́yɔ́, Babá uwɔ́ muát umáandɔ́m mɔŋɔyɛ́dɛ́n manda imáabiánán ká yɔ́yɔ, yónd mfúnyifunyi. 50Ngúlɛnsan ká buanda Babá mɔ́ɔyɛ́d ká band ála, gaal ká bɔ́sɔ́dɔɔn na baánamana. Ubú yɔyɔnɔ́, nguɔ́yɔ bɔ́ kɔɔ́kɔ́ anyɛ́ Babá mɔ́ɔŋɔyɛ́dɛ́n.»
လက္ရွိေရြးခ်ယ္ထားမွု
Sáŋa 12: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sáŋa 12
12
1Ká pásaka gabá ínen medug mátíndád, Yésu gɔb Betaní kɔɔ́m Lasála máabá. Lasála waád Yésu méenyí aga ebeguén. 2Yésu máal unyɛ kɔ́, abánámbaan wɔ́ manyaán. Mata umáafɛ́naán wɔ́ manyaán amaány. Lasála mabá agá ɔlɔŋ wá band bámáabá agá tébéle na Yésu. 3Maliá uwɔgɔ́l giéns gá lɛ́ta wa mbanda alabɛ́nda wá nál wɔ́ŋunɔnɔ́ muonyi giod. Uwodinoon wɔ́ agá bɛgɔnd bá Yésu, uwond uwofuóno bɛgɔnd ibiány na iŋíde ság. Ɔlɔ́f wá alabɛ́nda uwaány uwófuóg gians tás. 4Ɔfɔ́nɔfɔɔ́n wá Yésu ondodi ofɛ́n ká Yúdasa Ísikalióto umáabá ká ugandɛn wɔ́ ɛdɔg ganyɛ ká: 5«Góbusió bágiág alabɛ́nda ewe ménuene údíbídú gá bɛnama bá mɔnd bá buol bá buanda anyɛ iyól siát béŋin muonyi umuány gá basɔ́gasɔga e?» 6Saá gágual ká uguákɛ́naan na basɔ́gasɔga umáagálá anaány. Umagálá anaány góbúsió ká umabá eŋéb, ɔwɔ́ umáabá ubɛ́dɛ́gaan muonyi mɔ́b, umabá ugɔ́lɔn muonyi bámáabá bágaan. 7Yésu ganyɛ gɔg ká: «Ediésésényí wɔ́! Umákɛ́n gual nɔ́ góbusió bá buɔ́s bám bómúnyoon. 8Basɔ́gasɔga gabá nanɔ bɛsɛgɛl gidigid, yaŋuá gɔg ndɛgabá nanɔ bigúl bim.»
Ɛdɔg bámágálɛ́dɛ́n Yésu
9Gianta gá giŋi gá Beyúdɛn mɔ́ɔb ká Yésu mabá Betaní. Gɔb gɔ́b Betani dɛmabá kɔɔ́kɔ́ góbusió bá Yésu, bámáab sɔ́n ká baán Lasála Yésu méenyí aga ebeguén. 10Ádiány, bɔgɔ́gɔ abásɔ́mb ká bɔɔ́n sɔ́n Lasála, 11gágual ká Beyúdɛn giod madɔ́mb, abádáb Yésu agá gélem gá gieŋugie gá Lasála.
Guám gá Yésu Yelósalɛm
12Mémbelibéli, gianta gá giŋi gá band gímáab gá budɔ́mb mɔ́ɔb ká Yésu mabaán Yelúsalɛm. 13Beme wɔbɔ ɔbɔ́gɔ́l maáŋ má embíl gá guogólí wɔ́; bámánsá bɔ́yɔ: «Nugúm bá na Gɔdányá! Gɛfɔn bá na ewe wuúlené agá ɔfɛ́n wá Ɔgúnɔ́! Nsɛ́ Ɔgúnɔ́ fɔ́n ofuŋ wá Ísalayɛ́l.» 14Yésu uwabɔ́lɛ́g agá mɔɔn wá gɛkabɛlɛ umɔɔ́fuɔ́gɛ́n ány, kɔɔ́kɔ anyɛ́ búnyá buɔ́ŋɔ́n agá mbɔbɔnɔ ká: 15Nudɛbiá buwa band bá Yelúsalɛm#12.15 Bómodió gúbɛ́laan Yelósalɛm ká Siyɔ́ŋ.! Ánulɛ́ŋɛ́d, ofuŋ wán gúleen, únyɛ́ ilukié agá mɔɔn wa gɛkabɛlɛ. 16Kɔ́ na kɔ́ ány bafɔ́nɔfɔ́n bág dɛmasɔ́ŋɔ́n bielínyélínyé ibiány; ta anaány, Gɔdányá máal úméebúlígí Yésu agá nugúm nág, abábɛ́dágɛd ká manda amaány mabá mɔ́ɔŋɔ́n agá mbɔbɔnɔ gág góbúsió, omónd amábɛ́dɔ́mb nɔ́. 17Anyɛ́ Yésu ményúgí Lasála agá ebeguén uwondo uwuémi wɔ́ agá gɛbɛl; giŋi gá band mabá kɔ́, bɔ́bɔ́ bɔ́mɔ́ɔyɔ́ buanda gidigid búmábɛ́dɔ́mbaán. 18Giŋi gá band igiány mabánɛ́n Yésu gágual ká band mabá bámámaná guɔ́b gisey umáal. 19Bafalisiɛ́ŋ gubɛ́gálɛ́d bágányɛ ká: «Nuguánan ká dɛdɛbá báguámɛ́nɛn: band giod gúládaan wɔ́!»
Bagɛlɛ́k guamba gugálɛ́d na Yésu
20Gɛdam gá Bagɛlɛ́k#12.20 Búdɛ́bá bebíeny bá Bagɛlɛ́k, gɔg band bémébiéŋin gá giádábɛ́n gímodio. mabá gadágadá wa band bámáab gá guegúményi Gɔdányá gɛsɛgɛl gá budɔ́mb. 21Abáb agá Fílibe umáabá mɔɔn wá tísɔn wá Betesayída, gus gá Galilé. Bágányɛ gág ká: «Sígɔl ɔgúnɔ́gɔn dɛguámba guán Yésu.» 22Uwɔb, uwɔnɔyɛ́dɛ́n Andelé buanda gidigid, beme wɔbɔ abáb ɔbɔ́nɔyɛ́dɛ́n Yésu. 23Uwondinyi bɔ́ ká: «Gɛsɛgɛl gágual ká Gɔdányá díye nugúm nám yaŋuá Mɔɔn wá mɔnd máman gúsiám. 24Gá meliŋítas ngúnuɔ́yɔɔn ká: Niíny ná mbasa mɔnd saágɔgɔ́n maál nídígú, nígúlɔbɔɔn nɛ́nɛ́ eŋényé. Nímégú gɔg, níguómó eŋíny giod. 25Mɔnd ubílénené guala buanda ɔdɛm wág ɔ́yɔnɔ́, gaám ɛmbɔ́g gɔdɔ, ewe gɔg udiábiádɛ́ganɛná manda má gus eme gabaan nobusió na gubɛ́dɛ́gaan gusɔ́d gág guám, agá gúsɔ́d gá kand nɛmanɛ́ná. 26Mɔnd mámba ká wúŋalaan buol, ugúbianan ká wúŋlád; anaány gɔg ká, eŋél buol wám gabá kɔɔ́m inyá. Mɔnd wuŋalanɛná buol, Babá gúgɔ́lɔɔn gɛsɛgɛl naga.
27«Nɛ́nuán ɔdɛm wám dɛbá bese. Ndɛgɔ́lɛnsaan giág inyɛ ká yɔ́yɛd. Yɔ́yɛd ká Babá adɛnɛɛ́n ká nɛnama ná yɔɔ́bɛ́dɛn enie nílené áŋámɛ́n e? Imóol egegus ká yɔ́bɛ́gɔɔn anyɛ́ ngɔgúnuɔ́bɛ́g. 28Babá, díyé band nugúm nɔ́w.» Ekelu uwólín ugumuana wɔ́yɔ ká: «Nsaman gudíye nanyá ngúmené, ngand gual anaány.» 29Giŋi gá band gímáabá ány mɔ́ɔb bioŋúl bá ekelu, gɛdám mɔyɔ́ ká: Búnyɛ́ imalamanda! Gímodió ɔ́yɔ ká: Ɛngɛlɛs mágálɛ́d gág! 30Yésu ganyɛ gɔ́b gɔg ká: «Bioŋúl nusɔ́guɔ́b dɛmábá gám góbusió, bɛsabá gán gá busio. 31Gɛsɛgɛl gágual ká Gɔdányá gélenyi band bá gus mámán gúsiám; ugakɔ́ŋɛd amandigana wa gus egue. 32Anyɛ́ begenúmbúlígi egegus, ngaal ká mɔnd gidigid oól agamia.» 33Agá gugál uguány, Yésu mabá udíyenyi nanyá bɔ́gɔnuɔ́n wɔ́. 34Giŋi guondinyi wɔ́ ká: «Bisele gúdiɔ́yɔɔn ká Kilíse gɔsɔ́dɔɔn na bánamana. Nanyá ányá wɔguɔyɛd ká búguófoon ká bébúlígi Mɔɔn wá mɔnd e? Ányá unyá Mɔɔn wá mɔnd e?» 35Uganyɛ gɔ́b ká: «Gise mányɛ agá gadágadá wanɔ gá mɔɔn wá gɛsɛgɛl. Ánuandá gɛsɛgɛl numányaná gubianan gɛ́, anaány ká mbíne dinúbélédényi, gágual ká ewe wandaná agá mbíne dɛgɔ́lɛnsaan kɔɔ́m wɔbáná. 36Ímábá nuguámba gubá baan bá gise, énubíeŋin gá gɛ́ gɛsɛgɛl gímányaná nanɔ.» Umáal úmágálagal gɔ́b anaány, uwɔbígɔ́gɛ́d uwɔbiɔ́sɛgɛnɛn bɔ́.
Beyúdɛn dɛguádábaan Yésu
37Beyúdɛn dɛmádábaan Yésu ta anyɛ́ umáalá bisey giod, 38búmabiála kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya ibús Isayí ká: Ɔgúnɔ́, ta mɔnd udɛmáadáb ubú dimáabá diɔyɔ, ta mɔnd udimáan nanyá ányá na bugaga. 39Isayí mɔyɛ́d sɔ́n ká gá giág béméen guádáb: 40Gɔdányá miíyí bɔ́ bebúdebude ká bádiánaán, uwond uwaal ká bábá bieg, bádɛ́sɔ́ŋɔ́n anyɛ́ guófonó, buád buanda wɔyɔnɔ́ ká: Bédigúbígebélenyi buáy bám ká yéŋúgi bɔ́! 41Isayí mɔ́yɛ́d anaány gágual ká umáan nugúm ná Yésu, uwond uwɔyɔ manda mábɛ́lɛ́ŋaná Yésu. 42Gá guán, giod agá ɔlɔŋ wá bagɔn bá Beyúdɛn máadáb Yésu; gágual ká bámabiánán buwa ká Bafalisiɛ́ŋ geémi bɔ́ agá gians gá mbísógól, buád buanda béméen gúdendidi guɔyɔɔn bɔsɔ́gɔ́ bómodió ká báguádábaan Yésu: 43Bunyɛ ká bámáadáb nugúm núleniné agá band gɔdɔ́mb núleniné agá Gɔdányá. 44Yésu guɔyɛd ekelu magɔ́gɔ́n ká: «Mɔnd wuŋádábaná, saá yaŋuá wádábaná gusúg, uguádábaan gɔg ewe umáandɔ́m. 45Mɔnd wuŋánaná, uguánaan sɔ́n ewe umáandɔ́m. 46Yaŋuá imóol egegus anyɛ gise, anaány ká mɔnd wuŋádábaná dɛlɔbɛ́n agá mbíne. 47Mɔnd mɔ́bɔɔn gugál gám, udialá anyɛ́ guɔ́yɔnɔ́, saá yaŋuá mfudenyé wɔ́, gágual ká imóol ká nsódonyi band, saá ká mfúdenyi bɔ́. 48Mɔnd udiɔ́gɔ́lɔ́nɔ́ gɛsɛgɛl nám, ta na gugál gám gúdáŋába gifudie: gufúnyifunyi iméeŋeén wɔ́ gúgenúfúdi wɔ́ buɔ́s bégúsúgúdenyi. 49Buanda dɛbá kɔ́ inyá gusáláŋ ká yɔ́yɔ́, Babá uwɔ́ muát umáandɔ́m mɔŋɔyɛ́dɛ́n manda imáabiánán ká yɔ́yɔ, yónd mfúnyifunyi. 50Ngúlɛnsan ká buanda Babá mɔ́ɔyɛ́d ká band ála, gaal ká bɔ́sɔ́dɔɔn na baánamana. Ubú yɔyɔnɔ́, nguɔ́yɔ bɔ́ kɔɔ́kɔ́ anyɛ́ Babá mɔ́ɔŋɔyɛ́dɛ́n.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ