1 Korénte 6
6
Va sɔ́mɔnɔ ává na raaté wa va atɔ́wɔ
1Táma éjé no timbámó cáŋgó na raaté wa vinó, no endámó jósyé maró mwané na jwé íjí ka jembe Irɔŋgɔ otómbá anáá no enda na ava vá jémbámó Irɔŋgɔ. Na wusó wá até kówo no eŋgámó naná? 2No ta jembé anáá ava vá ámó vá Irɔŋgɔ vá mó jósyámó cí ra ndono? Kó ŋgé vinó kavá no geremenámó ojósyé cí ra ndono, ye no ta timbé mpímí ra ojósyé ówó vaná vá maró ává ka na mpí? 3No ta jembé anáá visó káva to mó jósyámó va éŋgerese? Ndúmukana mamba ámá na esɔ́tɔ́ eyé! 4Wó je rií anáá ará no timbámó va jósi ukú mwané, no wɔ́rɔ́mó va njwé ává Iwónjá rá vatɔ́wɔ í ta wó wɔ́rɔ́ na ŋgava! 5Njárámó náná esene éyé wó ámó woswéni na wusó wa vinó. Moto omweesií ojó na vinó a ta mó na peyɔ, anáá a héndá esene éyé na raaté wa kiritene na sɔ́ɔ́? 6Vedá kiritene e timbámó enjárá na sɔ́ɔ́, kó no endámó na aŋgísó rá va njwé ává vá atɔ́wɔ́ Kirítu? 7Na ukú uŋgímé, wó etá honó moba anáá no timbe enjárá vinó na vinó! Na wusó wá até kówo no ta atɔ́wɔ́ anáá no meneve ará vá nó eŋgámó wobé? Na wusó wá até kówo no ta micé maté honó anáá vasɔ́ɔ́ vá ibána owo wó ámó wá vinó? 8Kaá vinó káva no eŋgámó vasɔ́ɔ́ wobé no wunde o wó ibáanena, kó vasɔ́ɔ́ mwané wó ámó va navéne vá vinó! 9No ta jembé anáá ava vá eŋgámó wobé vá ta mó timbe pandó na Edɔŋgɔ yá Irɔŋgɔ? Vinó ka vájeénye! Tɔɔ ava vá tímbámó ombé wa esɔ́tɔ́, na ava vá atɔwɔ́mó vambé va Njambé, na ava vá ámó na ibamba, vanómótó ává vá vétémámó na vasɔ́ɔ́ vanómótó, tɔɔ vanómótó ává vá vétémámó na vaná vá vínjára vyá embwene, 10tɔɔ vaŋgúbí, tɔɔ vato vá wuhúwé, tɔɔ ava vá cákámó ovényú mɔwɔ́, na ava vá séyámó vasɔ́ɔ́, na ava vá bɔ́wɔnɔmó motéé mwá vasɔ́ɔ́, vato mwané bimé vá ta mó timbe pandó na Edɔŋgɔ yá Irɔŋgɔ! 11Naná kówo vámó ává na vinó vá má rií na poná. Vedá Irɔŋgɔ wa visó a má nó sowá nyéŋgé, a má nɔ́ ijátá na wusó wáá, ama eŋga anáá no rií diŋgiriŋ na aŋgísó ráa na ebérááná yá Okí Yésusu Kirítu kó na Ireréŋgi éyé Mwáŋ mwáŋ.
Nótó é ámó yanje yá Ireréŋgi éyé Mwáŋ mwáŋ
12Vato vámó vá járámó anáá: «Pítyámó weŋga wanda wimé owó mbaŋgámó.» Eéŋ, vedá mwime wó ta ámó na mpí wusó wa vinó. «Pítyámó weŋga wanda wimé owó mbaŋgámó.» Wó ámó vatɔ́ɔ́tɔ́, vedá ta diŋgé anáá dií mbékí rá wandá womó. 13No járámó hónó anáá: «Manyá maámó na wusó ibumu kó ibumu no ámó na wusó wa manyá.» Ééŋ, vedá Irɔŋgɔ a mó deérámó manyá na ibumu. Kó hée to ta hiti ocácava na nótó ra visó. Nótó é ámó na wusó wá Okí, kó Okí a ámó na wusó wá nótó. 14Irɔŋgɔ a má honóná Okí na nugwé, kó visó hónó a mó só hónónámó na nugwé na ŋguru ráá. 15Nótó ra vinó í ámó vikava yá nótó ra Kirítu, no ta jembé náná? Kó ye ŋgo né wɔ́rɔ́mó ekava yá nótó yá Kirítu anáá mbúndyé yó etá ekava yá nótó yá okótó ibamba? Mbéndé mbende! 16Ojo a ámó ndata na okótó ibamba a ámó orɔŋgɔ náá nótó imwéésíí, esene éyé va kárate ává mwáŋ mwáŋ vá járámó anáá: «Vato áva váváné vá mó riyámó notó emweesií.» 17Vedá ójo a ámó ndata na Okí naáté otémá ráá, a mó riyámó ámó moto umweesií orɔŋgɔ náá. 18Bɔ́nɔ́no osɔ́tɔ́ ówó cácacá, esene éyé nyéŋgé iŋgime íjí vato vá pityámó weŋga í ta tááténá nótó, vedá ŋgé moto a cácává na esɔ́tɔ́ a eŋgámó wobé na nótó ráá maté. 19No ta jembé anáá nótó rá vinó e ámó yanje yá Ireréŋgi éyé Mwáŋ mwáŋ? No ta jembé honó anáá Ireréŋgi mwané é ámó na vinó, kó Irɔŋgɔ kójó a má nó hwá? No ta ovááná na vinó maté. 20Irɔŋgɔ a má nó kusé diyá nasesi ukú ójó anáá no rií pirí. Kaá eréénáno sɔ́ Irɔŋgɔ niimí na nótó ra vinó!
လက္ရွိေရြးခ်ယ္ထားမွု
1 Korénte 6: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 6
6
Va sɔ́mɔnɔ ává na raaté wa va atɔ́wɔ
1Táma éjé no timbámó cáŋgó na raaté wa vinó, no endámó jósyé maró mwané na jwé íjí ka jembe Irɔŋgɔ otómbá anáá no enda na ava vá jémbámó Irɔŋgɔ. Na wusó wá até kówo no eŋgámó naná? 2No ta jembé anáá ava vá ámó vá Irɔŋgɔ vá mó jósyámó cí ra ndono? Kó ŋgé vinó kavá no geremenámó ojósyé cí ra ndono, ye no ta timbé mpímí ra ojósyé ówó vaná vá maró ává ka na mpí? 3No ta jembé anáá visó káva to mó jósyámó va éŋgerese? Ndúmukana mamba ámá na esɔ́tɔ́ eyé! 4Wó je rií anáá ará no timbámó va jósi ukú mwané, no wɔ́rɔ́mó va njwé ává Iwónjá rá vatɔ́wɔ í ta wó wɔ́rɔ́ na ŋgava! 5Njárámó náná esene éyé wó ámó woswéni na wusó wa vinó. Moto omweesií ojó na vinó a ta mó na peyɔ, anáá a héndá esene éyé na raaté wa kiritene na sɔ́ɔ́? 6Vedá kiritene e timbámó enjárá na sɔ́ɔ́, kó no endámó na aŋgísó rá va njwé ává vá atɔ́wɔ́ Kirítu? 7Na ukú uŋgímé, wó etá honó moba anáá no timbe enjárá vinó na vinó! Na wusó wá até kówo no ta atɔ́wɔ́ anáá no meneve ará vá nó eŋgámó wobé? Na wusó wá até kówo no ta micé maté honó anáá vasɔ́ɔ́ vá ibána owo wó ámó wá vinó? 8Kaá vinó káva no eŋgámó vasɔ́ɔ́ wobé no wunde o wó ibáanena, kó vasɔ́ɔ́ mwané wó ámó va navéne vá vinó! 9No ta jembé anáá ava vá eŋgámó wobé vá ta mó timbe pandó na Edɔŋgɔ yá Irɔŋgɔ? Vinó ka vájeénye! Tɔɔ ava vá tímbámó ombé wa esɔ́tɔ́, na ava vá atɔwɔ́mó vambé va Njambé, na ava vá ámó na ibamba, vanómótó ává vá vétémámó na vasɔ́ɔ́ vanómótó, tɔɔ vanómótó ává vá vétémámó na vaná vá vínjára vyá embwene, 10tɔɔ vaŋgúbí, tɔɔ vato vá wuhúwé, tɔɔ ava vá cákámó ovényú mɔwɔ́, na ava vá séyámó vasɔ́ɔ́, na ava vá bɔ́wɔnɔmó motéé mwá vasɔ́ɔ́, vato mwané bimé vá ta mó timbe pandó na Edɔŋgɔ yá Irɔŋgɔ! 11Naná kówo vámó ává na vinó vá má rií na poná. Vedá Irɔŋgɔ wa visó a má nó sowá nyéŋgé, a má nɔ́ ijátá na wusó wáá, ama eŋga anáá no rií diŋgiriŋ na aŋgísó ráa na ebérááná yá Okí Yésusu Kirítu kó na Ireréŋgi éyé Mwáŋ mwáŋ.
Nótó é ámó yanje yá Ireréŋgi éyé Mwáŋ mwáŋ
12Vato vámó vá járámó anáá: «Pítyámó weŋga wanda wimé owó mbaŋgámó.» Eéŋ, vedá mwime wó ta ámó na mpí wusó wa vinó. «Pítyámó weŋga wanda wimé owó mbaŋgámó.» Wó ámó vatɔ́ɔ́tɔ́, vedá ta diŋgé anáá dií mbékí rá wandá womó. 13No járámó hónó anáá: «Manyá maámó na wusó ibumu kó ibumu no ámó na wusó wa manyá.» Ééŋ, vedá Irɔŋgɔ a mó deérámó manyá na ibumu. Kó hée to ta hiti ocácava na nótó ra visó. Nótó é ámó na wusó wá Okí, kó Okí a ámó na wusó wá nótó. 14Irɔŋgɔ a má honóná Okí na nugwé, kó visó hónó a mó só hónónámó na nugwé na ŋguru ráá. 15Nótó ra vinó í ámó vikava yá nótó ra Kirítu, no ta jembé náná? Kó ye ŋgo né wɔ́rɔ́mó ekava yá nótó yá Kirítu anáá mbúndyé yó etá ekava yá nótó yá okótó ibamba? Mbéndé mbende! 16Ojo a ámó ndata na okótó ibamba a ámó orɔŋgɔ náá nótó imwéésíí, esene éyé va kárate ává mwáŋ mwáŋ vá járámó anáá: «Vato áva váváné vá mó riyámó notó emweesií.» 17Vedá ójo a ámó ndata na Okí naáté otémá ráá, a mó riyámó ámó moto umweesií orɔŋgɔ náá. 18Bɔ́nɔ́no osɔ́tɔ́ ówó cácacá, esene éyé nyéŋgé iŋgime íjí vato vá pityámó weŋga í ta tááténá nótó, vedá ŋgé moto a cácává na esɔ́tɔ́ a eŋgámó wobé na nótó ráá maté. 19No ta jembé anáá nótó rá vinó e ámó yanje yá Ireréŋgi éyé Mwáŋ mwáŋ? No ta jembé honó anáá Ireréŋgi mwané é ámó na vinó, kó Irɔŋgɔ kójó a má nó hwá? No ta ovááná na vinó maté. 20Irɔŋgɔ a má nó kusé diyá nasesi ukú ójó anáá no rií pirí. Kaá eréénáno sɔ́ Irɔŋgɔ niimí na nótó ra vinó!
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL