Rúkasa 24
24
Yésusu a wundámó na esɔ́tɔ́
1Na nimé ra isí yá ihuwe, na makésyé wa wusí wa emánjéta, ibeesí kuúkú, vakótó vá ma endá na evérá vá tímbe varebínde ává vá ma héehéndá. 2Vá ma etíyé itááne ene ne katé buti evérá ebakéna na kɔ́ŋgɔ́. 3Wiŋgáana ówó vá ma iŋgáána kó vá ta ma etíye mbimbe ra Okí Yésusu. 4Kó vá ma rií vá etá ka ne ijíme ámó vá hítyámó weŋga, kó vá ma buuwé vato vávané ává vá ma wó húmana vá byá cunú íjí puŋgúum í sáná. 5Wohwá wó mambaána vakótó kó vá ma joŋgómíyána mesó na cí. Vato amáva vá ma járá nawó anáá: «Na wusó wá até kówo no sɔsɔmó ojo a hwenámó na raaté wa vigwé?» 6Kó a te ane rií ena a atá na evérá buŋganó ará a katé járá na vinó hɔ́rɔ́ a rɔ́ɔ́ nino na Gariréya, 7A ma járá anáá: «Wó géremenámó anáá vá séra Mwaná moto, índi a obena na embɔɔ́ ra vato vá nyéŋgé, vá me obáana na koroso káá na mesí mátátó índi a honowa na nugwé.» 8Kó vá ma mbuŋge enjárá éjé Yésusu a katé járá 9Kó vá ma urukyé hómó ówó evérá e kate rií va te o nde ojáná vá sóó vihoóhóná vyábɔ́t na o mwéesií orɔŋgɔ na vá sɔ́ɔ́. 10Vakótó mwané vá má rií vibérana anáá Maráyá Magdarána, yowana, na Maráyá ójó neti yáka kó na vakótó vandyé ava vá maro ojana hónó enásá oráŋ maate. 11Wó je rií anáá va oja cómó vá ma ré séŋgá kó vá ta ma káŋga enjárá ra vakótó mwané 12Pyéere o mwané a ma bará otéta wenda na evérá, a ma reŋgetena wa ená bɛ́ŋ cunú iji vá ma huwé mbimbé ra Yésusu ɔ́wɔ́. Kó a ma wunde a te kembyé ate éyé é ma hume.
Vihóóhona vyáá Yésusu iwi vive ví berumámó náá na pé ra emmayúsú
13Isí maté hónó vihoóhóná vyá Yésusu vívé ví ma báréyá wenda na mwaná wa edɔŋgɔ anáá Emayúsu ójó a ma ré súsé anáá vá ndénda háwa íbéní na eŋgoró ŋgé wa endá urúkye na Yerúsareme. 14Vá katé te járána vá mwané na vá wmane na ikú ikú ra mamba mwané ejé e kate tombevena. 15Vá rií no te renyé kó Yésusu a wa baatámó nawó ete ndenda orɔŋgɔ nawó. 16Vihóóhona vyá Yésusu vima me ena ká je me renjá. 17Yésusu a wó susámó anáá: «A te kówo no kate pétana no rií no ndenda?» Kó vihoóhóná viteremenámó vá mwané bimé vá te ová mbése 18Kó omó ójó na wa mwané ebérááná anáá kiéyopasa, a ma járá náá anáá: «O omó ma moka ójó o ta jembé ikú ikú ra mamba ejé e ma tómbá na Yerúsareme na metúú a ma!» 19Kó a ma járá nawó anáá: «A te sɔ́ maáte éyé é ma tómbá!» Kó vá me wundiyámó anáá ate éyé é ma humena Yésusu ójó na Nasaráte a ma katé rií ogónó a humiye maaro; enjárá ráá é ma katé ŋguru kó a ma katé eŋga vikane yá mamba na aŋgísó ra Irɔŋgɔ kó na aŋgísó ra vato vime. 20Amó vagónó vá vacekiye mómí na va nkúkúmé vá ma mambaana o me sombena tóró ra nugwé o mo bomana na korosó. 21Wó je rií anáá visó to kate hítí anáá o mwané kó ójó a waŋgámó o nde wátá isaráyer. Wó ójó rií anáá wenda ówó metúú matato kówo mamba mwané me ma tombevena. 22Kó to kate kekembyé anáá Ibéési na ibéési vakótó vá ámó ava na raaté ra isó vá ma enda na evéra. 23Kó a me vá to atiyé mbimbe vá ma uré o nde o so ojáná anáá vá éŋgerese vá me wó humena kó vá me ówó ojáná anáá Yésusu a hwénámó! 24Vato va ámó ava orɔŋgɔ na isó vá ma enda na evéra o nde atiyé mwané anáá wandá wime wó omo a me vakótó vá ma ójá kó Yésusu vá te ma mena. 25Kó Yésusu a ma járá na wó anáá: «No towa wandá, etéma ra ino e wɔrɔmó itíndíkáná mbunu anáá no nkaŋga até éyé vahúmíye maáro vá ma ójá!» 26Yé o ta ma gérémena anáá asotye asɔpɔ náná na nime ráá indi iŋgaana naáté yá niimi na Irɔŋgɔ. 27Kó a ma ré wó pésiye até yimé éyé va mwáŋ mwáŋ vá aŋgóŋgí vá ma ojá na wusó wáá okésyé ówó na va kárate wa mósese obáyéta na va kárate bime vá vahúmíye maró vá Irɔŋgɔ.
28Kó, na wéŋga ówó anáá vá húmé berebe na edɔŋgɔ éyé vá katé enda ɔ́wɔ́, Yésusu a ma eŋgá mámó wéga anáá a tómbánámó. 29Kó vá ma me surye nótó, váye naá anáá: «Wusí wó etá hará eŋgánjó, wutúú wó etá kerana, ŋgá to túmbyé wutuú ará, kó a ma iŋgááná na yanje a etá orɔŋgɔ nawó.» 30Ará itíndíkáná rá onyányá í ma húmé, Yésusu a ma nuumáná na dévere nawó, owɔ́rɔ́ beréte omana otéŋgyé Irɔŋgɔ, kó a ma cécéná o wó téŋgíye. 31Ɔ́wɔ́ kówo aŋgísó ráwó á ma je búnuwe kaá vá ma me renjá, kó Yésusu a ma híráná odáŋgéta na aŋgísó ráwó 32Kó vá ma késyé ojárá vámwané na vámwané, oojó na sɔ́ɔ́ anáá «Na vatɔ́ɔ́tɔ́, na vatɔ́ɔ́tɔ́, kesí etémá ra visó e katé rií na vitaka ará a katé só pésiiye vá mwáŋ mwáŋ vá aŋgóŋgí na itíndíkáná íjí a katé járáana na visó!»
33Kó vá ma báréyá ohírána owundana na Yerúsareme. Kaá vá ma endá húmé na oŋgórá ará enásá éjé yábɔ́t na umweesií e katé rií orɔŋgɔ na vato ávámó. 34Vá rií na ojárá ówó anáá: «Okí a mó wunde mwané na esɔ́tɔ́, a mó húména Símono!» 35Kó vihoóhóná íví vívé ví ma wó ojáná até éyé é ma tómbá na pé, ámó vá ma me renjá na itíndíkáná íjí a ma wó téŋgíyé beréte.
Yésusu a vátíhíyámó na vihoóhóná vyáa
36Enásá ra Yésusu e ma ríi yo árɔ́wɔ́ na wója kó ómwané maté a ma híráná ovátíhíye na ráaté wawó aye nawó anáá: «Dɔ́ŋgɔrɔ́ɔ́ŋ a rií na vinó!» 37Kó mesisí má ma híráná o wó ambaana, ekáné yá wohwá wó ma wó ambááná esene éyé vá ma buŋgáná anáá vá mó ená nkúú. 38Kó Yésusu a ma járá nawó anáá, wusó wá até kówo munú má nó dáŋgámó, wusó wá até kówo no timbámó mpetɔ́ na etémé ra vinó? 39Néménáno embɔɔ́ na eŋgoró rame, táhámáno, ó ámó mwané noó esene éyé nkúú e ta timbé ncono na vitété ámó noó. 40A ma ré járá vipéŋgé mwané hɔrɔ́ a wó tíhíyána embɔɔ́ na eŋgoró raá. 41Vá ma ríi vá arɔ́wɔ́ ka kaŋga wandá mwané esene éyé vá ma ríi na vitaka, kó vá katé kémbyé hónó, vá ta a ré kaŋga wandá mwané. Kó Yésusu a ma wó súsé anáá: «No hityámó otimbe wandá wá onyá eéná?» 42Kó vá ma me hwá isímbí yá eyáŋgéná yá cwí. 43Kó a ma wɔ́rɔ́, onyá na aŋgísó rawó. 44Kó a ma járá nawó anáá: «Ará ŋgo má ríi ŋgo arɔ́wɔ́ na vinó, ŋgo ma nó ojáná anáá wandá wimé ówó tiré-tíré na wusó wámé na kárate wa mbéndɔ́ wa Mósese, na kárate wa vahúmíye maró vá Irɔŋgɔ, kó heé na kárate wa esawo wó ma geréméná weŋgavena.» 45Kó a ma wó buné ucé ukú ójó anáá vá ová ntimisaná ra aŋgóŋgí. 46Kó a ma járá nawó anáá: «Ó ámó tiré-tíré na kárate wa Irɔŋgɔ anáá, Kirítu a mó géremenámó wená etɔɔ Kó na metúú mátátó a mó hónovámó owunde na esɔ́tɔ́.» 47Ó géremenámó hónó anáá na niyó ná Yésusu, vá ojá cómó éjé anáá vato vá géremenámó océndyé visɔ́tɔ́ vyáwó ukú ójó anáá nyéŋgé ráwó í jwévena na vidɔŋgɔ bimé, okésyé ówó na Yerúsareme. 48Vinó káva no ámó vatiseenye vá wandá mwané wimé. 49Kó noó maté kójo ŋgo né endámó nó tóména até éyé Tetáŋgá a ma táná, manáno rií na oŋgórá ojó ondo húmé ará no né timbámó ŋguru éjé e né endámó nó uréna na máná.
Yésusu a endámó na máná
50Kó Yésusu a ma enda húmé nawó berebe na oŋgórá rá Betaníya. Ɔ́wɔ́, kó a ma hetíyé embɔɔ́ o wó utána nosanjá. 51Kaá a rií na o wó utána ówó nosanjá náná, a ma wó urúkyé onaáta wenda ówó na máná. 52Kó vámwané vá ma kútyé munú o me vásoóriye, na nimé raá, vá ma wundé na Yérúsaráme naáté yá vikané vyá visaŋgena. 53Kó itíndíkáná íŋgímé, vá katé rií bɛ́ŋ na urukye ówó Irɔŋgɔ na yanje yáa.
လက္ရွိေရြးခ်ယ္ထားမွု
Rúkasa 24: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Rúkasa 24
24
Yésusu a wundámó na esɔ́tɔ́
1Na nimé ra isí yá ihuwe, na makésyé wa wusí wa emánjéta, ibeesí kuúkú, vakótó vá ma endá na evérá vá tímbe varebínde ává vá ma héehéndá. 2Vá ma etíyé itááne ene ne katé buti evérá ebakéna na kɔ́ŋgɔ́. 3Wiŋgáana ówó vá ma iŋgáána kó vá ta ma etíye mbimbe ra Okí Yésusu. 4Kó vá ma rií vá etá ka ne ijíme ámó vá hítyámó weŋga, kó vá ma buuwé vato vávané ává vá ma wó húmana vá byá cunú íjí puŋgúum í sáná. 5Wohwá wó mambaána vakótó kó vá ma joŋgómíyána mesó na cí. Vato amáva vá ma járá nawó anáá: «Na wusó wá até kówo no sɔsɔmó ojo a hwenámó na raaté wa vigwé?» 6Kó a te ane rií ena a atá na evérá buŋganó ará a katé járá na vinó hɔ́rɔ́ a rɔ́ɔ́ nino na Gariréya, 7A ma járá anáá: «Wó géremenámó anáá vá séra Mwaná moto, índi a obena na embɔɔ́ ra vato vá nyéŋgé, vá me obáana na koroso káá na mesí mátátó índi a honowa na nugwé.» 8Kó vá ma mbuŋge enjárá éjé Yésusu a katé járá 9Kó vá ma urukyé hómó ówó evérá e kate rií va te o nde ojáná vá sóó vihoóhóná vyábɔ́t na o mwéesií orɔŋgɔ na vá sɔ́ɔ́. 10Vakótó mwané vá má rií vibérana anáá Maráyá Magdarána, yowana, na Maráyá ójó neti yáka kó na vakótó vandyé ava vá maro ojana hónó enásá oráŋ maate. 11Wó je rií anáá va oja cómó vá ma ré séŋgá kó vá ta ma káŋga enjárá ra vakótó mwané 12Pyéere o mwané a ma bará otéta wenda na evérá, a ma reŋgetena wa ená bɛ́ŋ cunú iji vá ma huwé mbimbé ra Yésusu ɔ́wɔ́. Kó a ma wunde a te kembyé ate éyé é ma hume.
Vihóóhona vyáá Yésusu iwi vive ví berumámó náá na pé ra emmayúsú
13Isí maté hónó vihoóhóná vyá Yésusu vívé ví ma báréyá wenda na mwaná wa edɔŋgɔ anáá Emayúsu ójó a ma ré súsé anáá vá ndénda háwa íbéní na eŋgoró ŋgé wa endá urúkye na Yerúsareme. 14Vá katé te járána vá mwané na vá wmane na ikú ikú ra mamba mwané ejé e kate tombevena. 15Vá rií no te renyé kó Yésusu a wa baatámó nawó ete ndenda orɔŋgɔ nawó. 16Vihóóhona vyá Yésusu vima me ena ká je me renjá. 17Yésusu a wó susámó anáá: «A te kówo no kate pétana no rií no ndenda?» Kó vihoóhóná viteremenámó vá mwané bimé vá te ová mbése 18Kó omó ójó na wa mwané ebérááná anáá kiéyopasa, a ma járá náá anáá: «O omó ma moka ójó o ta jembé ikú ikú ra mamba ejé e ma tómbá na Yerúsareme na metúú a ma!» 19Kó a ma járá nawó anáá: «A te sɔ́ maáte éyé é ma tómbá!» Kó vá me wundiyámó anáá ate éyé é ma humena Yésusu ójó na Nasaráte a ma katé rií ogónó a humiye maaro; enjárá ráá é ma katé ŋguru kó a ma katé eŋga vikane yá mamba na aŋgísó ra Irɔŋgɔ kó na aŋgísó ra vato vime. 20Amó vagónó vá vacekiye mómí na va nkúkúmé vá ma mambaana o me sombena tóró ra nugwé o mo bomana na korosó. 21Wó je rií anáá visó to kate hítí anáá o mwané kó ójó a waŋgámó o nde wátá isaráyer. Wó ójó rií anáá wenda ówó metúú matato kówo mamba mwané me ma tombevena. 22Kó to kate kekembyé anáá Ibéési na ibéési vakótó vá ámó ava na raaté ra isó vá ma enda na evéra. 23Kó a me vá to atiyé mbimbe vá ma uré o nde o so ojáná anáá vá éŋgerese vá me wó humena kó vá me ówó ojáná anáá Yésusu a hwénámó! 24Vato va ámó ava orɔŋgɔ na isó vá ma enda na evéra o nde atiyé mwané anáá wandá wime wó omo a me vakótó vá ma ójá kó Yésusu vá te ma mena. 25Kó Yésusu a ma járá na wó anáá: «No towa wandá, etéma ra ino e wɔrɔmó itíndíkáná mbunu anáá no nkaŋga até éyé vahúmíye maáro vá ma ójá!» 26Yé o ta ma gérémena anáá asotye asɔpɔ náná na nime ráá indi iŋgaana naáté yá niimi na Irɔŋgɔ. 27Kó a ma ré wó pésiye até yimé éyé va mwáŋ mwáŋ vá aŋgóŋgí vá ma ojá na wusó wáá okésyé ówó na va kárate wa mósese obáyéta na va kárate bime vá vahúmíye maró vá Irɔŋgɔ.
28Kó, na wéŋga ówó anáá vá húmé berebe na edɔŋgɔ éyé vá katé enda ɔ́wɔ́, Yésusu a ma eŋgá mámó wéga anáá a tómbánámó. 29Kó vá ma me surye nótó, váye naá anáá: «Wusí wó etá hará eŋgánjó, wutúú wó etá kerana, ŋgá to túmbyé wutuú ará, kó a ma iŋgááná na yanje a etá orɔŋgɔ nawó.» 30Ará itíndíkáná rá onyányá í ma húmé, Yésusu a ma nuumáná na dévere nawó, owɔ́rɔ́ beréte omana otéŋgyé Irɔŋgɔ, kó a ma cécéná o wó téŋgíye. 31Ɔ́wɔ́ kówo aŋgísó ráwó á ma je búnuwe kaá vá ma me renjá, kó Yésusu a ma híráná odáŋgéta na aŋgísó ráwó 32Kó vá ma késyé ojárá vámwané na vámwané, oojó na sɔ́ɔ́ anáá «Na vatɔ́ɔ́tɔ́, na vatɔ́ɔ́tɔ́, kesí etémá ra visó e katé rií na vitaka ará a katé só pésiiye vá mwáŋ mwáŋ vá aŋgóŋgí na itíndíkáná íjí a katé járáana na visó!»
33Kó vá ma báréyá ohírána owundana na Yerúsareme. Kaá vá ma endá húmé na oŋgórá ará enásá éjé yábɔ́t na umweesií e katé rií orɔŋgɔ na vato ávámó. 34Vá rií na ojárá ówó anáá: «Okí a mó wunde mwané na esɔ́tɔ́, a mó húména Símono!» 35Kó vihoóhóná íví vívé ví ma wó ojáná até éyé é ma tómbá na pé, ámó vá ma me renjá na itíndíkáná íjí a ma wó téŋgíyé beréte.
Yésusu a vátíhíyámó na vihoóhóná vyáa
36Enásá ra Yésusu e ma ríi yo árɔ́wɔ́ na wója kó ómwané maté a ma híráná ovátíhíye na ráaté wawó aye nawó anáá: «Dɔ́ŋgɔrɔ́ɔ́ŋ a rií na vinó!» 37Kó mesisí má ma híráná o wó ambaana, ekáné yá wohwá wó ma wó ambááná esene éyé vá ma buŋgáná anáá vá mó ená nkúú. 38Kó Yésusu a ma járá nawó anáá, wusó wá até kówo munú má nó dáŋgámó, wusó wá até kówo no timbámó mpetɔ́ na etémé ra vinó? 39Néménáno embɔɔ́ na eŋgoró rame, táhámáno, ó ámó mwané noó esene éyé nkúú e ta timbé ncono na vitété ámó noó. 40A ma ré járá vipéŋgé mwané hɔrɔ́ a wó tíhíyána embɔɔ́ na eŋgoró raá. 41Vá ma ríi vá arɔ́wɔ́ ka kaŋga wandá mwané esene éyé vá ma ríi na vitaka, kó vá katé kémbyé hónó, vá ta a ré kaŋga wandá mwané. Kó Yésusu a ma wó súsé anáá: «No hityámó otimbe wandá wá onyá eéná?» 42Kó vá ma me hwá isímbí yá eyáŋgéná yá cwí. 43Kó a ma wɔ́rɔ́, onyá na aŋgísó rawó. 44Kó a ma járá nawó anáá: «Ará ŋgo má ríi ŋgo arɔ́wɔ́ na vinó, ŋgo ma nó ojáná anáá wandá wimé ówó tiré-tíré na wusó wámé na kárate wa mbéndɔ́ wa Mósese, na kárate wa vahúmíye maró vá Irɔŋgɔ, kó heé na kárate wa esawo wó ma geréméná weŋgavena.» 45Kó a ma wó buné ucé ukú ójó anáá vá ová ntimisaná ra aŋgóŋgí. 46Kó a ma járá nawó anáá: «Ó ámó tiré-tíré na kárate wa Irɔŋgɔ anáá, Kirítu a mó géremenámó wená etɔɔ Kó na metúú mátátó a mó hónovámó owunde na esɔ́tɔ́.» 47Ó géremenámó hónó anáá na niyó ná Yésusu, vá ojá cómó éjé anáá vato vá géremenámó océndyé visɔ́tɔ́ vyáwó ukú ójó anáá nyéŋgé ráwó í jwévena na vidɔŋgɔ bimé, okésyé ówó na Yerúsareme. 48Vinó káva no ámó vatiseenye vá wandá mwané wimé. 49Kó noó maté kójo ŋgo né endámó nó tóména até éyé Tetáŋgá a ma táná, manáno rií na oŋgórá ojó ondo húmé ará no né timbámó ŋguru éjé e né endámó nó uréna na máná.
Yésusu a endámó na máná
50Kó Yésusu a ma enda húmé nawó berebe na oŋgórá rá Betaníya. Ɔ́wɔ́, kó a ma hetíyé embɔɔ́ o wó utána nosanjá. 51Kaá a rií na o wó utána ówó nosanjá náná, a ma wó urúkyé onaáta wenda ówó na máná. 52Kó vámwané vá ma kútyé munú o me vásoóriye, na nimé raá, vá ma wundé na Yérúsaráme naáté yá vikané vyá visaŋgena. 53Kó itíndíkáná íŋgímé, vá katé rií bɛ́ŋ na urukye ówó Irɔŋgɔ na yanje yáa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL