Matyáasa 7
7
Vinó ka jósyé vasɔ́ɔ́
(Rúk 6:37; 6:38; 6:41; 6:42)
1No ta eŋgá no jósyé vasɔ́ɔ́, ukú ójó anáá Irɔŋgɔ a rií ka nó jósyé vinó hónó. 2Esené njósyéná éjé no jósyámó vasɔ́ɔ́ kéje Irɔŋgɔ hónó a né nó jósyámó, kó méta éjé no heyanámó vasɔ́ɔ́ na ejé kéje Irɔŋgɔ a né nó héyámó vinó hónó na ejé. 3Na wusó wá até kówo wo enámó ekáne éyé na nisó na nɔvéne? Mɔmó ka ena ekáná yá pumbú rá ugini éjé emó na nisó nɔɔ́? 4Twiní kówo mámó o timbámó pumbú ra ugíní na nisó, kó mámó wo eŋgámó na nɔvéne anáá: Gíré ŋgo wo uryé ekáné éyé na nisó? 5Aá moto wa mpimbiri, maná uryé pumbú rá uginí éjé e ámó na nisó nɔɔ́, ɔ́wɔ́ o né enámó wusi kaá ojo uryé ekáné éyé na nisó ná nɔvéne.
Masáŋgá na ŋgwenéví
6«Vinó ka nwena mbwá até éyé é ámó mwáŋ mwáŋ, vinó ka nwena ŋgweniví masáŋga ma vinó mesisí anáá í naatana kaá na nimé raá í búndé o nó háhona.»
Ojo a súsámó a timbámó
(Rúk 11:9-13)
7«Súsáno, vá né nó hwámó, sɔsɔ́no, no né wɔŋgɔmó, gitáno, vá né nó búnenamó ohótó. 8Esené ojo a súsámó vá me hwámó, ojo a sɔsɔmó a wɔ́ŋgɔ́mó, ojo a gitámó ohótó vá me bunenámó. 9Ané ojó na vinó a pityámó weŋga anáá mwaná waá a me súsé beréte ómwané o me hwá itááné? 10Itɔɔ a me súsé cwí ómwané o me hwá nɔɔ́? 11Wó a ríi sɔ́ɔ́ anáá vinó ává no béyáanámó etémá no ijímámó weréenana vaná va vinó vesi vá motéé, eŋgendɔ enií Tetáŋgá wa vinó ojó na máná! A né eréenámó vesi vá motéé na ava vá me súsámó.
12Náná wimé ówó no vaŋgámó anáá vato vá eŋgá na wusó wa vinó, vinó hónó ŋgáno na wusó wááwó, wó ámó até éyé va kárate vá mbéndɔ́ ra Mósese na vahúmíye maró vá ma járá.»
Pé ibé
(Rúk 13:23-24)
13«Iŋgáánáno na ohótó ójó cókókó. Ohótó ójó wáŋgámó ó wúnde orií ndam ndam o ámó pé ra nugwé, emwané eje ombunu rá vato ó byɔɔnɔmó. 14Wó je rií anáá ohótó rá esɔ́tɔ́ eyé kɔ́rɔ́tɔ́tɔ́ ó ámó cókókó, pé éjé yo endámó na esɔ́tɔ́ éyé kɔ́rɔ́tɔ́tɔ́ e yákánamó kó ombunu rá vato ó ta tómbéná ɔ́wɔ́.»
Vá jembámó woréte na vibomá vyáá
(Mat 12:33; Rúk 6:43-44)
15«Vinó okéríkye na vambé vá vahúmíye maró, vato mwané vá né urámó amó vitómbá ndeke vá ámó mumgbémé úmú njeŋge. 16Wó ámó na ŋgeŋgéná mamba rawó kówo no né wó ijímamó. Ye o ámó opátá vibómá vyá njáŋgá na tíné ra etóná? Itɔɔ ndɔ́ɔ́ na tíné ra wuúmé. 17Náná wó ámó anáá werété owó wusi wo eréénámó honó vesi wa vibomá, weréte ówó enɔ́ hónó vibomá íví na mɔnɔ́. 18Mpaŋá ra werété e ta hítí weréena vambé wa vibomá, itɔɔ hónó werété ówó enɔ́ weréena vesi vá vibomá. 19Werété wimé ówó wó ta umé vesi vá vibomá, vá sómbámó onɔ naáté yá ihyáné. 20Náná sɔ́ kówo nó né ijímamó vambé vá vahúmíye maró na ŋgeŋgéná ráwó.»
Vambé vá vihoóhóná
(Rúk 6:46; 13:27)
21«Wo ta súsé anáá o járá bɛ́ŋ name anáá: Okí, Okí! Kaá mámó wiŋgáana na Edɔŋgɔ éyé na máná, o geremenamó weŋga mbaŋgéná ra Tetáŋgá ójó na máná. 22Isí mwáné, ombunu rá vato o mó eŋgámó namé anáá: Okí, Okí! Kesí na ebérááná yɔɔ́ kówo to katé humíye maró? Na ebérááná yɔ́ɔ́ kówo to katé ogúné vambé vá vireréŋgi? Na ebérááná yɔ́ɔ́ kówo to katé eŋga ombunu rá mesimbá? 23Kó noó ŋgo me járámó nawó anáá: Vinó veŋga mabé, ndano urehí name, ŋgo ma eŋgá ŋgo arɔ́wɔ́ ka nó jémbe.»
Oháá ówó na máná ra itááné
(Rúk 6:47-49)
24«Moto uŋgimé ojó a vátɔ́rɔ́mó vipeŋge vyámé iví, kó a eŋgámó até eyé ŋgo mo járá, a ámó amo moto wa peyɔ ojó a ma háá yanje yáá na máná ra itááné. 25Puŋgi e ma ruŋgé, nowórá asowa matéyá osorowana na ŋguru na yanje, yanje ká oba esene éyé anáá e ma rii na máná ra nkómá. 26Wó je rií anáá moto ojó a hweérámó vipeŋge vyáme iví, ka eŋga até eyé ŋgo mo járá, a ámó amo moto ojó ka na peyɔ a ma háá yanje yáá na máná ra ncéce. 27Puŋgi a ma ruŋgé, nowórá osowa, matéyá osorowana na yanje, kó yanje e ma obáná o cáná bɛ́ŋ ncéce na ncéce.»
Injwé ra Yésusu
(Már 1:22; Rúk 4:32)
28Ará Yésusu a ma maná o wó yeére, kó vá katé kembyé kana ra njéérena ráá, 29esene éyé anáá a katé owó yeére amo moto ojó a timbámó ijwé, ka rii amo vayéere vá mbéndɔ́.
လက္ရွိေရြးခ်ယ္ထားမွု
Matyáasa 7: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 7
7
Vinó ka jósyé vasɔ́ɔ́
(Rúk 6:37; 6:38; 6:41; 6:42)
1No ta eŋgá no jósyé vasɔ́ɔ́, ukú ójó anáá Irɔŋgɔ a rií ka nó jósyé vinó hónó. 2Esené njósyéná éjé no jósyámó vasɔ́ɔ́ kéje Irɔŋgɔ hónó a né nó jósyámó, kó méta éjé no heyanámó vasɔ́ɔ́ na ejé kéje Irɔŋgɔ a né nó héyámó vinó hónó na ejé. 3Na wusó wá até kówo wo enámó ekáne éyé na nisó na nɔvéne? Mɔmó ka ena ekáná yá pumbú rá ugini éjé emó na nisó nɔɔ́? 4Twiní kówo mámó o timbámó pumbú ra ugíní na nisó, kó mámó wo eŋgámó na nɔvéne anáá: Gíré ŋgo wo uryé ekáné éyé na nisó? 5Aá moto wa mpimbiri, maná uryé pumbú rá uginí éjé e ámó na nisó nɔɔ́, ɔ́wɔ́ o né enámó wusi kaá ojo uryé ekáné éyé na nisó ná nɔvéne.
Masáŋgá na ŋgwenéví
6«Vinó ka nwena mbwá até éyé é ámó mwáŋ mwáŋ, vinó ka nwena ŋgweniví masáŋga ma vinó mesisí anáá í naatana kaá na nimé raá í búndé o nó háhona.»
Ojo a súsámó a timbámó
(Rúk 11:9-13)
7«Súsáno, vá né nó hwámó, sɔsɔ́no, no né wɔŋgɔmó, gitáno, vá né nó búnenamó ohótó. 8Esené ojo a súsámó vá me hwámó, ojo a sɔsɔmó a wɔ́ŋgɔ́mó, ojo a gitámó ohótó vá me bunenámó. 9Ané ojó na vinó a pityámó weŋga anáá mwaná waá a me súsé beréte ómwané o me hwá itááné? 10Itɔɔ a me súsé cwí ómwané o me hwá nɔɔ́? 11Wó a ríi sɔ́ɔ́ anáá vinó ává no béyáanámó etémá no ijímámó weréenana vaná va vinó vesi vá motéé, eŋgendɔ enií Tetáŋgá wa vinó ojó na máná! A né eréenámó vesi vá motéé na ava vá me súsámó.
12Náná wimé ówó no vaŋgámó anáá vato vá eŋgá na wusó wa vinó, vinó hónó ŋgáno na wusó wááwó, wó ámó até éyé va kárate vá mbéndɔ́ ra Mósese na vahúmíye maró vá ma járá.»
Pé ibé
(Rúk 13:23-24)
13«Iŋgáánáno na ohótó ójó cókókó. Ohótó ójó wáŋgámó ó wúnde orií ndam ndam o ámó pé ra nugwé, emwané eje ombunu rá vato ó byɔɔnɔmó. 14Wó je rií anáá ohótó rá esɔ́tɔ́ eyé kɔ́rɔ́tɔ́tɔ́ ó ámó cókókó, pé éjé yo endámó na esɔ́tɔ́ éyé kɔ́rɔ́tɔ́tɔ́ e yákánamó kó ombunu rá vato ó ta tómbéná ɔ́wɔ́.»
Vá jembámó woréte na vibomá vyáá
(Mat 12:33; Rúk 6:43-44)
15«Vinó okéríkye na vambé vá vahúmíye maró, vato mwané vá né urámó amó vitómbá ndeke vá ámó mumgbémé úmú njeŋge. 16Wó ámó na ŋgeŋgéná mamba rawó kówo no né wó ijímamó. Ye o ámó opátá vibómá vyá njáŋgá na tíné ra etóná? Itɔɔ ndɔ́ɔ́ na tíné ra wuúmé. 17Náná wó ámó anáá werété owó wusi wo eréénámó honó vesi wa vibomá, weréte ówó enɔ́ hónó vibomá íví na mɔnɔ́. 18Mpaŋá ra werété e ta hítí weréena vambé wa vibomá, itɔɔ hónó werété ówó enɔ́ weréena vesi vá vibomá. 19Werété wimé ówó wó ta umé vesi vá vibomá, vá sómbámó onɔ naáté yá ihyáné. 20Náná sɔ́ kówo nó né ijímamó vambé vá vahúmíye maró na ŋgeŋgéná ráwó.»
Vambé vá vihoóhóná
(Rúk 6:46; 13:27)
21«Wo ta súsé anáá o járá bɛ́ŋ name anáá: Okí, Okí! Kaá mámó wiŋgáana na Edɔŋgɔ éyé na máná, o geremenamó weŋga mbaŋgéná ra Tetáŋgá ójó na máná. 22Isí mwáné, ombunu rá vato o mó eŋgámó namé anáá: Okí, Okí! Kesí na ebérááná yɔɔ́ kówo to katé humíye maró? Na ebérááná yɔ́ɔ́ kówo to katé ogúné vambé vá vireréŋgi? Na ebérááná yɔ́ɔ́ kówo to katé eŋga ombunu rá mesimbá? 23Kó noó ŋgo me járámó nawó anáá: Vinó veŋga mabé, ndano urehí name, ŋgo ma eŋgá ŋgo arɔ́wɔ́ ka nó jémbe.»
Oháá ówó na máná ra itááné
(Rúk 6:47-49)
24«Moto uŋgimé ojó a vátɔ́rɔ́mó vipeŋge vyámé iví, kó a eŋgámó até eyé ŋgo mo járá, a ámó amo moto wa peyɔ ojó a ma háá yanje yáá na máná ra itááné. 25Puŋgi e ma ruŋgé, nowórá asowa matéyá osorowana na ŋguru na yanje, yanje ká oba esene éyé anáá e ma rii na máná ra nkómá. 26Wó je rií anáá moto ojó a hweérámó vipeŋge vyáme iví, ka eŋga até eyé ŋgo mo járá, a ámó amo moto ojó ka na peyɔ a ma háá yanje yáá na máná ra ncéce. 27Puŋgi a ma ruŋgé, nowórá osowa, matéyá osorowana na yanje, kó yanje e ma obáná o cáná bɛ́ŋ ncéce na ncéce.»
Injwé ra Yésusu
(Már 1:22; Rúk 4:32)
28Ará Yésusu a ma maná o wó yeére, kó vá katé kembyé kana ra njéérena ráá, 29esene éyé anáá a katé owó yeére amo moto ojó a timbámó ijwé, ka rii amo vayéere vá mbéndɔ́.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL