Ŋgengéná 25
25
Póoro na aŋgísó rá Fesetúsu
1Ará Fesetúsu a ma ríi a otúmbyé metúú mátátó na Cesaráyá, kó a ma urúkyé hɔ́rɔ́ wenda na Yerúsareme. 2Vagónó vá vacekiye mómí na jwé rá va Yúdene vá ma uráná na aŋgísó ráa kó vá ma sɔ́mɔ́nɔ́ Póoro. Ojitiye o me sɔ́mɔ́nɔ 3váye anáá: «Kutu kutu Fesetúsu, ŋgá anáá índi Póoro a enda na Yerúsareme.» Wó je rií anáá va Yúdene vámó vá katé támbéna Póoro itámbó anáá indi vá me oná na témá ra onjɔ́ŋɔ́. 4Kó Fesetúsu awó wundiyámó anáá: «Póoro a ámó mboo na Cesaráyá kó noó maté honó ŋgo né soŋgonámó ará wó kérámó ará.» 5Kó a ma uswíyé hée anáá: «Ŋjwé rá vinó í géremenámó wuré orɔŋgɔ name na Cesaráyá ukú ójó anáá ŋgé Póoro a má eŋgá wandá ówó wó béyámó vámwané o me sɔ́mɔ́nɔ.» 6Fesetúsu a ma eŋgá na Yerúsareme wandá ámó metúú mérémané ŋgé mábɔ́t kó a ma wundé na Cesaráyá, kaá míveri máa a ma nuumáná na yanje yá jósi kó a ma erééná ŋguru anáá vá uré na Póoro.
7Ará Póoro a ma jiné, va Yúdene ává vá ma endá urána na Yerúsareme vá ma me véndétyé okésyé o me sɔ́mɔ́nɔ na vambé vá mamba kána iŋgímé, veda ka je hítí otíhíye anáá va sɔ́mɔnɔ váwó mwané vá ámó vatɔ́ɔ́tɔ́. 8Póoro a ma vákámáná aye nawó anáá: «Noó ta eŋgá wandá ówó wó béyámó tɔɔ na wusó wá mbéndɔ́ ra va Yúdene, tɔɔ na wusó wá yanje yá Irɔŋgɔ, tɔɔ na wusó wá ogónó wa ahumu.» 9Amó Fesetúsu a ma diŋgé anáá va Yúdene va me ovéna wusí, kó a ma súsé Póoro anáá: «Ye wo atɔ́wɔmó anáá wo enda na Yerúsareme ukú ójó anáá jósi wɔɔ a tómbávena na aŋgísó ramé?» 10Kó Póoro a ma me wundíyé anáá: «Ndo ámó na yanje yá jósi yá ogónó wa ahumu, kó ɔ́wɔ́ kówo vá géremenámó o njósyé. Noó ta eŋgá wandá ówó wó béyámó na wusó wá noyɔŋɔ ná va Yúdene, mámó maté wo ijímámó náná wusi na wusi. 11Ŋgé ŋgo má eŋgá ihusí, ŋgé ŋgo má eŋgá wandá wómó ówó wó eŋgámó anáá ŋgeremena na nugwé, noó ta váráŋgá nugwé. Vedá ŋgé vatɔ́ɔ́tɔ́ vá ta ámó na va sɔ́mɔnɔ váwó, moto a ta timbé anáá a nkava na vámwané. Cúcámó anáá ogónó wa ahumu maté kójo a njósyé.» 12Kó Fesetúsu a ma járááná na vato wáa vá ndébɔ́, na nimé raá kó a ma eŋgá na Póoro anáá: «Amó o mó éŋga anáá ogónó wa ahumu maté kójo a wo jósyé, o né endámó sɔ́ na ogónó wa ahumu.»
Póoro na aŋgísó rá ahumu Agirípa na Berenísi
13Na nimé rá váná metúú, ahumu Agirípa na mbéní raá éjé Berenísi, vá ma endá na Cesaráyá ondo heremena Fesetúsu. 14Amó vá ma túmbyé metúú mbunu ɔ́wɔ́, kó Fesetúsu a ma ojáná ahumu ójó Agirípa ndɔ́ŋɔ́ ra Póoro anáá: «Ahumu Agirípa, moto omo a ámó ará ójó Ferísi a ma cé na mbóó. 15Ará ŋge má endá na Yerúsareme, vagónó vá vacekiye mómí na vagónó vá va Yúdene vá má uré ondo me sɔ́mɔ́nɔ kó vá káté vaŋga anáá índi ŋgo me pwénísye. 16Kó ŋgo má wó wundíyé anáá: Va Roméne vá ta timbé púrú éjé anáá vá pwénísye moto ka mana o me hwá itíndíkáná íjí anáá a váháŋgána na aŋgísó rá vato ává vá mó me sɔ́mɔ́nɔ. 17Kó vá ta gíré téé, vá má híráná wuré orɔŋrɔ name eéná míveri máa, noó onuumana na yanje yá jósi kó ŋgo má erééná ŋguru anáá va uré na moto mwané. 18Vato ává vá ma me sɔ́mɔ́nɔ́ vá má endá jine, vedá ka je me sɔ́mɔ́nɔ na wandá ówó wó cákámó obéyá ámóŋgo káté buŋgana. 19Vá káté timbe mpétɔ́ na wusó wá nyévé rawó, acakácaka na wusó wá moto omo vá me béráana anáá Yésusu ójó a má gwé, kó Póoro ómwané a ma járá anáá a hwenámó. 20Amó ndɔ́ŋɔ́ mwané e má ntétyé, esene éyé noó ta ne ijíme ámó ŋgo má hítí weŋga, kó ŋgo má súsé Póoro ŋgé a ámó wenda na Yerúsareme ukú ójó anáá maró máa má jósyévena ɔkɔ́. 21Kó Póoro a má súsé anáá ogónó wa ahumu maté kójo a me jósyé. Kaá ŋgo má járá anáá vá me vétéena na mboo ondo húmé ará vá né endámó naá na ogónó wa ahumu.» 22Kó Agirípa a ma járá na Fesetúsu anáá: «Noó honó mbaŋgámó anáá mbátɔ́rɔ́ moto mwané.» Kó Fesetúsu a me wundiyámó anáá: «O né me vátɔ́rɔ́mó nemberi.»
23Míveri máá, Agirípa na Berenísi vá ma jiné na ekáné yá cámbá a vato kó vá ma iŋgááná na yanje yá jósi orɔŋgɔ na vagónó vá visimbi na enásá éjé na oŋgórá. Kó Fesetúsu a ma erééná ŋguru anáá vá uré na Póoro. 24Kó Fesetúsu a ma wɔ́rɔ́ enjárá a ye anáá: «Ahumu Agirípa, na vinó bimé ává no ámó na visó ééna, néménáno moto ojó. Ncumbí wa va Yúdene uŋgimé a má úré ondo ŋgéná na Yerúsareme na wusó wáa, owunde ondo ŋgéná eéná vá járá anáá a ta geréméná o ne sɔ́tɔ́. 25Na mpáá éjé na nóó, ta ená wandá ówó wó eŋgámó anáá índi a geremena na nugwé. Kó ámó ómwané maté a má súsé anáá ogónó wa ahumu maté kójo a me jósyé, ŋgo mó sómbá anáá ŋgo me tómámó ɔkɔ́. 26Amó ta timbé mpaŋá ra wandá anáá tirana ogónó wa ahumu na até éyé é néménámó moto ojó, wandá mwané kówo ŋgo mó uré naá na aŋgísó rá vinó, caké cáké mámó ójó ahumu Agirípa, ukú ójó anáá timbe wandá wá o me tirana hɔ́rɔ́ na máná o me súsé cúcána. 27Esené otómá ówó mwaná wa vimbóo naná ká na ucé rá ŋdɔ́ŋɔ́ wó ámó wejá.»
လက္ရွိေရြးခ်ယ္ထားမွု
Ŋgengéná 25: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Ŋgengéná 25
25
Póoro na aŋgísó rá Fesetúsu
1Ará Fesetúsu a ma ríi a otúmbyé metúú mátátó na Cesaráyá, kó a ma urúkyé hɔ́rɔ́ wenda na Yerúsareme. 2Vagónó vá vacekiye mómí na jwé rá va Yúdene vá ma uráná na aŋgísó ráa kó vá ma sɔ́mɔ́nɔ́ Póoro. Ojitiye o me sɔ́mɔ́nɔ 3váye anáá: «Kutu kutu Fesetúsu, ŋgá anáá índi Póoro a enda na Yerúsareme.» Wó je rií anáá va Yúdene vámó vá katé támbéna Póoro itámbó anáá indi vá me oná na témá ra onjɔ́ŋɔ́. 4Kó Fesetúsu awó wundiyámó anáá: «Póoro a ámó mboo na Cesaráyá kó noó maté honó ŋgo né soŋgonámó ará wó kérámó ará.» 5Kó a ma uswíyé hée anáá: «Ŋjwé rá vinó í géremenámó wuré orɔŋgɔ name na Cesaráyá ukú ójó anáá ŋgé Póoro a má eŋgá wandá ówó wó béyámó vámwané o me sɔ́mɔ́nɔ.» 6Fesetúsu a ma eŋgá na Yerúsareme wandá ámó metúú mérémané ŋgé mábɔ́t kó a ma wundé na Cesaráyá, kaá míveri máa a ma nuumáná na yanje yá jósi kó a ma erééná ŋguru anáá vá uré na Póoro.
7Ará Póoro a ma jiné, va Yúdene ává vá ma endá urána na Yerúsareme vá ma me véndétyé okésyé o me sɔ́mɔ́nɔ na vambé vá mamba kána iŋgímé, veda ka je hítí otíhíye anáá va sɔ́mɔnɔ váwó mwané vá ámó vatɔ́ɔ́tɔ́. 8Póoro a ma vákámáná aye nawó anáá: «Noó ta eŋgá wandá ówó wó béyámó tɔɔ na wusó wá mbéndɔ́ ra va Yúdene, tɔɔ na wusó wá yanje yá Irɔŋgɔ, tɔɔ na wusó wá ogónó wa ahumu.» 9Amó Fesetúsu a ma diŋgé anáá va Yúdene va me ovéna wusí, kó a ma súsé Póoro anáá: «Ye wo atɔ́wɔmó anáá wo enda na Yerúsareme ukú ójó anáá jósi wɔɔ a tómbávena na aŋgísó ramé?» 10Kó Póoro a ma me wundíyé anáá: «Ndo ámó na yanje yá jósi yá ogónó wa ahumu, kó ɔ́wɔ́ kówo vá géremenámó o njósyé. Noó ta eŋgá wandá ówó wó béyámó na wusó wá noyɔŋɔ ná va Yúdene, mámó maté wo ijímámó náná wusi na wusi. 11Ŋgé ŋgo má eŋgá ihusí, ŋgé ŋgo má eŋgá wandá wómó ówó wó eŋgámó anáá ŋgeremena na nugwé, noó ta váráŋgá nugwé. Vedá ŋgé vatɔ́ɔ́tɔ́ vá ta ámó na va sɔ́mɔnɔ váwó, moto a ta timbé anáá a nkava na vámwané. Cúcámó anáá ogónó wa ahumu maté kójo a njósyé.» 12Kó Fesetúsu a ma járááná na vato wáa vá ndébɔ́, na nimé raá kó a ma eŋgá na Póoro anáá: «Amó o mó éŋga anáá ogónó wa ahumu maté kójo a wo jósyé, o né endámó sɔ́ na ogónó wa ahumu.»
Póoro na aŋgísó rá ahumu Agirípa na Berenísi
13Na nimé rá váná metúú, ahumu Agirípa na mbéní raá éjé Berenísi, vá ma endá na Cesaráyá ondo heremena Fesetúsu. 14Amó vá ma túmbyé metúú mbunu ɔ́wɔ́, kó Fesetúsu a ma ojáná ahumu ójó Agirípa ndɔ́ŋɔ́ ra Póoro anáá: «Ahumu Agirípa, moto omo a ámó ará ójó Ferísi a ma cé na mbóó. 15Ará ŋge má endá na Yerúsareme, vagónó vá vacekiye mómí na vagónó vá va Yúdene vá má uré ondo me sɔ́mɔ́nɔ kó vá káté vaŋga anáá índi ŋgo me pwénísye. 16Kó ŋgo má wó wundíyé anáá: Va Roméne vá ta timbé púrú éjé anáá vá pwénísye moto ka mana o me hwá itíndíkáná íjí anáá a váháŋgána na aŋgísó rá vato ává vá mó me sɔ́mɔ́nɔ. 17Kó vá ta gíré téé, vá má híráná wuré orɔŋrɔ name eéná míveri máa, noó onuumana na yanje yá jósi kó ŋgo má erééná ŋguru anáá va uré na moto mwané. 18Vato ává vá ma me sɔ́mɔ́nɔ́ vá má endá jine, vedá ka je me sɔ́mɔ́nɔ na wandá ówó wó cákámó obéyá ámóŋgo káté buŋgana. 19Vá káté timbe mpétɔ́ na wusó wá nyévé rawó, acakácaka na wusó wá moto omo vá me béráana anáá Yésusu ójó a má gwé, kó Póoro ómwané a ma járá anáá a hwenámó. 20Amó ndɔ́ŋɔ́ mwané e má ntétyé, esene éyé noó ta ne ijíme ámó ŋgo má hítí weŋga, kó ŋgo má súsé Póoro ŋgé a ámó wenda na Yerúsareme ukú ójó anáá maró máa má jósyévena ɔkɔ́. 21Kó Póoro a má súsé anáá ogónó wa ahumu maté kójo a me jósyé. Kaá ŋgo má járá anáá vá me vétéena na mboo ondo húmé ará vá né endámó naá na ogónó wa ahumu.» 22Kó Agirípa a ma járá na Fesetúsu anáá: «Noó honó mbaŋgámó anáá mbátɔ́rɔ́ moto mwané.» Kó Fesetúsu a me wundiyámó anáá: «O né me vátɔ́rɔ́mó nemberi.»
23Míveri máá, Agirípa na Berenísi vá ma jiné na ekáné yá cámbá a vato kó vá ma iŋgááná na yanje yá jósi orɔŋgɔ na vagónó vá visimbi na enásá éjé na oŋgórá. Kó Fesetúsu a ma erééná ŋguru anáá vá uré na Póoro. 24Kó Fesetúsu a ma wɔ́rɔ́ enjárá a ye anáá: «Ahumu Agirípa, na vinó bimé ává no ámó na visó ééna, néménáno moto ojó. Ncumbí wa va Yúdene uŋgimé a má úré ondo ŋgéná na Yerúsareme na wusó wáa, owunde ondo ŋgéná eéná vá járá anáá a ta geréméná o ne sɔ́tɔ́. 25Na mpáá éjé na nóó, ta ená wandá ówó wó eŋgámó anáá índi a geremena na nugwé. Kó ámó ómwané maté a má súsé anáá ogónó wa ahumu maté kójo a me jósyé, ŋgo mó sómbá anáá ŋgo me tómámó ɔkɔ́. 26Amó ta timbé mpaŋá ra wandá anáá tirana ogónó wa ahumu na até éyé é néménámó moto ojó, wandá mwané kówo ŋgo mó uré naá na aŋgísó rá vinó, caké cáké mámó ójó ahumu Agirípa, ukú ójó anáá timbe wandá wá o me tirana hɔ́rɔ́ na máná o me súsé cúcána. 27Esené otómá ówó mwaná wa vimbóo naná ká na ucé rá ŋdɔ́ŋɔ́ wó ámó wejá.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL