Matyáasa 5
5
Yésusu a yeérámó vato a rií na máná ra yene: Tɔ́ɔ́tɔ́ wa vitaka
(Már 3:13; Rúk 6:12-13-20)
1Ará Yésusu a ma ená ncumbí wa vato omójo, a ma náátá na máná ra yene onuumana kó vihoóhóná vyáa ví ma me keréná. 2Kaá Yésusu a ma késyé o wó yeére ayáá.
Vitaka
(Rúk 6:20-26)
3«Vitaka na ava vá ámó vawora na ireréŋgi, esene éyé edɔŋgɔ éyé na máná é ámó yáwó.
4Vitaka víríí na ava vá nyémámó etémá, cí e mó riyámó rawó.
5Vitaka na ava vá váŋgámó, esene éyé Irɔŋgɔ a mó wó púmbyámó mesíne.
6Vitaka víríí na ava wámó na jeŋgé na níiti anáá vá eŋgá até éyé é ámó ndiŋgi rííŋ na aŋgísó rá Irɔŋgɔ esene éyé vá mó obéyámó.
7Vitaka víríi na ava vá ovámó vasɔ́ɔ́ noóŋgɔ́, esene éyé Irɔŋgɔ a mó wó ovámó vá mwané hónó noóŋgó.
8Vitaka víríí na ava étéma mwáŋ mwáŋ esene éyé vá mo enámó Irɔŋgɔ.
9Vitaka viríí na ava vá váámó dɔ́ŋgɔrɔ́ɔ́ŋ na kɔ́ŋgɔ́ rawó, esene éyé vá mo wo béranámó anáá vaná vá Irɔŋgɔ.
10Vitaka viríí na ava wa ámó naáté yá ituri esene éyé vá sɔ́sɔmó anáá vá eŋgá até éyé é ámó wusi na aŋgísó rá Irɔŋgɔ, Edɔŋgɔ yá Irɔŋgɔ é ámó yáwó.
11Vitaka víríí na vinó itinikáná iji vá nó séyámó, vá wúnde hónó o nó tuúriye, vá nó bátyáana enjárá kána iŋgímé na wusó wáme. 12Ríyánó naáté yá vitaka na visaŋgéná, esene éyé anáá ipéyi yá vinó yó aŋgámó na máná, jembáno anáá naná honó kówo vá ma turiyé va oja cómó vá Irɔŋgɔ ává ema jová wuré.»
Vihoóhóná ví ámó ineŋgí na ŋgono ra cí
(Már 9:50; 4:21; Rúk 14:34-35; 8:16; 11:33)
13Yésusu a ma endá na wusó na enjárá ayáá: «Vinó ává vihoóhóná vyámé, no ámó ŋgono rá cí. Ŋgéŋgono yá deŋgyé wosema wáa, twiiŋí kówo vá hítyámó o ne me hwá wosema mwané? Yo éta ka na mpi kó e geremenámó bɛ́ŋ anáá vá umbé na naŋgáté índi vato vá náatana na eŋgoró. 14Vinó kava no ámó ineŋgí éyé na cí ra ndono. Oŋgora ójó na máná rá oŋgene a ta hítí oríí wosemenéri.
15Ará vá néviyámó rámba, ó ta ámó anáá vá me vaá na cí ra oroŋgó, vá me táréenámó na máná ra dévere ukú ójó anáá ineŋgí yáa é bónena oŋgimaná ójó na yanje. 16Náná hónó ineŋgí rá vinó egeremenámó onanjá na aŋgísó rá vato, anáá wená vesí va ŋgeŋgena mamba ma vinó hɔrɔnɔ kówo vá né gúmíyámó Tetáŋgá wa vinó ójó na máná.»
Yésusu a ma járá maró wa mbéndɔ́
17Yésusu a ma wundé ojárá nawó anáá: «Vinó ka buŋgana anáá ŋgo ma uré ondo híndyé mbéndɔ ra Mósese ítɔɔ ehoóhona yá vahúmíye maró. Ta ma uré ondo híndyé, ŋgo ma uré ondo eréena ntimisaná rawó iŋgimé. 18Esené ŋgo nó ojánámó na vatɔ́ɔ́tɔ́ anáá, ombárá ójó maná ná cí mó arɔ́wɔ́ ka tómbá, ekaŋga émwéesií ítɔɔ isímbí yá ekaŋgá é ta mó urúkyé na mbéndɔ́ ondo humé na mámáná má wandá wimé. 19Wanda mwané kówo moto ójó a mó obámó nyéŋgé ítɔɔ na mwaná wá mbéndɔ́ ójó dékétií, a wunde a yéére vasɔ́ɔ́ anáá vá eŋgá ámó ómwané, moto mwané vá mó me béráanámó anáá júújúwé na Edɔŋgɔ éyé na máná. Kaá ojo a mó béeryámó mbéndɔ́ mwané, a wunde oyeére vasɔ́ɔ́, a mó riyámó ogónó na Edɔŋgɔ éyé na máná. 20Njárámó na vinó anáá: Ŋgé wondíŋgirííŋ wá vinó wa ríi ká tómbá wá vayéere vá mbéndɔ́ na va pariséne, no ta mó iŋgáana na Edɔŋgɔ éyé na máná.»
Yésusu a ma járá maró wa mbésé
(Már 11:25; Rúk 12:57-59)
21Yésusu aye hée nawó anáá: «No ma yéére anáá vá ma járá na vakókó anáá: O ta geréméná woná moto, ójó a onámó moto vá géremenámó wenda naá na yanje yá rɔ́yá. 22Kó noó ŋgo nó ojánámó anáá ójó a ovénámó navéne orúndú, vá géremenámó wenda naá na yanje yá rɔ́yá; ojo a né járámó na navéne anáá ŋgénénámó ndomborí ejé a geremenamó anáá vagónó vá vato vá mbéndɔ́ vá me josyé. Ojó a né eŋgámó na navéne ítɔɔ́ mbéyí raá anáá yejá, moto mwané a geremenamó anáá vá me nɔ na ekáné yá ihyáné. 23Wandá mwané kówo ará wo endámó ondo eréena Irɔŋgɔ mómí, wa mbuŋgé anáá nɔvéne a wo ovénámó mbésé, 24micé mómi rɔɔ hɔrɔ́ na wusó wá pandó ra mómí, wenda o mana ondo héndá enjárá na nɔvéne kaá o je wunde weréena mómí rɔɔ. 25Itíndíkáná íjí o ndedámó wenda owó na jósi maná wováana na moto wa enjárá wɔ́ɔ́. Ka náná a né wo kutyámó na moto wa mbéndɔ́ kó moto wa mbéndɔ́ a né wo tómámó na mwaná wa visimbi anáá vá wo nɔ na mboo. 26Na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá o ta né húmé mboo eméje ka yááná ihí yɔɔ́ yimáná.»
Yésusu a ma járá maró wa ibamba
(Mat 18:8-9; Már 9:43-47-48)
27«No ma ová anáá vá ma járá anáá: Mámó ka eŋga ibamba. 28Kó noó, ŋgo nó ojánámó anáá ojó a núnámó okótó hɔrɔ́ a me támá a omana weŋga ibamba na okótó mwané naáté yá otémá ráa. 29Ŋgé nisó nɔɔ́ éné na ombɔɔ́ rá enémé no eŋgámó anáá woba nyéŋgé, pókétá wumbe orehí nɔɔ, wó ámó taátá na wusó wɔ́ɔ́ anáá o déŋgyé enama yɔɔ́ yá nótó emwéesií otómbá anáá vá wo nɔ mbímí naáté yá ihyáné. 30Ŋgé ombɔɔ́ rá enémé yó eŋgámó anáá woba naáté yá nyéŋgé, sómbá, onɔ́ oréhi. Wó ámó taátá na wusó wɔɔ́ anáá o déŋgyé enama yɔɔ́ yá nótó émwéesií otómbá anáá vá wo nɔ mbímí na ihyáné.»
Osa ówó nobá
(Mat 19:7-9; Már 10:4-5; 10:12; Rúk 16:18)
31Yésusu a ma uswíyé anáá: «Vá ma wundé ojárá anáá: Moto ojo a gúnámó egé a geremenamó o me hwá kárate wa osa ówó nobá. 32Kó noó ŋgo nó ojánámó anáá moto a gúné egé mámó síkí anáá okótó mwané a mó énda ovété na moto undyé, a eŋgámó anáá a búnde okótó wa ibamba. Kó moto ójó a bámó okótó ójó vá mó gúné, moto mwané a ámó na ibamba.»
Owɔ́rɔ́ ówó cómbéná
33Aye hée anáá: «No ma ová anáá vá ma járá na vakókó anáá mámó ka vásáŋgá cómbéná éjé o ma wɔ́rɔ́ hɔrɔ́ o ryá na wusó wá Irɔŋgɔ, wó je rií anáá o geremenámó wéŋga até éyé o ma járá anáá o né eŋgámó na aŋgísó rá Okí. 34Kó noó, ŋgo nó ojánámó anáá vinó ka ryá, vinó ká ryá ítɔɔ na niyó ná máná, esene éyé ɔ́wɔ́ kówo Irɔŋgɔ a sɔ́támó, 35ka ryá na niyó na cí esene éyé wo ámó pando éjé Irɔŋgɔ a táryáanámó eŋgoró. Vinó ka ryá na niyó na Yerúsareme esene éyé ámó oŋgórá rá ahumu ójó ogónó. 36Mámó ká ryá na ucé rɔ́ɔ́ esene éyé o ta hiti o bundyé kító emwesíi éjé na ucé rɔ́ɔ́ puŋguúm na híititi. 37Eéŋ wa vinó a geremenamó orií anáá Ɛɛŋ kó áayé wa vinó a geremenamó orií bɛ́ŋ anáá áayé, owomó wó urámó na ombé wa moto.»
Yésusu a ma járá maró wa Cuŋgi
(Rúk 6:29-30)
38No ma yéeré na vakókó anáá: «wa boróná moto nisó, wo oborona mámó hónó nisó, Wa báŋgá moto niyó; wó obáŋgá mámó hónó niyó. 39Kó nóó ŋgo no jánámó anáá: Ŋge moto a neŋga wobé mámó ká wa suŋgé. Ma mó wijimé anáá: Moto a woba ombéré na itama na ombɔ́ɔ́ rá wanomoto, mó tandiyámó hée itama na ombɔ́ɔ́ rá wakótó. 40Ŋge moto enda nɔ́ɔ na yanje yá jwási anáá a wɔ́rɔ́ sɔ́ɔtɔ́ rɔ́ɔ́, mámó o mó hwá cúnu éjé obyámó na máná rá sɔ́ɔ́tɔ́. 41Ŋge moto owotámó kirititi anáá o denda kirometa emweesíi na eŋgoro, denda ibene orɔŋgɔ náá. 42Ŋge moto a ɔŋgɔ́nɔ́ wandá omó hwámó. Ŋgé a eŋgámó anáá o me torisyé wandá mámó ká mó tumé nimé.»
Odiŋgé ówó vambéembena
(Rúk 6:27-28; 6:32-36)
43Yésusu a ma wundé ojárá anáá: «No mo ová, vá má járá anáá: Diŋge nɔwéne, o béna ombembena wɔ́ɔ́. 44Kó nóo, ŋgo no ojánámó anáá: Diŋgáno va mbeembéná vá vinó, ovásóóriyámánó na wusó wá vato ává vá no turyámó. 45Awɔ́ kówo no mo riyámó vatɔ́ɔ́tɔ́ vá váná va Tetáŋgá wa vinó ójó na máná, esene éyé anáá a eŋgámó anáá oŋgóná ó pá na vato ava étémá erárámó na ává na vesi etémá, kó eŋgámó anáá nowórá no sová na ává ndíŋgirííŋ, na ává ká ríi ndíŋgirííŋ. 46Ŋge na diŋge bɛ́ŋ ává vá no diŋgámó ípéyí eyáté Irɔŋgɔ ámóno hwámó? Itɔɔ vá wɔ́rɔ́nɔ́ mwéni rá tásá vá eŋgámó hónó sɛ́ɛm wá mɔnɔnɔ́ɔ́? 47Kó na wetyé bɛ́ŋ va navéne vá vinó, nkeŋge rá wandá ejaté éjé no eŋgámó? Itɔɔ va hayídene vá eŋgámó sɛ́ɛm a wandá ámó vinó. 48Kaá vinó sɔɔ́ Ríyánó ka na viju ámó Tetáŋgá wa vinó ójó na máná ámó ka na viju.»
လက္ရွိေရြးခ်ယ္ထားမွု
Matyáasa 5: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 5
5
Yésusu a yeérámó vato a rií na máná ra yene: Tɔ́ɔ́tɔ́ wa vitaka
(Már 3:13; Rúk 6:12-13-20)
1Ará Yésusu a ma ená ncumbí wa vato omójo, a ma náátá na máná ra yene onuumana kó vihoóhóná vyáa ví ma me keréná. 2Kaá Yésusu a ma késyé o wó yeére ayáá.
Vitaka
(Rúk 6:20-26)
3«Vitaka na ava vá ámó vawora na ireréŋgi, esene éyé edɔŋgɔ éyé na máná é ámó yáwó.
4Vitaka víríí na ava vá nyémámó etémá, cí e mó riyámó rawó.
5Vitaka na ava vá váŋgámó, esene éyé Irɔŋgɔ a mó wó púmbyámó mesíne.
6Vitaka víríí na ava wámó na jeŋgé na níiti anáá vá eŋgá até éyé é ámó ndiŋgi rííŋ na aŋgísó rá Irɔŋgɔ esene éyé vá mó obéyámó.
7Vitaka víríi na ava vá ovámó vasɔ́ɔ́ noóŋgɔ́, esene éyé Irɔŋgɔ a mó wó ovámó vá mwané hónó noóŋgó.
8Vitaka víríí na ava étéma mwáŋ mwáŋ esene éyé vá mo enámó Irɔŋgɔ.
9Vitaka viríí na ava vá váámó dɔ́ŋgɔrɔ́ɔ́ŋ na kɔ́ŋgɔ́ rawó, esene éyé vá mo wo béranámó anáá vaná vá Irɔŋgɔ.
10Vitaka viríí na ava wa ámó naáté yá ituri esene éyé vá sɔ́sɔmó anáá vá eŋgá até éyé é ámó wusi na aŋgísó rá Irɔŋgɔ, Edɔŋgɔ yá Irɔŋgɔ é ámó yáwó.
11Vitaka víríí na vinó itinikáná iji vá nó séyámó, vá wúnde hónó o nó tuúriye, vá nó bátyáana enjárá kána iŋgímé na wusó wáme. 12Ríyánó naáté yá vitaka na visaŋgéná, esene éyé anáá ipéyi yá vinó yó aŋgámó na máná, jembáno anáá naná honó kówo vá ma turiyé va oja cómó vá Irɔŋgɔ ává ema jová wuré.»
Vihoóhóná ví ámó ineŋgí na ŋgono ra cí
(Már 9:50; 4:21; Rúk 14:34-35; 8:16; 11:33)
13Yésusu a ma endá na wusó na enjárá ayáá: «Vinó ává vihoóhóná vyámé, no ámó ŋgono rá cí. Ŋgéŋgono yá deŋgyé wosema wáa, twiiŋí kówo vá hítyámó o ne me hwá wosema mwané? Yo éta ka na mpi kó e geremenámó bɛ́ŋ anáá vá umbé na naŋgáté índi vato vá náatana na eŋgoró. 14Vinó kava no ámó ineŋgí éyé na cí ra ndono. Oŋgora ójó na máná rá oŋgene a ta hítí oríí wosemenéri.
15Ará vá néviyámó rámba, ó ta ámó anáá vá me vaá na cí ra oroŋgó, vá me táréenámó na máná ra dévere ukú ójó anáá ineŋgí yáa é bónena oŋgimaná ójó na yanje. 16Náná hónó ineŋgí rá vinó egeremenámó onanjá na aŋgísó rá vato, anáá wená vesí va ŋgeŋgena mamba ma vinó hɔrɔnɔ kówo vá né gúmíyámó Tetáŋgá wa vinó ójó na máná.»
Yésusu a ma járá maró wa mbéndɔ́
17Yésusu a ma wundé ojárá nawó anáá: «Vinó ka buŋgana anáá ŋgo ma uré ondo híndyé mbéndɔ ra Mósese ítɔɔ ehoóhona yá vahúmíye maró. Ta ma uré ondo híndyé, ŋgo ma uré ondo eréena ntimisaná rawó iŋgimé. 18Esené ŋgo nó ojánámó na vatɔ́ɔ́tɔ́ anáá, ombárá ójó maná ná cí mó arɔ́wɔ́ ka tómbá, ekaŋga émwéesií ítɔɔ isímbí yá ekaŋgá é ta mó urúkyé na mbéndɔ́ ondo humé na mámáná má wandá wimé. 19Wanda mwané kówo moto ójó a mó obámó nyéŋgé ítɔɔ na mwaná wá mbéndɔ́ ójó dékétií, a wunde a yéére vasɔ́ɔ́ anáá vá eŋgá ámó ómwané, moto mwané vá mó me béráanámó anáá júújúwé na Edɔŋgɔ éyé na máná. Kaá ojo a mó béeryámó mbéndɔ́ mwané, a wunde oyeére vasɔ́ɔ́, a mó riyámó ogónó na Edɔŋgɔ éyé na máná. 20Njárámó na vinó anáá: Ŋgé wondíŋgirííŋ wá vinó wa ríi ká tómbá wá vayéere vá mbéndɔ́ na va pariséne, no ta mó iŋgáana na Edɔŋgɔ éyé na máná.»
Yésusu a ma járá maró wa mbésé
(Már 11:25; Rúk 12:57-59)
21Yésusu aye hée nawó anáá: «No ma yéére anáá vá ma járá na vakókó anáá: O ta geréméná woná moto, ójó a onámó moto vá géremenámó wenda naá na yanje yá rɔ́yá. 22Kó noó ŋgo nó ojánámó anáá ójó a ovénámó navéne orúndú, vá géremenámó wenda naá na yanje yá rɔ́yá; ojo a né járámó na navéne anáá ŋgénénámó ndomborí ejé a geremenamó anáá vagónó vá vato vá mbéndɔ́ vá me josyé. Ojó a né eŋgámó na navéne ítɔɔ́ mbéyí raá anáá yejá, moto mwané a geremenamó anáá vá me nɔ na ekáné yá ihyáné. 23Wandá mwané kówo ará wo endámó ondo eréena Irɔŋgɔ mómí, wa mbuŋgé anáá nɔvéne a wo ovénámó mbésé, 24micé mómi rɔɔ hɔrɔ́ na wusó wá pandó ra mómí, wenda o mana ondo héndá enjárá na nɔvéne kaá o je wunde weréena mómí rɔɔ. 25Itíndíkáná íjí o ndedámó wenda owó na jósi maná wováana na moto wa enjárá wɔ́ɔ́. Ka náná a né wo kutyámó na moto wa mbéndɔ́ kó moto wa mbéndɔ́ a né wo tómámó na mwaná wa visimbi anáá vá wo nɔ na mboo. 26Na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá o ta né húmé mboo eméje ka yááná ihí yɔɔ́ yimáná.»
Yésusu a ma járá maró wa ibamba
(Mat 18:8-9; Már 9:43-47-48)
27«No ma ová anáá vá ma járá anáá: Mámó ka eŋga ibamba. 28Kó noó, ŋgo nó ojánámó anáá ojó a núnámó okótó hɔrɔ́ a me támá a omana weŋga ibamba na okótó mwané naáté yá otémá ráa. 29Ŋgé nisó nɔɔ́ éné na ombɔɔ́ rá enémé no eŋgámó anáá woba nyéŋgé, pókétá wumbe orehí nɔɔ, wó ámó taátá na wusó wɔ́ɔ́ anáá o déŋgyé enama yɔɔ́ yá nótó emwéesií otómbá anáá vá wo nɔ mbímí naáté yá ihyáné. 30Ŋgé ombɔɔ́ rá enémé yó eŋgámó anáá woba naáté yá nyéŋgé, sómbá, onɔ́ oréhi. Wó ámó taátá na wusó wɔɔ́ anáá o déŋgyé enama yɔɔ́ yá nótó émwéesií otómbá anáá vá wo nɔ mbímí na ihyáné.»
Osa ówó nobá
(Mat 19:7-9; Már 10:4-5; 10:12; Rúk 16:18)
31Yésusu a ma uswíyé anáá: «Vá ma wundé ojárá anáá: Moto ojo a gúnámó egé a geremenamó o me hwá kárate wa osa ówó nobá. 32Kó noó ŋgo nó ojánámó anáá moto a gúné egé mámó síkí anáá okótó mwané a mó énda ovété na moto undyé, a eŋgámó anáá a búnde okótó wa ibamba. Kó moto ójó a bámó okótó ójó vá mó gúné, moto mwané a ámó na ibamba.»
Owɔ́rɔ́ ówó cómbéná
33Aye hée anáá: «No ma ová anáá vá ma járá na vakókó anáá mámó ka vásáŋgá cómbéná éjé o ma wɔ́rɔ́ hɔrɔ́ o ryá na wusó wá Irɔŋgɔ, wó je rií anáá o geremenámó wéŋga até éyé o ma járá anáá o né eŋgámó na aŋgísó rá Okí. 34Kó noó, ŋgo nó ojánámó anáá vinó ka ryá, vinó ká ryá ítɔɔ na niyó ná máná, esene éyé ɔ́wɔ́ kówo Irɔŋgɔ a sɔ́támó, 35ka ryá na niyó na cí esene éyé wo ámó pando éjé Irɔŋgɔ a táryáanámó eŋgoró. Vinó ka ryá na niyó na Yerúsareme esene éyé ámó oŋgórá rá ahumu ójó ogónó. 36Mámó ká ryá na ucé rɔ́ɔ́ esene éyé o ta hiti o bundyé kító emwesíi éjé na ucé rɔ́ɔ́ puŋguúm na híititi. 37Eéŋ wa vinó a geremenamó orií anáá Ɛɛŋ kó áayé wa vinó a geremenamó orií bɛ́ŋ anáá áayé, owomó wó urámó na ombé wa moto.»
Yésusu a ma járá maró wa Cuŋgi
(Rúk 6:29-30)
38No ma yéeré na vakókó anáá: «wa boróná moto nisó, wo oborona mámó hónó nisó, Wa báŋgá moto niyó; wó obáŋgá mámó hónó niyó. 39Kó nóó ŋgo no jánámó anáá: Ŋge moto a neŋga wobé mámó ká wa suŋgé. Ma mó wijimé anáá: Moto a woba ombéré na itama na ombɔ́ɔ́ rá wanomoto, mó tandiyámó hée itama na ombɔ́ɔ́ rá wakótó. 40Ŋge moto enda nɔ́ɔ na yanje yá jwási anáá a wɔ́rɔ́ sɔ́ɔtɔ́ rɔ́ɔ́, mámó o mó hwá cúnu éjé obyámó na máná rá sɔ́ɔ́tɔ́. 41Ŋge moto owotámó kirititi anáá o denda kirometa emweesíi na eŋgoro, denda ibene orɔŋgɔ náá. 42Ŋge moto a ɔŋgɔ́nɔ́ wandá omó hwámó. Ŋgé a eŋgámó anáá o me torisyé wandá mámó ká mó tumé nimé.»
Odiŋgé ówó vambéembena
(Rúk 6:27-28; 6:32-36)
43Yésusu a ma wundé ojárá anáá: «No mo ová, vá má járá anáá: Diŋge nɔwéne, o béna ombembena wɔ́ɔ́. 44Kó nóo, ŋgo no ojánámó anáá: Diŋgáno va mbeembéná vá vinó, ovásóóriyámánó na wusó wá vato ává vá no turyámó. 45Awɔ́ kówo no mo riyámó vatɔ́ɔ́tɔ́ vá váná va Tetáŋgá wa vinó ójó na máná, esene éyé anáá a eŋgámó anáá oŋgóná ó pá na vato ava étémá erárámó na ává na vesi etémá, kó eŋgámó anáá nowórá no sová na ává ndíŋgirííŋ, na ává ká ríi ndíŋgirííŋ. 46Ŋge na diŋge bɛ́ŋ ává vá no diŋgámó ípéyí eyáté Irɔŋgɔ ámóno hwámó? Itɔɔ vá wɔ́rɔ́nɔ́ mwéni rá tásá vá eŋgámó hónó sɛ́ɛm wá mɔnɔnɔ́ɔ́? 47Kó na wetyé bɛ́ŋ va navéne vá vinó, nkeŋge rá wandá ejaté éjé no eŋgámó? Itɔɔ va hayídene vá eŋgámó sɛ́ɛm a wandá ámó vinó. 48Kaá vinó sɔɔ́ Ríyánó ka na viju ámó Tetáŋgá wa vinó ójó na máná ámó ka na viju.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL