Yohánese 2
2
Nobá éné na Kána
1Na nimé ra mesí máváné, ekáné yá ibínó yá nobá é ma ríi na oŋgórá rá Kána na edɔŋgɔ yá Gariréya, netí Yésusu a ma ríi ɔ́wɔ́. 2Vá ma téháná honó Yésusu na ibínó mwané orɔŋgɔ na vihoóhóná vyáa. 3Amó mɔɔwɔ́ má ma maná kó netí Yésusu a ma járá náá anáá: «Vá ta ne tímbe mɔɔwɔ́.» 4Kó Yésusu a ma me wundíyé anáá: «Maá, até kéye o mbaŋgenámó? Itíndíkáná rámé yó árɔ́wɔ́ ka húmé.» 5Netí a ma járá na veŋga manɔnɔwɔ anáá: «Ŋgáno até yimé éyé a né járámó na vinó.» 6Ɔ́wɔ́, kúrí rá atááné rácátó í katé rií na wusó wá ofúbyé ówó va Yúdene. Amó kúrí e katé hítí owɔ́rɔ́ va ríitere itete. 7Yésusu aye na veŋga manɔnɔwɔ anáá: «Nwíyáno matéyá na kúrí imíji.» Kó vá ma nwíyé táásé. 8Yésusu aye nawó anáá: «Kaá téyáno no enda eréena jwé éjé é táŋgáanámó manyá.» Kó vá ma endá namá. 9Ará atáŋgáana manyá a ma maá matéyá ámá má ma ríi má obúndé mɔɔwɔ́, a ta ma jémbe ará mɔɔwɔ́ mwané má ma endá uré, bɛ́ŋ veŋga manɔnɔwɔ ává vá ma téyána káva vá katé jembe ará mɔwɔ́ má ma endá uré. Kó a ma bérááná moto ójó a ma bááná 10aye naá anáá: «Moto uŋgimé a késyámó weréena vesi vá mɔwɔ́ kó ará vato vá omána onyá mbunu ɔ́wɔ́ a késyámó weréena ama má ta nyémé mbunu, kó mámó o mó vétéena vesi vá mɔɔwɔ́ hwɔs tete óójó.» 11Náná kówo ó ma ríi na Kána na Gariréya makésyé má mesimbá má Yésusu. A ma tíhíyé niimí náa kó vihoóhóná vyáa ví ma me atɔ́wɔ́. 12Na nimé éjé áwɔ́ a ma wɔsɔ́ na oŋgórá Kaperenawúmu orɔŋgɔ na netí, na navéne na vihoóhóná vyáa, kó vá ma ríi ɔkɔ́ bɛ́ŋ vaná vá metúú.
Yésusu a gúnámó vato vá mékíte na yanje yá Irɔŋgɔ
(Mat 21:17; Már 11:17; Rúk 19:45-46)
13Pásáka wa va Yúdene a ma ríi a etá berebe kó Yésusu a ma náá na Yerúsareme. 14A enda húmé na yanje yá Irɔŋgɔ, a ma atíiye vato vá sérá na ndɔne, vitómbá, na vá meŋgá, na vacéndyé mwení vá omana héndá undií ɔ́wɔ́. 15Kó Yésusu a ma héndá émwása na twéri, o wó gúné bimé na yanje yá Irɔŋgɔ orɔŋgɔ na vitómbá na ndɔne ráwó, osasona mwení ra vacéndíyé na cí, wubiiye va dévere váwó. 16Kó a ma járá na vasérá meŋgá anáá: «Úryáno motée umúmu ará, vinó ka búndyé yanje yá Tetáŋgá yanje yá nyonyí.» 17Vihoóhóná ví ma buŋgé ámó é ámó tirétíré anáá: «Andiŋgé ájá timbámó na wusó wá yanje yɔ́ɔ́ Okí, á mó pyeényámó.» 18Kó njwé rá va Yúdene í ma járá na Yésusu anáá: «Ŋgá mesimbá na aŋgísó rá visó, ɔ́wɔ́ to né jembámó anáá Irɔŋgɔ a wo atɔ́wenámó anáá weŋga mamba mwané.» 19Yésusu a ma wó wundíyé anáá: «Sásónáno yanje yá Irɔŋgɔ éyé, na metúú mátátó ŋgunde o ne haá.» 20Kó va Yúdene vá ma járá náá anáá: «Vato vá ma tómbá máá atíné ábáné na máráátó anáá vá haá yanje eyé, kó mámó o járámó anáá o hítyámó owunde oháá na metúú mátátó?» 21Yanje éyé Yésusu a katé járá, wó ma ríi nótó raá. 22Kó hée ará Yésusu a má hatééná na raaté wa vigwé, vihoóhóná vyáa ví má buŋge anáá a má járá náná kó vá ma kaŋgá ntiréná éjé e ámó na va mwáŋ mwáŋ vá va kárate, owunde okaŋga vipéŋgé íví Yésusu a má járá.
Ŋgɔ́tɔ́wena éjé e ta geréméná
23Na itíndíkáná rá ibíno yá Pásáka, Yésusu a katé rií na Yerúsareme. Ará vato vá ma ená mesimbá ámá a katé eŋga, kó ombunu ó ma me atɔ́wɔ́. 24Ítɔɔ náná, Yésusu a ta ma káte timbé ipití nawó, esene éyé a katé wó jémbe bimé. 25Yésusu a ta ma ré súsé anáá vá me ojáná ámó moto a ámó, ómwané maté a jembámó ówo wó ámó na etémá ra vato.
လက္ရွိေရြးခ်ယ္ထားမွု
Yohánese 2: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Yohánese 2
2
Nobá éné na Kána
1Na nimé ra mesí máváné, ekáné yá ibínó yá nobá é ma ríi na oŋgórá rá Kána na edɔŋgɔ yá Gariréya, netí Yésusu a ma ríi ɔ́wɔ́. 2Vá ma téháná honó Yésusu na ibínó mwané orɔŋgɔ na vihoóhóná vyáa. 3Amó mɔɔwɔ́ má ma maná kó netí Yésusu a ma járá náá anáá: «Vá ta ne tímbe mɔɔwɔ́.» 4Kó Yésusu a ma me wundíyé anáá: «Maá, até kéye o mbaŋgenámó? Itíndíkáná rámé yó árɔ́wɔ́ ka húmé.» 5Netí a ma járá na veŋga manɔnɔwɔ anáá: «Ŋgáno até yimé éyé a né járámó na vinó.» 6Ɔ́wɔ́, kúrí rá atááné rácátó í katé rií na wusó wá ofúbyé ówó va Yúdene. Amó kúrí e katé hítí owɔ́rɔ́ va ríitere itete. 7Yésusu aye na veŋga manɔnɔwɔ anáá: «Nwíyáno matéyá na kúrí imíji.» Kó vá ma nwíyé táásé. 8Yésusu aye nawó anáá: «Kaá téyáno no enda eréena jwé éjé é táŋgáanámó manyá.» Kó vá ma endá namá. 9Ará atáŋgáana manyá a ma maá matéyá ámá má ma ríi má obúndé mɔɔwɔ́, a ta ma jémbe ará mɔɔwɔ́ mwané má ma endá uré, bɛ́ŋ veŋga manɔnɔwɔ ává vá ma téyána káva vá katé jembe ará mɔwɔ́ má ma endá uré. Kó a ma bérááná moto ójó a ma bááná 10aye naá anáá: «Moto uŋgimé a késyámó weréena vesi vá mɔwɔ́ kó ará vato vá omána onyá mbunu ɔ́wɔ́ a késyámó weréena ama má ta nyémé mbunu, kó mámó o mó vétéena vesi vá mɔɔwɔ́ hwɔs tete óójó.» 11Náná kówo ó ma ríi na Kána na Gariréya makésyé má mesimbá má Yésusu. A ma tíhíyé niimí náa kó vihoóhóná vyáa ví ma me atɔ́wɔ́. 12Na nimé éjé áwɔ́ a ma wɔsɔ́ na oŋgórá Kaperenawúmu orɔŋgɔ na netí, na navéne na vihoóhóná vyáa, kó vá ma ríi ɔkɔ́ bɛ́ŋ vaná vá metúú.
Yésusu a gúnámó vato vá mékíte na yanje yá Irɔŋgɔ
(Mat 21:17; Már 11:17; Rúk 19:45-46)
13Pásáka wa va Yúdene a ma ríi a etá berebe kó Yésusu a ma náá na Yerúsareme. 14A enda húmé na yanje yá Irɔŋgɔ, a ma atíiye vato vá sérá na ndɔne, vitómbá, na vá meŋgá, na vacéndyé mwení vá omana héndá undií ɔ́wɔ́. 15Kó Yésusu a ma héndá émwása na twéri, o wó gúné bimé na yanje yá Irɔŋgɔ orɔŋgɔ na vitómbá na ndɔne ráwó, osasona mwení ra vacéndíyé na cí, wubiiye va dévere váwó. 16Kó a ma járá na vasérá meŋgá anáá: «Úryáno motée umúmu ará, vinó ka búndyé yanje yá Tetáŋgá yanje yá nyonyí.» 17Vihoóhóná ví ma buŋgé ámó é ámó tirétíré anáá: «Andiŋgé ájá timbámó na wusó wá yanje yɔ́ɔ́ Okí, á mó pyeényámó.» 18Kó njwé rá va Yúdene í ma járá na Yésusu anáá: «Ŋgá mesimbá na aŋgísó rá visó, ɔ́wɔ́ to né jembámó anáá Irɔŋgɔ a wo atɔ́wenámó anáá weŋga mamba mwané.» 19Yésusu a ma wó wundíyé anáá: «Sásónáno yanje yá Irɔŋgɔ éyé, na metúú mátátó ŋgunde o ne haá.» 20Kó va Yúdene vá ma járá náá anáá: «Vato vá ma tómbá máá atíné ábáné na máráátó anáá vá haá yanje eyé, kó mámó o járámó anáá o hítyámó owunde oháá na metúú mátátó?» 21Yanje éyé Yésusu a katé járá, wó ma ríi nótó raá. 22Kó hée ará Yésusu a má hatééná na raaté wa vigwé, vihoóhóná vyáa ví má buŋge anáá a má járá náná kó vá ma kaŋgá ntiréná éjé e ámó na va mwáŋ mwáŋ vá va kárate, owunde okaŋga vipéŋgé íví Yésusu a má járá.
Ŋgɔ́tɔ́wena éjé e ta geréméná
23Na itíndíkáná rá ibíno yá Pásáka, Yésusu a katé rií na Yerúsareme. Ará vato vá ma ená mesimbá ámá a katé eŋga, kó ombunu ó ma me atɔ́wɔ́. 24Ítɔɔ náná, Yésusu a ta ma káte timbé ipití nawó, esene éyé a katé wó jémbe bimé. 25Yésusu a ta ma ré súsé anáá vá me ojáná ámó moto a ámó, ómwané maté a jembámó ówo wó ámó na etémá ra vato.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL