1 Kɔlɛntiɛ́ŋ 16
16
Nŋɔ́sa ya muenyi mú gidúgune gá beédéb bá Yelósalɛm
1Agá giáy gɛ́lɛ́ŋaná muonyi umú bágɔ́saná góbusió bá giɔ́b gá beédéb bá Yelósalɛm, nugúbianan ká banuá sɔ́n nuál anyɛ́ inyá guɔyɛdɛn beédéb bá Galasí ká baál. 2Buɔ́s bóbusió bá gɛny gidigid, sig mɔnd áŋɛ́g gɛdam gá muonyi igí unyá wagual ubia, ká nudibídényí guúl gám, gá gúgɔ́sɛ́d mú. 3Ngaal ímásiam, yɔɔ́ŋ mbɔbɔnɔ na muonyi, ndál agá ɛmbɔ́g sá band nugenuéyid, baáb guosió Yelúsalɛm. 4Búmánɛ́g ká, yɛɛ́b yaŋuá muát, dɛɛb ɔlɔŋ nɔbɔ.
Ɛŋɛnd ɛsɛ́ Pólo gedenyé
5Ngadɔ́mbɛ́n agá giéns gá gus gínyá ɔfɛ́n ká Maseduán gá guúl aganuá. Gá guán, ngayɔɔg kɔɔ́m agány. 6Ala búnyɛ́ bágubá ká, ndúmbi gɛdám gá gɛsɛgɛl nanɔ ta ɔ́gɔ ká ndúmbi gigúl gá niyo aganuá, ká númfá mabábá magual ká yɛ́b na ɔŋɛnd wám nobusió. 7Ndɛguámba ká, ndénd yíleén yondoon. Ɔgúnɔ́ mébíléne, nguámba ká nam nanɔ dídúmbi giant gá gɛsɛgɛl ɔlɔŋ. 8Ngaal gulɔbɛn Efɛ́s guám agá budɔ́mb bábɛ́laná ká pantekót. 9Gágual ká, ngúbianan ginɔ́g gá gɛsɛgɛl gá gual ká yaál giant gá buol, ta anɛ́ bambɛ́lɛmbɛ́l nyá giod.
10Timoté másiám, ánuambɛ́d ká udɛbia buwa agá gadágadá wanɔ, gágual ká uguálaan Ɔgúnɔ́ buól gɔɔ́gɔ anɛ yaŋuá sɔ́n. 11Mɔnd dɛsɛ́gɛ́n wɔ́. Énudúgúné wɔ́ na mabábá mágual ká úsiondo agá bumben agám gá masiá. Nam na belimen bám bá guádáb, digúbídenyi wɔ́. 12Gá ubú búlɛ́ŋaná endimen wasɔ Apolóso, nguɔ́yɔɔn wɔ́, yondidononyi bigúl giod ká wuúl uguány, úbɛ́ládɛ́gɛn belimen bóndono uguány aganuá, kányɛ udiámbaná guúlúgun nɛnuán, ugoól, úmábia gɛsɛgɛl.
Ɛsɔ́m yá gusúgúdenyi
13Ánubá guany guany, núbá bágúnínán agá guádáb. Nudɛbiá buwa, nubá na bugaga. 14Ánualá buanda gidigid agá ɛlɛ́ga. 15Belimen, nugúlɛnsaan ká Tefánasa na nigúl nág ná band bányá beédéb bóbusió agá giéns gá gus bábɛ́laná ká Akayí, bémebiéŋín gá buól gá gúdúgúne band bányá bá Gɔdányá. 16Ánubɛ́tɛɛ́n ká band bányá anɛ bɔ́bɔ́ na ebe gidigid báganá mbán gá buól nɔbɔ nuéndenyi. 17Nguɔ́bɔn bese giod na gusiyɔlɔ gá Tefánasa, Fɔlɔtunátuse na Akayikuse. Búnyɛ́ anɛ banuá muát nunyá agám gá masiá. 18Bágúmfánan makányá gɔɔ́gɔ anɛ́ bánúfánaná banuá. Ɔnugɔ́l gɛsɛgɛl na nɛnama ná band iniány.
19Biɔ́b bá beédéb bínyá agá giéns gá gus gá Así ménúbígélídí. Akilása na Pilisíle ménúbígélídí giod. Giɔ́b gá beédéb giálaná mbísógóli agá gians gá Akilása na Pilisíle menúbígélídí agá ɔfɛ́n wá Ɔgúnɔ́. 20Beédéb gidigid bányá aya ménúbígélídí. Ɔ́nugɔ́lɔ́nɛ́n bɛsas bese na bese banuá na banuá.
21Yaŋuá Pólo yɔɔ́ŋɔnɔ́ mbígélíd eye na ɔmbɔ́g wám. 22Mɔnd meén udibíléné Ɔgúnɔ́, nag na Gɔdányá bámáadɔgán busió buum! Malanáta, nsɛ́ Ɔgúnɔ́ oól! 23Nsí Ɔgúnɔ́ Yésu núfɔ́n. 24Ngúnúbíléne aga Yésu Kilíse banuá bem.
လက္ရွိေရြးခ်ယ္ထားမွု
1 Kɔlɛntiɛ́ŋ 16: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
1 Kɔlɛntiɛ́ŋ 16
16
Nŋɔ́sa ya muenyi mú gidúgune gá beédéb bá Yelósalɛm
1Agá giáy gɛ́lɛ́ŋaná muonyi umú bágɔ́saná góbusió bá giɔ́b gá beédéb bá Yelósalɛm, nugúbianan ká banuá sɔ́n nuál anyɛ́ inyá guɔyɛdɛn beédéb bá Galasí ká baál. 2Buɔ́s bóbusió bá gɛny gidigid, sig mɔnd áŋɛ́g gɛdam gá muonyi igí unyá wagual ubia, ká nudibídényí guúl gám, gá gúgɔ́sɛ́d mú. 3Ngaal ímásiam, yɔɔ́ŋ mbɔbɔnɔ na muonyi, ndál agá ɛmbɔ́g sá band nugenuéyid, baáb guosió Yelúsalɛm. 4Búmánɛ́g ká, yɛɛ́b yaŋuá muát, dɛɛb ɔlɔŋ nɔbɔ.
Ɛŋɛnd ɛsɛ́ Pólo gedenyé
5Ngadɔ́mbɛ́n agá giéns gá gus gínyá ɔfɛ́n ká Maseduán gá guúl aganuá. Gá guán, ngayɔɔg kɔɔ́m agány. 6Ala búnyɛ́ bágubá ká, ndúmbi gɛdám gá gɛsɛgɛl nanɔ ta ɔ́gɔ ká ndúmbi gigúl gá niyo aganuá, ká númfá mabábá magual ká yɛ́b na ɔŋɛnd wám nobusió. 7Ndɛguámba ká, ndénd yíleén yondoon. Ɔgúnɔ́ mébíléne, nguámba ká nam nanɔ dídúmbi giant gá gɛsɛgɛl ɔlɔŋ. 8Ngaal gulɔbɛn Efɛ́s guám agá budɔ́mb bábɛ́laná ká pantekót. 9Gágual ká, ngúbianan ginɔ́g gá gɛsɛgɛl gá gual ká yaál giant gá buol, ta anɛ́ bambɛ́lɛmbɛ́l nyá giod.
10Timoté másiám, ánuambɛ́d ká udɛbia buwa agá gadágadá wanɔ, gágual ká uguálaan Ɔgúnɔ́ buól gɔɔ́gɔ anɛ yaŋuá sɔ́n. 11Mɔnd dɛsɛ́gɛ́n wɔ́. Énudúgúné wɔ́ na mabábá mágual ká úsiondo agá bumben agám gá masiá. Nam na belimen bám bá guádáb, digúbídenyi wɔ́. 12Gá ubú búlɛ́ŋaná endimen wasɔ Apolóso, nguɔ́yɔɔn wɔ́, yondidononyi bigúl giod ká wuúl uguány, úbɛ́ládɛ́gɛn belimen bóndono uguány aganuá, kányɛ udiámbaná guúlúgun nɛnuán, ugoól, úmábia gɛsɛgɛl.
Ɛsɔ́m yá gusúgúdenyi
13Ánubá guany guany, núbá bágúnínán agá guádáb. Nudɛbiá buwa, nubá na bugaga. 14Ánualá buanda gidigid agá ɛlɛ́ga. 15Belimen, nugúlɛnsaan ká Tefánasa na nigúl nág ná band bányá beédéb bóbusió agá giéns gá gus bábɛ́laná ká Akayí, bémebiéŋín gá buól gá gúdúgúne band bányá bá Gɔdányá. 16Ánubɛ́tɛɛ́n ká band bányá anɛ bɔ́bɔ́ na ebe gidigid báganá mbán gá buól nɔbɔ nuéndenyi. 17Nguɔ́bɔn bese giod na gusiyɔlɔ gá Tefánasa, Fɔlɔtunátuse na Akayikuse. Búnyɛ́ anɛ banuá muát nunyá agám gá masiá. 18Bágúmfánan makányá gɔɔ́gɔ anɛ́ bánúfánaná banuá. Ɔnugɔ́l gɛsɛgɛl na nɛnama ná band iniány.
19Biɔ́b bá beédéb bínyá agá giéns gá gus gá Así ménúbígélídí. Akilása na Pilisíle ménúbígélídí giod. Giɔ́b gá beédéb giálaná mbísógóli agá gians gá Akilása na Pilisíle menúbígélídí agá ɔfɛ́n wá Ɔgúnɔ́. 20Beédéb gidigid bányá aya ménúbígélídí. Ɔ́nugɔ́lɔ́nɛ́n bɛsas bese na bese banuá na banuá.
21Yaŋuá Pólo yɔɔ́ŋɔnɔ́ mbígélíd eye na ɔmbɔ́g wám. 22Mɔnd meén udibíléné Ɔgúnɔ́, nag na Gɔdányá bámáadɔgán busió buum! Malanáta, nsɛ́ Ɔgúnɔ́ oól! 23Nsí Ɔgúnɔ́ Yésu núfɔ́n. 24Ngúnúbíléne aga Yésu Kilíse banuá bem.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ