1 Korénte 14
14
Ohúmíye ówó maró má Irɔŋgɔ na ojárá ówó enjárá kána kána
1Manáno sɔsɔ andiŋgé. Támáno até éyé Mwáŋ mwáŋ wa Ireréŋgi a eréenámó, caké caké ohúmíye ówó maró má Irɔŋgɔ. 2Ojo a járámó enjárá éjé moto a ta ová a ta járá na vato, a járámó na Irɔŋgɔ, esene éyé moto a ta ová até éyé a peseriyámó. Na ŋguru ra mwáŋ mwáŋ wa ireréŋgi, a ojámó mamba má ndímbe. 3Vedá ojo a ojámó comó ra Irɔŋgɔ, a járámó na vato ukú ójó anáá ŋgɔ́tééná rawó e goná, kó a wó rébámó a wunde o wó rérye nótó. 4Ojo a járámó enjárá éjé moto a ta ová a gúníyámó ŋgɔ́tééná raá maté, vedá ojo a ojámó comó ra Irɔŋgɔ a gúníyámó ŋgɔ́tééná ra iwónjá iŋgimé. 5Ndiŋgámó sáá anáá vinó bimé no járá enjárá éjé moto a ta ová, vedá ŋgo námó caka odiŋge anáá no oja comó ra Irɔŋgɔ. Esené woja ówó comó ra Irɔŋgɔ wó ámó na mpí otómbá ojárá ówó enjárá éjé moto a ta ová, mámó siki anáá moto a ámó ɔ́wɔ́ ójó a keriyámó ukú ójó anáá iwónjá iŋgímé í góná. 6Va mbísó, ŋgáno to no wɔ́rɔ́ eheyá anáá ŋgo urámó na vinó, noó okésyé o nó járéna enjárá éjé moto a ta ová, wó a ríi anáá vipéŋgé vyámé ví ta nó hwá wandá ówó moto wová wusi na wusi, ítɔɔ njembéná, tɔɔ cómó ra Irɔŋgɔ, tɔɔ ehoóhona emó, owaté wandá wá mpí kówo ŋgo mó éŋga na wusó wá vinó? 7Wó ámó sɛ́ɛm wa wandá na motéé úmú vá wóbámó mesíkí numú ámó koróŋgó tɔɔ iŋgombí. Mií ráwó yó a ríi ka rií káná kána, twiŋí kówo moto a hítyámó ojembe anáá oowó ítɔɔ oowó kówo wó káte wóbá? 8Kó cévá yo a ríi ka tɔ́ŋgéta mpáŋá, áné kójo a né váheéhendámó na wusó wá vitá. 9Vinó honó sɛ́ɛm, twiŋí kówo vá né ovámó até éyé no diŋgámó anáá no járá ŋgé no a timbááná na vipéŋgé íví moto a ta ová? Enjárá ra vinó e ámó bɛ́ŋ pepenɔ! 10Virémbé vyá enjárá ví ámó nyetete na cí ra ndono, kó emó é ta ámó ɔ́wɔ́ éyé é ta timbéŋgowáánéná. 11Wó je rií anáá, ŋgo a ríi ka jembe enjárá ra moto ójó a járámó name, ndo ámó uŋginí na wusó waá, kó ómwané honó a ámó uŋginí na wusó wamé. 12Wó ámó sɛ́ɛm wa wandá na wusó wá vinó! Amó no sɔsɔmó kɔskɔs mamba ámá Ireréŋgi éyé Mwáŋ mwáŋ yó eréenámó, ndáno na wusó kó siki wó géremenámó orií ukú ójó anáá Iwónjá rá vatɔ́wɔ í góná. 13Wandá mwané kówo ojo a járámó eŋjárá éjé moto a ta ová a geremenamó ovásoóriye ukú ójó anáá a jembe okeriye enjárá mwané. 14Esené ŋgo a kóóráná na eŋjárá éjé moto a ta ová, ireréŋgi yámé é ámó na mbásóóríyé vedá peyɔ rame e ta nɔnɔ́wɔ́.
15Táma mwané ŋgo né eŋgámó twiŋí? Ŋgo né vásoóriyámó na ireréŋgi yámé kó ŋgo né vásoóriyámó honó na peyɔ rame. Ŋgo né vaánamó esawo na ireréŋgi yámé kó ŋgo né vaánamó honó esawo na peyɔ rame. 16Esené ŋgé wo a téŋgyé Irɔŋgɔ bɛ́ŋ na otémá rɔɔ́, ojo ómwané a mó uré anáá a nó vátɔ́rɔ́ a ta né jembe até éyé o káte járá, kó twiŋí kówo a né hítyámó ojárá anáá «Wó rií naná,» na mbásóóríyé rɔɔ? 17Wó ámó vatɔ́ɔ́tɔ́ anáá mbásóóríyé rɔɔ mwané e nyevámó nasesi, vedá e ta héríbyé vasɔ́ɔ́ anáá vá góná. 18Téŋgyámó Irɔŋgɔ esene éyé njárámó enjárá éjé moto a ta jembé otómbá vinó bimé. 19Vedá naáté yá iwónjá rá vatɔ́wɔ, taátá a ámó anáá njárá vipéŋgé vítáánó íví vató vá ovámó otómbá anáá njárá vipéŋgé toósini yábɔ́t na enjárá éjé moto a ta jembé. Ɔ́wɔ́, ŋgo wó yeérámó vámwané honó mwaná wa wandá. 20Va mbísó, na mbuŋgáná rá vinó, vinó ka rií vaájó. Na weŋga ówó wobé, ɛɛŋ ríyáno mubɔbɔkɔ, vedá na mbuŋgáná, ríyáno vagónó vá vato. 21Naáté yá va kárate ává mwáŋ mwáŋ, Okí a járámó anáá: «Ŋgo mó tímbáánámó na vato ává vá járámó erémbé yá enjárá índyé ukú ójó anáá járá na noyɔŋɔ ná Ísayéere, ŋgo mó járámó nawó na uŋgúté rá biní, ítɔɔ naná, vá ta mó mbátɔ́rɔ́.»
22Táma mwané sɔ́, ojárá ówó enjárá indyeé wó ámó ndeme na wusó wá ava vá ta atɔ́wɔ́, kó wó ta ámó ndeme na wusó wá ava vá atɔ́wɔmó. Kaá táma éjé moto a járámó na ebérááná yá Irɔŋgɔ, wó ámó ndeme na wusó wá ava vá atɔ́wɔmó, kó wó ta héríbyé na wandá na wusó wá ava vá ta atɔ́wɔ́. 23Ŋgáno to no wɔ́rɔ́ eheyá anáá Iwónjá rá vatɔ́wɔ iŋgímé í ámó wónjéénérí, kó bimé vá késyámó ojárá enjárá éjé moto ka ová. Vato véndyé na vato ává vá ta atɔ́wɔ́ vá uré pandó éjé no ámó, vá ta né buŋgana anáá no ámó byejá? 24Vedá bimé vá ojá maró má Irɔŋgɔ, ojo ka atɔ́wɔ ítɔɔ ojo a mó uré bɛ́ŋ ondo nó vátɔ́rɔ́, ará a né iŋgáanámó a né enámó wobé wáa na até éyé a né ovámó kó a né nuútanámó anáá bimé vá káte me jósyé. 25Mamba ámá aséénérí naáté yá otémá ráa má né enéyámó ndéŋgerééŋ, a né obámó munú, wusó na cí, a né gúmíyámó Irɔŋgɔ kó a né memámó anáá Irɔŋgɔ a ámó mwané na raaté wa vinó.
Mukwááná mwá Iwónjá rá vatɔ́wɔ
26Kaá va mbísó, twiŋí kówo no geremenámó weŋga? Táma éjé no ámó wónjéénérí, ámó moto a hítyámó ovaána osawo ítɔɔ ohóhíye vasɔ́ɔ́, omo a hítyámó woja mamba má ndímbe, ojárá virémbé vyá enjárá víndyé ítɔɔ okeriye. Vedá wimé omówo wó géremenámó ohéríbye anáá iwónjá rá vatɔ́wɔ í góná na ŋgɔ́tééná. 27Vato vá diŋgé anáá vá járá enjárá éjé moto ka jembe, wó géremenámó orií vato vává ítɔɔ vátátó, ómó okésyé, a máná kaá ojomo otáréena, kó moto omo a geremenamó okeriye. 28Moto a ríi ka rií ɔ́wɔ́ wa okeriyé, vámwané otámbá, ámó moto ójó na vámwané ojárá na ómwané maté kó na Irɔŋgɔ. 29Na até éyé é néménámó cómó rá Irɔŋgɔ, vato vává tɔɔ vátátó vá hítyámó ojárá, avámó onimana até éyé vá járámó. 30Vedá Irɔŋgɔ a erééná moto undyeé tévéré, ojo a káte járá a geremenamó otámbá. 31No hítyámó ojárá vinó bimé na ebérááná yá Irɔŋgɔ, vedá wó géremenámó orií anáá oojó okésyé, a máná ojomo obyɔɔnɔ, ukú ójó anáá moto uŋgimé a timbe ehoóhona índi nótó e me rará. 32Ava vá járámó na ebérááná yá Irɔŋgɔ vá jwámó ŋguru éjé yo eŋgámó anáá vá járá. 33Esené Irɔŋgɔ a ta ámó na wusó wá imburyé, vedá a ámó na wusó wá dɔ́ŋgɔrɔ́ɔ́ŋ.
Sɛ́ɛm ámó wó eŋgávenámó na mowónjá mwá vatɔ́wɔ mwimé, 34vakótó vá géremenámó otámbá naáté yá mowónjá. Vá ta timbé ŋguru ra owɔ́rɔ́ ówó enjárá, vá géremenámó ovásísye ámó mbéndɔ́ e járámó. 35Vá díŋgé anáá vá tímbe ntimisaná ra wandá womó, vá géremenámó osúsé vanómótmó váwo na yanje. Wó ámó wandá ówó wó ta ámó wusi anáá okótó a járá naáté yá iwónjá. 36Ye amánowó no buŋganámó anáá na vinó kówo maró má Irɔŋgɔ má ma endá uréna? Ye vinó vaká káva no ma timbé maró mwané? 37Ŋgé moto a buŋgáná anáá a ámó ahúmíye maró ítɔɔ anáá a eŋgámó wandá womó ówó wó urámó na Ireréŋgí, a geremenamó watɔ́wɔ anáá até éyé ŋgo nó tírenámó é ámó mbéndɔ́ emo ra Okí. 38Vedá a ríi ka atɔ́wɔ naná, Irɔŋgɔ honó a ta me jembé.
39Kaá naná va mbísó, manáno sɔsɔ anáá no oja maró má Irɔŋgɔ kó vinó ka kamana anáá avámó vá járá virémbé vyá enjárá víndyé, 40vedá wimé wó géremenámó weŋgavena ámó wó géremenámó ka na imburyé.
လက္ရွိေရြးခ်ယ္ထားမွု
1 Korénte 14: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 14
14
Ohúmíye ówó maró má Irɔŋgɔ na ojárá ówó enjárá kána kána
1Manáno sɔsɔ andiŋgé. Támáno até éyé Mwáŋ mwáŋ wa Ireréŋgi a eréenámó, caké caké ohúmíye ówó maró má Irɔŋgɔ. 2Ojo a járámó enjárá éjé moto a ta ová a ta járá na vato, a járámó na Irɔŋgɔ, esene éyé moto a ta ová até éyé a peseriyámó. Na ŋguru ra mwáŋ mwáŋ wa ireréŋgi, a ojámó mamba má ndímbe. 3Vedá ojo a ojámó comó ra Irɔŋgɔ, a járámó na vato ukú ójó anáá ŋgɔ́tééná rawó e goná, kó a wó rébámó a wunde o wó rérye nótó. 4Ojo a járámó enjárá éjé moto a ta ová a gúníyámó ŋgɔ́tééná raá maté, vedá ojo a ojámó comó ra Irɔŋgɔ a gúníyámó ŋgɔ́tééná ra iwónjá iŋgimé. 5Ndiŋgámó sáá anáá vinó bimé no járá enjárá éjé moto a ta ová, vedá ŋgo námó caka odiŋge anáá no oja comó ra Irɔŋgɔ. Esené woja ówó comó ra Irɔŋgɔ wó ámó na mpí otómbá ojárá ówó enjárá éjé moto a ta ová, mámó siki anáá moto a ámó ɔ́wɔ́ ójó a keriyámó ukú ójó anáá iwónjá iŋgímé í góná. 6Va mbísó, ŋgáno to no wɔ́rɔ́ eheyá anáá ŋgo urámó na vinó, noó okésyé o nó járéna enjárá éjé moto a ta ová, wó a ríi anáá vipéŋgé vyámé ví ta nó hwá wandá ówó moto wová wusi na wusi, ítɔɔ njembéná, tɔɔ cómó ra Irɔŋgɔ, tɔɔ ehoóhona emó, owaté wandá wá mpí kówo ŋgo mó éŋga na wusó wá vinó? 7Wó ámó sɛ́ɛm wa wandá na motéé úmú vá wóbámó mesíkí numú ámó koróŋgó tɔɔ iŋgombí. Mií ráwó yó a ríi ka rií káná kána, twiŋí kówo moto a hítyámó ojembe anáá oowó ítɔɔ oowó kówo wó káte wóbá? 8Kó cévá yo a ríi ka tɔ́ŋgéta mpáŋá, áné kójo a né váheéhendámó na wusó wá vitá. 9Vinó honó sɛ́ɛm, twiŋí kówo vá né ovámó até éyé no diŋgámó anáá no járá ŋgé no a timbááná na vipéŋgé íví moto a ta ová? Enjárá ra vinó e ámó bɛ́ŋ pepenɔ! 10Virémbé vyá enjárá ví ámó nyetete na cí ra ndono, kó emó é ta ámó ɔ́wɔ́ éyé é ta timbéŋgowáánéná. 11Wó je rií anáá, ŋgo a ríi ka jembe enjárá ra moto ójó a járámó name, ndo ámó uŋginí na wusó waá, kó ómwané honó a ámó uŋginí na wusó wamé. 12Wó ámó sɛ́ɛm wa wandá na wusó wá vinó! Amó no sɔsɔmó kɔskɔs mamba ámá Ireréŋgi éyé Mwáŋ mwáŋ yó eréenámó, ndáno na wusó kó siki wó géremenámó orií ukú ójó anáá Iwónjá rá vatɔ́wɔ í góná. 13Wandá mwané kówo ojo a járámó eŋjárá éjé moto a ta ová a geremenamó ovásoóriye ukú ójó anáá a jembe okeriye enjárá mwané. 14Esené ŋgo a kóóráná na eŋjárá éjé moto a ta ová, ireréŋgi yámé é ámó na mbásóóríyé vedá peyɔ rame e ta nɔnɔ́wɔ́.
15Táma mwané ŋgo né eŋgámó twiŋí? Ŋgo né vásoóriyámó na ireréŋgi yámé kó ŋgo né vásoóriyámó honó na peyɔ rame. Ŋgo né vaánamó esawo na ireréŋgi yámé kó ŋgo né vaánamó honó esawo na peyɔ rame. 16Esené ŋgé wo a téŋgyé Irɔŋgɔ bɛ́ŋ na otémá rɔɔ́, ojo ómwané a mó uré anáá a nó vátɔ́rɔ́ a ta né jembe até éyé o káte járá, kó twiŋí kówo a né hítyámó ojárá anáá «Wó rií naná,» na mbásóóríyé rɔɔ? 17Wó ámó vatɔ́ɔ́tɔ́ anáá mbásóóríyé rɔɔ mwané e nyevámó nasesi, vedá e ta héríbyé vasɔ́ɔ́ anáá vá góná. 18Téŋgyámó Irɔŋgɔ esene éyé njárámó enjárá éjé moto a ta jembé otómbá vinó bimé. 19Vedá naáté yá iwónjá rá vatɔ́wɔ, taátá a ámó anáá njárá vipéŋgé vítáánó íví vató vá ovámó otómbá anáá njárá vipéŋgé toósini yábɔ́t na enjárá éjé moto a ta jembé. Ɔ́wɔ́, ŋgo wó yeérámó vámwané honó mwaná wa wandá. 20Va mbísó, na mbuŋgáná rá vinó, vinó ka rií vaájó. Na weŋga ówó wobé, ɛɛŋ ríyáno mubɔbɔkɔ, vedá na mbuŋgáná, ríyáno vagónó vá vato. 21Naáté yá va kárate ává mwáŋ mwáŋ, Okí a járámó anáá: «Ŋgo mó tímbáánámó na vato ává vá járámó erémbé yá enjárá índyé ukú ójó anáá járá na noyɔŋɔ ná Ísayéere, ŋgo mó járámó nawó na uŋgúté rá biní, ítɔɔ naná, vá ta mó mbátɔ́rɔ́.»
22Táma mwané sɔ́, ojárá ówó enjárá indyeé wó ámó ndeme na wusó wá ava vá ta atɔ́wɔ́, kó wó ta ámó ndeme na wusó wá ava vá atɔ́wɔmó. Kaá táma éjé moto a járámó na ebérááná yá Irɔŋgɔ, wó ámó ndeme na wusó wá ava vá atɔ́wɔmó, kó wó ta héríbyé na wandá na wusó wá ava vá ta atɔ́wɔ́. 23Ŋgáno to no wɔ́rɔ́ eheyá anáá Iwónjá rá vatɔ́wɔ iŋgímé í ámó wónjéénérí, kó bimé vá késyámó ojárá enjárá éjé moto ka ová. Vato véndyé na vato ává vá ta atɔ́wɔ́ vá uré pandó éjé no ámó, vá ta né buŋgana anáá no ámó byejá? 24Vedá bimé vá ojá maró má Irɔŋgɔ, ojo ka atɔ́wɔ ítɔɔ ojo a mó uré bɛ́ŋ ondo nó vátɔ́rɔ́, ará a né iŋgáanámó a né enámó wobé wáa na até éyé a né ovámó kó a né nuútanámó anáá bimé vá káte me jósyé. 25Mamba ámá aséénérí naáté yá otémá ráa má né enéyámó ndéŋgerééŋ, a né obámó munú, wusó na cí, a né gúmíyámó Irɔŋgɔ kó a né memámó anáá Irɔŋgɔ a ámó mwané na raaté wa vinó.
Mukwááná mwá Iwónjá rá vatɔ́wɔ
26Kaá va mbísó, twiŋí kówo no geremenámó weŋga? Táma éjé no ámó wónjéénérí, ámó moto a hítyámó ovaána osawo ítɔɔ ohóhíye vasɔ́ɔ́, omo a hítyámó woja mamba má ndímbe, ojárá virémbé vyá enjárá víndyé ítɔɔ okeriye. Vedá wimé omówo wó géremenámó ohéríbye anáá iwónjá rá vatɔ́wɔ í góná na ŋgɔ́tééná. 27Vato vá diŋgé anáá vá járá enjárá éjé moto ka jembe, wó géremenámó orií vato vává ítɔɔ vátátó, ómó okésyé, a máná kaá ojomo otáréena, kó moto omo a geremenamó okeriye. 28Moto a ríi ka rií ɔ́wɔ́ wa okeriyé, vámwané otámbá, ámó moto ójó na vámwané ojárá na ómwané maté kó na Irɔŋgɔ. 29Na até éyé é néménámó cómó rá Irɔŋgɔ, vato vává tɔɔ vátátó vá hítyámó ojárá, avámó onimana até éyé vá járámó. 30Vedá Irɔŋgɔ a erééná moto undyeé tévéré, ojo a káte járá a geremenamó otámbá. 31No hítyámó ojárá vinó bimé na ebérááná yá Irɔŋgɔ, vedá wó géremenámó orií anáá oojó okésyé, a máná ojomo obyɔɔnɔ, ukú ójó anáá moto uŋgimé a timbe ehoóhona índi nótó e me rará. 32Ava vá járámó na ebérááná yá Irɔŋgɔ vá jwámó ŋguru éjé yo eŋgámó anáá vá járá. 33Esené Irɔŋgɔ a ta ámó na wusó wá imburyé, vedá a ámó na wusó wá dɔ́ŋgɔrɔ́ɔ́ŋ.
Sɛ́ɛm ámó wó eŋgávenámó na mowónjá mwá vatɔ́wɔ mwimé, 34vakótó vá géremenámó otámbá naáté yá mowónjá. Vá ta timbé ŋguru ra owɔ́rɔ́ ówó enjárá, vá géremenámó ovásísye ámó mbéndɔ́ e járámó. 35Vá díŋgé anáá vá tímbe ntimisaná ra wandá womó, vá géremenámó osúsé vanómótmó váwo na yanje. Wó ámó wandá ówó wó ta ámó wusi anáá okótó a járá naáté yá iwónjá. 36Ye amánowó no buŋganámó anáá na vinó kówo maró má Irɔŋgɔ má ma endá uréna? Ye vinó vaká káva no ma timbé maró mwané? 37Ŋgé moto a buŋgáná anáá a ámó ahúmíye maró ítɔɔ anáá a eŋgámó wandá womó ówó wó urámó na Ireréŋgí, a geremenamó watɔ́wɔ anáá até éyé ŋgo nó tírenámó é ámó mbéndɔ́ emo ra Okí. 38Vedá a ríi ka atɔ́wɔ naná, Irɔŋgɔ honó a ta me jembé.
39Kaá naná va mbísó, manáno sɔsɔ anáá no oja maró má Irɔŋgɔ kó vinó ka kamana anáá avámó vá járá virémbé vyá enjárá víndyé, 40vedá wimé wó géremenámó weŋgavena ámó wó géremenámó ka na imburyé.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL