Matyáasa 26
26
Isɔké na wusó wá nugwé ná Yésusu
(Már 14:1-2; Rúk 22:1-2; Yoh 11:47-53)
1Na weŋga ówó anáá Yésusu a mana oyeére mamba mwané mimé, a ma járá na vihoóhóná vyáá anáá: 2«No jembámó anáá ibínó yá Pásáka é ámó wusí owó metúú mává, Mwaná moto a vaŋgámó orií kavérí ombótá ójó anáá vá me ondáana na koroso.» 3Kó vagónó vá vacekiye mómí na vagónó ává na edɔŋgɔ vá ma váwonjééná naáté yá yanje yá ogónó wa acekiye mómí ojó vá béráanámó anáá Kayípe. 4Kó vá ma wɔ́rɔ́ combéna anáá vá né ambaanámó Yésusu na asɔɔ́ índi vá me oná. 5Vá ma ená anáá vá ta gerémená o me ambaana na itíndíkáná rá íbínó, mamba na meŋgí vato vá edɔŋgɔ vá hétiye iwuru iwuru.
Okótó omo a suunámó tevere na ucé rá Yésusu
(Már 14:3-9; Yoh 12:1-8)
6Yésusu a ma ríi a arɔ́wɔ́ na oŋgórá rá Betaníya naáté yá yanje yá Símono ójó a ma nɔ́ mbaa. 7Vá rií na onyányá, okótó omo a ma kerá na kɔ́ŋgɔ́ raá a timbe mwaná wa usi wa mbósó, mbósó mwané e je timbe tevere wa mwení, kó a ma suuné na ucé rá Yésusu. 8Ará vihoóhóná vyáá ví ma ená wandá mwané kó ví ma ová wobé vá járá anáá: «A mó ndeére tevere owaté? 9To mó rií o sérá mwení mbunu, kaá wo erééna vawowórá.» 10Ará Yésusu a ma ová maaró maté, a ma járá na vihoóhóná vyáá anáá: «Na wusó wá até kówo no mgbéetyámó okótó omójo? Até éyé a ré eŋga na wusó wámé é ámó wusi. 11Vawora no ámó nawó na kɔ́rɔ́tɔ́tɔ́, wó je rií anáá noó no ta ámó name na kɔ́rɔ́tɔ́tɔ́. 12A mó súune tewere na ucé ramé ukú ójó anáá a heéhenda nótó rame na wusó wá evérá. 13Na vatɔ́ɔ́tɔ́ ŋgo nó ojánámó anáá pandó iŋgimé éjé Usí wa Cómó a mó ojavenámó na cí ra ndono, vá mó ójámó honó até éyé okótó ojó a ma eŋgá, kó vá mó tá mó me buŋgana.»
Yúdasa a sérámó Yésusu
(Már 14:10-11; Rúk 22:3-6)
14Kó umweesií ójó na enásá yábɔ́t na eba ebérááná anáá Yúdasa Isikaryóto a ma enda ená vagónó vá vacekiye mómí, 15aye nawó anáá: «Até kéye no né pwámó ŋgé ŋgo a nó séréna Yésusu?» Vagónó vá vacekiye mómí vá ma me hwá vipkama vyá mwení mɔ́wɔ́ mátátó. 16Okésyé ówó na itíndíkáná mwané, Yúdasa a ma kesyé osɔsɔ usi wa pé anáá a sérá Yésusu.
Nkomosaná ra manyá má Pásáka
(Már 14:12-16; Rúk 22:7-13)
17Isí yá makésyé má ibínó yá va beréte ává ka na mboŋga, vihoóhóná vyá Yésusu ví ma kerá o me súsé anáá: «Héní kówo o diŋgámó anáá to wo námbéna Pásáka?» 18Yésusu a ma járá nawó anáá: Ndáno na oŋgórá na moto aá moto, no eŋga naá anáá: «Oyéere a mó járá anáá: Itíndíkáná ramé yó etá berebe, na mámó na yanje kówo mbaŋgámó onyá ibínó yá Pásáka orɔŋgɔ na vihoóhóná vyámé.» 19Vihoóhóná ví ma eŋgá até éyé Yésusu a ma wó tévéré kó vá ma komósaná Pásáka.
Yésusu a ojámó anáá ehoóhóná yáa emó é né me sérámó
(Már 14:17-21; Rúk 22:14; Yoh 13:21-30)
20Enéŋgá, Yésusu a ma nuumáná na dévere orɔŋgɔ na enásá raá yábɔ́t na eba. 21Ará vá katé nyányá kó Yésusu a ma járá anáá: «Na vatɔ́ɔ́tɔ́, na vatɔ́ɔ́tɔ́, umwesií ójó na vinó a vaŋgámó océrá.» 22Vihoóhona ví ma ríi ví etá noóŋgó monda kúrútú ámó moto a me súsé anáá: «Okí o ámó noó?» 23Yésusu a ma járá anáá: «Ojo a mó bérúme ombɔɔ́ name naáté yá pána, ómwané kójo a vaŋgámó océrá. 24Mwaná moto a vaŋgámó ogwé ámó wó ámó tiré-tíré na wusó wáá, wó je rií anáá etɔɔ na moto ójó a sérámó Mwaná moto! Taátá anáá ŋgé moto mwané a ta ma byánávena!» 25Yúdasa ójó a ma geréméná o me sérá a ma súsé Yésusu anáá: «Oyéere, ye wó ámó noó?» Yésusu a ma me wundíyé anáá: «Mámó maté kójo o káte járá!»
Manyá má Oki
(Már 14:22-25; Rúk 22:15-20; 1Ko 11:23-26)
26Vá rií na onyányá, kó Yésusu a ma wɔ́rɔ́ beréte, weréena Irɔŋgɔ ŋgáŋgó, océcéna kaá otéŋgíye vihoóhóná vyáá a járá anáá: «Wɔ́rɔ́no no nyá, oowó wó ámó nótó rame.» 27Na nímé raá, a ma wɔ́rɔ́ ndeya ra mɔwɔ́, otéŋgyé Irɔŋgɔ kaá weréena vihoóhóná vyáa a járá anáá: «vényáno vinó bímé. 28Esené míné mamé káamáma, miné má iretye na Irɔŋgɔ ámá má utúwámó na wusó wa ombunu rá vato ukú ójó anáá nyéŋgé í jwévena. 29Ŋgo nó ojánámó anáá: Ta né ne vényú mɔwɔ́ amá ohumé isí éyé ŋgo mó vényámó orɔŋgɔ na vinó na Edɔŋgɔ yá Tetáŋgá hɔ́rɔ́ má etá mpkámáká.»
Yésusu a ojámó anáá Pyéere a né me vásáŋgámó
(Már 14:26-31; Rúk 22:33-39; Yoh 13:37-38)
30Vá ma maná ováána isawo ra mbasóóriye na wusó wa ibínó kó vá ma enda na oŋgéne ra maréte ama ma eréénámó mbíti. 31Kó Yésusu a ma járá na vihoóhóná vyáá anáá: Wutúú owó, vinó bimé no vaŋgámó o ncéŋgítye esene éyé ó ámó tiré-tíre anáá: «Ŋgo né onámó agíré mutíri, kó mutíri mó né sárámandámó.» 32Yésusu a ma wundé wuswiiye anáá: «Wó je rií anáá ará ŋgo né honowámó na raaté wa vigwé, ŋgo ne endámó ondo nó gíré na Gariréya.» 33Pyéere a ma járá anáá: «Tɔɔ vasɔ́ɔ́ bimé vá wo céŋgítyé, noó ta né wó céŋgítye.» 34Yésusu a ma me wundíyé anáá: «na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá wutúú owó maté, hɔrɔ́ itétí yó arɔ́ɔ́ ka tátéta, ovaŋgámó ombasáŋgá eŋgendɔ etátó.» 35Pyéere a ye naá anáá: «Tɔɔ wó né susámó anáá ŋgwé orɔŋgɔ nɔɔ, mbéndɔ́ ta waŋga owasáŋgá.» Kó vihoóhóná bimé ví ma járá seém wa wandá.
Yésusu a vásoóriyámó na pandó éjé anáá Getesemané
(Már 14:32-42; Rúk 22:40-46)
36Yésusu a ma endá húmé na vihoóhóná vyáá na pandó ejé vá béráanámó anáá Getesemané, kó a jarámó na vihoóhóná anáá: «Cánáno ará, noó ŋgo endámó nanyá na ondo vásoóriye.» 37Kó a ma wɔ́rɔ́ Pyéere na embwene ra Sebedé eba. Kó a kesyámó wóvá wohwa a etá noóŋgo. 38A járámó nawó anáá: «Otémá ramé yó té ová makáná má nugwé, cánáno ará, no kuré orɔŋgɔ name.» 39Kó Yésusu a ma kerététá kenja a ma vámícé mondá na cí, okésyé mbásóóríyé a ye anáá: «Tetáŋgá, ŋgé wó ámó ibuúbu, ŋgá anáá ndeya ra makáná éjé yo enda urehí name, kó siki ŋgá na mbaŋgena rɔɔ ate mbaŋgena rame.» 40Kó Yésusu a ma wunde na vihoóhóná íví vítátó, o wó etiye otonó. Kó a eŋgámó na Pyéere anáá: «Nanaá wó ámó anáá no ta timbé ŋguru ra okuré name tɔɔ nowora númwéesií? 41Kúráno no wásóóriye ombótá ojó anáá no teŋge nobena na vimaa. Ireréŋgi é ámó váhéndé vahéndé anáá é kuré, é vásóóriye, nótó é mwané e ámó na wubire.» 42Yésusu a wundámó hée wenda kenja na eŋgendɔ eba na onde wasóóriye a ye anáá: «Tetáŋgá, ŋgé o ta píti weŋga anáá ndeya ra makáná éjé e ncaára, ŋgá mbaŋgéná rɔɔ yo eŋgavena.» 43Kó a wundámó hée ará vihoóhóná vyáá ví katé rií, o wó atiye na tónó esene éyé anáá aŋgísó rawó a ma rii tonó na tonó. 44Kó a ta ma járá wandá owunde kenja na mbasóóriye na eŋgendɔ etató ojárá sɛ́ɛm ra vipéŋgé ámó í vyá wusó. 45Kó a ma wundé ará vihoóhóná ví katé rii a jarámó nawó anáá: «Ndáádánáno tonó, no huuhuwe! Tetee ojó, itíndíkáná yó etá berebe ijí vá waŋgámó o sérá Mwaná moto na embɔɔ́ ra vato va nyéŋgé. 46Hatéénáno to no enda, enáno moto ojó a cérámó a ojine.»
Kambeena ra Yésusu
(Már 14:43-52; Rúk 22:47-53; Yoh 18:2-11)
47Yésusu a timbe enjárá na uŋgúté, Yúdasa, umweesií ójó na enásá yábɔ́t na eba a ma endá húmé na ncumbí wa vato vá timbé námá na motimbó, vagónó vá vacekiye mómí na vagónó ává na edɔŋgɔ káva vá ma wó tómá. 48Yúdasa ójo a ma mo sérá a ma wó hwá ndeme anáá: «Ojo ŋgo ne o mo vatiyámó na ŋgundi, wó ámó ómwané o me ambáánamáno.» 49Ikɔkɔ ka tómbá, Yúdasa a kerenámó Yésusu a ma járá náá anáá: «Ŋgo wo wetiye Oyéere!» Kó a mo girimanámó na ŋgundi. 50Yésusu a ma járá náá anáá: «Mbéráa, soŋgiyé weŋga até eyé o mó uré onde eŋgá.» Kó vasɔ́ɔ́ vá ma kerá wambaana Yésusu. 51Omwesií ojó a ma rii orɔŋgɔ na Yésusu a ma hatiyé ombɔɔ́ ojona námá ráá, osombá otú rá yeŋga manɔnɔwɔ yá ogónó wa acekiye mómí. 52Yésusu a ma járá naá sɔ́ anáá: «wundyé námá rɔɔ na undií ráá, esene éyé bimé ává vá wɔ́rɔ́mó námá vá né gwámó námá. 53O buŋganámó anáá ta ohítí obérána Tetáŋgá? A mó eŋga a tómena mokíví mwa va éŋgerese mwábɔ́t na móváné kwakwa anáá vá endá kamana name. 54Náná kówo mamba ma géremenámó wo eŋgewena ombótá ojó anáá até eyé va mwáŋ mwáŋ va vitiráná vá ma járá yó eŋgávena.» 55Yésusu a ma járá nawó anáá: «Ye wó mó súsé anáá no uré na námá na mbóŋgó anáá no nde ŋgambaana? Mɔmo eŋga anáá ndámó yoná vato. Isí yímé ŋgo katé rií indindiŋ na yanje yá Irɔŋgɔ na oyeére ówó vato, kó no tá ŋgambáána. 56Wimé omówo wó ma eŋgávená ombótá ojó anáá até eyé vahúmíye máaró vá ma tiré wó eŋgéwena.» Kó vihoóhóná bimé ví ma me céŋgítyé obwɔ́nɔ́nɔ.
Yésusu a terémenámó na jósi
(Már 14:53-65; Rúk 22:54-55, 63-71; Yoh 18:12-18)
57Vato ává vá ma ambáána Yésusu vá ma enda náá na ogónó wa acekiye mómí ojó Kayípe, esene éyé na ómwané kówo vayéere vá mbéndɔ́ na vagónó ava na edɔŋgɔ vá ma vawónjééná. 58Pyéere a ma ré o té byɔɔnɔ Yésusu na nímé urehí onde húmé na naŋgáté ra ogónó wa acekiye mómí, kó a ma nde nuumana orɔŋgɔ na vato vá manɔnɔwɔ vá Kayípe, ombótá ójó anáá a ená ámó maró mwané a vaŋgámó omana. 59Vagónó vá vacekiye mómí na yanje yá jósi yimé vá ma ré sɔsɔ ucé rá sɔ́mɔnɔ tɔɔ na vibátá ukú ójó anáá vá sómbéna Yésusu ntóró ra nugwé. 60Kó vá ta wɔ́ŋgɔ́, ítɔɔ ámó ombunu rá vato ó katé oja viwána na nótó ra Yésusu. Na mamana, vato bává vá ma uré 61onde oja anáá: «Moto ojó a ma járá anáá a pityámó o baŋgóna yanje yá Irɔŋgɔ, owunde oháá na mesí matátó.» 62Ogónó wa acekiye mómí a ma haténá ojárá na Yésusu anáá: «O ta járá wandá na sɔ́mɔnɔ vá vató ává bimé?» 63Kó Yésusu a ma rii ihóhó. Ogónó wa acekiye mómí a ma járá sɔ́ naá anáá: «Na ebérááná yá Irɔŋgɔ ojó a hwénámó, o só ojánámó ŋge mámó kójó moto ójó Irɔŋgɔ a ma tomá, Mwaná Irɔŋgɔ.» 64Yésusu a wundyámó anáá: «Mɔmó ojó ojárámó náná. Wó je rií anáá okésyé owó tetee ojó, ŋgo nó ojánámó anáá no waŋgámó wená Mwaná moto indindiŋ na ombámbáné ra Irɔŋgɔ ojó a ámó ŋguru iŋgimé, kó no né wundámó o me ená a enda uré na máná naáté vyá viyásá.» 65Kó ogónó wa acekiye mómí a ma saróná cunú ráá a járá anáá: «A mó séyá Irɔŋgɔ! To ta ne waŋga hée va tiseenye, vinó maté no mó ová ceyɔ́. 66Vinó no enámó ené?» Bimé vá ma wundyé anáá: «A germenámó na nugwé.» 67Kó vá ma mo cáká metí na wusó o me twaná vikúté avámó o mo vacúpana embéré 68vá járá anáá: «Mámó ójó Irɔŋgɔ a ma tómá, tíhíyé anáá o ámó ahúmíye maró, o só ojánámó moto ojó a mó wo wóbá?»
Pyéere a vásáŋgámó Yésusu
(Már 14:66-72; Rúk 22:56-62; Yoh 18:17, 25-27)
69Pyéere a katé rií indindíi na naŋgáté. Okótó omo a rií yeŋga manɔnɔwɔ a ma me keréná aye naá anáá: «Mámó hónó o katé rií na Yésusu, mwaná wa Gariréya omójo!» 70Kó Pyéere a ma vásáŋgá na aŋgísó rá moto uŋgimé a járá anáá: «Ta jembé até éyé o diŋgámó anáá o járá.» 71Amó a ma ríi a té enda pere ra ohótó rá iruŋgé anáá a húmé, okótó undyé a ma me ená kó a ma járá na vato ává vá ma ríi ɔ́wɔ́ anáá: «Moto ójó a má katé rií orɔŋgɔ na Yésusu ójó na Nasaréte.» 72Pyéere a ma wundé ovásáŋgá hɔ́rɔ́ a ryáana vivérá anáá: «Noó ta jembé moto omójo!» 73Na nimé raá, vato ává vá ma ríi ɔ́wɔ́ vá ma kerá berebe na Pyéere váye naá anáá: «Na vatɔ́ɔ́tɔ́, na vatɔ́ɔ́tɔ́ mámó hónó o ámó umweesií ójó na vámwané esene éyé o timbámó kána ra ojárá éjé e wo sɔ́mɔ́nɔmó.» 74Kó Pyéere a ma késyé ojárá anáá: «Ŋgá Irɔŋgɔ a mpwénísye ŋgé njeényámó! Ŋgo káte ryá anáá noó ta jembé moto omójo!» Ikɔkɔ ka mana, itétí e ma tátétá, 75kó Pyéere a ma buŋgé até éyé Yésusu a ma járá naá anáá: «O vaŋgámó o mbásáŋgá eŋgendɔ etató hɔ́rɔ́ itétí yó arɔ́wɔ́ ka tátá.» Pyéere a ma húmé ondo cékíme na mbií nasesi.
လက္ရွိေရြးခ်ယ္ထားမွု
Matyáasa 26: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 26
26
Isɔké na wusó wá nugwé ná Yésusu
(Már 14:1-2; Rúk 22:1-2; Yoh 11:47-53)
1Na weŋga ówó anáá Yésusu a mana oyeére mamba mwané mimé, a ma járá na vihoóhóná vyáá anáá: 2«No jembámó anáá ibínó yá Pásáka é ámó wusí owó metúú mává, Mwaná moto a vaŋgámó orií kavérí ombótá ójó anáá vá me ondáana na koroso.» 3Kó vagónó vá vacekiye mómí na vagónó ává na edɔŋgɔ vá ma váwonjééná naáté yá yanje yá ogónó wa acekiye mómí ojó vá béráanámó anáá Kayípe. 4Kó vá ma wɔ́rɔ́ combéna anáá vá né ambaanámó Yésusu na asɔɔ́ índi vá me oná. 5Vá ma ená anáá vá ta gerémená o me ambaana na itíndíkáná rá íbínó, mamba na meŋgí vato vá edɔŋgɔ vá hétiye iwuru iwuru.
Okótó omo a suunámó tevere na ucé rá Yésusu
(Már 14:3-9; Yoh 12:1-8)
6Yésusu a ma ríi a arɔ́wɔ́ na oŋgórá rá Betaníya naáté yá yanje yá Símono ójó a ma nɔ́ mbaa. 7Vá rií na onyányá, okótó omo a ma kerá na kɔ́ŋgɔ́ raá a timbe mwaná wa usi wa mbósó, mbósó mwané e je timbe tevere wa mwení, kó a ma suuné na ucé rá Yésusu. 8Ará vihoóhóná vyáá ví ma ená wandá mwané kó ví ma ová wobé vá járá anáá: «A mó ndeére tevere owaté? 9To mó rií o sérá mwení mbunu, kaá wo erééna vawowórá.» 10Ará Yésusu a ma ová maaró maté, a ma járá na vihoóhóná vyáá anáá: «Na wusó wá até kówo no mgbéetyámó okótó omójo? Até éyé a ré eŋga na wusó wámé é ámó wusi. 11Vawora no ámó nawó na kɔ́rɔ́tɔ́tɔ́, wó je rií anáá noó no ta ámó name na kɔ́rɔ́tɔ́tɔ́. 12A mó súune tewere na ucé ramé ukú ójó anáá a heéhenda nótó rame na wusó wá evérá. 13Na vatɔ́ɔ́tɔ́ ŋgo nó ojánámó anáá pandó iŋgimé éjé Usí wa Cómó a mó ojavenámó na cí ra ndono, vá mó ójámó honó até éyé okótó ojó a ma eŋgá, kó vá mó tá mó me buŋgana.»
Yúdasa a sérámó Yésusu
(Már 14:10-11; Rúk 22:3-6)
14Kó umweesií ójó na enásá yábɔ́t na eba ebérááná anáá Yúdasa Isikaryóto a ma enda ená vagónó vá vacekiye mómí, 15aye nawó anáá: «Até kéye no né pwámó ŋgé ŋgo a nó séréna Yésusu?» Vagónó vá vacekiye mómí vá ma me hwá vipkama vyá mwení mɔ́wɔ́ mátátó. 16Okésyé ówó na itíndíkáná mwané, Yúdasa a ma kesyé osɔsɔ usi wa pé anáá a sérá Yésusu.
Nkomosaná ra manyá má Pásáka
(Már 14:12-16; Rúk 22:7-13)
17Isí yá makésyé má ibínó yá va beréte ává ka na mboŋga, vihoóhóná vyá Yésusu ví ma kerá o me súsé anáá: «Héní kówo o diŋgámó anáá to wo námbéna Pásáka?» 18Yésusu a ma járá nawó anáá: Ndáno na oŋgórá na moto aá moto, no eŋga naá anáá: «Oyéere a mó járá anáá: Itíndíkáná ramé yó etá berebe, na mámó na yanje kówo mbaŋgámó onyá ibínó yá Pásáka orɔŋgɔ na vihoóhóná vyámé.» 19Vihoóhóná ví ma eŋgá até éyé Yésusu a ma wó tévéré kó vá ma komósaná Pásáka.
Yésusu a ojámó anáá ehoóhóná yáa emó é né me sérámó
(Már 14:17-21; Rúk 22:14; Yoh 13:21-30)
20Enéŋgá, Yésusu a ma nuumáná na dévere orɔŋgɔ na enásá raá yábɔ́t na eba. 21Ará vá katé nyányá kó Yésusu a ma járá anáá: «Na vatɔ́ɔ́tɔ́, na vatɔ́ɔ́tɔ́, umwesií ójó na vinó a vaŋgámó océrá.» 22Vihoóhona ví ma ríi ví etá noóŋgó monda kúrútú ámó moto a me súsé anáá: «Okí o ámó noó?» 23Yésusu a ma járá anáá: «Ojo a mó bérúme ombɔɔ́ name naáté yá pána, ómwané kójo a vaŋgámó océrá. 24Mwaná moto a vaŋgámó ogwé ámó wó ámó tiré-tíré na wusó wáá, wó je rií anáá etɔɔ na moto ójó a sérámó Mwaná moto! Taátá anáá ŋgé moto mwané a ta ma byánávena!» 25Yúdasa ójó a ma geréméná o me sérá a ma súsé Yésusu anáá: «Oyéere, ye wó ámó noó?» Yésusu a ma me wundíyé anáá: «Mámó maté kójo o káte járá!»
Manyá má Oki
(Már 14:22-25; Rúk 22:15-20; 1Ko 11:23-26)
26Vá rií na onyányá, kó Yésusu a ma wɔ́rɔ́ beréte, weréena Irɔŋgɔ ŋgáŋgó, océcéna kaá otéŋgíye vihoóhóná vyáá a járá anáá: «Wɔ́rɔ́no no nyá, oowó wó ámó nótó rame.» 27Na nímé raá, a ma wɔ́rɔ́ ndeya ra mɔwɔ́, otéŋgyé Irɔŋgɔ kaá weréena vihoóhóná vyáa a járá anáá: «vényáno vinó bímé. 28Esené míné mamé káamáma, miné má iretye na Irɔŋgɔ ámá má utúwámó na wusó wa ombunu rá vato ukú ójó anáá nyéŋgé í jwévena. 29Ŋgo nó ojánámó anáá: Ta né ne vényú mɔwɔ́ amá ohumé isí éyé ŋgo mó vényámó orɔŋgɔ na vinó na Edɔŋgɔ yá Tetáŋgá hɔ́rɔ́ má etá mpkámáká.»
Yésusu a ojámó anáá Pyéere a né me vásáŋgámó
(Már 14:26-31; Rúk 22:33-39; Yoh 13:37-38)
30Vá ma maná ováána isawo ra mbasóóriye na wusó wa ibínó kó vá ma enda na oŋgéne ra maréte ama ma eréénámó mbíti. 31Kó Yésusu a ma járá na vihoóhóná vyáá anáá: Wutúú owó, vinó bimé no vaŋgámó o ncéŋgítye esene éyé ó ámó tiré-tíre anáá: «Ŋgo né onámó agíré mutíri, kó mutíri mó né sárámandámó.» 32Yésusu a ma wundé wuswiiye anáá: «Wó je rií anáá ará ŋgo né honowámó na raaté wa vigwé, ŋgo ne endámó ondo nó gíré na Gariréya.» 33Pyéere a ma járá anáá: «Tɔɔ vasɔ́ɔ́ bimé vá wo céŋgítyé, noó ta né wó céŋgítye.» 34Yésusu a ma me wundíyé anáá: «na vatɔ́ɔ́tɔ́, na vatɔ́ɔ́tɔ́ ŋgo wo ojanámó anáá wutúú owó maté, hɔrɔ́ itétí yó arɔ́ɔ́ ka tátéta, ovaŋgámó ombasáŋgá eŋgendɔ etátó.» 35Pyéere a ye naá anáá: «Tɔɔ wó né susámó anáá ŋgwé orɔŋgɔ nɔɔ, mbéndɔ́ ta waŋga owasáŋgá.» Kó vihoóhóná bimé ví ma járá seém wa wandá.
Yésusu a vásoóriyámó na pandó éjé anáá Getesemané
(Már 14:32-42; Rúk 22:40-46)
36Yésusu a ma endá húmé na vihoóhóná vyáá na pandó ejé vá béráanámó anáá Getesemané, kó a jarámó na vihoóhóná anáá: «Cánáno ará, noó ŋgo endámó nanyá na ondo vásoóriye.» 37Kó a ma wɔ́rɔ́ Pyéere na embwene ra Sebedé eba. Kó a kesyámó wóvá wohwa a etá noóŋgo. 38A járámó nawó anáá: «Otémá ramé yó té ová makáná má nugwé, cánáno ará, no kuré orɔŋgɔ name.» 39Kó Yésusu a ma kerététá kenja a ma vámícé mondá na cí, okésyé mbásóóríyé a ye anáá: «Tetáŋgá, ŋgé wó ámó ibuúbu, ŋgá anáá ndeya ra makáná éjé yo enda urehí name, kó siki ŋgá na mbaŋgena rɔɔ ate mbaŋgena rame.» 40Kó Yésusu a ma wunde na vihoóhóná íví vítátó, o wó etiye otonó. Kó a eŋgámó na Pyéere anáá: «Nanaá wó ámó anáá no ta timbé ŋguru ra okuré name tɔɔ nowora númwéesií? 41Kúráno no wásóóriye ombótá ojó anáá no teŋge nobena na vimaa. Ireréŋgi é ámó váhéndé vahéndé anáá é kuré, é vásóóriye, nótó é mwané e ámó na wubire.» 42Yésusu a wundámó hée wenda kenja na eŋgendɔ eba na onde wasóóriye a ye anáá: «Tetáŋgá, ŋgé o ta píti weŋga anáá ndeya ra makáná éjé e ncaára, ŋgá mbaŋgéná rɔɔ yo eŋgavena.» 43Kó a wundámó hée ará vihoóhóná vyáá ví katé rií, o wó atiye na tónó esene éyé anáá aŋgísó rawó a ma rii tonó na tonó. 44Kó a ta ma járá wandá owunde kenja na mbasóóriye na eŋgendɔ etató ojárá sɛ́ɛm ra vipéŋgé ámó í vyá wusó. 45Kó a ma wundé ará vihoóhóná ví katé rii a jarámó nawó anáá: «Ndáádánáno tonó, no huuhuwe! Tetee ojó, itíndíkáná yó etá berebe ijí vá waŋgámó o sérá Mwaná moto na embɔɔ́ ra vato va nyéŋgé. 46Hatéénáno to no enda, enáno moto ojó a cérámó a ojine.»
Kambeena ra Yésusu
(Már 14:43-52; Rúk 22:47-53; Yoh 18:2-11)
47Yésusu a timbe enjárá na uŋgúté, Yúdasa, umweesií ójó na enásá yábɔ́t na eba a ma endá húmé na ncumbí wa vato vá timbé námá na motimbó, vagónó vá vacekiye mómí na vagónó ává na edɔŋgɔ káva vá ma wó tómá. 48Yúdasa ójo a ma mo sérá a ma wó hwá ndeme anáá: «Ojo ŋgo ne o mo vatiyámó na ŋgundi, wó ámó ómwané o me ambáánamáno.» 49Ikɔkɔ ka tómbá, Yúdasa a kerenámó Yésusu a ma járá náá anáá: «Ŋgo wo wetiye Oyéere!» Kó a mo girimanámó na ŋgundi. 50Yésusu a ma járá náá anáá: «Mbéráa, soŋgiyé weŋga até eyé o mó uré onde eŋgá.» Kó vasɔ́ɔ́ vá ma kerá wambaana Yésusu. 51Omwesií ojó a ma rii orɔŋgɔ na Yésusu a ma hatiyé ombɔɔ́ ojona námá ráá, osombá otú rá yeŋga manɔnɔwɔ yá ogónó wa acekiye mómí. 52Yésusu a ma járá naá sɔ́ anáá: «wundyé námá rɔɔ na undií ráá, esene éyé bimé ává vá wɔ́rɔ́mó námá vá né gwámó námá. 53O buŋganámó anáá ta ohítí obérána Tetáŋgá? A mó eŋga a tómena mokíví mwa va éŋgerese mwábɔ́t na móváné kwakwa anáá vá endá kamana name. 54Náná kówo mamba ma géremenámó wo eŋgewena ombótá ojó anáá até eyé va mwáŋ mwáŋ va vitiráná vá ma járá yó eŋgávena.» 55Yésusu a ma járá nawó anáá: «Ye wó mó súsé anáá no uré na námá na mbóŋgó anáá no nde ŋgambaana? Mɔmo eŋga anáá ndámó yoná vato. Isí yímé ŋgo katé rií indindiŋ na yanje yá Irɔŋgɔ na oyeére ówó vato, kó no tá ŋgambáána. 56Wimé omówo wó ma eŋgávená ombótá ojó anáá até eyé vahúmíye máaró vá ma tiré wó eŋgéwena.» Kó vihoóhóná bimé ví ma me céŋgítyé obwɔ́nɔ́nɔ.
Yésusu a terémenámó na jósi
(Már 14:53-65; Rúk 22:54-55, 63-71; Yoh 18:12-18)
57Vato ává vá ma ambáána Yésusu vá ma enda náá na ogónó wa acekiye mómí ojó Kayípe, esene éyé na ómwané kówo vayéere vá mbéndɔ́ na vagónó ava na edɔŋgɔ vá ma vawónjééná. 58Pyéere a ma ré o té byɔɔnɔ Yésusu na nímé urehí onde húmé na naŋgáté ra ogónó wa acekiye mómí, kó a ma nde nuumana orɔŋgɔ na vato vá manɔnɔwɔ vá Kayípe, ombótá ójó anáá a ená ámó maró mwané a vaŋgámó omana. 59Vagónó vá vacekiye mómí na yanje yá jósi yimé vá ma ré sɔsɔ ucé rá sɔ́mɔnɔ tɔɔ na vibátá ukú ójó anáá vá sómbéna Yésusu ntóró ra nugwé. 60Kó vá ta wɔ́ŋgɔ́, ítɔɔ ámó ombunu rá vato ó katé oja viwána na nótó ra Yésusu. Na mamana, vato bává vá ma uré 61onde oja anáá: «Moto ojó a ma járá anáá a pityámó o baŋgóna yanje yá Irɔŋgɔ, owunde oháá na mesí matátó.» 62Ogónó wa acekiye mómí a ma haténá ojárá na Yésusu anáá: «O ta járá wandá na sɔ́mɔnɔ vá vató ává bimé?» 63Kó Yésusu a ma rii ihóhó. Ogónó wa acekiye mómí a ma járá sɔ́ naá anáá: «Na ebérááná yá Irɔŋgɔ ojó a hwénámó, o só ojánámó ŋge mámó kójó moto ójó Irɔŋgɔ a ma tomá, Mwaná Irɔŋgɔ.» 64Yésusu a wundyámó anáá: «Mɔmó ojó ojárámó náná. Wó je rií anáá okésyé owó tetee ojó, ŋgo nó ojánámó anáá no waŋgámó wená Mwaná moto indindiŋ na ombámbáné ra Irɔŋgɔ ojó a ámó ŋguru iŋgimé, kó no né wundámó o me ená a enda uré na máná naáté vyá viyásá.» 65Kó ogónó wa acekiye mómí a ma saróná cunú ráá a járá anáá: «A mó séyá Irɔŋgɔ! To ta ne waŋga hée va tiseenye, vinó maté no mó ová ceyɔ́. 66Vinó no enámó ené?» Bimé vá ma wundyé anáá: «A germenámó na nugwé.» 67Kó vá ma mo cáká metí na wusó o me twaná vikúté avámó o mo vacúpana embéré 68vá járá anáá: «Mámó ójó Irɔŋgɔ a ma tómá, tíhíyé anáá o ámó ahúmíye maró, o só ojánámó moto ojó a mó wo wóbá?»
Pyéere a vásáŋgámó Yésusu
(Már 14:66-72; Rúk 22:56-62; Yoh 18:17, 25-27)
69Pyéere a katé rií indindíi na naŋgáté. Okótó omo a rií yeŋga manɔnɔwɔ a ma me keréná aye naá anáá: «Mámó hónó o katé rií na Yésusu, mwaná wa Gariréya omójo!» 70Kó Pyéere a ma vásáŋgá na aŋgísó rá moto uŋgimé a járá anáá: «Ta jembé até éyé o diŋgámó anáá o járá.» 71Amó a ma ríi a té enda pere ra ohótó rá iruŋgé anáá a húmé, okótó undyé a ma me ená kó a ma járá na vato ává vá ma ríi ɔ́wɔ́ anáá: «Moto ójó a má katé rií orɔŋgɔ na Yésusu ójó na Nasaréte.» 72Pyéere a ma wundé ovásáŋgá hɔ́rɔ́ a ryáana vivérá anáá: «Noó ta jembé moto omójo!» 73Na nimé raá, vato ává vá ma ríi ɔ́wɔ́ vá ma kerá berebe na Pyéere váye naá anáá: «Na vatɔ́ɔ́tɔ́, na vatɔ́ɔ́tɔ́ mámó hónó o ámó umweesií ójó na vámwané esene éyé o timbámó kána ra ojárá éjé e wo sɔ́mɔ́nɔmó.» 74Kó Pyéere a ma késyé ojárá anáá: «Ŋgá Irɔŋgɔ a mpwénísye ŋgé njeényámó! Ŋgo káte ryá anáá noó ta jembé moto omójo!» Ikɔkɔ ka mana, itétí e ma tátétá, 75kó Pyéere a ma buŋgé até éyé Yésusu a ma járá naá anáá: «O vaŋgámó o mbásáŋgá eŋgendɔ etató hɔ́rɔ́ itétí yó arɔ́wɔ́ ka tátá.» Pyéere a ma húmé ondo cékíme na mbií nasesi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL