Matyáasa 12
12
Yésusu kójo a jwámó isí yá ihuwe
(Már 2:23-28; Rúk 6:1-5)
1Itíndíkaná mwané, Yésusu a katé caka kondo ra kána ra ohéyá emo éjé vá béráanámó anáá beréyá, isí yá íhuwe. Vihóóhona vyáá ví ma ová njeŋge, kó vá ma kasi opátá beréyá mwané vá té vá nyá. 2Ará va pariséne vá ma ená wandá mwané, va ma járá na Yésusu anáá: «Éná vihoóhóná vyɔɔ́ ámó ví eŋgámó wandá owó mbéndɔ́ ra visó e ta atɔ́wɔ́ anáá vá eŋgá isí yá íhuwe!» 3Yésusu a ma wó wundíyé anáá: «Ye no ta ma bana wandá owó Dáviti maté a ma eŋga na orɔŋgɔ ráá isí emó eye vá ma ová njeŋge? 4Ómwané na orɔŋgɔ ráá vá ma iŋgáána naáté yá yanje yá Irɔŋgɔ, onyá beréte ojó vá kátámó erééna Irɔŋgɔ, wó je rií anáá vá ta ma geremena onyá, mbéndɔ́ ra visó e járámó anáá bɛ́ŋ vacekiye mómí káva vá géremenámó onyá? 5Kó hónó ye no ta ma bána na mbéndɔ́ ra Mósese anáá isí yá íhuwe, vacekiye mómí ává vá nɔ́nɔwɔmó na yanje yá mbásóóríyé vá ta beeryé mbéndɔ́ ra ihuwe kó vá ta ámó na íhusí? 6Ŋgo nó ojánámó anáá wandá womó o ámó ená otómba yanje yá Irɔŋgɔ! 7Ŋgé no jembámó ntimisaná ra vipeŋge íví Irɔŋgɔ a ma járá anáá: Ndiŋgámó usi wa otémá otómba ámó mómí rá nama, ŋgáné vinó ka sɔ́mɔ́nɔ vato ává na sásáá. 8Esené eyé anáá Mwana moto kójo a jwámó isí yá íhuwe.»
Yésusu a rɔndɔmó Moto ojó na igwé yá ombɔɔ́
(Már 3:1-6; Rúk 6:6-11)
9Yésusu a ma urúkye hɔ́rɔ wenda iŋgáána naáté yá yanje yáwó yá mbasóóriye. 10Wó je rií anáá ɔ́wɔ́ moto omo a ma ré timbe igwé yá ombɔɔ́. Va Pariséne vá katé diŋge anáá vá sɔ́mɔ́nɔ Yésusu wandá mwané kówo vá mo susámó anáá: «Ye mbéndɔ́ ra visó yo eŋgámó anáá to ondóna moto isí yá ihuwe?» 11Yésusu a wundyamó anáá: «Ŋgáno to no wɔ́rɔ eheya anáá o timbamó mbwíní emwesií, kó yo obamó na ibérá isí yá ihuwe, ye o ta né enda jona mbwíní mwané? 12Wó je rií anáá moto a cakámó orií na mpí otómbá mbwíní! Naná wó tírevenámó anáá mbéndɔ́ ra viso yo atɔ́wɔmó anáá moto a eŋga wusi isí yá ihuwe.» 13Kó Yésusu a ma járá na moto ójó a ma timbé igwé yá ombɔɔ́ anáá: «Ganóna ombɔɔ́ rɔ́ɔ́.» Kó moto a ma ganóna ombɔɔ́, kó ó ma tómbá wondówa wo etá ámó ombɔɔ́ ojomó. 14Na weŋga owó anáá va Pariséne vá humána, kó vá ma váwónjééná okésyé osɔsɔ pé éjé anáá vá oná Yésusu.
Yésusu a ámó yeŋga manɔnɔwɔ yá Irɔŋgɔ
15Ará Yésusu a ma ová náná kó a ma urikyé pandó mwané. Ombunu rá vato o ma me byɔɔnɔ́ kó a ma wó ondóna bimé. 16Kó a ma wó tewére anáá vá kéryé vámwané ka oja ané ojo a ámó, 17Ombotá ojó anáá enjárá éjé Irɔŋgɔ a ma jára na uŋgúté ra ahúmíye maaró waá ojó Isayi yo eŋgewena. 18Irɔŋgɔ a ma járá anáá:
Eŋga manɔnɔwɔ wame ójó ŋgo ma ijátá kóojó,
ójó ndiŋgámó, ŋgo ma mo ijátá na vitaka.
Ŋgo ne o me wáámó Ireréŋgi yámé
kó a ne ojanámó nú ra mayɔŋɔ até éyé é ámó ndíŋgirííŋ na aŋgísó ramé.
19A ta ne petaana na moto, a ta né rume,
vá ta né ová mií raá ojɔ́ŋɔ́ na ojɔ́ŋɔ́.
20A ta mó manjá igoó éné nó ta né tímbe ŋguru,
a ta mó híndyé ijiye ijí yo etá tɔmbɔ,
a mó eŋgámó náná hwɔs ámó a mó nuuminyámó mbéndɔ éjé ndíŋgirííŋ.
21Kó mayɔŋɔ ma ne váámó ipití rawó ómwané.
Vá sɔ́mɔ́nɔmó Yésusu anáá a ámó Beresebúre
(Már 3:22-30; Rúk 11:14-23; 12:10)
22Vá ma uráná Yésusu na moto ojó ombé wa Ireréŋgi a ma íte uŋgúté owunde o me vaá bwewu; kó Yésusu a ma me ondóna, a te járá mpaŋa na mpaŋá a ená hónó wusi. 23Vato vá katé kembyé vá járá anáá: «Moto ojó a ámó orií mwaná rá Dáviti.» 24Ará va Pariséne vá ma ová enjárá mwané, váye anáá: «Moto omójo a gúnámó vambé wa vireréŋgi na ŋguru ra Beresebúre njwé wawó.»
25Yésusu a ma jembé mbuŋgána rawó, kó a ma járá nawó anáá: «Edɔŋgɔ yime éyé vato vá nywáanámó vá mwané na vá mwané é katámó mana na nugwé. Oŋgórá tɔɔ noyómó éné vato vá nyáanámó vámwné na vá mwané nó ta hítí oriirií. 26Ko ŋgé Saátana a gúnámó Saátana, a nɔmó vitá na ómwané maté twiiŋí kówo edɔŋgɔ yáá é hítyámó o ne riirií? 27Ŋgé wo ámó na ŋguru ra Beresebúre ojó njwé wa vambé wa vireréŋgi kówo noó ŋgunamo vambé wa vireréŋgi, vihoóhóná vyá inó ví mwané ví gunámó na ŋguru ra ané? Wandá mwané kówo vá mwané maté kava vá ne nó jósyámó. 28Ŋge wá je rií anáá wó ámó na ŋguru ra Ireréŋgi yá Irɔŋgɔ kówo noó ŋgunamo vambé wa ví rereŋgi, ijímano anáá Tamba ra Irɔŋgɔ yo nó etíye. 29Moto a ta hítí wiŋgáana na yanje yá moto wa ŋguru owɔ́rɔ́nɔ ekúmé ráa naná, a geremenamó omana wótá moto mwané mbéne kaá oje wɔ́rɔ́nɔ wandá wimé na yanje yáa. 30Ojo a ta ámó name a pékáanámó name. Kó ojo a ta wónjééná orɔŋgɔ name a sasámó. 31Wandá mwané owo ŋgo no ojánámó anáá nyéŋgé rá vato iŋgímé í mó jwévenámó, bayete na ceyɔ́ rawó iŋgimé ijí vá seyámó Irɔŋgɔ. Wó je rií anáá ojo a séyámó Mwáŋ mwáŋ wa Ireréŋgi, a ta mó jwevena. 32Ŋge moto a járá wobé na Mwaná moto, a ne jwevenámó. Kaá a je járá wobé na Mwáŋ mwáŋ wa Ireréŋgi a ta mó jwevena tɔɔ na esɔ́tɔ́ eyé tetee ojó na cí, tɔɔ na eye yó urámó.»
Werété na vibomá vyáá
(Mat 7:16-17; Rúk 6:44-45)
33«Ŋgé werété wa ríi wusi, vibómá vyáá honó ví né riyámó wusi. Ŋgé weréte wa je rií enɔ́ vibomá vyáa ví né riyámó vinɔ́. Esené vá jémbámó weréte na vibomá vyáá. 34Mbɔŋɔ ra péné, no ámó vambé twiiní kówo no ámó ojárá vesi va ijárá, esene éyé até eyé uŋgúté ó járámó ó ámó até éyé táásé naáté yá otémá. 35Usi wa moto a wɔ́rɔ́mó vesi vá mamba naáté yá usi waá wa nobótá, ombé wa moto honó a wɔ́rɔ́mó vambé vá mamba na ombé waá wa nobótá. 36Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá isí yá jósí, Irɔŋgɔ a mó pwénísyámó vato na wusó wá vipéŋgé bimé íví ka na mpí íví vá ma húmíyé. 37Esené vipéŋgé vyɔɔ́ kíví ví mó tíhíyámó wondíŋgirííŋ, kó vímwané hónó kíví ví mó wo onámó.»
Vato vá susámó Yésusu asimbá
(Mat 16:1-4; Már 8:11-12; Rúk 11:16; 11:29-32)
38Kó vayéere vá mbéndɔ́ vámó na va Pariséne vámó vá ma járá na Yésusu anáá: «Oyéere, ŋgá asimbá ámó na wusó wa visó!» 39Yésusu a wó wundyámó anáá: «Vato ává wusí owó vá ámó vambé vá rií hée na etú na Irɔŋgɔ, kó vá susámó esimbá. Wó je rií anáá vá ta né ená esimbá éndyé bɛ́ŋ ájá á ma húmáná ahúmíye maaró ojó Yonásá. 40Esené eyé anáá Yonásá a ma eŋgá mesí na metúú mátátó naáté yá ibumu ná ekáné yá cwí, náná hónó kówo Mwaná moto a mó tómbámó mesí na metúú mátátó naáté yá cí. 41Isí yá jósi, vato ává na Niníve vá mó hátyáanámó, osɔ́mɔ́nɔ vato ává wusí owó esene éyé vá mwané vá ma céndyé púrú ará Yónasa a ma wó ojáná cómó ra Irɔŋgɔ. Wó je rií anáá moto a ámó ará ójó a tómbámó Yonásá. 42Ahumu ájá okótó na edɔŋgɔ éyé mweesye á mó háteenámó isí yá jósi osɔ́mɔ́nɔ ówó vato ává wusí owó esene éyé a ma endá báréyá na edɔŋgɔ éyé urehi anáá a enda vátɔ́réena vipéŋgé vyá peyɔ íví ahumu Sárómono a katé húmíye. Wó je rií anáá moto a ámó ará ójó a tómbámó Sárómono.»
Ŋgundéná ra ombé wa ireréŋgi
(Rúk 11:24-26)
43«Táma éjé ombé wa ireréŋgi a urúkyámó na nótó ra moto, a endámó na pandó íjí vikwété a sɔsɔ homó ówó a hítyámó ohuwe, ka ɔŋgɔ́. 44Kó a késyámó ojárá na ómwané maté anáá: Ŋgo né wundámó na yanje yámé éyé ŋgo má úrúkyé ɔ́wɔ́. Kaá a urámó, wetíye yanje sásáá, hóré-hóré, téká-téké. 45Kó a endámó ondó wɔ́rɔ́ vambé vá vireréŋgí véndyé báráátó na umweesií ává vá cákámó obéyá o me tómbá. Kaá vá iŋgáanámó na yanje eméye, ohéndá undií ɔ́wɔ́. Kó ndiímíyé ra moto omójó e wundámó okésyé obéyá otómbá ámó ra wusó. Náná hónó kówo wó mó éŋgavenámó na vambé vá vato ává wusí owó.»
Tɔ́ɔ́tɔ́ wa noyómó ná Yésusu
(Már 3:31-35; Rúk 8:19-21)
46Amó Yésusu a ma ríi a árɔ́wɔ́ na ojáráana ówó na vato, netí na va navéne vá ma uré vá téné na naŋgáté vá sɔ́sɔ anáá vá járáana naá. 47Kó moto omo a ma endá járá na Yésusu anáá: «Éná! Nowétí na va nɔvéne vá ámó na naŋgáté vá díŋgámó anáá vá járáana nɔɔ.» 48Yésusu a ma me wundíyé anáá: «Ané kójo maáŋgá? Kó avané káva va navéne vámé?» 49Kaá a ma tóndíyé inɔ́ɔnɔ na vihoóhóná vyáa ayáá: «Énáno! Maáŋgá na va navéne vámé káava. 50Esené ŋgé moto a eŋgá mbaŋgéná ra Tetáŋgá ójó na máná, moto mwané kójo a ámó mbísó, mbéní rame na maáŋgá wame.»
လက္ရွိေရြးခ်ယ္ထားမွု
Matyáasa 12: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Matyáasa 12
12
Yésusu kójo a jwámó isí yá ihuwe
(Már 2:23-28; Rúk 6:1-5)
1Itíndíkaná mwané, Yésusu a katé caka kondo ra kána ra ohéyá emo éjé vá béráanámó anáá beréyá, isí yá íhuwe. Vihóóhona vyáá ví ma ová njeŋge, kó vá ma kasi opátá beréyá mwané vá té vá nyá. 2Ará va pariséne vá ma ená wandá mwané, va ma járá na Yésusu anáá: «Éná vihoóhóná vyɔɔ́ ámó ví eŋgámó wandá owó mbéndɔ́ ra visó e ta atɔ́wɔ́ anáá vá eŋgá isí yá íhuwe!» 3Yésusu a ma wó wundíyé anáá: «Ye no ta ma bana wandá owó Dáviti maté a ma eŋga na orɔŋgɔ ráá isí emó eye vá ma ová njeŋge? 4Ómwané na orɔŋgɔ ráá vá ma iŋgáána naáté yá yanje yá Irɔŋgɔ, onyá beréte ojó vá kátámó erééna Irɔŋgɔ, wó je rií anáá vá ta ma geremena onyá, mbéndɔ́ ra visó e járámó anáá bɛ́ŋ vacekiye mómí káva vá géremenámó onyá? 5Kó hónó ye no ta ma bána na mbéndɔ́ ra Mósese anáá isí yá íhuwe, vacekiye mómí ává vá nɔ́nɔwɔmó na yanje yá mbásóóríyé vá ta beeryé mbéndɔ́ ra ihuwe kó vá ta ámó na íhusí? 6Ŋgo nó ojánámó anáá wandá womó o ámó ená otómba yanje yá Irɔŋgɔ! 7Ŋgé no jembámó ntimisaná ra vipeŋge íví Irɔŋgɔ a ma járá anáá: Ndiŋgámó usi wa otémá otómba ámó mómí rá nama, ŋgáné vinó ka sɔ́mɔ́nɔ vato ává na sásáá. 8Esené eyé anáá Mwana moto kójo a jwámó isí yá íhuwe.»
Yésusu a rɔndɔmó Moto ojó na igwé yá ombɔɔ́
(Már 3:1-6; Rúk 6:6-11)
9Yésusu a ma urúkye hɔ́rɔ wenda iŋgáána naáté yá yanje yáwó yá mbasóóriye. 10Wó je rií anáá ɔ́wɔ́ moto omo a ma ré timbe igwé yá ombɔɔ́. Va Pariséne vá katé diŋge anáá vá sɔ́mɔ́nɔ Yésusu wandá mwané kówo vá mo susámó anáá: «Ye mbéndɔ́ ra visó yo eŋgámó anáá to ondóna moto isí yá ihuwe?» 11Yésusu a wundyamó anáá: «Ŋgáno to no wɔ́rɔ eheya anáá o timbamó mbwíní emwesií, kó yo obamó na ibérá isí yá ihuwe, ye o ta né enda jona mbwíní mwané? 12Wó je rií anáá moto a cakámó orií na mpí otómbá mbwíní! Naná wó tírevenámó anáá mbéndɔ́ ra viso yo atɔ́wɔmó anáá moto a eŋga wusi isí yá ihuwe.» 13Kó Yésusu a ma járá na moto ójó a ma timbé igwé yá ombɔɔ́ anáá: «Ganóna ombɔɔ́ rɔ́ɔ́.» Kó moto a ma ganóna ombɔɔ́, kó ó ma tómbá wondówa wo etá ámó ombɔɔ́ ojomó. 14Na weŋga owó anáá va Pariséne vá humána, kó vá ma váwónjééná okésyé osɔsɔ pé éjé anáá vá oná Yésusu.
Yésusu a ámó yeŋga manɔnɔwɔ yá Irɔŋgɔ
15Ará Yésusu a ma ová náná kó a ma urikyé pandó mwané. Ombunu rá vato o ma me byɔɔnɔ́ kó a ma wó ondóna bimé. 16Kó a ma wó tewére anáá vá kéryé vámwané ka oja ané ojo a ámó, 17Ombotá ojó anáá enjárá éjé Irɔŋgɔ a ma jára na uŋgúté ra ahúmíye maaró waá ojó Isayi yo eŋgewena. 18Irɔŋgɔ a ma járá anáá:
Eŋga manɔnɔwɔ wame ójó ŋgo ma ijátá kóojó,
ójó ndiŋgámó, ŋgo ma mo ijátá na vitaka.
Ŋgo ne o me wáámó Ireréŋgi yámé
kó a ne ojanámó nú ra mayɔŋɔ até éyé é ámó ndíŋgirííŋ na aŋgísó ramé.
19A ta ne petaana na moto, a ta né rume,
vá ta né ová mií raá ojɔ́ŋɔ́ na ojɔ́ŋɔ́.
20A ta mó manjá igoó éné nó ta né tímbe ŋguru,
a ta mó híndyé ijiye ijí yo etá tɔmbɔ,
a mó eŋgámó náná hwɔs ámó a mó nuuminyámó mbéndɔ éjé ndíŋgirííŋ.
21Kó mayɔŋɔ ma ne váámó ipití rawó ómwané.
Vá sɔ́mɔ́nɔmó Yésusu anáá a ámó Beresebúre
(Már 3:22-30; Rúk 11:14-23; 12:10)
22Vá ma uráná Yésusu na moto ojó ombé wa Ireréŋgi a ma íte uŋgúté owunde o me vaá bwewu; kó Yésusu a ma me ondóna, a te járá mpaŋa na mpaŋá a ená hónó wusi. 23Vato vá katé kembyé vá járá anáá: «Moto ojó a ámó orií mwaná rá Dáviti.» 24Ará va Pariséne vá ma ová enjárá mwané, váye anáá: «Moto omójo a gúnámó vambé wa vireréŋgi na ŋguru ra Beresebúre njwé wawó.»
25Yésusu a ma jembé mbuŋgána rawó, kó a ma járá nawó anáá: «Edɔŋgɔ yime éyé vato vá nywáanámó vá mwané na vá mwané é katámó mana na nugwé. Oŋgórá tɔɔ noyómó éné vato vá nyáanámó vámwné na vá mwané nó ta hítí oriirií. 26Ko ŋgé Saátana a gúnámó Saátana, a nɔmó vitá na ómwané maté twiiŋí kówo edɔŋgɔ yáá é hítyámó o ne riirií? 27Ŋgé wo ámó na ŋguru ra Beresebúre ojó njwé wa vambé wa vireréŋgi kówo noó ŋgunamo vambé wa vireréŋgi, vihoóhóná vyá inó ví mwané ví gunámó na ŋguru ra ané? Wandá mwané kówo vá mwané maté kava vá ne nó jósyámó. 28Ŋge wá je rií anáá wó ámó na ŋguru ra Ireréŋgi yá Irɔŋgɔ kówo noó ŋgunamo vambé wa ví rereŋgi, ijímano anáá Tamba ra Irɔŋgɔ yo nó etíye. 29Moto a ta hítí wiŋgáana na yanje yá moto wa ŋguru owɔ́rɔ́nɔ ekúmé ráa naná, a geremenamó omana wótá moto mwané mbéne kaá oje wɔ́rɔ́nɔ wandá wimé na yanje yáa. 30Ojo a ta ámó name a pékáanámó name. Kó ojo a ta wónjééná orɔŋgɔ name a sasámó. 31Wandá mwané owo ŋgo no ojánámó anáá nyéŋgé rá vato iŋgímé í mó jwévenámó, bayete na ceyɔ́ rawó iŋgimé ijí vá seyámó Irɔŋgɔ. Wó je rií anáá ojo a séyámó Mwáŋ mwáŋ wa Ireréŋgi, a ta mó jwevena. 32Ŋge moto a járá wobé na Mwaná moto, a ne jwevenámó. Kaá a je járá wobé na Mwáŋ mwáŋ wa Ireréŋgi a ta mó jwevena tɔɔ na esɔ́tɔ́ eyé tetee ojó na cí, tɔɔ na eye yó urámó.»
Werété na vibomá vyáá
(Mat 7:16-17; Rúk 6:44-45)
33«Ŋgé werété wa ríi wusi, vibómá vyáá honó ví né riyámó wusi. Ŋgé weréte wa je rií enɔ́ vibomá vyáa ví né riyámó vinɔ́. Esené vá jémbámó weréte na vibomá vyáá. 34Mbɔŋɔ ra péné, no ámó vambé twiiní kówo no ámó ojárá vesi va ijárá, esene éyé até eyé uŋgúté ó járámó ó ámó até éyé táásé naáté yá otémá. 35Usi wa moto a wɔ́rɔ́mó vesi vá mamba naáté yá usi waá wa nobótá, ombé wa moto honó a wɔ́rɔ́mó vambé vá mamba na ombé waá wa nobótá. 36Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá isí yá jósí, Irɔŋgɔ a mó pwénísyámó vato na wusó wá vipéŋgé bimé íví ka na mpí íví vá ma húmíyé. 37Esené vipéŋgé vyɔɔ́ kíví ví mó tíhíyámó wondíŋgirííŋ, kó vímwané hónó kíví ví mó wo onámó.»
Vato vá susámó Yésusu asimbá
(Mat 16:1-4; Már 8:11-12; Rúk 11:16; 11:29-32)
38Kó vayéere vá mbéndɔ́ vámó na va Pariséne vámó vá ma járá na Yésusu anáá: «Oyéere, ŋgá asimbá ámó na wusó wa visó!» 39Yésusu a wó wundyámó anáá: «Vato ává wusí owó vá ámó vambé vá rií hée na etú na Irɔŋgɔ, kó vá susámó esimbá. Wó je rií anáá vá ta né ená esimbá éndyé bɛ́ŋ ájá á ma húmáná ahúmíye maaró ojó Yonásá. 40Esené eyé anáá Yonásá a ma eŋgá mesí na metúú mátátó naáté yá ibumu ná ekáné yá cwí, náná hónó kówo Mwaná moto a mó tómbámó mesí na metúú mátátó naáté yá cí. 41Isí yá jósi, vato ává na Niníve vá mó hátyáanámó, osɔ́mɔ́nɔ vato ává wusí owó esene éyé vá mwané vá ma céndyé púrú ará Yónasa a ma wó ojáná cómó ra Irɔŋgɔ. Wó je rií anáá moto a ámó ará ójó a tómbámó Yonásá. 42Ahumu ájá okótó na edɔŋgɔ éyé mweesye á mó háteenámó isí yá jósi osɔ́mɔ́nɔ ówó vato ává wusí owó esene éyé a ma endá báréyá na edɔŋgɔ éyé urehi anáá a enda vátɔ́réena vipéŋgé vyá peyɔ íví ahumu Sárómono a katé húmíye. Wó je rií anáá moto a ámó ará ójó a tómbámó Sárómono.»
Ŋgundéná ra ombé wa ireréŋgi
(Rúk 11:24-26)
43«Táma éjé ombé wa ireréŋgi a urúkyámó na nótó ra moto, a endámó na pandó íjí vikwété a sɔsɔ homó ówó a hítyámó ohuwe, ka ɔŋgɔ́. 44Kó a késyámó ojárá na ómwané maté anáá: Ŋgo né wundámó na yanje yámé éyé ŋgo má úrúkyé ɔ́wɔ́. Kaá a urámó, wetíye yanje sásáá, hóré-hóré, téká-téké. 45Kó a endámó ondó wɔ́rɔ́ vambé vá vireréŋgí véndyé báráátó na umweesií ává vá cákámó obéyá o me tómbá. Kaá vá iŋgáanámó na yanje eméye, ohéndá undií ɔ́wɔ́. Kó ndiímíyé ra moto omójó e wundámó okésyé obéyá otómbá ámó ra wusó. Náná hónó kówo wó mó éŋgavenámó na vambé vá vato ává wusí owó.»
Tɔ́ɔ́tɔ́ wa noyómó ná Yésusu
(Már 3:31-35; Rúk 8:19-21)
46Amó Yésusu a ma ríi a árɔ́wɔ́ na ojáráana ówó na vato, netí na va navéne vá ma uré vá téné na naŋgáté vá sɔ́sɔ anáá vá járáana naá. 47Kó moto omo a ma endá járá na Yésusu anáá: «Éná! Nowétí na va nɔvéne vá ámó na naŋgáté vá díŋgámó anáá vá járáana nɔɔ.» 48Yésusu a ma me wundíyé anáá: «Ané kójo maáŋgá? Kó avané káva va navéne vámé?» 49Kaá a ma tóndíyé inɔ́ɔnɔ na vihoóhóná vyáa ayáá: «Énáno! Maáŋgá na va navéne vámé káava. 50Esené ŋgé moto a eŋgá mbaŋgéná ra Tetáŋgá ójó na máná, moto mwané kójo a ámó mbísó, mbéní rame na maáŋgá wame.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL