Yohánese 21
21
Yésusu a húménámó vihoóhóná byáráátó na imwéesií
1Na nimé ráa, Yésusu a ma húméná hée vihoóhóná vyáa na kíŋgé ra esɔ́ yá Tiberiyáde. Aaná kówo a ma wó húméná. 2Símono Pyéere, a ma ríi orɔŋgɔ na Tómasa ójó vá béráanámó anáá mwaná wa ivásá, na Natanayére ójó na Kána, na edɔŋgɔ yá Gariréya, na embwene ra Sebedé, kó na vihoóhóná vyá Yésusu víndyé vívé. 3Símono Pyéere aye nawó anáá: «Ŋgo endo ámó na noswa.» Kó vá ma járá naá anáá: «To endámó orɔŋgɔ nɔɔ.» Kó vá ma náátá na ŋgɔmbe, wó je rií anáá wutúú mwané, vá ta ma ambaana wandá. 4Ará ibeesí é ma húmé, Yésusu a ma téréméná na kíŋgé, vihoóhóná imíví ka jembe anáá ó ámó ómwané. 5Yésusu a ma járá náwó anáá: «Aá vaájó, no timbámó váná vá cwí hɔ́rɔ́?» Vá ma me wundíyé anáá: «Mbéndɔ́.» 6Kó Yésusu a ma járá nawó anáá: «Nɔɔ́no mbúnjé na kɔ́ŋgɔ́ ra ŋgɔmbe, na ombɔɔ́ rá enémé, no né ambaanámó.» Vá ma nɔɔ́ mbúnjé, wambaana cwí mbunu ukú ójó anáá mbúnjé e ma wó káŋgéná na ojona ówó na matéyá. 7Ehoóhóná éyé Yésusu a ma ré diŋgé é ma járá na Pyéere anáá: «Ó ámó Okí!» Ará Símono pyéere a ma ová anáá ó ámó Okí, a ma váváá cunú éjé meníyé esene éyé a ma ríi bwaŋgó ncɔ́, otómbá ovánɔ́ naáté yá matéyá. 8Vihoóhóná ivyomó ví ma uré naáté yá ŋgɔmbe vá túre mbúnjé tút na cwí vá ta ma rií urehí na kíŋgé, wó ma ríi wandá ámó itete ná méta. 9Ará vá ma sisé na cí, kó vá ma éná ijiye imó na cwí táréénérí na máná orɔŋgɔ na beréte. 10Kó Yésusu a ma járá náwó anáá: «Uráno sɔ́ na cwí íjí no ré ambaana.» 11Símono Pyéere a ma wundé onaáta na ŋgɔmbe kaá a ma turé mbúnjé owo mbóró e ríí tút na vikáné vyá cwí itete na mɔ́wɔ́ mátáánó na ísátó, kó tɔɔ ámó cwí í ma ríi mbunu náná, mbúnjé ka saráyá. 12Kó Yésusu a ma járá nawó anáá: «Úráno, no cama akaka.» Tɔɔ ehoóhóná émwéesií ka me súsé anáá: «Mámó o ámó áné?» Esené vá katé jembe anáá ó ámó Okí. 13Kó Yésusu a ma kerá, owɔ́rɔ́ beréte o wó téŋgíiye, o wó hwá hónó cwí. 14Wó ma ríi wité ówó na eŋgendɔ etató kówo Yésusu a ma húméná vihoóhóná vyáa na nimé éjé anáá a honowa na raaté wa vigwé.
Yésusu nawó na Pyéere
15Ará vá ma maná onyányá, Yésusu a ma súsé Símono Pyéere anáá: «Símono, ombwene rá Yohánese, o ndiŋgámó otómbá vasɔ́ɔ́ ává?» Kó Pyéere a ma me wundíyé anáá: «Eeŋ Okí, wo ijímámó anáá ŋgo wo diŋgámó.» Kó Yésusu a ma járá naá anáá: «Beeryé vitómbá vyámé.» 16Yésusu a ma súsé Símono na eŋgendɔ ebané anáá: «Símono, ombwene rá Yohánese, ye o ndiŋgámó?» A ma me wundíyé anáá: «Eeŋ Okí, wo ijímámó anáá ŋgo wo diŋgámó!» Kó Yésusu a ma járá naá anáá: «Beeryé vitómbá vyámé.» 17Na eŋgendɔ etátó, Yésusu a ma súsé Símono anáá: «Símono, ombwene rá Yohánese, ye o ndiŋgámó?» Pyéere noto e ma me sisé jɔɔ́ɔ ámó Yésusu a ma me súsé na eŋgendɔ etató anáá: «Ye o ndiŋgámó?» Kó a ma me wudíyé anáá: «Okí, mámó wo ijímámó wandá wimé, kó wo ijímámó wusi na wusi anáá ŋgo wo diŋgámó.» Kaá Yésusu a ma járá naá anáá: «Beeryé vitómbá vyámé!» 18Na vatɔ́ɔ́tɔ́, Na vatɔ́ɔ́tɔ́, ŋgo wo ojanámó anáá, ará o ma ríi enjára yá ombwene, mámó maté o ma ré wótá nkandá wɔɔ kó o ma ré enda ará o katé diŋge anáá wenda. Wó je rií anáá ará o né runámó, o né tóndíiyámó embɔɔ́ kó moto undyeé kójo a né wótámó nkandá wɔɔ kaá wenda nɔɔ homó ówó o ta diŋgé. 19Yésusu a ma járá náná anáá a tíhíye ukú rá nugwé ójó Pyéere a né gwámó índí niimí ná Irɔŋgɔ nó enéyá, kó na nimé éjé ɔ́wɔ́, a ma járá na Pyéere anáá: «Mbyɔɔnɔmó!»
Yésusu na ehoóhóná éyé a katé diŋge
20Ará Pyéere a ma núnétá nimé, a ma ená ehoóhóná éyé Yésusu a ma ré diŋge, émwané kéye ará vá katé nyányá é ma vítímíyé ucé ráa na bwaŋgó wá Yésusu, kó a ma me súsé anáá: «Okí, áné kójo a né kusaanámó nɔɔ?» 21Ará Pyéere a ma ená ehoóhóná eméye, kó a ma súsé Yésusu anáá: «Okí, até kéye é né me húménámó ómwané?» 22Kó Yésusu a ma me wundíyé anáá: «Ŋgé ŋgo a diŋgé anáá a sɔ́tɔ́ hwɔs ará ŋgo mó wúndo ámó, wó wo eŋgámó mámó até? Mámó, mbyɔɔnɔ́mó!» 23Na vipéŋgé mwané, vato vá ma sárámándíyé na raáté wa va atɔ́wɔ anáá ehoóhóná mwané é ta mó gwé. Wó je rií anáá Yésusu a ta ma járá na Pyéere anáá ehoóhóná eméye é ta né gwé, a ma járá anáá: «Ŋge ŋgo a diŋgé anáá a sɔ́tɔ́ ohúmé ará ŋgo né wundo ámó, wó wo eŋgámó mámó até?»
24Ehoóhóná mwáné kéye é tísiiyámó kó é ma wundé otire motéé mwané mwimé, kó to jembámó anáá enjárá raá e ámó vatɔ́ɔ́tɔ́. 25Yésusu a ma eŋgá hée ombunu rá motéé múndyé úmú vá ma ríi vá tíre mwimé wómó na nimé ra wómó, mbuŋganámó anáá cí ra ndono ka timbe pandó ra otéká ówó va kárate ává vá ma eŋgá vá tíre.
လက္ရွိေရြးခ်ယ္ထားမွု
Yohánese 21: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Yohánese 21
21
Yésusu a húménámó vihoóhóná byáráátó na imwéesií
1Na nimé ráa, Yésusu a ma húméná hée vihoóhóná vyáa na kíŋgé ra esɔ́ yá Tiberiyáde. Aaná kówo a ma wó húméná. 2Símono Pyéere, a ma ríi orɔŋgɔ na Tómasa ójó vá béráanámó anáá mwaná wa ivásá, na Natanayére ójó na Kána, na edɔŋgɔ yá Gariréya, na embwene ra Sebedé, kó na vihoóhóná vyá Yésusu víndyé vívé. 3Símono Pyéere aye nawó anáá: «Ŋgo endo ámó na noswa.» Kó vá ma járá naá anáá: «To endámó orɔŋgɔ nɔɔ.» Kó vá ma náátá na ŋgɔmbe, wó je rií anáá wutúú mwané, vá ta ma ambaana wandá. 4Ará ibeesí é ma húmé, Yésusu a ma téréméná na kíŋgé, vihoóhóná imíví ka jembe anáá ó ámó ómwané. 5Yésusu a ma járá náwó anáá: «Aá vaájó, no timbámó váná vá cwí hɔ́rɔ́?» Vá ma me wundíyé anáá: «Mbéndɔ́.» 6Kó Yésusu a ma járá nawó anáá: «Nɔɔ́no mbúnjé na kɔ́ŋgɔ́ ra ŋgɔmbe, na ombɔɔ́ rá enémé, no né ambaanámó.» Vá ma nɔɔ́ mbúnjé, wambaana cwí mbunu ukú ójó anáá mbúnjé e ma wó káŋgéná na ojona ówó na matéyá. 7Ehoóhóná éyé Yésusu a ma ré diŋgé é ma járá na Pyéere anáá: «Ó ámó Okí!» Ará Símono pyéere a ma ová anáá ó ámó Okí, a ma váváá cunú éjé meníyé esene éyé a ma ríi bwaŋgó ncɔ́, otómbá ovánɔ́ naáté yá matéyá. 8Vihoóhóná ivyomó ví ma uré naáté yá ŋgɔmbe vá túre mbúnjé tút na cwí vá ta ma rií urehí na kíŋgé, wó ma ríi wandá ámó itete ná méta. 9Ará vá ma sisé na cí, kó vá ma éná ijiye imó na cwí táréénérí na máná orɔŋgɔ na beréte. 10Kó Yésusu a ma járá náwó anáá: «Uráno sɔ́ na cwí íjí no ré ambaana.» 11Símono Pyéere a ma wundé onaáta na ŋgɔmbe kaá a ma turé mbúnjé owo mbóró e ríí tút na vikáné vyá cwí itete na mɔ́wɔ́ mátáánó na ísátó, kó tɔɔ ámó cwí í ma ríi mbunu náná, mbúnjé ka saráyá. 12Kó Yésusu a ma járá nawó anáá: «Úráno, no cama akaka.» Tɔɔ ehoóhóná émwéesií ka me súsé anáá: «Mámó o ámó áné?» Esené vá katé jembe anáá ó ámó Okí. 13Kó Yésusu a ma kerá, owɔ́rɔ́ beréte o wó téŋgíiye, o wó hwá hónó cwí. 14Wó ma ríi wité ówó na eŋgendɔ etató kówo Yésusu a ma húméná vihoóhóná vyáa na nimé éjé anáá a honowa na raaté wa vigwé.
Yésusu nawó na Pyéere
15Ará vá ma maná onyányá, Yésusu a ma súsé Símono Pyéere anáá: «Símono, ombwene rá Yohánese, o ndiŋgámó otómbá vasɔ́ɔ́ ává?» Kó Pyéere a ma me wundíyé anáá: «Eeŋ Okí, wo ijímámó anáá ŋgo wo diŋgámó.» Kó Yésusu a ma járá naá anáá: «Beeryé vitómbá vyámé.» 16Yésusu a ma súsé Símono na eŋgendɔ ebané anáá: «Símono, ombwene rá Yohánese, ye o ndiŋgámó?» A ma me wundíyé anáá: «Eeŋ Okí, wo ijímámó anáá ŋgo wo diŋgámó!» Kó Yésusu a ma járá naá anáá: «Beeryé vitómbá vyámé.» 17Na eŋgendɔ etátó, Yésusu a ma súsé Símono anáá: «Símono, ombwene rá Yohánese, ye o ndiŋgámó?» Pyéere noto e ma me sisé jɔɔ́ɔ ámó Yésusu a ma me súsé na eŋgendɔ etató anáá: «Ye o ndiŋgámó?» Kó a ma me wudíyé anáá: «Okí, mámó wo ijímámó wandá wimé, kó wo ijímámó wusi na wusi anáá ŋgo wo diŋgámó.» Kaá Yésusu a ma járá naá anáá: «Beeryé vitómbá vyámé!» 18Na vatɔ́ɔ́tɔ́, Na vatɔ́ɔ́tɔ́, ŋgo wo ojanámó anáá, ará o ma ríi enjára yá ombwene, mámó maté o ma ré wótá nkandá wɔɔ kó o ma ré enda ará o katé diŋge anáá wenda. Wó je rií anáá ará o né runámó, o né tóndíiyámó embɔɔ́ kó moto undyeé kójo a né wótámó nkandá wɔɔ kaá wenda nɔɔ homó ówó o ta diŋgé. 19Yésusu a ma járá náná anáá a tíhíye ukú rá nugwé ójó Pyéere a né gwámó índí niimí ná Irɔŋgɔ nó enéyá, kó na nimé éjé ɔ́wɔ́, a ma járá na Pyéere anáá: «Mbyɔɔnɔmó!»
Yésusu na ehoóhóná éyé a katé diŋge
20Ará Pyéere a ma núnétá nimé, a ma ená ehoóhóná éyé Yésusu a ma ré diŋge, émwané kéye ará vá katé nyányá é ma vítímíyé ucé ráa na bwaŋgó wá Yésusu, kó a ma me súsé anáá: «Okí, áné kójo a né kusaanámó nɔɔ?» 21Ará Pyéere a ma ená ehoóhóná eméye, kó a ma súsé Yésusu anáá: «Okí, até kéye é né me húménámó ómwané?» 22Kó Yésusu a ma me wundíyé anáá: «Ŋgé ŋgo a diŋgé anáá a sɔ́tɔ́ hwɔs ará ŋgo mó wúndo ámó, wó wo eŋgámó mámó até? Mámó, mbyɔɔnɔ́mó!» 23Na vipéŋgé mwané, vato vá ma sárámándíyé na raáté wa va atɔ́wɔ anáá ehoóhóná mwané é ta mó gwé. Wó je rií anáá Yésusu a ta ma járá na Pyéere anáá ehoóhóná eméye é ta né gwé, a ma járá anáá: «Ŋge ŋgo a diŋgé anáá a sɔ́tɔ́ ohúmé ará ŋgo né wundo ámó, wó wo eŋgámó mámó até?»
24Ehoóhóná mwáné kéye é tísiiyámó kó é ma wundé otire motéé mwané mwimé, kó to jembámó anáá enjárá raá e ámó vatɔ́ɔ́tɔ́. 25Yésusu a ma eŋgá hée ombunu rá motéé múndyé úmú vá ma ríi vá tíre mwimé wómó na nimé ra wómó, mbuŋganámó anáá cí ra ndono ka timbe pandó ra otéká ówó va kárate ává vá ma eŋgá vá tíre.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL