Ŋgengéná 21
21
Póoro a endámó na Yerúsareme
1To ma urúkyé vagónó ává na Epése, kó to ma a endá iŋgáana na sitíme. Wenda na Kóso. Isi éyé tíí, To má humé na Rodése, wurúkye ówó ɔkɔ́, to ma enda na patára. 2To ma etíyé sitíme ójó a katé enda na penisíyá, kó to ma naátá ɔ́wɔ́ obáréyá. 3To ma nde húmé berebe na Sípere, kó to tómbáánámó na ihómá mwesye wenda ombyɔnɔ na Siríyá. To wɔ́sɔ́ ámó na Tíiri, ɔ́wɔ́ kó sitíme a ma timbé anáá a sisye vibyá. 4Na Tíiri, to ma atíyé vihoóhóná kó to ma ríí ɔ́wɔ́ emánjéta mbímí nawó. Mwáŋ mwáŋ wa Ireréŋgi awó pusye, vá ma járá na Póoro anáá: «O ta eŋgá enda na Yerúsareme.» 5Vedá o nde humé na mamana na emanjeta to wundo ámó obaráyá anáá to endo ámó na oŋgendɔ́ na wuso. Vámwané bimé vakótó na vaajó vá ma uré orɔŋgɔ ondo se tiraana na ombárá oŋgórá kó to ma kútyué munú na kɔ́ŋgɔ́ ra máŋá anáá to koorana. 6Na nimé éjé wɔ́ɔ́ to ma mana yáakáná ma okandeena. Kó to naatámó na sitime, kó vihoóhóná ví ma wundé na vamwané. 7To ma nde mana oŋgendɔ riso na sitime urikye ówó na Tíiri wenda na potoremayísi. Ɔ́wɔ́ to ma vétíyé vatɔ́wɔ. Kó to ma ríí nawo wusi mbimi. 8Wusi ówó ómá taráyá, to ma baráyá viso wenda humé na Cesaráyá, to ma enda na yanje yá Híripi ójó vá kate berana anáá yoja Usi wa Cómó kó to ma rií na yanje yáá. Híripi a ma rií omweesii ójó na vato bárátó na omweesií ává vá má ijé na Yerúsareme anáá va erééna vato manyá. 9A ma timbé ŋgwande iní íjí kím, kó vá katé rií vahúmíye maró vá Irɔŋgɔ. 10To ma rí to eŋga metúú mbunu ɔ́wɔ́, kó ahúmíye maró omo vá béráana anáá Agabúsu ondo uré ówó na Yúdeyá, 11a ma uré ondo so ená kó a ma wɔ́rɔ́ nkandá wa Póoro a ma váwótá embɔɔ́ na eŋgoró, kó eŋgámó anáá: «Mwáŋ mwáŋ wa Ireréŋgi a ojámó anáá: Na Yerúsareme, njwé rá va Yúdene í né wótámó moto wa nkándá ojó anáná, ondo me kava na vato ává va ta ámó va Yúdene.» 12Ará to ma ová náná, visó na vatɔ́wɔ ává na Cesaráyá to ma me deekáná na ŋguru iŋgimé anáá ómwané ka enda na Yerúsareme. 13Kó Póoro a wó wúndiyámó anáá: «Na wusó wá até kówo no waŋgámó? No ncaronámó otémá! Noó, na wusó wá ebérááná yá Okí Yésusu, ndo ámó berebe anáá ŋgo va mice vá ŋgotá mbenɔ́ anáá indi váŋgoná na Yerúsareme.» 14Amó to ta piti weŋga anáá indi atɔ́wɔ́ na obiriki, kó to eŋgámó anáá: «Okí Yésusu, ŋgá mbáŋgéná rɔɔ yo eŋgavena!» 15Na nimé ra vaná a metúú, to ma komósáná kó to ma enda na Yerúsareme. 16Vihoóhóná iví na oŋgórá Cesaráyá ví ma nde ose tirana. Wenda na isó na moto omo va bérana anáá Manásono, moto ójó na ihómá ná Sípere. Moto mwané a ma kate ríí ehóóhoná wó etá kɔ́ɔ́m, Na ómwané kó to ma túmbyé wutúú.
Póoro na Yáka na Yerúsareme
17Are to humámó na Yerúsareme, vatɔ́wɔ otimbaana na visó na vitaka. 18Wusí ówó omá taráyá, kó Póoro a ma enda na isó na Yáka. Ɔ́wɔ́ vagónó bimé ává na iwónjá rá vatɔ́wɔ vá ma ríí iwónjá. 19Póoro a wó vatiyámó, a kesyámó o wó tekena ndɔŋɔ́ na wimé ówó Irɔŋgɔ a meŋga na vato ava vá támó va Yúdene kó Irɔŋgɔ a ma me wɔ́rɔ́ ame yeŋga manɔnɔwɔ na mpáá mwané. 20Ará vagónó vá ma ówá wandá mwané vá ma kesye vá eta vaana esawó ra níímí, vá gumiyé Irɔŋgɔ, kó vá kate eŋga na Póoro anáá: «Mbíso, wo enámó va Yúdene, ombunu ó ma bunde vatɔ́wɔ, kó bimé vá béeryámó mbéndɔ́ ra Irɔŋgɔ iŋgimé.» 21Kó vagónó vá ma wunde ojárá na Póoro anáá: «Óvá até éyé vá ma wó ojáná na nótó rɔ́ɔ́, vá ma wó ojáná anáá o yerámó va Yúdene ává vá sɔ́tɔ́mó na raate wa mayɔŋɔ amámó anáá vá mice mbéndɔ́ ra Mósese, anáá vá teŋge anja vaájó, kó hée anáá va mwané ka byɔɔnɔ na tumu ráwó. 22Até sɔ́ kéye to eŋgámó? Esené vá ta né búkyé wová anáá o ámó ará. 23Kaá mámó wéŋga até éyé to vaŋgámó ojárá nɔɔ. To timbámó vato bááné ará ává vá ma eŋgéná Irɔŋgɔ tanó. 24Ndá orɔŋgɔ nawó vá endá o nó húbyé, omana o yáána wandá wimé ówó wó súsévenámó na wusó wáwó. Ɔ́wɔ́ vá waŋgámó o wó mwá icé, kó moto oŋgimé a waŋgámó wijime anáá wandá ówó vá ma járá na wusó wɔ́ɔ́ wó ámó viváná. Kó vá waŋgámó wéna anáá mámó hónó oberyámó mbéndɔ́ ra Mósese. 25To ma tiraná ava vá ta ámó va Yúdene ava vá ma bunde vatɔ́wɔ anáá: Vino ka nyá njambó éjé va eréénámó vihekere ámó mómí, na njambó éjé na miné, na nama éjé vá mó otá itoki, Vinó ka eŋga ibamba.» 26Kó Póoro a ma enda na vato ává bááné wusí ówó o ma taráyá. Póoro endo ámó nawó na o nde me húbyé kó vá endo ámó na yanje yá Irɔŋgɔ, anáá vá nde cyé isí eyé a me moto a waŋgámó o nde erééna mómí ráá, ará ohúbyé ó né manámó.
Vá ambáanámó Póoro naáté yá yanje yá Irɔŋgɔ
27Metúú ámá máráátó na umwéesií má ma ríí ma etá mana, kó va Yúdene ává na cí ra Asíya vá ma ená Póoro na yanje yá Irɔŋgɔ kó vá ma púsyé vato anáá vá me ambaana. 28Vá katé rume anáá: «Aá Vato ává na ísayéere, uranó no nde só aká! Moto ójó, pandó iŋgimé éjé a ámó, a eréénámó vato bimé ombé wa ehoóhona ójó a ndeérámó noyɔŋɔ ná visó, na mbéndɔ́ ra Mósese kó na yanje yá Irɔŋgɔ. A má iŋgíyé honó va Geréke ɔ́wɔ́, naná kówo a byéndyámó mwáŋ mwáŋ wa pandó ojó.» 29Vá ma járá naná esene éyé vá ma ená Póoro a ndenda na Toropíme ójó na Epése naáté yá oŋgórá, kó vá ma buŋgáná anáá a ma endá naá naáté yá yanje yá Irɔŋgɔ. 30Oŋgórá oŋgimé ó ma késyé oveérye, kó ncumbi a vato a kate onde urána pere iŋgimé, vá ma mambáána omó nɔ na naŋgáté rá yanje yá Irɔŋgɔ, kaá ohirana obendeéna ehótó. 31Vato vá kate sɔ́sɔ́ anáá va oná Póoro. Ɔ́wɔ́ kówo ogónó wa njwé wa visimbí vyá Roméne a má ová anáá oŋgórá ra Yerúsareme óŋgímé o dúútanámó. 32A ma wɔ́rɔ́ visimbí orɔŋgɔ na va njwé ávámó kó vá bárámó otétá obyɔnɔ owó vato. Ará vato vá ma ená ogónó wa njwé wa visímbi na visimbi ivyomó, vá ma tɔɔ́ onúbé Póoro. 33Kó, ogónó wa njwé wa visimbi a ma kérá, a ye anáá vá ambáána Póoro vá me wotá na masóŋó máváné. Kó a susámó anáá: «Moto ójó a ámó ane? A mó eŋga até?» 34Vedá vato va kate rume, ává vá járá ówó, ává vá járá wundye, a ta ma kate ová ówó vá kate járá esene éyé enjárá e ma ríí mbunu. Kó a ma eŋgá anáá vá endá na Póoro na okáŋá ráwó. 35Ará Póoro a má humé berebe na enááténá yá ohótó, kó visimbi ví ma me byaá, esene éyé vato vá kate o me byɔ́ɔ́nɔ́ vá ríí tááse na mbésé. 36Wó je ríí anáá, ncumbi a vato a kate ome byɔ́ɔ́nɔ a rume anáá: «A gwe! A gwé.»
Póoro a váháŋgánámó na aŋgísó rá va Yúdene
37Ará e má humé anáá Póoro a iŋgaana naáté a okaŋ rá visimbi, a susámó ogónó wa njwé wa visimbi anáá: «Yé pityámó ojárá epeŋge?» Kó ogónó wa njwé ame susámó anáá: «Ndeke wo ijimámó ojárá to Geréke? 38Náná wó ámó anáá o ta ámó sɔ́ mwaa Egíptene ójó metúú amá, ójó a má oná isɔ́kɔ́ wenda na vato tɔɔsini ini na ekweté yá edɔŋgɔ ukú ójó anáá vá pékáana na ŋgɔ́mɔnɔ?» 39Póoro eŋgámó anáá: «Noó ndo ámó mwaná wa Yúdene ójó na oŋgórá ra Tárasa na edɔŋgɔ éyé na Ciricíyá. Ndo ámó moto wa edɔŋgɔ ójo na ekáné yá oŋgórá éjé vato ombunu va ijimámó, ŋgé wa diŋge pwámó ŋguru indi njárá na noyoŋɔ namé.» 40Ogónó wa njwé wa vabya vikperé a ma me erééna ŋguru anáá a járá. Póoro, eténé na enaáténá yá ohótó, ama eŋga ndémé na ombɔɔ na ncumbi a vato anáá vá tambá. Kó vá ma támbá puk. Póoro a má járá nawó na enjárá rá va Yúdene.
လက္ရွိေရြးခ်ယ္ထားမွု
Ŋgengéná 21: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
Ŋgengéná 21
21
Póoro a endámó na Yerúsareme
1To ma urúkyé vagónó ává na Epése, kó to ma a endá iŋgáana na sitíme. Wenda na Kóso. Isi éyé tíí, To má humé na Rodése, wurúkye ówó ɔkɔ́, to ma enda na patára. 2To ma etíyé sitíme ójó a katé enda na penisíyá, kó to ma naátá ɔ́wɔ́ obáréyá. 3To ma nde húmé berebe na Sípere, kó to tómbáánámó na ihómá mwesye wenda ombyɔnɔ na Siríyá. To wɔ́sɔ́ ámó na Tíiri, ɔ́wɔ́ kó sitíme a ma timbé anáá a sisye vibyá. 4Na Tíiri, to ma atíyé vihoóhóná kó to ma ríí ɔ́wɔ́ emánjéta mbímí nawó. Mwáŋ mwáŋ wa Ireréŋgi awó pusye, vá ma járá na Póoro anáá: «O ta eŋgá enda na Yerúsareme.» 5Vedá o nde humé na mamana na emanjeta to wundo ámó obaráyá anáá to endo ámó na oŋgendɔ́ na wuso. Vámwané bimé vakótó na vaajó vá ma uré orɔŋgɔ ondo se tiraana na ombárá oŋgórá kó to ma kútyué munú na kɔ́ŋgɔ́ ra máŋá anáá to koorana. 6Na nimé éjé wɔ́ɔ́ to ma mana yáakáná ma okandeena. Kó to naatámó na sitime, kó vihoóhóná ví ma wundé na vamwané. 7To ma nde mana oŋgendɔ riso na sitime urikye ówó na Tíiri wenda na potoremayísi. Ɔ́wɔ́ to ma vétíyé vatɔ́wɔ. Kó to ma ríí nawo wusi mbimi. 8Wusi ówó ómá taráyá, to ma baráyá viso wenda humé na Cesaráyá, to ma enda na yanje yá Híripi ójó vá kate berana anáá yoja Usi wa Cómó kó to ma rií na yanje yáá. Híripi a ma rií omweesii ójó na vato bárátó na omweesií ává vá má ijé na Yerúsareme anáá va erééna vato manyá. 9A ma timbé ŋgwande iní íjí kím, kó vá katé rií vahúmíye maró vá Irɔŋgɔ. 10To ma rí to eŋga metúú mbunu ɔ́wɔ́, kó ahúmíye maró omo vá béráana anáá Agabúsu ondo uré ówó na Yúdeyá, 11a ma uré ondo so ená kó a ma wɔ́rɔ́ nkandá wa Póoro a ma váwótá embɔɔ́ na eŋgoró, kó eŋgámó anáá: «Mwáŋ mwáŋ wa Ireréŋgi a ojámó anáá: Na Yerúsareme, njwé rá va Yúdene í né wótámó moto wa nkándá ojó anáná, ondo me kava na vato ává va ta ámó va Yúdene.» 12Ará to ma ová náná, visó na vatɔ́wɔ ává na Cesaráyá to ma me deekáná na ŋguru iŋgimé anáá ómwané ka enda na Yerúsareme. 13Kó Póoro a wó wúndiyámó anáá: «Na wusó wá até kówo no waŋgámó? No ncaronámó otémá! Noó, na wusó wá ebérááná yá Okí Yésusu, ndo ámó berebe anáá ŋgo va mice vá ŋgotá mbenɔ́ anáá indi váŋgoná na Yerúsareme.» 14Amó to ta piti weŋga anáá indi atɔ́wɔ́ na obiriki, kó to eŋgámó anáá: «Okí Yésusu, ŋgá mbáŋgéná rɔɔ yo eŋgavena!» 15Na nimé ra vaná a metúú, to ma komósáná kó to ma enda na Yerúsareme. 16Vihoóhóná iví na oŋgórá Cesaráyá ví ma nde ose tirana. Wenda na isó na moto omo va bérana anáá Manásono, moto ójó na ihómá ná Sípere. Moto mwané a ma kate ríí ehóóhoná wó etá kɔ́ɔ́m, Na ómwané kó to ma túmbyé wutúú.
Póoro na Yáka na Yerúsareme
17Are to humámó na Yerúsareme, vatɔ́wɔ otimbaana na visó na vitaka. 18Wusí ówó omá taráyá, kó Póoro a ma enda na isó na Yáka. Ɔ́wɔ́ vagónó bimé ává na iwónjá rá vatɔ́wɔ vá ma ríí iwónjá. 19Póoro a wó vatiyámó, a kesyámó o wó tekena ndɔŋɔ́ na wimé ówó Irɔŋgɔ a meŋga na vato ava vá támó va Yúdene kó Irɔŋgɔ a ma me wɔ́rɔ́ ame yeŋga manɔnɔwɔ na mpáá mwané. 20Ará vagónó vá ma ówá wandá mwané vá ma kesye vá eta vaana esawó ra níímí, vá gumiyé Irɔŋgɔ, kó vá kate eŋga na Póoro anáá: «Mbíso, wo enámó va Yúdene, ombunu ó ma bunde vatɔ́wɔ, kó bimé vá béeryámó mbéndɔ́ ra Irɔŋgɔ iŋgimé.» 21Kó vagónó vá ma wunde ojárá na Póoro anáá: «Óvá até éyé vá ma wó ojáná na nótó rɔ́ɔ́, vá ma wó ojáná anáá o yerámó va Yúdene ává vá sɔ́tɔ́mó na raate wa mayɔŋɔ amámó anáá vá mice mbéndɔ́ ra Mósese, anáá vá teŋge anja vaájó, kó hée anáá va mwané ka byɔɔnɔ na tumu ráwó. 22Até sɔ́ kéye to eŋgámó? Esené vá ta né búkyé wová anáá o ámó ará. 23Kaá mámó wéŋga até éyé to vaŋgámó ojárá nɔɔ. To timbámó vato bááné ará ává vá ma eŋgéná Irɔŋgɔ tanó. 24Ndá orɔŋgɔ nawó vá endá o nó húbyé, omana o yáána wandá wimé ówó wó súsévenámó na wusó wáwó. Ɔ́wɔ́ vá waŋgámó o wó mwá icé, kó moto oŋgimé a waŋgámó wijime anáá wandá ówó vá ma járá na wusó wɔ́ɔ́ wó ámó viváná. Kó vá waŋgámó wéna anáá mámó hónó oberyámó mbéndɔ́ ra Mósese. 25To ma tiraná ava vá ta ámó va Yúdene ava vá ma bunde vatɔ́wɔ anáá: Vino ka nyá njambó éjé va eréénámó vihekere ámó mómí, na njambó éjé na miné, na nama éjé vá mó otá itoki, Vinó ka eŋga ibamba.» 26Kó Póoro a ma enda na vato ává bááné wusí ówó o ma taráyá. Póoro endo ámó nawó na o nde me húbyé kó vá endo ámó na yanje yá Irɔŋgɔ, anáá vá nde cyé isí eyé a me moto a waŋgámó o nde erééna mómí ráá, ará ohúbyé ó né manámó.
Vá ambáanámó Póoro naáté yá yanje yá Irɔŋgɔ
27Metúú ámá máráátó na umwéesií má ma ríí ma etá mana, kó va Yúdene ává na cí ra Asíya vá ma ená Póoro na yanje yá Irɔŋgɔ kó vá ma púsyé vato anáá vá me ambaana. 28Vá katé rume anáá: «Aá Vato ává na ísayéere, uranó no nde só aká! Moto ójó, pandó iŋgimé éjé a ámó, a eréénámó vato bimé ombé wa ehoóhona ójó a ndeérámó noyɔŋɔ ná visó, na mbéndɔ́ ra Mósese kó na yanje yá Irɔŋgɔ. A má iŋgíyé honó va Geréke ɔ́wɔ́, naná kówo a byéndyámó mwáŋ mwáŋ wa pandó ojó.» 29Vá ma járá naná esene éyé vá ma ená Póoro a ndenda na Toropíme ójó na Epése naáté yá oŋgórá, kó vá ma buŋgáná anáá a ma endá naá naáté yá yanje yá Irɔŋgɔ. 30Oŋgórá oŋgimé ó ma késyé oveérye, kó ncumbi a vato a kate onde urána pere iŋgimé, vá ma mambáána omó nɔ na naŋgáté rá yanje yá Irɔŋgɔ, kaá ohirana obendeéna ehótó. 31Vato vá kate sɔ́sɔ́ anáá va oná Póoro. Ɔ́wɔ́ kówo ogónó wa njwé wa visimbí vyá Roméne a má ová anáá oŋgórá ra Yerúsareme óŋgímé o dúútanámó. 32A ma wɔ́rɔ́ visimbí orɔŋgɔ na va njwé ávámó kó vá bárámó otétá obyɔnɔ owó vato. Ará vato vá ma ená ogónó wa njwé wa visímbi na visimbi ivyomó, vá ma tɔɔ́ onúbé Póoro. 33Kó, ogónó wa njwé wa visimbi a ma kérá, a ye anáá vá ambáána Póoro vá me wotá na masóŋó máváné. Kó a susámó anáá: «Moto ójó a ámó ane? A mó eŋga até?» 34Vedá vato va kate rume, ává vá járá ówó, ává vá járá wundye, a ta ma kate ová ówó vá kate járá esene éyé enjárá e ma ríí mbunu. Kó a ma eŋgá anáá vá endá na Póoro na okáŋá ráwó. 35Ará Póoro a má humé berebe na enááténá yá ohótó, kó visimbi ví ma me byaá, esene éyé vato vá kate o me byɔ́ɔ́nɔ́ vá ríí tááse na mbésé. 36Wó je ríí anáá, ncumbi a vato a kate ome byɔ́ɔ́nɔ a rume anáá: «A gwe! A gwé.»
Póoro a váháŋgánámó na aŋgísó rá va Yúdene
37Ará e má humé anáá Póoro a iŋgaana naáté a okaŋ rá visimbi, a susámó ogónó wa njwé wa visimbi anáá: «Yé pityámó ojárá epeŋge?» Kó ogónó wa njwé ame susámó anáá: «Ndeke wo ijimámó ojárá to Geréke? 38Náná wó ámó anáá o ta ámó sɔ́ mwaa Egíptene ójó metúú amá, ójó a má oná isɔ́kɔ́ wenda na vato tɔɔsini ini na ekweté yá edɔŋgɔ ukú ójó anáá vá pékáana na ŋgɔ́mɔnɔ?» 39Póoro eŋgámó anáá: «Noó ndo ámó mwaná wa Yúdene ójó na oŋgórá ra Tárasa na edɔŋgɔ éyé na Ciricíyá. Ndo ámó moto wa edɔŋgɔ ójo na ekáné yá oŋgórá éjé vato ombunu va ijimámó, ŋgé wa diŋge pwámó ŋguru indi njárá na noyoŋɔ namé.» 40Ogónó wa njwé wa vabya vikperé a ma me erééna ŋguru anáá a járá. Póoro, eténé na enaáténá yá ohótó, ama eŋga ndémé na ombɔɔ na ncumbi a vato anáá vá tambá. Kó vá ma támbá puk. Póoro a má járá nawó na enjárá rá va Yúdene.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL