1 Kɔlɛntiɛ́ŋ 1
1
Mbígélid
1Yaŋuá Pólo, Gɔdányá agág gá gubílén mambɛ́lɛ́gɛ́n ká, mbá edúmeb wá Yésu Kilíse. Nam na endimen wasɔ wa guádáb Sosotɛ́na, 2dɛgúnuɔ́ŋɔn banuá giɔ́b gá beédéb bá Gɔdányá gínyá Kɔlɛ́nt, banuá ɔbɔ́ núnyá bá Gɔdányá agá nɛlad na Yésu Kilíse. Gɔdányá ágɔnɔ́bɛ́lɛ́gɛn ká núsɔ́dɔɔn gá busió bág, na ebe gidigid bányá kɔɔ́m gidigid, básámbaná ɔfɛ́n wá Ɔgúnɔ́ wasɔ́ Yésu Kilíse, Ɔgúnɔ́ wɔbɔ, ɔwɔ́ sɔ́n wasɔ. 3Nsɛ́ Gɔdányá sié wasɔ, na Ɔgúnɔ́ wasɔ Yésu Kilíse nɔ́fá bese na bumbén.
4Ndɛgúdɔmbɔn guéŋen Gɔdányá giod gá nukanyɛ gán góbusió, gá bese uwɔ́ únyá gunuéŋin agá nɛlad na Yésu Kilíse. 5Agá Kilíse, Gɔdányá égunuéŋin bunɛ́m gidigid dɔ́mbá dɔ́mbá, bɔ́guɔyɔ moóny mág na gɔlɛns gidigid. 6Búnyɛ́ anaány gágual ká, Ndág ya Nsɔ́m ya Yésu Kilíse ɛyɛ́ dɛmɔ́ɔnuɔ́yɔɔ́n, numagɛ́ndɛ́gɛ́n yɛ́ bese na bese agán gá ɛdɛm. 7Nɛnuán gɔg, ta buanda bá Gɔdányá búmoom búnúsémeniné búdɛ́bá, ká banuá nubídenyé gusiondo gá Ɔgúnɔ́ wasɔ Yésu Kilíse. 8Uwɔ́ muát uganúnúfá bugaga guám agá gusúgúdenyi, nɛnama nɛnyá ká ta mɔnd wa gunuéŋin gɛgua ɔdɛgabá buɔ́s ubú Ɔgúnɔ́ Yésu Kilíse genuúl. 9Gɔdányá nyɛ na nuládad, ɔwɔ́ umáanúbɛ́lɛ́gɛ́n ká, dɛ́bá agá nɛlad na Mɔɔn waga Yésu Kilíse Ɔgúnɔ́ wasɔ.
Dusalasala agá giɔ́b gá beédéb
10Belimen bám bá guádáb, ngúnúbísógólonyi agá ɔfɛ́n wa Ɔgúnɔ́ wasɔ́ Yésu Kilíse ká, nubá buóny búmoom, dusala sala diánɛ́gán gadágadá wanɔ. Ánubá bábɛ́ladán bese na bese, nubá ɔdɛm ómoom na mbɛ́dágɛ́dɛn yanɔ imoom. 11Gágual ká, belimen, gians gá band gá Kolowé ɔ́guŋɔyɔɔn ká, dusalasala nyɛ agán gá gadágadá. 12Nguamba guɔyɛd ká, agán gá gadágadá band nyɛ́ kɔ́ bɔ́yɔnɔ ká: «Yaŋuá inyɛ wa Pólo. Yaŋuá wa Apolóso. Yaŋuá wa Piéle. Yaŋuá wa Kilíse.» 13Kilíse nyɛ salá sala, é? Búnyɛ́ ayaá Pólo bámáadɔ́ŋ agá budɛd bá gisanda gán góbusió, ta ɔ́gɔ ká, agá ɔfɛ́n wá Pólo béméenúdú e? 14Nguéŋen Gɔdányá nukany gágual ká ndimedu ta omoom wanɔ, asiá Kilisipuse na Gayúse. 15Ány, ta mɔnd wa gusán nkɔ́nɔ ká, núgubídu agá ɔfɛ́n wam ɔdɛba. 16Ímábɛ́dágɛ́d! imeduú sɔ́n nigúl ná band na Esetéfánasa, ndɛgúbɛ́dága ká imeduú mɔnd ondodió sɔ́n. 17Gágual ká Kilíse dɛmandɔ́m ká nduenin, umandɔ́m ká ndúmbenyi Ndág yá Nsɔ́m, imedúmbényí yɛ́, ndɛgálá na nsiŋi yá band nɛnama nɛnyá ká nigú ná Yésu agá bɔdɛ́d bá gisanda dɛɛ́y buanda bá gilé.
Na nsiŋi na buál
18Kányɛ gudúmbenyi Ndág ya Nsɔ́m ya nigú ná Kilíse agá bɔdɛ́d bá gisanda lɛ́ŋanɛná anɛ buanda bá buál aga ebe bányá benyímén. Gá giáy gɛ́dɛ́lɛ́ŋaná basuá dɛnyá agá nŋili yá gisódio, digúsɔ́ŋɔ́na bugaga bá Gɔdányá kɔ́ nagadá. 19Búnyɛ́ buɔ́ŋɔ́n ká: Ngeéli nsiŋi yá bensiŋinsiŋ, mbág gɔlɛns gá belinsi. 20Mɔnd wa nsiŋi nyɛ́ nány e? Olinsi bisele nyɛ́ nány e? Ta ɔ́g ká band bá nsúŋie bá medug eme e? Gɔdányá égudíye ká nsiŋi yá band bá gus nyɛ́ buál. 21Kányɛ gúnyá, anɛ́ band bá gus na nsiŋi yɔbɔ gidigid, méen bádɛ́lɛ́ns Gɔdányá agá manda ɔmɔ́ umáalá na nsiŋi yaga, Gɔdányá águán bú bese ká, úsódi ebe bádábaná, agá nŋili yá gudúmbenyi ndág ya nsɔ́m ɛyɛ́, band lɛ́ŋaná anɛ buand bá buál. 22Beyúdɛn guófoon bigégén bá bisey, ebe bádiábá Beyúdɛn ámba nsiŋi. 23Basuá digudúmbenyi ndág ya nsɔ́m ɛlɛ́ŋaná Kilíse uwɔ́ bámáadɔ́ŋ agá bɔdɛ́d bá gisanda. Beyúdɛn bɔ́bɔ́ bádɛguádában bú, ebe bádiábá Beyúdɛn gá igɔ́b giáy bágɔ́lɛ́ŋa ká buál ubuány. 24Aga ebe ɔbɔ́ Gɔdányá máabɛ́lɛ́gɛ́n, ta bábá Beyúdɛn ta ebe bádiábá Beyúdɛn, bágɔ́lɛnsan ká Kilíse nyɛ bugaga na nsiŋi yá Gɔdányá. 25Band mábɛ́dága ká Gɔdányá nyɛ́ na buál, gigúl igiány buál bág dɔ́mbaná nsiŋi yá band. Bámábɛ́dága ká Gɔdányá unyɛ na bunɔn, gigúl igiány bunɔn bág dɔ́mbaná nsiŋi yɔbɔ.
26Belimen, ánuán edény ɔwɔ́ númáabá gá wɔ́ gigúl ɛgɛ́ Gɔdányá máanɔ́bɛ́lɛ́gɛ́n. Agán gá gadágadá, ebe ɔbɔ́ band bá gus gɔ́lɔnɔ́ bɔ́ anɛ band bá nsiŋi, bádɛ́bá nsɔ́b, ta ebe banyá bigúmín na band bá mfí bádɛ́bá nsɔ́b sɔ́n. 27Gɔdányá gɔg meyíd buanda ubú band lɛ́ŋaná ká búnyɛ buál, ká wéŋin band bá nsiŋi ɔduɔ́ gunɔ́. Ubú búnyá anɛ búnyɛ na buyɛgɛl, Gɔdányá uweyid bú ká wéŋin ebe bányá na magɛ́nda ɔduɔ́ gɔnɔ́. 28Umeyíd buand búdiábá na mfí, ubú béfénené bú, bónd bɔ́yɔɔn bú ká búdɛ́bá ta onkól, ká wóndi buanda bá gilé, buanda band gɔ́lɔnɔ́ anyɛ gianta gá buanda. 29Gɔdányá máal anaány ká ta mɔnd udɛbɛ́kányɛ́d agág góbusió. 30Ɔwɔ́ umáanúlád ná Yésu Kilíse, Kilíse uwasɛɛ́y gás góbusió, nsiŋi yíleniné aga Gɔdányá. Ɔwɔ́ unyá sɔ́n nɛɛm ɛnɛ́ Gɔdányá dióndonyó besi, udiéyid ká dɛɛ́y band bág wond udiáŋɔ́n agá bɔbɛ. 31Gɔɔ́gɔ anɛ búnyá buɔ́ŋɔ́nɔ́ agá mbɔbɔnɔ ká: Mɔnd mámba gubíkánya, nsɛ́ waág gubíkánya gág aga Ɔgúnɔ́.
လက္ရွိေရြးခ်ယ္ထားမွု
1 Kɔlɛntiɛ́ŋ 1: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
1 Kɔlɛntiɛ́ŋ 1
1
Mbígélid
1Yaŋuá Pólo, Gɔdányá agág gá gubílén mambɛ́lɛ́gɛ́n ká, mbá edúmeb wá Yésu Kilíse. Nam na endimen wasɔ wa guádáb Sosotɛ́na, 2dɛgúnuɔ́ŋɔn banuá giɔ́b gá beédéb bá Gɔdányá gínyá Kɔlɛ́nt, banuá ɔbɔ́ núnyá bá Gɔdányá agá nɛlad na Yésu Kilíse. Gɔdányá ágɔnɔ́bɛ́lɛ́gɛn ká núsɔ́dɔɔn gá busió bág, na ebe gidigid bányá kɔɔ́m gidigid, básámbaná ɔfɛ́n wá Ɔgúnɔ́ wasɔ́ Yésu Kilíse, Ɔgúnɔ́ wɔbɔ, ɔwɔ́ sɔ́n wasɔ. 3Nsɛ́ Gɔdányá sié wasɔ, na Ɔgúnɔ́ wasɔ Yésu Kilíse nɔ́fá bese na bumbén.
4Ndɛgúdɔmbɔn guéŋen Gɔdányá giod gá nukanyɛ gán góbusió, gá bese uwɔ́ únyá gunuéŋin agá nɛlad na Yésu Kilíse. 5Agá Kilíse, Gɔdányá égunuéŋin bunɛ́m gidigid dɔ́mbá dɔ́mbá, bɔ́guɔyɔ moóny mág na gɔlɛns gidigid. 6Búnyɛ́ anaány gágual ká, Ndág ya Nsɔ́m ya Yésu Kilíse ɛyɛ́ dɛmɔ́ɔnuɔ́yɔɔ́n, numagɛ́ndɛ́gɛ́n yɛ́ bese na bese agán gá ɛdɛm. 7Nɛnuán gɔg, ta buanda bá Gɔdányá búmoom búnúsémeniné búdɛ́bá, ká banuá nubídenyé gusiondo gá Ɔgúnɔ́ wasɔ Yésu Kilíse. 8Uwɔ́ muát uganúnúfá bugaga guám agá gusúgúdenyi, nɛnama nɛnyá ká ta mɔnd wa gunuéŋin gɛgua ɔdɛgabá buɔ́s ubú Ɔgúnɔ́ Yésu Kilíse genuúl. 9Gɔdányá nyɛ na nuládad, ɔwɔ́ umáanúbɛ́lɛ́gɛ́n ká, dɛ́bá agá nɛlad na Mɔɔn waga Yésu Kilíse Ɔgúnɔ́ wasɔ.
Dusalasala agá giɔ́b gá beédéb
10Belimen bám bá guádáb, ngúnúbísógólonyi agá ɔfɛ́n wa Ɔgúnɔ́ wasɔ́ Yésu Kilíse ká, nubá buóny búmoom, dusala sala diánɛ́gán gadágadá wanɔ. Ánubá bábɛ́ladán bese na bese, nubá ɔdɛm ómoom na mbɛ́dágɛ́dɛn yanɔ imoom. 11Gágual ká, belimen, gians gá band gá Kolowé ɔ́guŋɔyɔɔn ká, dusalasala nyɛ agán gá gadágadá. 12Nguamba guɔyɛd ká, agán gá gadágadá band nyɛ́ kɔ́ bɔ́yɔnɔ ká: «Yaŋuá inyɛ wa Pólo. Yaŋuá wa Apolóso. Yaŋuá wa Piéle. Yaŋuá wa Kilíse.» 13Kilíse nyɛ salá sala, é? Búnyɛ́ ayaá Pólo bámáadɔ́ŋ agá budɛd bá gisanda gán góbusió, ta ɔ́gɔ ká, agá ɔfɛ́n wá Pólo béméenúdú e? 14Nguéŋen Gɔdányá nukany gágual ká ndimedu ta omoom wanɔ, asiá Kilisipuse na Gayúse. 15Ány, ta mɔnd wa gusán nkɔ́nɔ ká, núgubídu agá ɔfɛ́n wam ɔdɛba. 16Ímábɛ́dágɛ́d! imeduú sɔ́n nigúl ná band na Esetéfánasa, ndɛgúbɛ́dága ká imeduú mɔnd ondodió sɔ́n. 17Gágual ká Kilíse dɛmandɔ́m ká nduenin, umandɔ́m ká ndúmbenyi Ndág yá Nsɔ́m, imedúmbényí yɛ́, ndɛgálá na nsiŋi yá band nɛnama nɛnyá ká nigú ná Yésu agá bɔdɛ́d bá gisanda dɛɛ́y buanda bá gilé.
Na nsiŋi na buál
18Kányɛ gudúmbenyi Ndág ya Nsɔ́m ya nigú ná Kilíse agá bɔdɛ́d bá gisanda lɛ́ŋanɛná anɛ buanda bá buál aga ebe bányá benyímén. Gá giáy gɛ́dɛ́lɛ́ŋaná basuá dɛnyá agá nŋili yá gisódio, digúsɔ́ŋɔ́na bugaga bá Gɔdányá kɔ́ nagadá. 19Búnyɛ́ buɔ́ŋɔ́n ká: Ngeéli nsiŋi yá bensiŋinsiŋ, mbág gɔlɛns gá belinsi. 20Mɔnd wa nsiŋi nyɛ́ nány e? Olinsi bisele nyɛ́ nány e? Ta ɔ́g ká band bá nsúŋie bá medug eme e? Gɔdányá égudíye ká nsiŋi yá band bá gus nyɛ́ buál. 21Kányɛ gúnyá, anɛ́ band bá gus na nsiŋi yɔbɔ gidigid, méen bádɛ́lɛ́ns Gɔdányá agá manda ɔmɔ́ umáalá na nsiŋi yaga, Gɔdányá águán bú bese ká, úsódi ebe bádábaná, agá nŋili yá gudúmbenyi ndág ya nsɔ́m ɛyɛ́, band lɛ́ŋaná anɛ buand bá buál. 22Beyúdɛn guófoon bigégén bá bisey, ebe bádiábá Beyúdɛn ámba nsiŋi. 23Basuá digudúmbenyi ndág ya nsɔ́m ɛlɛ́ŋaná Kilíse uwɔ́ bámáadɔ́ŋ agá bɔdɛ́d bá gisanda. Beyúdɛn bɔ́bɔ́ bádɛguádában bú, ebe bádiábá Beyúdɛn gá igɔ́b giáy bágɔ́lɛ́ŋa ká buál ubuány. 24Aga ebe ɔbɔ́ Gɔdányá máabɛ́lɛ́gɛ́n, ta bábá Beyúdɛn ta ebe bádiábá Beyúdɛn, bágɔ́lɛnsan ká Kilíse nyɛ bugaga na nsiŋi yá Gɔdányá. 25Band mábɛ́dága ká Gɔdányá nyɛ́ na buál, gigúl igiány buál bág dɔ́mbaná nsiŋi yá band. Bámábɛ́dága ká Gɔdányá unyɛ na bunɔn, gigúl igiány bunɔn bág dɔ́mbaná nsiŋi yɔbɔ.
26Belimen, ánuán edény ɔwɔ́ númáabá gá wɔ́ gigúl ɛgɛ́ Gɔdányá máanɔ́bɛ́lɛ́gɛ́n. Agán gá gadágadá, ebe ɔbɔ́ band bá gus gɔ́lɔnɔ́ bɔ́ anɛ band bá nsiŋi, bádɛ́bá nsɔ́b, ta ebe banyá bigúmín na band bá mfí bádɛ́bá nsɔ́b sɔ́n. 27Gɔdányá gɔg meyíd buanda ubú band lɛ́ŋaná ká búnyɛ buál, ká wéŋin band bá nsiŋi ɔduɔ́ gunɔ́. Ubú búnyá anɛ búnyɛ na buyɛgɛl, Gɔdányá uweyid bú ká wéŋin ebe bányá na magɛ́nda ɔduɔ́ gɔnɔ́. 28Umeyíd buand búdiábá na mfí, ubú béfénené bú, bónd bɔ́yɔɔn bú ká búdɛ́bá ta onkól, ká wóndi buanda bá gilé, buanda band gɔ́lɔnɔ́ anyɛ gianta gá buanda. 29Gɔdányá máal anaány ká ta mɔnd udɛbɛ́kányɛ́d agág góbusió. 30Ɔwɔ́ umáanúlád ná Yésu Kilíse, Kilíse uwasɛɛ́y gás góbusió, nsiŋi yíleniné aga Gɔdányá. Ɔwɔ́ unyá sɔ́n nɛɛm ɛnɛ́ Gɔdányá dióndonyó besi, udiéyid ká dɛɛ́y band bág wond udiáŋɔ́n agá bɔbɛ. 31Gɔɔ́gɔ anɛ búnyá buɔ́ŋɔ́nɔ́ agá mbɔbɔnɔ ká: Mɔnd mámba gubíkánya, nsɛ́ waág gubíkánya gág aga Ɔgúnɔ́.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ