Matyáasa 14
14
Nugwé na Yóhanese adwe vato
(Már 6:14-29; Rúk 9:7-9; 3:19-20)
1Itindikána mwané, Erode ójó a ma rií njwé na Gariréya, a ma ová vá járá ndɔ́ŋɔ́ rá Yésusu. 2A ma járá na veŋga manɔnɔwɔ váá anáá: «Wó ámó Yóhanese adwe vato kójo a mó hónowa na ráaté wa vigwé, wusó mwané kówo a timbámó ŋguru ra weŋga ówó mesimbá.» 3Wó je rií anáá Eróde a ma erééná ŋguru anáá vá ambáana Yóhanese vá me nɔ na mboo. Wó ma ríi na wusó wá Erodyáde okótó wa navéne Eróde ojó Fíripi. 4Esené eyé Yóhanese a katé járá na Erode anáá a ta geréména obá Erodyáde. 5Tɔɔ ámó Eróde a katé diŋge anáá a oná Yohánese, a katé tíné vato esene éyé vá katé wɔ́rɔ́ Yóhanese ámó ahúmíye maró wa Irɔŋgɔ. 6Kó isí yá ibuŋge njuri ra ebyánávéná yá Eróde, ŋgwande ra Erodyáde e ma bíné wusi na aŋgísó rá Erode na biní vyáá kó wandá mwané wó má me wɔ́tɔ́ 7kaá Eróde a ma ryá ewérá anáá a waŋgámó o mo hwá wandá wimé owó a waŋgámó o mo súsé. 8Netí ójó Erodyáde a ma me rébá anáá a enda ojárá na Eróde anáá: «Pwámó ucé ra Yohánese adwe vato naáté yá pésínja eéná.» 9Ahumu a ma késyé wová otémá okáná, kó ámó a ma ryá ewéra na aŋgísó ra biní vyáá a má erééna ŋguru anáá vá endá me hwá. 10Kó a ma tóma moto anáá a endá kaha Yohánese naáté yá yanje yá mboo. 11Ucé o ma endá uré naáté yá pésínja kó vá ma cekíyé ŋgwande ra okótó, ómwané hónó a ma enda weréena netí. 12Vihoóhona vyá Yohánese ví ma uré ondo wɔ́rɔ́ mbimbe raá otítána kó vá ma endá ojana Yésusu até eyé e ma tómbá.
Yésusu atɔŋyámó vato tɔɔsini isáánó
(Már 6:30-44; Rúk 9:10-17; Yoh 6:1-15)
13Ará Yésusu a ma ová cómó mwané a ma nááta na ŋgɔmbe wenda ndendéŋgé homó ówó vato vá ta ámó. Ará vató hónó vá ma jembé, kó vá ma urúkyána na eŋgórá rawó o me byɔɔnɔ na eŋgoró. 14Ará Yésusu a ma sisé na ŋgɔmbe, a enámó cumbí wa vato kó noóŋgo no mó ambaanámó na wusó wa vato ava, a ondoonámó vinɔ́ vyáwó. 15Ará eneŋgá e ma sisé vihoóhóná vyáá ví ma mo keréná vá ma járá náá anáá: «Enéŋga yó etá ɔ́wɔ́ kó pandó ejé e ta ámó na wandá. Járá na vato anáá vá endana na vidɔŋgɔ iví na kɔ́ŋgɔ ombótá ojó anáá vá nde sɔsɔ wandá wa wónyá.» 16Yésusu a ma wundíyé anáá: «Otámó na mpí anáá vá endána, owó hwámano vinó maté manyá.» 17Koó vá jarámó náá anáá: «To timbámó ará bɛ́ŋ va beréte vátáánó na cwíí ibé.» 18Yésusu wundyámó anáá: «Ndano pwá.» 19Kó a ma járá na vato anáá vá numana namáná ra ihuwe, a wɔ́rɔ́mó beréte na cwí imíji a nemenámó na máná, a eréénámó Irɔŋgɔ memɔ́, a cécenámó beréte weréena vihoóhóná anáá vá taŋgiye vato. 20Bimé vá ma nyá wobéyána, visimbí íví ví ma cáná vá ma tótá onwíyé visáŋga vyábɔ́t na vivé. 21Vato ává vá ma nyá vá ma rii ohúmé wandá ámó vato tɔɔsini isáánó ka bana vakótó na vaájo.
Yésusu a ndendámó na máná ra matéyá
(Már 6:45-52; Yoh 6:16-21)
22Ikɔkɔ ka mana na nimé raá, Yésusu a ma jitímíyé vihoóhóná vyáá anáá vá naáta na ŋgɔ́mbe vá jowa mbóró itindikána ijí ómwané a eŋgámó anáá vato vá etána. 23Ará vato vá ma maná wendana, a ma enda na yene na ondo vasóóriye mbinó e ma obá Yésusu a téné hɔ́rɔ́ moká, 24ŋgɔmbé e ma rii yo etá orehi na ráaté wa esɔ́, kó puŋgi e katé ruŋge, ombukiyé o nde wa nubé na ŋgɔmbe esene éyé puŋgi e katé ondo urána pere éjé vá mwané vá katé enda. 25Naáté yá wutúú démdém, Yésusu a ma té byɔ́ɔnɔ vihoóhóná vyáá a ndenda na máná ra matéyá. 26Wená owó vihoóhóná ví ma mo ená vá ma késyé riímana na wokótó vá rúme vá járá anáá: «Wó ámó nkúú.» 27Kó Yésusu a ma sóŋgiyé o járá na wó anáá: «No teŋgé no tíné wó ámó noó!» 28Pyéere a ma járá naá anáá: «Okí, ŋgé wó ámó sáá mámó, járá name anáá ndenda na máná ra matéyá ŋgo uré na mámó.» 29Yésusua ma járá naá anáá: «Uré!» Kó Pyéere a ma sisé na ŋgɔmbe o ndenda na máná ra mateyá wenda pere ejé Yésusu a katé rií. 30Wó je rií anáá ará a ma ená puŋgi e ruŋge, kó a ma ová wóhwaá a te kesyé anáá a nímé kó a ma rúmétá anáá: «Okí, cotyámó!» 31Yésusu a ma híráná o me tóndiini ombɔɔ́ a mó ambaanámó kó a ma járá náá anáá: «Ŋgɔtɔ́wena rɔɔ e ámó katitií, na wusó owaté kówo omo petaana?» 32Vá ma náátá bimé vává na ŋgɔmbe kó puŋgi tɔmbɔmó. 33Kó vihoóhóná iví ví ma rií naáté yá ŋgɔmbe ví ma kútyé mabɔ́ŋɔ́, na wusó wáá vá járá anáá: «Na vatɔ́ɔ́tɔ́, na vatɔ́ɔ́tɔ́ o ámó Mwaná wa Irɔŋgɔ!»
Yésusu a ondóonámó vinɔ́ na Genesaréte
(Már 6:53-56)
34Ará vá ma humé mbóró, vá ma wáá eŋgoró na edɔŋgɔ eyé vá béráanámó anáá Genesaréte. 35Vato ává ɔ́wɔ́ vá ma renjá Yésusu, kó vá ma sarámándíyé cómó na edɔŋgɔ yímé, kó vá ma mó urána na vinɔ́ bímé. 36Vato vá ma me vásóóriyé anáá amice vinɔ́ imíví ví tahatena cunú ráá kó bimé ává vá ma tahá cunú ráá vá ma ondówá.
လက္ရွိေရြးခ်ယ္ထားမွု
Matyáasa 14: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 14
14
Nugwé na Yóhanese adwe vato
(Már 6:14-29; Rúk 9:7-9; 3:19-20)
1Itindikána mwané, Erode ójó a ma rií njwé na Gariréya, a ma ová vá járá ndɔ́ŋɔ́ rá Yésusu. 2A ma járá na veŋga manɔnɔwɔ váá anáá: «Wó ámó Yóhanese adwe vato kójo a mó hónowa na ráaté wa vigwé, wusó mwané kówo a timbámó ŋguru ra weŋga ówó mesimbá.» 3Wó je rií anáá Eróde a ma erééná ŋguru anáá vá ambáana Yóhanese vá me nɔ na mboo. Wó ma ríi na wusó wá Erodyáde okótó wa navéne Eróde ojó Fíripi. 4Esené eyé Yóhanese a katé járá na Erode anáá a ta geréména obá Erodyáde. 5Tɔɔ ámó Eróde a katé diŋge anáá a oná Yohánese, a katé tíné vato esene éyé vá katé wɔ́rɔ́ Yóhanese ámó ahúmíye maró wa Irɔŋgɔ. 6Kó isí yá ibuŋge njuri ra ebyánávéná yá Eróde, ŋgwande ra Erodyáde e ma bíné wusi na aŋgísó rá Erode na biní vyáá kó wandá mwané wó má me wɔ́tɔ́ 7kaá Eróde a ma ryá ewérá anáá a waŋgámó o mo hwá wandá wimé owó a waŋgámó o mo súsé. 8Netí ójó Erodyáde a ma me rébá anáá a enda ojárá na Eróde anáá: «Pwámó ucé ra Yohánese adwe vato naáté yá pésínja eéná.» 9Ahumu a ma késyé wová otémá okáná, kó ámó a ma ryá ewéra na aŋgísó ra biní vyáá a má erééna ŋguru anáá vá endá me hwá. 10Kó a ma tóma moto anáá a endá kaha Yohánese naáté yá yanje yá mboo. 11Ucé o ma endá uré naáté yá pésínja kó vá ma cekíyé ŋgwande ra okótó, ómwané hónó a ma enda weréena netí. 12Vihoóhona vyá Yohánese ví ma uré ondo wɔ́rɔ́ mbimbe raá otítána kó vá ma endá ojana Yésusu até eyé e ma tómbá.
Yésusu atɔŋyámó vato tɔɔsini isáánó
(Már 6:30-44; Rúk 9:10-17; Yoh 6:1-15)
13Ará Yésusu a ma ová cómó mwané a ma nááta na ŋgɔmbe wenda ndendéŋgé homó ówó vato vá ta ámó. Ará vató hónó vá ma jembé, kó vá ma urúkyána na eŋgórá rawó o me byɔɔnɔ na eŋgoró. 14Ará Yésusu a ma sisé na ŋgɔmbe, a enámó cumbí wa vato kó noóŋgo no mó ambaanámó na wusó wa vato ava, a ondoonámó vinɔ́ vyáwó. 15Ará eneŋgá e ma sisé vihoóhóná vyáá ví ma mo keréná vá ma járá náá anáá: «Enéŋga yó etá ɔ́wɔ́ kó pandó ejé e ta ámó na wandá. Járá na vato anáá vá endana na vidɔŋgɔ iví na kɔ́ŋgɔ ombótá ojó anáá vá nde sɔsɔ wandá wa wónyá.» 16Yésusu a ma wundíyé anáá: «Otámó na mpí anáá vá endána, owó hwámano vinó maté manyá.» 17Koó vá jarámó náá anáá: «To timbámó ará bɛ́ŋ va beréte vátáánó na cwíí ibé.» 18Yésusu wundyámó anáá: «Ndano pwá.» 19Kó a ma járá na vato anáá vá numana namáná ra ihuwe, a wɔ́rɔ́mó beréte na cwí imíji a nemenámó na máná, a eréénámó Irɔŋgɔ memɔ́, a cécenámó beréte weréena vihoóhóná anáá vá taŋgiye vato. 20Bimé vá ma nyá wobéyána, visimbí íví ví ma cáná vá ma tótá onwíyé visáŋga vyábɔ́t na vivé. 21Vato ává vá ma nyá vá ma rii ohúmé wandá ámó vato tɔɔsini isáánó ka bana vakótó na vaájo.
Yésusu a ndendámó na máná ra matéyá
(Már 6:45-52; Yoh 6:16-21)
22Ikɔkɔ ka mana na nimé raá, Yésusu a ma jitímíyé vihoóhóná vyáá anáá vá naáta na ŋgɔ́mbe vá jowa mbóró itindikána ijí ómwané a eŋgámó anáá vato vá etána. 23Ará vato vá ma maná wendana, a ma enda na yene na ondo vasóóriye mbinó e ma obá Yésusu a téné hɔ́rɔ́ moká, 24ŋgɔmbé e ma rii yo etá orehi na ráaté wa esɔ́, kó puŋgi e katé ruŋge, ombukiyé o nde wa nubé na ŋgɔmbe esene éyé puŋgi e katé ondo urána pere éjé vá mwané vá katé enda. 25Naáté yá wutúú démdém, Yésusu a ma té byɔ́ɔnɔ vihoóhóná vyáá a ndenda na máná ra matéyá. 26Wená owó vihoóhóná ví ma mo ená vá ma késyé riímana na wokótó vá rúme vá járá anáá: «Wó ámó nkúú.» 27Kó Yésusu a ma sóŋgiyé o járá na wó anáá: «No teŋgé no tíné wó ámó noó!» 28Pyéere a ma járá naá anáá: «Okí, ŋgé wó ámó sáá mámó, járá name anáá ndenda na máná ra matéyá ŋgo uré na mámó.» 29Yésusua ma járá naá anáá: «Uré!» Kó Pyéere a ma sisé na ŋgɔmbe o ndenda na máná ra mateyá wenda pere ejé Yésusu a katé rií. 30Wó je rií anáá ará a ma ená puŋgi e ruŋge, kó a ma ová wóhwaá a te kesyé anáá a nímé kó a ma rúmétá anáá: «Okí, cotyámó!» 31Yésusu a ma híráná o me tóndiini ombɔɔ́ a mó ambaanámó kó a ma járá náá anáá: «Ŋgɔtɔ́wena rɔɔ e ámó katitií, na wusó owaté kówo omo petaana?» 32Vá ma náátá bimé vává na ŋgɔmbe kó puŋgi tɔmbɔmó. 33Kó vihoóhóná iví ví ma rií naáté yá ŋgɔmbe ví ma kútyé mabɔ́ŋɔ́, na wusó wáá vá járá anáá: «Na vatɔ́ɔ́tɔ́, na vatɔ́ɔ́tɔ́ o ámó Mwaná wa Irɔŋgɔ!»
Yésusu a ondóonámó vinɔ́ na Genesaréte
(Már 6:53-56)
34Ará vá ma humé mbóró, vá ma wáá eŋgoró na edɔŋgɔ eyé vá béráanámó anáá Genesaréte. 35Vato ává ɔ́wɔ́ vá ma renjá Yésusu, kó vá ma sarámándíyé cómó na edɔŋgɔ yímé, kó vá ma mó urána na vinɔ́ bímé. 36Vato vá ma me vásóóriyé anáá amice vinɔ́ imíví ví tahatena cunú ráá kó bimé ává vá ma tahá cunú ráá vá ma ondówá.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL