Mata 8
8
Yesu tambəl ala fagwalakw
(Mrk 1.40-44; Luk 5.12-14)
1Ndə Yesu a katadukha, a wəzəm a ha wəzəm, ŋgaɓa həji aagi aska, aa kasəbarə. 2Azha ala fagwalakw kərəɗ a kərəɗha, gəliɓ a gəliɓakənə atama, zlap a zlapanə, iŋgaya: «Bay Madagal, andza hwa tamayə, fagwalakw naka a asuguf tə,» iy. 3Yesu pa a tsa ra aha, dish a dish ra a heɗe, zlap a zlapanə, iŋgaya: «Sa kamayə. Azha fagwalakw kwa masuguf tə.» A tsutsa a tsutsa, fagwalakw ala watsa tasuguf tə. 4Azha, Yesu zlap a zlapanə, iŋgaya: «Tehzə katkadək: hwa ɗiw a ghalanə kwa a vaye səku. Ama nda ghal ha kwa ara Madagal maɗal kwakus, vəla səkən ndə, a gar ka ana Musa aska a ghalatana a həji tiwtiw ci, fagwalakw kwa tasuguf tə,» iy.
Madagal ma ndza aha suji aagi
(Luk 7.1-10; Yhw 4.46-54)
5Tiɗa ndə Yesu a ɗa peteŋ a hayak Kafarnahum, madagal ma ndza aha suji Ruma aagi tsaw a ndaha ara, dəba a adzanə ra aska lamzə. 6Abə zlap watsə, i kəsha iŋgaya: «Madagal, ala ma ɗalaka zlən a kawan a wata, kulas. Zlikusəm tə tabazl tə, a kandirimi a guɗaŋ,» iy. 7Yesu zlap a zlapanə, iŋgaya: «Sa anda, sa akwaleŋanə dawər tə bəza.» 8Ama, madagal ma ndza aha suji aagi, zhin a zhinanə, iŋgaya: «Madagal, sa tazhiva a hwa a ndaha a wata naka səku.» Ama, zlapazə ma kwa ŋtaguleŋ, dawər ala ma ɗal zlən naka a akwaleŋ tə. 9Ama, sa yəm, sa teh ma ara magulakwakw naka aagi, azha sa tə abə suji aagi aska ŋgas naka aka yəm ndə, sa kula a zlapanə a minja: Nda, siy, a nda. Sa zlapanə a minja zhana: «Ndaha,» siy, a ndaha. Andza sa zlapanə a maɗal zlən naka: «Ɗal zlən watsə,» siy, a ɗalə andza sha. 10Azha, ndə Yesu a zlima zlap watsa, hak a ghərəŋ tə, azha zlap a zlapatana a həji ma ndza aska aagi, iŋgaya: «Sa zlapahuni, a ɗa ŋter, sa tava a gərazə kwa a taba həji Isərayila aagi ana shiŋ ala ma ɗal awa ma həna watsə akas. 11Sa kazlapahuni: Vərəm ana həji ma kaandaha, a wəzaha ata la mbirha pish aagi abə ata la ndəv pish aagi, aagi andaha a ndza a ɗi, a la ndza bay ma ndza a wəzəm a wəzlaf, aagi azəm səkən abə tiw Ibərahima, Isiyaku abə Yakuba. 12Ama, həji ma kazhiva a ndza a la ndza bay Bizlaf aagi, aagi agamata aha bəza a ləvaŋ, a tsutsa azha abə han a ndza aka abə ɓam zliɗeŋ.» 13A diwzha tə, Yesu zlap a zlapanə a madagal ma ndza aha suji aagi, iŋgaya: «Zhin kwa a wata kwa, Bizlaf a ɗalahu andza sha dawna ɗal awa kwa!» Azha a tsutsa a tsutsa, dawər ala ma kaɗalanə zlən a suji kwaleŋ.
Yesu tambəl həji dawər aagi vərəm
(Mrk 1.29-31; Luk 4.38-39)
14Yesu tsaw a nda a wata Piyer, a gəra mana wala Piyer a kawan ata kusəm, kulas, zlikusəm tə kabazanə kwahu. 15Yesu pa a tsa ra ata ra tə, azha kwahu ma kabazanə watsa galaɓagha, gar a gar tə a wəzəm, a nda, dəba a agasanə səkən zəm a Yesu.
16Ndə ŋtsəɓahw a ɗal tə, aa kadaanə həji ndə miɗ ma gamak a kasatana yaka aagi vərəm a Yesu. Yesu a gam miɗ ma gamak abə a zlap tə, zhana abə zlap tə abə a kwaleŋ həji dawər aagi tiwtiw yəm. 17A ɗalə ikwa aska a ghal ɗal ma ma zlap aka ara ala ma ɗaf ma ndə a zlimazə ara Bizlaf Isaya, iŋgaya: Taji həji səkən ma kasahəji yaka bəza, zhana tatiw dawər takwa aagi bəza ata zlikusəm tə.
Həji ma kamay a səbar Yesu aagi
(Luk 9.57-62)
18Ndə Yesu a gəra ŋgaɓa abəra, zlap a zlapatana a magəli tə aagi, aska aagi a zlaŋ ta a bəza aha ma zlazlər. 19Masərək ma ma garagar minja kərəɗ a kərəɗha abəra, i kəsha iŋgaya: «Madagal, sa asəbarahu kwa a vatəy ata la ndə hwa kaanda,» iy. 20Yesu zlap a zlapanə, i kəsha iŋgaya: «Galaɓa mbiyga aagi, wəli ta aka, vigin aagi jak ta aka, ama ataa Mbə həji ma dəgnak, la ndə a kawan a heɗe abə la nəp tə akas.» 21Ala minja zhana ŋtaguleŋ a taba magəli tə aagi, zlap a zlapanə, iŋgaya: «Bay Madagal, pəlaka təf, sa nda kahha vana bəza kwagwa,» iy. 22Ama Yesu zlap a zlapanə, iŋgaya: «Səbaraka, mbasl həji ma mcata aagi ka, aa makah ha ta,» iy.
Yesu tagar valalay aka
(Mrk 4.31-41; Luk 8.22-25)
23Yesu takaf a taf tə ata gəlmbə, magəli tə aagi dəba aagi asəbarə. 24A tsutsa həji gəra, valalay ma dagal taa tə ata mtil, yəm a buŋkwa, azha gəlmbə mkpef abə yəm. Ama Yesu tawan tə. 25Magəli tə aagi kərəɗ aa kərəɗha abəra, dəba aagi afəɗahə, aa dza wəla, aagi iŋgaya: «Bay Madagal rehaŋkwa bəza, həji ɗiw a bazl takwa,» aagiy. 26Yesu zlap a zlapatana, iŋgaya: «Huni ɗal ŋzliŋ ara veme? Həji ndə, ɗal awa ɓəraŋ ara təmta aagi!» Azha, takaw a gar tə a wəzəm, dəba a agulak valalay abə yəm, ɗekɗek aa ndza ta ka. 27Hak həji aagi aa ghərəŋ ta tiwtiw, aa kazlap aagi iŋgaya: «Shiŋ ala ma həna watsə vaya? Kwa tiw valalay abə yəm aa hawanə?» aagiy.
Yesu tambəl həji ndə miɗ ma gamak a kaɗalatana aagi gbak.
(Mrk 5.1-20; Luk 8.26-39)
28Ndə Yesu a ɗa vaŋ a bəza aha ama mtil, a hayak Gadarana aagi, həji ndiɓi aagi gbak, aa taa ta atama tə ara, həji watsa aagi miɗ ma gamak a kusəm ta, aa ɗa həji badaway aagi, ala a kadeŋɓa a pew gwara ata təf ta akas. 29Dəba aagi adza wəla, aagi iŋgaya: «Hwa ɗiw ma ndza ara ni veme, hwa, Mbə Bizlaf? Hwa ndaha a ɗi ya, a sani yaka tiɗa ndə wan cini ndza tə kwagwa vəw?» aagiy. 30A tsutsa abə gədək tə, biri gəladam minja aa kagasɓa səkən zəm ta. 31Miɗ ma gamak watsa aagi dəba aagi adzanə ra a Yesu, aagi iŋgaya: «Andza hwa kamay a gamani, zlənani ka a biri gəladam watsə aagi.» 32Yesu zlap a zlapatana, iŋgaya: «Huni nda!» Tsaw aa ndaa ta bəza a zlikusəm həji ma gbak watsa aagi, azha səɓət aa nda ta a gəladam watsa aagi. Azha, a tsutsa a tsutsa, biri gəladam watsa bizl a wiɗha a wəzəm ata bəra bərla, shiɓit aagi a mtil, gheneɓ aa bazl ta.
33Wəzhi njin gəladam aagi dəba aagi ashi ta, aa tsaa kanda ta a ghal səkən ma pew tiwtiw a hayak ma dzamadzam abə həji ma gbak ndə, miɗ ma gamak a kasatana yaka watsa aagi. 34Azha, həji ma ndza a hayak ma dzamadzam watsa aagi tiwtiw, tsaw aa ndaha ara Yesu, ndə aa gəra ya, dəba aagi adzanə ra aska a jizatana ŋgas tə a bəza a hayak ta.
လက္ရွိေရြးခ်ယ္ထားမွု
Mata 8: GOU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Mata 8
8
Yesu tambəl ala fagwalakw
(Mrk 1.40-44; Luk 5.12-14)
1Ndə Yesu a katadukha, a wəzəm a ha wəzəm, ŋgaɓa həji aagi aska, aa kasəbarə. 2Azha ala fagwalakw kərəɗ a kərəɗha, gəliɓ a gəliɓakənə atama, zlap a zlapanə, iŋgaya: «Bay Madagal, andza hwa tamayə, fagwalakw naka a asuguf tə,» iy. 3Yesu pa a tsa ra aha, dish a dish ra a heɗe, zlap a zlapanə, iŋgaya: «Sa kamayə. Azha fagwalakw kwa masuguf tə.» A tsutsa a tsutsa, fagwalakw ala watsa tasuguf tə. 4Azha, Yesu zlap a zlapanə, iŋgaya: «Tehzə katkadək: hwa ɗiw a ghalanə kwa a vaye səku. Ama nda ghal ha kwa ara Madagal maɗal kwakus, vəla səkən ndə, a gar ka ana Musa aska a ghalatana a həji tiwtiw ci, fagwalakw kwa tasuguf tə,» iy.
Madagal ma ndza aha suji aagi
(Luk 7.1-10; Yhw 4.46-54)
5Tiɗa ndə Yesu a ɗa peteŋ a hayak Kafarnahum, madagal ma ndza aha suji Ruma aagi tsaw a ndaha ara, dəba a adzanə ra aska lamzə. 6Abə zlap watsə, i kəsha iŋgaya: «Madagal, ala ma ɗalaka zlən a kawan a wata, kulas. Zlikusəm tə tabazl tə, a kandirimi a guɗaŋ,» iy. 7Yesu zlap a zlapanə, iŋgaya: «Sa anda, sa akwaleŋanə dawər tə bəza.» 8Ama, madagal ma ndza aha suji aagi, zhin a zhinanə, iŋgaya: «Madagal, sa tazhiva a hwa a ndaha a wata naka səku.» Ama, zlapazə ma kwa ŋtaguleŋ, dawər ala ma ɗal zlən naka a akwaleŋ tə. 9Ama, sa yəm, sa teh ma ara magulakwakw naka aagi, azha sa tə abə suji aagi aska ŋgas naka aka yəm ndə, sa kula a zlapanə a minja: Nda, siy, a nda. Sa zlapanə a minja zhana: «Ndaha,» siy, a ndaha. Andza sa zlapanə a maɗal zlən naka: «Ɗal zlən watsə,» siy, a ɗalə andza sha. 10Azha, ndə Yesu a zlima zlap watsa, hak a ghərəŋ tə, azha zlap a zlapatana a həji ma ndza aska aagi, iŋgaya: «Sa zlapahuni, a ɗa ŋter, sa tava a gərazə kwa a taba həji Isərayila aagi ana shiŋ ala ma ɗal awa ma həna watsə akas. 11Sa kazlapahuni: Vərəm ana həji ma kaandaha, a wəzaha ata la mbirha pish aagi abə ata la ndəv pish aagi, aagi andaha a ndza a ɗi, a la ndza bay ma ndza a wəzəm a wəzlaf, aagi azəm səkən abə tiw Ibərahima, Isiyaku abə Yakuba. 12Ama, həji ma kazhiva a ndza a la ndza bay Bizlaf aagi, aagi agamata aha bəza a ləvaŋ, a tsutsa azha abə han a ndza aka abə ɓam zliɗeŋ.» 13A diwzha tə, Yesu zlap a zlapanə a madagal ma ndza aha suji aagi, iŋgaya: «Zhin kwa a wata kwa, Bizlaf a ɗalahu andza sha dawna ɗal awa kwa!» Azha a tsutsa a tsutsa, dawər ala ma kaɗalanə zlən a suji kwaleŋ.
Yesu tambəl həji dawər aagi vərəm
(Mrk 1.29-31; Luk 4.38-39)
14Yesu tsaw a nda a wata Piyer, a gəra mana wala Piyer a kawan ata kusəm, kulas, zlikusəm tə kabazanə kwahu. 15Yesu pa a tsa ra ata ra tə, azha kwahu ma kabazanə watsa galaɓagha, gar a gar tə a wəzəm, a nda, dəba a agasanə səkən zəm a Yesu.
16Ndə ŋtsəɓahw a ɗal tə, aa kadaanə həji ndə miɗ ma gamak a kasatana yaka aagi vərəm a Yesu. Yesu a gam miɗ ma gamak abə a zlap tə, zhana abə zlap tə abə a kwaleŋ həji dawər aagi tiwtiw yəm. 17A ɗalə ikwa aska a ghal ɗal ma ma zlap aka ara ala ma ɗaf ma ndə a zlimazə ara Bizlaf Isaya, iŋgaya: Taji həji səkən ma kasahəji yaka bəza, zhana tatiw dawər takwa aagi bəza ata zlikusəm tə.
Həji ma kamay a səbar Yesu aagi
(Luk 9.57-62)
18Ndə Yesu a gəra ŋgaɓa abəra, zlap a zlapatana a magəli tə aagi, aska aagi a zlaŋ ta a bəza aha ma zlazlər. 19Masərək ma ma garagar minja kərəɗ a kərəɗha abəra, i kəsha iŋgaya: «Madagal, sa asəbarahu kwa a vatəy ata la ndə hwa kaanda,» iy. 20Yesu zlap a zlapanə, i kəsha iŋgaya: «Galaɓa mbiyga aagi, wəli ta aka, vigin aagi jak ta aka, ama ataa Mbə həji ma dəgnak, la ndə a kawan a heɗe abə la nəp tə akas.» 21Ala minja zhana ŋtaguleŋ a taba magəli tə aagi, zlap a zlapanə, iŋgaya: «Bay Madagal, pəlaka təf, sa nda kahha vana bəza kwagwa,» iy. 22Ama Yesu zlap a zlapanə, iŋgaya: «Səbaraka, mbasl həji ma mcata aagi ka, aa makah ha ta,» iy.
Yesu tagar valalay aka
(Mrk 4.31-41; Luk 8.22-25)
23Yesu takaf a taf tə ata gəlmbə, magəli tə aagi dəba aagi asəbarə. 24A tsutsa həji gəra, valalay ma dagal taa tə ata mtil, yəm a buŋkwa, azha gəlmbə mkpef abə yəm. Ama Yesu tawan tə. 25Magəli tə aagi kərəɗ aa kərəɗha abəra, dəba aagi afəɗahə, aa dza wəla, aagi iŋgaya: «Bay Madagal rehaŋkwa bəza, həji ɗiw a bazl takwa,» aagiy. 26Yesu zlap a zlapatana, iŋgaya: «Huni ɗal ŋzliŋ ara veme? Həji ndə, ɗal awa ɓəraŋ ara təmta aagi!» Azha, takaw a gar tə a wəzəm, dəba a agulak valalay abə yəm, ɗekɗek aa ndza ta ka. 27Hak həji aagi aa ghərəŋ ta tiwtiw, aa kazlap aagi iŋgaya: «Shiŋ ala ma həna watsə vaya? Kwa tiw valalay abə yəm aa hawanə?» aagiy.
Yesu tambəl həji ndə miɗ ma gamak a kaɗalatana aagi gbak.
(Mrk 5.1-20; Luk 8.26-39)
28Ndə Yesu a ɗa vaŋ a bəza aha ama mtil, a hayak Gadarana aagi, həji ndiɓi aagi gbak, aa taa ta atama tə ara, həji watsa aagi miɗ ma gamak a kusəm ta, aa ɗa həji badaway aagi, ala a kadeŋɓa a pew gwara ata təf ta akas. 29Dəba aagi adza wəla, aagi iŋgaya: «Hwa ɗiw ma ndza ara ni veme, hwa, Mbə Bizlaf? Hwa ndaha a ɗi ya, a sani yaka tiɗa ndə wan cini ndza tə kwagwa vəw?» aagiy. 30A tsutsa abə gədək tə, biri gəladam minja aa kagasɓa səkən zəm ta. 31Miɗ ma gamak watsa aagi dəba aagi adzanə ra a Yesu, aagi iŋgaya: «Andza hwa kamay a gamani, zlənani ka a biri gəladam watsə aagi.» 32Yesu zlap a zlapatana, iŋgaya: «Huni nda!» Tsaw aa ndaa ta bəza a zlikusəm həji ma gbak watsa aagi, azha səɓət aa nda ta a gəladam watsa aagi. Azha, a tsutsa a tsutsa, biri gəladam watsa bizl a wiɗha a wəzəm ata bəra bərla, shiɓit aagi a mtil, gheneɓ aa bazl ta.
33Wəzhi njin gəladam aagi dəba aagi ashi ta, aa tsaa kanda ta a ghal səkən ma pew tiwtiw a hayak ma dzamadzam abə həji ma gbak ndə, miɗ ma gamak a kasatana yaka watsa aagi. 34Azha, həji ma ndza a hayak ma dzamadzam watsa aagi tiwtiw, tsaw aa ndaha ara Yesu, ndə aa gəra ya, dəba aagi adzanə ra aska a jizatana ŋgas tə a bəza a hayak ta.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ