Márákoso 4
4
Nkaná ra anema
(Mat 13:1-9; Rúk 8:4-8)
1Yésusu a ma késyé hée oyeére vato na kɔ́ŋgɔ́ ra osombo ójó na Gariréya. Ncumbí wa vato a ma endá váwónjéena na kɔŋgɔ́ raá wandá mwané kówo a ma náátá na ekáné yá ŋgɔmbe emo éjé e ma ríi ɔ́wɔ́ na osombo, onuumana kaá vató vá mwané na cí na kɔ́ŋgɔ́ ra matéyá. 2A ma késyé o wó yeére mamba mbunu na nkaná kó naáté yá ehoóhona yáa a ma járá nawó anáá: 3«Óvánó! Isí emó, anema a ma endá na kondo raá anáá a enda nema. 4A rií na onema, ŋgava ra ncɔ́ emo woba na kɔ́ŋgɔ́ ra pé, monóoní wuráná osóká gwɔ́s. 5Ŋgava ra ncɔ́ emo woba na atááné ará cí e ta ámó mbunu, kó í ma tómbá watána esene éyé cí e ta ma rií fyɛ́ɛ́m. 6Ará oŋgóná ó ma aténá, ó ma héenyé vaná vá tíné kó ámó vá ta ma timbe mpaŋá rá eŋgaŋgá vá ma kótáná. 7Ŋgava ra ncɔ́ emo woba na raaté wa ihuwe ra céndé, kaá céndé í ma góná o wó mándéena kó tíné ráa í ta ma eréena wandá. 8Ŋgava ra ncɔ́ emo woba na usi wa cí, kó tíné í ma atáná, ogóná, wumé vibomá: Tíné emo mɔ́wɔ́ mátátó, emó mɔ́wɔ́ máráátó, emo itete.» 9Kó Yésusu a ma uswíyé ayáá: «Ojo a timbámó etú rá wová ómwané wová!»
Na wusó wá até kówo Yésusu a ma járá na nkaná
(Mat 13:10-15; Rúk 8:9-10)
10Na wéŋga ówó anáá Yésusu a vátúrata urehí na ncumbi wa vato omójo, ava vá katé rií naá itíndíkáná iŋgímé na vihoóhóná vyáa Vyábɔ́t na Vívé vá katé me súsé anáá: «Wusó wá até kówo o járámó na nkaná?» 11Yésusu a ma wó wundíyé anáá: «Na vinó, Irɔŋgɔ a ma nó atɔ́wéná anáá no jembe ndímbe ra Tamba ra Irɔŋgɔ; na vasɔ́ɔ́ ává vá ta ámó orɔŋgɔ na visó, vá ovámó mamba mwané na nkaná, 12ukú ójó anáá vá néména ka ená, vá vátɔ́rɔ́, ka ová esene éyé vá ová, vá né wundámó na Irɔŋgɔ kó Irɔŋgɔ a né wó jwámó!» 13Na nimé raá, Yésusu a ma járá na vato ává vá ma ríi ɔ́wɔ́ anáá: «No a ríi ka ová nkaná ra anema, twiiŋí kówo no né ovámó eráŋá ejomo iŋgimé?»
Ntimisaná ra nkaná ra anema
(Mat 13:18-23; Rúk 8:11-15)
14Yésusu a ma wó timísíyé anáá: «Anema a nemámó maró má Irɔŋgɔ. 15Ncó imó í ma obá na kɔ́ŋgɔ́ ra pé, kɔ́ŋgɔ́ ra pé ó ámó vato ává vá vátɔ́rɔ́mó maró má Irɔŋgɔ, kó Saátana a urámó kwakwa wuryé maró mwané na etémá rawó. 16Ncɔ́ imó í ma obá na cí ra atááné. Cí ra atááné, ó ámó vato ává vá vátɔ́rɔ́mó maró má Irɔŋgɔ kó kwakwa, vá akámó maró mwané na vitaka. 17Wó je rií anáá maró amáma má ta váá eŋgaŋgá na vámwané kó vá káŋgámó na mwaná wa itíndíkáná; kaá ará etɔɔ ŋgé itúúríyé é wó etíyámó na wusó wá maró má Irɔŋgɔ, vá híránámó océŋgítye ŋgɔ́tééná. 18Ncó imó í ma obá naáté yá ihuwe ra céndé. Céndé ó ámó ava vá vátɔ́rɔ́mo maró má Irɔŋgɔ, 19kó mayérána, mbuŋgána rá cí íjí í jeényámó vato, na vitámáká vyá esɔ́tɔ́ í mándyáanámó maró mwané kó vá ta umé vibomá. 20Ncó íjí í ma obá na usi wa cí ó ámó ava vá vátɔ́rɔ́mó maró má Irɔŋgɔ owunde waka maró mwané kó vá byámó vibomá, ávámó mɔ́wɔ́ mátátó, ávámó mɔ́wɔ́ máráátó, ávámó itete.»
Nkaná ra rámba
(Mat 5:15; 10:26; Rúk 8:16-18; 11:33; 6:38)
21Yésusu a ma járá hée nawó anáá: «Moto a ta uré na rámba anáá a vaá na cí ra oroŋgó ítɔɔ na cí ra ikúndé! Mbéndɔ́ a váámó na máná ra wandá. 22Wandá wimé ówó aséénérí wó mó húmámó na wusí wogónó, wandá wimé ówó na asɔɔ́ wó mó wúmámó na táásé wa ineŋgí. 23Ojo a timbámó etú rá wová ómwané wová!» 24Yésusu a ma wundé ojárá nawó anáá: «Kéríkyánó na até éyé no vátɔ́rɔ́mó! Esené Irɔŋgɔ a mó tímbaanámó na méta éjé no timbaanámó na ejé na wusó wá vinó kó a mó eŋgámó honó o nó tómbá. 25Esené ojo a timbámó a né wundámó otimbe; kaá ojo ka na wandá, vá né wundámó o me wɔ́réna vaná vá motéé ává a timbámó.»
Nkaná ra ombótá ójó wó atánámó moká
26Yésusu a ma járá hée anáá: «Tamba ra Irɔŋgɔ e puranámó na moto ójó a nemámó ombótá na kondo raá. 27Na nimé raá, kó a endanámó tonó na wutúú, a hatyáána vibeesí bimé. Kaá masámá amáma má atánámó ɔkɔ́ ómwané maté ka jembe twiiŋí. 28Cí e manámó húmyé tíné, tii waá tíné obyá vibomá kaá ikɔkɔ, vibomá weréyána. 29Kaá bɛ́ŋ ámó vibomá yó eréyámó, moto mwané a késyámó manɔnɔwɔ na ijɔŋgɔ́ ombɔɔ́ esene éyé wó etá itíndíkáná rá mebuwe.»
Nkaná ra cámá ra goyáka
(Mat 13:31-32; Rúk 13:18-19)
30Yésusu a ma súsé hée anáá: «To hítyámó oheyána Tamba ra Irɔŋgɔ na até? Na ukú rá nkaná ejaté kówo to né tihíyámó Tamba ra Iroŋgɔ? 31E puranámó na cámá ra goyáka éjé o nemámó, e ámó ketítií otómbá cámá iŋgímáná ijí í ámó na cí ra ndono. 32Wó je rií anáá ará vá me nemámó, yo atánámó kó e tómbámó marété mimé ámá na apúú, wó húmíyámó vikáné vyá párá ukú ójó anáá monóoní mó hítyámó ohaá virárá vyáwó na ititi yáa.»
33Naná kówo Yésusu a katé neénana ehoóhona yáa na ombunu rá nkaná ámó ejé, a katé járá ukú ójó anáá vato vá me ová. 34A ta ma ré járá ka na nkaná, wó je rií anáá ará a ámó moká na vihoóhóná vyáa, a katé wó tímisíye wandá wimé.
Yésusu a tombyámó ekáné yá puŋgi
(Mat 8:18, 23-27; Rúk 8:22-25)
35Isí mwané enéŋgá, Yésusu a ma járá na vihoóhóná vyáa anáá: «Ndókɔno mbóró ra osombo ejíi.» 36Vá ma urúkíyé vato amáva, vihoóhóná vyáa ví ma enda na Yésusu naáté yá ekáné yá ŋgombe are a katé rií, vikana ŋgombe vindye ví katé rií na koŋgɔ rawó. 37Ekáné yá puŋgi e ma endá uré okésyé oduŋge kó matéyá má ma késyé wiŋgáanana na ŋgɔmbe ukú ójó anáá ŋgɔmbe e ma ríi yo etá núwé. 38Yésusuómwané embémbéte na níme ra ŋgɔmbe a endaadana tonó ucé na máná ra píro. Vihoóhóná vyáa ví ma me hononá na nukweékwé anáá: «Oyéere, to manámó ogwaána naná wó ta wo eŋgá mámó wandá?» 39Ohonowa ówó Yésusu a ma honówá, a ma báméténá ekáné yá puŋgi ejé aye na matéyá anáá: «Ihóhó, tambá!» Kó puŋgi e ma tɔmbɔ́ ekáné yá dɔ́ŋgɔrɔɔŋ otómbá owunde. 40Kó Yésusu a ma súsé vihoóhóná vyáa anáá: «Na wusó wá até kówo no katé tiné? 41No arɔ́wɔ́ ka na ŋgɔ́tééná?» Ekáné yá wohwá wó ma wó ambááná kó vá katé vásúsé vámwané na vámwané anáá: «Ukú ra moto até ojó? Ítɔɔ puŋgi na matéyá mó me ovámó!»
လက္ရွိေရြးခ်ယ္ထားမွု
Márákoso 4: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Márákoso 4
4
Nkaná ra anema
(Mat 13:1-9; Rúk 8:4-8)
1Yésusu a ma késyé hée oyeére vato na kɔ́ŋgɔ́ ra osombo ójó na Gariréya. Ncumbí wa vato a ma endá váwónjéena na kɔŋgɔ́ raá wandá mwané kówo a ma náátá na ekáné yá ŋgɔmbe emo éjé e ma ríi ɔ́wɔ́ na osombo, onuumana kaá vató vá mwané na cí na kɔ́ŋgɔ́ ra matéyá. 2A ma késyé o wó yeére mamba mbunu na nkaná kó naáté yá ehoóhona yáa a ma járá nawó anáá: 3«Óvánó! Isí emó, anema a ma endá na kondo raá anáá a enda nema. 4A rií na onema, ŋgava ra ncɔ́ emo woba na kɔ́ŋgɔ́ ra pé, monóoní wuráná osóká gwɔ́s. 5Ŋgava ra ncɔ́ emo woba na atááné ará cí e ta ámó mbunu, kó í ma tómbá watána esene éyé cí e ta ma rií fyɛ́ɛ́m. 6Ará oŋgóná ó ma aténá, ó ma héenyé vaná vá tíné kó ámó vá ta ma timbe mpaŋá rá eŋgaŋgá vá ma kótáná. 7Ŋgava ra ncɔ́ emo woba na raaté wa ihuwe ra céndé, kaá céndé í ma góná o wó mándéena kó tíné ráa í ta ma eréena wandá. 8Ŋgava ra ncɔ́ emo woba na usi wa cí, kó tíné í ma atáná, ogóná, wumé vibomá: Tíné emo mɔ́wɔ́ mátátó, emó mɔ́wɔ́ máráátó, emo itete.» 9Kó Yésusu a ma uswíyé ayáá: «Ojo a timbámó etú rá wová ómwané wová!»
Na wusó wá até kówo Yésusu a ma járá na nkaná
(Mat 13:10-15; Rúk 8:9-10)
10Na wéŋga ówó anáá Yésusu a vátúrata urehí na ncumbi wa vato omójo, ava vá katé rií naá itíndíkáná iŋgímé na vihoóhóná vyáa Vyábɔ́t na Vívé vá katé me súsé anáá: «Wusó wá até kówo o járámó na nkaná?» 11Yésusu a ma wó wundíyé anáá: «Na vinó, Irɔŋgɔ a ma nó atɔ́wéná anáá no jembe ndímbe ra Tamba ra Irɔŋgɔ; na vasɔ́ɔ́ ává vá ta ámó orɔŋgɔ na visó, vá ovámó mamba mwané na nkaná, 12ukú ójó anáá vá néména ka ená, vá vátɔ́rɔ́, ka ová esene éyé vá ová, vá né wundámó na Irɔŋgɔ kó Irɔŋgɔ a né wó jwámó!» 13Na nimé raá, Yésusu a ma járá na vato ává vá ma ríi ɔ́wɔ́ anáá: «No a ríi ka ová nkaná ra anema, twiiŋí kówo no né ovámó eráŋá ejomo iŋgimé?»
Ntimisaná ra nkaná ra anema
(Mat 13:18-23; Rúk 8:11-15)
14Yésusu a ma wó timísíyé anáá: «Anema a nemámó maró má Irɔŋgɔ. 15Ncó imó í ma obá na kɔ́ŋgɔ́ ra pé, kɔ́ŋgɔ́ ra pé ó ámó vato ává vá vátɔ́rɔ́mó maró má Irɔŋgɔ, kó Saátana a urámó kwakwa wuryé maró mwané na etémá rawó. 16Ncɔ́ imó í ma obá na cí ra atááné. Cí ra atááné, ó ámó vato ává vá vátɔ́rɔ́mó maró má Irɔŋgɔ kó kwakwa, vá akámó maró mwané na vitaka. 17Wó je rií anáá maró amáma má ta váá eŋgaŋgá na vámwané kó vá káŋgámó na mwaná wa itíndíkáná; kaá ará etɔɔ ŋgé itúúríyé é wó etíyámó na wusó wá maró má Irɔŋgɔ, vá híránámó océŋgítye ŋgɔ́tééná. 18Ncó imó í ma obá naáté yá ihuwe ra céndé. Céndé ó ámó ava vá vátɔ́rɔ́mo maró má Irɔŋgɔ, 19kó mayérána, mbuŋgána rá cí íjí í jeényámó vato, na vitámáká vyá esɔ́tɔ́ í mándyáanámó maró mwané kó vá ta umé vibomá. 20Ncó íjí í ma obá na usi wa cí ó ámó ava vá vátɔ́rɔ́mó maró má Irɔŋgɔ owunde waka maró mwané kó vá byámó vibomá, ávámó mɔ́wɔ́ mátátó, ávámó mɔ́wɔ́ máráátó, ávámó itete.»
Nkaná ra rámba
(Mat 5:15; 10:26; Rúk 8:16-18; 11:33; 6:38)
21Yésusu a ma járá hée nawó anáá: «Moto a ta uré na rámba anáá a vaá na cí ra oroŋgó ítɔɔ na cí ra ikúndé! Mbéndɔ́ a váámó na máná ra wandá. 22Wandá wimé ówó aséénérí wó mó húmámó na wusí wogónó, wandá wimé ówó na asɔɔ́ wó mó wúmámó na táásé wa ineŋgí. 23Ojo a timbámó etú rá wová ómwané wová!» 24Yésusu a ma wundé ojárá nawó anáá: «Kéríkyánó na até éyé no vátɔ́rɔ́mó! Esené Irɔŋgɔ a mó tímbaanámó na méta éjé no timbaanámó na ejé na wusó wá vinó kó a mó eŋgámó honó o nó tómbá. 25Esené ojo a timbámó a né wundámó otimbe; kaá ojo ka na wandá, vá né wundámó o me wɔ́réna vaná vá motéé ává a timbámó.»
Nkaná ra ombótá ójó wó atánámó moká
26Yésusu a ma járá hée anáá: «Tamba ra Irɔŋgɔ e puranámó na moto ójó a nemámó ombótá na kondo raá. 27Na nimé raá, kó a endanámó tonó na wutúú, a hatyáána vibeesí bimé. Kaá masámá amáma má atánámó ɔkɔ́ ómwané maté ka jembe twiiŋí. 28Cí e manámó húmyé tíné, tii waá tíné obyá vibomá kaá ikɔkɔ, vibomá weréyána. 29Kaá bɛ́ŋ ámó vibomá yó eréyámó, moto mwané a késyámó manɔnɔwɔ na ijɔŋgɔ́ ombɔɔ́ esene éyé wó etá itíndíkáná rá mebuwe.»
Nkaná ra cámá ra goyáka
(Mat 13:31-32; Rúk 13:18-19)
30Yésusu a ma súsé hée anáá: «To hítyámó oheyána Tamba ra Irɔŋgɔ na até? Na ukú rá nkaná ejaté kówo to né tihíyámó Tamba ra Iroŋgɔ? 31E puranámó na cámá ra goyáka éjé o nemámó, e ámó ketítií otómbá cámá iŋgímáná ijí í ámó na cí ra ndono. 32Wó je rií anáá ará vá me nemámó, yo atánámó kó e tómbámó marété mimé ámá na apúú, wó húmíyámó vikáné vyá párá ukú ójó anáá monóoní mó hítyámó ohaá virárá vyáwó na ititi yáa.»
33Naná kówo Yésusu a katé neénana ehoóhona yáa na ombunu rá nkaná ámó ejé, a katé járá ukú ójó anáá vato vá me ová. 34A ta ma ré járá ka na nkaná, wó je rií anáá ará a ámó moká na vihoóhóná vyáa, a katé wó tímisíye wandá wimé.
Yésusu a tombyámó ekáné yá puŋgi
(Mat 8:18, 23-27; Rúk 8:22-25)
35Isí mwané enéŋgá, Yésusu a ma járá na vihoóhóná vyáa anáá: «Ndókɔno mbóró ra osombo ejíi.» 36Vá ma urúkíyé vato amáva, vihoóhóná vyáa ví ma enda na Yésusu naáté yá ekáné yá ŋgombe are a katé rií, vikana ŋgombe vindye ví katé rií na koŋgɔ rawó. 37Ekáné yá puŋgi e ma endá uré okésyé oduŋge kó matéyá má ma késyé wiŋgáanana na ŋgɔmbe ukú ójó anáá ŋgɔmbe e ma ríi yo etá núwé. 38Yésusuómwané embémbéte na níme ra ŋgɔmbe a endaadana tonó ucé na máná ra píro. Vihoóhóná vyáa ví ma me hononá na nukweékwé anáá: «Oyéere, to manámó ogwaána naná wó ta wo eŋgá mámó wandá?» 39Ohonowa ówó Yésusu a ma honówá, a ma báméténá ekáné yá puŋgi ejé aye na matéyá anáá: «Ihóhó, tambá!» Kó puŋgi e ma tɔmbɔ́ ekáné yá dɔ́ŋgɔrɔɔŋ otómbá owunde. 40Kó Yésusu a ma súsé vihoóhóná vyáa anáá: «Na wusó wá até kówo no katé tiné? 41No arɔ́wɔ́ ka na ŋgɔ́tééná?» Ekáné yá wohwá wó ma wó ambááná kó vá katé vásúsé vámwané na vámwané anáá: «Ukú ra moto até ojó? Ítɔɔ puŋgi na matéyá mó me ovámó!»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL