Matyáasa 22
22
Nkaná ra ibínó yá nobá
(Rúk 14:15-24)
1Yésusu a ma wundé hée okésyé ojárá nawó na nkaná ayáá: 2«Edɔŋgɔ éyé na máná é ámó sɛ́ɛm ámó ahumu ámó ájá á ma táná ibínó yá nobá na wusó ombwene ráa. 3Kó a ma tómá veŋga manɔnɔwɔ váá anáá vá béráana vato ává a ma téháná, kó vato mwané vá ta ma diŋge anáá vá uré. 4Ahumu a ma wunde otómá veŋga manɔnɔwɔ véndyé índí vá endá járá nawó anáá: Ŋgo mána komesana ibínó, ndɔne ramé na nama ramé rá mewúté yó mána sómbávena, wimé wó etá héndé héndé, úráno na íbínó. 5Kó vámwané ka bísí, vá ma endáná, oojó na kondo raá, oojó na mékíte máa, 6ávámó vá ma ambáána veŋga manɔnɔwɔ vá ahumu o wó tuúriye o wó oná. 7Mbésé e ma náátá ahumu kó a ma tómá visimbi vyáa, woná vato mwané, owunde oheénye oŋgórá ráwó. 8Kó ahumu á ma járá na veŋga manɔnɔwɔ váa anáá: Manyá má omana obéná kó vato ává ŋgo má téháná vá ta geréméná na manyá mwané. 9Kaá ndáno sɔɔ́ na masaráŋgana má enjɔ́ŋɔ́, no béráana vato bimé ává no né etíyámó índi vá uré na ibínó. 10Veŋga manɔnɔwɔ amáva vá ma endáná na pé iŋgímána, owónjéena vato bimé ává vá ma bérúmáná nawó, vambé na vesi kó yanje yá ibínó é ma núwé táásé na vato. 11Ahumu a ma iŋgááná na yanje yá ibínó anáá a ená vato kó a ma ená moto omo ɔ́wɔ́ ojó a ta ma ré byá cunú ra ibíno. 12Ahumu a ma me súsé anáá: Mbérá wame, twiŋí kówo o mó iŋgáana eéná ka byá cunú ra ibínó? Moto omójo uŋgúté múk. 13Ahumu a ma jára na veŋga manɔnɔwɔ váa anáá: O me wótámáno embɔɔ́ na eŋgoró, no me umbe na mbínó éjé na naŋgáté ɔ́wɔ́ kówo mbií í né riyámó na vikárátá vyá wandona.» 14Yésusu a ma járá na vato amáva anáá: «Ombunu rá vato ó ámó béráánérí kó ava vá ámó ijátérí vá ámó dekátií.»
Ye vá géremenámó oyáána tása?
(Már 12:13-17; Rúk 20:20-26)
15Kó va Pariséne vá ma enda, weŋga isɔké índi vá támbéna Yésusu itámbó ukú ójó anáá vá me ambáána na vipéŋgé vyáa maté. 16Kaá va ma me tóméná vihoóhóná vyáwó orɔŋgɔ na vato ává na ncámbá ra Eróde índí vá endá ojárá naá anáá: «Oyéere, to jembámó anáá wojámó vatɔ́ɔ́tɔ́. O ta tíné moto kó o ta néméná anáá oojó a ámó aaná kó oojó a ámó aaná. Oyeérámó vato pé rá Irɔŋgɔ na vatɔ́ɔ́tɔ́ bime. 17O só ojánámó sɔɔ́n mbuŋgáná rɔɔ. Ye to geremenámó oyáána tása na ogónó wa ahumu kee to ta geréméná oyáána?» 18Yésusu a ma núútáná anáá vá katé me uréna na encomo kó a ma járá nawó anáá: «Wusó wá até kówo no támbénámó itámbó aá vampará! 19Tíhíyámáno mwení íjí vá yáánámó tása nijí.» Kó vá ma me tíhíye ekpama yá mwení. 20Yésusu a ma wó súsé anáá: «Eheere éyé na mwení ijí na ntiráná íjí ɔ́wɔ́ mó ámó mwá áné?» 21Váye naá anáá: «Mó ámó mwá ogónó wa ahumu.» Kó a eŋgámó nawó anáá: «Wundíyáno sɔ́ ogónó wa ahumu até éyé é ámó yá ogónó wa ahumu, no wundiye Irɔŋgɔ até éyé é ámó yá Irɔŋgɔ.» 22Ojárá ówó Yésusu a ma járá nawó náná, vá ma kémbyé wandá mwané kó vá ma me cé hɔ́rɔ́ osoŋgonana.
Ehonowa yá mbimbe
(Már 12:18-27; Rúk 20:27-40)
23Isí mwané hée, va Saduseéne vá ma keréná Yésusu. Vá mwané vá ma járá anáá ehonowa yá mbimbe é ta ámó ɔ́wɔ́ kó vá ma me súsé anáá: 24«Oyéere, Mósese a ma járá anáá moto a gwé ka timbe mwaná, navéne ocáná na kúsú raá índi a me hwá mbɔŋɔ ra vato. 25Wó je rií anáá na edɔŋgɔ yá visó, va navéne vato vá ma ríi báráátó na umweesií. Ojo wa kakésyé a ma ríi mbéná kó a ma gwé ka timbe mwaná, navéne ójó tii ocáná na kúsú raá. 26Ó mwané hónó kpumgbum. Ojo wité ówó na vátátó honó ugwé kó bimé báráátó na umweesií vá ma maná gwɔ́s. 27Na nimé rawó, kúsú eméje hónó mbimbe. 28Kó visó to mó díŋge aá to wo súse anáá okótó mwané a mó ríyámó í wa áné isí éyé vá mó hónowanámó? Esené bimáná vá ma me bá.» 29Yésusu a ma wó wúndíyé anáá: «No ámó na moba esene éyé no ta jembé tɔɔ aŋgóŋgí ájá mwáŋ mwáŋ tɔɔ ŋguru ra Irɔŋgɔ. 30Isí yá ehonowa, moto a ta mó ne báána, moto uŋgimé a mó riyámó ámó véŋgerese ává na máná. 31Kó na até éyé é néménámó ehonowa yá mbimbe, no ta ma bána enjárá éjé Irɔŋgɔ a ma járá na vinó? 32A ma járá anáá a ámó Irɔŋgɔ wa Abaraháma, Irɔŋgɔ wa Isáka na Irɔŋgɔ wa Yákɔwɔ; a ta ámó Irɔŋgɔ wa vigwé, a ámó Irɔŋgɔ wa ava vá whénámó.» 33Ará vato vá ma ová maro mwané, vá ma káŋgáná tembémé témbémé.
Mbéndɔ́ ra makésyé na mbéndɔ́ íŋgímé
(Már 12:28-34; Rúk 10:25-28)
34Ará va Pariséne vá ma ová anáá Yésusu a mó ité va Suduséne iŋgúté, kó vá ma váwónjééná. 35Kaá umweesií ójó na vámwané, oyéere wa mbéndɔ́ a ma diŋgé anáá a támbéna Yésusu itámbó kó a ma me súsé anáá: 36«Oyéere, ijaté iki kíji í cákámó orií ígonó na mbéndɔ́?» 37Yésusu a ma me wundíyé anáá: «O geremenámó odiŋge Okí Irɔŋgɔ wɔɔ na otémá rɔɔ́ uŋgímé, na ireréŋgi yɔɔ́ yimé kó na peyɔ rɔɔ iŋgimé. 38Eje ra makésyé e wunde e rií egónó kéemé. 39Kaá eje tii éjé e puranámó naá e ámó anáá: O geremenámó odiŋge nɔvéne ámó mámó maté? 40Muki úmú móváné umúmu kúmu mó eŋgámó mbéndɔ́ ra Mósese iŋgimé na ehoóhona yá vahúmíye maró vá Irɔŋgɔ.»
Mwaná Dáviti na Okí waá
(Már 12:35-37; Rúk 20:41-44)
41Va Pariséne vá ma ríi wónjéénérí kó Yésusu a ma wó súsé anáá: 42«Vinó no buŋganámó eéné na wusó wá ojo Irɔŋgɔ a ma ijátá? A ámó ukúmbú rá ané?» Vá ma me wundíyé anáá: «A ámó ukúmbú rá Dáviti.» 43Kó Yésusu a ma járá nawó anáá: «Na wusó wá até sɔɔ́ kówo Dáviti ará Ireréŋgi éyé mwáŋ mwáŋ é ma me tááténá a ma me bérááná anáá Okí? Esené Dáviti a ma járá anáá:
44Okí a ma járá na Okí wame anáá,
uré ondo nuumana na ombɔɔ́ ramé rá ombaábáné
ondo humé ará ŋgo né váámó vambéembéná vɔɔ́ na cí rɔɔ ra eŋgoró.
45Kó wá rí anáá Dáviti a me béráanámó anáá Okí, twiiŋí kówo ojo Irɔŋgɔ a ma ijátá a ámó orií ukúmbú rá Dáviti mwané?» 46Kó ámó moto a ta ma hítí owundiye Yésusu ŋgaráná, okésyé ówó isí mwané moto a ta ma né rékána o me súsé cúcáná.
လက္ရွိေရြးခ်ယ္ထားမွု
Matyáasa 22: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 22
22
Nkaná ra ibínó yá nobá
(Rúk 14:15-24)
1Yésusu a ma wundé hée okésyé ojárá nawó na nkaná ayáá: 2«Edɔŋgɔ éyé na máná é ámó sɛ́ɛm ámó ahumu ámó ájá á ma táná ibínó yá nobá na wusó ombwene ráa. 3Kó a ma tómá veŋga manɔnɔwɔ váá anáá vá béráana vato ává a ma téháná, kó vato mwané vá ta ma diŋge anáá vá uré. 4Ahumu a ma wunde otómá veŋga manɔnɔwɔ véndyé índí vá endá járá nawó anáá: Ŋgo mána komesana ibínó, ndɔne ramé na nama ramé rá mewúté yó mána sómbávena, wimé wó etá héndé héndé, úráno na íbínó. 5Kó vámwané ka bísí, vá ma endáná, oojó na kondo raá, oojó na mékíte máa, 6ávámó vá ma ambáána veŋga manɔnɔwɔ vá ahumu o wó tuúriye o wó oná. 7Mbésé e ma náátá ahumu kó a ma tómá visimbi vyáa, woná vato mwané, owunde oheénye oŋgórá ráwó. 8Kó ahumu á ma járá na veŋga manɔnɔwɔ váa anáá: Manyá má omana obéná kó vato ává ŋgo má téháná vá ta geréméná na manyá mwané. 9Kaá ndáno sɔɔ́ na masaráŋgana má enjɔ́ŋɔ́, no béráana vato bimé ává no né etíyámó índi vá uré na ibínó. 10Veŋga manɔnɔwɔ amáva vá ma endáná na pé iŋgímána, owónjéena vato bimé ává vá ma bérúmáná nawó, vambé na vesi kó yanje yá ibínó é ma núwé táásé na vato. 11Ahumu a ma iŋgááná na yanje yá ibínó anáá a ená vato kó a ma ená moto omo ɔ́wɔ́ ojó a ta ma ré byá cunú ra ibíno. 12Ahumu a ma me súsé anáá: Mbérá wame, twiŋí kówo o mó iŋgáana eéná ka byá cunú ra ibínó? Moto omójo uŋgúté múk. 13Ahumu a ma jára na veŋga manɔnɔwɔ váa anáá: O me wótámáno embɔɔ́ na eŋgoró, no me umbe na mbínó éjé na naŋgáté ɔ́wɔ́ kówo mbií í né riyámó na vikárátá vyá wandona.» 14Yésusu a ma járá na vato amáva anáá: «Ombunu rá vato ó ámó béráánérí kó ava vá ámó ijátérí vá ámó dekátií.»
Ye vá géremenámó oyáána tása?
(Már 12:13-17; Rúk 20:20-26)
15Kó va Pariséne vá ma enda, weŋga isɔké índi vá támbéna Yésusu itámbó ukú ójó anáá vá me ambáána na vipéŋgé vyáa maté. 16Kaá va ma me tóméná vihoóhóná vyáwó orɔŋgɔ na vato ává na ncámbá ra Eróde índí vá endá ojárá naá anáá: «Oyéere, to jembámó anáá wojámó vatɔ́ɔ́tɔ́. O ta tíné moto kó o ta néméná anáá oojó a ámó aaná kó oojó a ámó aaná. Oyeérámó vato pé rá Irɔŋgɔ na vatɔ́ɔ́tɔ́ bime. 17O só ojánámó sɔɔ́n mbuŋgáná rɔɔ. Ye to geremenámó oyáána tása na ogónó wa ahumu kee to ta geréméná oyáána?» 18Yésusu a ma núútáná anáá vá katé me uréna na encomo kó a ma járá nawó anáá: «Wusó wá até kówo no támbénámó itámbó aá vampará! 19Tíhíyámáno mwení íjí vá yáánámó tása nijí.» Kó vá ma me tíhíye ekpama yá mwení. 20Yésusu a ma wó súsé anáá: «Eheere éyé na mwení ijí na ntiráná íjí ɔ́wɔ́ mó ámó mwá áné?» 21Váye naá anáá: «Mó ámó mwá ogónó wa ahumu.» Kó a eŋgámó nawó anáá: «Wundíyáno sɔ́ ogónó wa ahumu até éyé é ámó yá ogónó wa ahumu, no wundiye Irɔŋgɔ até éyé é ámó yá Irɔŋgɔ.» 22Ojárá ówó Yésusu a ma járá nawó náná, vá ma kémbyé wandá mwané kó vá ma me cé hɔ́rɔ́ osoŋgonana.
Ehonowa yá mbimbe
(Már 12:18-27; Rúk 20:27-40)
23Isí mwané hée, va Saduseéne vá ma keréná Yésusu. Vá mwané vá ma járá anáá ehonowa yá mbimbe é ta ámó ɔ́wɔ́ kó vá ma me súsé anáá: 24«Oyéere, Mósese a ma járá anáá moto a gwé ka timbe mwaná, navéne ocáná na kúsú raá índi a me hwá mbɔŋɔ ra vato. 25Wó je rií anáá na edɔŋgɔ yá visó, va navéne vato vá ma ríi báráátó na umweesií. Ojo wa kakésyé a ma ríi mbéná kó a ma gwé ka timbe mwaná, navéne ójó tii ocáná na kúsú raá. 26Ó mwané hónó kpumgbum. Ojo wité ówó na vátátó honó ugwé kó bimé báráátó na umweesií vá ma maná gwɔ́s. 27Na nimé rawó, kúsú eméje hónó mbimbe. 28Kó visó to mó díŋge aá to wo súse anáá okótó mwané a mó ríyámó í wa áné isí éyé vá mó hónowanámó? Esené bimáná vá ma me bá.» 29Yésusu a ma wó wúndíyé anáá: «No ámó na moba esene éyé no ta jembé tɔɔ aŋgóŋgí ájá mwáŋ mwáŋ tɔɔ ŋguru ra Irɔŋgɔ. 30Isí yá ehonowa, moto a ta mó ne báána, moto uŋgimé a mó riyámó ámó véŋgerese ává na máná. 31Kó na até éyé é néménámó ehonowa yá mbimbe, no ta ma bána enjárá éjé Irɔŋgɔ a ma járá na vinó? 32A ma járá anáá a ámó Irɔŋgɔ wa Abaraháma, Irɔŋgɔ wa Isáka na Irɔŋgɔ wa Yákɔwɔ; a ta ámó Irɔŋgɔ wa vigwé, a ámó Irɔŋgɔ wa ava vá whénámó.» 33Ará vato vá ma ová maro mwané, vá ma káŋgáná tembémé témbémé.
Mbéndɔ́ ra makésyé na mbéndɔ́ íŋgímé
(Már 12:28-34; Rúk 10:25-28)
34Ará va Pariséne vá ma ová anáá Yésusu a mó ité va Suduséne iŋgúté, kó vá ma váwónjééná. 35Kaá umweesií ójó na vámwané, oyéere wa mbéndɔ́ a ma diŋgé anáá a támbéna Yésusu itámbó kó a ma me súsé anáá: 36«Oyéere, ijaté iki kíji í cákámó orií ígonó na mbéndɔ́?» 37Yésusu a ma me wundíyé anáá: «O geremenámó odiŋge Okí Irɔŋgɔ wɔɔ na otémá rɔɔ́ uŋgímé, na ireréŋgi yɔɔ́ yimé kó na peyɔ rɔɔ iŋgimé. 38Eje ra makésyé e wunde e rií egónó kéemé. 39Kaá eje tii éjé e puranámó naá e ámó anáá: O geremenámó odiŋge nɔvéne ámó mámó maté? 40Muki úmú móváné umúmu kúmu mó eŋgámó mbéndɔ́ ra Mósese iŋgimé na ehoóhona yá vahúmíye maró vá Irɔŋgɔ.»
Mwaná Dáviti na Okí waá
(Már 12:35-37; Rúk 20:41-44)
41Va Pariséne vá ma ríi wónjéénérí kó Yésusu a ma wó súsé anáá: 42«Vinó no buŋganámó eéné na wusó wá ojo Irɔŋgɔ a ma ijátá? A ámó ukúmbú rá ané?» Vá ma me wundíyé anáá: «A ámó ukúmbú rá Dáviti.» 43Kó Yésusu a ma járá nawó anáá: «Na wusó wá até sɔɔ́ kówo Dáviti ará Ireréŋgi éyé mwáŋ mwáŋ é ma me tááténá a ma me bérááná anáá Okí? Esené Dáviti a ma járá anáá:
44Okí a ma járá na Okí wame anáá,
uré ondo nuumana na ombɔɔ́ ramé rá ombaábáné
ondo humé ará ŋgo né váámó vambéembéná vɔɔ́ na cí rɔɔ ra eŋgoró.
45Kó wá rí anáá Dáviti a me béráanámó anáá Okí, twiiŋí kówo ojo Irɔŋgɔ a ma ijátá a ámó orií ukúmbú rá Dáviti mwané?» 46Kó ámó moto a ta ma hítí owundiye Yésusu ŋgaráná, okésyé ówó isí mwané moto a ta ma né rékána o me súsé cúcáná.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL