Ŋgengéná 28
28
Póoro na ihómá ná Márata
1Na nímé ejé anáá to pamba nugwé, kó to ma ová anáá vá beráanámó ihómá mwané anáá Márata. 2Vato ává vá katé osɔ́tɔ́ ɔ́wɔ́ vá ma só wɔ́rɔ́ wusi, ará newórá ne makási o sowa, isíné ye te pépá, kó vato amáva vá ma ratá ekané yá ihyáné o só beráana visó bimé anáá to wa wɔ́sɔ́wɔ. 3Póoro a ma tótá undumú rá karákásá kaá a ma nɔɔ́ naáté yá ihyáné, kó péné e ma húmé na nduútana, ováhítána na ombɔɔ́ ráa. 4Ará vato vá edɔŋgɔ vá ma ená nɔɔ́ e váhítána na ombɔɔ́ rá Póoro, vá ma járá vámwané na vámwané anáá: «Moto ojó a ámó sáá yoná vato, esene éyé jósi wa Irɔŋgɔ a me byɔɔnɔmó tɔɔ ámó a mó pámba ogwé ówó máŋa.» 5Kó Póoro a ma jiyátá ombɔɔ́ ráa, nɔɔ́ ovánɔ́ naáté yá ihyáné ka me eŋga wandá. 6Vato ává vá ma re gíré anáá a vaŋgámó ohúsyé, itɔɔ anáá a gwámó. Vá ma gíré ka na wandá kó vá ma céndyé iŋgúté váye anáá: «A ámó sambé omo!»
7Berebe na pandó máté, cí rá Pubiriyúsu onásá rá ahumu ájá na ihómá mwané í katé rií ɔ́wɔ́, kó moto omójo a ma só aká na imyeé iŋgímé, visó ovété metúú mátátó na yanje yáa. 8Isyé Pubiriyúsu a katé rií cupé cupé naáté yá yanje, fíba na ibumu na miné mó me timbe. Póoro a ma endá me ená, kó a ma vásóóriyé, o me táréena embɔɔ́ na ucé, kó moto a ma ondówá. 9Na nímé raá, vinɔ́ ivyomó bimé iví na ihómá ví ma uráná, kó vámwané hónó vá ma ondówáná. 10Vá ma só tíhíyé imítí kána iŋgímána, kaá itíndíkáná íjí to ma báréyá, vá ma só hwá wandá wimé ówó na mpí na wusó wá oŋgendɔ.
Póoro a jinámó na Róma
11Na nimé ra ehé etátó kówo to ma wɔ́rɔ́ sitíme ójó na oŋgórá rá Arekesandiríya, vá berána anáá va Diyosocurése, sitíme mwané a ma túmbyé oŋgemé na ihómá. 12To ma jiné na Sirakúsu kó to ma eŋgá metúú mátátó ɔ́wɔ́. 13Worúkye ówó hɔ́rɔ́, to ma endá matéyá na matéyá visó ondo jine na Regíyo. Míveri máá puŋgi e katé ondo urána mweesye kó to ma eŋgá metúú mává anáá to húmé na oŋgórá rá Pusoróso. 14Na oŋgórá mwané, to ma etíyé va vatɔ́wɔ kó vá ma járá na visó anáá to túmbyé emánjéta mbímí nawó. Náná kówo to ma endá húmé na Róma. 15Vatɔ́wɔ ává na Róma, vá ma ová anáá to urámó hɔrɔ́ to arɔ́wɔ́ na Pusoróso, kó vá ma uré ondo bérúme na visó na nyonyí éné na oŋgórá ójó vá béráanámó anáá Apiyúsu kó na byanje vyá biní vítátó. Ará Póoro a ma wó ená, a ma téŋgyé Irɔŋgɔ, owunde owɔ́rɔ́ wonotó.
Póoro na Róma
16Ará to ma humé na Róma, vá ma járá na Póoro anáá a timbe yanje yáá ndendeŋgé, na mwaná wa visimbi ójó a me gírámó. 17Na nímé ra metúú matátó, a tehanámó njwé rá va Yúdene íjí Róma. Ará vá ma wawunjíini, Póoro a ma járá nawó anáá: «Va mbísó, ta eŋgá wandá owó obewámó na wusó wá noyɔŋɔ na visó, itɔɔ na wusó wa ntumu ra vakókó va visó, kó vá ma ŋgambáána na Yérusaráme, o ntómá na embɔɔ́ ra va Roméne. 18Ará vá ma maná cúcáná, vá ma diŋgé anáá vá mice esene éyé vá ta ma atíye wandá ówó wobé na nótó rame ombótá ójó anáá vá ŋgoná. 19Kó va Yúdene vá ma wáraŋgá, ɔ́wɔ́ ŋgo ma rii na obiriki anáá ŋgo enda ená ogónó wa ahumu índi ómwané maté o njósyé, tɔɔ ámó ta ma diŋgé anáá cɔ́mɔ́nɔ noyɔŋɔ namé. 20Wandá mwané kówo ŋgo ma nó tehaná anáá ŋgo nó ená índi njáráana na vinó. Na vatɔ́ɔ́tɔ́, ndo ámó ewóténa na masóŋó na wusó wá ojó noyɔŋɔ na Isayére no pítyámó.» 21Va Yúdene vá me wundyámó anáá: «Visó tó tá timbé kárate omó a nde uré na Yúdeyá na wusó wɔ́ɔ́, itɔɔ mbísó omó ojó a ma uré onde só ojáná wandá owó wó béyámó na notó rɔɔ. 22Wó je rií anáá to waŋgámó anáá mámó maté o só ojána mbuŋgána rɔɔ. Esené eyé pandó iŋgímé vato vá ma járá wobé na iwónjá rɔ́ɔ́.» 23Kó vá ma cé njuri anáá vá wundo ámó oberume na yanje yá Póoro. Isí mwané vato vá ma humé hée mbunu, kó Póoro a ma wɔ́rɔ́ enjárá okésyé owó ibeesi ohumé hwɔs eneŋgá, a wó timisíni tamba ra Irɔŋgɔ, awó ojána maró amá ma némenámó Yésusu wusi okésyé owó na mbéndɔ́ ra Mósese, ohumé na vakárate ává va humiyé maró va Irɔŋgɔ vá ma vá ma tiré. 24Vámó vá ma atɔ́wɔ́ avámó ováráŋga. 25Ará vá ma endáná, vá ta ma obá mií vámwané na vámwané, kó Póoro a ma járá nawó anáá: «Mwáŋ mwáŋ wa Ireréŋgi a ma timbé mwané makawíki ará a ma járá na va kókó va vínó na uŋgúté rá ahúmíye maró wa Irɔŋgɔ ojó Isáyá anáá:
26Ndá ondo ojana noyɔŋɔ mwané anáá:
No né owatɔ́rɔ́mó sáá, wó je rií anáá no ta né ová.
No ne némenámó wusi, wó je rií anáá no ta né ená.
27Esené noyɔŋɔ ené nó ta ne diŋge anáá nó ová.
Vá má maná ité etú ráwó,
obútyáana aŋgísó ráwó
ombótá ójó anáá aŋgísó ráwó ka ená,
etú rawó ka ová,
munú máwó ka ová.
Ukú ójó anáá vá ríi ka wunde na noó ójó Irɔŋgɔ,
índi ŋgo wó ondóna.»
28Póoro a ma járá hée anáá: «Jembáno sɔ́ anáá Irɔŋgɔ a ma tómá usi wa Cómó wa esɔ́tɔ́ na va hayídene, kó vámwané vá né ovámó.» 29Ojárá ówó Póoro a ma járá naná, va Yúdene vá ma báréyáná hɔ́rɔ́ vá pétaana nasesi. 30Póoro a ma sɔ́tɔ́ na ómwané maté homó mwané na taŋgó ra maá mavané a aka vato bimé ává vá katé ondo mo ená. 31A oja tamba ra Irɔŋgɔ, a erééna ehóhona na até eyé enéménámó Okí Yésusu Kirítu na ipitíiŋgimé ka na wandá ówó wó me wɔ́mbɔ́kɔmó.
လက္ရွိေရြးခ်ယ္ထားမွု
Ŋgengéná 28: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Ŋgengéná 28
28
Póoro na ihómá ná Márata
1Na nímé ejé anáá to pamba nugwé, kó to ma ová anáá vá beráanámó ihómá mwané anáá Márata. 2Vato ává vá katé osɔ́tɔ́ ɔ́wɔ́ vá ma só wɔ́rɔ́ wusi, ará newórá ne makási o sowa, isíné ye te pépá, kó vato amáva vá ma ratá ekané yá ihyáné o só beráana visó bimé anáá to wa wɔ́sɔ́wɔ. 3Póoro a ma tótá undumú rá karákásá kaá a ma nɔɔ́ naáté yá ihyáné, kó péné e ma húmé na nduútana, ováhítána na ombɔɔ́ ráa. 4Ará vato vá edɔŋgɔ vá ma ená nɔɔ́ e váhítána na ombɔɔ́ rá Póoro, vá ma járá vámwané na vámwané anáá: «Moto ojó a ámó sáá yoná vato, esene éyé jósi wa Irɔŋgɔ a me byɔɔnɔmó tɔɔ ámó a mó pámba ogwé ówó máŋa.» 5Kó Póoro a ma jiyátá ombɔɔ́ ráa, nɔɔ́ ovánɔ́ naáté yá ihyáné ka me eŋga wandá. 6Vato ává vá ma re gíré anáá a vaŋgámó ohúsyé, itɔɔ anáá a gwámó. Vá ma gíré ka na wandá kó vá ma céndyé iŋgúté váye anáá: «A ámó sambé omo!»
7Berebe na pandó máté, cí rá Pubiriyúsu onásá rá ahumu ájá na ihómá mwané í katé rií ɔ́wɔ́, kó moto omójo a ma só aká na imyeé iŋgímé, visó ovété metúú mátátó na yanje yáa. 8Isyé Pubiriyúsu a katé rií cupé cupé naáté yá yanje, fíba na ibumu na miné mó me timbe. Póoro a ma endá me ená, kó a ma vásóóriyé, o me táréena embɔɔ́ na ucé, kó moto a ma ondówá. 9Na nímé raá, vinɔ́ ivyomó bimé iví na ihómá ví ma uráná, kó vámwané hónó vá ma ondówáná. 10Vá ma só tíhíyé imítí kána iŋgímána, kaá itíndíkáná íjí to ma báréyá, vá ma só hwá wandá wimé ówó na mpí na wusó wá oŋgendɔ.
Póoro a jinámó na Róma
11Na nimé ra ehé etátó kówo to ma wɔ́rɔ́ sitíme ójó na oŋgórá rá Arekesandiríya, vá berána anáá va Diyosocurése, sitíme mwané a ma túmbyé oŋgemé na ihómá. 12To ma jiné na Sirakúsu kó to ma eŋgá metúú mátátó ɔ́wɔ́. 13Worúkye ówó hɔ́rɔ́, to ma endá matéyá na matéyá visó ondo jine na Regíyo. Míveri máá puŋgi e katé ondo urána mweesye kó to ma eŋgá metúú mává anáá to húmé na oŋgórá rá Pusoróso. 14Na oŋgórá mwané, to ma etíyé va vatɔ́wɔ kó vá ma járá na visó anáá to túmbyé emánjéta mbímí nawó. Náná kówo to ma endá húmé na Róma. 15Vatɔ́wɔ ává na Róma, vá ma ová anáá to urámó hɔrɔ́ to arɔ́wɔ́ na Pusoróso, kó vá ma uré ondo bérúme na visó na nyonyí éné na oŋgórá ójó vá béráanámó anáá Apiyúsu kó na byanje vyá biní vítátó. Ará Póoro a ma wó ená, a ma téŋgyé Irɔŋgɔ, owunde owɔ́rɔ́ wonotó.
Póoro na Róma
16Ará to ma humé na Róma, vá ma járá na Póoro anáá a timbe yanje yáá ndendeŋgé, na mwaná wa visimbi ójó a me gírámó. 17Na nímé ra metúú matátó, a tehanámó njwé rá va Yúdene íjí Róma. Ará vá ma wawunjíini, Póoro a ma járá nawó anáá: «Va mbísó, ta eŋgá wandá owó obewámó na wusó wá noyɔŋɔ na visó, itɔɔ na wusó wa ntumu ra vakókó va visó, kó vá ma ŋgambáána na Yérusaráme, o ntómá na embɔɔ́ ra va Roméne. 18Ará vá ma maná cúcáná, vá ma diŋgé anáá vá mice esene éyé vá ta ma atíye wandá ówó wobé na nótó rame ombótá ójó anáá vá ŋgoná. 19Kó va Yúdene vá ma wáraŋgá, ɔ́wɔ́ ŋgo ma rii na obiriki anáá ŋgo enda ená ogónó wa ahumu índi ómwané maté o njósyé, tɔɔ ámó ta ma diŋgé anáá cɔ́mɔ́nɔ noyɔŋɔ namé. 20Wandá mwané kówo ŋgo ma nó tehaná anáá ŋgo nó ená índi njáráana na vinó. Na vatɔ́ɔ́tɔ́, ndo ámó ewóténa na masóŋó na wusó wá ojó noyɔŋɔ na Isayére no pítyámó.» 21Va Yúdene vá me wundyámó anáá: «Visó tó tá timbé kárate omó a nde uré na Yúdeyá na wusó wɔ́ɔ́, itɔɔ mbísó omó ojó a ma uré onde só ojáná wandá owó wó béyámó na notó rɔɔ. 22Wó je rií anáá to waŋgámó anáá mámó maté o só ojána mbuŋgána rɔɔ. Esené eyé pandó iŋgímé vato vá ma járá wobé na iwónjá rɔ́ɔ́.» 23Kó vá ma cé njuri anáá vá wundo ámó oberume na yanje yá Póoro. Isí mwané vato vá ma humé hée mbunu, kó Póoro a ma wɔ́rɔ́ enjárá okésyé owó ibeesi ohumé hwɔs eneŋgá, a wó timisíni tamba ra Irɔŋgɔ, awó ojána maró amá ma némenámó Yésusu wusi okésyé owó na mbéndɔ́ ra Mósese, ohumé na vakárate ává va humiyé maró va Irɔŋgɔ vá ma vá ma tiré. 24Vámó vá ma atɔ́wɔ́ avámó ováráŋga. 25Ará vá ma endáná, vá ta ma obá mií vámwané na vámwané, kó Póoro a ma járá nawó anáá: «Mwáŋ mwáŋ wa Ireréŋgi a ma timbé mwané makawíki ará a ma járá na va kókó va vínó na uŋgúté rá ahúmíye maró wa Irɔŋgɔ ojó Isáyá anáá:
26Ndá ondo ojana noyɔŋɔ mwané anáá:
No né owatɔ́rɔ́mó sáá, wó je rií anáá no ta né ová.
No ne némenámó wusi, wó je rií anáá no ta né ená.
27Esené noyɔŋɔ ené nó ta ne diŋge anáá nó ová.
Vá má maná ité etú ráwó,
obútyáana aŋgísó ráwó
ombótá ójó anáá aŋgísó ráwó ka ená,
etú rawó ka ová,
munú máwó ka ová.
Ukú ójó anáá vá ríi ka wunde na noó ójó Irɔŋgɔ,
índi ŋgo wó ondóna.»
28Póoro a ma járá hée anáá: «Jembáno sɔ́ anáá Irɔŋgɔ a ma tómá usi wa Cómó wa esɔ́tɔ́ na va hayídene, kó vámwané vá né ovámó.» 29Ojárá ówó Póoro a ma járá naná, va Yúdene vá ma báréyáná hɔ́rɔ́ vá pétaana nasesi. 30Póoro a ma sɔ́tɔ́ na ómwané maté homó mwané na taŋgó ra maá mavané a aka vato bimé ává vá katé ondo mo ená. 31A oja tamba ra Irɔŋgɔ, a erééna ehóhona na até eyé enéménámó Okí Yésusu Kirítu na ipitíiŋgimé ka na wandá ówó wó me wɔ́mbɔ́kɔmó.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL