1 Korénte 8
8
Njámbó íjí vá mómyámó va sambé vá vihekere
1Na até éyé é néménámó njámbó íjí vá éréenanámó ámó mómí na va sambé vá vihekere, wó ámó vatɔ́ɔ́tɔ́ anáá visó bimé to jembámó, ámó no járámó. Vedá njembéná yo eŋgámó anáá moto húsyé na mebúnú, hɔrɔ́ andiŋgé ámwané a gúníye iwónjá. 2Ŋgé moto a búŋgáná anáá a jembámó wandá womó, a ré rií ka jembe ámó vá geremenámó ojembe. 3Vedá ŋgé moto a diŋgé Irɔŋgɔ, Irɔŋgɔ a me jembámó.
4Kaá ye to hítyámó onyá njambó éjé vá eréenámó va sambé vá vihekere? To jembámó wusi na wusi anáá va sambé vá vihekere vá ta ámó na cí ra ndono, sambé a ámó bɛ́ŋ umweesíi, Irɔŋgɔ. 5Wó ámó náná, vato vámó vá járámó anáá va sambé vá ámó na máná kó vá ámó na cí. Kó wó ámó vatɔ́ɔ́tɔ́, vámwané vá búŋganámó anáá ombunu rá va sambé vá ámó ɔ́wɔ́ na ombunu rá vakí. 6Vedá na até éyé é só néménámó visó, Irɔŋgɔ a ámó bɛ́ŋ umwesií: Wó ámó Tetáŋgá. Wimé wó urámó na ómwané, kó na wusó wáa kówo to sɔ́tɔ́mó. Kó Okí a ámó bɛ́ŋ umwesií: Wó ámó Yésusu Kirítu. Ómwané kójo a ma koŋgá motéé mwimé, kó ómwané kójo a eŋgámó anáá to sɔ́tɔ́. 7Vedá bimé vá ta jembé náná! Hwɔs tetee ojó, vámó vá katé timbe púrú ra ovásoóriye ówó va sambé vá vihekere. Tetee ojó hée, vá nyámó njambó rá mómí, mámó weŋga anáá vá eréenanámó mwané va sambé vá vihekere njámbó maté. Ceenyí rawó e kénjámó kó vá enámó anáá njámbó mwané e wó síyámó biró. 8Wó je ríi anáá até manyá káma má eŋgámó anáá to ríi berebe na Irɔŋgɔ. Ŋgé to a ríi ka nyá, to ta déŋgyé wandá, ŋgé to a nyá to ta timbé honó wandá. 9No hítyámó weŋga até éyé no vaŋgámó esene éyé no ámó pirí. Vedá vinó okéryé, wopirí mwané wó ta geréméná weŋga anáá va atɔ́wɔ ává vá ré rií ka na mpaŋá ra ŋgɔ́tééná vá obána naáté yá nyéŋgé! 10Esené mámó ójó o timbámó njembéná, ŋgé vá wo ená o rií na onyá naáté yá yanje yá va sambé vá vihekere, até kéyé é né tómbávenámó? Yɔŋsi o né turámó ojo a timbámó ceenyí éjé e kénjámó anáá ómwané honó a nyá njámbó éjé vá eréenámó ámó mómí na va sambé vá vihekere. 11Kó, na wusó wa njembéná rɔɔ, atɔ́wɔ éjé e kénjámó eméje e né obámó, ómwané ójó Kirítu a ma gwé na wusó wáa! 12Ará no eŋgámó va navéne vá vinó wobé kána mwané, kó ará no wundámó wɔbɔ ceenyí rawó éjé e kénjámó naná, wó ámó Kirítu maté kójo no me eŋgámó wobé. 13Wandá mwané kówo, ŋgé manyá káma ma eŋgámó anáá mbísó a obéna naáté yá nyéŋgé, ta mó ne nyá njambó, ukú ójó anáá ndií ka me obye.
လက္ရွိေရြးခ်ယ္ထားမွု
1 Korénte 8: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 8
8
Njámbó íjí vá mómyámó va sambé vá vihekere
1Na até éyé é néménámó njámbó íjí vá éréenanámó ámó mómí na va sambé vá vihekere, wó ámó vatɔ́ɔ́tɔ́ anáá visó bimé to jembámó, ámó no járámó. Vedá njembéná yo eŋgámó anáá moto húsyé na mebúnú, hɔrɔ́ andiŋgé ámwané a gúníye iwónjá. 2Ŋgé moto a búŋgáná anáá a jembámó wandá womó, a ré rií ka jembe ámó vá geremenámó ojembe. 3Vedá ŋgé moto a diŋgé Irɔŋgɔ, Irɔŋgɔ a me jembámó.
4Kaá ye to hítyámó onyá njambó éjé vá eréenámó va sambé vá vihekere? To jembámó wusi na wusi anáá va sambé vá vihekere vá ta ámó na cí ra ndono, sambé a ámó bɛ́ŋ umweesíi, Irɔŋgɔ. 5Wó ámó náná, vato vámó vá járámó anáá va sambé vá ámó na máná kó vá ámó na cí. Kó wó ámó vatɔ́ɔ́tɔ́, vámwané vá búŋganámó anáá ombunu rá va sambé vá ámó ɔ́wɔ́ na ombunu rá vakí. 6Vedá na até éyé é só néménámó visó, Irɔŋgɔ a ámó bɛ́ŋ umwesií: Wó ámó Tetáŋgá. Wimé wó urámó na ómwané, kó na wusó wáa kówo to sɔ́tɔ́mó. Kó Okí a ámó bɛ́ŋ umwesií: Wó ámó Yésusu Kirítu. Ómwané kójo a ma koŋgá motéé mwimé, kó ómwané kójo a eŋgámó anáá to sɔ́tɔ́. 7Vedá bimé vá ta jembé náná! Hwɔs tetee ojó, vámó vá katé timbe púrú ra ovásoóriye ówó va sambé vá vihekere. Tetee ojó hée, vá nyámó njambó rá mómí, mámó weŋga anáá vá eréenanámó mwané va sambé vá vihekere njámbó maté. Ceenyí rawó e kénjámó kó vá enámó anáá njámbó mwané e wó síyámó biró. 8Wó je ríi anáá até manyá káma má eŋgámó anáá to ríi berebe na Irɔŋgɔ. Ŋgé to a ríi ka nyá, to ta déŋgyé wandá, ŋgé to a nyá to ta timbé honó wandá. 9No hítyámó weŋga até éyé no vaŋgámó esene éyé no ámó pirí. Vedá vinó okéryé, wopirí mwané wó ta geréméná weŋga anáá va atɔ́wɔ ává vá ré rií ka na mpaŋá ra ŋgɔ́tééná vá obána naáté yá nyéŋgé! 10Esené mámó ójó o timbámó njembéná, ŋgé vá wo ená o rií na onyá naáté yá yanje yá va sambé vá vihekere, até kéyé é né tómbávenámó? Yɔŋsi o né turámó ojo a timbámó ceenyí éjé e kénjámó anáá ómwané honó a nyá njámbó éjé vá eréenámó ámó mómí na va sambé vá vihekere. 11Kó, na wusó wa njembéná rɔɔ, atɔ́wɔ éjé e kénjámó eméje e né obámó, ómwané ójó Kirítu a ma gwé na wusó wáa! 12Ará no eŋgámó va navéne vá vinó wobé kána mwané, kó ará no wundámó wɔbɔ ceenyí rawó éjé e kénjámó naná, wó ámó Kirítu maté kójo no me eŋgámó wobé. 13Wandá mwané kówo, ŋgé manyá káma ma eŋgámó anáá mbísó a obéna naáté yá nyéŋgé, ta mó ne nyá njambó, ukú ójó anáá ndií ka me obye.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL